|
TLG 2115 009 :: HIPPOLYTUS :: In Helcanam et Annam HIPPOLYTUS Scr. Eccl. In Helcanam et Annam frr. 1–4 Citation: Fragment — (line) | ||
t | ΕΙΣ ΤΟΝ ΕΛΚΑΝΑΝ ΚΑΙ ΕΙΣ ΤΗΝ ΑΝΝΑΝ | |
1(1t) | Τοῦ αὐτοῦ (d. h. Ἱππολύτου) | |
| 2t | ἐκ τοῦ λόγου τοῦ εἰς τὸν Ἐλκανᾶν καὶ τὴν Ἄνναν. | |
|---|---|---|
| 3 | Ἄγε δή μοι, ὦ Σαμουήλ, εἰς Βηθλεὲμ ἑλκομένην τὴν δάμαλιν, ἵνα ἐπιδείξῃς τὸν ἐκ Δαβὶδ βασιλέα τικτόμενον, καὶ τοῦτον ὑπὸ πα‐ | |
| 5 | τρὸς βασιλέα καὶ ἱερέα χριόμενον. | |
2(1t) | Τοῦ αὐτοῦ (d. h. Ἱππολύτου) | |
| 2t | ἐκ τοῦ αὐτοῦ λόγου (d. h. εἰς τὸν Ἐλκανᾶν καὶ τὴν Ἄνναν). | |
| 3 | Εἰπέ μοι, ὦ μακαρία Μαρία, τί ἦν τὸ ὑπὸ σοῦ ἐν τῇ κοιλίᾳ συν‐ ειλημμένον, καὶ τί ἦν τὸ ὑπὸ σοῦ ἐν παρθενικῇ μήτρᾳ βασταζόμε‐ | |
| 5 | νον; λόγος γὰρ ἦν θεοῦ πρωτότοκος ἀπ’ οὐρανῶν ἐπὶ σὲ κατερχό‐ μενος, καὶ ἄνθρωπος πρωτότοκος ἐν κοιλίᾳ πλασσόμενος, ἵν’ ὁ πρω‐ τότοκος λόγος θεοῦ πρωτοτόκῳ ἀνθρώπῳ συναπτόμενος δειχθῇ. | |
3(1t) | Τοῦ αὐτοῦ (d. h. Ἱππολύτου) | |
| 2t | ἐκ τοῦ αὐτοῦ λόγου (d. h. εἰς τὸν Ἐλκανᾶν καὶ τὴν Ἄνναν). | |
| 3 | Τὴν δὴ δευτέραν, τὴν διὰ τῶν προφητῶν ὡς διὰ τοῦ Σαμουήλ, | |
| ἀνακαλῶν καὶ ἐπιστρέφων τὸν λαὸν ἀπὸ τῆς δουλείας τῶν ἀλλοφύ‐ | 121 | |
| 5 | λων. τὴν δὲ τρίτην, ἐν ᾗ ἔνσαρκος παρῆν, τὸν ἐκ τῆς παρθένου ἄνθρωπον ἀναλαβών, ὃς καὶ „ἰδὼν τὴν πόλιν ἔκλαυσεν ἐπ’ αὐτῇ“. | |
4(1t) | Τοῦ αὐτοῦ (d. h. Ἱππολύτου) | |
| 2t | ἐκ τοῦ εἰς τὸν Ἐλκανᾶν καὶ εἰς τὴν Ἄνναν. | |
| 3 | Καὶ διὰ τοῦτο τρεῖς καιροὶ τοῦ ἐνιαυτοῦ προετυποῦντο εἰς αὐτὸν τὸν σωτῆρα, ἵνα τὰ προφητευθέντα περὶ αὐτοῦ μυστήρια ἐπιτελέσῃ. | |
| 5 | ἐν μὲν τῷ πάσχα, ἵνα ἑαυτὸν ἐπιδείξῃ τὸν μέλλοντα ὡς πρόβατον θύεσθαι καὶ ἀληθινὸν πάσχα δείκνυσθαι, ὡς ὁ ἀπόστολος λέγει „τὸ δὲ πάσχα ἡμῶν ὑπὲρ ἡμῶν ἐτύθη, Χριστὸς ὁ θεός.“ ἐν δὲ τῇ πεντη‐ κοστῇ, ἵνα προσημήνῃ τὴν τῶν οὐρανῶν βασιλείαν, αὐτὸς πρῶτος εἰς | |
| οὐρανοὺς ἀναβάς, καὶ τὸν ἄνθρωπον δῶρον τῷ θεῷ προσενέγκας. | 122 | |