EUBULUS :: Fragmenta :: TLG 0458 002

TLG 0458 002 :: EUBULUS :: Fragmenta EUBULUS Comic. (4 B.C.) Fragmenta Source: Meineke, A. (ed.), Fragmenta comicorum Graecorum, vol. 3. Berlin: Reimer, 1840 (repr. Berlin: De Gruyter, 1970): 203–205, 207–232, 234–255, 257–271. Citation: Play — fragment — (line)

Agk 1	ΑΓΚΥΛΙΩ Ν .
Agk 1-3	Καὶ γὰρ πάλαι πέττει τὰ νικητήρια.
1	* * * * Ἐξεπήδης’ ἀρτίως πέττουσα τὸν χαρίσιον.
2	* * * * Εἶεν, γυναῖκες· νῦν ὅπως τὴν νύχθ’ ὅλην ἐν τῇ δεκάτῃ τοῦ παιδίου χορεύσετε.
5	θήσω δὲ νικητήριον τρεῖς ταινίας
5	καὶ μῆλα πέντε καὶ φιλήματ’ ἐννέα.	203
Agk 4	Ὀπτήσιμον γογγυλίδα ταυτηνὶ φέρω.	203
Agch tit	ΑΓΧΙΣΗ Σ .	204
Ama tit	ΑΜΑΛΘΕΙ Α .
Ama 1	Θερμότερον ἢ κραυρότερον ἢ μέσως ἔχον, τοῦτ’ ἔσθ’ ἑκάστῳ μεῖζον ἢ Τροίαν ἑλεῖν. κἀγὼ γὰρ οὐ καυλοῖσιν οὐδὲ σιλφίῳ οὐδ’ ἱεροσύλοις καὶ πικραῖς παροψίσι
5	βολβοῖς τ’ ἐμαυτὸν χορτάσων ἐλήλυθα. ἃ δ’ εἴς τ’ ἐδωδὴν πρῶτα καὶ ῥώμης ἀκμήν καὶ πρὸς ὑγίειαν, πάντα ταῦτ’ ἐδαινύμην, κρέας βόειον ἑφθὸν ἀσόλοικον μέγα, ἀκροκώλιόν τε γεννικόν, ὀπτὰ δελφάκια
10	ἁλίπαστα τρία.	205
Ana tit	ΑΝΑΣΩΖΟΜΕΝΟ Ι .
Ana 1	Ἕτεροι δὲ θεοῖσι συμπεπλεγμένοι μετὰ Καράβου σύνεισιν, ὃς μόνος βροτῶν δύναται καταπιεῖν ἐκ ζεόντων λοπαδίων
Ana 1	ἄθρους τεμαχίτας, ὥστ’ ἐνεῖναι μηδὲ ἕν.	207
Ant tit	ΑΝΤΙΟΠ Η .
Ant 1	Πονεῖν μὲν ἄμμες καὶ φαγεῖν μὲν ἀνδρικοί καὶ καρτερῆμεν, τοὶ δ’ Ἀθηναῖοι λέγειν καὶ μικρὰ φαγέμεν, τοὶ δὲ Θηβαῖοι μέγα.
Ant 2	Ζῆθον μὲν ἐλθεῖν ἁγνὸν ἐς Θήβης πέδον οἰκεῖν κελεύει· καὶ γὰρ ἀξιωτέρους πωλοῦσιν, ὡς ἔοικε, τοὺς ἄρτους ἐκεῖ· σὺ δ’ ὀξύπεινος· τὸν δὲ μουσικώτατον
5	κλεινὰς Ἀθήνας ἐκπερᾶν Ἀμφίονα. οὗ ῥᾷστ’ ἀεὶ πεινῶσι Κεκροπιδῶν κόροι
5	κάπτοντες αὔρας ἐλπίδας σιτούμενοι.	208
Ant 3	Καλλίστρατος τίς ἐστιν * * * οὗτος οὖν πυγὴν μεγάλην εἶχ’ ὦ Χαριάδη καὶ καλήν. Β. τοῦτον καταλεκτέ’ ἐστὶν ἐς τοὺς κόλλοπας	208
Ant 3	τοὺς ἐκδρομάδας.	209
Ast tit	ΑΣΤΥΤΟ Ι .
Ast 1	Μὴ παρατίθει μοι θριδακίνας, ὦ γύναι, ἐπὶ τὴν τράπεζαν, ἢ σεαυτὴν αἰτιῶ. ἐν τῷ λαχάνῳ τούτῳ γάρ, ὡς ὁ λόγος, ποτέ τὸν Ἄδωνιν ἀποθανόντα προὔθηκεν Κύπρις·
5	ὥστ’ ἐστὶ νεκύων βρῶμα.	210
Aug tit	ΑΥΓ Η .
Aug 1	Τί, ὦ πόνηρ’, ἕστηκας ἐν πύλαις ἔτι, ἀλλ’ οὐ βαδίζεις; τοῖς δὲ γενναίως πάλαι διεσπάρακται θερμὰ χηνίσκων μέλη, διερράχισται σεμνὰ δελφάκων κρέα,
5	κατηλόηται γαστρὸς ἐν μέσῳ κύκλος, κατῃσίμωται πάντα τἀκροκώλια,
5	ἐνωγάλισται σεμνὸς ἀλλᾶντος τόμος, παρεντέτρωκται τευθὶς ἐξωπτημένη, παρεγκέκαπταί τ’ ἀρνί’ ἐννέ’ ἢ δέκα.	211
10	ὥστ’ εἴ τι βούλει τῶν λελειμμένων φαγεῖν, ἔπειγ’ ἔπειγε, μή ποθ’ ὡς λύκος χανών	211
10	καὶ τῶνδ’ ἁμαρτὼν ὕστερον συχνὸν δράμῃς.	212
Bel tit	ΒΕΛΛΕΡΟΦΟΝΤΗ Σ .
Bel 1	Τίς ἂν λάβοιτο τοῦ σκέλους κάτωθέ μοι; ἄνω γὰρ ὥσπερ κοττάβειον αἴρομαι.
Gan tit	ΓΑΝΥΜΗΔΗ Σ .
Gan 1	Ὕπνος αὐτὸν ὄντα κακόσιτον τρέφει.	213
Gan 2	Διπύρους τε θερμούς. Β. οἱ δίπυροι δ’ εἰσὶν τίνες; Α. ἄρτοι τρυφῶντες.
Glau tit	ΓΛΑΥΚΟ Σ .
Glau 1	Καὶ νᾶπυ Κύπριον καὶ σκαμωνίας ὀπόν, καὶ κάρδαμον Μιλήσιον, καὶ κρόμμυον Σαμοθρᾴκιον, καὶ καυλὸν ἐκ Καρχηδόνος, καὶ σίλφιον θύμον τε τῶν Ὑμηττίων,
5	ὀρίγανόν τε Τενέδιον.	214
Glau 2	Ἡμεῖς ποτ’ ἄνδρας Κεκροπίδας ἐπείσαμεν λαβόντας εἰς Ὑμηττὸν ἐξελθεῖν ὅπλα καὶ σιτί’ ἐπὶ μύρμηκας ἡμερῶν τριῶν,	214
Glau 2	ὡς χρυσοτεύκτου ψήγματος πεφηνότος.	215
Dai tit	ΔΑΙΔΑΛΟ Σ .
Dai 1	Ἐθέλει δ’ ἄνευ μισθοῦ παρ’ αὐτοῖς καταμένειν ἐπισίτιος.
Dam tit	ΔΑΜΑΛΕΙ Α .
Dam 1	Καὶ πρός γε τούτοις ἀσκὸν εἰς μέσον * * καταθέντες εἰσάλλεσθε καὶ καχάζετε
Dam 1	ἐπὶ τοῖς καταρρέουσιν ἀπὸ κελεύσματος.	216
Deu tit	ΔΕΥΚΑΛΙΩ Ν .
Deu 1	Ἡπάτια, νῆστις, πλεύμονες, μήτρα.
Dio tit	ΔΙΟΝΥΣΙΟ Σ .
Dio 1	Ἀλλ’ ἔστι τοῖς σεμνοῖς μὲν αὐθαδέστερος, καὶ τοῖς κόλαξι πᾶσι τοῖς σκώπτουσί τε εἰς αὐτὸν εὐόργητος· ἡγεῖται δὲ δή
Dio 1	τούτους μόνους ἐλευθέρους, κἂν δοῦλος ᾖ.	217
Dio 2-3	Εὐριπίδου δ’ ἔσωσας ὡς ἴσασί σοι.
1	* * * * Παρθενεύσεις ἕξεις μοι χάριν, καὶ τοῖς ἐμοῖσιν ἐγγελῶσι πήμασιν
1	τὰ σῖγμα συλλέξαντες, ὡς αὐτοὶ σοφοί.	218
Dio 4	Χαἱ Προκλέους ἵπποι χλωρὰν ψαλάκανθαν ἔδουσιν.	219
Dol tit	ΔΟΛΩ Ν .
Dol 1	Ἐγὼ κεχόρτασμαι μέν, ἄνδρες, οὐ κακῶς, ἀλλ’ εἰμὶ πλήρης, ὥστε καὶ μόλις πάνυ ὑπεδησάμην ἅπαντα δρῶν τὰς ἐμβάδας.
Dol 2	Διένιψα δ’ οὐδὲν σκεῦος οὐδεπώποτε· καθαρώτερον γὰρ τὸν κέραμον εἰργαζόμην
Dol 2	ἢ Θηρικλῆς τὰς κύλικας, ἡνίκ’ ἦν νέος.	220
Eir tit	ΕΙΡΗΝ Η .	221
Eur tit	ΕΥΡΩΠ Η .
Eur 1	Κτίζε Βοιωτῶν πόλιν ἀνδρῶν ἀρίστων ἐσθίειν δι’ ἡμέρας.
Ech tit	ΗΧ Ω .
Ech 1	Νύμφα δ’ ἀπειρόγαμος τεύτλῳ περὶ σῶμα καλυπτά λευκόχρως παρέσται, ἔγχελυς, ὦ μέγα μοι μέγα σοι φῶς * * ἐναργές.
Ixi tit	ΙΞΙΩ Ν .
Ixi 1	Ἐν ταῖς γεννικαῖς εὐωχίαις ἀμύλων παρόντων ἐσθίους’ ἑκάστοτε ἄνηθα καὶ σέλινα καὶ φλυαρίας
Ixi 1	καὶ κάρδαμ’ ἐσκευασμένα.	222
Ion tit	ΙΩ Ν .
Ion 1	Τρύβλια δὲ καὶ βατάνια καὶ κακκάβια καί λοπάδια καὶ πατάνια πυκινὰ ταρφέα κοὐδ’ ἂν λέγων λέξαιμι.
Ion 2	Μετὰ ταῦτα θύννων μεγαλόπλουτ’ ἐπεισέπλει ὑπογάστρι’ ὀπτῶν, αἵτε λιμνοσώματοι Βοιώτιαι παρῆσαν ἐγχέλεις θεαί
Ion 2	τεῦτλ’ ἀμπεχόμεναι.	223
Ion 3	Οὕτω σφόδρ’ ἐστὶ τοὺς τρόπους Βοιώτιος, ὥστ’ οὐδὲ δειπνῶν, ὡς λέγους’, ἐμπίμπλαται.	223
Kal tit	ΚΑΛΑΘΗΦΟΡΟ Ι .	224
Kam tit	ΚΑΜΠΥΛΙΩ Ν .
Kam 1	Τήν τ’ εὐπρόσωπον λοπάδα τοῦ θαλαττίου γλαύκου φέρουσαν εὐγενέστερον * *
Kam 1	λάβρακά θ’ ἑφθὸν * * ἅλμῃ μίαν.	225
Kam 2	Ὦ γαῖα κεραμί, τίς σε Θηρικλῆς ποτε ἔτευξε κοίλης λαγόνος εὐρύνας βάθος; ἦ που κατειδὼς τὴν γυναικείαν φύσιν ὡς οὐχὶ μικροῖς ἥδεται ποτηρίοις.
Kam 3	Τίς ἦν ὁ γράψας πρῶτος ἀνθρώπων ἄρα ἢ κηροπλαστήσας Ἔρωθ’ ὑπόπτερον; ὡς οὐδὲν ᾔδει πλὴν χελιδόνας γράφειν, ἀλλ’ ἦν ἄπειρος τῶν τρόπων τῶν τοῦ θεοῦ.
5	ἔστιν γὰρ οὔτε κοῦφος, οὔτε ῥᾴδιος ἀπαλλαγῆναι τῷ φέροντι τὴν νόσον, βαρὺς δὲ κομιδῇ· πῶς ἂν οὖν ἔχοι πτερά
5	τοιοῦτο πρᾶγμα; λῆρος, εἰ κἄφησέ τις.	226
Kam 4	Ὡς δ’ ἐδείπνει κοσμίως, οὐχ ὥσπερ ἄλλαι, τῶν πράσων ποιούμεναι τολύπας, ἔσαττον τὰς γνάθους καὶ τῶν κρεῶν ἀπέβρυκον αἰσχρῶς, ἀλλ’ ἑκάστου μικρὸν ἂν	226
5	ἀπεγεύεθ’ ὥσπερ παρθένος Μιλησία.	227
Kam 5	Τραγημάτων δ’ ἔσθ’ ἡ τράπεζά σοι πλέα. Β. οὐ φιλοτραγήμων εἰμί πως ἑκάστοτε.
Kat tit	ΚΑΤΑΚΟΛΛΩΜΕΝΟ Σ .
Kat 1	Ἀλλὰ παραλαβὼν ἀκράτῳ κροῦε καὶ δίδου πυκνάς καὶ βότρυς τρώγειν ἀνάγκαζ’ αὐτὸν ἐξ οἴνου συχνούς.
Kat 2	Καὶ πνικτὰ Σικελὰ πατανίων σωρεύματα.	228
Kat 3	Ἀλλ’ εἰσὶ φιάλαι πέντε, τραγέλαφοι δύο.
Ker tit	ΚΕΡΚΩΠΕ Σ .
Ker 1	Κόρινθον ἦλθον· ἡδέως ἐνταῦθά πως λάχανόν τι τρώγων ὤκιμον διεφθάρην.
Ker 1	κἀνταῦθα κατελήρησα τὴν ἐξωμίδα.	229
Ker 2	Μετὰ ταῦτα Θήβας ἦλθον, οὗ τὴν νύχθ’ ὅλην τήν θ’ ἡμέραν δειπνοῦσι καὶ κοπρῶν’ ἔχει ἐπὶ ταῖς θύραις ἕκαστος, οὗ πλήρει βροτῷ οὐκ ἐστὶ μεῖζον ἀγαθόν· ὡς χεζητιῶν
5	μακρὰν βαδίζων, πολλὰ δ’ ἐσθίων ἀνήρ, δάκνων τὰ χείλη, παγγέλοιός ἐστ’ ἰδεῖν.
Kor tit	ΚΟΡΥΔΑΛΟ Σ .
Kor 1	Ἴθι δεῦρ’ ἀφελοῦ τ’ ὦ λάγνα ταχὺ τὰ ποικίλα.	230
Kyb tit	ΚΥΒΕΥΤΑ Ι .
Kyb 1	Ἄρτι μὲν μάλ’ ἀνδρικήν τῶν θηρικλείων ὑπεραφρίζουσαν παρά, κωθωνόχειλον, ψηφοπεριβομβήτριαν, μέλαιναν, εὐκύκλωτον, ὀξυπύνδακα,
5	στίλβουσαν, ἀνταυγοῦσαν, ἐκνενιμμένην, κισσῷ κάρα βρύουσαν, ἐπικαλούμενος
5	εἷλκον Διὸς σωτῆρος.	231
Kyb 2	Κεντρωτός, ἱερός, ἅρμ’ ὑπερβάλλον πόδας, κήρυνος, εὐδαίμων, κυνῶτας, ἄρτια, Λάκωνες, ἀντίτευχος, Ἀργεῖος, δάκνων, Τιμόκριτος, ἐλλείπων, πυαλίτης, ἐπίθετος,
5	σφάλλων, ἀγύρτης, οἶστρος, ἀνακάμπτων, δορεύς,
5	Λάμπων, Κύκλωπες, ἐπιφέρων, Σόλων, Σίμων.	232
Lak tit	ΛΑΚΩΝΕΣ Η ΛΗΔ Α .
Lak 1	Πρὸς τούτοισιν δὲ παρέσται σοι θύννου τέμαχος, κρέα δελφακίων, χορδαί τ’ ἐρίφων, ἧπάρ τε κάπρου, κριοῦ τ’ ὄρχεις, χόλικές τε βοός,
5	κρανία τ’ ἀρνῶν, νῆστίς τ’ ἐρίφου, γαστήρ τε λαγώ, φύσκη, χορδή, πνεύμων, ἀλλᾶς τε.
Lak 2	Οὐκ ᾤου σύ με χολὴν ἔχειν, ὡς δ’ ἡπάτῳ μοι διελέγου,
Lak 2	ἐγὼ δέ γ’ εἰμὶ τῶν μελαμπύγων ἔτι.	234
Lak 3	Ἀλλ’ ἠκούσαμεν καὶ τοῦτο, νὴ τὴν Ἑστίαν, οἴκοι ποθ’ ὡς ὅς’ ἂν ὁ μάγειρος ἐξαμάρτῃ, τύπτεται, ὥς φασιν, αὑλητὴς παρ’ ὑμῖν.
Lak 4	Ὡσπερεὶ σπονδὴν διδούς
Lak 4	ἐν τῷ κυλικείῳ συντέτριφεν τὰ ποτήρια.	235
Med tit	ΜΗΔΕΙ Α .
Med 1	Τεῦτλ’ ἀμπεχομένης παρθένου Βοιωτίας Κωπᾷδος· ὀνομάζειν γὰρ αἰδοῦμαι θεάν.
Myl tit	ΜΥΛΩΘΡΙ Σ .
Myl 1	Καὶ πιεῖν χωρὶς μέτρῳ ὀξύβαφον εἰς τὸ κοινόν. εἶθ’ ὑπώμνυτο ὁ μὲν οἶνος ὄξος αὑτὸν εἶναι γνήσιον,
Myl 1	τὸ δ’ ὄξος οἶνον αὑτὸ μᾶλλον θατέρου.	236
Mys tit	ΜΥΣΟ Ι .
Mys 1	Σὺ μὲν τὸ Θήβης, ὡς λέγεις, πέδον λιπών, ἀνδρῶν ἀρίστων ἐσθίειν δι’ ἡμέρας ὅλης τραχήλους καὶ κοπρῶνος πλησίον.
Nan tit	ΝΑΝΝΙΟ Ν .
Nan 1	Ὅστις λέχη γὰρ σκότια νυμφεύει λάθρᾳ, πῶς οὐχὶ πάντων ἐστὶν ἀθλιώτατος; ἐξὸν θεωρήσαντι πρὸς τὸν ἥλιον γυμνὰς ἐφεξῆς ἐπὶ κέρως τεταγμένας,
5	ἐν λεπτοπήνοις ὕφεσιν ἑστώσας, οἵας Ἠριδανὸς ἁγνοῖς ὕδασι κηπεύει κόρας,
5	μικροῦ πρίασθαι κέρματος τὴν ἡδονήν, καὶ μὴ λαθραίαν κύπριν, αἰσχίστην νόσων πασῶν, διώκειν, ὕβρεος οὐ πόθου χάριν.	237
10	Ἑλλάδος ἔγωγε τῆς ταλαιπώρου στένω, ἣ Κυδίαν ναύαρχον ἐξεπέμψατο.
Nau tit	ΝΑΥΣΙΚΑ Α .
Nau 1	Ὃς νῦν τετάρτην ἡμέραν βαπτίζεται
Nau 1	νῆστιν πονήρου κεστρέως τρίβων βίον.	238
Neo tit	ΝΕΟΤΤΙ Σ .
Neo 1	Μισῶ κάκιστον γραμματικὸν ἔκπωμ’ ἀεί, ἀτὰρ ὡς ὅμοιον οὑμὸς υἱὸς ᾤχετο ἔχων φιάλιον· τῷ δὲ πολλὰ γίγνεται ὅμοια.
Xou tit	ΞΟΥΘΟ Σ .	239
Ody tit	ΟΔΥΣΣΕΥΣ Η ΠΑΝΟΠΤΑ Ι .
Ody 1	Ὁ δ’ ἱερεὺς εὐηγορῶν ἐν μέσοις αὐτοῖσιν ἑστὼς τὴν καλὴν σκευὴν ἔχων οἶνον ἐξέσπενδε κοτύλῳ.
Oid tit	ΟΙΔΙΠΟΥ Σ .
Oid 1	Ὁ πρῶτος εὑρὼν τἀλλότρια δειπνεῖν ἀνήρ δημοτικὸς ἦν τις, ὡς ἔοικε, τοὺς τρόπους. ὅστις δ’ ἐπὶ δεῖπνον ἢ φίλον τιν’ ἢ ξένον καλέσας ἔπειτα συμβολὰς ἐπράξατο,
5	φυγὰς γένοιτο μηδὲν οἴκοθεν λαβών.	240
Oin tit	ΟΙΝΟΜΑΟΣ Η ΠΕΛΟ Ψ .
Oin 1	Περιφοραῖς κυκλούμενος, ὥσπερ κυλιστὸς στέφανος.
Olb tit	ΟΛΒΙ Α .
Olb 1	Ἐν τῷ γὰρ αὐτῷ πάνθ’ ὁμοῦ πωλήσεται ἐν ταῖς Ἀθήναις· σῦκα, κλητῆρες, βότρυς, γογγυλίδες, ἄπιοι, μῆλα, μάρτυρες, ῥόδα, μέσπιλα, χόρια, σχαδόνες, ἐρέβινθοι, δίκαι,
5	πῦος, πυριάτη, μύρτα, κληρωτήρια,
5	ὑάκινθος, ἄρνες, κλεψύδραι, νόμοι, γραφαί.	241
Orth tit	ΟΡΘΑΝΗ Σ .
Orth 1	Πᾶσα δ’ εὔμορφος γυνή ἐρῶσα φοιτᾷ τηγάνων τε σύντροφα τριβαλλοποπανόθρεπτα μειρακύλλια· ὁμοῦ δὲ τευθὶς καὶ Φαληρικὴ κόρη
5	σπλάγχνοισιν ἀρνείοισι συμμεμιγμένη πηδᾷ χορεύει, πῶλος ὣς ἀπὸ ζυγοῦ. ῥιπὶς δ’ ἐγείρει φύλακας Ἡφαίστου κύνας, θερμῇ παροξύνουσα τηγάνων πνοῇ. ὀσμὴ δὲ πρὸς μυκτῆρας ἠρεθισμένη
10	ᾄσσει. μεμαγμένη δὲ Δήμητρος κόρη κοίλην φάραγγα δακτύλου πιάσματι σύρει, τριήρους ἐμβολὰς μιμουμένη,
10	δείπνου πρόδρομον ἄριστον.	242
Orth 2	Δεινὸν μὲν ἰδόντα παριππεῦσαι Κυπρίους ἄρτους· μαγνῆτις γάρ	242
Orth 2	λίθος ὣς ἕλκει τοὺς πεινῶντας.	243
Orth 3	Ὡς εὖ νεναυάγηκεν ἐπὶ τοῦ τηγάνου ὁ θεοῖσιν ἐχθρὸς Μυρτίλος.
Orth 4	Καρῖδα καθῆκα κάτω κἀνέσπας’ αὖθις.
Pam tit	ΠΑΜΦΙΛΟ Σ .
Pam 1-3	Ἐγὼ δέ, καὶ γὰρ ἔτυχεν ὂν κατ’ ἀντικρύ
Pam 1-3	τῆς οἰκίας καινὸν καπηλεῖον μέγα, ἐνταῦθ’ ἐπετήρουν τὴν τροφὸν τῆς παρθένου κεράσαι κελεύσας τὸν κάπηλόν μοι χόα	244
5	ὀβολοῦ, παραθεῖναι θ’ ὡς μέγιστον κάνθαρον.
5	* * * * Ὁ δὲ κάνθαρος πάλαι κενὸς ὡς ξηραίνεται.
6	* * * * Ἅμα δὲ λαβοῦς’ ἠφάνικε πηλίκον τινά οἴεσθε μέγεθος, Ἀρεσία; μέγαν πάνυ, καὶ ξηρὸν ἐποίης’ εὐθέως τὸν κάνθαρον.
Pam 4	Πρῶτον μὲν αὐτοῦ παραλαβὼν τὼ χαλκίω τὸν ἰὸν ἐκ τῆς χειρὸς ἐξεσπόγγισεν.
Pan tit	ΠΑΝΝΥΧΙ Σ .
Pan 1	Φιλῳδοὺς κερμάτων παλευτρίας,
Pan 1	* * * πώλους Κύπριδος ἐξησκημένας, γυμνάς, ἐφεξῆς ἐπὶ κέρως τεταγμένας, ἐν λεπτοπήνοις ὕφεσιν ἑστώσας, οἵας	245
5	Ἠριδανὸς ἁγνοῖς ὕδασι κηπεύει κόρας· παρ’ ὧν βεβαίως ἀσφαλῶς τ’ ἔξεστί σοι μικροῦ πρίασθαι κέρματος τὴν ἡδονήν.
Par tit	ΠΑΡΜΕΝΙΣΚΟ Σ .
Par 2	Ἀπὸ τῶν ἐκείνου καὶ τὰ κυντατώτατα.
Pla tit	ΠΛΑΓΓΩ Ν .	246
Por tit	ΠΟΡΝΟΒΟΣΚΟ Σ .
Por 1	Τρέφει με Θετταλός τις, ἄνθρωπος βαρύς, πλουτῶν, φιλάργυρος δὲ κἀλιτήριος, ὀψοφάγος, ὀψωνῶν δὲ μέχρι τριωβόλου.
Por 2	Οὐκ ἂν δυναίμην ἐμφαγεῖν ἄρτον τινά· παρὰ Γναθαινίῳ γὰρ ἄρτι κατέφαγον ἕψουσαν αὐτὴν καταλαβὼν γηθυλλίδας.
Prok tit	ΠΡΟΚΡΙ Σ .
Prok 1	Οὐκοῦν ὑποστορεῖτε μαλακῶς τῷ κυνί; κάτω μὲν ὑποβαλεῖτε τῶν Μιλησίων ἐρίων, ἄνωθεν δ’ ἐπιβαλεῖτε ξυστίδα. Β. Ἄπολλον. Α. εἶτα χόνδρον αὐτῷ δεύσετε
5	γάλακτι χηνός. Β. Ἡράκλεις. Α. καὶ τοὺς πόδας
5	ἀλείψατ’ αὐτοῦ τῷ Μεγαλλίῳ μύρῳ.	247
Prok 2-3	Ἡμεῖς δ’ οὐδέπω δεδείπναμεν. Ὃν χρὴ δεδειπνάναι πάλαι.
Pros tit	ΠΡΟΣΟΥΣΙΑ Η ΚΥΚΝΟ Σ .
Pros 1	Ἀγαπῶν τε κἂν ἑψητὸν ἐν τεύτλοις ἕνα διὰ δωδεκάτης ἑψόμενον ἡμέρας ἴδῃ.
Sem tit	ΣΕΜΕΛΗ Η ΔΙΟΝΥΣΟ Σ .
Sem 1	Τρεῖς γὰρ μόνους κρατῆρας ἐγκεραννύω
Sem 1	τοῖς εὖ φρονοῦσι· τὸν μὲν ὑγιείας ἕνα, ὃν πρῶτον ἐκπίνουσι, τὸν δὲ δεύτερον ἔρωτος ἡδονῆς τε, τὸν τρίτον δ’ ὕπνου,	248
5	ὃν ἐκπιόντες οἱ σοφοὶ κεκλημένοι οἴκαδε βαδίζους’. ὁ δὲ τέταρτος οὐκ ἔτι ἡμέτερός ἐστ’, ἀλλ’ ὕβρεος· ὁ δὲ πέμπτος βοῆς· ἕκτος δὲ κώμων· ἕβδομος δ’ ὑπωπίων· ὁ δ’ ὄγδοος κλητῆρος· ὁ δ’ ἔνατος χολῆς·
10	δέκατος δὲ μανίας, ὥστε καὶ βάλλειν ποιεῖ· πολὺς γὰρ εἰς ἓν μικρὸν ἀγγεῖον χυθείς ὑποσκελίζει ῥᾷστα τοὺς πεπωκότας.
Sem 2	Ἑρμῆς ὁ Μαίας λίθινος, ὃν προσεύγμασιν
Sem 2	ἐν τῷ κυλικείῳ λαμπρὸν ἐκτετριμμένον.	249
Sem 3	Πρῶτον μὲν ὅταν ἐμοί τι θύωσίν τινες, αἷμα, κύστιν, μὴ καρδίαν μηδ’ ἐπιπόλαιον. ἐγὼ γὰρ οὐκ ἐσθίω γλυκεῖαν οὐδὲ μηρία.
Ste tit	ΣΤΕΦΑΝΟΠΩΛΙΔΕ Σ .
Ste 1	Μὰ Δί’ οὐχὶ περιπεπλασμέναι ψιμυθίοις, οὐδ’ ὥσπερ ὑμεῖς συκαμίνῳ τὰς γνάθους κεχριμέναι. κἂν ἐξίητε τοῦ θέρους, ἀπὸ τῶν μὲν ὀφθαλμῶν ὑδρορρόαι δύο
5	ῥέουσι μέλανος, ἐκ δὲ τῶν γνάθων ἱδρὼς ἐπὶ τὸν τράχηλον ἄλοκα μιλτώδη ποιεῖ, ἐπὶ τῷ προσώπῳ δ’ αἱ τρίχες φορούμεναι
5	εἴξασι πολιαῖς, ἀνάπλεῳ ψιμυθίου.	250
Ste 2	Ὦ μάκαρ ἥτις ἔχους’ ἐν δώματι * * στρούθιον ἀεροφόρητον λεπτότατον περὶ σῶμα συνίλλεσται τε ἡδυπότατον περὶ νυμφίον εὔτριχα,
5	κισσὸς ὅπως καλάμῳ περιφύεται αὐξόμενος ἔαρος ὀλολυγόνος
5	ἔρωτι κατατετηκώς.	251
Ste 3-4	Αἰγίδιον, σὺ δὲ τόνδε φορήσεις στέφανον πολυποίκιλον ἀνθέων, γρυπότατον, χαριέστατον, ὦ Ζεῦ. τί γάρ; αὐτὸν ἔχουσα φιλήσει.
4	* * * *
5	Στεφάνους ἴσως βούλεσθε· πότερ’ ἑρπυλλίνους ἢ μυρτίνους ἢ τῶν διεξηνθισμένων; Β. τῶν μυρτίνων βουλόμεθα τουτωνί· σὺ δὲ
5	τά γ’ ἄλλα πώλει πάντα πλὴν τῶν μυρτίνων.	252
Ste 5	Εἰ μὴ σὺ χηνὸς ἧπαρ ἢ ψυχὴν ἔχεις.
Ste 6	Αἰγυπτίῳ ψάγδανι τρὶς λελουμένη.
Ste 7	Λῦε τἀλαβάστια θᾶττον σὺ καὶ τῇ σπαθίδι τὸν πώγωνά μου
Ste 7	καὶ τὴν ὑπήνην μύρισον.	253
Ste 8	Εὔχρων τι κιλλόν, μανθάνεις; θερίστριον.
Sph tit	ΣΦΙΓΓΟΚΑΡΙΩ Ν .
Sph 1	Ἔστι λαλῶν ἄγλωσσος, ὁμώνυμος ἄρρενι θῆλυς, οἰκείων ἀνέμων ταμίας, δασύς, ἄλλοτε λεῖος, ἀξύνετα ξυνετοῖσι λέγων, νόμον ἐκ νόμου ἕλκων. ἓν δ’ ἐστὶν καὶ πολλά, καὶ ἂν τρώσῃ τις ἄτρωτος.
5	Β. τί ἐστὶ τοῦτο; Α. τί ἀπορεῖς; Β. Καλλίστρατος. Α. πρωκτὸς μὲν οὖν οὗτος. Β. σὺ δὴ ληρεῖς ἔχων. Α. οὗτος γὰρ αὑτός ἐστιν ἄγλωττος, λάλος, ἓν ὄνομα πολλοῖς, τρωτός, ἄτρωτος, δασύς, λεῖος· τί βούλει; πνευμάτων πολλῶν φύλαξ.
10	Ἀττελεβόφθαλμος, μὴ πρόστομος, ἀμφικέφαλλος, αἰχμητής, παίδων ἀγόνων γόνον ἐξαφανίζων. ἰχνεύμων Αἰγύπτιος. τῶν γὰρ κροκοδείλων οὗτος ᾠὰ λαμβάνων, πρὶν θηριοῦσθαι τὸν γόνον καταγνύει,
15	ἔπειτ’ ἀφανίζει· διότι δ’ ἔστ’ ἀμφίστομος, κεντεῖ κάτωθεν, τοῖς δὲ χείλεσιν δάκνει. Οἶδ’ ἐγὼ ὃς νέος ὢν ἐστὶν βαρύς, ἂν δὲ γέρων ᾖ,
15	ἄπτερος ὢν κούφως πέτεται καὶ γῆν ἀφανίζει. πάππος ἀπ’ ἀκάνθης· οὗτος γάρ	254
20	νέος μὲν ὢν ἕστηκεν ἐν τῷ σπέρματι· ὅταν δ’ ἀποβάλῃ τοῦτο, πέτεται κοῦφος ὤν, δήπουθεν ὑπὸ τῶν παιδίων φυσώμενος. Ἔστιν ἄγαλμα βεβηκὸς ἄνω, τὰ κάτω δὲ κεχηνός, εἰς πόδας ἐκ κεφαλῆς τετρημένον, ὀξὺ διαπρό,
25	ἀνθρώπους τίκτον κατὰ τὴν πυγὴν ἕν’ ἕκαστον· ὧν οἱ μὲν μοίρας ἔλαχον βίου, οἱ δὲ πλανῶνται.
25	αὐτὸ δ’ ἕκαστος ἔχων αὐτόν, καλέω δὲ φυλάττειν.	255
Sph 2	Ἐν θαλάμῳ μαλακῶς κατακείμενον. ἐν δὲ κύκλῳ νιν παρθενικαὶ τρυφεραὶ χλανίσιν μαλακαῖς κατάθρυπτοι	255
Sph 2	τὸν πόδ’ ἀμαρακίνοισι μύροις τρίψουσι τὸν ἐμόν.	257
Sph 3	Νὴ τὸν Δί’ ἠσθένουν γάρ, ὦ βέλτιστε σύ, φαγοῦσα πρώην σῦκα τῆς μεσημβρίας.
Titth tit	ΤΙΤΘΑ Ι .
Titth 1	Μὴ πολυτελῶς, ἀλλὰ καθαρείως ὅ τι ἂν ᾖ, ὁσίας ἕνεκα, σηπίδι’ ἢ τευθίδια, πλεκτάνια μικρὰ πουλύποδος, νῆστίν τινα, μήτραν, χόρια, πῦον, λάβρακος κρανίον
5	εὐμέγεθες.
Titth 2	Ὡς γὰρ εἰσῆλθε τὰ γερόντια τότ’ εἰς δόμους, εὐθὺς ἀνεκλίνετο· παρῆν στέφανος ἐν τάχει· ᾔρετο τράπεζα. παρέκειθ’ ἅμα τετριμμένη
Titth 2	μᾶζα χαριτοβλέφαρος.	258
Tita tit	ΤΙΤΑΝΕ Σ .
Tita 1	Προσγελῶσά τε λοπὰς παφλάζει βαρβάρῳ λαλήματι, πηδῶσι δ’ ἰχθῦς ἐν μέσοισι τηγάνοις.
Phoi tit	ΦΟΙΝΙ Ξ .
Phoi 1	Καὶ γὰρ ὁ ταὧς διὰ τὸ σπάνιον θαυμάζεται.	259
Cha tit	ΧΑΡΙΤΕ Σ .
Cha 1	Καὶ γὰρ πόσῳ κάλλιον, ἱκετεύω, τρέφειν ἄνθρωπον ἔστ’ ἄνθρωπον, ἂν ἔχῃ βίον, ἢ χῆνα πλατυγίζοντα καὶ κεχηνότα, ἢ στρουθόν, ἢ πίθηκον, ἐπίβουλον κακόν.
Chr tit	ΧΡΥΣΙΛΛ Α .
Chr 1-2	Κακὸς κακῶς ἀπόλοιθ’ ὅστις γυναῖκα δεύτερον ἔγημε· τὸν γὰρ πρῶτον οὐκ ἐρῶ κακῶς· ὁ μὲν γὰρ ἦν ἄπειρος, οἶμαι, τοῦ κακοῦ,
5	ὁ δ’ οἷον ἦν γυνὴ κακὸν πεπυσμένος.
5	* * * * Ὦ Ζεῦ πολυτίμητ’, εἶτ’ ἐγὼ κακῶς ποτε ἐρῶ γυναῖκας; νὴ Δί’ ἀπολοίμην ἄρα, πάντων ἄριστον κτημάτων. εἰ δ’ ἐγένετο κακὴ γυνὴ Μήδεια, Πηνελόπεια δέ
10	μέγα πρᾶγμ’. ἐρεῖ τις ὡς Κλυταιμνήστρα κακή·
10	Ἄλκηστιν ἀντέθηκα χρηστήν. ἀλλ’ ἴσως Φαίδραν ἐρεῖ κακῶς τις· ἀλλὰ νὴ Δία χρηστὴ τίς ἦν μέντοι, τίς; οἴμοι δείλαιος, ταχέως γέ μ’ αἱ χρησταὶ γυναῖκες ἐπέλιπον,	260
15	τῶν δ’ αὖ πονηρῶν ἔτι λέγειν πολλὰς ἔχω.
Psa tit	ΨΑΛΤΡΙ Α .
Psa 1	Τὰ κυλικεῖα δέ ἐξεῦρεν ἡμῖν.
IFF tit	INCERTARUM FABULARUM FRAGMENTA.
IFF 1	Εἰσὶν ἡμῖν τῶν κεκλημένων δύο ἐπὶ δεῖπνον ἄμαχοι, Φιλοκράτης καὶ Φιλοκράτης. ἕνα γὰρ ἐκεῖνον ὄντα δύο λογίζομαι, μεγάλους, μᾶλλον δὲ τρεῖς.
5	ὅν φασί ποτε κληθέντ’ ἐπὶ δεῖπνον πρὸς φίλου τινός εἰπόντος αὐτῷ τοῦ φίλου, ὁπηνίκ’ ἄν εἴκοσι ποδῶν μετροῦντι τὸ στοιχεῖον ᾖ,
5	ἥκειν, ἕωθεν αὐτὸν εὐθὺς ἡλίου μετρεῖν ἀνέχοντος· μακροτέρας δ’ οὔσης ἔτι	261
10	πλεῖν ἢ δυοῖν ποδοῖν παρεῖναι τῆς σκιᾶς· ἔπειτα φάναι, μικρὸν ὀψιαίτερον δι’ ἀσχολίαν ἥκειν, παρόνθ’ ἅμ’ ἡμέρᾳ.
IFF 2	Ἰχθὺν δ’ Ὅμηρος ἐσθίοντ’ εἴρηκε ποῦ τίνα τῶν Ἀχαιῶν; κρέα δὲ μόνον ὤπτων, ἐπεί ἕψοντά γ’ οὐ πεποίηκεν αὐτῶν οὐδένα. ἀλλ’ οὐδὲ μίαν ἄλλην ἑταίραν εἶδέ τις
5	αὐτῶν, ἑαυτοὺς δ’ ἔδεφον ἐνιαυτοὺς δέκα,
5	πικρὰν στρατείαν δ’ εἶδον, οἵτινες πόλιν μίαν λαβόντες, εὐρυπρωκτότεροι πολύ τῆς πόλεος ἀπεχώρησαν, ἧς εἷλον τότε.	262
IFF 3	Ἄτοπόν γε τὸν μὲν οἶνον εὐδοκιμεῖν ἀεί παρὰ ταῖς ἑταίραις τὸν παλαιόν, ἄνδρα δέ μὴ τὸν παλαιὸν ἀλλὰ τὸν νεώτερον.
IFF 4	Θάσιον ἢ Χῖον λαβών ἢ Λέσβιον γέροντα νεκταροσταγῆ.
IFF 5	Σίκων ἐγώ βεβρεγμένος ἥκω καὶ κεκωθωνισμένος. Β. πέπωκας οὗτος; Α. ναὶ μὰ Δία πέπωκ’ ἐγώ
IFF 5	Μενδαῖον.	263
IFF 6	Οἶνον γάρ με Ψίθιον γεύσας ἡδὺν ἄκρατον, διψῶντα λαβών	263
IFF 6	ὄξει παίει πρὸς τὰ στήθη.	264
IFF 7	Κνίδια κεράμια, Σικελὰ βατάνια, Μεγαρικὰ πιθάκνια.
IFF 8	Ὁ Λευκάδιος πάρεστι καὶ Μιλήσιος
IFF 8	οἰνίσκος οὔπω πότιμος.	265
IFF 9	Γύναι, ῥάφανόν με νομίσας’ εἰς ἐμὲ σὺ τὴν κραιπάλην μέλλεις ἀφεῖναι πᾶσαν, ὡς ἐμοὶ δοκεῖς.
IFF 10	Ἐπεὶ δὲ σηκῶν περιβολὰς ἠμείψαμεν, ὕδωρ τε ποταμοῦ σῶμα διεπεράσαμεν,
IFF 10	καὶ ἡμῶν δὲ πᾶσα δύναμις ὑδάτων ἄρδεται.	266
IFF 12	Α. Θὲς ἑπτάκλινον. Β. ἑπτάκλινος οὑτοσί. Α. καὶ πέντε κλίνας Σικελικάς. Β. λέγ’ ἄλλο τι.	266
IFF 12	Α. Σικελικὰ προσκεφάλαια πέντε.	267
IFF 13	Φηγούς, κάρυα Καρύστια.
IFF 15a	Ἀμφιδρομίων ὄντων, ἐν οἷς νομίζεται ὀπτᾶν τε τυροῦ Χερρονησίτου τόμον, ἕψειν τ’ ἐλαίῳ ῥάφανον ἠγλαϊσμένην, πνίγειν τε παχέων ἀρνίων στηθύνια,
5	τίλλειν τε φάττας καὶ κίχλας ὁμοῦ σπίνοις, ὁμοῦ τε χναύειν μαινίσιν σηπίδια, πιλοῦν τε πολλὰς πλεκτάνας ἐπιστρεφῶς,
5	πίνειν τε πολλὰς κύλικας εὐζωρεστέρας.	268
IFF 15b	Κόκκον λαβοῦσα κνίδιον ἢ τοῦ πεπέριδος τρίψας’ ὁμοῦ σμύρνῃ διάπαττε τὴν ὁδόν.
IFF 16	Οὗτοι ἀνιπτόποδες χαμαιευνάδες ἀερίοικοι, ἀνόσιοι λάρυγγες, ἀλλοτρίων κτεάνων παραδειπνίδες, ὦ λοπαδάγχαι
IFF 16	λευκῶν ὑπογαστριδίων.	269
IFF 17	Πολλοί, φυγόντες δεσπότας, ἐλεύθεροι ὄντες πάλιν ζητοῦσι τὴν αὐτὴν φάτνην.
IFF 18	Αὐτοῖς δὲ τοῖς θεοῖσι τὴν κέρκον μόνην
IFF 18	καὶ μηρὸν ὥσπερ παιδερασταῖς θύετε.	270
IFF 19	Ταῖς ξυστίσιν ταῖς χρυσοπάστοις στρώννυται.
IFF 20	καὶ μὴν οἴκαδε
IFF 20	* * πολλοσταῖος ἀποτρέχω, γύναι.	271

Agk

1

Agk

1-3

Agk

4

Agch

tit

Ama

tit

Ama

1

Ana

tit

Ana

1

Ant

tit

Ant

1

Ant

2

Ant

3

Ast

tit

Ast

1

Aug

tit

Aug

1

Bel

tit

Bel

1

Gan

tit

Gan

1

Gan

2

Glau

tit

Glau

1

Glau

2

Dai

tit

Dai

1

Dam

tit

Dam

1

Deu

tit

Deu

1

Dio

tit

Dio

1

Dio

2-3

Dio

4

Dol

tit

Dol

1

Dol

2

Eir

tit

Eur

tit

Eur

1