TLG 1379 025 :: FRAGMENTA ALCHEMICA :: Λαβύρινθος ἥνπερ Σολομὼν ἐτεκτήνατο (e cod. Venet. Marc. 299, fol. 102v)

FRAGMENTA ALCHEMICA Alchem.
(Varia)

Λαβύρινθος ἥνπερ Σολομὼν ἐτεκτήνατο (e cod. Venet. Marc. 299, fol. 102v)

Source: Berthelot, M., Ruelle, C.É. (eds.), Collection des anciens alchimistes grecs, vol. 2. Paris: Steinheil, 1888 (repr. London: Holland Press, 1963): 39–40.

Citation: Volume — page — (line)

2

.

39

(12t)

ΛΑΒΥΡΙΝΘΟΣ ΗΝΠΕΡ ΣΟΛΟΜΩΝ ΕΤΕΚΤΗΝΑΤΟ.
13Εἴ τινα λαβύρινθον ἀκούεις, ξένε, ἥνπερ Σολομὼν ἐκ νοὸς ἐκτυπώσας,
15λίθοις ἐτεκτόνησε τορνοσυνθέτοις, τούτου θέσιν σχῆμά τε καὶ ποικιλίαν γραμμαῖς ἀμυδραῖς εἰκονίζων πρὸς λόγον, ὁρῶν τὸ λοιπὸν τὰς ἑλίξεις μυρίας ἔσωθεν ἔξω, σφαιρικοὺς ἀναδρόμους,
20ἐκεῖθεν ἔνθεν κυκλικῶς ἐστραμμένους,39

2

.

40

τὸν τοῦ βίου μάνθανε κυκλικὸν δρόμον, ὄλισθον ἐμφαίνοντα τῶν συντριμμάτων, ἐκ τῶν κυκλικῶν σφαιρικῶν κυλισμάτων ἑλίσσεται κατ’ ἴσχνος συνθέτοις στρόφοις,
5ὥσπερ πονηρὸς ταῖς ἑλίξεσι δράκων ἕρπων παρέρπων ἐμφανῶν κεκρυμμένως· ἔχων δὲ λοξὴν καὶ δυσέκβατον θύραν, ὅσον τρέχεις ἔξωθεν καὶ δραμεῖν θέλων, τοσοῦτον αὐτὸς ταῖς ἀγχιστρόφοις πλάναις,
10ἔνδον συνάγει πρὸς βάθος τῆς ἐξόδου, ταῖς ἐκδρομαῖς θέλγων σε ταῖς καθ’ ἡμέραν, παίζων γελῶν σε ταῖς στροφαῖς τῆς ἐλπίδος, δίκην ὀνείρου ταῖς κεναῖς θεωρίαις, ἕως χρόνος ῥευσείη ὁ σκηνεργάτης,
15καὶ θάνατος δέξαιτο φεῦ σκοτεργάτης,
μηδὲν διδοὺς πράσσειν σε τῶν τῆς ἐξόδου.40