DIPHILUS :: Fragmenta :: TLG 0447 001

TLG 0447 001 :: DIPHILUS :: Fragmenta DIPHILUS Comic. (Sinopensis: 4–3 B.C.) Fragmenta Source: Kock, T. (ed.), Comicorum Atticorum fragmenta, vol. 2. Leipzig: Teubner, 1884: 541–580. frr. 1–8, 12–14, 16–24, 26–27, 29–36, 38, 40–46, 48–49, 51–69, 71–84, 86–123, 126–136 + tituli Citation: Fragment — (line)

tit 1-2	ΑΓΝΟΙΑ
1	τί τοῦτο; ποδαπὸς οὗτος; Β. χελιδόνειος ὁ δασύπους, γλυκεῖα δ’ ἡ μίμαρκυς.
2	ἅψαντες λύχνον λυχνεῖον ἐζητοῦμεν.
tit 3-4	ΑΔΕΛΦΟΙ
3	ὦ τοιχωρύχον ἐκεῖνο καὶ τῶν δυναμένων λαγύνιον ἔχον βαδίζειν εἰς τὰ γεύμαθ’ ὑπὸ μάλης, καὶ τοῦτο πωλεῖν, μέχρι ἂν ὥσπερ ἐν ἐράνῳ
5	εἷς λοιπὸς ᾖ κάπηλος ἠδικημένος
5	ὑπ’ οἰνοπώλου.	541
4	ὦ μακάρι’, ἀτυχεῖν θνητὸς ὢν ἐπίστασο, ἵν’ αὐτὰ τἀναγκαῖα δυστυχῇς μόνον, πλείω δὲ διὰ τὴν ἀμαθίαν μὴ προσλάβῃς.
tit 5-9	ΑΙΡΗΣΙΤΕΙΧΗΣ ΕΥΝΟΥΧΟΣ Η ΣΤΡΑΤΙΩΤΗΣ
5	ἔσθ’ ὑποχέασθαι πλείονας, πιεῖν γέ τι ἁδρότερον ἢ τῶν Ῥοδιακῶν ἢ τῶν ῥυτῶν.
6	ἀλλ’ ὁ πανὸς ὕδατός ἐστι μεστός.	542
7	ἐκφυγγάνω
8	κάθου
tit,ante 10	ΑΛΕΙΠΤΡΙΑ
tit 10	ΑΜΑΣΤΡΙΣ
tit 11	ΑΝΑΓΥΡΟΣ	543
tit 12-13	ΑΝΑΣΩΙΖΟΜΕΝΟΙ
12	λάγυνον ἔχω κενόν, ὦ γραῦ, θύλακον δὲ μεστόν.
13	βρώσιμον
tit 14	ΑΠΛΗΣΤΟΣ
14	ἥκει φερόμεν’ αὐτόματα πάντα τἀγαθά, ῥάφανος λιπαρά, σπλαγχνίδια πολλά, σαρκία ἁπαλώτατ’, οὐδὲν μὰ Δία τοῖς ἐμοῖς βλίτοις ὅμοια πράγματ’, οὐδὲ ταῖς
5	θλασταῖς ἐλάαις.
tit 15-16	ΑΠΟΒΑΤΗΣ
16	κραυγασμός	544
tit 17-19	ΑΠΟΛΙΠΟΥΣΑ
17	πόσοι τὸ πλῆθός εἰσιν οἱ κεκλημένοι εἰς τοὺς γάμους, βέλτιστε, καὶ πότερ’ Ἀττικοὶ ἅπαντες, ἢ κἀκ τοὐμπορίου τινές; Β. τί δαὶ τοῦτ’ ἔστι πρὸς σὲ τὸν μάγειρον; Α. τῆς τέχνης
5	ἡγεμονία τίς ἐστιν αὐτῆς, ὦ πάτερ, τὸ τῶν ἐδομένων τὰ στόματα προειδέναι. οἷον Ῥοδίους κέκληκας· εἰσιοῦσι δὸς εὐθὺς ἀπὸ θερμοῦ τὴν μεγάλην αὐτοῖς σπάσαι, ἀποζέσας σίλουρον ἢ λεβίαν, ἐφ’ ᾧ
10	χαριεῖ πολὺ μᾶλλον ἢ μυρίνην προσεγχέας. Β. ἀστεῖον ὁ σιλουρισμός. Α. ἂν Βυζαντίους, ἀψινθίῳ σπόδησον ἅττ’ ἂν παρατιθῇς, κάθαλα ποιήσας πάντα κἀσκοροδισμένα. διὰ γὰρ τὸ πλῆθος τῶν παρ’ αὐτοῖς ἰχθύων
15	πάντες βλιχανώδεις εἰσὶ καὶ μεστοὶ λάπης.	545
18	ἔστιν ἔνδον ὄξος ὀξύ σοι; Β. ὑπολαμβάνω, παιδάριον, ὀπὸν εἰλήφαμεν. ἄριστα τούτοις πάντα πιέσω καὶ πυκνά. ἡ φυλλὰς ἡ δριμεῖα περιοισθήσεται·
5	τῶν πρεσβυτέρων γὰρ ταῦτα τῶν ἡδυσμάτων ἀναστομοῖ τάχιστα τᾀσθητήρια, τό τε νωκαρῶδες καὶ κατημβλυωμένον ἐσκέδασε κἀποίησεν ἡδέως φαγεῖν.
19	εἶτ’ οὐ μαλάκ’, ὦ δύστην’, ἔχεις, σκευάριον, ἐκπωμάτιον, ἀργυρίδιον; οὐκ ἐκδραμεῖ λαβὼν ταδὶ δώσεις τ’ ἐμοὶ παρακαταθήκην;
tit 20-21	ΒΑΛΑΝΕΙΟΝ
20	ἔγχεον μεστήν· τὸ θνητὸν περικάλυπτε τῷ θεῷ·
20	πῖθι. ταῦτα γὰρ παρ’ ἡμῶν Διὸς ἑταιρείου, πάτερ.	546
21	μναδάρια
tit 22	ΒΟΙΩΤΙΣ
22	οἷος ἐσθίειν πρὸ ἡμέρας ἀρξάμενος ἢ πάλιν πρὸς ἡμέραν.
tit 23-24	ΓΑΜΟΣ
23	Στίλπωνός ἐστι βύσμαθ’ ὁ Χαρίνου λόγος.
24	ὁ γὰρ κόλαξ καὶ στρατηγὸν καὶ δυνάστην καὶ φίλους καὶ τὰς πόλεις ἀνατρέπει λόγῳ κακούργῳ μικρὸν ἡδύνας χρόνον. νῦν δὲ καὶ καχεξία τις ὑποδέδυκε τοὺς ὄχλους·
5	αἱ κρίσεις θ’ ἡμῶν νοσοῦσι, καὶ τὸ πρὸς χάριν πολύ.	547
tit 25	ΔΑΝΑΙΔΕΣ
tit 26	ΔΙΑΜΑΡΤΑΝΟΥΣΑ
26	ἄρτους σποδίτας κρησερίτας περιφέρειν
tit 27	ΕΓΚΑΛΟΥΝΤΕΣ
27	ὁλοσχερῶς
tit 28-29	ΕΚΑΤΗ
29	λάγυνος
tit 30	ΕΛΑ[Ι]ΩΝ Η ΦΡΟΥΡΟΥΝΤΕΣ	548
30	ὦ τόνδ’ ἐποπτεύουσα καὶ κεκτημένη Βραυρῶνος ἱεροῦ θεοφιλέστατον τόπον, Λητοῦς Διός τε τοξόδαμνε παρθένε, ὡς οἱ τραγῳδοί φασιν, οἷς ἐξουσία
5	ἔστιν λέγειν ἅπαντα καὶ ποιεῖν μόνοις.
tit 31	ΕΛΛΕΒΟΡΙΖΟΜΕΝΟΙ
31	ἰτητέον
tit 32-37	ΕΜΠΟΡΟΣ
32	νόμιμον τοῦτ’ ἐστί, βέλτιστ’, ἐνθάδε Κορινθίοισιν, ἄν τιν’ ὀψωνοῦντ’ ἀεὶ λαμπρῶς ὁρῶμεν, τοῦτον ἀνακρίνειν πόθεν ζῇ καὶ τί ποιῶν· κἂν μὲν οὐσίαν ἔχῃ,
5	ἧς αἱ πρόσοδοι λύουσι τἀναλώματα, ἐᾶν ἀπολαύειν τοῦτον ἤδη τὸν βίον. ἐὰν δ’ ὑπὲρ τὴν οὐσίαν δαπανῶν τύχῃ,
5	ἀπεῖπον αὐτῷ τοῦτο μὴ ποιεῖν ἔτι, ὃς ἂν δὲ μὴ πίθητ’ ἐπέβαλον ζημίαν.	549
10	ἐὰν δὲ μηδ’ ὁτιοῦν ἔχων ζῇ πολυτελῶς, τῷ δημίῳ παρέδωκαν αὐτόν. Β. Ἡράκλεις. Α. οὐκ ἐνδέχεται γὰρ ζῆν ἄνευ κακοῦ τινος τοῦτον· συνιεῖς; ἀλλ’ ἀναγκαίως ἔχει ἢ λωποδυτεῖν τὰς νύκτας ἢ τοιχωρυχεῖν,
15	ἢ τῶν ποιούντων ταῦτα κοινωνεῖν τισιν, ἢ συκοφαντεῖν κατ’ ἀγοράν, ἢ μαρτυρεῖν ψευδῆ. τὸ τοιοῦτον ἐκκαθαίρομεν γένος. Β. ὀρθῶς γε νὴ Δί’. ἀλλὰ δὴ τί τοῦτ’ ἐμοί; Α. ὁρῶμεν ὀψωνοῦνθ’ ἑκάστης ἡμέρας
20	οὐχὶ μετρίως βέλτιστέ ς’, ἀλλ’ ὑπερηφάνως. οὐκ ἔστιν ἰχθυηρὸν ὑπὸ σοῦ μεταλαβεῖν. συνῆκας ἡμῶν εἰς τὰ λάχανα τὴν πόλιν. περὶ τῶν σελίνων μαχόμεθ’ ὥσπερ Ἰσθμίοις. λαγώς τις εἰσελήλυθ’, εὐθὺς ἥρπακας.
25	πέρδικα δ’ ἢ κίχλην γε νὴ Δί’ οὐκ ἔτι ἔστιν δι’ ὑμᾶς οὐδὲ πετομένην ἰδεῖν.
25	τὸν ξενικὸν οἶνον ἐπιτετίμηκας πολύ.	550
33	οὐ πώποτ’ ἰχθῦς οἶδα τιμιωτέρους ἰδών. Πόσειδον, εἰ δεκάτην ἐλάμβανες αὐτῶν ἀπὸ τῆς τιμῆς ἑκάστης ἡμέρας, πολὺ τῶν θεῶν ἂν ἦσθα πλουσιώτατος.
5	ὅμως δὲ τούτων εἴ με προσγελάσειέ τις, ἐδίδουν στενάξας ὁπόσον αἰτήσειέ με. γόγγρον μέν, ὥσπερ ὁ Πρίαμος τὸν Ἕκτορα, ὅσον εἵλκυσεν, τοσοῦτο καταθεὶς ἐπριάμην.
34	πουλύπους ἔχων ἁπάσας ὁλομελεῖς τὰς πλεκτάνας. Β. οὐ περιβεβρωκὼς αὑτόν ἐστι, φίλτατε.
35	τὴν νύκτ’ ἐκείνην διεκαραδόκησεν.
36	ὁ περιφόρητος Ἀρτέμων	551
tit 38-39	ΕΝΑΓΙΣΜΑΤΑ
38	εἴ μοι συνήθης, Φαίδιμ’, ὢν ἐτύγχανεν ὁ Χαβρίου Κτήσιππος, εἰσηγησάμην νόμον ἄν τιν’ οὐκ ἄχρηστον, ὡς ἐμοὶ δοκεῖ, ὥστ’ ἐπιτελεσθῆναί ποτ’ αὐτῷ τοῦ πατρὸς
5	τὸ μνῆμα, κατ’ ἐνιαυτὸν ἕνα λίθον ἁμαξιαῖον· καὶ σφόδρ’ εὐτελὲς λέγω.
tit 40	ΕΠΙΔΙΚΑΖΟΜΕΝΟΣ	552
40	ὁ δὲ κανδύταλις οὗτος τί δύναται, καὶ τί ἐστιν; Β. ὥσπερ εἰ εἴποις ἀορτάς.
tit 41	ΕΠΙΚΛΗΡΟΣ
41	χύτρον μέγαν παρὰ τοῦ μαγείρου
tit 42	ΕΠΙΤΡΟΠΕΥΣ
42	ἐξιδιάσασθαι
tit,ante 43	ΕΥΝΟΥΧΟΣ
tit 43-45	ΖΩΓΡΑΦΟΣ
43	οὐ μὴ παραλάβω ς’ οὐδαμοῦ, Δράκων, ἐγὼ ἐπ’ ἔργον οὗ μὴ διατελεῖς τὴν ἡμέραν τραπεζοποιῶν ἐν ἀγαθοῖς πολλοῖς χύδην.
43	οὐ γὰρ βαδίζω πρότερον ἂν μὴ δοκιμάσω	553
5	τίς ἐσθ’ ὁ θύων, ἢ πόθεν συνίσταται τὸ δεῖπνον, ἢ κέκληκεν ἀνθρώπους τίνας. ἔστιν δ’ ἁπάντων τῶν γενῶν μοι διαγραφή, εἰς ποῖα μισθοῦν ἢ φυλάττεσθαί με δεῖ. οἷον τὸ κατὰ τοὐμπόριον, εἰ βούλει, γένος.
10	ναύκληρος ἀποθύει τις εὐχήν, ἀποβαλὼν τὸν ἱστὸν ἢ πηδάλια συντρίψας νεώς, ἢ φορτί’ ἐξέρριψ’ ὑπέραντλος γενόμενος· ἀφῆκα τὸν τοιοῦτον· οὐδὲν ἡδέως ποιεῖ γὰρ οὗτος, ἀλλ’ ὅσον νόμου χάριν.
15	ὁμοῦ δὲ ταῖς σπονδαῖσι διαλογίζεται τοῖς συμπλέουσιν ὁπόσον ἐπιβάλλει μέρος τιθείς, τά θ’ αὑτοῦ σπλάγχν’ ἕκαστος ἐσθίει. ἀλλ’ ἕτερος εἰσπέπλευκεν ἐκ Βυζαντίου τριταῖος, ἀπαθής, εὐπορηκώς, περιχαρὴς
20	εἰς δέκ’ ἐπὶ τῇ μνᾷ γεγονέναι καὶ δώδεκα, λαλῶν τὰ ναῦλα καὶ δάνει’ ἐρυγγάνων, ἀφροδίσι’ ὑπὸ κόλλοψι μαστροποῖς ποιῶν· ὑπὸ τοῦτον ὑπέκυψ’ εὐθὺς ἐκβεβηκότα, τὴν δεξιὰν ἐνέβαλον, ἐμνήσθην Διὸς
25	σωτῆρος, ἐμπέπηγα τῷ διακονεῖν. τοιοῦτος ὁ τρόπος. μειράκιον ἐρῶν πάλιν τὰ πατρῷα βρύκει καὶ σπαθᾷ, πορεύομαι. ἀπὸ συμβολῶν συνάγοντα νὴ Δί’ ἕτερά που ἐνέβαλεν εἰς τὸν κέραμον ἐνευρημένα,
30	τὰ κράσπεδ’ ἀποθλιβέντα καὶ κεκραγότα ‘ὀψάριον ἀγοραῖον ποιεῖν τίς βούλεται;‘ ἐῶ βοᾶν· πληγὰς γὰρ ἔνι προσλαμβάνειν ἐλθόντα καὶ τὴν νύχθ’ ὅλην διακονεῖν. τὸ μισθάριον γὰρ ἂν ἀπαιτῇς, ‘ἁμίδα μοι
35	ἔνεγκε πρῶτον‘ φησίν. ‘ὄξος ἡ φακῆ οὐκ εἶχε.‘ πάλιν ᾔτησας, ‘οἰμώξει μακρὰ πρῶτος μαγείρων‘, φησίν. ἕτερα μυρία τοιαῦτα καταλέξαιμ’ ἄν. οὗ δὲ νῦν ς’ ἄγω, πορνεῖόν ἐστι, πολυτελῶς Ἀδώνια
40	ἄγους’ ἑταίρα μεθ’ ἑτέρων πορνῶν χύδην.
40	σαυτὸν ἀποσάξεις τόν τε κόλπον ἀποτρέχων.	554
44	ἄριστον ἐπεχόρευσεν ἐκλελεγμένον, εἴ τι νέον ἢ ποθεινόν· ὀστρέων γένη παντοδαπά, λοπάδων παρατεταγμένη φάλαγξ, ὀπτῶν ἐπῇττε σωρὸς ἀπὸ τοῦ τηγάνου,	555
5	τριμμάτια τούτοις ἐν θυΐαις ἀργυραῖς.
45	ἀπροσδόκητον οὐδὲν ἀνθρώποις πάθος· ἐφημέρους γὰρ τὰς τύχας κεκτήμεθα.
tit 46	ΗΡΑΚΛΗΣ
46	ἐμὲ μὲν οὐχ ὁρᾷς πεπωκότα ἤδη τ’ ἀκροθώρακ’ ὄντα καὶ θυμούμενον, τονδὶ δὲ ναστόν, Ἀστίωνος μείζονα,
46	ἤδη σχεδὸν δωδέκατον ἠριστηκότα;	556
tit 47	ΗΡΩΣ
tit 48	ΘΗΣΑΥΡΟΣ
48	ὑπολαμβάνω τὸ ψεῦδος ἐπὶ σωτηρίᾳ λεγόμενον οὐδὲν περιποιεῖσθαι δυσχερές.
tit 49-50	ΘΗΣΕΥΣ
49	σὲ μὲν καλοῦσι ψωμοκόλαφον δραπέτην.	557
tit 51-52	ΚΙΘΑΡΩΙΔΟΣ
51	ἐξανίσταμαι τὸν ἀμφιτάπητα συστορέσας.
52	λήκυθον ξύστιν τ’ ἔχεις; Β. ἐγὼ δὲ καὶ ξύστραν.
tit,ante 53	ΚΛΗΡΟΥΜΕΝΟΙ
tit 53	ΛΕΥΚΑΔΙΑ
53	ἐν Κέῳ τίς ἡμέρα;
tit 54	ΛΗΜΝΙΑΙ
54	οὗτοι δεδειπνήκασιν· ὁ δὲ τάλας ἐγὼ
54	κεστρεὺς ἂν εἴην ἕνεκα νηστείας ἄκρας.	558
tit 55	ΜΑΙΝΟΜΕΝΟΣ
55	καὶ προσέτι τοίνυν ἐσχάραν, κλίνην, κάδον, στρώματα, σίγυνον, ἀσκοπήραν, θύλακον, ὥστ’ οὐ στρατιώτην ἄν τις ἀλλὰ καὶ κύκλον ἐκ τῆς ἀγορᾶς ὀρθὸν βαδίζειν ὑπολάβοι.
5	τοσοῦτός ἐσθ’ ὁ ῥῶπος ὃν σὺ περιφέρεις.
tit 56	ΜΝΗΜΑΤΙΟΝ
56	ψῦξον τὸν οἶνον, Δωρί.
tit,ante 57	ΟΝΑΓΟΣ
tit 57	ΠΑΓΚΡΑΤΙΑΣΤΗΣ
57	εἶτ’ ἐν χάρακι μὲν ταῦτα καὶ παρεμβολῇ.
tit 58	ΠΑΙΔΕΡΑΣΤΑΙ
58	ἔγχεον σὺ δὴ πιεῖν. Β. εὐζωρότερόν γε νὴ Δί’, ὦ παῖ, δός· τὸ γὰρ
58	ὑδαρὲς ἅπαν τοῦτ’ ἔστι τῇ ψυχῇ κακόν.	559
tit 59	ΠΑΛΛΑΚΙΣ
59	βουβάλια καρπῶν παρθένου φορήματα
tit 60-63	ΠΑΡΑΣΙΤΟΣ
60	εὖ γ’ ὁ κατάχρυσος εἶπε πόλλ’ Εὐριπίδης· ‘νικᾷ δὲ χρεία μ’ ἡ ταλαίπωρός τέ μου γαστήρ.‘ ταλαιπωρότερον οὐδέν ἐστι γὰρ τῆς γαστρός, εἰς ἣν πρῶτον ἐμβάλοις . .
5	ἀλλ’ οὐχ ἕτερον ἀγγεῖον. ἐν πήρᾳ φέροις ἄρτους ἄν, ἀλλ’ οὐ ζωμόν, ἢ διαφθερεῖς. εἰς σπυρίδα μάζας ἐμβαλεῖς, ἀλλ’ οὐ φακῆν, οἰνάριον εἰς λάγυνον, ἀλλ’ οὐ κάραβον. εἰς τὴν θεοῖς ἐχθρὰν δὲ ταύτην εἰσφόρει
10	τὰ πάνθ’ ἑαυτοῖς μηδὲν ὁμολογούμενα. κοὐ προστίθημι τἄλλα, διότι πανταχοῦ
10	διὰ τὴν τάλαιναν πάντα ταύτην γίνεται.	560
61	ὅταν με καλέσῃ πλούσιος δεῖπνον ποιῶν, οὐ κατανοῶ τὰ τρίγλυφ’ οὐδὲ τὰς στέγας, οὐδὲ δοκιμάζω τοὺς Κορινθίους κάδους, ἀτενὲς δὲ τηρῶ τοῦ μαγείρου τὸν καπνόν.
5	κἂν μὲν σφοδρὸς φερόμενος εἰς ὀρθὸν τρέχῃ, γέγηθα καὶ χαίρω τε καὶ πτερύττομαι· ἂν δὲ πλάγιος καὶ λεπτός, εὐθέως νοῶ ὅτι τοῦτό μοι τὸ δεῖπνον ἀλλ’ οὐδ’ αἷμ’ ἔχει.
62	ἀγνοεῖς ἐν ταῖς ἀραῖς ὅ τι ἐστίν, εἴ τις μὴ φράσει’ ὀρθῶς ὁδόν, ἢ πῦρ ἐναύσει’, ἢ διαφθείρει’ ὕδωρ,
62	ἢ δειπνιεῖν μέλλοντα κωλύσαι τινά;	561
63	οὐ δεῖ παρασιτεῖν ὄντα δυσάρεστον σφόδρα.
tit 64	ΠΕΛΙΑΔΕΣ
64	τὸ δειπνάριον ἀνθηρὸν ἦν, γλαφυρὸν σφόδρα, φακῆς κατ’ ἄνδρα τρύβλιον μεστὸν μέγα. Β. πρώτιστον οὐκ ἀνθηρόν. Α. ἐπὶ ταύτῃ γέρων εἰς τὸ μέσον ἐπεχόρευσε σαπέρδης μέγας
5	ὑπό τι δυσώδης οὗτος ηρος ἀνθίαν, ὃν πολλὰ .. ταῖς κίχλαις ἤδη λέγει.
tit 65	ΠΛΙΝΘΟΦΟΡΟΣ
65	καὶ νὴ Δί’ ὄντως εὐθὺς ἐξέπεμπέ με ὄρθριον· ἐκόκκυζ’ ἀρτίως ἁλεκτρυών.
tit 66-67	ΠΟΛΥΠΡΑΓΜΩΝ
66	ᾤμην ἐγὼ τοὺς ἰχθυοπώλας τὸ πρότερον
66	εἶναι πονηροὺς τοὺς Ἀθήνησιν μόνους. τόδε δ’, ὡς ἔοικε, τὸ γένος ὥσπερ θηρίον ἐπίβουλόν ἐστι τῇ φύσει καὶ πανταχοῦ.	562
5	ἐνταῦθα γοῦν ἔστιν τις ὑπερηκοντικώς, κόμην τρέφων μὲν πρῶτον ἱερὰν τοῦ θεοῦ, ὥς φησιν· οὐ διὰ τοῦτό γ’, ἀλλ’ ἐστιγμένος πρὸ τοῦ μετώπου παραπέτασμ’ αὐτὴν ἔχει. οὗτος ἀποκοίνετ’, ἂν ἐρωτήσῃς ‘πόσου
10	ὁ λάβραξ;‘ ‘δέκ’ ὀβολῶν‘ οὐχὶ προσθεὶς ὁποδαπῶν. ἔπειτ’ ἐὰν τἀργύριον αὐτῷ καταβάλῃς, ἐπράξατ’ Αἰγιναῖον· ἂν δ’ αὐτὸν δέῃ κέρματ’ ἀποδοῦναι, προσαπέδωκεν Ἀττικά. κατ’ ἀμφότερα δὲ τὴν καταλλαγὴν ἔχει.
67	τί ποτ’ ἐστίν; ὡς ῥαγδαῖος ἐξελήλυθεν.
tit 68	ΠΥΡΡΑ	563
68	δῶρον δ’ ἐμαυτῇ παρὰ θεῶν εὑρημένη
tit 69-70	ΣΑΠΦΩ
69	Ἀρχίλοχε, δέξαι τήνδε τὴν μετανιπτρίδα μεστὴν Διὸς σωτῆρος, ἀγαθοῦ δαίμονος.
tit 71	ΣΙΚΕΛΙΚΟΣ
71	οἷον ἀγοράζειν πάντα, μηδὲ ἓν δ’ ἔχειν, εἰ μὴ κικίννους ἀξίους λίτραιν δυοῖν.
t,post 71	ΣΤΡΑΤΙΩΤΗΣ
tit,ante 72	ΣΥΝΑΠΟΘΝΗΙΣΚΟΝΤΕΣ	564
tit 72	ΣΥΝΤΡΟΦΟΙ
72	ἀγαθὸς βαφεὺς ἔνεστιν ἐν τῷ παιδίῳ· ταυτὶ γὰρ ἡμῖν δευσοποιὰ παντελῶς τὰ σπάργαν’ ἀποδέδειχεν.
tit 73-77	ΣΥΝΩΡΙΣ
73	ἄριστ’ ἀπαλλάττεις ἐπὶ τούτου τοῦ κύβου. Β. ἀστεῖος εἶ. δραχμὴν ὑπόθες. Α. κεῖται πάλαι. πῶς ἂν βάλοιμ’ Εὐριπίδην; Β. οὐκ ἄν ποτε Εὐριπίδης γυναῖκα σώσει’. οὐχ ὁρᾷς
5	ἐν ταῖς τραγῳδίαισιν αὐτὰς ὡς στυγεῖ; τοὺς δὲ παρασίτους ἠγάπα. λέγει γέ τοι ‘ἀνὴρ γὰρ ὅστις εὖ βίον κεκτημένος μὴ τοὐλάχιστον τρεῖς ἀσυμβόλους τρέφει, ὄλοιτο, νόστου μή ποτ’ εἰς πάτραν τυχών.‘
10	Α. πόθεν ἐστὶ ταῦτα, πρὸς θεῶν; Α. τί δέ σοι μέλει;
10	οὐ γὰρ τὸ δρᾶμα, τὸν δὲ νοῦν σκοπούμεθα.	565
74-75	ὀργίζεται; παράσιτος ὢν ὀργίζεται; Β. οὐκ ἀλλ’ ἀλείψας τὴν τράπεζαν τῇ χολῇ ὥσπερ τὰ παιδί’ αὑτὸν ἀπογαλακτιεῖ
3	. . . . . . . . . . . . τότε φάγοις, παράσιθ’. Β. ὅρα
5	ὡς διασέσυρκε τὴν τέχνην· οὐκ οἶσθ’ ὅτι μετὰ τὸν κιθαρῳδὸν ὁ παράσιτος κρίνεται;
76	ἕλκ’ ἐς μέσον τὸν φιμὸν ὡς ἂν ἐμβάλῃ.	566
77	ἐχηνίασας. ποιοῦσι τοῦτο πάντες οἱ παρὰ Τιμοθέῳ.
tit,ante 78	ΣΦΑΤΤΟΜΕΝΟΣ
tit 78	ΣΧΕΔΙΑ
78	θᾶττον πλέκειν κέλευε πόρκων πυκνοτέρους.
tit 79	ΤΕΛΕΣΙΑΣ
79	τράγημα, μυρτίδες, πλακοῦς, ἀμύγδαλα.
79	Β. ἐγὼ δὲ ταῦθ’ ἥδιστά γ’ ἐπιδορπίζομαι.	567
tit,ante 80	ΤΗΘΗ
tit 80	ΤΙΘΡΑΥΣΤΗΣ
80	πρίστις, τραγέλαφος, βατιάκη, λαβρώνιος. Β. ἀνδραπόδι’ ἤδη ταῦθ’, ὁρᾷς; Α. ἥκιστά γε, ἐκπωμάτων δ’ ὀνόματα. Β. πρὸς τῆς Ἑστίας; Α. ὁ λαβρώνιος χρυσῶν δέ, παῖδες, εἴκοσιν.
tit 81-82	ΦΙΛΑΔΕΛΦΟΣ
81	ἀνέψυξα
82	ὀξίνην οἶνον
tit 83	ΦΡΕΑΡ	568
83	πολιὸς τεχνίτης ἐστὶν ὁ χρόνος, ὦ ξένε· χαίρει μεταπλάττων πάντας ἐπὶ τὰ χείρονα.
tit 84	ΧΡΥΣΟΧΟΟΣ
84	διακύψας ὁρῶ διὰ τῆς ὀπαίας κεραμίδος καλὴν σφόδρα.
tit,ante 85	....ΠΕΥΤΑΙ
tit 85-132	ΑΔΗΛΩΝ ΔΡΑΜΑΤΩΝ
86	ὦ πᾶσι τοῖς φρονοῦσι προσφιλέστατε Διόνυσε καὶ σοφώταθ’, ὡς ἡδύς τις εἶ· ὃς τὸν ταπεινὸν μέγα φρονεῖν ποιεῖς μόνος, τὸν τὰς ὀφρῦς αἴροντα συμπείθεις γελᾶν,
5	τόν τ’ ἀσθενῆ τολμᾶν τι, τὸν δειλὸν θρασύν.	569
87	οὐκ ἔστιν οὐδὲν τεχνίον ἐξωλέστερον τοῦ πορνοβοσκοῦ . . . . . . . κατὰ τὴν ὁδὸν πωλεῖν περιπατῶν βούλομαι ῥόδα, ῥαφανῖδας, θερμοκυάμους, στέμφυλα,
5	ἁπλῶς ἅπαντα μᾶλλον ἢ ταύτας τρέφειν.
88	οὐκ ἔστι βίος ὃς οὐχὶ κέκτηται κακά, λύπας, μερίμνας, ἁρπαγάς, στρέβλας, νόσους· τούτων ὁ θάνατος καθάπερ ἰατρὸς φανεὶς ἀπέλυσε τοὺς ἔχοντας ἀναπαύσας ὕπνῳ.
89	ἓν ὀνάριον ἐξ ἀγροῦ μοι καταβαίνει καθ’ ἕκαστον ἐνιαυτὸν ἀγαπητῶς ὥσπερ κανοῦν μοι πάντ’ ἐνεσκευασμένον, σπονδήν, ὀλάς, ἔλαιον, ἰσχάδας, μέλι.
90	παρατίθημ’ ὁλοσχερῆ
90	ἄρν’ ἐς μέσον σύμπτυκτον, ὠνθυλευμένον, χοιρίδια περιφόρινα κρομβώσας ὅλα· δούρειον ἐπάγω χῆνα τῷ φυσήματι.	570
91	ἣν οὐδ’ ὁ πατὴρ ἐφίλησεν οὐδεπώποτε, παρ’ ἧς τὸν ἄρτον ἡ κύων οὐ λαμβάνει, μέλαινα δ’ οὕτως ὥστε καὶ ποιεῖν σκότος.
92	ὅστις γὰρ αὐτὸς αὑτὸν οὐκ αἰσχύνεται συνειδόθ’ αὑτῷ φαῦλα διαπεπραγμένῳ, πῶς τόν γε μηδὲν εἰδότ’ αἰσχυνθήσεται;
93	εἰ τοῦ πατρὸς δόξαιμι κρεῖττόν σοι λέγειν, ἐμαυτὸν ἀδικῶ κοὐκέτ’ εἰμὶ θεοσεβής,
93	ὅτι τὸν κατασπείραντα λυπῶ κοὐ φιλῶ.	571
94	εἰ μὴ τὸ λαβεῖν ἦν, οὐδὲ εἷς πονηρὸς ἦν. φιλαργυρία τοῦτ’ ἔστιν, ὅταν ἀφεὶς σκοπεῖν τὰ δίκαια τοῦ κέρδους διὰ παντὸς δοῦλος ᾖς.
95	τέρπομαι γυμνοὺς ὁρῶν τοὺς ὀξυπείνους καὶ πρὸ τῶν καιρῶν ἀεὶ πάντ’ εἰδέναι σπεύδοντας.
96	δειπνεῖ τε καταδὺς πῶς δοκεῖς; λακωνικῶς, ὄξους δὲ κοτύλην— Β. πάξ. Α. τί πάξ; ὀξὶς μέτρον χωρεῖ τοσοῦτο τῶν Κλεωναίων.
97	αὐλὰς θεραπεύειν δ’ ἐστίν, ὡς ἐμοὶ δοκεῖ,
97	ἢ φυγάδος ἢ πεινῶντος ἢ μαστιγίου.	572
98	ἐν ἡμέραισιν αὐτὸν ἑπτά σοι, γέρον, θέλω παρασχεῖν ἢ κολοκύντην ἢ κρίνον.
99	ἆρ’ ἐστὶν ἀνοητότατον αἰσχροκερδία· πρὸς τῷ λαβεῖν γὰρ ὢν ὁ νοῦς τἄλλ’ οὐχ ὁρᾷ.
100	ἔργον συναγαγεῖν σωρὸν ἐν πολλῷ χρόνῳ, ἐν ἡμέρᾳ δὲ διαφορῆσαι ῥᾴδιον.
101	ὅρκος δ’ ἑταίρας ταὐτὸ καὶ δημηγόρου· ἑκάτερος αὐτῶν ὀμνύει πρὸς ὃν λαλεῖ.
102	ἀνδρὸς φίλου καὶ συγγενοῦς γὰρ οἰκίαν αὑτοῦ νομίζειν δεῖ τὸν ὀρθῶς εὐγενῆ.
103	ἰσχυρότερον κρίνω τὸ χρυσίον πολύ·
103	τὰ πάντα τούτῳ τέμνεται καὶ πράττεται.	573
104	πένητος ἀνδρὸς οὐδὲν εὐτυχέστερον· τὴν ἐπὶ τὸ χεῖρον μεταβολὴν οὐ προσδοκᾷ.
105	πενία δὲ συγκραθεῖσα δυσσεβεῖ τρόπῳ ἄρδην ἀνεῖλε καὶ κατέστρεψεν βίον.
105a	πενία δὲ τοῖς ἔχουσιν οὐ σμικρὰ νόσος. πενίας γὰρ οὐδείς ἐστι μείζων πολέμιος.
106	ἄνθρωπός εἰμι, τοῦτο δ’ αὐτὸ τῷ βίῳ πρόφασιν μεγίστην εἰς τὸ λυπεῖσθαι φέρει.
107	ὥσπερ κυαθίζους’ ἐνίοθ’ ἡμῖν ἡ τύχη
107	ἓν ἀγαθὸν ὑποχέασα τρί’ ἐπαντλεῖ κακά.	574
108	ὡς δεινὸν ἡνίκ’ ἄν τις ὢν ἐν φροντίσιν εἰκῆ θεατὴν τὸν τυχόντα λαμβάνῃ.
109-110	βέβαιον οὐδέν ἐστιν ἐν θνητῷ βίῳ. βιοῖ γὰρ οὐδεὶς ὃν προαιρεῖται τρόπον.
111ab	οὐκ ἔστ’ ἀναιδοῦς ζῷον εὐθαρσέστερον. κακὴ γὰρ αἰδὼς ἔνθα τἀναιδὲς κρατεῖ.
112	καιρῷ τιθέμενον κέρδος ὡς καρπὸν φέρει.
113	ἂν γνῷς τί ἐστ’ ἄνθρωπος, ἡδίων ἔσει.
114	ὡς μακάριον φρόνησις ἐν χρηστῷ τρόπῳ.	575
115	γυναικὸς ἀγαθῆς ἐπιτυχεῖν οὐ ῥᾴδιον.
116	θνητὸς πεφυκὼς μὴ εὐλαβοῦ τεθνηκέναι.
117	λύπης δὲ πάσης γίνετ’ ἰατρὸς χρόνος.
118	εὐμετάβολός ἐστιν ἀνθρώπων βίος.
119	παχὺς ὠνθυλευμένος στέατι Σικελικῷ
120	τὸ μὲν Ἄργος ἵππος, οἱ δ’ ἐνοικοῦντες λύκοι.
121	ᾠῶν δ’ ἐν αὐτῇ διέτρεχεν νεόττια.	576
122	μόνος γὰρ ἦν λέγων ἄκουσμα κἀκρόαμα.
123	καὶ πόδα βόειον οὐδὲ εἷς ὀπτᾷ.
126	Προιτίδας ἁγνίζων κούρας καὶ τὸν πατέρ’ αὐτῶν Προῖτον Ἀβαντιάδην, καὶ γραῦν πέμπτην ἐπὶ τοῖσδε,
126	δᾳδὶ μιᾷ σκίλλῃ τε μιᾷ, τόσα σώματα φωτῶν, θείῳ τ’ ἀσφάλτῳ τε πολυφλοίσβῳ τε θαλάσσῃ	577
5	ἐξ ἀκαλαρρείταο βαθυρρόου Ὠκεανοῖο. ἀλλὰ μάκαρ Ἀὴρ διὰ τῶν νεφέων διάπεμψον Ἀντικύραν, ἵνα τόνδε κόριν κηφῆνα ποιήσω.
127	γρυμέα
128	θυροκοπεῖν καὶ θυροκοπία
129	νεκρόν	578
130	περίδου
131	πολιτοκοπεῖν
132	στρηνιᾶν
tit 133-138	ΑΜΦΙΣΒΗΤΗΣΙΜΑ ΚΑΙ ΨΕΥΔΕΠΙΓΡΑΦΑ
133	γαστὴρ ὅλον τὸ σῶμα, πανταχῇ βλέπων ὀφθαλμός, ἕρπον τοῖς ὀδοῦσι θηρίον.
134	λαμπρῶς ἐνίοτε ζῶσιν, οἷς χαλεπώτερον τοῦ περιποιήσασθαί τι τὸ φυλάξαι βίον.
135	ὃς δ’ οὔτ’ ἐρυθριᾶν οἶδεν οὔτε δεδιέναι,
135	τὰ πρῶτα πάσης τῆς ἀναιδείας ἔχει.	579
136	κόρης ἀπαλλαττόμεθα ταμιείου πικροῦ.	580

tit 1-2

1

2

tit 3-4

3

4

tit 5-9

5

6

7

8

tit,ante 10

tit 10

tit 11

tit 12-13

12

13

tit 14

14

tit 15-16

16

tit 17-19

17

18

19

tit 20-21

20

21

tit 22

22

tit 23-24

23

24

tit 25

tit 26

26

tit 27

27

tit 28-29

29

tit 30

30

tit 31

31

tit 32-37

32

33

34

35

36

tit 38-39

38

tit 40

40

tit 41

41

tit 42

42

tit,ante 43

tit 43-45

43

44

45

tit 46

46

tit 47

tit 48

48

tit 49-50

49

tit 51-52

51

52

tit,ante 53

tit 53

53

tit 54

54

tit 55

55