|
TLG 0495 001 :: PHOENICIDES :: Fragmenta Fragmenta Source: Kock, T. (ed.), Comicorum Atticorum fragmenta, vol. 3. Leipzig: Teubner, 1888: 333–334. frr. 1–4 + titulus Citation: Fragment — (line) | ||
tit 1 | ΑΥΛΗΤΡΙΔΕΣ | |
1 | δύνασαι σιωπᾶν; Β. ὥστε τοὺς τὰς διαλύσεις συντιθεμένους κεκραγέναι δοκεῖν. | |
tit 2 | ΜΙΣΟΥΜΕΝΗ | |
2 | μύρτων λέγουσιν καὶ μέλιτος ἐγκώμια, καὶ τῶν προπυλαίων καὶ τέταρτον ἰσχάδων· τούτων ἐγευσάμην καταπλεύσας εὐθέως— Β. καὶ τῶν προπυλαίων; Α. κοὐδὲν ἦν τούτων ὅλως | |
| 5 | πρὸς ἀτταγῆνα συμβαλεῖν τῶν βρωμάτων. | |
|---|---|---|
tit,ante 3 | ΠΟ(Ι)ΗΤΗΣ | |
tit 3 | ΦΥΛΑΡΧΟΣ | 333 |
3 | τρίτον δὲ πρὸς τούτοισι τὸν σοφώτατον Χαίριππον. οὗτος, ὥσπερ οἶδας, ἐσθίει μέχρι ἂν διδῷ τις ἢ λάθῃ διαρραγείς. τοιοῦτ’ ἔχει ταμιεῖον ὥσπερ οἰκίας. | |
tit 4-5 | ΑΔΗΛΩΝ ΔΡΑΜΑΤΩΝ | |
4 | μὰ τὴν Ἀφροδίτην οὐκ ἂν ὑπομείναιμ’ ἔτι, Πυθιάς, ἑταιρεῖν. χαιρέτω· μή μοι λέγε· ἀπέτυχον· οὐδὲν πρὸς ἐμέ· καταλῦσαι θέλω. εὐθὺς ἐπιχειρήσασα φίλον ἔσχον τινὰ | |
| 5 | στρατιωτικόν· διαπαντὸς οὗτος τὰς μάχας ἔλεγεν, ἐδείκνυ’ ἅμα λέγων τὰ τραύματα, εἰσέφερε δ’ οὐδέν. δωρεὰν ἔφη τινὰ παρὰ τοῦ βασιλέως λαμβάνειν, καὶ ταῦτ’ ἀεὶ ἔλεγεν· διὰ ταύτην ἣν λέγω τὴν δωρεὰν | |
| 10 | ἐνιαυτὸν ἔσχε μ’ ὁ κακοδαίμων δωρεάν. ἀφῆκα τοῦτον, λαμβάνω δ’ ἄλλον τινά, ἰατρόν. οὗτος εἰσάγων πολλούς τινας ἔτεμν’, ἔκαε, πτωχὸς ἦν καὶ δήμιος. δεινότερος οὗτος θατέρου μοι κατεφάνη. | |
| 15 | ὁ μὲν διήγημ’ ἔλεγεν, ὁ δ’ ἐποίει νεκρούς. τρίτῳ συνέζευξ’ ἡ τύχη με φιλοσόφῳ, πώγων’ ἔχοντι καὶ τρίβωνα καὶ λόγον. εἰς προὖπτον ἦλθον ἐμπεσοῦσα δὴ κακόν· οὐδὲν ἐδίδου γάρ· εἴ τι δ’ αἰτοίην, ἔφη | |
| 20 | οὐκ ἀγαθὸν εἶναι τἀργύριον. ἔστω κακόν, | |
| διὰ τοῦτο δός μοι, ῥῖψον· οὐκ ἐπείθετο. | 334 | |