SCHOLIA IN ARISTOPHANEM :: Scholia in Lysistratam (scholia vetera)

TLG 5014 010 :: *SCHOLIA IN ARISTOPHANEM* :: Scholia in Lysistratam (scholia vetera) SCHOLIA IN ARISTOPHANEM Schol. (Varia) Scholia in Lysistratam (scholia vetera) Source: Dübner, F. (ed.), Scholia Graeca in Aristophanem. Paris: Didot, 1877 (repr. Hildesheim: Olms, 1969): 248–263. Argumenta: p. 248 Scholia: pp. 248–263 Argumentum 2 (epigramma est): Dup. ANTHOLOGIAE GRAECAE APPENDIX (7052 003) (epigr. 83) Citation: Argumentum-scholion — verse — (line)

arg lys t	ΥΠΟΘΕΣΕΙΣ
arg lys 1	Λυσιστράτης τις Ἀθήνησι τῶν πολιτίδων καὶ τῶν Πε‐ λοποννησίων, ἔτι δὲ καὶ Βοιωτίων γυναικῶν σύλλογον ἐποιήσατο, διαλλαγὰς μηχανωμένη τοῖς Ἕλλησιν· ὀμό‐ σαι δὲ ἀναπείσασα μὴ πρότερον τοῖς ἀνδράσι συνουσιά‐
5	ζειν, πρὶν ἂν πολεμοῦντες ἀλλήλοις παύσωνται, τὰς μὲν ἐξωπίους ἐμπριλὰς καταλιποῦσα ὀπίσω, αὐτὴ δὲ πρὸς τὰς κατειληφυίας τὴν ἀκρόπολιν μετὰ τῶν οἰκείων ἀπαντᾷ. συνδραμόντων δὲ πρεσβυτῶν πολιτῶν μετὰ λαμπάδων καὶ πυρὸς πρὸς τὰς πύλας, τὴν ἀναστολὴν ποιεῖται ἐξελ‐
10	θοῦσα, καὶ προβούλου τινὸς μετ’ ὀλίγον παραβιάσασθαι μετὰ τοξοτῶν ὁρμήσαντος, εἶτα δὲ ἀποκρουσθέντος καὶ διαπυνθανομένου τί βουλόμεναι ταῦτα δεδράκασι, τὸ μὲν πρῶτόν φασιν ὅτι ἐγκρατεῖς γενόμεναι τοῦ ἀργυρίου μὴ ἐπιτρέψουσι τοῖς ἀνδράσιν ἀπὸ τούτου πολεμεῖν,
15	δεύτερον δὲ ὅτι πολὺ ἄμεινον ταμιεύσονται καὶ τὸν πα‐ ρόντα πόλεμον τάχιστα καταπαύσουσιν. οὗτος μὲν οὖν καταπλαγεὶς τοῦ θράσους ὡς τοὺς συμπροβούλους οἴχε‐ ται, ταῦτα μὴ παύσας· οἱ δὲ γέροντες ὑπομένοντες ταῖς γυναιξὶ λοιδοροῦνται. μετὰ ταῦτα αὐτῶν τινες αὐτομο‐
20	λοῦσαι μάλα γελοίως δι’ ἀκρασίαν ὡς τοὺς ἄνδρας ἁλί‐ σκονται· ἐγκαρτεροῦσι δὲ Λυσιστράτης ἱκετευούσης. Κινησίας τις τῶν πολιτῶν, ἀκρατῶς ἔχων τῆς γυναικὸς, παραγίνεται· ἡ δὲ χυτροτομοῦσα αὐτὸν ἐπαγγέλλεται μὲν, τὰ περὶ τῶν διαλλαγῶν δὲ σπουδάζει. ἀφικνοῦνται
25	δὲ καὶ παρὰ Λακεδαιμονίων περὶ σπονδῶν κήρυκες, ἐμφανίζοντες ἅμα καὶ τὰς προτέρας γυναῖκας. συντα‐ χθέντες δὲ σφίσιν οἱ Ἀθηναῖοι πρέσβεις αὐτοκράτορας ἀποστέλλουσιν. οἱ μὲν γέροντες εἰς ταυτὸν ταῖς γυναιξὶν ἀποκαταστάντες ἕνα χορὸν ἐκ τῆς διχορίας ἀποστέλ‐
30	λουσι· καὶ Λυσιστράτη τοὺς παραγενομένους πρὸς αὐ‐ τὴν ἐκ Λακεδαίμονος πρέσβεις ὀργῶντας διαλλάττεσθαι προσέλκει· καὶ ἑκατέρους ἀναμνήσασα τῆς παλαιᾶς εἰς ἀλλήλους γενομένης εὐνοίας διαλλάττει ἐν φανερῷ, καὶ ξενίσασα κοινῇ παραδίδωσι τὰς γυναῖκας ἑκάστοις ἄγε‐
35	σθαι. ἐδιδάχθη ἐπὶ Καλλίου ἄρχοντος τοῦ μετὰ Κλεό‐
35	κριτον ἄρξαντος. εἰσῆκται δὲ διὰ Καλλιστράτου.	Column end
arg lys 2 (1t)	ΑΡΙΣΤΟΦΑΝΟΥΣ
2t	ΓΡΑΜΜΑΤΙΚΟΥ
3	Λυσιστράτη καλέσασα τὰς πολίτιδας, ὑπέθετο φεύγειν μηδὲ μίγνυσθ’ ἄρρεσιν,
5	ὅπως γενομένης νῦν στάσεως ἐμφυλίου, τὸν πρὸς Λάκωνας πόλεμον αἴρωσιν λόγῳ μένωσί τ’ οἴκοι πάντες. ὡς δὲ συνέθετο, τινὲς μὲν αὐτῶν τὴν ἀκρόπολιν διεκράτουν, τινὲς δ’ ἀπεχώρουν. αἵ τ’ ἀπὸ Σπάρτης πάλιν
10	ταυτὸν διεβουλεύοντο. κῆρυξ ἔρχεται λέγων περὶ τούτων. τῆς δ’ ὁμονοίας γενομένης, σπονδὰς θέμενοι τὸν πόλεμον ἐξώρισαν.
sch lys t	SCHOLIA IN LYSISTRATAM
sch lys ante 1	(Ἐκλήθη Λυσιστράτη παρὰ τὸ λῦσαι τὸν στρατόν.)
sch lys 1	ἀλλ’ εἴ τις Βακχεῖον: Καὶ γὰρ πολλὰς ἑορτὰς αἱ γυναῖκες ἔξω τῶν δημοτελῶν ἦγον ἰδίᾳ συνερχόμεναι.
sch lys 2	ἢ ’ς Πανός: Πανὶ ὠργίαζον (αἱ γυναῖκες μετὰ κραυγῆς). καὶ Μένανδρος ἐν Δυσκόλῳ «σιωπῇ φασι «τούτῳ τῷ θεῷ οὐ δεῖν προσιέναι.» ἢ ’πὶ Κωλιάδ’: Κωλιάδος Ἀφροδίτης ἱερόν (ἐστιν)
5	ἐν τῇ Ἀττικῇ. ὁ δὲ τόπος καλεῖται Κωλιάς· ἔστι γὰρ ἐγκείμενος ὁμοίως ἀνθρώπου κώλῳ. καὶ οἱ ἐνοικοῦντες Κώλιοι. ἔνθα ὄστρακα κάλλιστα. καὶ ἡ Γενετυλλὶς δὲ γυναικεία θεὸς περὶ τὴν Ἀφροδίτην ἀπὸ τῆς γενέσεως τῶν παίδων ὠνομασμένη.
sch lys 5	κωμῆτις: Ἀντὶ τοῦ γείτων. κῶμαι δὲ τὰ ἄμφοδα. ὅθεν καὶ τὸ ἐπικωμάσαι.
sch lys 8	τοξοποιεῖν: Ἀντὶ τοῦ ἐσκυθρωπακέναι. ἀπὸ τοῦ παρακολουθοῦντος. τοιοῦτον γὰρ τὸ πρόσωπον τῶν ἐν μερίμνῃ ὄντων. Ὅμηρος [Il. Ο, 102] οὐδὲ μέτωπον ἐπ’ ὀφρύσι κυανέῃσιν ἰάνθη.
5	(καὶ Σοφοκλῆς «ὡς ἂν Διὸς μέτωπον ἐκταθῇ χαρᾷ.»)
sch lys 13	(εἰρημένον: Ἀντὶ τοῦ εἰρημένου. Ἀττικῶς.)
sch lys 14	φαύλου: Εὐτελοῦς.
sch lys 17	ἐκύπτασεν: Ἀντὶ τοῦ ἐστράγγευσεν. κυπτάζειν ἐστὶ τὸ περί τι πονεῖν καὶ διατρίβειν. κομψῶς δὲ τῇ ἀμ‐ φιβολίᾳ καὶ χαριέντως ἐχρήσατο, καθὰ καὶ Σώφρων «ἐνθάδε κυπτάζουσι πλεῖσται γυναῖκες.»
sch lys 20	ἀναγκαῖα.	248
sch lys 22	συγκαλεῖς: Συνήγαγες.
sch lys 23	μῶν καὶ παχύ: Ὡς πρὸς τὸ αἰδοῖον.
sch lys 25	οὐχ οὗτος ὁ τρόπος: Ἀντὶ τοῦ οὐ κατὰ τοῦτον τὸν τρόπον λέγω τὸ πρᾶγμα εἶναι μέγα καὶ παχὺ, καθ’ ὃν σὺ ὑπονοεῖς.
sch lys 27	ἐρριπτασμένον: Γεγυμνασμένον καὶ ηὑρημένον. ὥστε μεριμνῶσάν με ῥιπτάζεσθαι καὶ στρέφεσθαι. τοι‐ οῦτοι γὰρ οἱ μεριμνῶντες. βέλτιον δὲ ἀπὸ τῶν κύβων τὴν μεταφορὰν νοεῖν (ἀνερριμμένων, ὅπως ἂν ἔλθοι. καὶ
5	γὰρ ἐπὶ τῶν κύβων ἀναβάλλομεν, μέχρις ἂν ἔλθῃ τὸ προκείμενον βληθῆναι).
sch lys 31	ἐπ’ ὀλίγου γὰρ εἴχετο: Ἀντὶ τοῦ μικρὰν ἔχουσι τὴν ἀφορμὴν τῆς σωτηρίας.
sch lys 33	ἢ μηκέτ’ εἶναι μηδὲ Πελοποννησίους: Μὴ πει‐ σθέντας ἡμῖν (μήτε τοὺς Ἀθηναίους μήτε τοὺς Πελο‐ ποννησίους). ὡς φιλόπατρις δὲ ἀπεσιώπησε τοὺς Ἀθη‐ ναίους.
sch lys 34	μηκέτ’ εἶναι νὴ Δία: Πρὸς τοὺς Λακεδαιμονίους ἀπήντησε.
sch lys 36	ἀλλ’ ἄφελε τὰς ἐγχέλεις: Ἐν γὰρ τῇ Κωπαΐδι λίμνῃ μέγισταί εἰσιν ἐγχέλεις, ᾤκουν τε τὴν Βοιωτίαν καὶ οἱ λεγόμενοι Ἐγχελεῖς, περὶ ὧν Ἑλλάνικος ἐν τοῖς Βοιωτιακοῖς φησίν. Ἄλλως. ἐπειδὴ ἀπὸ Κωπαΐδος
5	λίμνης Βοιωτίας φέρονται ἐγχέλεις Ἀθήναζε.
sch lys 37	οὐκ ἐπιγλωττήσομαι: Οὐ φλυαρήσω. οὐ βλασ‐ φημήσω.
sch lys 38	ἀλλ’ ὑπονόησον: Ὅτι ἀπολοῦνται δηλονότι.
sch lys 41	ἡμεῖς: Αἱ Ἀττικαί.
sch lys 43	ἐξηνθισμέναι: Ἄνθη φοροῦσαι. τοῖς ἄνθεσι κεκοσμημέναι, οἷον ψιμυθίῳ καὶ φύκει καὶ τοῖς ὁμοίοις.
sch lys 45	καὶ Κιμβερίκ’ ὀρθοστάδια: Κιμβερικὰ, ἢ Κιμ‐ βερινὰ, ὡς Ταραντῖνα, εἶδος ἐνδύματος, ἀπὸ τόπου. ὀρθοστάδια δὲ οἱ στατοὶ χιτῶνες, οἱ δὲ συρόμενοι συρ‐ τοί.
5	περιβαρίδας: Ὑποδήματος εἶδος αἱ περιβαρίδες, ὡς Θεόπομπος ἐν Σειρῆσιν «ὑποδοῦ λαβὼν τὰς περι‐ βαρίδας.»
sch lys 48	χἤγχουσα: Τὸ πλῆρες καὶ ἡ ἄγχουσα. ἔστι δὲ εἶδος βοτάνης, ἧς ἡ ῥίζα ἐρυθρὰ, ᾗ ἐρυθραίνουσι τὰ πρόσωπα αἱ γυναῖκες. διαφανῆ: Οὐ τὰ λαμπρὰ, ἀλλὰ τὰ ἰσχνὰ, δι’ ὧν
5	διαφαίνεται τὰ σώματα τῶν γυναικῶν.
sch lys 46	ταῦτ’ αὐτὰ γάρ τοι: Ταῦτα γάρ ἐστι τὰ ὑπο‐ δήματα καὶ τὰ ἐνδύματα, ἃ σώζειν ἡμᾶς προσδοκῶ.
sch lys 51	(κροκωτὸν ἄρα: Εἰ ἄρα οὕτως ἔχει, καλλωπι‐ σθήσομαι καὶ γραῦς οὖσα.)
sch lys 55	οὐ γὰρ μὰ Δί’ ἀλλὰ πετομένας: Οὐ μετὰ βρα‐ δυτῆτος ἥκειν ἔδει, ἀλλὰ πετομένας.
sch lys 56	ὄψει τοι σφόδρ’ αὐτὰς Ἀττικάς: Ὡς τῶν Ἀθη‐ ναίων ἀεὶ μελλόντων. καὶ τὰς γυναῖκας (γοῦν) ὄψει Ἀττικὰς ἀκριβῶς, οἷον μελλούσας ἐν τῷ πράγματι.
sch lys 58	ἀλλ’ οὐδὲ παράλων: (Τῶν ἐν παράλῳ οἰκουσῶν. παραλία γὰρ μοῖρα τῆς Ἀττικῆς·) διῄρητο γὰρ εἰς δʹ
sch lys 58	μερίδας τὸ παλαιὸν ἡ Ἀττική· Πανδίων γὰρ διαδεξά‐ μενος τὴν Κέκροπος βασιλείαν, προσκτησάμενος δὲ καὶ	Column end
5	τὴν Μεγαρίδα, ἔνειμε τὴν χώραν τοῖς παισὶν εἰς δʹ μοίρας· Αἰγεῖ μὲν τὴν παρὰ τὸ ἄστυ μέχρι Πυθίου, Πάλλαντι δὲ τὴν Παραλίαν, Λύκῳ δὲ τὴν Διακρίαν, Νίσῳ δὲ τὴν Μεγαρίδα.
sch lys 59	(οὐδ’ ἐκ Σαλαμῖνος: Ἡ Σαλαμὶς μοῖρα τῆς Μεγαρίδος.)
sch lys 60	ἐπὶ τῶν κελήτων: Κέλης εἶδος πλοιαρίου μι‐ κροῦ. καὶ ἵππος δὲ κέλης ὁ γυμνός. λέγει οὖν ὅτι ἐν πλοίῳ εἰσὶν ἐρχόμεναι. ἀφ’ οὗ νῦν κακεμφάτως ἐπὶ τῶν Σαλαμινίων τὸ αἰδοῖον φησί. ναυτικοὶ δὲ οἱ Σαλαμίνιοι,
5	(ἐπεὶ καὶ νησιῶται).
sch lys 62	τὰς Ἀχαρνέων: Εἰκότως, ἐπεὶ πολεμικοὶ οἱ Ἀχαρνεῖς. Ἄλλως. εἰκότως, ἐπεὶ ὁ δῆμος τῶν Ἀχαρ‐ νέων ἐτετίμητο, διὰ τοῦτο τὰς ἐκεῖθεν προσδοκᾷ γυναῖ‐ κας. ὁ δὲ Θεογένης κομπαστὴς Ἀχαρνεύς. ἐπειδὴ δὲ
5	κέλητα εἶπεν, ἐπήγαγεν ἀκάτιον.
sch lys 64	ἀκάτιον τὸ Ἑκάτης ξόανον. R.
sch lys 67	Ἀναγυρουντόθεν: Δῆμός τις Ἀττικῆς, ἀπὸ Ἀναγύρου ἥρωος.
sch lys 68	παρὰ τὴν παροιμίαν, κινήσω τὸν ἀνάγυρον. ἔστι δὲ πόα δυσώδης.
sch lys 71	ἀντὶ τοῦ μεγάλου. R.
sch lys 73	δεῖ: Ἀντὶ τοῦ δέει.
sch lys 74	ὀλίγου γ’: Ἀντὶ τοῦ πρὸς βραχὺν χρόνον.
sch lys 80	σφριγᾷ: Εὐσθενεῖ, εὐσωματεῖ.
sch lys 81	εἰς ἐκεῖνο τείνει ὅτι εὐημέρουν τότε οἱ Λάκωνες. R ναὶ σιώ: Τοὺς Διοσκόρους λέγει. Λακωνικῶς δὲ φθέγγεται, ὡς αἱ Ἀττικαὶ νὴ τὼ θεὼ, (ἤτοι τὴν Κό‐ ρην καὶ τὴν Δήμητρα).
sch lys 82	γυμνάδδομαι: Ἐν γὰρ τῷ γυμνάζεσθαι πηδᾶν εἰώθασι, καὶ οἱ πόδες ἅπτονται τῆς πυγῆς τοῦ πη‐ δῶντος.
sch lys 83	ὡς δὲ καλόν: Ὡς ἐκείνης ἁψαμένης αὐτῆς. τὰ γὰρ ἱερεῖα μέλλοντες θύειν ψηλαφῶσιν, εἰ λιπαρά ἐστι.
sch lys 84	ψηλαφᾶτε R.
sch lys 87	ποθ’ ὑμέ: Ἀντὶ τοῦ πρὸς ὑμᾶς.
sch lys 88	καλόν γ’ ἔχουσα τὸ πεδίον: Λέγεται γὰρ ἡ Βοιω‐ τία εὐπεδιὰς εἶναι.
sch lys 89	κομψότατα: Κομψῶς ἔχουσα τὸ αἰδοῖον. ἁπτο‐ μένη δὲ αὐτοῦ τοῦτό φησι. βληχώ γε: Τὴν λεγομένην βλήχωνα. παίζει δὲ εἰς τὸ γυναικεῖον αἰδοῖον αἰνιττομένη. Ἀττικοὶ δὲ διὰ τοῦ
5	β λέγουσι τὴν βληχώ.
sch lys 90	χαΐα: Ἀντὶ τοῦ ἀγαθὴ μὲν, Κορινθία δέ. παί‐ ζει δὲ παρὰ τὸ κεχηνέναι.
sch lys 91	Κορινθία: Πόρνη, διὰ τὴν Λαΐδα. ἀγαθὴ μὲν, οὐ σώφρων δὲ, ἐπεὶ ἡ Κόρινθος πληθύει ταῖς πόρναις.
sch lys 92	τἀντευθενί: ἁπτομένη τῶν δύο φύσεων ταῦτά φησι. R.
sch lys 93	ξυναλίαξε: Συνήθροισε.
sch lys 94	μυσιδδέτω: Λεγέτω, τί θέλει ἡμᾶς.	249
sch lys 100	εὖ γὰρ οἶδ’: Ὅτι διὰ τὸν πόλεμον οὐδεὶς πά‐ ρεστι.
sch lys 103	φυλάττων Εὐκράτην: Στρατηγὸς Ἀθηναίων ὁ Εὐκράτης, κωμῳδεῖται δὲ ὡς δωροδόκος καὶ προδότης καὶ ξένος.
sch lys 105	ἐκ τᾶς ταγᾶς: Ἐκ τῆς τάξεως.
sch lys 106	πορπακισάμενος: Οἷον περονησάμενος. ἀντὶ τοῦ (ἀπολαβὼν τὴν ἀσπίδα) ἅμα τῷ παρεῖναι ἄπεισιν.
sch lys 107	ἀλλ’ οὐδὲ μοιχοῦ: Σκώπτει δὲ συνεχῶς Μιλη‐ σίους καὶ κωμῳδεῖ ὡς μοιχοὺς, ἐπειδὴ ἀπέστησαν τῶν Ἀθηναίων, καὶ πολλοὶ ἄλλοι τῶν νησιωτῶν. φεψάλυξ: Οἷον ζωπύρημα καὶ σπινθήρ.
sch lys 109	ὄλισβον: Αἰδοῖον δερμάτινον. καὶ τοῦτο εἰς τὰς Μιλησίας. παίζει δὲ ὡς τοῖς ὀλίσβοις χρωμέναις.
sch lys 110	σκυτίνη ἐπικουρία: Παρὰ τὴν παροιμίαν, συ‐ κίνη ἐπικουρία, ἐπὶ τῶν ἀσθενῶν. ὁ δὲ εἰς τὴν σκυτίνην μετέβαλε. σκύτινοι γὰρ οἱ ὄλισβοι. εἰσὶ δὲ δερμάτινα αἰδοῖα, οἷς χρῶνται αἱ χῆραι γυναῖκες.
sch lys 113	τοὔγκυκλον: Τὸ περιβόλαιον, (ἢ) τὸ ζωνάριον.
sch lys 114	ἐκπιεῖν: Παρ’ ὑπόνοιαν. δέον εἰπεῖν μάχεσθαι, ἐκπιεῖν εἶπε.
sch lys 115	ψῆττα: Ὄρνεόν ἐστι τετμημένον κατὰ τὸ μέσον, ὡς οἱ σφῆκες. λέγει οὖν ὅτι κἂν συμβῇ τέμνεσθαι τὸ ἥμισύ μου, βούλομαι.
sch lys 117	Ταΰγετον: Ὄρος Λακωνικῆς τὸ Ταΰγετον.
sch lys 118	ἔλσοιμ’: Τὸ ς ἀντὶ τοῦ θ· ἔλθοιμι. ὡς δυσχε‐ ροῦς ὄντος τοῦ τόπου.
sch lys 125	τί μοι μεταστρέφεσθε: Ὡς ἀηδισθεισῶν αὐτῶν καὶ μεταστραφεισῶν ἐπὶ τῷ λόγῳ.
sch lys 126	τί μοι μυᾶτε: Ὥσπερ μύες καταδύεσθε, καὶ σκαρδαμύττετε, ἢ μύλλετε, ἢ μυκτηρίζετε. μυᾶν γὰρ τὸ τὰ χείλη πρὸς ἄλληλα συνάγειν.
sch lys 132	παρατεμεῖν θ’ ἥμισυ: Πρὸς τὸ παρ’ αὐτῆς εἰρημένον.
sch lys 133	ἀλλ’ ἄλλ’ ὅτι βούλει: Ἄλλο κέλευε, μὴ μέντοι δίχα συνουσίας ἡμᾶς εἶναι.
sch lys 135	οὐδὲν γὰρ οἷον: Ἀντὶ τοῦ κωλῦον. οὕτως Ἀττι‐ κοί.
sch lys 138	οὐκ ἐτὸς ἀφ’ ἡμῶν εἰσίν: Ἀντὶ τοῦ οὐ μα‐ ταίως, ἀλλὰ δικαίως. εἰς τὴν Σοφοκλέους δὲ Τυρὼ ταῦτα συντείνει ἐκθεῖσαν τὰ τέκνα εἰς σκάφη.
sch lys 139	οὐδὲν γὰρ ἐσμὲν πλὴν Ποσειδῶν: Ἀντὶ τοῦ πλὴν τῷ βουλομένῳ μίγνυσθαι. ὁ γὰρ Ποσειδῶν κατά τινας λαβὼν εἰς σκάφος Μελανίππην συνῆλθεν. ἔστι δὲ καὶ παροιμία ἐπὶ τῶν κυλινδομένων τῷ αὐτῷ πρά‐
5	γματι, ἄλλο δὲ μηδὲν νοεῖν ἀνεχομένων. (ὁ δὲ νοῦς· οὐδὲν ἐσμὲν, εἰ μὴ συνουσιάζειν καὶ τίκτειν. ὁ γὰρ Ποσειδῶν ἐμίγη τῇ Τυροῖ καὶ ἐγέννησε Νηλέα καὶ Πελίαν.)
sch lys 140	σὺ γὰρ ἐὰν γένῃ: Τῇ Λαμπιτοῖ λέγει.
sch lys 143	γυναῖκας ὑπνῶν: Κοιμᾶσθαι. Ἀττικὸν τὸ ὑπνῶν. τὸ γὰρ κοινὸν ὑπνοῦν.
sch lys 145	μόνη τούτων γυνή: Μόνη γυνὴ δυναμένη μη‐
sch lys 145	χανὴν εὑρεῖν.	Column end
sch lys 146	εἰ δ’ ὡς μάλιστ’ ἀπεχοίμεθα: Εἰ δ’ ἀπεχοί‐ μεθα τοῦ πέους, διὰ τοῦτο εἰρήνη γενήσεται; —τὸ ἀπέχεσθαι τῆς τῶν ἀνδρῶν συνουσίας. R. Bar.
sch lys 148	νὴ τὼ θεώ: Τὴν Κόρην καὶ Δήμητρα λέγει, ὡς Ἀττική.
sch lys 149	(ἐντετριμμέναι: Καλλωπισθεῖσαι, τὰς ὄψεις τριβεῖσαι.)
sch lys 150	τοῖς ἀμοργίνοις: Οἱ μὲν χρώματος εἶδος τὴν ἀμόργην, οἱ δὲ ἀπὸ νήσου Ἀμοργοῦ τοὺς Ἀμοργίνους χιτῶνας, ὡς τὰ Θηραῖα ἀπὸ Θήρας νήσου.
sch lys 151	δέλτα: Ἀντὶ τοῦ τὸ αἰδοῖον τὸ γυναικεῖον. τοιοῦτον γὰρ τὸ σχῆμα.
sch lys 152	πλεκοῦν: Συνουσιάζειν, παρὰ τὸ πλέκεσθαι.
sch lys 155	ὅγ’ ὦν Μενέλαος: Ἡ ἱστορία παρὰ Ἰβύκῳ. (τὰ δὲ αὐτὰ καὶ Λέσχης ὁ Πυρραῖος ἐν τῇ μικρᾷ Ἰλιάδι.) καὶ Εὐριπίδης [Androm. 628] «ἀλλ’ ὡς ἐσεῖδες μαστὸν ἐκβαλὼν ξίφος, φίλημ’ ἐδέξω.»
5	μᾶλα πᾶ: Τοὺς μαστοὺς μῆλα φησίν.
sch lys 157	ἢν ἀφίως’: Ἐὰν παρίδωσιν οἱ ἄνδρες. R.
sch lys 158	(τὸ τοῦ Φερεκράτους: Ἐὰν ἡμᾶς παρίδωσιν οἱ ἄνδρες, τότε πάλιν ἐξέσται ὀλίσβοις χρήσασθαι, καὶ ἀποδέρειν τὰ ἀποδεδαρμένα σκύτη. Φερεκράτης ἐν δράματι εἶπε τοῦτο, ἔνθεν τάσσεται ἡ παροιμία ἐπὶ
5	τῶν ἄλλο πασχόντων αὖθις ἐφ’ οἷς πεπόνθασιν.) κύνα δέρειν: Σχῆμά ἐστιν ἀκόλαστον εἰς τὸ αἰ‐ δοῖον. ἐν δὲ τοῖς σωζομένοις (Φερεκράτους) τοῦ κωμι‐ κοῦ τοῦτο οὐχ εὑρίσκεται.
sch lys 159	(τὰ μεμιμημένα: Ἐπεὶ τῷ ὀλίσβῳ χρῶνται ἀντὶ τοῦ αἰδοίου. φλυαρία φησὶ τὰ ἀπὸ τῶν ἄλλων. λέγει δὲ τὰ εἰρημένα Φερεκράτους.)
sch lys 160	εἰς τὸ δωμάτιον: Εἰς τὸ κοιτώνιον.
sch lys 162	παρέχειν χρή: Συνουσιάζειν δηλονότι, τουτέ‐ στιν οὐκ ἐκ προαιρέσεως, ἀλλ’ ἄνευ ἡδονῆς.
sch lys 165	ἀπεροῦσιν: Ἀπαγορεύσουσιν καὶ παύσονται τοῦ πολέμου.
sch lys 166	ξυμφέρῃ: Ἀντὶ τοῦ ἁρμόζηται.
sch lys 170	Ἀσαναίων: Ἀθηναίων. ῥυχάχετον: Τὸν θόρυβον καὶ συρφετόν.
sch lys 171	μὴ πλαδδιῆν: (Μὴ παραφρονεῖν.) μὴ πολεμεῖν, μὴ πλησιάζειν.
sch lys 173	οὐχ ἇς σποδᾶς: Οὐκ ἂν ἄγοιεν εἰρήνην οἱ Ἀθη‐ ναῖοι, ἕως ἂν θαλασσοκρατῶσιν καὶ τὸ ἀργύριον τὸ ἄβυσσον ᾖ παρὰ τῇ θεῷ ἐν τῇ ἀκροπόλει. καὶ γὰρ ἀληθῶς ἀπέκειτο χίλια τάλαντα. (ἤρξαντο οὖν κινεῖν
5	αὐτὰ ἐπὶ Καλλίου ἄρχοντος, ἐφ’ οὗ εἰσήχθη τὸ δρᾶμα, ὥς φησι Φιλόχορος ἐν Ἀτθίδι.) σποδᾶς: Ἀντὶ τοῦ σπουδῆς.
sch lys 175	ἀλλ’ ἔστι καὶ τοῦτ’ εὖ παρεσκευασμένον: Τὸ λαβεῖν τὸ ἀργύριον ἀπὸ τοῦ ἱεροῦ τῆς θεοῦ.
sch lys 179	θύειν δοκούσαις: Προσποιουμέναις θύειν.
sch lys 180	πάντα γ’ ἔχοι: Πάντα δ’ ἔχοι καλῶς. καὶ τάδε γὰρ ἃ λέγεις καλῶς ἔχει.
sch lys 183	ὡς ὀμιώμεθα: Ἀντὶ τοῦ ὅπως ὀμόσωμεν.
sch lys 184	Σκύθαινα: Τὴν ὑπηρέτιν λέγει. Σκύθας γὰρ καὶ τοξότας ἐκάλουν τοὺς δημοσίους ὑπηρέτας ἀπὸ τῆς ἀρχαίας χρήσεως.	250
sch lys 188	(ὥσπερ φασὶν Αἰσχύλος ποτέ: Παρὰ τὰ ἐν Αἰσχύλῳ ἐν Ἕπτ’ ἐπὶ Θήβαις [42] ἄνδρες γὰρ ἑπτὰ θούριοι λοχαγέται ταυροσφαγοῦντες εἰς μελάνδετον σάκος.)
sch lys 189	μηλοσφαγούσας: Ἀντὶ τοῦ ταυροσφαγούσας μηλοσφαγούσας εἶπεν. εἰ μὴ ἄρα μῆλα πάντα τὰ τε‐ τράποδα.
sch lys 191	εἰ λευκόν ποθεν ἵππον: Πρὸς τὸ αἰδοῖον παίζει τὸ λευκὸν ἵππον. λευκὸν μὲν, ὅτι φάλης τὸ αἰδοῖον λέγεται, φάλιον δὲ τὸ λευκόν· ἵππον δὲ, ἐπεὶ καὶ κέ‐ λης λέγεται. ἢ παίζει κατὰ τὸν τύπον τῶν Ἀμαζόνων.
5	γυναῖκες γὰρ οὖσαι λευκοὺς ἵππους ἔθυον.
sch lys 195	κύλικα μεγάλην ὑπτίαν: Παίζει, ἐπεὶ καὶ ἡ ἀσπὶς ὑπτία τίθεται.
sch lys 196	Θάσιον οἴνου σταμνίον: Ἐπιεικῶς λέγουσιν οἱ Ἀττικοὶ τὰ Θάσια κεράμια σταμνία.
sch lys 197	μὴ ’πιχεῖν ὕδωρ: Δέον εἰπεῖν, μὴ λύειν τὴν εἰρήνην, εἶπε μὴ ἐπιχεῖν ὕδωρ, ἀλλ’ ἄκρατον πιεῖν, εἰς μέθην κωμῳδῶν τὰς γυναῖκας.
sch lys 200	κεραμέων ὅσος: Ὡς μεγάλης οὔσης τῆς κύλικος παίζει.
sch lys 202	τοῦ κάπρου: Ἀντὶ τοῦ αἰδοίου. ἐπειδὴ οἱ ὀμνύοντες εἰώθασιν ἐφάπτεσθαι τοῦ ἱερείου.
sch lys 205	κἀποπυττίζει: Ἀπορρεῖ. ταῦτα δὲ λέγει μι‐ μουμένη τοὺς θυοσκόους. (τουτέστι τοὺς ἱερεῖς). ταῦτα γὰρ ἐπέλεγον τοῖς θύμασιν εὐφημίας χάριν.
sch lys 206	ἡδὺ προσόζει. R.
sch lys 208	μὰ τὴν Ἀφροδίτην: Ἐπεὶ ἡ ὀμνύουσα πρώτη ἔμελλε καὶ πρώτη πιεῖν, τοῦτό φησιν, ὅτι κλήρῳ πᾶσαι ἔλαχον, ἐμπεδώσατε. ἀσφαλίσατε.
sch lys 216	ὑπολύεταί μου τὰ γόνατα: Εἰρηκυῖα τὸν ἕνα στίχον ..... μνησθεῖσα ὅτι χωρίζεται τοῦ ἀνδρὸς, λέγει τὸ ὑπολύεταί μου τὰ γόνατα, ταῦτα φησὶν μία ὀμνύουσα, τῆς Λυσιστράτης προβαλλομένης τὸν
5	ὅρκον.
sch lys 217	ἀταυρώτη διάξω: Οἷον ἁγνὴ καὶ ἄμικτος. ταῦρον γὰρ τὸ αἰδοῖον λέγουσιν. ἄζευκτος γάμου καὶ ἀζυγής. καὶ βοῶπις ἡ Ἥρα καὶ Ζυγία καὶ Γαμηλία. ἐπεὶ οἱ ταῦροι κατωφερεῖς.
sch lys 221	(ἐπιτυφῇ: Ἐπικαυθῇ καὶ πυρωθῇ ἐπ’ ἐμοί.)
sch lys 227	κακῶς παρέξω: Συνουσιάσαι αὐτῷ δηλονότι, (καὶ οὐ συντερφθήσομαι).
sch lys 229	τὰ Περσικά: Εἶδος ὑποδήματος. ἐκ δὲ τούτου τοὺς πόδας οὐκ ἀνατενῶ, ἐν τῇ στέγῃ συνουσιάζουσα.
sch lys 231	οὐ στήσομαι λέαινα: Ἀντὶ τοῦ ὡς λέαινα. σχῆμα δέ ἐστιν ἀκόλαστον καὶ ἑταιρικόν. τυρόκνηστις δὲ (ἡ) μάχαιρα. ἐπὶ δὲ ταῖς λαβαῖς τῶν μαχαιρῶν ἐλεφάντινοι λέοντες γλύφονται ὀκλάζοντες, ὅπως μὴ
5	ἀποθραύοιντο αὐτῶν οἱ πόδες, εἰ ὀρθοὶ ἑστῶτες γλύ‐ φοιντο. λέγει οὖν, ὅτι οὐκ ἐπὶ ἀνδρὶ στήσομαι πορ‐
5	νεύουσα, ὡς λέαινα ἐπὶ τυροκνήστιδος.	Column end
sch lys 233	ἀντὶ τοῦ ἀσφαλῆ φυλάττουσα. R. Bar.
sch lys 237	ἐρωτηματικῶς λέγει. R.
sch lys 238	καθαγίσω: Οἷον καύσω, καθιερώσω. τὸ μέρος, ὦ φίλη: Καταλείψομαι μέρος, ὅπως ἡ φιλία ἐντεῦθεν ἄρξηται.
sch lys 240	τίς ἁ ὀλολυγά: Ὀλολυξασῶν τῶν ἐν ἀκροπόλει γυναικῶν (τοῦτο λέγει).
sch lys 244	τασδὶ δ’ ὁμήρους: Τὰ ἐν συνθέσει διδόμενα ἐνέχυρα ὁμήρους ἐκάλουν. τασδί: Τὰς θεραπαίνας φησί.
sch lys 245	τῇ ἀκροπόλει φησί. R.
sch lys 246	συνεμβάλωμεν: Συνέλθωμεν αὐταῖς, ὥστε τοὺς μοχλοὺς τοῦ ναοῦ βαλεῖν.
sch lys 247	ἀντὶ τοῦ καθ’ ἡμῶν. R.
sch lys 250	ὡς ἀνοῖξαι τὰς πύλας: Ἐπὶ τῷ ποιῆσαι εἰ‐ ρήνην.
sch lys 252	ἀντὶ τοῦ μάτην. R.
sch lys 253	ἄμαχοι: Ἀκαταμάχητοι καὶ δειναί. χορὸς ἀνδρῶν γερόντων: Ἢ Στρυμόδωρος.
sch lys 262	ἔχειν βρέτας: Κατέχειν τὸ ἅγιον βρέτας τῆς Ἀθηνᾶς.
sch lys 263	λαβεῖν: Ἀντὶ τοῦ καταλαβεῖν.
sch lys 265	πακτοῦν: Κλείειν, ἀσφαλίζεσθαι.
sch lys 266	Φιλοῦργε: Ἐὰν ᾖ Φιλοῦργε ὡς πανοῦργε, ὄνομα κύριον· ἐὰν δὲ ὀξυτόνως, ἐπίθετον.
sch lys 267	τὰ στελέχη τῶν ξύλων. R.
sch lys 268	ἐνεστήσαντο: Ἔκριναν ποιῆσαι,
sch lys 269	σωρεύσαντες. R. Bar.
sch lys 270	ὑπὸ ψήφου μιᾶς: Ἀπὸ μιᾶς γνώμης καὶ κρί‐ σεως. τὴν Λύκωνος: Τὴν Ῥοδίαν λέγει οὕτω καλουμένην, τὴν Αὐτολύκου μὲν μητέρα, γυναῖκα δὲ Λύκωνος, ἐπ’
5	αἰσχροῖς κωμῳδουμένην. Εὔπολις Πόλεσιν «ὥσπερ ἐπὶ τὴν Λύκωνος ἔρρει πᾶς ἀνήρ.»
sch lys 272	ἐγχανοῦνται: Ἐπεγγελάσουσι.
sch lys 273	Κλεομένης: Λακεδαιμόνιος ὢν στρατηγὸς, ἐπι‐ στρατεύσας τῇ Ἀττικῇ μετά τινων Ἀθηναίων ἐπὶ τυραννίδι, τὴν ἀκρόπολιν κατέσχε, πολιορκηθεὶς δὲ ὑπὸ τῶν Ἀθηναίων καὶ ἀφεθεὶς ὑπόσπονδος, ἀπιὼν
5	οἴκαδε πάλιν Ἐλευσῖνα κατέσχε. τῶν δὲ μετὰ Κλεο‐ μένους Ἐλευσῖνα κατασχόντων Ἀθηναῖοι τὰς οἰκίας κατέσκαψαν καὶ τὰς οὐσίας ἐδήμευσαν, αὐτῶν δὲ θά‐ νατον ἐψηφίσαντο. καὶ ἀναγράψαντες εἰς στήλην χαλ‐ κῆν ἔστησαν ἐν πόλει παρὰ τὸν ἀρχαῖον νεών.
sch lys 275	ἀψάλακτος: Ἀπαθὴς, ἀτιμώρητος,
sch lys 276	Λακωνικὸν πνέων: Ἰσχυρόν, ἢ τὰ Λακώνων φρονῶν.
sch lys 277	παραδοὺς ἐμοί: Τῷ δήμῳ τὰ ὅπλα παραδούς.
sch lys 279	ἀπαράτιλτος: Ἀντὶ τοῦ δασὺς καὶ ἄκοσμος τὰς τρίχας.
sch lys 282	ἐφ’ ἑπτακαίδεκ’ ἀσπίδας: Ὅτι τὰς τάξεις ἀσπίδας ἔλεγον, (καὶ αὐτὸς πάλιν Ἀριστοφάνης ἐν Βαβυλωνίοις
sch lys 282	ἵστασθ’ ἐφεξῆς πάντες ἐπὶ τρεῖς ἀσπίδας.)	251
5	ἐπὶ τάξεσιν ἑπτακαίδεκα καθεύδων, ὥστε τὸ βάθος τῆς φρουρᾶς ἑπτακαίδεκα κατέχειν ἀσπίδας.
sch lys 283	τασδὶ δὲ τὰς Εὐριπίδῃ: Τὰς γυναῖκας. μισογύ‐ νης γὰρ ὁ Εὐριπίδης καὶ πολλὰ κατ’ αὐτῶν λέγων.
sch lys 284	τολμήματος: Ἐκείνου περιεγενόμην, τῶν δὲ γυ‐ ναικῶν τοῦ τολμήματος οὐ περιγένωμαι;
sch lys 285	μή νυν: Ἀντὶ τοῦ μὴ δή. τρόπαιον δὲ τὸ ἐν Μα‐ ραθῶνι τὸ κατὰ Περσῶν. (ἡ γὰρ Μαραθὼν τῆς Τετρα‐ πόλεως μέρος. τὰ δὲ λοιπὰ Οἰνόη, Προβάλινθος, Τρι‐ κόρυθος.)
sch lys 286	ἀλλ’ αὐτὸ γάρ μοι τῆς ὁδοῦ: Ἀντὶ τοῦ πλη‐ σίον γεγόναμεν τῆς ἀκροπόλεως. καὶ οὗτός ἐστιν ὁ με‐ ταξὺ ὀλίγος τόπος ὁ λειπόμενος.
sch lys 288	τὸ σιμὸν, οἷ σπουδὴν ἔχω: (Τὸ πρὸς τὴν ἀκρό‐ πολιν.) τὸ σιμὸν ὄνομα χωρίου περὶ τὴν ἀκρόπολιν. (τὸ σιμόν) ἀντὶ τοῦ πρόσαντες. ἢ ὄνομα χωρίου. (καὶ ἐν Βαβυλωνίοις «μέσην ἔρειδε πρὸς τὸ σιμόν.» καὶ
5	Πλάτων ἐν Νίκαις τουτὶ προσαναβῆναι τὸ σιμὸν δεῖ.)
sch lys 289	ἐξαμπρεύσομεν: Τὸ τῷ ἕλκοντι ζεύγει βοηθεῖν ἀμπρεύειν λέγεται. καὶ ἄμπρον τὸ διῆκον σχοινίον. ἐξαμπρεύσομεν: Ἕλξομεν τὸ ξύλον τοῦτο ἄνευ ὄνου.
sch lys 291	ἐξιπώκατον: Θλίβουσιν, ἢ ἐθλίψατον. τὼ ξύλω δυϊκῶς.
sch lys 293	φυσητέον: Ἐν χύτρᾳ πῦρ εἶχον δι’ ἀνθράκων.
sch lys 294	μή μ’ ἀποσβεσθὲν λάθῃ πρὸς τῇ τελευτῇ τῆς ὁδοῦ: Μὴ μετὰ τὸ διελθεῖν τὴν ὁδὸν σβεσθῇ. φῦ φῦ: Φυσᾷ τῷ στόματι. (τοῦτο δὲ παρεπι‐ γραφή.)
sch lys 298	τὼ ’φθαλμὼ δάκνει: Δάκνει μου τοὺς ὀφθαλ‐ μοὺς ὥσπερ κύων. παρὰ τὰς λήμας δὲ τὸ Λήμνιον πέ‐ παιχεν. ἔστι δὲ παρὰ τὴν παροιμίαν, Λήμνιον κακὸν, παρὰ τὰς Λημνιάδας γυναῖκας.
sch lys 299	(Λήμνιον τὸ πῦρ: Ἀντὶ τοῦ πάνυ γενναῖον. ἢ ἀπὸ τῶν Λημνίων γυναικῶν, πορνῶν οὐσῶν. ἢ ἀπὸ τῶν καμίνων τοῦ Ἡφαίστου.)
sch lys 300	πάσῃ μηχανῇ: Ἀντὶ τοῦ κατὰ πάντα τρόπον.
sch lys 301	(ἔβρυκε τὰς λήμας: Λήμας νῦν τοὺς ὀφθαλ‐ μούς. ἔστι δὲ κυρίως ἡ τῶν ὀφθαλμῶν ἀκαθαρσία.)
sch lys 302	σπεῦδε πρόσθεν ἐς πόλιν: Ὡς πρός τινα λέγει.
sch lys 304	φῦ φῦ: Φυσᾷ πάλιν.
sch lys 307	εἰ τὼ μὲν ξύλω: Δυϊκῶς πάλιν τὼ ξύλω. λέγει δὲ ἃ ἐβάσταζε ξύλα.
sch lys 308	τὸν φανὸν ἐγκαταθέντες: Φανὸν μὲν πᾶν τὸ φαῖνον ἐκάλουν. ἐκ δὲ τῶν ἀμπελίνων τὰς λαμπάδας κατεσκεύαζον εἰς ἔξαψιν, ὡς καὶ ἐν Λημνίαις φησί.
sch lys 309	κριηδόν: Δίκην κριοῦ. κριὸς γὰρ χαλκοῦν μη‐ χάνημα, ὃ τοῖς τείχεσι προσφέρουσιν οἱ βάρβαροι.
sch lys 312	φεῦ τοῦ καπνοῦ: Ὑπὸ τοῦ καπνοῦ ἀδικούμε‐ νος τοῦτό φησι.
sch lys 313	τῶν ἐν Σάμῳ στρατηγῶν: Δίδυμος καὶ Κρα‐
sch lys 313	τερός φασι ταῦτα αἰνίττεσθαι εἰς Φρύνιχον τὸν Στρα‐ τωνίδου. ἐκακοηθεύσατο γὰρ πρὸς τὸν δῆμον ἐν Σάμῳ στρατηγῶν· ὥστε ἐψηφίσατο κατ’ αὐτοῦ ὁ δῆμος δη‐	Column end
5	μόσια εἶναι τὰ Φρυνίχου χρήματα καὶ τῆς θεοῦ τὸ δέ‐ κατον μέρος, καὶ τὴν οἰκίαν κατεσκάφθαι αὐτοῦ. καὶ ἄλλα πολλὰ κατ’ αὐτοῦ ἔγραψεν ἐν στήλῃ χαλκῆ. καὶ ἐν Βατράχοις [689] κεἴ τις ἥμαρτε σφαλείς τι Φρυνίχου παλαίσμασιν.
10	Ἄλλως. οἱ ἐν Σάμῳ στρατηγοῦντες ἐδυστύχησαν πάνυ. λέγει οὖν, τίς ἐκείνων συλλάβοιτο τοῦ ξύλου, ἵνα πλέον δυστυχήσῃ.
sch lys 314	ταυτὶ μὲν ἤδη τὴν ῥάχιν: Ὡς ἀποθέμενος λέ‐ γει τὰ ξύλα.
sch lys 317	ξυγγενοῦ: Σύνελθε. ἐν πόλει: Ἐν τῇ ἀκροπόλει.
sch lys 318	θέσθαι τρόπαιον ἡμᾶς: Κατὰ τῶν γυναικῶν.
sch lys 320	ὥσπερ πυρὸς καομένου: Γυναῖκές τινες ὑδρο‐ φοροῦσαι παρακελεύονται ἀλλήλαις. αἱ δὲ λοιπαί εἰ‐ σιν ἐν τῇ ἀκροπόλει.
sch lys 321	πέτου πέτου: Νῦν ἐστιν ἡμιχόριον τὸ λέγον ἐκ γυναικῶν εἰσερχομένων ἄνωθεν, ἵνα καὶ τὸ ὕδωρ αὐτῶν καταχέωσιν ἄνωθεν. τὸ δὲ ἄλλο ἡμιχόριον ἐξ ἀνδρῶν κάτωθεν ἐπερχομένων ταῖς ἐν τῇ ἀκροπόλει εἰς πολιορ‐
5	κίαν. πέτου, πέτου Νικοδίκη: Ὀνόματα γυναικῶν τῶν ἐν τῇ ἀκροπόλει.
sch lys 323	λείπει πυρί. R.
sch lys 326	μῶν ὑστερόπους: Μὴ ὕστερον τοῦ καιροῦ ἦλ‐ θον εἰς τὸ βοηθῆσαι.
sch lys 327	νῦν: Ἀρτίως. κνεφαία: Ὀρθρία. ἢ ἀόρατος. ἢ ἑσπερία. ὑδρίαν. R.
sch lys 329	καὶ πατάγου χυτρείου: Ἀντὶ τοῦ κεραμέου. ἐκ μέρους τὸ πᾶν. οὐ γὰρ χύτραις βάπτουσι. συντρίβεται δὲ τὰ κεράμια παρὰ ταῖς κρήναις.
sch lys 330	ὠστιζομένη: Ὠθουμένη, στενοχωρουμένη. στι‐ γματίαις δὲ δούλαις. ἀπὸ τοῦ στίζεσθαι.
sch lys 332	ἀραμένη: Ἐπάρασα τὴν ὑδρίαν.
sch lys 335	τυφογέροντας: Τετυφωμένους γέροντας.
sch lys 336	ἔρρειν: Ἐπέρχεσθαι. στελέχη: Ξύλα.
sch lys 337	ὥσπερ βαλανεύσοντας: Ὥσπερ βαλανεῖον ὑπο‐ καύσοντας.
sch lys 338	ἐς πόλιν: Εἰς τὴν ἀκρόπολιν. ἐς τριτάλαντον βάρος: (Ὡς) τριῶν ταλάντων βά‐ ρος.
sch lys 341	ἃς ὦ θεά: Πρὸς τὴν Ἀθηνᾶν εὔχεται.
sch lys 343	Ἑλλάδα καὶ πολίτας: Ἀπὸ κοινοῦ τὸ ἴδοιμι.
sch lys 345	πολιοῦχε, σὰς ἔσχον ἕδρας: Τὸν ναόν σου κα‐ τέλαβον.
sch lys 349	φέρειν ὕδωρ μεθ’ ἡμῶν: Ἀντὶ τοῦ ἐπικουρεῖν ἡμῖν καὶ συσβεννύειν.
sch lys 350	μοχθηροί. R.
sch lys 353	μάχεται. R.	252
sch lys 354	τί βδύλλεθ’ ἡμᾶς: Τί εὐτελίζετε. ἢ φοβεῖσθε καὶ τρέμετε.
sch lys 357	περικατάξαι αὐταῖς τὸ ξύλον. R. Bar.
sch lys 360	(εἰ νὴ Δία τὰς γνάθους: Εἴ τις ἠπείλησε τύ‐ πτειν καθάπερ Ἱππῶναξ τὸν Βούπαλον.)
sch lys 364	ἐκκοκκιῶ: (Οἷον αἱματώσω,) ἐκβαλῶ. ἡ με‐ ταφορὰ ἀπὸ τῶν ῥοιῶν. —ὡς πρὸς τὰς γραίας ὁ τῶν γερόντων χορός. R.
sch lys 365	Στρατύλλιδος: Ἀντὶ ἐμοῦ.
sch lys 367	βρύκουσα: Ἐσθίουσα, δάκνουσα. —ἐξαμήσω: οἷον ἐξανύσω, ἐξοίσω. R.
sch lys 368	οὐκ ἔστ’ ἀνὴρ Εὐριπίδου: Ὅτι κατὰ γυναικῶν εἶπε. φησὶ γὰρ κακῶν δὲ πάντων τέκτονες σοφώταται.
sch lys 370	αἰρώμεθ’ ἡμεῖς θοὔδατος τὴν κάλπιν: Ἵνα σβέσωμεν τὸ πῦρ.
sch lys 372	ὦ τύμβε: Ὡς πρὸς γέροντα εἶπεν. ἀντὶ τοῦ ὦ ταφῆναι ἄξιε. [Hinc adv. 405 nulla scholia in cod. Rav.]
sch lys 376	οὐκ οἶδά ς’ εἰ τῇδ’ ὡς ἔχω: Οὐκ οἶδα ἐγὼ εἰ ταύτῃ σε τῇ λαμπάδι ὀπτήσω. κυρίως δὲ σταθεύειν τὸ μὴ λίαν κατοπτᾶν, ἀλλὰ τῷ πυρὶ ἡσύχως χλιαίνειν τὸ κρέας. καὶ ἐν Ἀχαρνεῦσι [1041] «τὰς σηπίας σταθεύσω.»
5	τὸ γὰρ μικρὸν οὖν καίειν σταθεύειν λέγεται.
sch lys 377	ῥύμμα: Τὸ παρ’ ἡμῖν σμῆγμα, ἢ νίτρον. ἢ ῥύμμα, ἀντὶ τοῦ ῥύπον.
sch lys 378	καὶ ταῦτα νυμφικόν: Περὶ γαμηλίων λουτρῶν Μένανδρος ἐν Κρητί φησι καὶ ἐν Ὑποβολιμαίῳ. ἐκ δὲ τοῦ ἐναντίου εἰς γέροντα εἶπε νυμφικόν.
sch lys 379	ἤκουσας αὐτῆς τοῦ θράσους: Πρὸς ἑταῖρον αὐ‐ τοῦ.
sch lys 380	ἡλιάξεις: Δικάσεις. καὶ Ὅμηρος [Il. Α, 232] «νῦν ὕστατα λωβήσαιο.» φονεύσω γάρ σε.
sch lys 381	σὸν ἔργον ὦ ’χελῶε: Τὸ ὕδωρ ἅμα καταχέουσι. ταῖς κάλπισι δὲ παρακελεύονται.
sch lys 382	μῶν θερμὸν ἦν: Ἡ ἐπιχέουσα αὐτοῦ τὸ ὕδωρ λέγει.
sch lys 384	ἄρδω ς’ ὅπως: Ποτίζω σε, ἵνα νεάσῃς, ἐπεὶ γέρων ἦν. τὸ γὰρ ὕδωρ αὔξει τὰ φυτά.
sch lys 385	ἀλλ’ αὖός εἰμι: Ἐπὶ τοῦ ὕδατος δηλονότι τρέ‐ μει ὁ γέρων.
sch lys 386	συγχλιανεῖς: Θερμανεῖς.
sch lys 387	ἐξέλαμψεν: Ἐφανερώθη ἡ ἀταξία καὶ ἡ κακία τῶν γυναικῶν. προβούλευμα δὲ τάγμα ἐν Ἀθήναις. εἷς οὖν αὐτῶν ἔρχεται.
sch lys 388	χὠ τυμπανισμός: Ὃ βούλεται δηλῶσαι, τοῦτό ἐστιν, ὅτι οὗτός ἐστιν ὁ τυμπανισμὸς καὶ ὁ Ἀδωνισμὸς, οὗ ἤκουον ἐν τῇ ἐκκλησίᾳ. τοῦτο δὲ ἔλεγεν ἐν τῇ ἐκ‐ κλησίᾳ ὁ Δημόστρατος, πλεῖν εἰς Σικελίαν. ἐν δὲ τῷ
5	αὐτὸν λέγειν γυνή τις τὸν Ἄδωνιν ὀρχουμένη αἶ αἶ φη‐ σὶν ὑμνοῦσα. αὐτῆς δὲ ὀρχουμένης ὁ Δημόστρατος, ἔτι ἐν τῇ ἐκκλησίᾳ ὑπάρχων, ἔλεγε καταλέγειν Ζακυνθίων
5	ὁπλίτας. πάλιν δὲ ἡ γυνὴ ἐν γειτόνων ἐπὶ τοῦ τέγους πε‐ πτωκυῖα, ἔλεγε κόπτεσθαι τὸν Ἄδωνιν. ὁ δὲ Δημόστρα‐	Column end
10	τος ἐβιάζετο ἐξ αὐτῶν θρυλουσῶν καὶ μὴ ἐωσῶν αὐτὸν δημηγορεῖν. Σαβάζιοι: Οἱ ὀργιασμοὶ τοῦ Σαβαζίου, ὃν οἱ μὲν τὸν αὐτὸν τῷ Διονύσῳ ὑπειλήφασι· τυχεῖν δὲ τῆς προσ‐ ηγορίας ταύτης διὰ τὸν γινόμενον περὶ αὐτὸν εὐασμόν.
15	τὸ γὰρ εὐάζειν οἱ βάρβαροι σαβάζειν ἔλεγον. ὅτι δὲ εἷς ἐστιν ὁ θεὸς Σαβάζιος καὶ Διόνυσος πολλοὶ μαρτυροῦσι κωμικοί.
sch lys 389	ὅ τ’ Ἀδωνιασμός: Ἑορτὴν γὰρ ἐπετέλουν τῷ Ἀδώνιδι αἱ γυναῖκες καὶ κήπους τινὰς εἰς τὰ δώματα ἀνέφερον. τινὲς δὲ ἐκ τούτου τὸ δρᾶμα Ἀδωνιαζούσας ἐπιγράφουσιν οὐ καλῶς. παρὰ πολλοῖς δὲ ὀργιάζονται αἱ
5	γυναῖκες θεοὺς οὐ δημοτελεῖς οὐδὲ τεταγμένους.
sch lys 392	πλεῖν εἰς Σικελίαν: Ὡς Σικελίας πολεμούσης αὐτοῖς. ἡ γυνὴ: Ἡ ἐν γειτόνων. L
sch lys 394	Ζακυνθίων: Ἔθνος περὶ τὴν Κεφαληνίαν, σύμ‐ μαχον Ἀθηναίων.
sch lys 395	ἡ δ’ ὑποπεπτωκυῖα: Ὁ μὲν κατέλεγεν στρα‐ τιώτας εἰς πόλεμον, ὁ δὲ ἐπόρνευε.
sch lys 396	ὁ δ’ ἐβιάζετο: Ὑπὸ τῶν γυναικῶν ἐξηνάγκαζε τὴν φωνὴν αὐτοῦ, ὥστε ἐξακουσθῆναι ἐν τῇ ἐκκλησίᾳ, τοσούτου ὄντος ψόφου τῶν γυναικῶν ἐν τοῖς δώμασιν.
sch lys 397	Χολοζύγης: Δημόστρατος Βουζύγης ἐλέγετο, ὃν Χολοζύγην εἶπε διὰ τὸ μελαγχολᾶν. καὶ Εὔπολις δὲ ἐν Δήμοις ὡς μανιώδη αὐτὸν λέγει τί κέκραγας ὥσπερ Βουζύγης ἀδικούμενος;
5	καὶ ἄλλοι.
sch lys 402	ὥσπερ ἐνεουρηκότας: Ἵνα ἀποβάλωνται τὸ ὕδωρ.
sch lys 403	τὸν ἁλυκόν: Τὸν θαλάσσιον. τινὲς δὲ ὑπονοοῦ‐ σιν ἀπὸ πόλεως Πελοποννησίων Ἀλύκου, ἔνθα τιμᾶται ὁ Ποσειδῶν.
sch lys 404	(ξυμπονηρευώμεθα: Ὁρῶντες αὐτὰς πονηρὰ πραττούσας ἀνεχόμεθα.)
sch lys 407	οἳ λέγομεν: Οἵτινες ἡμεῖς. ἐν τῶν δημιουργῶν: Εἰς τὰ τῶν δημιουργῶν.
sch lys 408	τὸν ὅρμον ὃν ἐπεσκεύασας: Ἀντὶ τοῦ ὅρμου Ἀττικῶς. ὡς πρός τινα ἀπό τινος.
sch lys 410	βάλανος: Ἡ περόνη. ταῦτα δὲ πάντα εἰς τὸ κακέμφατον λαμβάνεται.
sch lys 412	πάσῃ τέχνῃ: Παντὶ τρόπῳ.
sch lys 413	τὸν βάλανον: δύο ἐννοίας ἔχει, τοῦ αἰδοίου καὶ τοῦ ψελίου. R. Bar.
sch lys 417	τὸ δακτυλίδιον πιέζει τὸν ζυγόν: Μέρος τοῦ σανδαλίου. ἀντὶ τοῦ ὑπὸ τοῦ ζυγοῦ ὁ δάκτυλος ἁπαλὸς ὢν πιέζεται θλιβόμενος. νῦν δὲ ἀμφιβόλως εἴρηκεν. ζυ‐ γὸς δὲ καλεῖται ὁ περικείμενος τοῖς γυναικείοις σανδα‐
5	λίοις ἱμὰς κατὰ τοὺς δακτύλους πρὸς τὸ συνέχειν ἐζυ‐ γωμένον τὸν πόδα.
sch lys 419	(χάλασον: Πρὸς τὸ κακέμφατον.)
sch lys 420	(εἰς τοιαυτὶ πράγματα: Εἰς τὰς νῦν ὕβρεις.)	253
sch lys 421	ἐκπορίσας: Συλλέξας. πρόβουλοι δὲ πρὸς τοῖσδε ᾑρέθησαν ἄλλοι κʹ, εἰσηγησόμενοι τὰ δοκοῦντα (βέλτι‐ στα) τῇ πολιτείᾳ μετὰ τὴν ἐν τῇ Σικελίᾳ συμφοράν.
sch lys 422	(κώπης: Κωπηλάται)—δέοντος. R.
sch lys 426	τί κέχηνας ὦ δύστηνε: Πρός τινα (λέγει) τῶν δημοσίων ὑπηρετῶν.
sch lys 427	ἀλλ’ ἢ καπηλεῖον σκοπῶν: Ὡς μεθύσῳ λέγει.
sch lys 434	(δεῖ: Ἀντὶ τοῦ δῆσον.)
sch lys 437	(οὐ ξυναρπάσῃ μέσην: Ὡς τοῦ δημοσίου φεύ‐ γοντος.)
sch lys 439	νὴ τὴν Πάνδροσον: Θυγατέρες Κέκροπος Πάν‐ δροσος καὶ Ἀγραύλη. ἐκ τῆς Πανδρόσου δὲ καὶ ἡ Ἀθηνᾶ Πάνδροσος καλεῖται. (ταύτῃ: Τῇ Λυσιστράτῃ.)
sch lys 443	νὴ τὴν Φωσφόρον: Τὴν Ἄρτεμιν οὕτως ἐκά‐ λουν, ἐπεὶ δᾳδοῦχος. ἡ αὐτὴ γὰρ τῇ Ἑκάτῃ. —ἢ ἐπεὶ καὶ τῇ σελήνῃ ἡ αὐτή. R.
sch lys 444	κύαθον αἰτήσεις: Ἵνα προσθῇς ταῖς γνάθοις· οὕτως ὑπωπιασθήσῃ ὑφ’ ἡμῶν. γεμίζουσι γὰρ κύαθον θερμοῦ, καὶ προσκολλῶσι τοῖς οἰδήμασι καὶ θεραπεύε‐ ται.
sch lys 447	νὴ τὴν Ταυροπόλον: (Οὕτω) τὴν Ἄρτεμιν ἐκά‐ λουν. τὴν δὲ αἰτίαν Ἀπολλόδωρος ἐν τῷ περὶ θεῶν ἐκ‐ τίθεται. ἔστι δ’ ὅτε καὶ τὴν Ἀθηνᾶν οὕτω καλοῦσιν· ὡς Ξενομήδης ἱστορεῖ.
sch lys 448	ἐκκοκκιῶ: (Ἀνατιλῶ,) ἀνασπάσω. ἀπὸ μετα‐ φορᾶς τῶν ῥοιῶν. (στενοκωκύτους δὲ) ἐφ’ αἷς στενάξεις τιλλόμενος.
sch lys 451	(ὦ Σκύθαι: Ὦ ὑπηρέται.)
sch lys 453	ὅτι καὶ παρ’ ἡμῖν εἰσι: Παρὰ ταῖς γυναιξὶν ὑπάρχουσι δʹ λόχοι. τοῦτο δέ φησιν, ὅτι καὶ παρὰ Λα‐ κεδαιμονίοις τέσσαρες ὑπάρχουσι λόχοι, οἷς κέχρηται ὁ βασιλεύς.
5	(τέτταρες λόχοι: Ἀργότερον τὰ Λακώνων ἔοικεν ἐξειρ‐ γάσθαι ὁ ποιητής. λόχοι γὰρ οὐκ εἰσὶ τέτταρες ἐν Λα‐ κεδαιμονίᾳ, ἀλλὰ εʹ, Ἔδωλος, Σίνις, Ἀρίμας, Πλοὰς, Μεσσοάγης. ὁ δὲ Θουκυδίδης [5, 38] ζʹ φησὶ, χωρὶς τῶν Σκιριτῶν.)
sch lys 457	λεκιθολαχανοπώλιδες: ᾨὰ γὰρ πωλοῦσι καὶ λάχανα καὶ ὄσπρια.
sch lys 460	ὡς ἤδη κειμένων αὐτῶν. R.
sch lys 461	παύσασθ’, ἐπαναχωρεῖτε: (Τοῦτο) ὡς τῶν ἀν‐ δρῶν πεφευγότων.
sch lys 462	οἴμ’ ὡς κακῶς πέπραγέ μου: Ἀντὶ τοῦ ἡττή‐ θησαν καὶ ἠτύχησαν οἱ σύμμαχοί μου.
sch lys 466	ἐάνπερ πλησίον κάπηλος ᾖ: Ἔπαιξε διὰ τὸ φί‐ λοινον, ὅτι πίνουσαι παροινοῦσιν.
sch lys 470	κονίας: (Νίτρου, ἢ ῥύπου.) —μὴ κεκονιμέ‐ νοις ὥστε λοῦσαι. R.
sch lys 472	κυλοιδιᾶν ἀνάγκη: Τὰ περὶ τὸν ὀφθαλμὸν μέρη κοῖλα (οἰδεῖν). καὶ παρὰ Θεοκρίτῳ [1, 38] «δηθὰ κυλοιδιόωντες.» —τὴν ὄψιν οἰδεῖν. R.
sch lys 475	ὥσπερ σφηκιά: Ἀπὸ τῶν μελιττῶν μετενήνοχε.
sch lys 475	βλίττειν γὰρ κυρίως τὸ ἐκπιέζειν μέλι. (βλήττῃ: Κινήσει, ἐρεθίσει.)	Column end
sch lys 477	τοῖσι κνωδάλοις: Τοῖς θηρίοις. κυρίως δὲ τοῖς θαλαττίοις. κνώδαλα γὰρ τὰ ἐν τῇ ἁλὶ κινούμενα. κα‐ ταχρηστικῶς καὶ Ὅμηρος [Od. Ρ, 317] «κνώδαλον ὅττι δίοιτο.»
sch lys 483	ἀκρόπολιν ἱερὸν τέμενος: Ἀπὸ κοινοῦ τὸ κατέ‐ λαβον.
sch lys 484	ἀλλ’ ἀνερώτα: Ἀναπαιστικὸν τὸ μέτρον.
sch lys 485	ἀκωδώνιστον: Ἀπείραστον, ἀβασάνιστον. κω‐ δωνίσαι γὰρ τὸ διαπειραθῆναι. μετῆκται δὲ ἀπὸ τῶν περιπολούντων καὶ κώδωσι διαπειρωμένων εἰ ἐγρηγό‐ ρασιν οἱ ἐπὶ ταῖς φυλακαῖς τεταγμένοι. οἱ δὲ ὑπομνημα‐
5	τισταὶ ἀπὸ τῶν ὀρτύγων φασὶ μετῆχθαι τὴν λέξιν. τοὺς γὰρ ὑπομείναντας τὸν ἦχον τοῦ κώδωνος ἐπιτηδείως ἔχειν πρὸς μάχην. ἔνιοι δέ φασι καὶ τοὺς ἵππους κώδω‐ σιν ἐξετάζειν.
sch lys 487	τὴν πόλιν: Τὴν ἀκρόπολιν.
sch lys 489	(καὶ τἄλλα γε: Λείπει διὰ χρήματα.)
sch lys 490	ἵνα γὰρ Πείσανδρος: Ὁ γὰρ Πείσανδρος ποτὲ προειστήκει τῆς πολιτείας μετὰ Θηραμένους καὶ Φρυ‐ νίχου. κωμῳδοῦσι δὲ αὐτὸν καὶ ὡς δωροδόκον, ὡς καὶ ἐν Βαβυλωνίοις Ἀριστοφάνης. ἦν δὲ καὶ δειλός. ἔστι δὲ
5	καὶ ἄλλος Πείσανδρος, ὁ Ὀνοκίνδιος, ὡς Εὔπολις δια‐ κρίνει τὴν ὁμωνυμίαν ἐν Μαρικᾷ.
sch lys 493	διχῶς, ὑμῖν. R.
sch lys 499	(ὡς σωθήσει κἂν μὴ βούλῃ: Τὸ ὡς προσέλαβεν ἀντὶ τοῦ ἀλλὰ μήν. διὸ τὸ χ.)
sch lys 501	κεἰ μὴ δέομαι: Καὶ εἰ μὴ δέομαι σωθῆναι.
sch lys 506	σαυτῇ κρώξαις: Ἀπὸ μεταφορᾶς τῶν ὀρνέων τῶν δυσοιωνίστων.
sch lys 509	οὐκ ἠρέσκετέ γ’ ἡμᾶς: (Τὸ) σχῆμα Ἀττικόν. — ὡς τὸ ἐνοχλῶ. R.
sch lys 511	κακῶς ὑμᾶς βουλευσαμένους: Τὸ ἑξῆς, ἐγινώ‐ σκομεν ὑμᾶς κακῶς βουλευσαμένους.
sch lys 512	εἶτ’ ἀλγοῦσαι τἄνδοθεν: Τὴν μὲν καρδίαν λυ‐ πούμεναι, γελῶσαι δέ.
sch lys 513	τί βεβούλευται: Τὸ ἑξῆς, τί βεβούλευται (ἐν) τῷ δήμῳ.
sch lys 514	τί δέ σοι τοῦτ’ ἦδ’ ὃς ἀνήρ: Ἔφη ἀνήρ τις. καὶ ἐπὶ πλήθους τούτῳ ἐχρῶντο καὶ ἐπὶ θηλυκοῦ καὶ ἀρσε‐ νικοῦ, ὡς τὸ ὦ τᾶν.
sch lys 519	εἰ μὴ τὸν στήμονα: Εἰ μὴ εὑρεθείης, φησὶ, νήθουσα τὸν στήμονα. (τὸ δὲ νήσω) ἀντὶ τοῦ νήσεις.
sch lys 520	πόλεμος δ’ ἄνδρεσσι μελήσει: Παρὰ τὸ Ὁμη‐ ρικόν [Il. Ζ, 492].
sch lys 524	οὐκ ἔστιν ἀνὴρ ἐν τῇ χώρᾳ: Λείπει ἔφη. οὐκ ἔστι πολέμιος ἐν τῇ χώρᾳ. μὰ Δί’ οὐ δῆθ’, ἕτερός τις ἔφη. ἢ οὐκ ἔστιν ἀνὴρ ἐν τῇ Ἀττικῇ λόγου ἄξιος ἡμῖν. Ἄλλως. ἀντὶ τοῦ ἄλλος τις ἔφη, οὐ μὰ τὸν Δία οὐκ
5	ἔστιν ἀνὴρ ἐν τῇ πόλει.
sch lys 526	ποῖ γάρ: Ἀντὶ τοῦ πότε γάρ.
sch lys 530	καὶ ταῦτα κάλυμμα φορούσῃ: Καλύμματα φο‐ ροῦσιν, ἐπειδὴ παρρησίαν οὐκ ἔχουσι καὶ πόλιν φυλάτ‐
sch lys 530	τουσιν. ἀντὶ τοῦ, οὐδὲ τῆς τριχὸς κυριεύουσιν. κάλυμμα: Κόσμιον περὶ τὴν κεφαλήν.	254
sch lys 531	ἀλλ’ εἰ τοῦτ’ ἐμπόδιόν σοι: Εἰς τὸ σιωπῆσαι.
sch lys 536	ἐζωσμένος ὡς γυνή. H.
sch lys 537	κυάμους τρώγων: Ἢ δικάζων, ἵνα μὴ κοιμη‐ θῇς. γέρων γὰρ εἶ.
sch lys 538	αἴρεσθ’, ὦ γυναῖκες: (Ἀναχωρήσατε ἀπὸ τῶν καλπίδων. ταῦτα λέγουσι διὰ μέσου ἕως τοῦ προσώπου Λυσιστράτης.) —εἰσάγει αὐτὰς ὀρχουμένας ἐν τῇ σκηνῇ. παρακελεύονται γὰρ ἀλλήλαις αἱ ὑδροφόροι τῶν καλπί‐
5	δων ἀναχωρῆσαι, ὅπως ἐν τῷ μέρει ὀρχήσωνται. R.
sch lys 542	οὔτε τὰ γόνατα κόπος: Ἀντὶ τοῦ οὐδὲ τὰ γόνατά μου ἔλαβε καματηρὸς πόνος.
sch lys 543	ἐθέλω δ’ ἐπὶ πᾶν ἰέναι: Πᾶν πρᾶγμα ποιῆσαι πανταχοῦ.
sch lys 548	ἀρετὴ φρόνιμος: Ἀντὶ τοῦ φρονίμη.
sch lys 549	ἀλλ’ ὦ τηθῶν: Τήθας ἐκάλουν τὰς μάμμας, τηθίδας δὲ τὰς θείας, τὰς πατρὸς ἢ μητρὸς (ἀδελ‐ φάς). τήθας δὲ καὶ τὰς τροφούς. εἰσὶ δὲ καὶ ὄστρεα θα‐ λάσσια. (καὶ) Ὅμηρος [Il. Π, 747] «πολλοὺς ἂν κο‐
5	ρέσειεν ἀνὴρ ὅδε τήθεα διφῶν.» ἀκαλήφας δὲ λέγουσι μὲν καὶ τὰς θαλασσίας, λέγουσι δὲ καὶ τὰς κνίδας Ἀτ‐ τικοί. καὶ κνίδη μὲν ὅσον ἁπαλή ἐστιν, ἐπὰν δὲ σχῇ τὰς μητέρας, τουτέστι τὰς τοῦ σπέρματος σφαίρας, ἀκαλήφη λέγεται. ἀκαλήφας οὖν τὰς γραίας ἐκάλεσεν, ἐπειδὴ στερ‐
10	ραὶ ἦσαν καὶ γενναῖαι. καὶ γὰρ τὸ φυτάριον δάκνει. ἐπεὶ οὖν εἶπε τηθῶν, εἶπε μητριδίων. μητριδίας δὲ λέγουσι τὰς ἐχούσας τὸ σπέρμα τῆς βοτάνης τῆς ἀκαλήφης· δάκνουσι δὲ αὗται. τοιαῦται γὰρ ἦσαν καὶ αἱ γραῖαι δριμεῖαι.
15	μητριδίων ἀκαληφῶν: Δριμυτάτων. —λείπει παῖ‐ δες. R.
sch lys 550	καὶ μὴ τέγγεσθε: Ἀντὶ τοῦ βλάπτεσθε καὶ με‐ ταβλήθητε. ἔτι γὰρ κρατοῦμεν τῶν ἀνδρῶν. ἀλλήλαις δὲ παρακελεύονται.
sch lys 553	κᾆτ’ ἐντέξῃ τέτανον: Παράσχῃ τὴν τάσιν τοῦ αἰδοίου. ὅταν γὰρ στῇ (τὸ αἰδοῖον), ὡς ῥόπαλον γίνε‐ ται.
sch lys 556	ἀγοράζοντας: Ἐν (τῇ) ἀγορᾷ διατρίβοντας. τινὰ δὲ τὸ «νὴ τὴν Παφίαν Ἀφροδίτην» τοῦ προβούλου, ἵν’ ᾖ κατ’ εἰρωνείαν. τινὰ δὲ καὶ συνάπτουσιν (αὐτὸ) τοῖς ὀπίσω. (χύτραις δὲ καὶ λαχάνοις ἀντὶ τοῦ) χυτροπω‐
5	λίοις καὶ λαχανοπωλίοις.
sch lys 558	Κορύβαντες: Ἔνιοι τοὺς Κούρητας καὶ Κορύ‐ βαντας τοὺς αὐτοὺς ὑπειλήφασιν. ἦσαν δὲ Διὸς τροφεῖς οὗτοι καὶ φύλακες. τινὲς δὲ αὐτοὺς δέκα φασὶν, ἄλλοι δὲ ἐννέα. ἦσαν δὲ τῆς Ῥέας παῖδες.
sch lys 562	εἰς τὸν χαλκοῦν ἐμβαλλόμενον: Εἰς χαλκῆν πε‐ ρικεφαλαίαν. (λέκιθος δὲ, ἐπεὶ ἔοικε λεκίθῳ ᾠοῦ.)
sch lys 563	πέλτην: Ἀσπίδα.
sch lys 564	ἐδεδίσκετο: Ἐφόβει. ἰσχαδόπωλιν: Ἰσχὺν μὴ ἔχουσαν. δρυπέτεις: Τὰς ἐπὶ τῶν δένδρων πεπανθείσας ἐλαίας φασὶ δρυπέτεις. νῦν δὲ ἐπὶ τῶν ἰσχάδων.
sch lys 566	φαύλως πάνυ: Εὐχερῶς.	Column end
sch lys 567	κλωστήρ: Νῦν τὸ νῆμα κλωστήρ.
sch lys 575	τὴν οἰσπωτήν: Τοῦ ἐρίου ὁ ῥύπος οἰσπωτὴ λέγεται. καὶ Κρατῖνος Διονυσαλεξάνδρῳ «οὒκ, ἀλλὰ «βόλιτα χλωρὰ κᾠσπώτην πατεῖν.»
sch lys 576	τοὺς τριβόλους: Τοὺς μοχθηρούς. ἔστι δὲ ἀκαν‐ θῶδες φυτόν.
sch lys 577	συνισταμένους: Συμπεπλεγμένους καὶ πιλοῦν‐ τας. ἀπὸ μεταφορᾶς τῶν ἐρίων· ὥσπερ γὰρ πολλάκις τὸ ἕτερον τῷ ἑτέρῳ κολλᾶται ἐρίῳ, καὶ διαχωρίζουσιν αὐτὰ ἀπ’ ἀλλήλων, οὕτως, φησὶν, ἐπὶ τῶν κεκολλημέ‐
5	νων ταῖς ἀρχαῖς ὀφείλετε ἀποχωρίζειν, καὶ εὔνοιαν πρὸς ἀλλήλους ἔχειν ἅμα. συνισταμένους: Συνηγόρους. καὶ πιλοῦντας: Τοὺς θλίβοντας εἰς τὴν πολιτείαν ἑαυτούς.
sch lys 578	ἐπὶ ταῖς ἀρχαῖσι: Ἐπ’ ἐλπίδι τοῦ ἄρχειν. τουτέστιν ἐνδύνοντας ἑαυτοὺς καὶ συναθροιζομένους, καὶ θλίβοντας εἰς τὴν πολιτείαν. τῶν γὰρ ἐρίων οἱ μαλλοὶ ἔχουσι τὰς κορυφὰς πεπιλημένας, καὶ ἐπὰν
5	τιλθῶσι, διαλύεται ὁ μαλλός. πρὸς ἑκάτερον οὖν καὶ τὰς κορυφὰς πεπιλημένας τοῦ ἐρίου ἐν τῷ πόκῳ, καὶ τὰς κεφαλὰς τῶν πονηρῶν καὶ συνισταμένων τοῖς πρά‐ γμασι (διαλῦσαι χρή). τὰς κεφαλάς: Ὡς τὰ ἄκρα τῶν ἐρίων.
sch lys 581	καὶ τούτους ἐγκαταμίξαι: Αἱ γὰρ γυναῖκες ἐργαζόμεναι ἀφ’ ἑκάστου ἐρίου λαμβάνουσιν ἕν τι καὶ μιγνύουσιν ἄλλοις. —ἕκαστον γὰρ τῶν ἐρίων χωρίζε‐ ται καὶ ὕστερον πάντα μίγνυται. R.
5	(ἐγκαταμίξαι: Ἐπιτίμους ποιῆσαι.)
sch lys 582	ἀντὶ τῆς πόλεως. R.
sch lys 583	κατάγματα: Τὰ τῶν ἐρίων κατασπάσματα οὕτω ἐκάλουν.
sch lys 586	τολύπην: Συναγωγήν.
sch lys 587	καὶ τολυπεύειν: Ὡς ἐπὶ τῶν ἐρίων. ἐπέμεινε τῇ τροπῇ.
sch lys 589	πλεῖν ἢ διπλοῦν: Τὸ ἐντελὲς πλέον. πλέον, φησὶν, ἢ διπλοῦν τὸν πόλεμον φέρομεν, γεννῶσαι τὰ παιδία.
sch lys 590	μὴ μνησικακήσῃς: Ἀντὶ τοῦ μὴ μνησθῇς τῶν κακῶν λέγουσα ὅτι τοὺς παῖδας ἔτι νεωτέρους ὄντας ἐκπέμπουσιν εἰς πόλεμον.
sch lys 592	καὶ θἠμέτερον: Ἀντὶ τοῦ τὸ καθ’ ἡμᾶς.
sch lys 593	περὶ τῶν δὲ κορῶν: Κορῶν περισπωμένως. οὐκ ἔστι γὰρ τριγενές.
sch lys 597	ὀττευομένη: Ἀντὶ τοῦ κλῃδονιζομένη, περὶ γάμου χρησμῳδουμένη. αἱ γὰρ χῆραι συνεχῶς μαν‐ τεύονται πότε γαμηθήσονται.
sch lys 599	ἀποθνήσκεις: Ὦ πρόβουλε.
sch lys 600	χωρίον ἐστί: Εἰς τὸ ὑποδέξασθαί σου τὸ σῶ‐ μα· οἷον ἔστι τόπος οὗ τεθήσει.
sch lys 601	μελιτοῦτταν: Ἡ μελιτοῦττα ἐδίδοτο τοῖς νε‐ κροῖς, ὡς εἰς τὸν Κέρβερον, καὶ ὀβολὸς μισθὸς τῷ πορθμεῖ, καὶ στέφανος ὡς τὸν βίον διηγωνισμένοις.
sch lys 601	καὶ δημάξω: Γράφεται καὶ δὴ μάξω. δημάζω ἀντὶ	255
5	τοῦ παίζω. παρ’ ὃ καὶ τὸ δημοῦσθαι. κάλλιον (δὲ οὕ‐ τως). ὅσον οὔπω μάξω μελιτοῦτταν.
sch lys 603	καὶ ταυτασί: Τὰς ταινίας, ἃς τοῖς νεκροῖς ἔπεμπον οἱ φίλοι. ἐν ἄλλῳ δὲ εὗρον, τὰς δραχμὰς, εἰς μισθὸν τῷ πορθμεῖ.
sch lys 605	τίνος δέει. R.
sch lys 607	σὺ δὲ κωλύεις ἀνάγεσθαι: Τὸν Χάρωνα δηλον‐ ότι ἀναπλεῖν.
sch lys 609	τοῖς προβούλοις: Τοῖς ἄλλοις δηλονότι τοῖς κʹ τοῖς ἐκ τῆς συναρχίας. οὐ γάρ ἐστιν εἷς ὁ πρόβουλος.
sch lys 610	ὡς ἔχω: Βεβρεγμένον.
sch lys 611	ὅτ’ οὐχὶ προὐθέμεσθά σε: Τοὺς νεκροὺς γὰρ οἱ ἀρχαῖοι προετίθεσαν πρὸ τῶν θυρῶν καὶ ἐκόπτοντο.
sch lys 612	ἀλλ’ ἐς τρίτην: Ἐπειδὴ τῇ τρίτῃ τὸ τῶν νε‐ κρῶν ἄριστον ἐκφέρεται.
sch lys 613	τὰ τρίτ’ ἐπεσκευασμένα: Ἀντὶ τοῦ τὰ τρίτα σου ποιούμενα.
sch lys 615	ἀλλ’ ἐπαποδυώμεθ’: Ἀντὶ τοῦ ἐπιχειρήσωμεν.
sch lys 616	ὄζειν ταδὶ μειζόνων: Τὰ τῶν γυναικῶν πρά‐ γματα.
sch lys 619	τῆς Ἱππίου τυραννίδος: Τεσσάρων ὄντων τῶν Πεισιστρατιδῶν, εἰκότως τοῦ Ἱππίου μόνου ἐμνημόνευ‐ σεν. πρεσβύτατος γὰρ ἦν οὗτος τῶν ἄλλων καὶ τὴν τυραννίδα ὑπέθετο, καθάπερ Θουκυδίδης [6, 54] φησί.
5	κατέσχε δὲ ἡ τυραννὶς ἐπὶ ἔτη γʹ, οἱ δὲ δʹ, Ἡρόδοτος δὲ ϛʹ. Ἄλλως, οὗτος τύραννος ἦν, ὃς ἐποίησε τοὺς Ἀθηναίους κατωνάκας φορεῖν, ὅπως μὴ δυνηθῶσι προ‐ ενεγκεῖν τὰς χεῖρας. τοῦτον δὲ κατέλυσαν οἱ Λακεδαι‐ μόνιοι.
sch lys 622	ἐς Κλεισθένους: Ἐπεὶ οὗτος γυναικώδης ὁ Κλεισθένης καὶ ὡς γυναικῶν συναθροιζομένων παρ’ αὐτῷ.
sch lys 624	τὰ χρήμαθ’ ἡμῶν: Τὰ ἐν ἀκροπόλει.
sch lys 629	λύκῳ κεχηνότι: Ὥσπερ οὐδεὶς δύναται πι‐ στεῦσαι λύκῳ χαίνοντι. ἡ παροιμία ἐπὶ τῶν μάτην χαινόντων. (ἢ ἐπὶ τῶν ἀλλότρια ἁρπαζόντων.) ὃν γὰρ τρόπον λύκοις οὐκ ἔστι πίστις, οὐδὲ τούτοις.
sch lys 630	ἀλλὰ ταῦθ’ ὕφηναν: Ἀλλ’, ὦ ἄνδρες, ταῦτα ἐποίησαν αἱ γυναῖκες ἵνα τυραννήσωσιν.
sch lys 632	ἐν μύρτου κλαδί: (Ἀντὶ τοῦ κλάδῳ, κατὰ με‐ ταπλασμόν. Ἄλλως.) πρὸς τὸ κομμάτιον, ὅτι ἐκ τοῦ σκολιοῦ ἐστιν ὅτι ἐν μυρσίνῳ κλάδῳ τὸ ξίφος φορέσο‐ μεν, ὥσπερ Ἁρμόδιος καὶ Ἀριστογείτων. οὗτοι γὰρ
5	ἀπὸ τῶν μυρσίνων κλάδων τὰ ξίφη ἀνασπάσαντες τὸν τύραννον κατέβαλον.
sch lys 633	ἀγοράσω τ’ ἐν τοῖς ὅπλοις: (Ἀντὶ τοῦ ἐν τῇ ἀγορᾷ διατρίψω μετὰ Ἀριστογείτονος.) —ἀντὶ τοῦ ἐγγύς. R.
sch lys 634	γίνεται: Λείπει βοηθός. R. L.
sch lys 635	χλευάζει ὅτι καὶ αὐτοὶ γέροντες. R.
sch lys 636	οὐ γὰρ εἰσιόντας: Ἀπὸ τῶν πληγῶν τῶν παρ’ ἡμῶν ἀλλοῖος γενήσῃ. R. L.
sch lys 642	ἠρρηφόρουν: Οἱ μὲν διὰ τοῦ α, ἀρρηφορία,
sch lys 642	ἐπειδὴ τὰ ἄρρητα ἐν κίσταις ἔφερον τῇ θεῷ αἱ παρθέ‐ νοι. οἱ δὲ διὰ τοῦ ε ἐρσεφορία. τῇ γὰρ Ἔρσῃ πομπεύ‐ ουσι, τῇ Κέκροπος θυγατρὶ, ὡς ἱστορεῖ Ἴστρος.	Column end
sch lys 643	εἶτ’ ἀλετρὶς ἦ: Ἦ ἀντὶ τοῦ ἦν, ὑπῆρχον. γί‐ νονται δέ τινες τῶν εὖ γεγονυιῶν ἀλετρίδες τῇ θεῷ παρθένοι, αἵτινες τὰ εἰς τὴν θυσίαν πόπανα ἀλοῦσι· καὶ ἔστιν ἔντιμον τοῦτο. ἦσαν δὲ καὶ ἱεροὶ μυλῶνες.
5	ἦ: Ἔα καὶ κατὰ συναίρεσιν ἦ.
sch lys 644	οὖσά τ’ ἀρχηγέτι: Τῇ δεσποίνῃ Ἀρτέμιδι, ἢ Δήμητρι.
sch lys 645	ἄρκτος ἦ Βραυρωνίοις: (Ἄρκτον μιμούμεναι τὸ μυστήριον ἐξετέλουν. αἱ ἀρκτευόμεναι δὲ τῇ θεῷ κροκωτὸν ἠμφιέννυντο, καὶ συνετέλουν τὴν θυσίαν τῇ Βραυρωνίᾳ Ἀρτέμιδι καὶ τῇ Μουνυχίᾳ, ἐπιλεγόμεναι
5	παρθένοι, οὔτε πρεσβύτεραι δέκα ἐτῶν οὔτ’ ἐλάττους πέντε. ἐπετέλουν δὲ τὴν θυσίαν αἱ κόραι ἐκμειλισσόμε‐ ναι τὴν θεὸν, ἐπειδὴ λιμῷ περιπεπτώκασιν οἱ Ἀθηναῖοι, ἄρκτον ἡμέραν ἀνῃρηκότες τῇ θεᾷ. οἱ δὲ τὰ περὶ τὴν Ἰφιγένειαν ἐν Βραυρῶνι φασὶν, οὐκ ἐν Αὐλίδι. Εὐφο‐
10	ρίων Ἀρχίαλον Βραυρῶνα κενήριον Ἰφιγενείας. δοκεῖ δὲ Ἀγαμέμνων σφαγιάσαι τὴν Ἰφιγένειαν ἐν Βραυρῶνι, οὐκ ἐν Αὐλίδι. καὶ ἄρκτον ἀντ’ αὐτῆς οὐκ ἔλαφον φονευθῆναι. ὅθεν μυστήριον ἄγουσιν αὐτῇ.
15	Ἄλλως.) ἄρκτος τις δοθεῖσα εἰς τὸ ἱερὸν τῆς Ἀρτέμιδος ἡμερώθη. ποτὲ οὖν μία τις παρθένος ἔπαιξε πρὸς αὐτῇ, καὶ ἐξύσθη ἡ ὄψις αὐτῆς ὑπὸ τῆς ἄρκτου. καὶ λυπηθεὶς ὁ ἀδελφὸς αὐτῆς ἀνεῖλε τὴν ἄρκτον. ἡ δὲ Ἄρτεμις ὀρ‐ γισθεῖσα ἐκέλευσε παρθένον πᾶσαν μιμήσασθαι τὴν
20	ἄρκτον πρὸ τοῦ γάμου, καὶ περιέπειν τὸ ἱερὸν κροκω‐ τὸν ἱμάτιον φοροῦσαν. καὶ τοῦτο ἀρκτεύεσθαι ἐλέγετο. —οἱ δὲ καὶ λοιμώδη νόσον τοῖς Ἀθηναίοις ἐμπεσεῖν. καὶ ὁ θεὸς εἶπεν λύσιν τῶν κακῶν ἔσεσθαι, ἐὰν τῆς τε‐ λευτησάσης ἄρκτου ποινὰς ἀρκτεύειν τὰς ἑαυτῶν παρ‐
25	θένους ἀναγκάσωσι. δηλωθέντος δὲ τοῦ χρησμοῦ τοῖς Ἀθηναίοις, ἐψηφίσαντο μὴ πρότερον συνοικίζεσθαι ἀνδρὶ παρθένον, εἰ μὴ ἀρκτεύσειεν τῇ θεῷ. R.
sch lys 646	κἀκανηφόρουν ποτ’ οὖσα: Ταῖς πομπαῖς ἐκα‐ νηφόρουν αἱ παρθένοι. ἐφόρουν δὲ καὶ λοπάδας τινὰς ὁλοχρύσους.
sch lys 647	ἔχους’ ἰσχάδων ὁρμαθόν: Οὕτως ἐπόμπευον καὶ ὁρμαθοὺς ἔχουσαι τῶν ἰσχάδων.
sch lys 651	τοὐράνου γάρ μοι μέτεστιν: Τοῦ ἐράνου φησὶ μετέχω. ἄνδρας γὰρ εἰσφέρω εἰς τοῦτο, καθὸ τίκτουσιν ἄνδρας αἱ γυναῖκες. ἐγένετο δὲ ἐπὶ τῶν Μηδικῶν ψή‐ φισμα, ὥστε ἕκαστον κατὰ δύναμιν συμβάλλεσθαι εἰς
5	τὰ κοινὰ χρήματα. τοὐράνου: Τοῦτό φησιν ὅτι τρέφομεν τοὺς πολεμοῦν‐ τας. R. L. εἰσφέρω: Ἀντὶ τοῦ γεννῶ.
sch lys 653	τὸν ἔρανον τὸν λεγόμενον παππῷον ἐκ τῶν Μη‐ δικῶν: Ὡς αὐτῶν τὰ Μηδικὰ χρήματα δαπανησάν‐ των. —παρέταξεν Ἀριστείδης δοῦναι τοῖς συμμάχοις
sch lys 653	εἰ ἐπὶ τοὺς βαρβάρους πολεμοῖεν. R.	256
sch lys 654	(εἶτ’ ἀναλώσαντες: Τὸ εἶτα παρέλκει.)
sch lys 656	ἆρα γρυκτόν ἐστιν: Ἆρα γρύξαι ὀφείλετε, ἢ παρρησίαν ἄγειν. ἀψήκτῳ δὲ ἀκαταμάκτῳ, ἢ σκληρῷ καὶ ἀμαλάκτῳ. κοθόρνῳ δὲ τῷ ὑποδήματι.
sch lys 660	κἀπιδώσειν μοι δοκεῖ: Ἀντὶ τοῦ προσθήκην σχήσειν.
sch lys 663	τὴν ἐξωμίδα: Εὐτελὲς ἱμάτιον.
sch lys 664	ἐντεθριῶσθαι: Ἐντετυλίχθαι, ἐσκευάσθαι. με‐ τενήνεκται δὲ ἀπὸ τοῦ λεγομένου θρίου σκευάσματος, ὃ ἐν σύκου φύλλοις εἰλεῖται.
sch lys 665	λυκόποδες: Λυκόποδας ἐκάλουν, ὡς μὲν Ἀρι‐ στοτέλης, τοὺς τῶν τυράννων δορυφόρους. τοὺς γὰρ ἀκμάζοντας τῶν οἰκετῶν ἐπὶ τῇ τοῦ σώματος φυλακῇ ἔβαλλον. λυκόποδες δὲ ἐκαλοῦντο, ὅτι διὰ παντὸς εἶ‐
5	χον τοὺς πόδας λύκων δέρμασι περικεκαλυμμένους, ὥστε μὴ ἐπικαίεσθαι ἐκ τοῦ περιέχοντος. τινὲς δὲ λυ‐ κόποδας, διὰ τὸ ἔχειν ἐπὶ τῶν ἀσπίδων ἐπίσημον λύκον. (ὁ δὲ Ἀριστοφάνης ἔφη τοὺς νῦν λεγομένους Ἀλκμαιωνίδας, οὗτοι γὰρ πόλεμον ἀράμενοι πρὸς Ἱπ‐
10	πίαν τὸν τύραννον καὶ τοὺς Πεισιστρατίδας ἐτείχισαν τὸ Λειψύδριον.)
sch lys 666	Λειψύδριον: Χωρίον τῆς Ἀττικῆς περὶ τὴν Πάρνηθον, εἰς ὃ συνῆλθόν τινες ἐκ τοῦ ἄστεος, ὥς φη‐ σιν Ἀριστοτέλης ἐν Ἀθηναίων πολιτείᾳ.
sch lys 667	ὅτ’ ἦμεν ἔτι: Λείπει νεώτεροι.
sch lys 669	κἀναπτερῶσαι: Ἐλαφρύνασθαι καὶ ἀνθῆσαι.
sch lys 673	λιπαρᾶς χειρουργίας: Ἀντὶ τοῦ τόλμης. λι‐ παρὲς ἔλεγον τὸ προσεχὲς, ἐκ τοῦ λίαν παρεῖναι. φη‐ σὶν οὖν ὅτι οὐκ ἀφέξονται προσεχοῦς ἔργου αἱ γυναῖκες.
sch lys 675	Ἀρτεμισία Λυγδάμιδος θυγάτηρ τὸ γένος Ἐφε‐ σία, ἥτις συνεμάχησε Ξέρξῃ κατὰ τῆς Ἑλλάδος καὶ ἱκανῶς ἠνδραγάθησεν.
sch lys 676	διαγράφω τοὺς ἱππέας: Περιαιρῶ, ἀπὸ μετα‐ φορᾶς τῶν δικαζόντων, οἳ ἐχάρασσον τοὺς κατεγνω‐ σμένους. (ἐκ δὲ τούτου εὐτελεῖς ἡγήσομαι αὐτούς.) νικη‐ θήσονται γὰρ ὑπὸ τῶν γυναικῶν.
sch lys 677	κἄποχον: Τουτέστι δυνάμενον ἐποχεῖσθαι. — παίζει δὲ πρὸς τὴν συνουσίαν.
sch lys 679	ἃς Μίκων ἔγραψε: Ποικίλη στοὰ Ἀθήνησιν οὕτω λεγομένη διὰ τὴν ἐνοῦσαν γραφήν. ἔνθα πεποίη‐ κεν ὁ Μίκων τῶν Ἀμαζόνων τὴν μάχην. ἦν δὲ Φανό‐ χου υἱὸς, Ἀθηναῖος. ἔστι δὲ καὶ ἕτερος Μίκων εἰς πε‐
5	νίαν κωμῳδούμενος.
sch lys 680	τὸν κύφωνα λέγει. R.
sch lys 682	ζωπυρήσεις: Ἀντὶ τοῦ ἀνεγείρῃς.
sch lys 683	λύσω τὴν ἐμαυτῆς ὗν: Ὗν τὴν φύσιν λέγει, τὴν ὀργήν.
sch lys 684	καὶ ποιήσω τήμερον: Ποιήσω σε δερόμενον ἐπικαλεῖσθαι εἰς βοήθειαν τοὺς δημότας.
sch lys 685	πεκτούμενον: Τιλλόμενον, ξεόμενον.
sch lys 687	ἀλλὰ χἠμεῖς, ὦ γυναῖκες: Μιμοῦνται τοὺς τῶν ἀνδρῶν λόγους.
sch lys 688	ὡς ἄν: Ὅπως ἄν.
sch lys 688	αὐτοδὰξ ὠργισμένων: Πάνυ ὠργισμένων.	Column end
sch lys 690	ἵνα μήποτε φάγῃ: Ἵνα μὴ εἰς ὥραν ἔλθῃ. παίζει δὲ ἀπὸ τῶν εὐτελῶν. ἵνα μὴ δικάσῃ μηδὲ πολεμήσῃ. εἰς γὰρ τὸν πόλεμον φέρουσι σκόροδα. οἱ δὲ δικασταὶ τρώγουσι κυάμους, ἵνα μὴ κοιμηθῶσιν. ὅθεν
5	[Eq. 41] «κυαμοτρὼξ, ἀκρόχολος.»
sch lys 694	(ὑπερχολῶ γάρ: Διὰ μέσου τὸ ὑπερχολῶ γάρ.)
sch lys 695	αἰετὸν τίκτοντα: Λείπει τὸ ὡς. παροιμία, ἧς μέμνηται καὶ ἐν Εἰρήνῃ [133]. τὰ γὰρ ᾠὰ τῶν ἀετῶν οἱ κάνθαροι κυλίοντες διαφθείρουσιν. —ἐπεὶ τοὺς καν‐ θάρους οἱ ἀετοὶ ἀναλέγονται. R. L.
sch lys 697	Ἰσμηνία: Ὄνομα γυναικός.
sch lys 698	οὐδ’ ἢν ἑπτάκις σὺ ψηφίσῃ: Οἱ γὰρ γέροντες ἀεὶ ἐψηφίζοντο κελεύοντες τί πρακτέον καὶ τί μή.
sch lys 700	παιγνίαν: Ἑορτήν.
sch lys 701	λείπει ταῖς ἐμαῖς. R. τὴν ἑταίραν: Τὸ χ (ἐν‐ ταῦθα)· ὅτι τὴν γυναῖκα ἑταίραν εἶπεν ὡς ἑταῖρον τὸν συνήθη καὶ φίλον.
sch lys 702	ἐκ Βοιωτῶν ἔγχελυν: Παρὰ προσδοκίαν πέ‐ παιχεν. ἐν γὰρ τῇ Κωπαΐδι λίμνῃ μέγισται ἐγχέλεις (γίνονται).
sch lys 703	διὰ τὰ σὰ ψηφίσματα: Τὰ ψηφίσματα κω‐ λύοντα.
sch lys 706	ἄνασσα πράγους: Ἐκ Τηλέφου Εὐριπίδου.
sch lys 707	γυνὴ πρὸς Λυσιστράτην. R.
sch lys 713	ἀλλ’ αἰσχρὸν εἰπεῖν: Ἐξ Εὐριπίδου.
sch lys 715	ᾗ βράχιστον τοῦ λόγου: Ἀντὶ τοῦ ἵνα συντό‐ μως εἴπω.
sch lys 719	ἱκανή. R.
sch lys 720	διαλέγουσαν: Διορύττουσαν. κακεμφάτως.
sch lys 721	ᾗ τοῦ Πανός ἐστι ταὔλιον: Ὅπου. ἐν τῇ ἀκροπόλει ἱερόν ἐστι τοῦ Πανός.
sch lys 722	κατειλυσπωμένην: Εἰλυσπᾶσθαι κυρίως τὸ ἐπὶ γῆς ἕρπειν, ὥσπερ οἱ ὄφεις καὶ οἱ σκώληκες. (ἀπὸ τοῦ εἰλεῖν καὶ σπᾶσθαι. τροχιλία δέ ἐστιν ὁ τροχὸς τοῦ ξύλου τοῦ φρέατος, δι’ οὗ ἱμῶσι. δεδήλωται δὲ περὶ
5	τούτου καὶ ἐν Ὁλκάσι.)
sch lys 723	τὴν δ’ ἐπὶ στρουθοῦ μίαν: Παρ’ ὅσον τὸ ὄρνεον θερμὸν εἰς συνουσίαν.
sch lys 725	ἐς Ὀρσιλόχου χθές: Ὀρσίλοχος πορνοβοσκὸς καὶ μοιχὸς, καὶ ἐπὶ θηλύτητι κωμῳδεῖται.
sch lys 729	ἔριά μοι Μιλήσια: Ὡς τῆς Μιλήτου καλὰ ἐχούσης ἔρια.
sch lys 730	ὑπὸ τῶν σέων: (Τῶν) σητῶν. πρὸς τὴν κλίσιν δὲ τῶν σέων· ὅτι ἀπὸ τῆς σεὺς εὐθείας.
sch lys 732	ὅσον διαπετάσασα: Διαπετάσασα τὰ ἔρια. εἰς τὸ κακέμφατον δὲ αἰνίττεται.
sch lys 734	ἢν τούτου δέῃ: Τοῦ ἀπολέσθαι. (ἢ) κἂν δέῃ ἀπελθεῖν; καὶ χρῄζεις μὴ ἀπέλθῃς.
sch lys 735	τῆς ἀμόργιδος: Τῆς λινοκαλάμης. ἔστι δὲ ἡ ἄμοργις ὅμοιον ἀλεπίστῳ λίνῳ. περιλεπίζουσι δὲ αὐτὸ καὶ ἐργάζονται. ἔστι δὲ σφόδρα λεπτὸν, ὑπὲρ τὴν βύσσον, ἢ τὴν κάρπασον· ἅμα δὲ καὶ ἐπὶ τοῦ ἀν‐
5	δρείου αἰδοίου παίζει, ὅτι καὶ βάμμα γίνεται ἐξ αὐτῆς
5	ἐρυθρόν.	257
sch lys 736	(αὕθ’ ἡτέρα: Αὕτη ἄλλη τῆς ἄλλης κακίων.)
sch lys 737	τὴν ἄλοπον: Ἀλέπιστον καὶ ἀκάθαρτον. πρὸς τὴν ὑπόνοιαν.
sch lys 738	(χώρει πάλιν δεῦρο: Ἐπὶ τὴν ἀκρόπολιν.)
sch lys 739	ἐγὼ δ’ ἀποδείρασα: Ἀποπλύνασα. δηλοῖ δὲ καὶ τὸ κακέμφατον.
sch lys 743	ἕως ἂν εἰς ὅσιον: Ἀντὶ τοῦ εἰς βέβηλον καὶ μὴ ἱερὸν, ἀλλ’ ὅσιον εἰς τοκετόν. ἐπειδὴ ἐν τῇ ἀκροπόλει ἦσαν. παρθένος δὲ ἡ θεός. περικεφαλαίαν εἶχεν ὥστε δοκεῖν κύειν.
sch lys 746	ὡς τὴν μαῖαν: Ἀντὶ τοῦ ὡς πρός.
sch lys 748	ἄρρεν παιδίον: Ἁπτομένη τῆς γαστρὸς αὐτῆς τοῦτο φησί.
sch lys 755	εἰσβᾶσα ταύτην ὥσπερ: Ὅτι ἐν κοιλώμασι τίκτουσιν.
sch lys 757	οὐδ’ ἀμφιδρόμια: Δέον παιδίου, εἶπε κυνῆς. κυνῆν γὰρ εἶχε προσποιουμένη κύειν. ἀμφιδρόμια δὲ ἡ δεκάτη ἡμέρα τῶν τικτομένων παιδίων, ἐν ᾗ τὰ ὀνό‐ ματα αὐτοῖς τιθέασι περιδραμόντες κειμένοις.
sch lys 758	οὐδὲ κοιμᾶσθ’ ἐν πόλει: Ἐν τῇ ἀκροπόλει. τοῦτο δὲ ἑτέρα γυνή φησιν.
sch lys 759	ἐξ οὗ τὸν ὄφιν εἶδον: Τὸν ἱερὸν δράκοντα τῆς Ἀθηνᾶς, τὸν φύλακα τοῦ ναοῦ.
sch lys 762	τῶν τερατευμάτων: Τῶν προφάσεων καὶ πλασμάτων.
sch lys 763	ἡμᾶς δ’ οὐκ οἴει: Οὐ νομίζεις κἀκείνους ποθεῖν ἡμᾶς.
sch lys 770	χελιδόνες: Αἱ γυναῖκες δηλονότι. χρησμός.
sch lys 771	φαλήτων: Τῶν μορίων.
sch lys 772	τὰ δ’ ὑπέρτερα νέρτερα: Τὰ ἐπικρατέστερα εὐτε‐ λέστερα ποιήσει, τοὺς ἄνδρας δηλονότι.
sch lys 773	ἐπάνω κατακεισόμεθα: Ἐρωτᾷ ἐπάνω τοῦ αἰ‐ δοίου. κακεμφάτως δὲ ἐδέξατο.
sch lys 774	(διαστῶσι: Διχῶς ἀποστῶσι.)
sch lys 776	καταπυγωνέστερον: Μαλακώτερον καὶ πορνι‐ κώτερον τῶν χελιδόνων, τουτέστι τῶν γυναικῶν.
sch lys 785	(ἦν νεανίσκος Μειλανίων: Μήποτε παρὰ τὴν ἱστορίαν εἴρηκεν. οὐ γὰρ Μειλανίων ἔφευγε μᾶλλον, ἀλλ’ ἡ Ἀταλάντη. ἐπίτηδες δὲ τοῦτο ὁ τῶν ἀνδρῶν χορὸς ἱστορεῖ.)
sch lys 789	ἐλαγοθήρα: Ἐκυνηγέτει, λαγοὺς ἐθήρα.
sch lys 790	πλεξάμενος ἄρκυς: Εἶδος δικτύου. λίνα κυνη‐ γετικά.
sch lys 795	κατὰ κοινοῦ τὸ μισοῦμεν τὰς γυναῖκας.
sch lys 796	οἱ σώφρονες: Ἐσμὲν, βδελυττόμεθα.
sch lys 798	κρόμμυόν τ’ ἄρ’ οὐκ ἔδει: Οἷον κλαύσει καὶ χωρὶς κρομμύων. ἢ κατὰ τὸ εἰρημένον ἄνω, ἵνα μή‐ ποτε φάγῃ σκόροδα καὶ κυάμους μέλανας. ἢ ὅτι δακρύ‐ εις καὶ χωρὶς τοῦ κρόμμουν ἐσθίειν. ἢ οὐ πολεμήσεις.
sch lys 799	τὸ σκέλος ἢ τὸ αἰδοῖον. R.
sch lys 800	οἷον τιλθήσῃ. R.
sch lys 801	καὶ Μυρωνίδης γὰρ ἦν: Δύο Μυρωνίδαι ἦσαν, ὡς ἐν ταῖς Ἐκκλησιαζούσαις [303] δεδήλωται. ἐνθάδε
sch lys 801	τοίνυν μέμνηται τοῦ ἐν Οἰνοφύτοις νικήσαντος.	Column end
sch lys 802	μελάμπυγός τε: Τοὺς λευκοπύγους ὡς γυναι‐ κώδεις ἐκωμῴδουν.
sch lys 804	ὡς δὲ Φορμίων: Φορμίων, στρατηγὸς, σφόδρα εὐδόκιμος, Ἀσωπίου υἱός. ὡς τριχώδης δὲ καὶ αὐτὸς καὶ μελαίνας πυγὰς ἔχων ἐκωμῳδεῖτο.
sch lys 807	τῷ Μελανίωνι: Σοὶ τῷ γέροντι.
sch lys 808	Τίμων ἦν τις: Τίμων οὗτος ἦν ὁ λεγόμενος μισάνθρωπος, ὅν φησι Νεάνθης ἀπὸ ἀχράδος πεσόντα χωλὸν γενέσθαι, μὴ προσιέμενον δὲ ἰατροὺς ἀποθανεῖν σαπέντα. καὶ μετὰ τὴν τελευτὴν αὐτοῦ τὸν τάφον ἄβα‐
5	τον γενέσθαι ὑπὸ θαλάσσης περιρραγέντα, ἐν ὁδῷ τῇ ἐκ Πειραιῶς εἰς Ζωστῆρα καὶ Σούνιον φερούσῃ.
sch lys 809	ἀντὶ τοῦ ἄβατος καὶ ἄστατος. R. —ἀΐδρυτος ἀβάτοισιν: Οἷον ἀκάνθαις τετριχωμένος, σκληρός. Ἄλλως. σκόλοψι καὶ παττάλοις ἠσφαλισμένος.
sch lys 810	τὸ πρόσωπον περιειργασμένος: Ἀντὶ τοῦ σκυ‐ θρωπός.
sch lys 811	ἀπορρώξ: Διὰ τὴν μισανθρωπίαν.
sch lys 815	πολλὰ καταρασάμενος: Ἐπιεικὴς ἦν καὶ ἔφευγε τοὺς πονηρούς.
sch lys 817	ὡς εἰ ἡμεῖς ὑμᾶς.
sch lys 821	κατ’ ἐρώτησιν.
sch lys 822	ἢ εἰρωνείᾳ φησὶν, ἢ ἀληθῶς ἐφοβήθη.
sch lys 823	λακτίσω.
sch lys 824	τὸ γυναικεῖον αἰδοῖον.
sch lys 826	ὅτι ἀπεψιλωμένον φησί.
sch lys 832	μαινόμενον τῷ ἔρωτι.
sch lys 834	τουτέστι τῆς αὐτῆς ὁδοῦ καὶ διανοίας.
sch lys 835	Χλόης Δήμητρος ἱερὸν ἐν ἀκροπόλει, ἐν ᾧ οἱ Ἀθηναῖοι θύουσι μηνὸς Θαργηλιῶνος, ὡς Φιλόχορός φησιν ἐν ϛʹ.
sch lys 838	κωμῳδεῖ Κινησίαν ὡς κατωφερῆ εἰς συνουσίαν. ἦν δὲ διθυραμβοποιός.
sch lys 839	πέπαιχεν παρὰ τὸ κινεῖν.
sch lys 840	παραλογίζεσθαι καὶ τὰ ταύτην παρακολουθοῦντα πλὴν ὧν συνωμοσάμεθα μὴ ποιεῖν, τουτέστι συνουσιά‐ ζειν.
sch lys 841	εἰς ἣν ὠμόσαμεν.
sch lys 844	σύν σοι ὀπτήσω τῷ ἔρωτι ἀπὸ μεταφορᾶς τῶν κρεῶν.
sch lys 847	λείπει τὸ ἐγγύς. ὁ ἐντὸς τῶν φυλασσουσῶν γυναικῶν.
sch lys 849	ἐν ἡμέρᾳ σκοποῦσα.
sch lys 852	παίζει πρὸς τὸ πέος ὡς ἀπὸ δήμου τινός. ἢ ἵνα διαβάλῃ αὐτὸν ξένον καὶ Θρᾷκα.
sch lys 855	διαπαίζει τὰς γυναῖκας ὡς ἐρώσας τοῦ κινεῖν. διὰ στόματος.
sch lys 857	ἀντὶ τοῦ φυλαττέσθω.
sch lys 861	ἐν ἐρωτήσει.
sch lys 862	τὸ αἰδοῖον δείκνυσιν.
sch lys 863	ἢ ἀργύριον ἢ μερίδα.
sch lys 864	ἀπὸ τοῦ τείχους κατελθοῦσα ὅπου ἐφύλασσον
sch lys 864	αἱ ἡμεροσκόποι.	258
sch lys 873	τὸ πλῆρες αὐτόσε οὐ καταβήσομαι ἀπὸ τῆς ἀκροπόλεως.
sch lys 876	οὐδενὸς χρῄζων. ὑπὸ τοῦ ἔρωτος δηλονότι.
sch lys 877	ἀντὶ τοῦ μὴ ἀπέλθῃς.
sch lys 878	πρὸς τὸν παῖδα λέγει.
sch lys 881	οἷον ἄτροφον ἀπὸ τῆς θηλῆς τοῦ μαστοῦ. μὴ θηλασθέν.
sch lys 883	ἀντὶ τοῦ διὰ τὸ παιδίον.
sch lys 886	ποθεινότερον, πραότερον.
sch lys 887	ἀλαζονικῶς θρύπτεται. ἡ δὲ μεταφορὰ ἀπὸ τοῦ βρενθίου μύρου.
sch lys 888	τὸ ἐντελὲς δῆτά ἐστιν.
sch lys 889	διὰ τὸ ὡραῖον αὐτοῦ.
sch lys 890	τῇ μαμμίᾳ: Ἀντὶ τοῦ ἐμοί.
sch lys 893	μὴ πρόσαγε τὴν χεῖρά μοι: Ὡς αὐτοῦ ἁπτο‐ μένου αὐτῆς αἰσχρῶς.
sch lys 896	ὀλίγον μέλει σοι: Ἀντὶ τοῦ οὐδὲ ὀλίγον μέλει σοι. τῆς κρόκης φορουμένης: Διαφορουμένης, διασπω‐ μένης.
sch lys 898	ἀνοργίαστά σοι: Ἀτέλεστά σοι. ἀντὶ τοῦ οὐκ ὠργίασας τῇ Ἀφροδίτῃ.
sch lys 900	πρὸς Λάκωνας. R.
sch lys 903	νῦν δ’ ἀπομώμοκα: Ἀντὶ τοῦ ὁρκωμοσίαν πρὸς τὰς γυναῖκας πεποίηκα. ἀπομώμοκα: Πρὸς σέ. L.
sch lys 905	καί τοι ς’ οὐκ ἐρῶ: Οὐ κρύπτω τὸν ἐμὸν πόθον.
sch lys 907	ἐναντίον τοῦ παιδίου: Οὐκ ἀποτόμως παραι‐ τεῖται, ἀλλὰ διὰ προφάσεως πλείονος ἐρεθίζει. —ἐκοι‐ μήθης. R.
sch lys 908	ὦ Μανῆ: Οἰκέτης ὁ Μανῆς.
sch lys 911	ὅπου τὸ Πανὸς καλόν: Ἐπεὶ ἐρωτικὸς ὁ Πάν. πλησίον δὲ τοῦ Πανείου ἡ Κλεψύδρα ἦν κρήνη.
sch lys 913	λουσαμένη τῇ Κλεψύδρᾳ: Ἐν τῇ ἀκροπόλει ἦν κρήνη ἡ Κλεψύδρα, πρότερον Ἐμπεδὼ λεγομένη. ὠνομάσθη δὲ Κλεψύδρα, διὰ τὸ ποτὲ μὲν πλημμυρεῖν, ποτὲ δὲ ἐνδεῖν. ἔχει δὲ τὰς ῥύσεις ὑπὸ γῆν, φέρουσα
5	εἰς τὸν Φλεγρεώδη λειμῶνα. —εἰς τὴν ἀκρόπολιν. R.
sch lys 917	μὰ τὸν Ἀπόλλω: Οὐκ ἔστιν ὅρκος γυναικῶν.
sch lys 920	κἀγὼ ’κδύομαι: Λείπει τὸ ἱμάτιον.
sch lys 923	αἰσχρὸν γὰρ ἐπὶ τόνου γε: Ἀντὶ τοῦ ἐπὶ ἐπι‐ τόνου. λείπει γὰρ ἡ ἐπί. δηλοῖ δὲ ἐπὶ δέρματος. (καὶ) Ὅμηρος [Od. Μ, 423] «ἐπίτονος βέβλητο.»
sch lys 925	καὶ δὴ ’κδύομαι: Λείπει τὸ ἱμάτιον.
sch lys 928	Ἡρακλῆς ξενίζεται: Παροιμία ἐπὶ τῶν βρα‐ δυνόντων. οἱ γὰρ ὑποδεχόμενοι τὸν Ἡρακλέα βραδύ‐ νουσιν. ἀδηφάγος γὰρ ὁ ἥρως.
sch lys 929	ἀνιστὰς ἀναπήδησον: Ἵνα προσκεφάλαιον αὐτῷ θῇ.
sch lys 930	ἅπαντα δῆτα: Κατ’ ἐρώτησιν.
sch lys 933	σισύραν οὐκ ἔχεις: Διφθέραν, ἱμάτιον πυκνόν.
sch lys 933	ἄκναπτον ἱμάτιον καὶ παχὺ ἡ σισύρα.	Column end
sch lys 936	ἅνθρωπος ἐπιτρίψει με: Ἀντὶ τοῦ ἡ γυνὴ ἡ ἄνθρωπος (εἶπε).
sch lys 937	ἀλλ’ ἐπῆρται τοῦτό γε: Τὸ αἰδοῖον δείκνυσι. παρ’ ὑπόνοιαν δὲ ἀπήντησε.
sch lys 943	εἰ μὴ διατριπτικόν γε: Παρὰ τὸ διατρίβειν καὶ ἀναβάλλεσθαι. οἷον διατριβῆς γέμον καὶ βραδυτῆ‐ τος· ἐπεὶ καὶ τριβόμενα ἔνια τῶν μύρων ἡδίω γίνεται. (ἅμα δὲ καὶ πρὸς τὴν διατριβὴν λέγει.)
sch lys 944	τάλαιν’ ἐγώ: Τοῦτο φησὶν ἵνα πάλιν ἀπέλθῃ. (οὐ τὸ Σύριον.) Ῥόδιον δὲ μύρον τὸ ἀπὸ τῆς Ῥόδου· ὃ καλοῦμεν ἡμεῖς ῥόδινον.
sch lys 947	τὸν ἀλάβαστρον: Τὴν μυροθήκην. ἀλλ’ ἕτερον ἔχω: Τὸ αἰδοῖόν φησι.
sch lys 948	μή μοι φέρε: Τοῦ μύρου.
sch lys 951	σπονδὰς ποιεῖσθαι ψηφιεῖ: Τοῦτο εἰρηκυῖα ἡ γυνὴ ἄπεισι.
sch lys 952	ἀπολώλεκέ με: Ὁ ἀνὴρ ἀπελθούσης τῆς γυ‐ ναικὸς ὀδύρεται.
sch lys 953	κἀποδείρας’ οἴχεται: Εἰς τὸ αἰσχρόν.
sch lys 955	ψευσθείς: Ἀντὶ τοῦ ἀπατηθείς.
sch lys 956	πῶς ταύτην παιδοτροφήσω: Ὡς θυγατρὸς αὐτῷ ἑπομένης. κακεμφάτως δὲ καὶ ἐπὶ τοῦ αἰδοίου δύναται ἀκούεσθαι.
sch lys 957	ποῦ κυναλώπηξ: (Ὁ Φιλόστρατος.) καὶ ἀλλα‐ χοῦ [Eq. 1069] «Φιλόστρατος ἡ κυναλώπηξ.» ὡς πορ‐ νοβοσκοῦ ὄντος τοῦ Φιλοστράτου. βούλεται δὲ τίτθην μισθώσασθαι, ἵνα θρέψῃ τὸ παιδίον.
sch lys 962	ποῖος γὰρ ἢ νεφρὸς ἀντίσχοι: Πῶς δυνήσῃ σαυτὸν ἐπισχεῖν, οὕτως ἠρεθισμένος.
sch lys 963	ποία ψυχή: Παρὰ τὰ ἐξ Ἀνδρομέδας «ποῖαι λιβάδες, ποία σειρήν;» ποῖος ἂν ὄρρος: Ἀντὶ τοῦ πρωκτός.
sch lys 966	τοὺς ὄρθρους: Ἀντὶ τοῦ ἐν τοῖς ὄρθροις.
sch lys 973	θωμούς: Σωροὺς ξύλων. θωμοὶ δὲ λέγονται οἱ τῶν πυρῶν σωροί. τυφὼς δὲ ἡ ἐξ ἀναθυμιάσεως τῆς γῆς συστροφὴ, πρὶν ἐκπυρωθῆναι τὸν ἀέρα.
sch lys 974	μεγάλῳ τυφῷ: Μεγάλῳ καύσωνι.
sch lys 980	πᾷ τᾶν Ἀσανᾶν: Ἀντὶ τοῦ ποῦ τῶν Ἀθηνῶν ἐστιν ἡ γερουσία, τουτέστιν ἡ ἐκκλησία, καὶ ἡ σύνο‐ δος. διατεταμένος δὲ ἦλθεν. ἀπὸ κοινοῦ δὲ ποῦ εἰσὶ καὶ οἱ πρυτάνεις, οἷς θέλω τι νέον εἰπεῖν.
sch lys 982	Κονίσαλος: Δαίμων πριαπώδης ὁ Κονίσαλος· ἐκ τοῦ μὴ ὀκνεῖν καὶ ἐπὶ κόνεως μίγνυσθαι.
sch lys 983	ὦ κυρσάνιε: (Ἀντὶ τοῦ ὦ νεανία, ὦ ἔφηβε. ἢ) ἀντὶ τοῦ εὐτελέστατε. κυρσὸς γὰρ εὐτελὲς λάχανον.
sch lys 985	κἄπειτα δόρυ δῆτα: Διὰ τὸ τὸ αἰδοῖον αὐτοῦ μέγα εἶναι, ἐξέτεινε τὰ ἱμάτια τῇ χειρί. ὁ δὲ εἶπε δόρυ ἔχεις.
sch lys 986	(οὐ τὸν Δία: Οὐ μὰ τὸν Δία.)
sch lys 988	(παλεός γα νὴ τὸν Κάστορα: Ὥσπερ τὸ πήγα‐ νον ἔνιοι ἀφαιρέσει τοῦ π ἤγανον λέγουσιν, οὕτως ἐν‐ ταῦθα κατὰ τὸ ἐναντίον πλεονάζει τὸ π. ἠλεὸς, ἀλεὸς,
sch lys 988	παλεός. τουτέστι λῆρος καὶ μάταιος.)	259
sch lys 990	μηδ’ αὖ πλαδδείη: Μηδὲ πλησίον γένοιτό μοι τὸ στύειν.
sch lys 991	τί δ’ ἐστί σοι τοδί: Τὸ αἰδοῖον δείκνυσι. σκυτάλα Λακωνικά: Ξύλον ἐστὶν εἰς δύο τεμνόμε‐ νον. καὶ τὸ μὲν ἓν δίδοται τῷ στρατηγῷ ἐξερχομένῳ, τὸ δὲ ἄλλο κεῖται ἐν τῇ πόλει.
sch lys 992	εἴπερ γε χ’ αὕτη ῎στι: Καὶ ὁ Ἀθηναῖος δείκνυ‐ σιν αὐτῷ τὸ ἑαυτοῦ αἰδοῖον.
sch lys 995	ὀρσά: Ἀντὶ τοῦ ὀρθή. πᾶα, πᾶσα, οὕτως Ἡρωδιανὸς ἐν τῷ περὶ παθῶν.
sch lys 996	Πελλάνας δὲ δεῖ: Ὄνομα γυναικὸς ἑταίρας. ἦν γὰρ παρ’ αὐτοῖς πόρνη Πελλήνη τοὔνομα. ἐπιθυμοῦσιν οὖν τῆς πόρνης, ἤγουν τῆς πόλεως Πελλήνης. ἀντε‐ ποιοῦντο γὰρ αὐτῆς οἱ Λάκωνες.
sch lys 997	ἀπὸ τοῦ: Ἀπὸ τίνος.
sch lys 998	ἀπὸ Πανός: Κατ’ ἐρώτησιν. οὐκ. ἀλλ’ ἀρχὰ μέν: Ὁ νοῦς· ἤρξατο τὸ κακὸν τοῦτο διδόναι ἡμῖν ἡ Λαμπιτώ. οἰῶ δὲ (κατ’ αὐτοὺς) ἀντὶ τοῦ οἴομαι.
sch lys 1000	ἅπερ: Ὥσπερ. ἀπὸ μιᾶς ὑσπλαγίδος: (Ἀφέσεως. βαλβῖδος.) ἀπὸ μιᾶς ἀφετηρίας, ἤγουν ἀπὸ ἑνὸς κανόνος καὶ καμπτῆ‐ ρος.
sch lys 1001	ἀπήλων: Ἀπήλασαν. ὑσσάκων: Τῶν γυναικείων μορίων.
sch lys 1002	ἂν γὰρ τὰν πόλιν: Τὸ τέλειον ἀνά.
sch lys 1003	ἅπερ: Ὥσπερ. ἅπερ λυχνοφορίοντες: Οἱ γὰρ λυχνοφοροῦντες κε‐ κύφασι διὰ τὸν ἄνεμον.
sch lys 1004	οὔτε τῶ μύρτω σίγειν: Οὐδὲ θίγειν τοῦ γυ‐ ναικείου μορίου.
sch lys 1007	τουτὶ τὸ πρᾶγμα: Οἱ Ἀθηναῖοι πρὸς τὸν κή‐ ρυκα.
sch lys 1013	ποτάομαι: Δραμοῦμαι. πετήσομαι.
sch lys 1014	γυναικὸς ἀμαχώτερον: Ἐν ἄλλῳ Κινησίας ἦν ὁ λέγων.
sch lys 1019	ἀλλ’ ὅταν βούλῃ σύ: Ἀπὸ κοινοῦ βεβαίαν φί‐ λην ἔχειν με. καὶ ἔξωθεν ὑπακουστέον τὸ ἔχε.
sch lys 1020	γυμνὸν ὄνθ’ οὕτως: Γυμνὸς γὰρ ἦν.
sch lys 1023	καὶ τότ’ ἀπέδυν ἐγώ: Ἀντὶ τοῦ ἀπεδύσαντο κατὰ τῶν γυναικῶν.
sch lys 1024	(εἶτ’ οὐ καταγέλαστος εἶ: Εἶτα οὐ καταγελα‐ σθήσῃ.)
sch lys 1025	τόδε τὸ θηρίον: Τὴν ἐμπίδα.
sch lys 1026	ἐξεῖλον: Ἀντὶ τοῦ ἐξέλοιμι.
sch lys 1027	τοῦτ’ ἄρ’ ἦν: Ἡ ἐμπὶς δηλονότι. δακτύλιος οὑτοσί: Δίδωσιν αὐτῇ δακτύλιον, ἵνα ἐξε‐ νέγκῃ τὴν ἐμπίδα τοῦ ὀφθαλμοῦ.
sch lys 1028	ἐκσκάλευσον: Ἐξένεγκε.
sch lys 1032	οὐκ ἐμπὶς ἥδ’ ἐστὶ Τρικορυσία: Ἐμπὶς ζῷον κώνωπι παραπλήσιον. ὡς ἐν Τρικορύθῳ πολλῶν ἐμπί‐ δων γινομένων. ἔστι γὰρ ἀλσώδης καὶ κάθυγρος. ἢ ἐπεὶ
sch lys 1032	πονηροί εἰσιν οἱ Τρικορύσιοι.	Column end
sch lys 1033	ἀπὸ μεταφορᾶς τῶν τὰ φρέατα ὀρυττόντων εἰς βάθος ὡς φρέαρ ἀνώρυττέν φησι. R.
sch lys 1037	κολακευτικαί. R.
sch lys 1038	κἄστ’ ἐκεῖνο τοὖπος: Ἐν παροιμίᾳ τοῦτο ἔλε‐ γον «κακὸν γυναῖκες, ἀλλ’ ὅμως, ὦ δημόται, οὐκ ἔστιν οἰκεῖν οἰκίαν ἄνευ κακοῦ.» καὶ Ἡσίοδος [Op. 58] «ἑὸν κακὸν ἀμφαγαπῶντες.»
sch lys 1043	οὐ παρασκευαζόμεσθα: Λέγει ὅτι ὦ ἄνδρες οὐ παρασκευαζόμεσθα εἰπεῖν κακῶς τινὰ, ἀλλὰ μᾶλλον καλῶς. ὡς ἀπὸ τοῦ ποιητοῦ δέ ἐστιν.
sch lys 1047	ἱκανὰ γὰρ τὰ κακά: Τὸν πόλεμον λέγουσιν. ἱκανῶς γὰρ ἐκακοπράγουν ἤδη μετὰ τὰ ἐν Σικελίᾳ.
sch lys 1049	καὶ τὰ παρακείμενα: Τὴν τῶν γυναικῶν καὶ ἀνδρῶν στάσιν λέγει τὰ παρακείμενα.
sch lys 1050	λεγέτω τίνος δέεται. R.
sch lys 1053	ἔσω ἡμῖν ἐστιν. R.
sch lys 1055	κἄν ποτ’ εἰρήνη φανῇ: Δηλονότι οὐδὲν αὐτοῖς προήσονται.
sch lys 1057	ἀντὶ τοῦ κερδάνῃ. R. ἀντὶ τοῦ ἀποδῷ παρ’ ὑπόνοιαν. R.
sch lys 1058	Καρυστίους: Κάρυστος πόλις Εὐβοίας. δια‐ βάλλονται δὲ ὡς μοιχοὶ οἱ Καρύστιοι.
sch lys 1064	ἐν ἄλλῳ γενέσθαι ἀντὶ τοῦ ἔξεστι. R.
sch lys 1066	τὸ ἐλθεῖν. R.
sch lys 1071	τοῦτο εἰς γέλωτα εἶπεν. R.
sch lys 1072	παρ’ ὑπόνοιαν, δέον ἀνεωχθήσεται. R.
sch lys 1073	ἔχοντες πώγωνας.
sch lys 1074	διὰ τὴν τοῦ αἰδοίου ἐξοχήν. (τοῦτο δέ φασιν, ἐπεὶ καθελκόμενα εἶχον τὰ ἱμάτια, ὥστε δόξαι ἀγγεῖά τινα ἔχειν αὐτούς.) τὸ δὲ χοιροκομεῖον ἔοικε πλεκτὸν ἀγγεῖον εἶναι, ἐν ᾧ τοὺς νέους ἔτρεφον χοίρους περιδή‐
5	σαντες. νῦν δὲ λέγει τὸν πάτταλον, ἐν ᾧ δεσμεύουσι τοὺς χοίρους καὶ τρέφουσιν. ἐπεὶ οὖν ἐντεταμένοι ἦλθον, ᾔκασεν αὐτοὺς παττάλοις.
sch lys 1078	νενευρωμένη δὲ συμφορά: Τὴν ἔντασιν τοῦ αἰδοίου λέγει. νεῦρον γὰρ (τὸ αἰδοῖον).
sch lys 1079	χεῖρον φαίνεται: Ἀντὶ τοῦ, χεῖρον τῆς τάσεως τοῦ Ἑρμοῦ φαίνεται. τουτέστι χεῖρον τέταται τοῦ Ἑρμοῦ. ἐπειδὴ ὁ Ἑρμῆς πριαπῶδες ἔχει τὸ αἰδοῖον καὶ ἐντέταται μεγάλως.
sch lys 1080	ὅπα, ὅπου. σέλει, θέλει. ἐλσὼν, ἐλθών. ἀντὶ τοῦ, πάντα πράττων τις ἀγέτω ἡμῖν εἰρήνην.
sch lys 1083	ὥσπερ παλαιστάς: Οἱ γὰρ ἀσκοῦντες παῖδες συστέλλουσι τὰ ἱμάτια, ὅπως μὴ προστρίβωνται (τὰ αἰδοῖα) καὶ μιανθῇ τὰ ἱμάτια. τοὺς δὲ Ἀθηναίους λέγει τεταμένους. φαίνονται δὲ οἱ ἀσκοῦντες παῖδες, ὡς μὴ
5	παρατρίβοιντο τὰ αἰδοῖα εἰς ὑπόμνησιν (τῆς) συνουσίας ἀφιστάναι τὰ ἱμάτια ἑαυτῶν.
sch lys 1085	ἀσκητικὸν τὸ χρῆμα τοῦ νοσήματος: Ἀντὶ τοῦ μέγα. διὰ τὴν ἐπιθυμίαν τῆς εἰρήνης εἶπε τοῦ νοσήμα‐ τος.
sch lys 1087	δείκνυσιν. R.
sch lys 1088	ὁμοία. R.	260
sch lys 1089	σπασμός: Τέτανος. —οἱ γὰρ σπασμὸν ἔχοντες περὶ τὸν ὄρθρον αἴσθονται σφόδρα. R. Bar.
sch lys 1090	συγκόπτοντες, τὰ ἱμάτια συστέλλοντες. R.
sch lys 1092	οὐ Κλεισθένη βινήσομεν: Οὗτος Σιβυρτίου παῖς ἐπὶ θηλύτητι κωμῳδούμενος.
sch lys 1093	εἰ σωφρονεῖτε: Τοῦτο φησίν· εἰ μὴ περιβαλεῖ‐ σθε, ἀλλὰ φανερὰ ἕξετε τὰ αἰδοῖα, ἀκρωτηριάσει τις ὑμᾶς τῶν Ἑρμοκοπιδῶν. ἐξ οὗ δῆλον ὅτι μετὰ τὸ εἰσελ‐ θεῖν ἀπεγυμνώθησαν φορτικῶς πάνυ.
sch lys 1094	Ἑρμοκοπιδῶν: Παρόσον οἱ Ἑρμοκοπίδαι ἠκρωτηρίασαν τοὺς Ἑρμᾶς, ὅτε ἐπὶ Σικελίας ἔμελλον πλεῖν (πρὸ ἐτῶν τεσσάρων τῆς καθέσεως τούτου τοῦ δράματος. τὴν δὲ αἰτίαν ταύτην οἱ μὲν τοῖς περὶ Ἀλκι‐
5	βιάδην προσέγραφον, ὡς Θουκυδίδης· οἱ δὲ Κορινθίοις, ὡς Φιλόχορος. μόνον δὲ φησὶν οὐ περικοπῆναι τὸν Ἀνδο‐ κίδου Ἑρμῆν.)
sch lys 1099	ἄνδρες οἱ Ἑρμοκοπίδαι. ἐκδεδαρμένους, τὰ αἰδοῖα ἀνατεταμένους.
sch lys 1100	οἱ Βοιωτοὶ πρὸς τοὺς Λάκωνας.
sch lys 1105	παίζει, μὴ μόνον Λυσιστράτην. παρὰ τὸ λύειν τὸν στρατόν. κἂν λῆτε: κἂν βούλησθε. διαβάλλει τινά.
sch lys 1110	τῷ σῷ πόθῳ, τῇ σῇ θέλξει. ἴυγξ ὄρνεόν ἐστιν ἐπιτήδειον πρὸς τὰς τῶν φίλτρων κακίας.
sch lys 1113	μὴ συνόντας ἀλλήλοις μήτε πεῖραν ἑαυτῶν δεχομένους· ὀργῶντας, πρὸς εἰρήνην.
sch lys 1114	ὡς πρός τινα ἐξυπηρετουμένην ἣν καλεῖ Διαλ‐ λαγήν. καὶ ὅλως ἐκ τοῦ μέρους τούτου Λυσιστράτη ἢ διαλλαγαὶ κέκληται τὸ δρᾶμα.
sch lys 1117	ὡς ὀχληρῶν ὄντων τῶν Ἀθηναίων ἐν μάχαις.
sch lys 1119	σκώπτει αὐτοὺς ὡς μαινομένους ἐπὶ τῷ ἔρωτι. τῆς σάθης, τοῦ αἰδοίου.
sch lys 1121	ἄν σοι δῴη ἢ τὴν χεῖρα ἢ ἄλλο τι.
sch lys 1123	ὦ Ἀθηναῖοι.
sch lys 1125	ὁ στίχος ἐκ σοφῆς Μελανίππης Εὐριπίδου.
sch lys 1127	οὐ πεπαίδευμαι κακῶς.
sch lys 1129	τοὺς αὐτοὺς θεοὺς τιμῶντες οὐχ ὁμονοοῦμεν ἀλλήλοις.
sch lys 1131	τοὺς αὐτοὺς ἀγῶνας ἄγομεν, Ὀλύμπια καὶ Πύθια. Ἄλλως. ἐν Πύλαις ἀντὶ τοῦ ἐν Θερμοπύλαις. ἔπεμπον γὰρ εἰς τὴν Πυλαϊκὴν πανήγυριν τοὺς λεγομέ‐ νους ἱερομνήμονας. ὅλος ὁ ἴαμβος λέλεκται ἐξ Ἐρεχθέως.
sch lys 1132	εἰ δέον ἐστί μοι μακρολογεῖν.
sch lys 1133	ὡς τῶν Λακώνων χρωμένων συμμάχοις βαρ‐ βάροις.
sch lys 1137	εἰς σύμβασιν αὐτοὺς καὶ φιλίαν προτρεπομένη ἄρχεται τοῦ αὐτοὺς ὑπομιμνήσκειν ὧν ἦσαν ἐξ ἀλλή‐ λων εὖ πεπονθότες. οἱ μὲν γὰρ Ἀθηναῖοι καταπονουμέ‐ νους αὐτοὺς ὑπὸ Μεσσηνίων διέσωσαν, οἱ δὲ Λακεδαι‐
5	μόνιοι καθεῖλον τὴν τῶν Πεισιστρατιδῶν τυραννίδα βοηθοῦντες Ἀθηναίοις.
sch lys 1138	ταῦτα καὶ οἱ συντεταχότες τὰς Ἀτθίδας ἱστο‐
sch lys 1138	ροῦσιν περὶ τῶν Λακεδαιμονίων· ὁ δὲ Φιλόχορός φησι καὶ τὴν ἡγεμονίαν τοὺς Ἀθηναίους λαβεῖν διὰ τὰς κα‐ τασχούσας τὴν Λακεδαίμονα συμφοράς.	Column end
5	ὁ στρατηγὸς Λακεδαιμονίων.
sch lys 1141	σημαίνει ὅτι πόλεμος ἦν αὐτοῖς πρὸς Μεσση‐ νίους.
sch lys 1142	σείων μέγα, ὁ Ποσειδῶν. σεισμοὶ γὰρ συχνοὶ ἐγένοντο ὅτε ὁ πόλεμος συνειστήκει.
sch lys 1144	Κίμων, μετὰ τὴν ἐν Πλαταιαῖς μάχην ιβʹ ἔτει ὕστερον. ταῦτα ἦν ἐπὶ Θεαγενίδου. καὶ γὰρ τοῦ Ταϋ‐ γέτου τι παρερράγη καὶ τὸ ᾠδεῖον καὶ ἕτερα καὶ οἰκίαι πλεῖσται, καὶ Μεσσήνιοι ἀποστάντες ἐπολέμουν καὶ οἱ
5	εἵλωτες ἐπέστησαν, ἕως Κίμων ἐλθὼν διὰ τὴν ἱκετη‐ ρίαν ἔσωσεν αὐτούς.
sch lys 1148	ὡς πρὸς γυναῖκα. λέγει δὲ τὴν γῆν τῆς Ἀττικῆς λιπαρὰν εἶναι.
sch lys 1149	ἀφήσειν τῆς μέμψεως οἴει.
sch lys 1152	καὶ γὰρ τῶν Θετταλῶν οἱ πλεῖστοι ἐβοήθουν Ἱππίᾳ.
sch lys 1153	Ἀριστοτέλης φησὶ μετὰ τὸν Ἱππάρχου θάνα‐ τον χρησμὸν γενέσθαι τοῖς Λάκωσιν καταλύειν τὴν τυ‐ ραννίδα, τῆς Πυθίας, ὡς οἱ Ἀλκμαιωνίδαι ἐμισθώ‐ σαντο τὸν ἐν Δελφοῖς νεὼν οἰκοδομεῖν, συνεχῶς τοῦτο
5	χρώσης αὐτοῖς μαντευομένοις, ἕως πρότερον μὲν Ἀγχι‐ μόλιον ἔπεμψαν κατὰ θάλασσαν, ἀποκρουσθέντος δὲ αὐτοῦ ὀργισθέντες οἱ Λάκωνες Κλεομένη τὸν βασιλέα σὺν μείζονι ἐξέπεμψαν στόλῳ, καὶ νικήσας τοὺς Θετ‐ ταλοὺς εἰσῆλθεν εἰς τὴν Ἀττικὴν καὶ τὸν Ἱππίαν συν‐
10	έκλεισεν εἰς τὸ Πελαργικὸν τεῖχος, ἕως οἱ παῖδες τῶν τυράννων ἐξιόντες ἑάλωσαν.
sch lys 1157	ἀγαθωτέραν.
sch lys 1162	ἡμεῖς θέλομεν, ἐάν τις ἡμῖν θελήσῃ ἀποδοῦ‐ ναι τὸ ἔγκυκλον, τουτέστι τὴν Πύλον, διὰ τὴν τῶν τειχῶν περιβολήν.
sch lys 1164	ἀντὶ τοῦ ψηλαφῶμεν καὶ ἐπιθυμοῦμεν.
sch lys 1166	ἀντὶ τοῦ οἰκήσομεν.
sch lys 1169	ταῦτα οἱ Λακεδαιμόνιοι ἐδόκουν οὐκ ἐπιτηδείως ἔχειν. ἔστι δὲ ὁ Ἐχινοῦς κόλπος. λιμήν ἐστιν ὄπισθεν τοῦ Ἐχινοῦντος.
sch lys 1170	σκέλη τόπος οὕτω καλούμενος τῆς Μεγαρίδος. σημαίνει δὲ καὶ τὸ κακέμφατον. οἱ δὲ τὰ Μεγαρικὰ τείχη.
sch lys 1171	ὦ μαινόμενε.
sch lys 1173	ἀπαλλαγεὶς τοῦ πολέμου γυμνὸς βούλομαι γεωργεῖν, ἀντὶ τοῦ θέλω τὴν εἰρήνην.
sch lys 1174	ἀντὶ τοῦ κόπρον ἄγειν πρῶτον, ὡς μὴ εὐπο‐ ρούντων αὐτῶν ἀροσίμης γῆς.
sch lys 1176	δρᾶν ταῦτα, τὰ τῆς γεωργίας.
sch lys 1180	κατ’ ἐρώτησιν.
sch lys 1181	τοῖς ἐμοῖς. τοὺς Καρυστίους ὡς μοιχοὺς κωμῳδοῦσιν. ἦσαν δὲ Ἀθηναίων σύμμαχοι.
sch lys 1184	ἀντὶ τοῦ ὧν εἴχομεν ἐδεσμάτων ἐν τῇ κίστῃ.
sch lys 1189	ἀποκοπή ἐστι τοῦ ἄλλου χοροῦ, ὡς παρ’ Εὐ‐
sch lys 1189	πόλιδι ἐν Κόλαξι. πορφυρῶν περιβολαίων.	261
sch lys 1194	χρυσοφοροῦσι γὰρ αἱ κανηφόροι.
sch lys 1198	εὖ ἐσφραγίσθαι ὅσα εὑρίσκει ἔνδον.
sch lys 1200	ῥύπους: τὰς σφραγῖδας· ἐκ πηλοῦ γὰρ ὑπῆρχον.
sch lys 1202	παίζουσα λέγει μηδὲν εἶναι ἔνδον. περιβλεπό‐ μενος δὲ, φησὶν, οὐδὲν εὑρήσει.
sch lys 1204	εἰ δέ τινι.
sch lys 1206	ἀντὶ τοῦ πυροὺς ὑποκοριστικῶς.
sch lys 1209	μέγας.
sch lys 1211	θυλάκους. πλέγμα δεκτικὸν ἄρτων.
sch lys 1212	ὁ δοῦλος.
sch lys 1213	γέλωτος χάριν.
sch lys 1216	ἐπικωμάζει λαμπάδα ἔχων. δεῖ δὲ νοεῖν ὅτι πρὸς τὴν θυρωρὸν λέγει.
sch lys 1218-1220	τὸ πρᾶγμα, τὸ ὑμᾶς καῦσαι. ὑμῖν τοῖς θεαταῖς τελειώσομεν τὸ δρᾶμα. φορτικὸν μέν ἐστιν εἰσελθεῖν εἰς τὴν σκηνὴν μετὰ λαμπάδος καὶ καταφλέ‐ ξαι τινά· εἰ δὲ βούλεσθε, ὦ θεαταὶ, καὶ τοῦτο ποιήσο‐
5	μεν προσχαριζόμενοι ὑμῖν.
sch lys 1222	ἀντὶ τοῦ τὸν ἐγκέφαλον ἢ τὰς τρίχας καιομέ‐ νας.
sch lys 1225	ἐξέρχεταί τις τῶν Ἀθηναίων ἀπὸ τοῦ συμ‐ ποσίου.
sch lys 1227	σκώπτει τοὺς Ἀθηναίους ὅτι νήφοντες μὲν κα‐ κῶς βουλεύονται, μεθύοντες δὲ καλῶς διαπράττονται.
sch lys 1237	Τελαμῶνος: (Ἀρχή τινος σκολίου «παῖ Τε‐ λαμῶνος αἰχμητά,» περὶ οὗ δεδήλωται ἤδη.) ὁ δὲ νοῦς ὅτι τὰ ἐναντία λέγομεν ἑαυτοῖς καὶ πράττομεν. ὅταν γάρ τις ᾄσῃ ἀπὸ τῶν σκολίων Πινδάρου, λέγομεν ὅτι
5	δεῖ μᾶλλον ᾄδειν ἀπὸ Κλειταγόρας τῆς ποιητρίας· ἡ γὰρ Κλειταγόρα ποιήτρια ἦν Λακωνικὴ, ἧς μέμνηται καὶ ἐν Δαναΐσιν Ἀριστοφάνης.
sch lys 1239	αὖθις ἔρχονται πάλιν: Τουτέστι συνήχθησαν πάλιν. ἦν γὰρ θεράπων διασκορπίσας αὐτοὺς τῇ λαμ‐ πάδι.
sch lys 1242	ὦ Πολυχαρίδα: Πιθανώτερόν ἐστι, Βοιωτῶν αὐτὸν εἶναι. ἀλλὰ γὰρ ἐν τοῖς πρέσβεσιν οὐδαμοῦ πα‐ ρέδωκεν, ὅτι καὶ ἕτεροι παρῆσαν. γυναῖκες μὲν γὰρ ἐληλύθασι καὶ Κορίνθιαι καὶ Βοιώτιαι ἐπὶ τῆς πρε‐
5	σβείας. οὐ λέγει δὲ Λάκων, ἀλλὰ Λάκωνες. ἀπίθανον δέ ἐστι μὴ παρεῖναι τοὺς παραληψομένους τὴν Βοιωτίαν καὶ τὴν Κορινθίαν. ἡ μὲν γὰρ Λαμπιτὼ εἰς Λακεδαί‐ μονα ᾤχετο.
sch lys 1243	ἵν’ ἐγὼ διποδιάξω γε: Τοῖς δύο ποσὶ χο‐ ρεύσω. εἶδος δὲ ὀρχήσεως ἡ διποδία, ἧς μέμνηται καὶ Κρατῖνος ἐν Πλούτοις «ἄρξει γὰρ αὐτοῖς διποδία κα‐ λῶς.» —τοὺς αὐλοὺς, ἀπὸ τοῦ φυσᾶν. R.
sch lys 1247	ὅρμαον: Ἄρχεται τῇ ἰδίᾳ διαλέκτῳ τοὺς αὐ‐ λοὺς φυσᾶν ὁ Λάκων. ὁ δὲ νοῦς· ὅρμησον, ὦ μνημοσύνη, τῷ ἐφήβῳ τὴν σὴν μοῦσαν. κυρσανίους δὲ καλοῦσιν οἱ
sch lys 1247	Λάκωνες τὰ μειράκια, καὶ τοὺς εὐτελεῖς ἀνθρώπους	Column end
5	παρ’ αὐτοῖς. (λείπει δὲ ἡ εἰς πρόθεσις, εἰς τοὺς κυρσα‐ νίους.) ἀντὶ τοῦ μέλλοντας ὀρχεῖσθαι. R.
sch lys 1249	μοῦσαν. R.
sch lys 1250	τοὺς Ἀθηναίους. R.
sch lys 1251	ἐπ’ Ἀρτεμισίῳ: Ἄκρα ἐστὶν Εὐβοίας τὸ Ἀρ‐ τεμίσιον, ἔνθα ἐπολέμησαν τῷ Ξέρξῃ οἱ Ἀθηναῖοι.
sch lys 1252	τὸ πλῆρες θεοείκελοι ἐμάχοντο, θεοῖς ὅμοιοι προέκρουον καὶ ἐμάχοντο. R.
sch lys 1253	πρὸς τὰ πλοῖα. R.
sch lys 1254	Λεωνίδας στρατηγὸς Λακεδαιμονίων. R.
sch lys 1255	ᾇπερ τὼς κάπρως: Ὥσπερ τοὺς κάπρους· συνεβοήθουν γὰρ κατὰ Περσῶν τοῖς Ἀθηναίοις οἱ Λακε‐ δαιμόνιοι.
sch lys 1257	πολὺς δ’ ἀμφὶ τὰς γένυας: Πρὸς τὸ παρὰ τῷ Ἀρχιλόχῳ «πολλὸς δ’ ἀφρὸς ἦν περὶ στόμα.» καὶ Σοφοκλῆς [El. 1219]. Αἰσχύλος δὲ «ἀφρὸς βορᾶς βρο‐ τείας ἐρρύη κατὰ στόμα.» —ἀντὶ τοῦ ἤνθει. R.
sch lys 1259	ἔπαιξεν. ἐπὶ δειλίᾳ δὲ αὐτοὺς κωμῳδεῖ ὡς ἐναφιέντας.
sch lys 1260	ἦσαν γὰρ οἱ Πέρσαι οὐκ ἐλάσσονες τῶν ψάμ‐ μων.
sch lys 1262	θηροκτόνε.
sch lys 1263	παρθένε θεά.
sch lys 1266	τῶν πανούργων ῥητόρων.
sch lys 1274	παραδίδωσι λοιπὸν μετὰ ταῦτα τοῖς μὲν Λά‐ κωσι τὰς Λακαίνας, τοῖς δὲ Ἀθηναίοις τὰς ὁμοφύλους.
sch lys 1276	ἐπ’ εὐτυχίαις.
sch lys 1281	ἐπὶ δὲ Δίδυμον: Ἀπὸ Διδύμου τῆς Μιλήτου τόπου Διδυμαῖος Ἀπόλλων καλεῖται. ἢ ὅτι δύο εἰσὶ χοροὶ, ὁ τῶν Λακώνων καὶ ὁ τῶν Ἀθηναίων.
sch lys 1283	μετὰ τῶν βακχῶν. βλέπει. R.
sch lys 1285	ἀντὶ τοῦ φλέγοντα διὰ τῶν κεραυνῶν. R.
sch lys 1286	ὑμνήσατε. Ἥραν. ἢ τὴν Ἀριάδνην. R.
sch lys 1287	δαίμονας: Ἄλλους. καὶ τοὺς ἄλλους θεοὺς κά‐ λεσον.
sch lys 1289	τῆς εἰρήνης.
sch lys 1296	ἐπὶ νέα νέαν: ἐπὶ νεώτερα πράγματα, νέαν μοῦσαν.
sch lys 1297	ἐκλιποῦσα μοῦσα.
sch lys 1299	κλείουσαι καὶ ὑμνοῦσαι.
sch lys 1300	οὕτω χαλκιοίκου Ἀρτέμιδος ἱερὸν ἐν Λακε‐ δαίμονι. ἢ Ἀθηνᾶς. διχῶς. ἄνασσαν Ἀθήνην. χαλ‐ κίοικος δὲ ἡ Ἀθηνᾶ τιμᾶται ἐν Σπάρτῃ.
sch lys 1301	ἀγαθούς.
sch lys 1302	παίζουσιν.
sch lys 1303	ἄγε. ἐπίφθεγμα παρακελευστικόν.
sch lys 1306	ᾗτινι οἱ χοροὶ τῶν θεῶν μέλουσιν.
sch lys 1308	ἤ τε, ὅπου. ἢ ὡς εἴτε ὥσπερ.
sch lys 1310	λείπει τὸ κτύπον.
sch lys 1311	ἀνακινοῦσαι.	262
sch lys 1313	θυρσαδδωᾶν: Ὥσπερ αἱ τῶν βακχῶν. ἀντὶ τοῦ θυρσαζουσῶν καὶ παιζουσῶν, παρὰ τὸ δονεῖν τοὺς θύρσους.
sch lys 1316	παραμπυκίδδετε: Παραπλέκετε, ποικίλλετε.
sch lys 1316	ἀντὶ τοῦ σκέπασον τῇ ἄμπυκι.	Column end
sch lys 1317	οἷον πήδα. R.
sch lys 1318	ὡς ἔλαφος. R.
sch lys 1319	χορωφελέταν: Ἀντὶ τοῦ, ποίει κρότον ὠφε‐ λοῦντα τὸν χορόν.
sch lys 1320	καὶ τὰν σιὰν δ’ αὐτάν: Καὶ τὴν θεὰν Ἀθηνᾶν.	263

arg lys

t

arg lys

1

arg lys

2

(1t)

sch lys

t

sch lys

ante 1

sch lys

1

sch lys

2

sch lys

5

sch lys

8

sch lys

13

sch lys

14

sch lys

17

sch lys

20

sch lys

22

sch lys

23

sch lys

25

sch lys

27

sch lys

31

sch lys

33

sch lys

34

sch lys

36

sch lys

37

sch lys

38

sch lys

41

sch lys

43

sch lys

45

sch lys

48

sch lys

46

sch lys

51

sch lys

55

sch lys

56

sch lys

58

sch lys

59

sch lys

60

sch lys

62

sch lys

64

sch lys

67

sch lys

68

sch lys

71

sch lys