SCHOLIA IN AESCHYLUM :: Scholia in Persas (scholia vetera)

TLG 5010 004 :: *SCHOLIA IN AESCHYLUM* :: Scholia in Persas (scholia vetera) SCHOLIA IN AESCHYLUM Schol. (Varia) Scholia in Persas (scholia vetera) Source: Dindorf, W. (ed.), Aeschyli tragoediae superstites et deperditarum fragmenta, vol. 3 [Scholia Graeca ex codicibus aucta et emendata]. Oxford: Oxford University Press, 1851 (repr. Hildesheim: Olms, 1962): 70–92. Hypothesis: pp. 70–71 Scholia: pp. 71–92 Dup. partim 5010 006, 010, 011 Citation: Hypothesis-verse of play — (line)

t	ΠΕΡΣΑΙ.
hyp (t)	ΥΠΟΘΕΣΙΣ.
1	ΓΛΑΥΚΟΣ ἐν τοῖς περὶ Αἰσχύλου μύθων ἐκ τῶν Φοινισσῶν Φρυ‐ νίχου φησὶ τοὺς Πέρσας παραπεποιῆσθαι. ἐκτίθησι δὲ καὶ τὴν ἀρχὴν τοῦ δράματος ταύτην, Τάδ’ ἐστὶ Περσῶν τῶν πάλαι βεβηκότων.
5	πλὴν ἐκεῖ εὐνοῦχός ἐστιν ἀγγέλλων ἐν ἀρχῇ τὴν Ξέρξου ἧτταν, στορνύς τε θρόνους τινὰς τοῖς τῆς ἀρχῆς παρέδροις, ἐνταῦθα δὲ προ‐ λογίζει χορὸς πρεσβυτῶν. [τῶν δὲ χορῶν τὰ μέν ἐστι παροδικὰ, ὅτε λέγει δι’ ἣν αἰτίαν πάρεστιν, ὡς τὸ, Τύριον οἶδμα λιποῦσα.
10	τὰ δὲ στάσιμα, ὅτε ἵσταται καὶ ἄρχεται τῆς συμφορᾶς τοῦ δρά‐ ματος, τὰ δὲ κομματικὰ, ὅτε λοιπὸν ἐν θρήνῳ γίνεται.] καὶ ἔστιν ἡ μὲν σκηνὴ τοῦ δράματος παρὰ τῷ τάφῳ Δαρείου· ἡ δὲ ὑπόθεσις, Ξέρξης στρατευσάμενος κατὰ Ἑλλάδος, καὶ πεζῇ μὲν ἐν Πλαταιαῖς νικηθεὶς, ναυτικῇ δὲ ἐν Σαλαμῖνι. διὰ Θεσσαλίας φεύγων διεπε‐
15	ραιώθη εἰς τὴν Ἀσίαν. Ἐπὶ Μένωνος τραγῳδῶν Αἰσχύλος ἐνίκα Φινεῖ, Πέρσαις, Γλαύκῳ,
15	Προμηθεῖ. Πρώτη ἔφοδος Περσῶν ἐπὶ Δαρείου ἐδυστύχησε περὶ Μαραθῶνα· δευτέρα Ξέρξου περὶ Σαλαμῖνα καὶ Πλαταιάς.	70
1	Διὰ γερόντων προλογίζει. τάδε] δεικτικῶς. τάδε μὲν Περσῶν] οἱ ὑπομνηματισάμενοί φασιν ὅτι ἑαυτοὺς λέγουσιν πιστώματα Περσῶν οἱ κατὰ τὸν χορόν. ἀγνοοῦσι δὲ ὅτι
5	πόλις ἐστὶ Περσικὴ Πίστειρα· ἣν συγκόψας Πιστὰ ἔφη. οἱ δὲ ἄλλως ὑπομνηματισάμενοί φασιν, ἡμεῖς ἐσμεν οἱ πιστοὶ χρηματο‐ φύλακες Περσῶν.
2	Πιστά] Πίστειρα κατὰ συγκοπήν· ἔστι δὲ Περσικὴ πόλις.
3	λείπει τὰ βασίλεια.
4	φύλακες] λείπει τὸ ἐσμέν. κατὰ πρεσβείαν: κατὰ τιμὴν αἱρεθέντες.
5	οὓς αὐτὸς ἄναξ: οὓς αὐτὸς ὁ Ξέρξης κατέλιπεν κατὰ τιμήν.
6	Δαρειογενής: Δαρείου υἱός. καὶ μὴν Δαρεῖοι τρεῖς. τούτων δὲ πρῶτος ὁ Ὑστάσπου, προκριθεὶς δὲ ὑπὸ τῶν Περσῶν καὶ βασιλεύ‐ σας, Ξέρξου πατὴρ τοῦ στρατεύσαντος ἐπὶ τοὺς Ἕλληνας. δεύ‐ τερος δὲ Δαρεῖος ὁ Ἀρταξέρξου νόθος προσαγορευθείς. ἔσχατος Δα‐
5	ρεῖος ὁ ὑπὸ Ἀλεξάνδρου τοῦ Φιλίππου ἀναιρεθείς. τινὲς δὲ καὶ τέταρτον Δαρεῖον γράφουσιν.
7	ἐφορεύειν] ἄρχειν, ἐπόπτας εἶναι.
8	τῷ βασιλείῳ: τῷ Ξέρξου. Ὁμηρικῶς δὲ πρῶτον τὸν βασιλέα, εἶτα τοὺς ὑπηκόους. “Ἀτρεῖδαί τε καὶ ἄλλοι.”
10	ὀρσολοπεῖται] διαπολεμεῖται, ταράσσεται, θορυβεῖται.
13	οἴχωκεν: ἀπόλωλε γὰρ ἡ πᾶσα δύναμις τῶν Περσῶν.
16	ἠδ’ Ἐκβατάνων: ὅτι Ἀκεσσαία πρότερον ἐκαλεῖτο ἀπὸ Ἀκεσσαίου τὰ νῦν Ἐκβάτανα καλούμενα.
17	Κίσσινον ἕρκος] πόλις Περσῶν τὸ Κίσσινον.
20	στῖφος] τὸ πύκνωμα. παρέχοντες] ὄντες· ἢ τὸ πολέμου ἀντὶ τοῦ πολέμῳ.
21	Ἀρταφρένης] ὑπέρθεσις διὰ τὸ μέτρον.	71
24	βασιλῆς βασιλέως: βασιλεῖς μὲν τῶν ἰδίων πόλεων, ὑποτε‐ ταγμένοι δὲ τῷ Πέρσῃ. ὕποχοι] ὕπαρχοι.
26	ἱπποβάται] ἱππικοὶ καὶ τοξόται.
27	φοβεροὶ μὲν ἰδεῖν: ἐκ προσόψεως ἱκανοὶ φοβεῖν ὁμοίως καὶ ἐκ τῆς πείρας.
28	δόξῃ] γνώμῃ, ἢ φιλοτιμίᾳ, ἐν ἄλλοις, ἐνυποστάτῳ δοκήσει καὶ πείσματι ψυχῆς.
34	Νεῖλος] ὑποχείριοι γὰρ ἦσαν τότε Περσῶν οἱ Αἰγύπτιοι. Σουσισκάνης] τινὲς διαιροῦσι Σουσισκάνης καὶ Πηγάς καὶ Τα‐ γών. τὰ γὰρ ὀνόματα πέπλακε καὶ οὐκ ἔστιν Αἰγυπτιακά.
37	Αἰγυπτίους.
39	καὶ ἑλειοβάται: οἱ τὸ Αἰγύπτιον ἕλος οἰκοῦντες. ἢ κοινῶς Αἰγύπτιοι· ἑλώδης γὰρ ἡ Αἴγυπτος. οἱ δὲ, οἱ καὶ ἐπὶ ἕλους ἐλαύνειν δυνάμενοι ναῦς, ὅπερ ἐστὶ τῶν δυσχερεστάτων.
41	ἁβροδιαίτων δ’ ἕπεται: ὄντως γὰρ τοιοῦτοι οἱ Λυδοί. καὶ τὸ παρ’ Ἀνακρέοντι “Λυδοπαθεῖς” τινὲς ἀντὶ τοῦ ἡδυπαθεῖς. καὶ τὸ περιφερόμενον Μήτε μοι Λυδῶν καρύκας μήτε μαστίγων ψόφους.
5	καὶ ὁ Λυδοφοίτης δὲ μυροπώλης τὴν τρυφὴν ταύτην δηλοῖ. καὶ τὴν βάκκαριν δὲ ἔνιοι Λυδῶν μύρον ἔφασαν.
42	οἵτ’ ἐπίπαν] οἱ διόλου τὴν ἤπειρον οἰκοῦντες.
44	διόποι] διόπται καὶ διέποντες ἡγεμόνες.
47	δίρρυμα] ἀντὶ τοῦ ἅρματα. ἀντὶ τοῦ τέθριππα καὶ ἑξάϊππα τάγματα· ἐκ τούτου δὲ τὸ πλῆθος τῶν ἵππων δηλοῖ.
49	στεῦται] “Κλῦθ’, Ἀλαλὰ, Πολέμου θύγατερ, ᾇ θύεται ἄνδρες”
49	ἐν διθυράμβῳ. οὕτως στεῦται ἑνικὸν ἀντὶ τοῦ πληθυντικοῦ. πελάται] ἔνοικοι, γείτονες.	72
51	ἄκμονες: ἀκίνητοι ὑπὸ λόγχης, ὡς ἄκμων ὑπὸ σφυρῶν.
55	τοξουλκῷ λήματι πιστούς] ἀντὶ τοῦ ἐμπείρους τοξικῆς.
56	τὸ μαχαιροφόρον] κοινῶς ἁπάντων Περσῶν.
58	ὑποπομπαῖς] προτροπαῖς.
63	ἡμερόλεγδον: τὸ ἐκ τῶν ἀριθμῶν καταριθμούμενον, παρὰ τὸ ἡμέρας καὶ τὸ λέξασθαι. ἡμερόλεγδον] μακραῖς ἡμέραις λεγόμενον.
64	τείνοντα] μηκυνόμενον.
65	πεπέρακεν] κωμῳδεῖται ταῦτα. Εὔπολις ἐν Μαρικᾷ Πεπέρακε μὲν ὁ περσέπτολις ἤδη Μαρικᾶς.
67	χώραν] τὴν Εὐρώπην.
68	λινοδέσμῳ] ὡς λινῶν τῶν κάλων ὄντων.
71	ὅδισμα] γρ. ἔρεισμα· τὴν ναῦν. ζυγὸν ἀμφιβαλών] ἐγεφύρωσε γὰρ τὸ ἑπταστάδιον ταῖς ναυσὶ συνδήσας αὐτὰς καὶ γῆν ἐπιβαλὼν, ὥστε ὁδὸν ποιῆσαι ἐπὶ τῶν νεῶν. διὸ πολύγομφον ὅδισμα εἶπεν.
72	ζυγὸν] ζεύξας νεῶν τὴν θάλασσαν.
74	πᾶσαν χθόνα] τὴν Εὐρώπην. ποιμανόριον] ποιμνίον. ποιμανόριον] τὸ ἀνδρικὸν πλῆθος, σημαῖνον τὸ στράτευμα παρὰ τὸ τοὺς βασιλεῖς λέγεσθαι ποιμένας. ποιμανόριον τὸ ἐκ ποίμνης ἀν‐
5	δρῶν συνηγμένον βασίλειον.
79	στυφέλοις] σκληροῖς ἡγεμόσιν.
80	χρυσονόμου γενεᾶς: νῦν τῆς πλουσίας. τινὲς γὰρ ἀνέγνωσαν χρυσογόνου διὰ τὸ τὸν Περσέα ἀπὸ χρυσοῦ γεγεννῆσθαι· ὃ καὶ βέλ‐ τιον. Ἄλλως. τῆς Περσέως γενεᾶς ἀπόγονος· ἢ τῆς τῶν χρυσῶν ἀνθρώπων· ἢ πολυχρύσου.
84	Σύριον δ’ ἅρμα· ἀντὶ τοῦ Ἀσσύριον· οἱ γὰρ Πέρσαι τὸ πρότερον Ἀσσύριοι ἐκαλοῦντο.
85	δουρικλύτοις] τοῖς Ἀθηναίοις.	73
86	τοξόδαμνον] τὸν τῶν Περσῶν· τοξόται γάρ.
87	δόκιμος: ἀνδρεῖος, δόκησιν περὶ ἑαυτοῦ ἔχων μεγάλην. ὑποστάς] ἀντιστὰς, ἀντιμαχησάμενος.
89	ἕρκεσιν] “Οὔτ’ ἄρα ἕρκεα ἴσχει.” ἕρκεσιν] τάξεσιν.
90	ἄμαχον κῦμα θαλάσσας: τὴν προσβολὴν τῶν Περσῶν.
91	ἀπρόσοιστος] ἀκαταμάχητος.
92	στρατὸς—λαός] ἐπὶ τοῦ αὐτοῦ στρατὸς καὶ λαός.
93	δολόμητιν δ’ ἀπάταν: ὡς ἔδει παρατέτακται ὁ Ξέρξης. εἰ δὲ θεοῦ ἐπιβουλῇ τὰ τῆς νίκης ἀναβάλλεται, τίς ὁ νικήσων θεόν;
95	πηδήματος εὐπετέος: εὐκινήτου. Ὅμηρος “Ἡ δ’ Ἄτη “σθεναρή τε καὶ ἀρτίπος, φθάνει δέ τε πᾶσαν ἐπ’ αἶαν.” ἡ γὰρ ἐκ θεοῦ, φησὶν, ἀμαύρωσις καὶ δόλωσις ἄφυκτός ἐστιν. ἅμα γὰρ δολοῖ καὶ προσαίνει καὶ κακοποιεῖ.
97	φιλόφρων] ἡ θεῶν ἀπάτη.
103	τὸ παλαιόν] ἐξ ἀρχῆς. τὸ παλαιόν: τὸ ἀνέκαθεν ἀνδρεῖοί εἰσι καὶ κατὰ εἱμαρμένην πολε‐ μοῦσι. πολεμικοὶ δὲ ὄντες οὐχ ἡσσηθήσονται.
104	ἐπέσκηψε δέ: ἀντὶ τοῦ εἰδέναι ἐποίησεν.
108	ἔμαθον δ’ εὐρυπόροιο: οὐχ οἱ Πέρσαι ναυτικοὶ, ἀλλ’ οἱ ὑπήκοοι Περσῶν. τί δὲ τὸ ἔμαθον φησὶν ἀντὶ τοῦ μαθεῖν ἐποίησαν.
110	πολιαινομένας: ἀφριζομένης τῷ ἀφρῷ τῆς κωπηλασίας.
112	λεπτοδόμοις: τοῖς λεπτῶς κατεσκευασμένοις.
113	λαοπόροις τε μηχαναῖς: ταῖς τοὺς λαοὺς διαπορθμευούσαις, ἢ ταῖς ἀπὸ τῆς κωπηλασίας μηχαναῖς ταῖς ὑπὸ τῶν λαῶν γινομέ‐ ναις· οὐχ ὡς αὐτῶν τῶν Περσῶν θαλαττίων ὄντων, ἀλλὰ τῶν ἐκείνοις ὑπηκόων παραλίων.
114	μελαγχίτων] ἡ συνετή. μελαγχίτων: πενθήρης, ἢ ἀμφιμέλαινα. ἔστι δὲ παρὰ τὸ “Σὺ δ’ ἔνδοθι θυμὸν ἀμύξῃς.” τὰ γὰρ τοῦ σώματος πάθη δοκοῦμεν καὶ τὴν ψυχὴν πάσχειν.
116	ὀά: Περσικὸν θρήνημα.
117	μὴ πόλις πύθηται: μὴ πύθηταί τις τῶν ἑτέρων πόλεων κενὸν
117	ἀνδρῶν ὂν τὸ ἄστυ. μὴ τὸ τῆς Σουσίδος ἄστυ κένανδρον ἀκούσῃ.	74
121	ἀντίδουπον: ἀντηχήσει τοῖς θρήνοις· μὴ ἀντηχήσῃ, φησὶ, θρῆνον αὐτῶν τελευτησάντων.
123	ἀπύων] ἀπύοντος πρὸς τὸ ἀντίδουπον ἔσεται· ἢ λείπει τὸ ἔσται· ἔσται ἀπύων· ἢ μετοχὴ ἀντὶ ῥήματος, ἀντὶ τοῦ ἀπύσει.
124	βυσσίνοις] κατὰ κοινοῦ πάλιν τὸ μή· μὴ ῥῆξις πέσῃ πέ‐ πλοις.
127	ἐκλέλοιπεν] καταλελοίπασι τὴν πόλιν ἀκολουθοῦντες Ξέρξῃ ὡς μέλισσαι τὸ σμῆνος.
130	τὸν ἀμφίζευκτον: τὸν ζευγνύντα ἄμφω τὰς ἠπείρους, ἢ ζευγνύμενον ἐξ ἀμφοῖν. ἢ τὸν ὑποζευχθέντα· βατὸν γὰρ αὐτὸν ἐποίησεν ὁ Ξέρξης.
131	ἅλιον] τὸν Ἑλλήσποντον· οἱ δὲ, ὅτι Ταῦρον τὸ ὄρος.
132	πρῶνα: τὸν προνεύοντα εἰς ἄμφω τὰς ἠπείρους. ἢ τὸν κοινὸν ἑκατέρας γῆς. μεταξὺ γάρ ἐστιν Εὐρώπης καὶ Ἀσίας.
133	ἀνδρῶν] τῇ ἀπουσίᾳ αὐτῶν.
135	ἀκροπενθεῖς] ἐπιμόνως πενθοῦσαι· ὡς δοκεῖν ἁβρύνεσθαι ἐπὶ τὸ πενθεῖν.
136	πόθῳ φιλάνορι] μετὰ φιλάνορος πόθου.
139	μονόζυξ] ἄνευ τοῦ ἀνδρός.
143	χρεία δέ] ὁ δέ ἀντὶ τοῦ γάρ· ἡ γὰρ χρεία προσῆκον ποιεῖ τὸ βουλεύεσθαι.
145	πατρωνύμιον] ὅτι κατὰ πατέρα συγγενὴς ἡμῖν, τοῦτ’ ἔστιν ὁ ἐκ προγόνου ἰθαγενής.
148	δορυκράνου] τῆς ἀπὸ ξύλου κρανείας.
151	Ἄτοσσα, θυγάτηρ Κύρου, γυνὴ Δαρείου, μήτηρ Ξέρξου κατὰ Ἡρόδοτον.
153	προσφθόγγοις] προσηγορικοῖς.
157	θεοῦ] τοὺς βασιλεῖς θεοὺς καλοῦσιν οἱ Πέρσαι.
158	δαίμων παλαιός] ἡ εὐδαιμονία.
159	ταῦτα] διὰ ταῦτα.
163	κονισθεὶς, ἢ κονίσας αὐτὸς τὸ οὖδας.
165	ταῦτα] διὰ ταῦτα.	75
166	χρημάτων ἀνάνδρων] χωρὶς γὰρ ἀνδρῶν ἄχρηστά ἐστι τὰ χρήματα.
167	μήτ’ ἀχρημάτοισι: μήτε τοὺς πένητας πᾶν σθένος ὁρᾶν τοῦ φωτός· ὅ ἐστιν, οὐ πάσης ἀπολαύουσι τῆς τοῦ φωτὸς ἡδονῆς οἱ πένητες.
174	ὧν ἂν δύναμις ἡγεῖσθαι θέλῃ] ἀντὶ τοῦ δύνηται.
181	ἐδοξάτην] πρόσεχε τῇ τοῦ ὀνείρου ἀναγνώσει. ἐδοξάτην μοι δύο γυναῖκ’ εὐείμονε] ἐντεῦθεν ἔλαβεν Σοφο‐ κλῆς τὸ Ἐδοξάτην μοι τὰ δύ’ ἠπείρω μολεῖν.
5	καὶ Εὐριπίδης Ἔδοξεν ὕπνῳ τῆσδ’ ἀπαλλαχθεῖσα γῆς.
185	γένους ταυτοῦ] Ἄνδρων ὁ Ἁλικαρνασεύς φησι “Ὠκεανὸς “δὲ γήμας Πομφολύγην καὶ Παρθενόπην ἴσχει ἐκ μὲν Παρθενόπης “Εὐρώπην καὶ Θρᾴκην, ἐκ δὲ Πομφολύγης Ἀσίαν καὶ Λιβύην· ἀφ’ “ὧν τὰς ἠπείρους ὀνομασθῆναι συμβέβηκεν.”
192	τῇδ’] τῇ Περσίδι δεικτικῶς, ὡς τῇ ἡμετέρᾳ, ἣν φορῶ.
193	εὔαρκτον] ὑπήκοον.
194	ἐσφάδαζε] ἐσκάριζεν. ἐν τῇ βίᾳ δίφρου χαλινὰ ῥήσσει.
196	ζυγόν] τὸν δίφρον ἀχαλίνωτον γενόμενον.
199	πέπλους ῥήγνυσιν] αἰδεσθεὶς τὸ πτῶμα.
203	ἀποτρόποισι] οἷς ἀποτροπιαζόμεθα τοὺς ὀνείρους.
208	χηλαῖς: τοῖς ὄνυξιν.
213	οὐχ ὑπεύθυνος: οὐ τιμωρητέος, οὐ δίκας ὀφείλων, διὰ τὸ ὑμᾶς αὐτὸν παρορμῆσαι, καὶ κοινῇ ἤτοι κοινῷ δόγματι εἶναι τὴν ἔξοδον.
216	προστροπαῖς] ἱκεσίαις.
217	εἴτι] ὡς οὐ δεινὰ τεθέασαι.
223	τἄμπαλιν] τὰ δὲ κακὰ τὰ σχεθέντα ὑπὸ τῆς γῆς ἀφανισθῆ‐
223	ναι τῷ σκότῳ.	76
224	θυμόμαντις: οὐ Φύσει μάντις, ἀλλ’ ὑπὸ λογισμοῦ κρίνων καὶ ὑπὸ ἐνθυμήσεως.
226	ἀλλὰ μὴν εὔνους: ἀντὶ τοῦ σὺ πρῶτος ἀκούσας τοῦ ὀνείρου εὐνοϊκῶς συνεβούλευσας ἐξιλεώσασθαι οὐρανίους καὶ χθονίους δαίμονας.
227	φάτιν] τὸν ὄνειρον.
228	ἐκτελοῖτο δὲ τὰ χρηστά: ἡ ἐξιλέωσις εἰς ἀγαθὸν ἀποβαίη.
232	φθινασμάτων: τῶν λήξεων, τῶν δυσμῶν, ἢ τῶν δύσεων, ἢ τῶν ἐκλείψεων· ὅτε γὰρ δύει ὁ ἥλιος, ἐκλείπει. ἔνθεν καὶ λίψ ὁ ἄνεμος ἀπὸ δυσμῶν.
234	πᾶσα] εἰ ληφθείησαν αἱ Ἀθῆναι.
236	ἔρξας πολλά: τῆς ἐν Μαραθῶνι πεζομαχίας μέμνηται.
238	ἀργύρου] τὰ ἐν τῇ Ἀττικῇ. ἀργύρου πηγή: ἐν Θορικῷ γάρ ἐστι μέταλλα καὶ ἐν Λαυρίῳ.
239	τοξουλκός] τοξικὴ βολή.
240	ἔγχη σταδαῖα: ἐκ τοῦ συστάδην μαχόμενα, οἷον συστάδην μάχονται. τοὺς γὰρ ἐκ διαστημάτων μαχομένους κατηυτέλιζον.
243	πῶς ἂν οὖν] μὴ ἔχοντες τὸν ἐφεστηκότα.
245	τοῖς τεκοῦσι] ἀντὶ τοῦ ἡμῖν.
246	ἀλλ’ ἐμοί] κατὰ τὴν ἐμὴν δόκησιν μαθήσῃ τἀληθῆ.
248	κλύειν] λείπει ὥστε.
252	τὸ Περσῶν δ’ ἄνθος] τὸ κάλλος, τὸ στράτευμα.
253	κακὸν μὲν πρῶτον ἀγγέλλειν κακά] “Στέργει γὰρ οὐδεὶς “ἄγγελον κακῶν ἐπῶν.”
256	ἄνια] ἀνίατα.
257	νεόκοτα] νεωστὶ μηνυθέντα ἡμῖν ὑπό τινος τῶν δαιμόνων.
258	διαίνεσθε] δακρύετε.
259	τόδ’ ἄχος] ὃ εἶπον.
262	μακροβίοτος] εἰς τοῦτο ἐμακρύνθη ὁ βίος ἡμῶν, εἰς τὸ ἀκοῦσαι τοιαῦτα κακά.
270	παμμιγῆ] διαφόρων ἐθνῶν. ἐπ’ αἶαν] ἐπ’ αἶαν Ἑλλάδα δῖαν χώραν.
275	πολυβαφῆ] ὑπὸ τοῦ αἵματος.	77
277	πλαγκτοῖς: ὡς ἂν εἴποι τις διαύλοις. τὰ γὰρ κύματα ἐκχεῖται καὶ ὑπονοστεῖ. διπλάκεσσι δὲ, ταῖς δύο πλαξὶ, τῆς θαλάσ‐ σης τε καὶ γῆς. ἢ ἐν Σαλαμῖνι καὶ Πλαταιαῖς.
279	ἐμβολαῖς] ἀντὶ τοῦ προσβολαῖς.
281	δυσαιανῆ] δυσθρήνητον.
282	δαΐοις] διακεκομμένοις.
286	στυγναὶ δ’ Ἀθᾶναι] ἡμῖν τοῖς δηΐοις στυγνότητος αἴτιαι πάρεισιν εἰς μνήμην αἱ Ἀθῆναι, ὅ ἐστι τῶν Ἀθηνῶν ἡ μνήμη στυγνοὺς ἡμᾶς ποιεῖ.
288	μάταν] ματαίως, μηδὲν βλαψάσας.
289	ἔκτισαν] ἐποίησαν. εὔνιδας] ὀρφανάς.
292	τὸ μήτε λέξαι] λείπει ἡ πρός. τοιοῦτοι δὲ οἱ συμφοραῖς μεγάλαις κατεχόμενοι.
295	καταστάς: κατάστασιν τοῦ θορύβον λαβών.
296	τίς οὒ τέθνηκεν: καλῶς πρῶτον περὶ τῶν ζώντων ἐρωτᾷ, ὡς ὀλίγων ὄντων, παρίστησι δὲ καὶ τὸ πλῆθος τῶν ἀποθανόντων.
297	τῶν ἀρχελείων] λαῶν ἀρχόντων. Gl. τῶν βασιλέων, ἀπὸ τοῦ τῶν λαῶν ἄρχειν.
300	εἶπας δώμασιν φάος μέγα] ἐνόμιζε γὰρ αὐτὸν τεθνάναι.
303	στύφλους] πετρώδεις. Σιληνιῶν] Σιληνίαι αἰγιαλὸς Σαλαμῖνος, πλησίον τῆς λεγομένης Τροπαίου ἄκρας, ὡς Τιμόξενος ἐν τῷ ϛʹ περὶ λιμένων.
306	Βακτρίων] Βάκτρα πόλις Περσίδος.
307	θαλασσόπληκτον] εὐφήμως κεῖται, ἐν Σαλαμῖνι.
309	τὴν πελειοθρέμμονα] τὴν πολυτρήρενα Σαλαμῖνα παρὰ τὸ
309	Ὁμηρικὸν “Πολυτρήρωνά τε Θίσβην.”	78
310	κύρισσον: συνέκρουον ἄλλοις· ἀπὸ μεταφορᾶς τῶν ἀλόγων ζῴων τῶν τυπτόντων τοῖς κέρασιν.
312	Ἀδεύης καὶ Φερεσσεύης] ταῦτα οὐκ ἔχει τὸν Αἰγύπτιον χαρακτῆρα, ἀλλὰ ποιητικῶς διαπέπλασται.
316	πυρσήν] τινὲς ἀντὶ τῆς γενικῆς πυρρᾶς γενειάδος· καὶ τὸ ἑξῆς, ἔτεγγεν χρῶτα, ἔβρεχε τῷ αἵματι. δάσκιον] δασύτριχον.
318	Μᾶγος Ἄραβος] Μάγος ἐθνικὸν, Ἄραβος κύριον.
319	σκληρᾶς μέτοικος γῆς: ὁ ἐκεῖ ἀπελθὼν μετοικήσει τὴν Σα‐ λαμῖνα τὴν σκληρὰν καὶ πετρώδη. μέτοικος γῆς] ἐν Σαλαμῖνι μετοικήσας εὐφήμως· παρόσον ἀνυπό‐ στροφος αὐτῷ ἡ ἐκ ταύτης ἄφοδος γέγονεν.
324	Λυρναῖος] ἀπὸ πόλεως.
327	ἄπαρχος] ἡγεμών.
330	πολλῶν] λείπει τὸ κακῶν.
331	αἰαῖ—τάδε] ἰαμβικὸς ὁ στίχος.
333	ἀναστρέψας] ἀναλαβών.
335	ἀξιῶσαι] ἄξιον ἡγήσασθαι τολμῆσαι.
336	ἐμβολαῖς] προσβολαῖς.
337	πλήθους μὲν ἄν] λείπει τὸ ἦν.
338	σημείωσαι τὸ τῶν νεῶν πλῆθος τῶν στρατῶν ἀμφοτέρων.
339	τριακάδας δέκα] τοῦτ’ ἔστι τʹ.
340	δεκὰς δ’ ἦν τῶνδε] ἐκ τῶν τʹ δέκα ἦσαν αἱ ἡγούμεναι ὡς βελτίονες.
343	ἑκατὸν δὶς ἦσαν ἑπτά θ’] σζʹ αἱ ἄρισται· ἢ σιδʹ, ἵνα ᾖ τὸ δὶς ἐκ κοινοῦ.
346	τάλαντα βρίσας] τὰ τῶν Περσῶν ζυγὰ βαρήσας. “Ῥέπε “δ’ αἴσιμον ἦμαρ Ἀχαιῶν.”
349	ἀνδρῶν γὰρ ὄντων] Ἀλκαῖος “Ἄνδρες γὰρ πόλεως πύργος
349	ἀρεύϊος.”	79
355	ἀνὴρ γὰρ Ἕλλην: βουληθέντων γὰρ τῶν Ἑλλήνων φυγεῖν διὰ τὸ πλῆθος τῶν Περσῶν, Θεμιστοκλῆς Σίκιννον τὸν παιδαγωγὸν ἔπεμψε πρὸς τὸν Ξέρξην ὡς αὐτομολήσαντα, λέγοντα τῷ Ξέρξῃ ὅτι μέλλουσι φυγεῖν Ἕλληνες. τοῦτο δὲ ἐποίησεν, ἵνα ἐν ἀπογνώσει
5	μαχήσονται οἱ Ἕλληνες.
364	εὖτ’ ἄν—]ὡς ἀπὸ Ξέρξου ὁ λόγος.
365	τέμενος αἰθέρος] κατὰ περίφρασιν τὸν αἰθέρα.
366	στῖφος] πλῆθος.
367	ἔκπλους] τὰς ἐξόδους.
368	ἄλλας δὲ κύκλῳ] κοινὸν τὸ τάξαι.
369	ὡς εἰ μόρον] ἀπὸ τοῦ διηγηματικοῦ ἐπὶ τὸ μιμητικὸν, ὡς εἰ ἐξειλήσαιεν, φησὶν, οἱ Ἕλληνες δραπετεύσαντες, πᾶσιν ἠπείλει τοῖς ταχθεῖσιν αὐτοῖς φυλάξαι τῆς κεφαλῆς στερηθῆναι. ἄτοπον δὲ ἀπειλεῖν πλήθει τοσούτῳ θάνατον. βέλτιον οὖν κράτος τῆς τιμῆς καὶ ἀρχῆς
5	στερίσκεσθαι, ἵν’ ᾖ κράτος ἀντὶ κράτους.
376	τροποῦτο κώπην] κώπην εὐήρετμον ἀμφὶ σκαλμὸν ἐδέσμευε. τροπωτὴρ δὲ ὁ λῶρος ὁ δεσμεύων τὴν κώπην πρὸς τῷ σκαλμῷ.
378	καὶ νύξ] καὶ νὺξ ἐγένετο καὶ οὐδεὶς Ἑλλήνων ἠξίωσεν.
379	ἐπιστάτης] ἐπιστήμων.
380	νεὼς μακρᾶς] τῆς πολεμικῆς.
385	καθίστατο] ὡς ᾠόμεθα.
395	ἐπέφλεγεν] τὰ τῶν Ἑλλήνων ἐξέκαιεν καὶ ἀνήγειρεν ἡ σάλπιγξ.
396	ῥοθιάδος: τῆς ἠχητικῆς· ἢ τῆς ἐν ὑγρῷ ἐλαυνομένης.
399	τὸ δεξιόν] τὸ Θεμιστοκλέους.
400	δεύτερον] τὸ ἀριστερὸν καὶ τὸ μέσον. στόλος] τὸ ἔμβολον λέγει· στόλον δὲ λέγει παρ’ ὅσον εἰς ὀξὺ συνεσταλμέναι εἰσίν· οὕτως γὰρ ἔλεγον στόλον τὰ ἀπωξυμμένα.
405	θήκας] τάφους.
408	στόλον] τὸν ἔμβολον παρὰ τὸ εἰς ὀξὺ συνεστάλθαι.	80
410	Φοινίσσης] ἀντὶ τοῦ Περσίδος.
411	δόρυ] τὴν ναῦν δόρυ εἴρηκεν.
412	νῦν] ἀντὶ τοῦ δή.
413	ἐν στενῷ] μεταξὺ Σαλαμῖνος καὶ Αἰγίνης τὸ στενὸν ἦν.
416	παίοντ’] παράλογον τὸ δυϊκόν.
417	οὐχ ἁπλῶς οὐδὲ ἀδιδάκτως.
419	σκάφη νεῶν] ἀντὶ τοῦ αἱ νῆες. νεῶν] τῶν Περσῶν δηλονότι. ναυαγίων] ναυαγία αὐτὸ τὸ πάθος, ναυάγιον δὲ αὐτὸ τὸ ναυαγῆσαν σκεῦος. διὰ τοῦτο οὖν ναυαγίων βαρυτόνως τῶν σωμάτων.
424	βόλον] ἄγραν.
425	ἐρειπίων] ἐρείπια κυρίως τὰ πτώματα τῶν οἴκων· νῦν δὲ τὰ θραύσματα τῶν νεῶν.
428	ἕως κελαινῆς νυκτός] λείπει τὴν μάχην· ἕως ἡ νὺξ ἐπιγε‐ νομένη ἔπαυσεν αὐτοὺς τῆς μάχης.
429	Ἴων ἐν ταῖς Ἐπιδημίαις παρεῖναι Αἰσχύλον ἐν τοῖς Σαλα‐ μινιακοῖς φησί.
430	στοιχηγοροίην] ἐφεξῆς λέγοιμι, στοιχομυθοίην.
432	τοσοῦτ’ ἀριθμόν] πλῆθος ἀνθρώπων τοσοῦτον τῷ ἀριθμῷ. μήποτε δὲ τοσουτάριθμον θέλει.
433	κακῶν δὴ πέλαγος] εὔκαιρος ἡ τροπὴ ἀπὸ τῶν ἐν πελάγει ἀτυχησάντων.
437	ῥοπῇ] τῇ κακῇ δηλονότι.
440	μάσσονα] μείζονα.
443	ἐν πρώτοις] εἰς πίστιν ἐν πρώτοις, ὅ ἐστι πιστικώτατοι.
447	νῆσός τις ἐστί] τὴν Ψυττάλειάν φησιν, ἣ ἀπέχει προς ρον σταδίους εʹ, ὅπου φυγόντες οἱ ἡγεμόνες τῶν Περσῶν ὑπὸ Ἀθη‐ ναίων ἀπώλοντο.
448	φιλόχορος] ὁ θεὸς ὁ Πάν.
449	Πάν] ἢ ὡς ἱερᾶς οὔσης Πανός· ἢ ὡς ἔρημος.	81
450	πέμπει] ὁ Ξέρξης.
451	φθαρέντες] ἀντὶ τοῦ μετὰ φθορᾶς ἐξέλθοιεν.
454	ἱστορῶν] σκοπῶν.
455	μάχης] τῆς ναυμαχίας.
458	ἀμηχανεῖν] τοὺς Πέρσας.
461	θώμιγγος] θῶμιγξ κέκληται τὸ λεπτὸν σχοινίον.
465	κακῶν ὁρῶν βάθος] ἀπὸ τῶν ὑδάτων ἡ μεταφορά.
466	εὐαγῆ] καθαρὰν, κεχωρισμένην· ἢ αὐγάζοντα καὶ ὁρῶντα. λέγει δὲ τὸ ἀντικρὺ Σαλαμῖνος ὄρος τὸν Αἰγάλεων, ὥς φησιν Ἡρό‐ δοτος.
469	παραγγείλας] φυγεῖν δῆλον ὅτι.
472	ὦ στυγνὲ δαῖμον] ψευσθῆναι ἐποίησας τῶν φρενῶν καὶ ἀπο‐ τυχεῖν ὧν ἤλπιζον.
475	πρόσθε] ἐπὶ Δαρείου.
481	κατ’ οὖρον] ἐκεῖ, φησὶν, ἀπίασιν ὅπου ὁ ἄνεμος αὐτοὺς φέρει.
483	Κρηναῖον γάνος] τόπος Βοιωτίας ἡ Κρήνη.
484	ὑπ’ ἄσθματος] οἷον μετὰ ἄσθματος.
487	Σπερχειός] ὁ Σπερχειὸς ἐξ Αἰνιάνων ῥέων εἰς τὸν Μηλιακὸν ἐμβάλλει κόλπον.
494	Θρᾴκης. Βόλβης] λίμνη Θρᾳκική.
496	ἄωρον] παρὰ καιρόν.
497	Στρυμόνος] Στρυμὼν, ποταμὸς Θρᾴκης. δέ τις] καὶ ὁ πάνυ ἀσεβής.
501	κρυσταλλοπῆγα] κρυστάλλῳ πεπηγότα. περᾷ] τὸ ἑξῆς διαπερᾷ.
505	διῆκε] διελθεῖν καὶ ῥεῦσαι ἐποίησεν.
511	ἑστιοῦχον] τὴν Περσίδα τὴν ἔχουσαν αὐτῶν τὴν ἑστίαν.
517	διαπεπραγμένου] πεφονευμένου.
520	φαύλως] οὐκ ἀληθῶς.
520	αὔτ’] αὐτά· ἀντὶ τοῦ τὰ ὀνείρατα.	82
521	φάτις ὑμῶν] ἡ ὑμῶν κρίσις ἡ λέγουσά μοι εὔξασθαι θεοῖς καὶ Δαρείῳ.
524	πέλανον: πεπεμμένον πλακοῦντα.
525	ἐπίσταμαι μέν] οἶδα μὲν ὅτι τὸ κακὸν ἤδη ἐγένετο· ἀλλὰ κἂν ἐπὶ τοῖς ζῶσιν ἀνδράσιν εὔξομαι.
538	κατερεικόμεναι] κατασχίζουσαι, ἐνεργητικῶς.
541	ἁβρογόοι] ἁβρογόοι αἱ ἐντρυφῶσαι τοῖς δάκρυσιν.
547	αἴρω] βαστάζω.
549	ἐκκενουμένα] τῶν ἀνδρῶν.
550	ἄγαγεν] εἰς τὸν πόλεμον.
553	βαρίδεσσι] βάριδες αἱ νῆες.
557	ἄκτωρ] βασιλεύς.
563	διὰ δ’—τυτθὰ δ’—ὡς ἀκούομεν] περισσοὶ οἱ δύο δέ καὶ τὸ ὡς. τὸ δ’ ἑξῆς, μόγις δὲ διαφυγεῖν ἀκούομεν τὰς χεῖρας Ἰαόνων τὸν ἄνακτα.
564	τυτθά] ὃ ἡμεῖς λέγομεν παρ’ ὀλίγον.
568	πρωτόμοροι] περὶ τῶν τεθνηκότων ἐν Σαλαμῖνι. πρωτόμοροι: οἱ πρῶτοι ἀποθανόντες. τὸ ἑξῆς τούτου ἐστὶ, σκύλ‐ λονται πρὸς ἀναύδων.
569	πρὸς ἀνάγκαν: τὴν τοῦ θανάτου. Ὅμηρος “Ἐπεὶ κατὰ “μοῖρ’ ἐπέδησεν.”
570	Κυχρείας] τῆς Σαλαμῖνος.
571	δακνάζου] παραγώγως ἀντὶ τοῦ δάκνου.
573	οὐράνι’ ἄχη] ἕως τοῦ οὐρανοῦ βόησον τὰ ἄχη.
574	δυσβάϋκτον] θρηνητικήν.
575	βοᾶτιν] βοητικήν.
577	ἀναύδων] τῶν ἰχθύων.
578	τᾶς ἀμιάντου] τῆς θαλάσσης· αὐτὴν γὰρ λέγει ἀμίαντον.
579	δόμος] λείπει πᾶς.
585	περσονομοῦνται] ὑπὸ Περσῶν ἄρχονται.
589	βασιλεία] τὰ τοιαῦτα πάντα κτητικὰ μακρὸν ἔχει τὸ α. αἱ γὰρ βασιλεῖαι ἔχουσι τοῦτο.
591	οὐδ’ ἔτι—]οὐδὲν γὰρ δεδίασιν οἱ ὑπήκοοι ἔτι. ἠλευθέρωται
591	οὖν αὐτῶν ἡ γλῶσσα πρὸς τὸ κακηγορεῖν βασιλέα.	83
594	ζυγὸν ἀλκᾶς] ἡ ἀλκή.
597	τὰ Περσῶν] σώματα.
598	κακῶν] ἔθος ἔχουσιν οἱ δυστυχοῦντες δυστυχίαν φαντά‐ ζεσθαι, οἱ δὲ εὐτυχοῦντες εὐτυχίαν.
602	οὐριεῖν: οὐριοδρομεῖν, παρὰ τὸ Ὁμηρικὸν, Τοῖος γὰρ νόος ἐστὶν ἐπιχθονίων ἀνθρώπων οἷον ἐπ’ ἦμαρ ἄγῃσι.
604	ἀνταῖα: ἐναντία φαίνεται τὰ θεῶν· οἷον, ἀντικειμένους ἡμῖν ὁρῶ τοὺς θεούς.
605	οὐ παιώνιος: ἀλλὰ φθαρτικός.
609	σημείωσαι τὸ εἶδος τῶν χοῶν. παιδὸς πατρί] πατρὶ παιδός.
611	ἁγνῆς] λευκῆς, ἢ ἀγελαίας, ἢ ἀσινοῦς.
612	παμφαές] φαιδρόν.
613	παρθένου πηγῆς μέτα] σὺν ὕδατι πηγαίῳ. παρθένου] καθαρᾶς.
614	μητρὸς ἀγρίας] ἀγριοποιοῦ διὰ τὴν μέθην.
616	αἰὲν ἐν φύλλοισι] ἀεὶ γὰρ ἔχει τὰ φύλλα· διὸ προσέθηκεν “ἐν φύλλοισι θαλλούσης” πρὸς τὸν καρπόν. οὐ γὰρ διηνεκής.
618	ἄνθη τε πλεκτά] στέμματα.
620	δαίμονα] ὡς θεὸς γὰρ παρὰ Πέρσαις τιμᾶται.
623	πρέσβος] τιμία παρὰ Πέρσαις.
630	ψυχήν] τὴν Δαρείου.
633	μακαρίτας] μακαρίτης ὁ τεθνεὼς, μακάριος ὁ ζῶν.
637	παντάλαν’] θρηνητικά.
642	χθονίων] τὸν καταχθόνιον.
643	αἰνέσατ’] αἰνέσατε ἐλθεῖν ἐξ Ἅιδου.
647	ὄχθος] τάφος.
651	οἶον ἄνακτα] τὸν μόνον γενόμενον βασιλέα διὰ τὸ κηδεμο‐ νικόν. ἔοικε δὲ ὁ Δαρεῖος καὶ Δαρειὰν λέγεσθαι. ἢ τὴν Δαρείαν
651	ψυχὴν ἀνάπεμψον.	84
656	ὑποδώκει] ὑπὸ τὸν ἑαυτοῦ πόδα ἡνιόχει.
657	βαλήν] βαλῆνα τὸν βασιλέα. Εὐφορίων δὲ Θουρίων φησὶ τὴν διάλεκτον. βαλήν] βασιλεὺς κατὰ Θουρίους.
661	εὔμαριν] εἶδος ὑποδήματος.
662	τιάρας: τῆς κυρβασίας.
663	πιφαύσκων] φαίνων, δεικνύων τῆς περικεφαλαίας τὸν λόφον.
672	ὡς ἐπῳδῇ κέχρηται τῇ βάσκε πάτερ.
675	δυνάτα] ἀντὶ τοῦ δυνάστα.
677	δίδυμα] δύο, Πέρσου καὶ Ξέρξου. ἁμάρτια: ὁμοῦ ἡρμοσμένα. γρ. δὲ τὰ ἁμαρτήματα.
680	νᾶες ἄναες] αἱ μηκέτι νῆες. ἀπώλοντο γάρ.
681	ὑποκρίνεται ὁ Δαρεῖος. πιστὰ πιστῶν] ἐκ πιστῶν πατέρων πιστοὶ υἱοί.
687	ὀρθιάζοντες γόοις] μεγάλως θρηνοῦντες.
688	οὐκ εὐέξοδον: οὐ δυνατὸν ταχέως ἐξιέναι. ἀπολογεῖται δὲ ὡς βραδύνας.
691	ἐνδυναστεύσας] μεγάλα δυνηθεὶς παρ’ αὐτοῖς.
693	νεοχμόν] νεωστὶ παρὰ τὴν αἰχμὴν γενόμενον.
698	μακεστῆρα] μήκους ἐχόμενον.
700	δίομαι μὲν χαρίσασθαι] τὰ πρὸς χάριν εἰπεῖν δέδια μέν σοι. δίομαι] δέδια.
701	ἀντία] ἀληθεῦσαι· λυπηθήσῃ γάρ.
708	ὁ μάσσων βίοτος] ἐν τῷ μακρῷ τοῦ βίου χρόνῳ. μάσσων] ὁ μείζων.
713	σημείωσαι τὸ ὡς ἔπος εἰπεῖν.
717	τίς δ’ ἐμῶν ἐκεῖσε παίδων] Ἡρόδοτος ζʹ φησὶ Δαρείου παῖδας εἶναι, Ἑλλάνικος δὲ ιαʹ.
718	ἠπείρου πλάκα] τὸ ἅπλωμα περιφραστικῶς τὴν ἤπειρον.
720	ἀμφότερα] καὶ ναυτικὸν καὶ πεζόν.
722	ὥστ’ ἔχειν πόρον] ὥστ’ ἐπέχειν τὸ ὕδωρ καὶ συνέχειν τὸν
722	πόρον.	85
723	Βόσπορον] τὸν Ἑλλήσποντον.
724	ξυνήψατο] ἴσως καὶ συνήργησεν αὐτῷ δαίμων τις.
728	ναυτικὸς στρατὸς κακωθείς] τῶν ναυτικῶν φθαρέντων οἱ ἐν Ψυτταλείᾳ εὐάλωτοι γεγένηνται.
731	ἀρωγῆς] τῆς ἀπολομένης.
732	οὐδέ τις γέρων] ὅ ἐστι πάντες νέοι.
735	τελευτᾶν] διαπράττεσθαι. ἔστι τις σωτηρία] ἐν ἐρωτήσει.
736	ζευκτηρίαν] τὸν Ἑλλήσποντον, ὃς ζεύγνυσιν Ἀσίαν καὶ Εὐ‐ ρώπην. μολεῖν] γρ. φυγεῖν.
738	οὐκ ἔνι στάσις] ἀμφιβολία. τοῦτο οὐκ ἄδηλον.
739	φεῦ, ταχεῖα] ὡς τοῦ Δαρείου εἰπόντος αὐτὸν ἀποβαλεῖν πολὺν στρατόν.
742	ἀλλ’ ὅταν] ὅταν, φησὶ, σπουδάζῃ τις εἰς κακὰ ἢ εἰς καλὰ, ὁ θεὸς συνεπιλαμβάνεται.
745	Ἑλλήσποντον ἱερόν] διὰ τὸ ἱδρῦσθαι αὐτόθι Διὸς ἱερὸν, ὡς Μνασέας· ἢ τὸν ἀνειμένον, ὡς ἱερὸν ἰχθῦν.
751	δέδοικα μὴ πολύς] δέδοικα μὴ ὁ πολὺς πλοῦτος ἁρπαγῇ ὁ ἐμὸς ὑπὸ τοῦ φθάσαντος.
752	φθάσαντος] τοῦ καταλαμβάνοντος.
756	ἔνδον αἰχμάζειν] οἰκουρεῖν.
759	σφιν] τοῖς προτρεψαμένοις. ἔργον] εἰς φθορὰν χωρῆσαν.
761	ἐξεκείνωσεν] ἐκενώθη τὰ Σοῦσα.
767	φρένες] ὁ Ἀρταφέρνης, ὃν ἐτυμολογεῖ ὁ ἀρτίας ἔχων φρένας. ὁ Ἀρταφέρνης ἐξ ἐτυμολογίας.
768	Κῦρος πρῶτος προσεκτήσατο Πέρσαις τὴν ἀρχὴν Μήδων ἀφελόμενος. Κύρου υἱὸς Καμβύσης, ἀδελφοὶ δὲ κατὰ Ἑλλάνικον
768	Μάραφις, Μέρφις.	86
771	ἤλασεν βίᾳ] συνήγαγεν τῇ ἰδίᾳ δυνάμει.
773	Κύρου δὲ παῖς] Καμβύσης.
774	πέμπτος δὲ Μάρδος: ἡ γραφὴ ἡμάρτηται. τὸν γὰρ ἐπιθέ‐ μενον τῇ Καμβύσου ἀρχῇ μάγον ὄντα οὐδεὶς Μάρδον εἶπεν, οὔτε γένος, οὔτε ὄνομα. μήποτε οὖν γραπτέον, Μάρδις αἰσχύνη πάτρᾳ. ὁμώνυμος γὰρ εἶναι ἴσως ὑπεκρίνετο Μερδίᾳ τῷ Κύρου παιδὶ, ἀδελφῷ
5	τε Καμβύσου. αἰσχύνη δὲ πάτρᾳ, ὅτι μάγος ὢν πῶς ἔσπασε Περ‐ σῶν ἀρχὴν εἰς μάγους.
776	Ἀρταφρένης] τοῦτον Ἑλλάνικος Δαφέρνην καλεῖ.
779	κἀγὼ πάλου] κακῶς· μετὰ γὰρ τὴν τῶν μάγων καθαίρεσιν Δαρεῖος ὁ μέγας ἦρξεν. πάλου δ’] ὁ δέ ἀντὶ τοῦ δὴ νῦν.
785	οἳ κράτη τάδ’ ἔσχομεν] οἱ πρὸ τοῦ βασιλεύσαντες ἡμεῖς.
786	τόσα] ὅσα νῦν.
792	αὐτή] αὐτὴ ἡ Ἑλλάς. ἡ γῆ] ἡ Ἀτθίς.
794	κτείνουσα λιμῷ] καρποὺς ἀρκοῦντας μὴ ἔχουσα.
795	εὐσταλῆ] εὔμετρον.
801	χρὴ θεσφάτοισιν ἐς τὰ νῦν πεπραγμένα βλέψαντα] ἀφ’ ὧν ταῦτα ἐτελέσθη, κἀκεῖνα συμβήσεται.
802	συμβαίνει γὰρ οὐ τὰ μὲν, τὰ δ’ οὒ] οὐ γὰρ τὰ μὲν συμ‐ βαίνει, τὰ δ’ οὔ· ἀντὶ τοῦ πάντα συμβαίνει.
804	λείπει] ὁ Ξέρξης.
806	πίασμα] ἀντὶ τοῦ, λιπαίνει τὴν Βοιωτίαν ὁ Ἀσωπός. πίασμα ἀντὶ τοῦ λίπασμα.
807	οὗ σφιν κακῶν ὕψιστα] τὴν ἐν Πλαταιαῖς πεζομαχίαν φη‐ σὶν, ἣν πρὸς Λάκωνας ἡσσήθησαν.
810	πιμπράναι νεώς] ἐνεπίμπρασαν γὰρ τὰ ἱερά.
815	κρηπίς] θεμέλιον. ἐκπιδύεται] αὔξεται τὰ κακά.
817	Δωρίδος] Λακωνικῆς.
818	θῖνες: οἱ σωροὶ καίπερ φωνὴν μὴ ἀφιέντες δείξουσι τὸ γένος. τριτοσπόρῳ δὲ, τρίτῃ τῶν μεταγενεστέρων γενεᾷ.
826	ὄλβον—μέγαν] τὴν εὐδαιμονίαν.	87
827	τῶν ὑπερκόπων] τῶν μὴ προσηκόντων εὔθυνος, δικαστής.
829	ἐκεῖνον] τὸν Ξέρξην.
834	πάντα γάρ] ὑπὸ γὰρ τοῦ ἄλγους τῶν κακῶν πάντα ἀμφὶ σώματι στημορραγοῦσι λακίδες, οἷον διαρρέουσιν.
836	στημορραγοῦσιν] διαρρέουσιν.
852	ὦ πόποι] θαυμαστικῶς σύγκρισιν ποιεῖται τῶν ἐπὶ Δαρείου εὐτυχημάτων πρὸς τὰ νῦν κακά.
858	πρῶτα μὲν εὐδοκίμου: πρῶτα μὲν κατὰ πόλεμον διὰ στρα‐ τιᾶς εὐδοκιμοῦμεν καὶ ὁρμῶμεν κατὰ νενομισμένα ἔθη ταῖς πόλεσι ταῖς πορθουμέναις, οὐ τεμένη θεῶν πορθοῦντες, οὐ τάφους ἀνασπῶντες, ὡς Ξέρξης τολμήσας ἐποίησεν.
5	εὐδοκίμου στρατιᾶς—]περιβόητοι ἦμεν ἐν πολέμῳ.
859	νόμιμα] τὰ νόμιμα πάντα τῶν τετειχισμένων πόλεων. νόμιμα] οἱ δὲ δημωφελεῖς δῆμοι πάντα ἐπολιτεύοντο.
864	ὅσας δ’ εἷλε πόλεις] τὸ ὅσας θαυμαστικῶς τῇ ἀρετῇ Ἕλ‐ ληνας ὑπέταξεν, οὐκ ἀνάγκῃ ὁ Δαρεῖος.
867	ποταμουδέ] σκληροτέρα ἡ συναλιφὴ ποταμουδὲ ἀφ’ ἑστίας, οἷόν ἐστι τὸ τουένεκα τούνεκα.
868	Στρυμονίου πελάγους] ὡς μέχρι Ὑπερβορέων παρατεινού‐ σης τῆς ἀρχῆς Περσῶν.
869	Ἀχελωΐδες] αἱ δίυγροι· Ἀχελῷον γὰρ πᾶν ὕδωρ λέγουσιν.
870	ἐπαύλων] τῶν ἐπαυλισμάτων.
871	λίμνας] καὶ ἔξω τῆς θαλάσσης ὅσαι εἰσὶ μεσήπειροι.
872	κατὰ χέρσον ἐληλαμέναι] τοῖς τείχεσι κεκυκλωμέναι.
873	τοῦδ’ ἄνακτος] τοῦ Δαρείου. ἄϊον] ὑπήκουον.
875	μυχία τε Προποντὶς] ἀπὸ κοινοῦ τὸ, οἷαί εἰσιν αἱ παρὰ τὸν Ἑλλήσποντον τὴν οἴκησιν αὐχοῦσαι.
876	πλατύν] “Ἐπὶ πλατεῖ Ἑλλησπόντῳ.”	88
878	στόμωμα] ὁ Βόσπορος.
879	αἱ κατὰ πρῶν’ ἅλιον] αἱ κατὰ τὸν Ἑλλήσποντον.
881	προσήμεναι] ὑποτασσόμεναι.
883	οἵα Λέσβος—]αὗται ἐν τῷ Αἰγαίῳ πελάγει εἰσίν. οἵα Λέσβος] ὅτι μεταβέβηκεν εἰς τὸ Αἴγαιον πέλαγος. ἡ γὰρ Λέσβος ἐν τῷ Αἰγαίῳ ἐστίν.
889	ἐκράτυνε] ὑπὸ τὸ ἴδιον κράτος εἶχεν. μεσάκτους δὲ, με‐ σακτίους, παραθαλασσίους.
890	Λῆμνον] Λῆμνος Θρᾴκης ἐστί. αὗται δέ εἰσιν αἱ μεσάκτιοι. Ἰκάρου δ’ ἕδος] Ἰκάρου τὸν κλύδωνα.
894	Σαλαμῖνα] ἄποικοι γάρ εἰσιν οἱ ἐν Κύπρῳ Σαλαμίνιοι τῶν ἐν τῇ Ἀττικῇ. τὴν ἐν Κύπρῳ.
898	κλῆρον Ἰαόνιον] Ἰωνίδας πόλεις.
900	σφετέραις] τῷ ἰδίῳ λογισμῷ, οἷον φρόνιμος ὤν.
904	οὐκ ἀμφιβόλως] ἀλλὰ ἀληθῶς.
905	θεόπρεπτα] ὑπὸ θεῶν ἐνεχθέντα καὶ θεοῖς δόξαντα.
908	πλαγαῖσι ποντίαισι] ταῖς ναυμαχίαις.
910	ἀτεκμαρτοτάτης] κακοτελευτήτου.
915	κἀμέ] ὑπομιμνησκόμενος γὰρ τῶν παίδων αὐτῶν αἰσχύνῃ καὶ ἐλέῳ πιέζομαι.
919	Περσονόμου] τῆς τοῖς Πέρσαις νεμηθείσης.
922	ἐγγαίαν: ἐγχωρίαν. τὰν ἐγγαίαν] τοῦτ’ ἔστι τὴν ἐγχώριον· ἢ οὕτως, ἡ γῆ ἡμῶν τὴν ἔξω τῆς γῆς ἥβην σεσαγμένην ὑπὸ τοῦ Ἅιδου καὶ διὰ τὸν Ξέρξην κταμένην αἰάξει.
923	ἥβαν] τὸ ἑξῆς, ἥβαν Περσᾶν.
924	σάκτορι: τῷ πληρωτῇ, παρὰ τὸ σάσσω· ὅτι δι’ αὐτὸν ἀπέ‐ θανεν. Ἀγδαβάται] ἔθνος Περσῶν. τὸ ἑξῆς, Ἀγδαβάται γὰρ ἐξέ‐
924	φθινται.	89
926	φύστις] ἔκφυσις, γονή. τοῦτο διὰ μέσου. φύστις: ἡ πεφυρμένη καὶ ἐπὶ γῆς πεσοῦσα.
929	γαίας ἐπὶ γόνυ τὸ ἑξῆς.
932	αἰακτός] θρηνητὸς τῇ γέννῃ. ἀντὶ τοῦ δυστυχῶς γεννηθείς.
935	πρόσφθογγον] προσφώνησίν σοι τοῦ νόστου πέμψω, τὴν κακοφάτιδα βοήν.
938	Μαριανδυνοῦ θρηνητῆρος] Καλλίστρατος ἐν δευτέρῳ περὶ Ἡρακλείας Τιτυοῦ τρεῖς παῖδας εἶναι, Βῶρμον, Πριόλαν καὶ Μαρι‐ ανδυνὸν, ὃν κυνηγετοῦντα ἀπολέσθαι, καὶ μέχρι νῦν Μαριανδυνοὺς ἀκμῇ θέρους θρηνεῖν αὐτόν. τὸν δὲ Μαριανδυνὸν αὐξῆσαι μάλιστα τὴν
5	θρηνητικὴν αὐλῳδίαν, καὶ διδάξαι Ὕαγνιν τὸν Μαρσύου πατέρα. καὶ αὐλοὶ δέ εἰσι Μαριανδυνοὶ ἐπιτηδειότητα ἔχοντες εἰς τὰς θρηνῳδίας. καὶ τὸ περιφερόμενον “αὐλεῖ Μαριανδυνοῖς καλάμοις κρούων Ἰαστί.” Μαριανδυνοῦ] ὡς τῶν Μαριανδυνῶν θρηνῳδῶν ὄντων· καὶ αὐλοὶ δέ τινες λέγονται Μαριανδυνοὶ, ἐπιτηδείως ἔχοντες πρὸς θρήνους.
941	δαίμων] ἡ τύχη μεταβέβληται.
945	λαοπαθῆ] τὰ πάθη τῶν λαῶν σέβων.
946	ἁλίτυπά τε βάρη] τὰ ἐν τῇ θαλάσσῃ συμβάντα ἀτυχήματα τῶν πολιτῶν.
947	πενθητῆρος] πένθους ἀξίας.
949	Ἰάνων γὰρ ἀπηύρα] ὁ Ἀττικὸς στόλος ἀφείλετο τὴν Περ‐ σῶν σωτηρίαν.
950	Ἰάνων] ὁ τῶν Ἰώνων.
951	ἑτεραλκής] τοῦτ’ ἔστι νικηφόρος.
952	κερσάμενος] ἀποκείρας στυγνὴν πλάκα κατὰ τὴν δυσδαίμονα ἀκτὴν, τοῦτ’ ἔστι κατὰ τὴν Σαλαμῖνα.
979	σημείωσαι ὅτι βασιλέως ὀφθαλμὸς ἀριθμεῖ τὰς στρατιάς.
980	τὸν σὸν—]τὸν ὄντα ὀφθαλμόν.	90
981	πεμπαστάν] μετρητὴν στρατοπέδου, οἷον μυριάδα ἀριθμοῦντα τὰς ὅλας ἡγεμονίας. ἀριθμῆσαι κατὰ πεντάδα ἀνὰ μυρίους ἔχοντα τοὺς ἀρχομένους.
986	δᾴων] διακοπτικῶν πολεμίων κακῶν.
988	ἴυγγα] φιλίαν.
992	βοᾷ βοᾷ—ἦτορ] παρὰ τὸ “Κραδίη δὲ οἱ ἔνδον ὑλάκτει.”
994	Μάρδων] ἔθνος Περσικόν.
995	Ξάνθην] λείπει ὁ καί.
997	ἱππιάνακτας] τοὺς ἄνακτας τῶν ἵππων.
1000	ἔταφον ἔταφον] ἀπέθανον οὐκ ἐπὶ ὀχημάτων ὄντες, ἀλλὰ γυμνοὶ καθεστηκότες.
1002	ἀγρόται] γρ. καὶ ἀκρόται· ἐξ οὗ ἔσται ἀπὸ τοῦ ἄκρου· εἰ δὲ ἀγρόται, ἀπὸ τοῦ ἄγειν καὶ ἀγείρειν. οἱ ἄρχοντες· εἰ δὲ ἀκρόται, οἱ ἄκροι. Gl.
1003	οἴ] τὸ οἲ θρηνητικῶς.
1007	οἷον] οἷον κακὸν ἡ Ἄτη ἐφορᾷ.
1013	δυσπόλεμον] κακωθὲν πολέμῳ καὶ δυστυχῆσαν.
1014	πέπληγμαι] κόπτομαι, θρηνῶ ὀλέσας τοσοῦτον στρατόν.
1016	τὰ Περσᾶν] λείπει κακά· ἢ στικτέον ἐν τῷ τί δέ· εἶτα· οὐχὶ τὰ μεγάλα Περσῶν ὄλωλεν; ἵνα λείπῃ τὸ, τί δὲ ὅπερ λέ‐ λειπται.
1018	ὁρᾷς] θεωρεῖς τὸ περίλοιπον ἐμὲ λείψανον τῆς ὅλης στρατιᾶς. στολᾶς] οἷον στόλου.
1020	θησαυρὸν βελέεσσιν] τὴν φαρέτραν.
1023	βαιά γ’ ὡς ἀπὸ πολλῶν] ὀλίγα ἐσώθη ἀπὸ πολλῆς πανο‐ πλίας.
1025	οὐ φυγαίχμας] ἐρωτηματικῶς.
1028	ναύφρακτον ὅμιλον] τὸν ἡμῶν ναυτικὸν λαόν.
1030	πέπλον δ’ ἐπέρρηξ’] τοῦτο καὶ ὁ ἄγγελος προεῖπεν.
1032	πλεῖον ἢ παπαῖ] ὑπερβαίνει θρῆνον.
1035	σθένος] τῶν Περσῶν.	91
1038	δίαινε πῆμα] δάκρυε τὸ ἀτύχημα.
1041	δόσιν κακάν] δίδου τοῖς κακοῖς τὴν κακὴν δόσιν, ὅ ἐστι τὰ δάκρυα.
1042	ὁμοῦ τιθείς] συντιθεὶς μέλος θρήνει, ἀντὶ τοῦ εὐρύθμως.
1046	ἔρεσσε] τύπτε σεαυτὸν εἰς ἐμὴν χάριν.
1049	πάρεστι] ὁ θρῆνος.
1050	ἐπορθίαζε] ἐπεκτεταμένως θρήνει.
1052	μέλαινα] πενθήρης.
1054	κἀπιβόα τὸ Μύσιον] οἱ γὰρ Μυσοὶ καὶ οἱ Φρύγες εἰσὶ μάλιστα θρηνητικοί.
1057	ἄπριγδα] ἐπίφθεγμα ἐπὶ τῶν μετὰ σφοδρότητος τιλλόντων τὰς τρίχας.
1062	ψάλλ’] ψάλλε ἀντὶ τοῦ τίλλε· καὶ χοιροψάλας Διόνυσος ὁ τίλλων τὰ μόρια τῶν γυναικῶν.
1076	πέμψω] προπέμψω.	92

t

hyp

(t)

1

2

3

4

5

6

7

8

10

13

16

17

20

21

24

26

27

28

34

37

39

41

42

44

47

49

51

55

56

58

63

64

65

67

68

71

72

74

79

80

84

85

86

87

89

90

91

92

93

95

97

103

104

108

110

112

113

114

116

117

121

123

124

127

130

131

132

133

135

136

139

143

145

148

151

153

157