TLG 0450 002 :: EPHIPPUS :: Fragmenta

EPHIPPUS Comic.
(4 B.C.)

Fragmenta

Source: Meineke, A. (ed.), Fragmenta comicorum Graecorum, vol. 3. Berlin: Reimer, 1840 (repr. Berlin: De Gruyter, 1970): 322–323, 325–330, 332, 334–340.

Citation: Play — fragment — (line)

Art

tit

ΑΡΤΕΜΙΣ.

Art

1

Παρ’ Ἀλεξάνδρου δ’ ἐκ Θετταλίας κόλλικα φαγὼν κρίβανος ἄρτων.

Bou

tit

ΒΟΥΣΙΡΙΣ.

Bou

1

ΗΡ. Οὐκ οἶσθά μ’ ὄντα πρὸς θεῶν Τιρύνθιον Ἀργεῖον, οἳ μεθύοντες ἀεὶ τὰς μάχας
πάσας μάχονται; Β. τοιγαροῦν φεύγους’ ἀεί.322

Ger

tit

ΓΗΡΥΟΝΗΣ.

Ger

1

Τούτῳ δ’ ὁπόταν ναέται χώρας ἰχθύν τιν’ ἕλως’ οὐχ ἡμέριον, τῆς περικλύστου δ’ ἁλίας Κρήτης μείζω μεγέθει, λοπάς ἐστ’ αὐτῷ
5δυνατὴ τούτους χωρεῖν ἑκατόν. καὶ περιοίκους εἶναι ταύτης Ἰνδούς, Λυκίους, Μυγδονιώτας, Κραναούς, Παφίους. τούτους δ’ ὕλην κόπτειν, ὁπόταν βασιλεὺς ἕψῃ
10τὸν μέγαν ἰχθύν, καὶ προσάγοντας, καθόσον πόλεως ἕστηκεν ὅρος, τοὺς δ’ ὑποκάειν. λίμνην δ’ ἐπάγειν ὕδατος μεστὴν εἰς τὴν ἅλμην, τοὺς δ’ ἅλας αὐτῷ ζεύγη προσάγειν
15μηνῶν ὀκτὼ συνεχῶς ἑκατόν· περιπλεῖν δ’ ἐπὶ τοῖς ἄμβωσιν ἄνω πέντε κέλητας πεντασκάλμους, περιαγγέλλειν τ’ οὐχ ὑποκάειν Λυκίων πρυτάνεις. Β. ψυχρὸν τουτὶ
20παύου φυσῶν, Μακεδὼν ἄρχων·
σβέννυ Κελτούς, μὴ προσκαύσῃς.323

Ger

2

Ἔπειτα πῶς οὐ στέφανος οὐδείς ἐστι πρόσθε τῶν θυρῶν; οὐ κνῖσα κρούει ῥινὸς ὑπεροχὰς ἄκρας, Ἀμφιδρομίων ὄντων; ἐν οἷς νομίζεται
5ὀπτᾶν τε τυροῦ Χερρονησίτου τόμους, ἕψειν τ’ ἐλαίῳ ῥάφανον ἠγλαϊσμένην, πνίγειν τε παχέων ἀρνίων στηθύνια, τίλλειν τε φάττας καὶ κίχλας ὁμοῦ σπίνοις, κοινῇ τε χναύειν τευθίσιν σηπίδια,
10πιλεῖν τε πολλὰς πλεκτάνας ἐπιστρόφως,
πίνειν τε πολλὰς κύλικας εὐζωρεστέρας.325

Ger

3

Καὶ συναγώγιμον συμπόσιον ἐπιπληροῦσιν.

Emp

tit

ΕΜΠΟΛΗ.

Emp

1

Ἔπειτά γ’ εἰσιόντ’, ἐὰν λυπούμενος τύχῃ τις ἡμῶν, ἐκολάκευσεν ἡδέως, ἐφίλησεν, οὐχὶ συμπιέσασα τὸ στόμα, ὥσπερ πολέμιον, ἀλλὰ τοῖσι στρουθίοις
5χαυνοῦς’ ὁμοίως ἧσε, παρεμυθήσατο, ἐποίησέ θ’ ἱλαρὸν εὐθέως τ’ ἀφεῖλε πᾶν
αὐτοῦ τὸ λυποῦν κἀπέδειξεν ἵλεων.326

Emp

2

Κοινωνεῖ γάρ, ὦ μειράκιον, ἡ ἐν τοῖσιν αὐλοῖς μουσικὴ κἀν τῇ λύρᾳ τοῖς ἡμετέροισι παιγνίοις· ὅταν γὰρ εὖ συναρμόσῃ τις τοῖς συνοῦσι τὸν τρόπον,
5τόθ’ ἡ μεγίστη τέρψις ἐξευρίσκεται.

Eph

tit

ΕΦΗΒΟΙ.

Eph

1

Χόνδρος μετὰ ταῦτ’ εἰσῆλθε, μύρον Αἰγύπτιον, φοινικίνου βῖκός τις ὑπανεῴγνυτο,
ἴτρια τραγήμαθ’ ἧκε, πυραμοῦς, ἄμης, ᾠῶν ἑκατόμβη. πάντα ταῦτ’ ἐχναύομεν.327
5ἐμασώμεθ’ οὕτως ἀνδρικῶς ὅς’ εἴχομεν· καὶ γὰρ παραμασύντας τινὰς παραβόσκομεν.

Eph

2

Οὐ κύλικας ἐπὶ τὰ δεῖπνα Χαιρήμων φέρει;
οὐ κυμβίοισι πεπολέμηκ’ Εὐριπίδης;328

Eph

3

Φιάλην ἑκατέρᾳ ἔδωκε κεράσας ζωρότερον Ὁμηρικῶς.

Kir

tit

ΚΙΡΚΗ.

Kir

1

Οἶνον πίοις ἂν ἀσφαλέστερον πολύ ὑδαρῆ. Β. μὰ τὴν γῆν, ἀλλὰ τρία καὶ τέτταρα. Α. οὕτως ἄκρατον, εἰπέ μοι, πίει; τί φῄς;

Kyd

tit

ΚΥΔΩΝ.

Kyd

1

Θύννου τεμάχη, γλάνιδος, γαλεοῦ,
ῥίνης, γόγγρου, κέφαλος, πέρκη, σαῦρος, φυκίς, βρίγκος, τρίγλη, κόκκυξ, φάγρος, μύλλος, λεβίας,329
5σπάρος, αἰολίας, θρίττα, χελιδών, καρίς, τευθίς, ψῆττα, δρακαινίς, πουλυπόδειον, σηπία, ὀρφῶς, κωβιός, ἀφύαι, βελόναι, κεστρεῖς.

Kyd

2

Καὶ μετὰ δεῖπνον κόκκος * * ἐρέβινθος * * * κύαμος, χόνδρος, τυρός, μέλι, σησαμίδες, βράχος, βρυγμός,
5μνοῦς, πυραμίδες, μῆλον, κάρυον, γάλα, κανναβίδες, κόγχαι, χυλός,
Διὸς ἐγκέφαλος.330

Nau

tit

ΝΑΥΑΓΟΣ.

Nau

1

Ἔπειτ’ ἀναστὰς εὔστοχος νεανίας, τῶν ἐξ Ἀκαδημίας τις ὑπὸ Πλάτωνα καί Βρυσωνοθρασυμαχειοληψικερμάτων πληγεὶς ἀνάγκῃ, ληψιλογομίσθῳ τέχνῃ
5συνών τις, οὐκ ἄσκεπτα δυνάμενος λέγειν, εὖ μὲν μαχαίρᾳ ξύστ’ ἔχων τριχώματα, εὖ δ’ ὑποκαθιεὶς ἄτομα πώγωνος βάθη, εὖ δ’ ἐν πεδίλῳ πόδα τιθεὶς ὑπὸ ξυρόν, κνήμης ἱμάντων ἰσομέτροις ἑλίγμασιν,
10ὄγκῳ τε χλανίδος εὖ τεθωρακισμένος, σχῆμ’ ἀξιόχρεων ἐπικαθεὶς βακτηρίᾳ ἀλλότριον, οὐκ οἰκεῖον, ὡς ἐμοὶ δοκεῖ,
ἔλεξεν „Ἄνδρες τῆς Ἀθηναίων χθονός.“332

Hom

tit

ΟΜΟΙΟΙ Η ΟΒΕΛΙΑΦΟΡΟΙ.

Hom

1

Ἀλλ’ ἀγόρασον εὐτελῶς· ἅπαν γὰρ ἱκανόν ἐστι. Β. φράζε δή ποτε. Α. μὴ πολυτελῶς, ἀλλὰ καθαρείως ὅ τι ἂν ᾖ, ὁσίας ἕνεκ’, ἀρκεῖ τευθίδι’ ἣ σηπίδια·
5κἂν κάραβός τις ᾖ λαβεῖν, εἷς ἀρκέσει ἢ δύ’ ἐπὶ τὴν τράπεζαν. ἐγχελύδια Θήβηθεν ἐνίοτ’ ἔρχεται, τούτων λαβέ. ἀλεκτρυόνιον, φάττιον, περδίκιον, τοιαῦτα. δασύπους ἂν ἐπέλθῃ τις, φέρε.
10Β. ὡς μικρολόγος εἶ. Α. σὺ δέ γε λίαν πολυτελής. πάντως κρέ’ ἡμῖν ἐστί. Β. πότερ’ ἔπεμψέ τις; Α. οὐκ ἀλλ’ ἔθυσεν ἡ γυνή. Β. τὸ μοσχίον
τὸ τῆς Κορώνης αὔριον δειπνήσομεν.334

Hom

2

Διονυσίου δ’ εἰ δράματ’ ἐκμαθεῖν δέοι, καὶ Δημοφῶντος ἅττ’ ἐποίησεν εἰς Κότυν, ῥήσεις τε κατὰ δεῖπνον Θεόδωρός μοι λέγοι, Λάχητί τ’ οἰκήσαιμι τὴν ἑξῆς θύραν,
5κυμβία τε παρέχοιμ’ ἑστιῶν Εὐριπίδῃ.335

Pel

tit

ΠΕΛΤΑΣΤΗΣ.

Pel

1

Τοιαῦθ’ ὑθλῶν δειπνεῖ καὶ ζῇ θαυμαζόμενος μετὰ μειρακίων, οὐ γιγνώσκων ψήφων ἀριθμούς,
σεμνὸς σεμνῶς χλανίδ’ ἕλκων.336

Pel

2

Οὐ Μενεκράτης μὲν ἔφασκεν εἶναι Ζεὺς θεός; Νικόστρατος δ’ Ἁργεῖος ἕτερος Ἡρακλῆς;

Pel

3

Ἔνθ’ ὄνων ἵππων στάσεις
καὶ γεύματ’ οἴνων.337

Sap

tit

ΣΑΠΦΩ.

Sap

1

Ὅταν γὰρ ὢν νέος ἀλλότριον ἐλθὼν ὄψον ἐσθίειν μάθῃ, ἀσύμβολόν τε χεῖρα προσβάλῃ βορᾷ, διδόναι νόμιζ’ αὐτὸν σὺ τῆς νυκτὸς λόγον.

Phi

tit

ΦΙΛΥΡΑ.

Phi

1

Πότερον ἐγώ τὴν βατίδα τεμάχη κατατεμὼν ἕψω; τί φῄς;
ἢ Σικελικῶς ὀπτὴν ποιήσω; Β. Σικελικῶς.338

Phi

2

Παππία, βούλει δραμών εἰς τὴν ἀγορὰν καταγοράσαι μοι; Β. φράζε τί. Α. ἰχθῦς φρονοῦντας, ὦ πάτερ. μή μοι βρέφη. Β. οὐκ οἶσθ’ ὁτιὴ τἀργύριόν ἐστ’ ἰσάργυρον;

Phi

3

Ὡς σκαιὸς εἶ κἄγροικος αἰσχροεπῶν· ἔα, ἐπαρίστερ’ ἐν τῷ στόματι τὴν γλῶτταν φορεῖς.

Eif

tit

EX INCERTIS FABULIS.

Eif

1-2

 Φιλῶ γε Πράμνιον οἶνον Λέσβιον. Πολλὴ δὲ Λεσβία σταγὼν ἐκπίνεται
ἄγαν.339

Eif

3

Κάρυα, ῥόας, φοίνικας, ἕτερα νώγαλα, σταμνάριά τ’ οἴνου μικρὰ τοῦ φοινικίνου, ᾠάρια, τοιαῦθ’ ἕτερα πολλὰ παίγνια.

Eif

4

Οἴνου σε πλῆθος πόλλ’ ἀναγκάζει λαλεῖν. Β. οὐκοῦν μεθύοντάς φασι τἀληθῆ λέγειν.

Eif

5

Ἵν’ ὥσπερ οἱ μύκητες ἀποπνίξαιμί σε.340