TLG 0512 002 :: THEOPHILUS :: Fragmenta

THEOPHILUS Comic.
(4 B.C.)

Fragmenta

Source: Meineke, A. (ed.), Fragmenta comicorum Graecorum, vol. 3. Berlin: Reimer, 1840 (repr. Berlin: De Gruyter, 1970): 626–631.

Citation: Play — fragment — (line)

Apo

tit

ΑΠΟΔΗΜΟΙ.

Apo

1

Καί τοι τί φημι καὶ τί δρᾶν βουλεύομαι; προδοὺς ἀπιέναι τὸν ἀγαπητὸν δεσπότην, τὸν τροφέα, τὸν σωτῆρα, δι’ ὃν εἶδον νόμους
Ἕλληνας, ἔμαθον γράμματ’, ἐμυήθην θεοῖς;626

Boi

tit

ΒΟΙΩΤΙΑ.

Boi

1

Τετρακότυλον δὲ κύλικα κεραμέαν τινὰ τῶν θηρικλείων πῶς δοκεῖς κεραννύει καλῶς, ἀφρῷ ζέουσαν· οὐδ’ ἂν Αὐτοκλῆς οὕτως μὰ τὴν γῆν εὐρύθμως τῇ δεξιᾷ
5ἄρας ἐνώμα.

Epi

tit

ΕΠΙΔΑΥΡΙΟΣ.

Epi

1

Ἀτρεστίδας τις Μαντινεὺς λοχαγὸς ἦν, ἀνδρῶν ἁπάντων πλεῖστα δυνάμενος φαγεῖν.

Iat

tit

ΙΑΤΡΟΣ.

Iat

1

Πᾶς δὲ φιλοτίμως πρὸς αὐτὸν τῶν νεανίσκων . . . . . . ἐγχέλειον παρατέθεικε τῷ πατρί. τευθὶς ἦν χρηστή, πατρίδιον, πῶς ἔχεις πρὸς κάραβον;
ψυχρός ἐστιν, ἄπαγε, φησί· ῥητόρων οὐ γεύομαι.627

Kith

tit

ΚΙΘΑΡΩιΔΟΣ.

Kith

1

Μέγας θησαυρός ἐστι καὶ βέβαιος μουσικὴ ἅπασι τοῖς μαθοῦσι παιδευθεῖσί τε.

Neo

tit

ΝΕΟΠΤΟΛΕΜΟΣ.

Neo

1

Οὐ συμφέρον νέα ’στὶ πρεσβύτῃ γυνή· ὥσπερ γὰρ ἄκατος οὐδὲ μικρὸν πείθεται ἑνὶ πηδαλίῳ, τὸ πεῖσμ’ ἀπορρήξασα δὲ
ἐκ νυκτὸς ἕτερον λιμέν’ ἔχους’ ἐξευρέθη.628

Neo

2

Πονηρὸν υἱὸν καὶ πατέρα καὶ μητέρα ἔστι μαγαδίζειν ἐπὶ τροχοῦ καθημένους· οὐδεὶς γὰρ ἡμῶν ταὐτὸν ᾄσεται μέλος.

Pag

tit

ΠΑΓΚΡΑΤΙΑΣΤΗΣ.

Pag

1

Ἑφθῶν μὲν σχεδὸν τρεῖς μνᾶς. Β. λέγ’ ἄλλο. Α. ῥυγχίον, κωλῆν, πόδας τέτταρας ὑείους. Β. Ἡράκλεις. Α. βοὸς δὲ τρεῖς, ὄρνιθ’. Β. Ἄπολλον. λέγ’ ἕτερον. Α. σύκων δύο
5μνᾶς. Β. ἐπέπιες δὲ πόσον; Α. ἀκράτου δώδεκα
κοτύλας. Β. Ἄπολλον Ὧρε καὶ Σαβάζιε.629

Pag

2

Εἴτ’ ἐν χάρακι μὲν ταῦτα καὶ παρεμβολῇ.

Proi

tit

ΠΡΟΙΤΙΔΕΣ.

Proi

1

Καὶ κύλικα * * θηρίκλειον εἰσφέρει πλέον ἢ κοτύλας χωροῦσαν ἕπτ’ ἀγαθῆς τύχης.

Phi

tit

ΦΙΛΑΥΛΟΣ.

Phi

1

Τίς φησι τοὺς ἐρῶντας οὐχὶ νοῦν ἔχειν; ἦ πού τίς ἐστι τοὺς τρόπους ἀβέλτερος· εἰ γὰρ ἀφέλοι τις τοῦ βίου τὰς ἡδονάς,
καταλείπετ’ οὐδὲν ἄλλο πλὴν τεθνηκέναι.630
5ἐγὼ μὲν οὖν καὐτὸς κιθαριστρίας ἐρῶν, παιδὸς κόρης, οὐ νοῦν ἔχω πρὸς τῶν θεῶν; κάλλει καλῆς, μεγέθει μεγάλης, τέχνῃ σοφῆς· ἥν ἐστ’ ἰδεῖν ἥδιον, ἢ τὸ θεωρικὸν ἔχουσιν ὑμῖν διανέμειν ἑκάστοτε.

Phi

2

Τοῦ μή ποτ’ αὐτὸν ἐμπεσεῖν εἰς Λαΐδα φερόμενον ἢ Μηκωνίδ’ ἢ Σισύμβριον ἢ Βάραθρον ἢ Θάλλουσαν, ἢ τούτων τινὰ ὧν ἐμπλέκουσι τοῖς λίνοις αἱ μαστροποί,
5ἢ Ναννάριον ἢ Μαλθάκην.631