PHOENICIDES :: Fragmenta :: TLG 0495 002

TLG 0495 002 :: PHOENICIDES :: Fragmenta PHOENICIDES Comic. (3 B.C.) Fragmenta Source: Meineke, A. (ed.), Fragmenta comicorum Graecorum, vol. 4. Berlin: Reimer, 1841 (repr. Berlin: De Gruyter, 1970): 509–511. Citation: Play — fragment — (line)

Aul tit	ΑΥΛΗΤΡΙΔΕ Σ .
Aul 1	Δύνασαι σιωπᾶν; Β. ὥστε τοὺς τὰς διαλύσεις συντιθεμένους κεκραγέναι [πᾶσιν] δοκεῖν.
Mis tit	ΜΙΣΟΥΜΕΝ Η .
Mis 1	Μύρτων λέγουσι καὶ μέλιτος ἐγκώμια, καὶ τῶν προπυλαίων καὶ τέταρτον ἰσχάδων. τούτων ἐγευσάμην καταπλεύσας εὐθέως καὶ τῶν προπυλαίων· κοὐδὲν ἦν τούτων ὅλως
5	πρὸς ἀτταγῆνα συμβαλεῖν τῶν βρωμάτων.	509
Phy tit	ΦΥΛΑΡΧΟ Σ .
Phy 1	Τρίτον δὲ πρὸς τούτοισι τὸν σοφώτατον Χαίριππον. οὗτος, ὥσπερ οἶδας, ἐσθίει μέχρι ἂν διδῷ τις ἢ λάθῃ διαρραγείς.
Phy 1	τοιοῦτ’ ἔχει ταμιεῖον ὥσπερ οἰκίας.	510
Eif tit	EX INCERTA FABULA.
Eif 1	Μὰ τὴν Ἀφροδίτην οὐκ ἂν ὑπομείναιμ’ ἔτι, Πυθιάς, ἑταιρεῖν. χαιρέτω· μή μοι λέγε· ἀπέτυχον· οὐδὲν πρὸς ἐμέ· καταλῦσαι θέλω. εὐθὺς ἐπιχειρήσασα φίλον εἶχόν τινα
5	στρατιωτικόν· διαπαντὸς οὗτος τὰς μάχας ἔλεγεν, ἐδείκνυ’ ἅμα λέγων τὰ τραύματα, εἰσέφερε δ’ οὐδέν. δωρεὰν ἔφη τινά παρὰ τοῦ βασιλέως λαμβάνειν, καὶ ταῦτ’ ἀεί ἔλεγεν· διὰ ταύτην ἣν λέγω τὴν δωρεάν
10	ἐνιαυτὸν ἔσχε μ’ ὁ κακοδαίμων δωρεάν. ἀφῆκα τοῦτον, λαμβάνω δ’ ἄλλον τινά, ἰατρόν. οὗτος εἰσάγων πολλούς τινας ἔτεμν’, ἔκαε, πτωχὸς ἦν καὶ δήμιος. δεινότερος οὗτος θατέρου μοι κατεφάνη.
15	ὁ μὲν διήγημ’ ἔλεγεν, ὁ δ’ ἐποίει νεκρούς. τρίτῳ συνέζευξ’ ἡ τύχη με φιλοσόφῳ, πώγων’ ἔχοντι καὶ τρίβωνα καὶ λόγον. εἰς προὖπτον ἦλθον ἐμπεσοῦσα δὴ κακόν· οὐδὲν ἐδίδου γάρ· εἴ τι δ’ αἰτοίμην, ἔφη
20	οὐκ ἀγαθὸν εἶναι τἀργύριον. ἔστω κακόν,
20	διὰ τοῦτο δός μοι, ῥῖψον· οὐκ ἐπείθετο.	511