|
TLG 1533 001 :: NICIAS :: Epigrammata NICIAS Epigr. Epigrammata Citation: Book — epigram — (line) | ||
6.122(p1) | ΝΙΚΙΟΥ | |
| 1 | Μαινὰς Ἐνυαλίου, πολεμαδόκε, θοῦρι κράνεια, τίς νύ σε θῆκε θεᾷ δῶρον ἐγερσιμάχᾳ; — „Μήνιος· ἦ γὰρ τοῦ παλάμας ἄπο ῥίμφα θοροῦσα | |
|---|---|---|
| ἐν προμάχοις Ὀδρύσας δήιον ἂμ πεδίον.“ | ||
6.127(p1) | ΝΙΚΙΟΥ | |
| 1 | Μέλλον ἄρα στυγερὰν κἀγώ ποτε δῆριν Ἄρηι ἐκπρολιποῦσα χορῶν παρθενίων ἀίειν Ἀρτέμιδος περὶ ναόν, Ἐπίξενος ἔνθα μ’ ἔθηκεν, λευκὸν ἐπεὶ κείνου γῆρας ἔτειρε μέλη. | |
6.270(p1) | ΝΙΚΙΟΥ | |
| 1 | Ἀμφαρέτας κρήδεμνα καὶ ὑδατόεσσα καλύπτρα, Εἰλήθυια, τεᾶς κεῖται ὑπὲρ κεφαλᾶς, ὥς σε μετ’ εὐχωλαῖς ἐκαλέσσατο λευγαλέας οἱ κῆρας ἀπ’ ὠδίνων τῆλε βαλεῖν λοχίων. | |
7.200(p1) | ΝΙΚΙΟΥ | |
| 1 | Οὐκέτι δὴ τανύφυλλον ὑπὸ πλάκα κλωνὸς ἑλιχθεὶς τέρψομ’ ἀπὸ ῥαδινῶν φθόγγον ἱεὶς πτερύγων· χεῖρα γὰρ εἰς ἀρεὰν παιδὸς πέσον, ὅς με λαθραίως μάρψεν ἐπὶ χλωρῶν ἑζόμενον πετάλων. | |
9.315(p1) | ΝΙΚΙΟΥ | |
| 1 | Ἵζευ ὑπ’ αἰγείροισιν, ἐπεὶ κάμες, ἐνθάδ’, ὁδῖτα, καὶ πῖθ’ ἆσσον ἰὼν πίδακος ἁμετέρας· μνᾶσαι δὲ κράναν καὶ ἀπόπροθι, ἃν ἐπὶ Γίλλῳ | |
| Σῖμος ἀποφθιμένῳ παιδὶ παριδρύεται. | ||
9.564(p1) | ΝΙΚΙΟΥ | |
| 1 | Αἰόλον ἱμεροθαλὲς ἔαρ φαίνουσα, μέλισσα ξουθά, ἐφ’ ὡραίοις ἄνθεσι μαινομένα, χῶρον ἐφ’ ἡδύπνοον πωτωμένα, ἔργα τίθευ σύ, ὄφρα τεὸς πλήθῃ κηροπαγὴς θάλαμος. | |
16.188(p1) | ΝΙΚΙΟΥ | |
| 1 | Εἰνοσίφυλλον ὄρος Κυλλήνιον αἰπὺ λελοιπὼς τῇδ’ ἕστηκ’ ἐρατοῦ γυμνασίου μεδέων Ἑρμῆς· ᾧ ἔπι παῖδες ἀμάρακον ἠδ’ ὑάκινθον | |
| πολλάκι καὶ θαλεροὺς θῆκαν ἴων στεφάνους. | ||