|
TLG 1355 002 :: ERINNA :: Epigrammata Epigrammata Dup. partim 1355 001 (frr. 3–5) Citation: Book — epigram — (line) | ||
6.352(p1) | ΗΡΙΝΝΗΣ | |
| 1 | Ἐξ ἀταλᾶν χειρῶν τάδε γράμματα· λῷστε Προμαθεῦ, ἔντι καὶ ἄνθρωποι τὶν ὁμαλοὶ σοφίαν· ταύταν γοῦν ἐτύμως τὰν παρθένον ὅστις ἔγραψεν, αἰ καὐδὰν ποτέθηκ’, ἦς κ’ Ἀγαθαρχὶς ὅλα. | |
|---|---|---|
7.710(p1) | ΗΡΙΝΝΗΣ [ΜΙΤΥΛΗΝΑΙΑΣ] | |
| 1 | Στᾶλαι καὶ Σειρῆνες ἐμαὶ καὶ πένθιμε κρωσσέ, ὅστις ἔχεις Ἀίδα τὰν ὀλίγαν σποδιάν, τοῖς ἐμὸν ἐρχομένοισι παρ’ ἠρίον εἴπατε χαίρειν, αἴτ’ ἀστοὶ τελέθωντ’ αἴθ’ ἑτεροπτόλιες· | |
| 5 | χὤτι με νύμφαν εὖσαν ἔχει τάφος, εἴπατε καὶ τό· χὤτι πατήρ μ’ ἐκάλει Βαυκίδα, χὤτι γένος Τηλία, ὡς εἰδῶντι· καὶ ὅττι μοι ἁ συνεταιρὶς Ἤρινν’ ἐν τύμβῳ γράμμ’ ἐχάραξε τόδε. | |
7.712(p1) | ΗΡΙΝΝΗΣ | |
| 1 | Νύμφας Βαυκίδος εἰμί· πολυκλαύταν δὲ παρέρπων στάλαν τῷ κατὰ γᾶς τοῦτο λέγοις Ἀίδᾳ· „Βάσκανός ἐσς’, Ἀίδα.“ τὰ δέ τοι καλὰ σάμαθ’ ὁρῶντι | |
| ὠμοτάταν Βαυκοῦς ἀγγελέοντι τύχαν, | ||
| 5 | ὡς τὰν παῖδ’, ὑμέναιος ἐφ’ αἷς ἀείδετο πεύκαις, ταῖσδ’ ἐπὶ καδεστὰς ἔφλεγε πυρκαϊᾷ· καὶ σὺ μέν, ὦ Ὑμέναιε, γάμων μολπαῖον ἀοιδὰν | |
| ἐς θρήνων γοερὸν φθέγμα μεθαρμόσαο. | ||