TLG 0410 002 :: ANTIPHANES :: Fragmenta

ANTIPHANES Comic.
(4 B.C.)

Fragmenta

Source: Meineke, A. (ed.), Fragmenta comicorum Graecorum, vol. 3. Berlin: Reimer, 1840 (repr. Berlin: De Gruyter, 1970): 3–13, 15–27, 29–30, 32–36, 39–41, 43–59, 61–64, 66–106, 108–112, 114–126, 128–157.

Citation: Play — fragment — (line)

Agr

tit

ΑΓΡΟΙΚΟΣ.

Agr

1

Καὶ πρῶτα μὲν αἴρω ποθεινὴν μᾶζαν, ἣν φερέσβιος Δηὼ βροτοῖσι χάρμα δωρεῖται φίλον· ἔπειτα πνικτὰ τακερὰ μηκάδων μέλη,
5χλόην καταμπέχοντα, σάρκα νεογενῆ.
Β. τί λέγεις; Α. τραγῳδίαν περαίνω Σοφοκλέους.3

Agr

2

Ἔστιν δ’ ἑταίρα τῷ τρέφοντι συμφορά· εὐφραίνεται γὰρ κακὸν ἔχων οἴκοι μέγα.

Agr

3

Ὡς δὴ σὺ τί ποιεῖν δυνάμενος ὀρτυγίου ψυχὴν ἔχων;

Agr

4

Ὅλην μύσας ἔκπινε. Β. μέγα τὸ φορτίον.
Α. οὐχ ὅστις αὐτῆς ἐστιν ἐμπείρως ἔχων.4

Agr

5

Ἁρμόδιος ἐπεκαλεῖτο, παιὰν ᾔδετο, μεγάλην Διὸς σωτῆρος ἄκατον ἦρέ τις.

Agr

6

Κραμβίδιον ἑφθὸν χάριεν ἀστεῖον πάνυ.

Agr

7

Ῥαγδαῖος, ἄμαχος, πρᾶγμα μεῖζον ἢ δοκεῖς.5

Ade

tit

ΑΔΕΛΦΑΙ.

Ado

tit

ΑΔΩΝΙΣ.6

Ath

tit

ΑΘΑΜΑΣ.

Ath

1

Χλαμύδα καὶ λόγχην ἔχων, ἀξυνακόλουθος, ξηρός, αὐτολήκυθος.

Aig

tit

ΑΙΓΥΠΤΙΟΙ.

Aio

tit

ΑΙΟΛΟΣ.

Aio

1

Μακαρεὺς ἔρωτι τῶν ὁμοσπόρων μιᾶς
πληγείς, τέως μὲν ἐπεκράτει τῆς συμφορᾶς κατεῖχέ θ’ αὑτόν· εἶτα παραλαβών ποτε οἶνον στρατηγόν, ὃς μόνος θνητοῖς ἄγει7
5τὴν τόλμαν εἰς τὸ πρόσθε τῆς εὐβουλίας, νύκτωρ ἀναστὰς ἔτυχεν ὧν ἐβούλετο.

Aio

2

Τοῦτον οὖν δι’ οἰνοφλυγίαν καὶ πάχος τοῦ σώματος
ἀσκὸν καλοῦσι πάντες οὑπιχώριοι.8

Ake

tit

ΑΚΕΣΤΡΙΑ.

Ake

1

Κρέα δὲ τίνος ἥδιστ’ ἂν ἐσθίοις; Β. τίνος; εἰς εὐτέλειαν. τῶν προβάτων μὲν οἷς ἔνι μήτ’ ἔρια μήτε τυρός. Α. ἀρνός, φίλτατε. Β. τῶν δ’ αἰγιδίων κατὰ ταὔθ’ ἃ μὴ τυρὸν ποιεῖ.
5Α. ἐρίφου. Β. διὰ τὴν ἐπικαρπίαν γὰρ τῶν ἁδρῶν
ταῦτ’ ἐσθίων τὰ φαῦλ’ ἀνέχομαι.9

Ake

2

Τῆς οἰκίας τὸ κλισίον, ὃ πρότερόν ποτ’ ἦν τοῖς ἐξ ἀγροῦ βουσὶ σταθμός
καὶ τοῖς ὄνοις, πεποίηκεν ἐγραστήριον.10

Ako

tit

ΑΚΟΝΤΙΖΟΜΕΝΗ.

Ako

1

Γείτων ἐστί τις κάπηλος. οὗτος εὐθύς, ὅταν ἔλθω ποτέ διψῶσα, μόνος οἶδ’ ὥς γ’ ἐμοὶ κεράννυται, οὔθ’ ὑδαρὲς οὔτ’ ἄκρατον. οἶδα δ’ ἐγώ ποτε
5πιοῦσα.

Alei

tit

ΑΛΕΙΠΤΡΙΑ.

Alei

1

Ἐὰν δὲ τοὐργαστήριον ποιῆτε περιβόητον, κατασκεδῶ, νὴ τὴν φίλην Δήμητρα, τὴν μεγίστην ἀρύταιναν ὑμῶν ἐκ μέσου βάψασα τοῦ λέβητος ζέοντος ὕδατος· εἰ δὲ μή, μηδέποθ’ ὕδωρ πίοιμι
5ἐλευθέριον.11

Hal

tit

ΑΛΙΕΥΟΜΕΝΗ.

Hal

1

Τὰς σηπίας δὸς πρῶτον. Ἡράκλεις ἄναξ, ἅπαντα τεθολώκασιν. οὐ βαλεῖς πάλιν εἰς τὴν θάλατταν καὶ πλυνεῖς; μὴ φῶσί σε, Δωριάς, ἀλούτους σηπίας εἰληφέναι.
5τὸν κάραβον δὲ τόνδε πρὸς τὰς μαινίδας ἀπόδος· παχύς γε, νὴ Δί’. Ὦ Ζεῦ τίς ποτε, ὦ Καλλιμέδων, σὲ κατέδετ’ ἄρτι τῶν φίλων; οὐδεὶς ὃς ἂν μὴ κατατιθῇ τὰς συμβολάς. ὑμᾶς δ’ ἔταξα δεῦρο πρὸς τὰ δεξιά
10τρίγλας, ἔδεσμα τοῦ καλοῦ Καλλισθένους·
κατεσθίει γοῦν ἐπὶ μιᾷ τὴν οὐσίαν. καὶ τὸν Σινώπης γόγγρον ἤδη παχυτέρας ἔχοντ’ ἀκάνθας τουτονὶ τίς λήψεται πρῶτος προσελθών; Μισγόλας γὰρ οὐ πάνυ12
15τούτων ἐδεστής. ἀλλὰ κίθαρος οὑτοσί, ὃν ἂν ἴδῃ τὰς χεῖρας οὐκ ἀφέξεται. καὶ μὴν ἀληθῶς τοῖς κιθαρῳδοῖς ὡς σφόδρα ἅπασιν οὗτος ἐπιπεφυκὼς λανθάνει. ἀνδρῶν δ’ ἄριστον κωβιὸν πηδῶντ’ ἔτι
20πρὸς Πυθιονίκην τὴν καλὴν πέμψαι με δεῖ· ἁδρὸς γάρ ἐστιν. ἀλλ’ ὅμως οὐ γεύσεται· ἐπὶ τὸ τάριχός ἐστιν ὡρμηκυῖα γάρ. ἀφύας δὲ λεπτὰς τάσδε καὶ τὴν τρυγόνα
χωρὶς Θεανοῖ δεῦρ’ ἔθηκ’ ἀντιρρόπους.13

Alk

tit

ΑΛΚΗΣΤΙΣ.

Alk

1

Ἐπὶ τὸ καινουργεῖν φέρου,
οὕτως, ἐκείνως, τοῦτο γιγνώσκων ὅτι ἓν καινὸν ἐγχείρημα, κἂν τολμηρὸν ᾖ, πολλῶν παλαιῶν ἐστι χρησιμώτερον.15

Ana

tit

ΑΝΑΣΩΖΟΜΕΝΟΙ.

And

tit

ΑΝΔΡΟΜΕΔΑ.16

Antai

tit

ΑΝΤΑΙΟΣ.

Antai

1

Ὦ τᾶν, κατανοεῖς τίς ποτ’ ἐστὶν οὑτοσί ὁ γέρων; Β. ἀπὸ τῆς μὲν ὄψεως Ἑλληνικός· λευκὴ χλανίς, φαιὸς χιτωνίσκος καλός, πιλίδιον ἁπαλόν, εὔρυθμος βακτηρία,
5βαιὰ τράπεζα· τί μακρὰ δεῖ λέγειν; ὅλως
αὐτὴν ὁρᾶν γὰρ τὴν Ἀκαδημίαν δοκῶ.17

Antei

tit

ΑΝΤΕΙΑ.

Antei

1

Ἐν ταῖς σπυρίσι δὲ τί ποτ’ ἔνεστι, φίλτατε; Β. ἐν ταῖς τρισὶν μὲν χόνδρος ἀγαθὸς Μεγαρικός. Α. οὐ Θετταλικὸν τὸν χρηστὸν εἶναί φασι δέ; Β. * * * * * τῆς Φοινίκης * * * *
5σεμίδαλις, ἐκ πολλῆς σφόδρ’ ἐξηττημένη.

Antei

2

Πρὸς τῷ μυροπώλῃ γενόμενον κατελίμπανον αὐτὸν περὶ μύρον * * * * * * * * * * * * μέλλει τε συνθείς σοι φέρειν
τὰ κινναμώμινα ταῦτα καὶ τὰ νάρδινα.18

Antei

3

Ταῖς δ’ ἐνδυταῖς στολαῖσι τετραγῳδημέναις, σκελέαις, τιάραις.

Anter

tit

ΑΝΤΕΡΩΣΑ.

Apo

tit

ΑΠΟΚΑΡΤΕΡΩΝ.19

Ark

tit

ΑΡΚΑΣ.

Ark

1

Οὔτε γὰρ νήφοντα δεῖ οὐδαμοῦ, πάτερ, παροινεῖν, οὔθ’ ὅταν πίνειν δέῃ νοῦν ἔχειν. ὅστις δὲ μεῖζον ἢ κατ’ ἄνθρωπον φρονεῖ * * * μικρῷ πεποιθὼς ἀθλίῳ νομίσματι,
5εἰς ἄφοδον ἐλθὼν ὅμοιον πᾶσιν αὑτὸν ὄψεται, ἂν σκοπῇ τὰ τῶν ἰατρῶν τοῦ βίου τεκμήρια τὰς φλέβας θ’ ὅποι φέρονται, τὰς ἄνω καὶ τὰς κάτω
τεταμένας, δι’ ὧν ὁ θνητὸς πᾶς κυβερνᾶται βίος.20

Arg

tit

ΑΡΓΥΡΙΟΥ ΑΦΑΝΙΣΜΟΣ.

Arg

1

Καὶ τότε περιπατήσεις κἀπονίψει κατὰ τρόπον τὰς χεῖρας, εὐώδη λαβὼν τὴν γῆν.

Archi

tit

ΑΡΧΙΣΤΡΑΤΗ.

Archi

1

Τίς δ’ ἐγχέλειον ἂν φάγοι ἢ κρανίον σινόδοντος;

Har

tit

ΑΡΠΑΖΟΜΕΝΗ.

Har

1

Λαβὼν ἐπανάξω σύαγρον εἰς τὴν οἰκίαν
τῆς νυκτὸς αὐτῆς καὶ λέοντα καὶ λύκον.21

Archo

tit

ΑΡΧΩΝ.

Archo

1

Ἐν Λακεδαίμονι γέγονας; ἐκείνων τῶν νόμων μεθεκτέον ἐστίν. βάδιζ’ ἐπὶ δεῖπνον εἰς τὰ φιλίτια, ἀπόλαυε τοῦ ζωμοῦ, ῥόφει, τοὺς βύστακας
5μὴ καταφρόνει, μηδ’ ἕτερ’ ἐπιζήτει καλά,
ἐν τοῖς δ’ ἐκείνων ἔθεσιν ἴσθ’ ἀρχαϊκός.22

Ask

tit

ΑΣΚΛΗΠΙΟΣ.

Ask

1

Τὴν δὲ γραῦν τὴν ἀσθενοῦσαν πάνυ πάλαι, τὴν βρυτικήν, ῥιζίον τρίψας τι μικρὸν δελεάσας τε γεννικῇ
τὸ μέγεθος κοίλῃ λεπάστῃ τοῦτ’ ἐποίης’ ἐκπιεῖν.23

Aso

tit

ΑΣΩΤΟΙ.

Aulete

tit

ΑΥΛΗΤΗΣ.

Aulete

1

Ποίαν, φράσον γάρ, ᾖδε τὴν συναυλίαν ταύτην; ἐπίσταται γάρ, ἀλλ’ ηὔλουν ἔτι μαθόντες, ὥστε τοὺς αὐλοὺς σύ τε αὐτὴ τελετῆ ψεθείθαμεν συντυγχάνεις
5αὐλῶν πέραινε. δέξεται δὲ τἄλλα σοι. ἡδύ τι κοινόν ἐστιν, οὗ χωρὶς πάλιν συννεύματ’ οὐ προβλήμαθ’ οἷς σημαίνεται
ἕκαστα.24

Auletr

tit

ΑΥΛΗΤΡΙΣ Η ΔΙΔΥΜΑΙ.

Auletr

1

Ὁ μὲν Μενέλεως ἐπολέμης’ ἔτη δέκα τοῖς Τρωσὶ διὰ γυναῖκα τὴν ὄψιν καλήν, Φοινικίδης δὲ Ταυρέᾳ δι’ ἔγχελυν.

Aut

tit

ΑΥΤΟΥ ΕΡΩΝ.

Aut

1

Τροφαλίδας τε λινοσάρκους, μανθάνεις; τυρὸν λέγω.25

Aphrodis

tit

ΑΦΡΟΔΙΣΙΟΣ.

Aphrodis

1

Α. Πότερ’, ὅταν μέλλω λέγειν σοι τὴν χύτραν, χύτραν
1
λέγω, ἢ τροχοῦ ῥύμαισι τευκτὸν κοιλοσώματον κύτος πλαστὸν ἐκ γαίης, ἐν ἄλλῃ μητρὸς ὀπτηθὲν στέγῃ, νεογενοῦς ποίμνης δ’ ἐν αὑτῇ πνικτὰ γαλατοθρέμμονα
5τακεροχρῶτ’ εἴδη κύουσαν; Β. Ἡράκλεις, ἀποκτενεῖς
ἆρά μ’, εἰ μὴ γνωρίμως μοι πάνυ φράσεις κρεῶν χύτραν. Α. εὖ λέγεις. ξουθῆς μελίσσης νάμασιν δὲ συμμιγῆ μηκάδων αἰγῶν ἀπόρρουν θρόμβον, ἐγκαθήμενον εἰς πλατὺ στέγαστρον ἁγνῆς παρθένου Δηοῦς κόρης,26
10λεπτοσυνθέτοις τρυφῶντα μυρίοις καλύμμασιν; ἢ σαφῶς πλακοῦντα φράζω σοι; Β. πλακοῦντα βού‐
11
λομαν. Α. Βρομιάδος δ’ ἱδρῶτα πηγῆς; Β. οἶνον εἰπὲ συν‐
12
τεμών. Α. λιβάδα νυμφαίαν δροσώδη; Β. παραλιπὼν ὕδωρ
13
φάθι. Α. κασιόπνουν δ’ αὔραν δι’ αἴθρας; Β. σμύρναν εἰπέ,
14μὴ μακράν,
15μηδὲ τοιοῦτ’ ἄλλο μηδέν, μηδὲ τοὔμπαλιν λέγων, ὅτι δοκεῖ τοῦτ’ ἔργον εἶναι μεῖζον, ὥς φασίν τινες,
αὐτὸ μὲν μηδέν, παρ’ αὐτὸ δ’ ἄλλα συστρέφειν πυκνά.27

Aphrodis

2

Πενθεῖν δὲ μετρίως τοὺς προσήκοντας φίλους· οὐ γὰρ τεθνᾶσιν, ἀλλὰ τὴν αὐτὴν ὁδόν, ἣν πᾶσιν ἐλθεῖν ἔστ’ ἀναγκαίως ἔχον, προεληλύθασιν. εἶτα χἡμεῖς ὕστερον
5εἰς ταὐτὸ καταγωγεῖον αὐτοῖς ἥξομεν, κοινῇ τὸν ἄλλον συνδιατρίψοντες χρόνον.

Aphrodit

tit

ΑΦΡΟΔΙΤΗΣ ΓΟΝΑΙ.

Aphrodit

1

Τονδὶ λέγω, σὺ δ’ οὐ συνίης· κότταβος τὸ λυχνίον ἐστί. πρόσεχε τὸν νοῦν· ᾠὰ μὲν καὶ πέμμα καὶ τράγημα νικητήριον. Β. περὶ τοῦ; γελοῖον. κοτταβιεῖτε τίνα τρόπον;
5Α. ἐγὼ διδάξω καθ’ ὅσον ἂν τὸν κότταβον ἀφεὶς ἐπὶ τὴν πλάστιγγα ποιήσῃ πεσεῖν— Β. πλάστιγγα ποίαν; Γ. τοῦτο τοὐπικείμενον
ἄνω τὸ μικρόν, τὸ πινακίσκιον, λέγει. τοῦτ’ ἐστὶ πλάστιγξ. Α. οὗτος ὁ κρατῶν γίγνεται.29
10Β. πῶς δ’ εἴσεταί τις τοῦτ’; Α. ἐὰν θίγῃ μόνον αὐτῆς, ἐπὶ τὸν μάνην πεσεῖται καὶ ψόφος ἔσται πάνυ πολύς. Β. πρὸς θεῶν, τῷ κοττάβῳ πρόσεστι καὶ μάνης τις ὥσπερ οἰκέτης;
13* * * *
13 * * * * Β. Ὧι δεῖ λαβὼν τὸ ποτήριον δεῖξον νόμῳ.
15Α. αὐλητικῶς δεῖ καρκινοῦν τοὺς δακτύλους, οἶνόν τε μικρὸν ἐγχέαι, καὶ μὴ πολύν· ἔπειτ’ ἀφήσεις. Β. τίνα τρόπον; Α. δεῦρο βλέπε. τοιοῦτον. Β. ὦ Πόσειδον, ὡς ὑψοῦ σφόδρα. Α. οὕτω ποιήσεις. Β. ἀλλ’ ἐγὼ μὲν σφενδόνῃ
20οὐκ ἂν ἐφικοίμην αὐτός’. Α. ἀλλὰ μάνθανε.30

Bak

tit

ΒΑΚΧΑΙ.

Bak

1

Ἐπεὶ δὲ τοῦτ’ οὐκ ἔστι, κακοδαίμων σφόδρα ὅστις γαμεῖ γυναῖκα, πλὴν ἐν τοῖς Σκύθαις· ἐκεῖ μόνον γὰρ οὐχὶ φύετ’ ἄμπελος.

Bat

tit

ΒΑΤΑΛΟΣ.32

Boi

tit

ΒΟΙΩΤΙΑ.

Boi

1

Καὶ περὶ μὲν ὄψου γ’ ἠλίθιον τὸ καὶ λέγειν ὥσπερ πρὸς ἀπλήστους. ἀλλὰ ταυτὶ λάμβανε, παρθένε, τὰ μῆλα. Β. καλά γε. Α. καλὰ δῆτ’, ὦ θεοί· νεωστὶ γὰρ τὸ σπέρμα τοῦτ’ ἀφιγμένον
5εἰς τὰς Ἀθήνας ἐστὶ παρὰ τοῦ βασιλέως. Β. παρ’ Ἑσπερίδων, ᾤμην γε. Γ. νὴ τὴν Φωσφόρον, φησὶν τὰ χρυσᾶ μῆλα ταῦτ’ εἶναι. Β. τρία μόνον ἐστίν. Α. ὀλίγον ἐστὶ τὸ καλὸν πανταχοῦ
καὶ τίμιον.33

Boi

2

Ἐνεγκεῖν ἐξ ἀγροῦ μοι τῶν ῥοῶν τῶν σκληροκόκκων.

Boi

3

Καλέσας τε παρατίθησιν ἐν παροψίδι βολβούς.

Bom

tit

ΒΟΜΒΥΛΙΟΣ.

Bom

1

Ἀγγεῖον ἀλφιτήριον κόϊξ.34

Bom

3

Τὰς προσφόρους ἡμῖν τροφάς, σκορόδια, τυρόν, κρόμμυα, κάππαριν * * * πάντα ταῦτ’ ἐστὶν δραχμῆς.

Bous

tit

ΒΟΥΣΙΡΙΣ.

Bous

1

Βότρυς, ῥόας, φοίνικας, ἕτερα νώγαλα.35

Bout

tit

ΒΟΥΤΑΛΙΩΝ.

Bout

1

Α. Καὶ μὴν ἑστιάσω τήμερον ὑμᾶς ἐγώ· σὺ δ’ ἀγοράσεις ἡμῖν λαβών, Πίστ’, ἀργύριον. Β. ἄλλως γὰρ οὐκ ἐπίσταμαι χρηστῶς ἀγοράζειν. Α. φράζε δή, Φιλούμενε,
5ὄψῳ τίνι χαίρεις; Φ. πᾶσι. Α. καθ’ ἕκαστον λέγε, ἰχθὺν τίν’ ἡδέως φάγοις ἄν; Φ. εἰς ἀγρόν ἦλθεν φέρων πότ’ ἰχθυοπώλης μαινίδας καὶ τριγλίδας, καὶ νὴ Δί’ ἤρεσεν σφόδρα ἡμῖν ἅπασιν. Α. εἶτα καὶ νῦν, εἰπέ μοι,
10τούτων φάγοις ἄν; Φ. κἄν τις ἄλλος μικρὸς ᾖ· τοὺς γὰρ μεγάλους τούτους ἅπαντας νενόμικα ἀνθρωποφάγους ἰχθῦς. Α. τί φής, ὦ φίλτατε, ἀνθρωποφάγους; πῶς; Π. ὧν γ’ ἂν ἄνθρωπος φάγοι, δῆλον ὅτι. ταῦτα δ’ ἐστὶν Ἑλένης βρώματα,
15ἅ φησιν οὗτος, μαινίδας καὶ τριγλίδας.36

Byz

tit

ΒΥΖΑΝΤΙΟΣ.

Gam

tit

ΓΑΜΟΣ.

Gam

1

Κογχίον τε μικρὸν ἀλλᾶντός τε προστετμημένον.

Gam

2

Πατάνια, σεῦτλον, σίλφιον, χύτρας, λύχνους,
κορίαννα, κρόμμυ’, ἅλας, ἔλαιον, τρύβλιον.39

Gam

3

Ἐκτεμὼν χορδῆς μεσαῖον.

Gan

tit

ΓΑΝΥΜΗΔΗΣ.

Gan

1

Ὁρᾷς, ἐν τῇδε μὲν ὁ τῶν Φρυγῶν τύραννος οἰκῶν τυγχάνει,
γέρων ἀπ’ ὀργῆς, Λαομέδων καλούμενος.40

Gan

2

Οἴμοι περιπλοκὰς λίαν ἐρωτᾷς. Β. ἀλλ’ ἐγὼ σαφῶς φράσω. τῆς ἁρπαγῆς τοῦ παιδὸς εἰ ξύνοισθά τι, ταχέως λέγειν χρὴ πρὶν κρέμασθαι. Α. πότερά μοι
5γρῖφον προβάλλεις τοῦτον εἰπεῖν, δέσποτα, τῆς ἁρπαγῆς τοῦ παιδὸς εἰ ξύνοιδά τι, ἢ τί δύναται τὸ ῥηθέν; Β. ἔξω τις δότω ἱμάντα ταχέως. Α. οἷον οὐκ ἔγνων ἴσως. ἔπειτα τοῦτο ζημιοῖς με; μηδαμῶς·
10ἅλμης δ’ ἐχρῆν τι περιφέρειν ποτήριον. Β. οἶσθ’ οὖν ὅπως δεῖ τοῦτό ς’ ἐκπιεῖν; Α. ἐγὼ κομιδῆ γε. Β. πῶς; Α. ἐνέχυρον ἀποφέροντά σου. Β. οὐκ ἀλλ’ ὀπίσω τὼ χεῖρε ποιήσαντα δεῖ
ἕλκειν ἀπνευστί.41

Glau

tit

ΓΛΑΥΚΟΣ.

Gor

tit

ΓΟΡΓΥΘΟΣ.

Gor

1

Ἧττόν τ’ ἀποσταίην ἂν ὧν προειλόμην ἢ Καλλιμέδων γλαύκου πρόοιτ’ ἂν κρανίον.

Deu

tit

ΔΕΥΚΑΛΙΩΝ.

Deu

1

Τάριχος ἀντακαῖον εἴ τις βούλετ’ ἢ Γαδειρικόν, Βυζαντίας δὲ θυννίδος
ὀσμαῖσι χαίρει.43

Deu

2

Σησαμίδας ἢ μελίπηκτα ἢ τοιοῦτό τι.

Del

tit

ΔΗΛΙΑ.

Did

tit

ΔΙΔΥΜΟΙ.

Did

1

Ἀπέλαυσα πολλῶν καὶ καλῶν ἐδεσμάτων, πιών τε προπόσεις τρεῖς ἴσως ἢ τέτταρας ἐστρηνίων πως, καταβεβρωκὼς σιτία
ἴσως ἐλεφάντων τεττάρων.44

Did

2

Ὁ γὰρ παράσιτός ἐστιν, ἂν ὀρθῶς σκοπῇς, κοινωνὸς ἀμφοῖν, τῆς τύχης καὶ τοῦ βίου. οὐδεὶς παράσιτος εὔχετ’ ἀτυχεῖν τοὺς φίλους, τοὐναντίον δὲ πάντας εὐτυχεῖν ἀεί.
5ἔστιν πολυτελὴς τῷ βίῳ τις, οὐ φθονεῖ, μετέχειν δὲ τούτων εὔχετ’ αὐτῷ συμπαρών. κἀστὶν φίλος γενναῖος ἀσφαλής θ’ ἅμα, οὐ μάχιμος, οὐ πάροξυς, οὐχὶ βάσκανος, ὀργὴν ἐνεγκεῖν ἀγαθός· ἂν σκώπτῃς, γελᾷ·
10ἐρωτικός, γελοῖος, ἱλαρὸς τῷ τρόπῳ, πάλιν στρατιώτης ἀγαθὸς εἰς ὑπερβολήν, ἂν ᾖ τὸ σιτάρχημα δεῖπνον εὐτρεπές.

Did

3

Τὸ ποτήριόν μοι τὸ μέγα προσφέρει λαβών. ἐπεχεάμην ἄκρατον, οὐχὶ παιδίου, κυάθους θεῶν τε καὶ θεαινῶν μυρίους· ἔπειτ’ ἐπὶ τούτοις πᾶσι τῆς σεμνῆς θεᾶς,
5καὶ τοῦ γλυκυτάτου βασιλέως διμοιρίαν.45

Did

4

Οἰνογευστεῖ, περιπατεῖ ἐν τοῖς στεφάνοις.

Dip

tit

ΔΙΠΛΑΣΙΟΙ.

Dip

1

Α. Τί οὖν ἐνέσται τοῖς θεοῖσιν; Β. οὐδὲ ἕν, ἂν μὴ κεράσῃ τις. Α. ἴσχε, τὸν ᾠδὸν λάμβανε. ἔπειτα μηδὲν τῶν ἀπηρχαιωμένων τούτων περάνῃς, τὸν Τελαμῶνα, μηδὲ τὸν
5παιῶνα, μηδ’ Ἁρμόδιον.46

Dip

2

Οὐδεὶς πώποτε, ὦ δέσποτ’, ἀπέθαν’ ἀποθανεῖν πρόθυμος ὤν, τοὺς γλιχομένους δὲ ζῆν κατασπᾷ τοῦ σκέλους ἄκοντας ὁ Χάρων εἰς τὸ πορθμεῖόν τ’ ἄγει
5σιτιζομένους καὶ πάντ’ ἔχοντας ἀφθόνως.
ὁ δὲ λιμός ἐστιν ἀθανασίας φάρμακον.47

Dra

tit

ΔΡΑΠΕΤΑΓΩΓΟΣ.

Dra

1

Κοσμίως ποιῶν τὴν ἔνθεσιν μικρὰν μὲν ἐκ τοῦ πρόσθε, μεστὴν δ’ ἔνδοθεν τὴν χεῖρα, καθάπερ αἱ γυναῖκες, κατέφαγεν πάμπολλα καὶ ταχύτατα.

Dyse

tit

ΔΥΣΕΡΩΤΕΣ.

Dyse

1

Ἐκεῖσε διαπλέω ὅθεν διεσπάσθημεν, ἐρρῶσθαι λέγων ἅπασιν, ἵπποις, σιλφίῳ, συνωρίσιν,
καυλῷ, κέλησι; μασπέτοις, πυρετοῖς, ὀποῖς.48

Dysp

tit

ΔΥΣΠΡΑΤΟΣ.

Dysp

1

Ὁρᾶν τε κείμενα ἄμητας ἡμιβρῶτας ὀρνίθειά τε, ὧν οὐδὲ λειφθέντων θέμις δούλῳ φαγεῖν, ὥς φασιν αἱ γυναῖκες.

Dysp

2

Σικελῶν τε τέχναις ἡδυνθεῖσαι
δαιτὸς διαθρυμματίδες.49

Dod

tit

ΔΩΔΩΝΙΣ.

Dod

1

Πόθεν οἰκήτωρ; ἤ τις Ἰώνων τρυφεραμπεχόνων ἁβρὸς ἡδυπαθὴς ὄχλος ὥρμηται;

Epid

tit

ΕΠΙΔΑΥΡΙΟΣ.

Epid

1

Ἐπαίζομεν μὲν ἀρτίως τοῖς ἀστρίχοις.50

Epik

tit

ΕΠΙΚΛΗΡΟΣ.

Epik

1

Ὦ γῆρας, ὡς ἅπασιν ἀνθρώποισιν εἶ ποθεινόν, ὡς εὔδαιμον, εἶθ’ ὅταν παρῇς, ἀχθηρόν, ὡς μοχθηρόν, εὖ λέγει τέ σε οὐδείς, κακῶς δὲ πᾶς τις ὃς σοφῶς λέγει.

Euth

tit

ΕΥΘΥΔΙΚΟΣ.

Euth

1

 Ἔπειτα πουλύπους τετμημένος ἐν βατανίοισιν ἑφθός.

Euth

2

Ἐγὼ ξενιτευόμενος ἐστρατευόμην.

Euth

3

Πάνυ συχνὴ σφύραινα. Β. κέστραν ἀττικιστὶ δεῖ λέγειν.51

Eup

tit

ΕΥΠΛΟΙΑ.

Eup

1

Λύπη γὰρ ἀνθρώποισι καὶ τὸ ζῇν κακῶς ὥσπερ πονηρὼ ζωγράφω τὰ χρώματα πρώτιστον ἀφανίζουσιν ἐκ τοῦ σώματος.

Eph

tit

ΕΦΕΣΙΑ.

Eph

1

Δύστηνος ὅστις ζῇ θαλάττιον βίον· τῶν γὰρ πλεόντων ζητεῖν. στάδια ἑκατὸν ἐλθεῖν που δὴ κρεῖττον ἢ πλεῦσαι πλέθρον.
πλεῖς τὴν θάλατταν σχοινίων πωλουμένων;52

Eph

2

Ἐν γῇ πένεσθαι μᾶλλον ἢ πλουτοῦντα πλεῖν.53

Zak

tit

ΖΑΚΥΝΘΙΟΣ.

Zak

1

Εἶτ’ οὐ δικαίως εἰμὶ φιλογύνης ἐγὼ καὶ τὰς ἑταίρας ἡδέως πάσας ἔχω; τουτὶ γὰρ αὐτὸ πρῶτον ὃ σὺ ποιεῖς παθεῖν, μαλακαῖς καλαῖς τε χερσὶ τριφθῆναι πόδας,
5πῶς οὐχὶ σεμνόν ἐστι;

Zog

tit

ΖΩΓΡΑΦΟΣ.

Hen

tit

ΗΝΙΟΧΟΣ.

Hen

1

Ἀνδρὸς διαφέρει τοῦτ’ ἀνήρ· ὃ μὲν κακῶς πράττων τὸ λυποῦν ἤγαγ’ εἰς παράστασιν,
ὃ δ’ ἐμφρόνως δεξάμενος ἤνεγκεν καλῶς.54

Tha

tit

ΘΑΜΥΡΑΣ.

Tha

1

Καὶ σοῦ γ’ ἐπώνυμός τις ἐν φήμαις βροτῶν Θρῄκης κατάρδων ποταμὸς ὠνομασμένος, Στρυμών, μεγίστας ἐγχέλεις κεκτημένος.

The

tit

ΘΕΟΓΟΝΙΑ.55

Tho

tit

ΘΟΡΙΚΙΟΙ Η ΔΙΟΡΥΤΤΩΝ.

Tho

1

 Λοῦται δ’ ἀληθῶς; Β. ἀλλὰ τί; ἐκ χρυσοκολλήτου γε κάλπιδος μύρῳ Αἰγυπτίῳ μὲν τοὺς πόδας καὶ τὰ σκέλη, φοινικίνῳ δὲ τὰς γνάθους καὶ τιτθία,
5σισυμβρίνῳ δὲ τὸν ἕτερον βραχίονα, ἀμαρακίνῳ δὲ τὰς ὀφρῦς καὶ τὴν κόμην,
ἑρπυλλίνῳ δὲ τὸ γόνυ καὶ τὸν αὐχένα.56

Iat

tit

ΙΑΤΡΟΣ.

Iat

1

Ἅπαν τὸ λυποῦν ἐστιν ἀνθρώπῳ νόσος ὀνόματ’ ἔχουσα πολλά.

Hip

tit

ΙΠΠΕΙΣ.

Hip

1

Πῶς οὖν διαιτώμεσθα; Β. τὸ μὲν ἐφίππιον στρῶμ’ ἐστὶν ἡμῖν, ὁ δὲ καλὸς πῖλος καλὸς ψυκτήρ· τί βούλει; πάντ’, Ἀμαλθείας κέρας.

Hip

2

Τῶν δ’ ἀκοντίων
συνδοῦντες ὀρθὰ τρία λυχνείῳ χρώμεθα.57

Kai

tit

ΚΑΙΝΕΥΣ.

Kai

1

Εἰ τῇ δῆλος φιάλην Ἄρεος,
κατὰ Τιμόθεον, ξυστόν τε βέλος.58

Kare

tit

ΚΑΡΕΣ.

Kare

1

Οὐχ ὁρᾷς ὀρχούμενον ταῖς χερσὶ τὸν βάκηλον; οὐδ’ αἰσχύνεται ὁ τὸν Ἡράκλειτον πᾶσιν ἐξηγούμενος, ὁ τὴν Θεοδέκτου μόνος ἀνευρηκὼς τέχνην,
5ὁ τὰ κεφάλαια συγγράφων Εὐριπίδῃ.59

Kari

tit

ΚΑΡΙΝΗ.

Kari

1

Τρίποδα καὶ κάδον παραθέμενος ψυκτῆρά τ’ οἴνου * * μεθύσκεται.

Kari

2

(4)

Πότος ἔσται * *
5σφοδρότερος· οὐκοῦν, εἰ φράσαι τις, οὐκ ἔτι ἔξεστι κυαθίζειν γάρ * * * * τὸν δὲ κάδον ἔξω καὶ τὸ ποτήριον λαβὼν ἀπόφερε τἄλλα πάντα.

Kep

tit

ΚΗΠΟΥΡΟΣ.61

Kitharo

tit

ΚΙΘΑΡΩΙΔΟΣ.

Kitharo

1-2

Οὐ ψεῦδος οὐδέν φησιν.
1* * * * Ὀφθαλμὸν ὤρυττέν τις ὥσπερ ἰχθύος Μάτων προσελθών.

Kitharo

3

Εἰσδυόμενος εἰς πόρκον, ὅθεν ἔξω πάλιν οὐ ῥᾳδίως ἔξειμι τὴν αὐτὴν ὁδόν.

Kitharo

4

Στειλεάν,
ῥαφανῖδα, σικύους τέτταρας.62

Kithari

tit

ΚΙΘΑΡΙΣΤΗΣ.

Kithari

1

Οὐκ ἐφύσων οἱ Λάκωνες ὡς ἀπόρθητοί ποτε,
νῦν δ’ ὁμηρεύους’ ἔχοντες πορφυροῦς κεκρυφάλους;63

Kle

tit

ΚΛΕΟΦΑΝΗΣ.

Kle

1

Τὸ δὲ τυραννεῖν ἐστιν * ἢ τί ποτε τὸ σπουδαῖον; ἀκολουθεῖν ἐρεῖς ἐν τῷ Λυκείῳ μετὰ σοφιστῶν, νὴ Δία, λεπτῶν ἀσίτων συκίνων, λέγονθ’ ὅτι
5τὸ πρᾶγμα τοῦτ’ οὐκ ἔστιν εἴπερ γίγνεται· οὐδ’ ἔστι γάρ πω γιγνόμενον ὃ γίγνεται, οὐδ’ εἰ πρότερον ἦν, ἔστιν ὅ γε νῦν γίγνεται· ἔστιν γὰρ οὐκ ὂν οὐδέν· ὃ δὲ μὴ γέγονέ πω, οὐκ ἔστιν ὥσπερ γέγονεν, ὁ δὲ μὴ γέγονέ πω·
10ἐκ τοῦ γὰρ εἶναι γέγονεν· εἰ δ’ οὐκ ἦν ὅθεν, πῶς ἐγένετ’ ἐξ οὐκ ὄντος; οὐχ οἷόν τε γάρ. εἰ δ’ αὐτόθεν πη γέγονεν, οὐκ ἔσται * * κεἴποι δέ πω τις· εἴ ποθεν γενήσεται τοὐκ ὄν, εἰς οὐκ ὂν γὰρ οὐ δυνήσεται.
15ταυτὶ δ’ ὅ τι ἐστὶν οὐδ’ ἂν ἁπόλλων μάθοι.64

Kna

tit

ΚΝΑΦΕΥΣ.

Kna

1

Ὅστις τέχνην κατέδειξε πρῶτος τῶν θεῶν, οὗτος μέγιστον εὗρεν ἀνθρώποις κακόν· ὅταν γὰρ ἀπορῆταί τις, ἂν μὲν ἀργὸς ᾖ, ἐλθὼν ἀπεκινδύνευσεν ἡμέραν μίαν,
5ὥστ’ ἢ γεγονέναι λαμπρὸν ἢ τεθνηκέναι. ἡμεῖς δ’ ἔχοντες ἀρραβῶνα τὴν τέχνην τοῦ ζῆν, ἀεὶ πεινῶμεν ἐπὶ ταῖς ἐλπίσιν, ἐξόν τε μικρὸν διαπορηθῆναι χρόνον, τὸν βίον ἅπαντα τοῦτο δρᾶν αἱρούμεθα.

Knoi

tit

ΚΝΟΙΘΙΔΕΥΣ Η ΓΑΣΤΡΩΝ.

Knoi

1

Ἐγὼ πρότερον μὲν τοὺς κελεύοντας λέγειν γρίφους παρὰ πότον ᾠόμην ληρεῖν σαφῶς
λέγοντας οὐδέν· ὁπότε προστάττοιτό τις εἰπεῖν ἐφεξῆς ὅ τι φέρων τις μὴ φέρει,66
5ἐγέλων νομίζων λῆρον· οὐκ ἂν γενόμενον οὐδέποτέ γ’ ᾤμην πρᾶγμα παντελῶς λέγειν, ἐνέδρας δ’ ἕνεκα. νυνὶ δὲ τοῦτ’ ἔγνωχ’ ὅτι ἀληθὲς ἦν· φέρομεν γὰρ ἄνθρωποι δέκα ἔρανόν τιν’, οὐ φέρει δὲ τούτων τὴν φορὰν
10οὐδείς. σαφῶς οὖν ὅ τι φέρων τις μὴ φέρει, τοῦτ’ ἔστιν, ἦν θ’ ὁ γρῖφος ἐνταῦθα ῥέπων. καὶ τοῦτο μὲν δὴ κἄστι συγγνώμην ἔχον· ἀλλ’ οἷα λογοποιοῦσιν ἐν τῷ πράγματι οἱ τἀργύριον μὴ κατατιθέντες, ὡς σφόδρα
15Φίλιππος. ἆρ’ ἦν εὐτυχής τις νὴ Δία.67

Knoi

2

Ἄτοπόν γε κηρύττουσιν ἐν τοῖς ἰχθύσιν κήρυγμ’, ὅπου καὶ νῦν τις ἐκεκράγει μέγα μέλιτος γλυκυτέρας μεμβράδας φάσκων ἔχειν. εἰ τοῦτο τοιοῦτ’ ἐστίν, οὐδὲν κωλύει
5τοὺς μελιτοπώλας αὖ λέγειν βοᾶν θ’ ὅτι πωλοῦσι τὸ μέλι σαπρότερον τῶν μεμβράδων.

Kori

tit

ΚΟΡΙΝΘΙΑ.

Kori

1

Ἔπειτα κἀκροκώλιον ὕειον Ἀφροδίτῃ. Β. γελοῖον. Α. ἀγνοεῖς. ἐν τῇ Κύπρῳ δ’ οὕτω φιληδεῖ ταῖς ὑσίν, ὦ δέσποθ’, ὥστε σκατοφαγεῖν ἀπεῖρξε τὸ
5ζῷον * * * τοὺς δὲ βοῦς ἠνάγκασεν.68

Koro

tit

ΚΟΡΟΠΛΑΘΟΣ.

Koro

1

Γύναι, πρὸς αὐλὸν ἦλθες. ὀρχήσει πάλιν
τὴν ἴγδιν. τὴν θυΐαν ἀγνοεῖς;69

Kou

tit

ΚΟΥΡΙΣ.

Kou

1

Ἐλθών τε πρὸς τὸν τεμαχοπώλην περίμενε, παρ’ οὗ φέρειν εἴωθα· κἂν οὕτω τύχῃ, Εὔθυνος * * ἀπολοπίζων αὐτόθι χρηστόν τι περιμένων κέλευσόν μοι τεμεῖν.

Kou

2

Ὁ μὲν ἀγρῷ τρεφόμενος θαλάττιον . . οὗτος οὐδὲν ἐσθίει, πλὴν τῶν παρὰ γῆν, γόγγρον τιν’ ἢ νάρκην τιν’ ἢ θύννης τὰ πρὸς τῇ Β. ποῖα; Α. τὰ κάτωθεν λέγω.
5Β. τούτους φάγοις ἄν; Γ. τοὺς γὰρ ἄλλους νενόμικα ἀνθρωποφάγους ἰχθῦς. Α. τὸ δεῖνα δ’ ἐσθίεις;
τουτὶ κακόνωτα πλοῖα. Γ. Κωπᾷδας λέγεις. Β. ἀγρίως γε. Γ. παρὰ λίμνην γεωργῶν τυγχάνω· τὰ δ’ ἐγχέλεια γράψομαι λιποταξίου·70
10κομιδῆ γὰρ οὐκ ἦν οὐδαμοῦ71

Kyb

tit

ΚΥΒΕΥΤΑΙ.

Kyk

tit

ΚΥΚΛΩΨ.

Kyk

1

Ἔστω δ’ ὑμῖν κεστρεὺς τμητός, νάρκη πνικτή, πέρκη σχιστή, τευθὶς σακτή, συνόδων ὀπτός, γλαύκου προτομή, γόγγρου κεφαλή,
5βατράχου γαστήρ, θύννου λαγόνες, βατίδος νῶτον, κέστρας ὀσφύς, ψήττας κίσχος, μαινίς, καρίς, τρίγλη, φυκίς·
τῶν τοιούτων μηδὲν ἀπέστω.72

Kyk

2

Τῶν χερσαίων δ’ ὑμῖν ἥξει παρ’ ἐμοῦ ταυτί· βοῦς ἀγελαῖος, τράγος ἠλιβάτας, αἲξ οὐρανία, κριὸς τομίας,
5κάπρος ἐκτομίας, ὗς οὐ τομίας, δέλφαξ, δασύπους, ἔριφοι, * * τυρὸς χλωρός, τυρὸς ξηρός, τυρὸς κοπτός, τυρὸς ξυστός,
τυρὸς τμητός, τυρὸς πηκτός.73

Kory

tit

ΚΩΡΥΚΟΣ.

Kory

1

Ἐν ὅσῳ δ’ ἀκροῶμαί σου, κέλευσόν μοί τινα φέρειν ἀπονίψασθαι. Β. δότω τις δεῦρ’ ὕδωρ
καὶ σμῆμα.74

Kory

2

Τῶν θαλαττίων δ’ ἀεὶ ὄψων ἓν ἔχομεν, διὰ τέλους δὲ τοῦθ’, ἅλας. * * * * ἐπὶ δὲ τούτοις πίνομεν οἰνάριον εἶδος, νὴ Δί’, οἰκίας τρόπον
5Πόσειδος οἷον τοῖς παροῦσι συμφέρει ἁπαξάπασιν ὀξυβάφῳ ποτηρίῳ.

Kory

3

Πρῶτον μὲν ὥσπερ πυθαγορίζων ἐσθίει ἔμψυχον οὐδέν, τῆς δὲ πλείστης τοὐβολοῦ
μάζης μελαγχρῆ μερίδα λαμβάνων λέπει.75

Lampa

tit

ΛΑΜΠΑΣ.

Lampa

1

Τράπεζα φυστημινεὶς ἀλλὰ μὴν δαίμονος ἀγαθοῦ μετάνιπτρον, ἐντραγεῖν, σπονδή, κρότος.

Lampo

tit

ΛΑΜΠΩΝ.

Lampo

1

Κεστρεῖς ἔχων ἄλλους στρατιώτας τυγχάνεις
νήστεις.76

Lampo

2

Ὁ δεῖν’ Ἰᾶπυξ, κέρασον εὐζωρέστερον.

Lep

tit

ΛΕΠΤΙΝΙΣΚΟΣ.

Lep

1

Οἶνον Θάσιον πίνοις ἄν; Β. εἴ τις ἐγχέαι. Α. πρὸς ἀμυγδάλας δὲ πῶς ἔχεις; Β. εἰρηνικῶς. μαλακὰς σφόδρα, δι’ ἃς μέλιτι προσπαίζειν βία. Α. μελίπηκτα δ’ εἴ σοι προσφέροι; Β. τρώγοιμι καὶ
5ᾠὸν δὲ καταπίνοιμ’ ἄν. Α. ἄλλου δεῖ τινος;77

Leu

tit

ΛΕΥΚΑΔΙΟΣ.

Leu

1

Ἀστάφιδος, ἁλῶν, σιραίου, σιλφίου, τυροῦ, θύμου, σησάμου, νίτρου, κυμίνου, ῥοῦ, μέλιτος, ὀριγάνου, βατανίων, ὄξους, ἐλαῶν, εἰς ἀβυρτάκην χλόης, καππάριδος, ᾠῶν, ταρίχους, καρδάμων, θρίων, ὀποῦ.

Leu

2

Ἐνταῦθ’ ἀναρίστητος εὐθὺς κιθαριεῖ.78

Leo

tit

ΛΕΩΝΙΔΗΣ.

Leo

1

Ἀλλὰ πρὶν δεδειπνάναι ἡμᾶς παρέσται.

Lem

tit

ΛΗΜΝΙΑΙ.

Lem

1

Παρετέθη τρίπους πλακοῦντα χρηστόν, ὦ πολυτίμητοι θεοί, ἔχων ἐν ἀργυρῷ τε τρυβλίῳ μέλι.

Lem

2

Εἶτ’ ἔστιν ἢ γένοιτ’ ἂν ἡδίων τέχνη, ἢ πρόσοδος ἄλλη τοῦ κολακεύειν εὐφυῶς; ὁ ζωγράφος πονεῖ τι καὶ πικραίνεται, ὁ γεωργὸς ἐν ὅσοις ἐστὶ κινδύνοις πάλιν.
5πρόσεστι πᾶσιν ἐπιμέλεια καὶ πόνος. ἡμῖν δὲ μετὰ γέλωτος ὁ βίος καὶ τρυφῆς· οὗ γὰρ τὸ μέγιστον ἔργον ἐστὶ παιδιά, ἁδρὸν γελάσαι, σκῶψαί τιν’, ἐκπιεῖν πολύν,
οὐχ ἡδύ; ἐμοὶ μὲν μετὰ τὸ πλουτεῖν δεύτερον.79

Lyd

tit

ΛΥΔΟΣ.

Lyd

1

Κολχὶς ἄνθρωπος πάροινος.

Lyk

tit

ΛΥΚΩΝ.

Lyk

1

Καὶ τἄλλα δεινούς φασι τοὺς Αἰγυπτίους εἶναι τὸ νομίσαι τ’ ἰσόθεον τὴν ἔγχελυν· πολὺ τῶν θεῶν γάρ ἐστι τιμιωτέρα· τῶν μὲν γὰρ εὐξαμένοισιν ἔσθ’ ἡμῖν τυχεῖν,
5τούτων δὲ δραχμὰς τοὐλάχιστον δώδεκα ἢ πλέον ἀναλώσασιν ὀσφρέσθαι μόνον.
οὕτως ἔσθ’ ἅγιον παντελῶς τὸ θηρίον.80

Mal

tit

ΜΑΛΘΑΚΗ.

Mal

1

Ἔρχεται, μετέρχεθ’ αὕτη, προσέρχετ’, οὐ μετέρχεται, ἥκει, πάρεστι, ῥύπτεται, προσέρχεται, σμῆται, κτενίζετ’, ἐκβέβηκε, τρίβεται,
5λοῦται, σκοπεῖται, στέλλεται, μυρίζεται,
κοσμεῖτ’, ἀλείφετ’· ἂν δ’ ἔχῃ τι ἀπάγχεται.81

Mei

tit

ΜΕΙΛΑΝΙΩΝ.

Mei

1

Τοῦτον ἐγὼ κρίνω μετανιπτρίδα τῆς Ὑγιείας πίνειν ζωροτέρῳ χρώμενον οἰνοχόῳ.

Mele

tit

ΜΕΛΕΑΓΡΟΣ.

Mele

1

Ἀσκοπυτίνην τινα
δίψους ἀρωγόν.82

Meli

tit

ΜΕΛΙΤΤΑ.

Meli

1

Ἐπὶ χρήμασιν δ’ ὢν ἔμπορος φρονεῖ μέγα, ὧν ἐστι πάντων ἐνίοτ’ ἄνεμος κύριος.

Met

tit

ΜΕΤΟΙΚΟΣ.

Met

1

Προσέλαβον ἐλθὼν τουτονὶ τραπεζοποιόν, ὃς πλυνεῖ σκεύη, λύχνους ἑτοιμάσει, σπονδὰς ποιήσει, τἄλλ’ ὅσα
τούτῳ προσήκει.83

Med

tit

ΜΗΔΕΙΑ.

Med

1

Ἦν χιτὼν ἀμόργινος, ἕτερος δὲ περιηγητός ἐστιν οὑτοσί.

Metra

tit

ΜΗΤΡΑΓΥΡΤΗΣ.

Metra

1

Τήν τε παῖδ’ ἀλείμματα παρὰ τῆς θεοῦ λαβοῦσαν εἶτα τοὺς πόδας ἐκέλευ’ ἀλείφειν πρῶτον, εἶτα τὰ γόνατα. ὡς θᾶττον ἡ παῖς δ’ ἥψατ’ αὐτοῦ τῶν ποδῶν
5ἔτριψέ τ’, ἀνεπήδησεν.84

Metro

tit

ΜΗΤΡΟΦΩΝ.

Mid

tit

ΜΙΔΩΝ.

Min

tit

ΜΙΝΩΣ.

Mis

tit

ΜΙΣΟΠΟΝΗΡΟΣ.

Mis

1

Εἶτ’ οὐ σοφοὶ δῆτ’ εἰσὶν οἱ Σκύθαι σφόδρα, οἳ γενομένοισιν εὐθέως τοῖς παιδίοις
διδόασιν ἵππων καὶ βοῶν πίνειν γάλα; οὐ μὰ Δία τιτθὰς εἰσάγουσι βασκάνους,85
5καὶ παιδαγωγοὺς αὖθις, ὧν μεῖζον [κακὸν οὐκ ἔστιν οὐδέν, μετά] γε μαίας νὴ Δία· αὗται δ’ ὑπερβάλλουσι, μετά γε νὴ Δία τοὺς μητραγυρτοῦντάς γε· πολὺ γὰρ αὖ γένος μιαρώτατον τοῦτ’ ἐστίν, εἰ μὴ νὴ Δία
10τοὺς ἰχθυοπώλας βουλεταί γέ τις λέγειν, μετά γε τοὺς τραπεζίτας· ἔθνος
τούτου γὰρ οὐδέν ἐστιν ἐξωλέστερον.86

Mne

tit

ΜΝΗΜΑΤΑ.

Mne

1

Τῶν Πυθαγορικῶν δ’ ἔτυχον ἄθλιοί τινες ἐν τῇ χαράδρᾳ τρώγοντες ἅλιμα καὶ κακὰ τοιαῦτα συλλέγοντες ἐν τῷ κωρύκῳ.

Moi

tit

ΜΟΙΧΟΙ.

Moi

1

Οὐκ ἔστιν οὐδὲν θηρίον τῶν ἰχθύων ἀτυχέστερον· τῷ μὴ γὰρ ἀποχρῆν ἀποθανεῖν αὐτοῖς ἁλοῦσιν, εἶτα κατεδηδεσμένοις εὐθὺς ταφῆναι, παραδοθέντες ἄθλιοι
5τοῖς ἰχθυοπώλαις τοῖς κακῶς ἀπολουμένοις
σήπονθ’, ἕωλοι κείμενοι δύ’ ἡμέρας ἢ τρεῖς· μόλις δ’ ἐάν ποτ’ ὠνητὴν τυφλὸν λάβωσιν, ἔδωκαν τῶν νεκρῶν ἀναίρεσιν τούτῳ· κομίσας δ’ ἐξέβαλεν * * οἴκαδε,87
10τὴν πεῖραν ἐν τῇ ῥινὶ τῆς ὀσμῆς λαβών.

Myl

tit

ΜΥΛΩΝ.

Mys

tit

ΜΥΣΤΙΣ.

Mys

1

Σὺ δ’ ἀλλὰ πῖθι. Β. τοῦτο μέν σοι πείσομαι
καὶ γὰρ ἐπαγωγόν, ὦ θεοί, τὸ σχῆμά πως τῆς κύλικός ἐστιν ἄξιόν τε τοῦ κλέους τοῦ τῆς ἑορτῆς. οὗ μὲν ἦμεν ἄρτι γὰρ88
5ἐξ ὀξυβαφίων κεραμέων ἐπίνομεν· τούτῳ δέ, τέκνον, πολλὰ κἀγάθ’ οἱ θεοὶ τῷ δημιουργῷ δοῖεν, ὃς ἐποίησέ σε, τῆς συμμετρίας καὶ τῆς ἀφελείας οὕνεκα.

Mys

2

Ταῖς εὐτελείαις οἱ θεοὶ χαίρουσι γάρ· τεκμήριον δ’ ὅταν γὰρ ἑκατόμβας τινὲς
θύωσιν, ἐπὶ τούτοις ἅπασιν ὕστατος πάντων καὶ λιβανωτὸς ἐπετέθη,89
5ὡς τἄλλα μὲν τὰ πολλὰ παραναλούμενα δαπάνην ματαίαν οὖσαν αὐτῶν οὕνεκα, τὸ δὲ μικρὸν αὐτὸ τοῦτ’ ἀρεστὸν τοῖς θεοῖς.

Mys

3

Βούλει καὶ σύ, φιλτάτη, πιεῖν; Β. καλῶς ἔχοιμι. Α. τοιγαροῦν φέρε·
μέχρι γὰρ τριῶν δεῖν φασὶ τιμᾶν τοὺς θεούς.90

Nea

tit

ΝΕΑΝΙΣΚΟΙ.

Nea

1

Ἐγὼ τέως μὲν ᾠόμην τὰς Γοργόνας εἶναί τι λογοποίημα, πρὸς ἀγορὰν δ’ ὅταν ἔλθω πεπίστευκ’· ἐμβλέπων γὰρ αὐτόθι τοῖς ἰχθυοπώλαις, λίθινος εὐθὺς γίγνομαι,
5ὥστ’ ἐξ ἀνάγκης ἔστ’ ἀποστραφέντι μοι λαλεῖν πρὸς αὐτούς· ἂν ἴδω γὰρ ἡλίκον ἰχθὺν ὅσου τιμῶσι, πήγνυμαι σαφῶς.

Nea

2

Ὁ πλοῦτός ἐστι παρακάλυμμα τῶν κακῶν, ὦ μῆτερ, ἡ πενία δὲ περιφανές τε καὶ ταπεινόν.

Neo

tit

ΝΕΟΤΤΙΣ.

Neo

1

Παῖς ὢν μετ’ ἀδελφῆς εἰς Ἀθήνας ἐνθάδε
ἀφικόμην ἀχθεὶς ὑπό τινος ἐμπόρου, Σύρος τὸ γένος ὤν· περιτυχὼν δ’ ἡμῖν ὁδὶ κηρυττομένοις ὀβολοστάτης ὢν ἐπρίατο,91
5ἄνθρωπος ἀνυπέρβλητος εἰς πονηρίαν, τοιοῦτος οἷος μηδὲν εἰς τὴν οἰκίαν μηδ’ ὧν ὁ Πυθαγόρας ἐκεῖνος ἤσθιεν ὁ τρισμακαρίτης, εἰσφέρειν ἔξω θύμου.

Neo

2

Ὁ δεσπότης δὲ πάντα τὰ παρὰ τοῦ πατρὸς ἀπέλαβεν ὥσπερ ἔλαβεν. Β. ἠγάπησεν ἂν
τὸ ῥῆμα τοῦτο παραλαβὼν Δημοσθένης.92

Obr

tit

ΟΒΡΙΜΟΣ.

Obr

1

Ἂν κελεύῃ με σταθμοῦχος— Β. ἦ σταθμοῦχος δ’ ἔστι τίς; ἀποπνίξεις δέ με καινὴν πρός με διάλεκτον λαλῶν.
Α. εἴ τι τάττοι μοι στέγαρχος—93

Oin

tit

ΟΙΝΟΜΑΟΣ Η ΠΕΛΟΨ.

Oin

1

Τί δ’ ἂν Ἕλληνες μικροτράπεζοι φυλλοτρῶγες δράσειαν; ὅπου τέτταρα λήψει κρέα μίκρ’ ὀβολοῦ. παρὰ δ’ ἡμετέροις προγόνοισιν ὅλους
5βοῦς ὤπτων, σῦς, ἐλάφους, ἄρνας· τὸ τελευταῖον δ’ ὁ μάγειρος ὅλον τέρας ὀπτήσας μεγάλῳ βασιλεῖ θερμὴν παρέθηκε κάμηλον.

Homoi

tit

ΟΜΟΙΟΙ.

Homoi

1

Εἶτ’ ἐπεισῆγεν χορείαν ἢ τράπεζαν δευτέραν,
καὶ παρέθηκε γέμουσαν πέμμασι παντοδαποῖς. ὡς δ’ ἐδείπνησαν, συνάψαι βούλομαι γὰρ τἀν μέσῳ, καὶ Διὸς σωτῆρος ἦλθε θηρίκλειον ὄργανον,94
5τῆς τρυφερᾶς ἀπὸ Λέσβου σεμνοπότου σταγόνος πλῆρες, ἀφρίζον, ἕκαστος δεξιτερᾷ δ’ ἔλαβεν.

Homoi

2

Εὖ δ’ ἐγίγνεθ’ ὅτι φακῆν
ἕψειν μ’ ἐδίδασκε τῶν ἐπιχωρίων τις εἷς.95

Homop

tit

ΟΜΟΠΑΤΡΙΟΙ.

Homop

1

Ἐν Ἡλίου μέν φασι γίγνεσθαι πόλει φοίνικας, ἐν Ἀθήναις δὲ γλαῦκας, ἡ Κύπρος ἔχει πελείας διαφόρους, ἡ δ’ ἐν Σάμῳ Ἥρα τὸ χρυσοῦν, φασίν, ὀρνίθων γένος,
5τοὺς καλλιμόρφους καὶ περιβλέπτους ταὧς.

Omph

tit

ΟΜΦΑΛΗ.

Omph

1

Πῶς γὰρ ἄν τις εὐγενὴς γεγὼς δύναιτ’ ἂν ἐξελθεῖν ποτ’ ἐκ τῆσδε στέγης; ὁρῶν μὲν ἄρτους λευκοσωμάτους ἰπνὸν καταμπέχοντας ἐν πυκναῖς διεξόδοις,
5ὁρῶν δὲ μορφὴν κριβάνοις ἠλλαγμένους, μίμημα χειρὸς ἀττικῆς, οὓς δημόταις
Θεαρίων ἔδειξεν.96

Omph

2

Ἐν χύτρᾳ δέ μοι ὅπως ὕδωρ ἕψοντα μηδέν’ ὄψομαι· οὐ γὰρ κακὸν ἔχω μηδ’ ἔχοιμ’· ἐὰν δ’ ἄρα στρέφῃ με περὶ τὴν γαστέρ’ ἢ τὸν ὀμφαλόν,
5παρὰ Φερτάτου δακτύλιός ἐστί μοι δραχμῆς.

Omph

3

Οὐ φιλοτάριχος οὐδαμῶς εἰμ’, ὦ κόρη.97

Homon

tit

ΟΜΩΝΥΜΟΙ.

Homon

1

Οἷα δ’ ἡ χώρα φέρει διαφέροντα πάσης, Ἱππόνικε, τῆς οἰκουμένης, τὸ μέλι, τοὺς ἄρτους, τὰ σῦκα. Β. σῦκα μὲν νὴ τὸν Δία πάνυ φέρει. Α. βοσκήματ’, ἔρια, μύρτα, θύμα, πυρούς,
4ὕδωρ,
5ὥστε καὶ γνοίην ἂν εὐθὺς Ἀττικὸν πίνων ὕδωρ.

Orph

tit

ΟΡΦΕΥΣ.

Orph

1

Βύστραν τιν’ ἐκ φύλλων τινῶν.98

Pai

tit

ΠΑΙΔΕΡΑΣΤΗΣ.

Pai

1

Τῆς τε βελτίστης μεσαῖον θυννάδος Βυζαντίας τέμαχος ἐν τεύτλου λακιστοῖς κρύπτεται στεγάσμασιν.

Para

tit

ΠΑΡΑΣΙΤΟΣ.

Para

1

Ἄλλος ἐπὶ τούτῳ μέγας ἥξει τις ἰσοτράπεζος εὐγενής. Β. τίνα λέγεις; Α. Καρύστου θρέμμα, γηγενής, ζέων. Β. εἶτ’ οὐκ ἂν εἴποις; ὕπαγε. Α. κάκκαβον λέγω.
5σὺ δ’ ἴσως ἂν εἴποις λοπάδ’. Β. ἐμοὶ δὲ τοὔνομα οἴει διαφέρειν, εἴτε κάκκαβόν τινες χαίρουσιν ὀνομάζοντες εἴτε σίττυβον;
πλὴν ὅτι λέγεις ἀγγεῖον οἶδα.99

Para

2

Χοιρίων σκέλη καπύρ’. Β. ἀστεῖόν γε νὴ τὴν Ἑστίαν ἄριστον. Α. ἑφθὸς τυρὸς ἐπεδόνει πολύς.

Para

3

Τάριχος ἀντακαῖον ἐν μέσῳ
πῖον, ὁλόλευκον, θερμόν.100

Para

4

Ἐγὼ περὶ τὴν ὀψωνίαν μὲν οὐ πάνυ ἐσπούδακ’, οὐδ’ αὖ συνέτεμον λίαν πάνυ, ὡς ἄν τις ἄλλως ἐξενεχθεῖσιν ὅπου τοῦ διαβάλοι κραιπάλην ἑλληνικῶς.

Para

5

Οἷα δ’ ἐστὶν οἶσθα σὺ γύναι; σκόροδα, τυρός, πλακοῦντες, πράγματα ἐλευθέρι’, οὐ τάριχος, οὐδ’ ἡδύσμασιν ἄρνεια καταπεπλησμέν’, οὐδὲ θρυμματίς
5τεταραγμένη καὶ λοπάδες, ἀνθρώπων φθοραί. καὶ μὴν ῥαφάνους γ’ ἕψουσι λιπαράς, ὦ θεοί,
ἔτνος θ’ ἅμ’ αὐτοῖς πίσινον.101

Pare

tit

ΠΑΡΕΚΔΙΔΟΜΕΝΗ.

Pare

1

Ὄμνυμι δ’ ὑμῖν, ἄνδρες, αὐτὸν τὸν θεόν ἐξ οὗ τὸ μεθύειν πᾶσιν ὑμῖν γίγνεται, ἦ μὴν ἑλέσθαι τοῦτον ἂν ζῆν τὸν βίον ἢ τὴν Σελεύκου τοῦ βασιλέως ὑπεροχήν.
5ῥοφεῖν φακῆν ἐσθ’ ἡδὺ μὴ δεδοικότα,
μαλακῶς καθεύδειν ἄθλιον δεδοικότα.102

Paroi

tit

ΠΑΡΟΙΜΙΑΙ.

Paroi

1

Ἐγὼ γὰρ ἂν εἰ τῶν ὑμετέρων φάγοιμί τι, μύκητας ὠμοὺς ἂν φαγεῖν ἐμοὶ δοκῶ καὶ στρυφνὰ μῆλα κεἴ τι πνίγει βρῶμά τι.

Paroi

2

Στῖμιν, κάτοπτρα, κρωβύλους, κεκρυφάλους.

Plou

tit

ΠΛΟΥΣΙΟΙ.

Plou

1

Εὔθυνος δ’ ἔχων σανδάλια καὶ σφραγῖδα καὶ μεμυρισμένος
τῶν πραγμάτων οὐκ οἶδ’ ὅ τι ἐλογίζετο Φοινικίδης δὲ Ταυρέας θ’ ὁ φίλτατος,103
5ἄνδρες πάλαι ὀψοφάγοι τοιοῦτοί τινες, οἷοι καταβροχθίζειν ἐν ἀγορᾷ τὰ τεμάχη, ὁρῶντες ἐξέθνησκον ἐπὶ τῷ πράγματι, ἔφερόν τε δεινῶς τὴν ἀνοψίαν πάνυ. κύκλους δὲ συναγείροντες ἔλεγον ἂν τάδε,
10ὡς οὐ βιωτόν ἐστιν οἰδ’ ἀνασχετόν τῆς μὲν θαλάττης ἀντιποιεῖσθαί τινας ὑμῶν ἀναλίσκειν τε πολλὰ χρήματα, ὄψου δὲ μηδὲν μήποτ’ εἰσπλεῖν μηδὲ γρῦ. τί οὖν ὄφελος τῶν νησιαρχῶν ἐστι; δεῖ
15νόμῳ κατακλεῖσαι τοῦτο, παραπομπὴν ποιεῖν τῶν ἰχθύων. νυνὶ δὲ Μάτων συνήρπακεν τοὺς ἁλιέας, καὶ Διογείτων νὴ Δία ἅπαντας ἀναπέπεικεν ὡς αὑτὸν φέρειν, κοὐ δημοτικόν γε τοῦτο δρᾷ τοιαῦτα φλῶν.
20γάμοι δ’ ἐκείνοις καὶ πότοι νεανικοί
ἦσαν.104

Poi

tit

ΠΟΙΗΣΙΣ.

Poi

1

Μακάριόν ἐστιν ἡ τραγῳδία ποίημα κατὰ πάντ’, εἴ γε πρῶτον οἱ λόγοι ὑπὸ τῶν θεατῶν εἰσιν ἐγνωρισμένοι, πρὶν καί τιν’ εἰπεῖν· ὡς ὑπομνῆσαι μόνον
5δεῖ τὸν ποιητήν· Οἰδίπουν γὰρ ἂν μόνον φῶ, τἄλλα πάντ’ ἴσασιν· ὁ πατὴρ Λάϊος, μήτηρ Ἰοκάστη, θυγατέρες, παῖδες τίνες, τί πείσεθ’ οὗτος, τί πεποίηκεν. ἂν πάλιν εἴπῃ τις Ἀλκμαίωνα, καὶ τὰ παιδία105
10πάντ’ εὐθὺς εἴρηχ’, ὅτι μανεὶς ἀπέκτονεν τὴν μητέρ’, ἀγανακτῶν δ’ Ἄδραστος εὐθέως ἥξει πάλιν τ’ ἄπεισι * * * * ἔπειθ’ ὅταν μηδὲν δύνωντ’ εἰπεῖν ἔτι, κομιδῇ δ’ ἀπειρήκωσιν ἐν τοῖς δράμασιν,
15αἴρουσιν ὥσπερ δάκτυλον τὴν μηχανήν, καὶ τοῖς θεωμένοισιν ἀποχρώντως ἔχει. ἡμῖν δὲ ταῦτ’ οὐκ ἔστιν, ἀλλὰ πάντα δεῖ εὑρεῖν, ὀνόματα καινά, τὰ διῳκημένα πρότερον, τὰ νῦν παρόντα, τὴν καταστροφήν,
20τὴν εἰσβολήν. ἂν ἕν τι τούτων παραλίπῃ Χρέμης τις ἢ Φείδων τις ἐκσυρίττεται·
Πηλεῖ δὲ ταῦτ’ ἔξεστι καὶ Τεύκρῳ ποιεῖν.106

Pon

tit

ΠΟΝΤΙΚΟΣ.

Pon

1

Ὅστις ὠψώνηκ’ ἴσως τούτους μεγαλείως ταῖς κάκιστ’ ἀπολουμέναις ὑπογάστρι’ ἐλθών, ὅσα Ποσειδῶν ἀπολέσαι. τάττειν τε γεννικῶς παρασκευάζεται
5πλευρὰν μετ’ αὐτῶν.

Proba

tit

ΠΡΟΒΑΤΕΥΣ.

Proba

1

Βοιώτιαι μὲν ἐγχέλεις, μῦς Ποντικοί, γλαῦκοι Μεγαρικοί, μαινίδες Καρύστιαι,
φάγροι δ’ Ἐρετρικοί, Σκύριοι δὲ κάραβοι.108

Probl

tit

ΠΡΟΒΛΗΜΑ.

Probl

1

Α. Ἰχθύσιν ἀμφίβληστρον ἀνὴρ πολλοῖς ἐπιβάλλων, οἰηθείς, μεγάλῃ δαπάνῃ μίαν εἵλκυσε πέρκην· καὶ ταύτην ψευσθεὶς ἄλλην κεστρεὺς ἴσον αὐτήν ἦγεν. βουλομένη δ’ ἕπεται πέρκη μελανούρῳ.
5Β. κεστρεύς, ἀνήρ, μελάνουρος, οὐκ οἶδ’ ὅ τι λέγεις· οὐδὲν λέγεις γάρ. Α. ἀλλ’ ἐγὼ σαφῶς φράσω. ἔστι τις ὃς τὰ μὲν ὄντα διδοὺς οὐκ οἶδε δεδωκώς οἷσι δέδωκ’, οὐδ’ αὐτὸς ἔχων ὧν οὐδὲν ἐδεῖτο. Β. διδούς τις οὐκ ἔδωκεν οὐδ’ ἔχων ἔχει;
10οὐκ οἶδα τούτων οὐδέν. Α. οὐκοῦν ταῦτα καὶ ὁ γρῖφος ἔλεγεν· ὅσα γὰρ οἶσθ’ οὐκ οἶσθα νῦν, οὐδ’ ὅσα δέδωκας, οὐδ’ ὅς’ ἀντ’ αὐτῶν ἔχεις. τοιοῦτο τοῦτ’ ἦν. Β. τοιγαροῦν κἀγώ τινα εἰπεῖν πρὸς ὑμᾶς βούλομαι γρῖφον. Α. λέγε.
15Β. πίννη καὶ τρίγλη φωνὰς ἰχθῦ δύ’ ἔχουσαι πόλλ’ ἐλάλουν, περὶ ὧν δὲ πρὸς ὅν τ’ ᾤοντο λέγειν τι οὐκ ἐλάλουν· οὐδὲν γὰρ ἐμάνθανεν, ὥστε πρὸς ὃν μέν ἦν αὐταῖς ὁ λόγος, πρὸς δ’ αὑτὰς πολλὰ λαλούσας
αὐτὰς ἀμφοτέρας ἡ Δημήτηρ ἐπιτρέψει.109

Prog

tit

ΠΡΟΓΟΝΟΙ.

Prog

1

Τὸν τρόπον μὲν οἶσθά μου ὅτι τῦφος οὐκ ἔνεστιν, ἀλλὰ τοῖς φίλοις τοιουτοσί τίς εἰμι, τύπτεσθαι μύδρος, τύπτειν κεραυνός, ἐκτυφλοῦν τιν’ ἀστραπή,
5φέρειν τίν’ ἄρας ἄνεμος, ἀποπνῖξαι βρόχος,
θύρας μοχλεύειν σεισμός, εἰσπηδᾶν ἀκρίς, δειπνεῖν ἄκλητος μυῖα, μὴ ’ξελθεῖν φρέαρ, ἄγχειν, φονεύειν, μαρτυρεῖν, ὅς’ ἂν μόνον τύχῃ τις εἰπών, ταῦτ’ ἀπροσκέπτως ποιεῖν110
10ἅπαντα. καὶ καλοῦσί μ’ οἱ νεώτεροι διὰ ταῦτα πάντα σκηπτόν· ἀλλ’ οὐδὲν μέλει τῶν σκωμμάτων μοι· τῶν φίλων γὰρ ὢν φίλος ἔργοισι χρηστὸς οὐ λόγοις ἔφυν μόνον.

Pyr

tit

ΠΥΡΑΥΝΟΣ.

Pyr

1

Ἐς κόρακας, ἥξω φέρων
δεῦρο τὸν Πάρνηθ’ ὅλον.111

Sap

tit

ΣΑΠΦΩ.

Sap

1

Σ. Ἔστι φύσις θήλεια βρέφη σώζους’ ὑπὸ κόλποις αὑτῆς, ὄντα δ’ ἄφωνα βοὴν ἵστησι γεγωνόν καὶ διὰ πόντιον οἶδμα καὶ ἠπείρου διὰ πάσης οἷς ἐθέλει θνητῶν, τοῖς δ’ οὐδὲ παροῦσιν ἀκούειν
5ἔξεστιν, κωφὴν δ’ ἀκοῆς αἴσθησιν ἔχουσιν.
5 * * * * Β. Ἡ μὲν φύσις γὰρ ἣν λέγεις ἐστὶν πόλις, βρέφη δ’ ἐν αὑτῇ διατρέφει τοὺς ῥήτορας. οὗτοι κεκραγότες δὲ τὰ διαπόντια τἀκ τῆς Ἀσίας καὶ τἀπὸ Θρᾴκης λήμματα
10ἕλκουσι δεῦρο, νεμομένων δὲ πλησίον αὐτῶν κάθηται λοιδορουμένων τ’ ἀεί ὁ δῆμος οὐδὲν οὔτ’ ἀκούων οὔθ’ ὁρῶν. Σ. πῶς γὰρ γένοιτ’ ἂν ὦ πάτερ ῥήτωρ * ἄφωνος, ἢν μὴ ἁλῷ τρὶς παρανόμων;
15Β. καὶ μὴν ἀκριβῶς ᾠόμην ἐγνωκέναι τὸ ῥηθέν· ἀλλὰ δὴ λέγε.
16 * * * * Σ. Θήλεια μέν νύν ἐστι φύσις ἐπιστολή, βρέφη δ’ ἐν αὑτῇ περιφέρει τὰ γράμματα· ἄφωνα δ’ ὄντα ταῦτα τοῖς πόρρω λαλεῖ
20οἷς βούλεθ’, ἕτερος δ’ ἂν τύχῃ τις πλησίον
ἑστὼς ἀναγιγνώσκοντος οὐκ ἀκούσεται.112

Skl

tit

ΣΚΛΗΡΙΑΙ.

Skl

1

Ἔστιν παρ’ αὐτὴν τὴν δίφορον συκῆν κάτω.

Sky

tit

ΣΚΥΘΑΙ Η ΤΑΥΡΟΙ.

Sky

1

Ἐπὶ κῶμον, εἰ δοκεῖ, ἴωμεν ὥσπερ ἔχομεν. Β. οὐκοῦν δᾷδα καὶ στεφάνους λαβόντες Χαιρεφῶν οὕτως * *
μεμάθηκε κωμάζειν ἄδειπνος.114

Sky

2

Ταχὺ γὰρ γίγνεται κἀκκλησιαστὴς οἰκόσιτος.

Sky

3

Σαράβαρα καὶ χιτῶνας πάντες ἐνδεδυκότες.

Str

tit

ΣΤΡΑΤΙΩΤΗΣ Η ΤΥΧΩΝ.

Str

1

Ὅστις ἄνθρωπος δὲ φύς
ἀσφαλές τι κτῆμ’ ὑπάρχειν τῷ βίῳ λογίζεται, πλεῖστον ἡμάρτηκεν· ἢ γὰρ εἰσφορά τις ἥρπακεν τἄνδοθεν πάντ’, ἢ δίκῃ τις περιπεσὼν ἀπώλετο,115
5ἢ στρατηγήσας προσῶφλεν, ἢ χορηγὸς αἱρεθείς ἱμάτια χρυσᾶ παρασχὼν τῷ χορῷ ῥάκος φορεῖ, ἢ τριηραρχῶν ἀπήγξατ’, ἢ πλέων ἥλωκέ ποι, ἢ βαδίζων ἢ καθεύδων κατακέκοφθ’ ὑπ’ οἰκετῶν. οὐ βέβαιον οὐδέν ἐστι, πλὴν ὅς’ ἂν καθ’ ἡμέραν
10εἰς ἑαυτὸν ἡδέως τις εἰσαναλίσκων τύχῃ. οὐδὲ ταῦτα σφόδρα τι· καὶ γὰρ τὴν τράπεζαν ἁρπάσαι κειμένην ἄν τις προσελθών· ἀλλ’ ὅταν τὴν ἔνθεσιν ἐντὸς ἤδη τῶν ὀδόντων τυγχάνῃς κατεσπακώς, τοῦτ’ ἐν ἀσφαλεῖ νόμιζε τῶν ὑπαρχόντων μόνον.

Str

2

Ἐν τῇ Κύπρῳ φής, εἰπέ μοι, διήγετε
πολὺν χρόνον; Β. τὸν πάνθ’ ἕως ἦν ὁ πόλεμος. Α. ἐν τίνι τόπῳ μάλιστα; λέγε γάρ. Β. ἐν Πάφῳ. οὗ πρᾶγμα τρυφερὸν διαφερόντως ἦν ἰδεῖν116
5ἄλλως τ’ ἄπιστον. Α. ποῖον; Β. ἐρριπίζετο ὑπὸ τῶν περιστερῶν, ὑπ’ ἄλλου δ’ οὐδενός, δειπνῶν ὁ βασιλεύς. Α. πῶς; ἐάσας τἄλλα γάρ ἐρήσομαί σε τοῦτο· πῶς; Β. ἠλείφετο ἐκ τῆς Συρίας ἥκοντι τοιούτῳ μύρῳ
10καρποῦ σύχν’ οἷόν φασι τὰς περιστεράς τρώγειν. διὰ τὴν ὀσμὴν δὲ τούτου πετόμεναι παρῆσαν, οἷαί τ’ ἦσαν ἐπικαθιζάνειν ἐπὶ τὴν κεφαλήν· παῖδες δὲ παρακαθήμενοι ἐσόβουν. ἐπαίρουσαι δὲ μικρόν, οὐ πολύ,
15τοῦ μήτ’ ἐκεῖσε μήτε δεῦρο παντελῶς, οὕτως ἀνερρίπιζον, ὥστε σύμμετρον αὐτῷ τὸ πνεῦμα, μὴ περίσκληρον, ποιεῖν.

Str

3

Τῶν ταὧν μὲν ὡς ἅπαξ τις ζεῦγος ἤγαγεν μόνον,
σπάνιον ὂν τὸ χρῆμα, πλείους εἰσὶ νῦν τῶν ὀρτύγων, χρηστὸν ἄνθρωπον δ’ ἐάν τις ἕνα μόνον ζητῶν ἴδῃ, ὄψετ’ ἐκ τούτου πονηροὺς πέντε παῖδας γεγονότας.117

Str

4

Ἐκ τῶν μαγειρείων βαδίζων ἐμβαλὼν εἰς τοὔψον.

Tim

tit

ΤΙΜΩΝ.

Tim

1

Ἥκω πολυτελῶς ἀγοράσας εἰς τοὺς γάμους, λιβανωτὸν ὀβολοῦ τοῖς θεοῖς καὶ ταῖς θεαῖς πάσαισι, τοῖς δ’ ἥρωσι τὰ ψαίστ’ ἀπονέμων. ἡμῖν δὲ τοῖς θνητοῖς ἐπριάμην κωβιούς.
5ὡς προσβαλεῖν δ’ ἐκέλευσα τὸν τοιχωρύχον, τὸν ἰχθυοπώλην, Προστίθημι, φησί, σοί τὸν δῆμον αὐτῶν· εἰσὶ γὰρ Φαληρικοί. ἄλλοι δ’ ἐπώλουν, ὡς ἔοικ’, Ὀτρυνικούς.118

Trau

tit

ΤΡΑΥΜΑΤΙΑΣ.

Trau

1

Μὴ μεστὰς ἀεί ἕλκωμεν, ἀλλὰ καὶ λογισμὸς εἰς μέσον παταξάτω τις, καί τι καὶ μελίσκιον, στροφὴ λόγων παρελθέτω τις. ἡδύ τοι
5ἐστὶν μεταβολὴ παντὸς ἔργου πλὴν ἑνός.
5* * * *
* * * Παραδίδου δ’ ἑξῆς ἐμοὶ τὸν ἀρκεσίγυιον, ὡς ἔφασκ’ Εὐριπίδης. Α. Εὐριπίδης γὰρ τοῦτ’ ἔφασκεν; Β. ἀλλὰ τίς; Α. Φιλόξενος δήπουθεν. Β. οὐδὲν διαφέρει,119
10ὦ τᾶν· ἐλέγχεις μ’ ἕνεκα συλλαβῆς μιᾶς.

Trau

2

Κατεσκευασμένος λαμπρότατον ἰατρεῖον εὐχάλκοις πάνυ λουτηρίοισιν, ἐξαλείπτροις, κυλιχνίσιν,
σικύαισιν, ὑποθέτοισιν.120

Tri

tit

ΤΡΙΤΑΓΩΝΙΣΤΗΣ.

Tri

1

Πολύ γ’ ἐστὶ πάντων τῶν ποιητῶν διάφορος ὁ Φιλόξενος. πρώτιστα μὲν γὰρ ὀνόμασιν ἰδίοισι καὶ καινοῖσι χρῆται πανταχοῦ· ἔπειτα τὰ μέλη μεταβολαῖς καὶ χρώμασιν
5ὡς εὖ κέκραται. θεὸς ἐν ἀνθρώποισιν ἦν ἐκεῖνος, εἰδὼς τὴν ἀληθῶς μουσικήν· οἱ νῦν δὲ κισσόπλεκτα καὶ κρηναῖα καὶ ἀνθεσιπότατα μέλεα μελέοις ὀνόμασιν
ποιοῦσιν ἐμπλέκοντες ἀλλότρια μέλη.121

Tyr

tit

ΤΥΡΡΗΝΟΣ.

Tyr

1

Ἀρετὴ τὸ προῖκα τοῖς φίλοις ὑπηρετεῖν. Β. λέγεις ἔσεσθαι τὸν Τιθύμαλλον πλούσιον· εἰσπράξεται γὰρ μισθὸν ἐκ τοῦ σοῦ λόγου
παρ’ οἷς ἐδείπνει προῖκα σύλλεξιν συχνήν.122

Tyr

2

Δήμου δ’ Ἁλαεύς ἐστιν. Β. ἓν γὰρ τοῦτό μοι τὸ λοιπόν ἐστι, καὶ κακῶς ἀκούσομαι. Α. τί δῆτα τοῦτο; Β. θρᾷτταν ἢ ψῆττάν τιν’ ἢ μύραιναν ἢ κακόν τί μοι δώσει μέγα
5θαλάττιον.

Hyd

tit

ΥΔΡΙΑ.

Hyd

1

Οὗτος δ’ ὃν λέγω
ἐν γειτόνων αὐτῷ κατοικούσης τινὸς ἰδὼν ἑταίρας εἰς ἔρωτ’ ἀφίκετο, ἀστῆς, ἐρήμου δ’ ἐπιτρόπου καὶ συγγενῶν,123
5ἦθός τι χρυσοῦν πρὸς ἀρετὴν κεκτημένης, ὄντως ἑταίρας· αἱ μὲν ἄλλαι τοὔνομα βλάπτουσι τοῖς τρόποις γὰρ ὄντως ὂν καλόν.

Hyp

tit

ΥΠΝΟΣ.

Pha

tit

ΦΑΩΝ.124

Phile

tit

ΦΙΛΕΤΑΙΡΟΣ.

Phile

1

Κομψός γε μικρὸς κρωμακίσκος οὑτοσί γαλαθηνός.

Phili

tit

ΦΙΛΙΣΚΟΣ.

Philoth

tit

ΦΙΛΟΘΗΒΑΙΟΣ.

Philoth

1

Πάντ’ ἐστὶν ἡμῖν· ἥ τε γὰρ συνώνυμος τῆς ἔνδον οὔσης ἔγχελυς Βοιωτία τμηθεῖσα κοίλοις ἐν βυθοῖσι κακκάβης χλιαίνετ’, αἴρεθ’, ἕψεται, παφλάζεται,
5προσκάεθ’· ὥστε μηδ’ ἂν εἰ χαλκοῦς ἔχων μυκτῆρας εἰσέλθοι τις, ἐξελθεῖν πάλιν εἰκῆ· τοσαύτην ἐξακοντίζει πνοήν. Β. λέγεις μάγειρον ζῶντα; Α. πλησίον δέ γε ταύτης ἄσιτος ἡμέραν καὶ νύχθ’ ὅλην
10κεστρεύς, λεπισθείς, πασθείς, στραφείς, χρωσθείς, ὁμοῦ τι πρὸς τέλος μέρος δρόμου περῶν, σίζει κεκραγώς, παῖς δ’ ἐφέστηκε ῥανῶν ὄξει, Λίβυς τε καυλὸς ἐξηρασμένος ἀκτῖσι θείαις σιλφίου παραστατεῖ.
15Β. εἶτ’ οὐκ ἐπῳδούς φασιν ἰσχύειν τινές; ἐγὼ γὰρ ἤδη τρεῖς ὁρῶ μασωμένους, σοῦ ταῦτα συστρέφοντος. Α. ἥ τε σύννομος τῆς κυφονώτου σῶμ’ ἔχουσα σηπίας, ξιφηφόροισι χερσὶν ἐξωπλισμένη125
20τευθὶς μεταλλάξασα λευκαυγῆ φύσιν σαρκὸς πυρωτοῖς ἀνθράκων ῥαπίσμασιν, ξανθαῖσιν αὔραις σῶμα πᾶν ἀγάλλεται, δείπνου προφήτην λιμὸν ἐκκαλουμένη. * * * * ὥστε γ’ εἴσιθι·
25μὴ μέλλε, χώρει· δεῖ γὰρ ἠριστηκότας
πάσχειν, ἐάν τι καὶ παθεῖν ἡμᾶς δέῃ.126

Philoth

2

Οὐ δεινόν ἐστι προσφάτους μὲν ἂν τύχῃ πωλῶν τις ἰχθῦς, συναγαγόντα τὰς ὀφρῦς τοῦτον σκυθρωπάζοντά θ’ ἡμῖν προσλαλεῖν, ἐὰν σαπροὺς κομιδῇ δέ, παίζειν καὶ γελᾶν;
5τοὐναντίον γὰρ πᾶν ἔδει τούτους ποιεῖν·
τὸν μὲν γελᾶν, τὸν δ’ ἕτερον οἰμώζειν μακρά.128

Philok

tit

ΦΙΛΟΚΤΗΤΗΣ.

Philok

1

Σοφόν γέ τοί τι πρὸς τὸ βουλεύειν ἔχει τὸ γῆρας, ὡς δὴ πόλλ’ ἰδόν τε καὶ παθόν.

Philom

tit

ΦΙΛΟΜΗΤΩΡ.

Philom

1

Ἔμμητρον ἂν ᾖ τὸ ξύλον, βλάστην ἔχει. Μητρόπολίς ἐστιν οὐχὶ Πατρόπολις πόλις. Μήτραν τινὲς πωλοῦσιν ἥδιστον κρέας.
Μητρᾶς ὁ Χῖός ἐστι τῷ δήμῳ φίλος.129

Philop

tit

ΦΙΛΟΠΑΤΩΡ.

Philop

1

Γεγάμηκε δήπου. Β. τί σὺ λέγεις; ἀληθινῶς γεγάμηκεν, ὃν ἐγὼ ζῶντα περιπατοῦντά τε κατέλιπον;

Philot

tit

ΦΙΛΩΤΙΣ.

Philot

1

Οὐκοῦν τὸ μὲν γλαυκίδιον ὥσπερ ἄλλοτε ἕψειν ἐν ἅλμῃ; Β. φημί. Α. τὸ δὲ λαβράκιον; Β. ὀπτᾶν ὅλον. Α. τὸν γαλεόν; Β. ἐν ὑποτρίμματι ζέσαι. Α. τὸ δ’ ἐγχέλειον; Β. ἅλες, ὀρίγανον,
5ὕδωρ. Α. ὁ γόγγρος; Β. ταὐτόν. Α. ἡ βατίς; Β. χλόη. Α. πρόσεστι θύννου τέμαχος. Β. ὀπτήσεις. Α. κρέας ἐρίφειον; Β. ὀπτόν. Α. θάτερον; Β. τἀναντία. Α. ὁ σπλήν; Β. σεσάχθω. Α. νῆστις; Β. ἀπολεῖ μ’
8οὑτοσί.130

Phr

tit

ΦΡΕΑΡΡΙΟΣ.

Phr

1

Στακτὴ δυοῖν μναῖν οὐκ ἀρέσκει μ’ οὐδαμῶς.

Chr

tit

ΧΡΥΣΙΣ.

Chr

1

Τῷ σατραποπλούτῳ δ’, ὡς λέγουσι, νυμφίῳ, κεκτημένῳ τάλαντα, παῖδας, ἐπιτρόπους,
ζεύγη, καμήλους, στρώματ’, ἀργυρώματα, φιάλας, τριήρεις, τραγελάφους, καρχήσια,131
5γαυλοὺς ὁλοχρύσους. Β. πλοῖα; Α. τοὺς κάδους μὲν οὖν καλοῦσι γαυλοὺς πάντες οἱ προγάστορες.

Chr

2

Τέτταρες δ’ αὐλητρίδες ἔχουσι μισθὸν καὶ μάγειροι δώδεκα,
καὶ δημιουργοὶ μέλιτος αἰτοῦσαι σκάφας.132

IFF

tit

INCERTARUM FABULARUM FRAGMENTA.

IFF

1-3

Τὸ δεῖπνόν ἐστι μᾶζα κεχαρακωμένη ἀχύροις, πρὸς εὐτέλειαν ἐξωπλισμένη, καὶ βολβὸς εἷς τις καὶ παροψίδες τινές, σόγχος τις ἢ μύκης τις ἢ τοιαῦθ’ ἃ δή
5δίδωσιν ἡμῖν ὁ τόπος ἄθλι’ ἀθλίοις. τοιοῦτος ὁ βίος, ἀπύρετος, φλέγμ’ οὐκ ἔχων.
6 * * * * Οὐδεὶς κρέως παρόντος ἐσθίει θύμον, οὐδ’ οἱ δοκοῦντες πυθαγορίζειν.
8 * * * * Τίς γὰρ οἶδ’ ἡμῶν τὸ μέλλον ὅ τι παθεῖν
10πέπρωθ’ ἑκάστῳ τῶν φίλων; ταχὺ δὴ λαβών ὄπτα μύκητας πρινίνους τουσδὶ δύο.

IFF

4

Τοῦ γάρ τις ἄλλου πρὸς θεῶν οὕνεκα
εὔξαιτο πλουτεῖν εὐπορεῖν τε χρημάτων, ἢ τοῦ δύνασθαι παραβοηθεῖν τοῖς φίλοις, σπείρειν τε καρπὸν Χάριτος ἡδίστης θεῶν;133
5τοῦ μὲν πιεῖν γὰρ καὶ φαγεῖν τὰς ἡδονάς ἔχομεν ὁμοίας· οὐχὶ τοῖς λαμπροῖσι δέ δείπνοις τὸ πεινῆν παύεται.

IFF

5

Οὗτοι δὲ πρὸς τὰ δεῖπνα τῶν ἐν τῇ πόλει ἀφορῶσι * * * καὶ πέτονται δεξιῶς ἐπὶ ταῦτ’ ἄκλητοι
οὓς ἐκ κοινοῦ
5ἔδει τρέφειν τὸν δῆμον, ἀεί θ’ ὡσπερεί Ὀλυμπίασί φασι ταῖς μυίαις ποιεῖν
βοῦν τοῖς ἀκλήτοις προκατακόπτειν πανταχοῦ.134

IFF

6

Οἴμοι κακοδαίμων, τὸν τράχηλον ὡς ἔχω.135

IFF

7

Σφαῖραν λαβών τῷ μὲν διδοὺς ἔχαιρε, τὸν δ’ ἔφευγ’ ἅμα, τοῦ δ’ ἐξέκρουσε, τὸν δ’ ἀνέστησεν πάλιν, κλαγκταῖσι φωναῖς * * * *
5ἔξω, μακράν, παρ’ αὐτόν, ὑπὲρ αὐτόν, κάτω,
ἄνω, βραχεῖαν ἀπόδοσιν ἐγκαταστρέφει.136

IFF

8

Φαινίνδα παίζων ᾔεις ἐν Φαινεστίου.

IFF

9

Ἐς μακαρίαν τὸ λουτρόν, ὡς διέθηκέ με. ἑφθὸν κομιδῇ πεποίηκεν, ἀποκναίσειεν ἄν κἂν ὁστισοῦν μου λαβόμενος τοῦ δέρματος.
οὕτω στερεόν τι πρᾶγμα θερμόν ἐσθ’ ὕδωρ.137

IFF

10

Τὸ δὲ ζῆν εἰπέ μοι τί ἐστί; Β. τὸ πίνειν φήμ’ ἐγώ. ὁρᾷς παρὰ ῥείθροισι χειμάρροις ὅσα δένδρων ἀεὶ τὴν νύκτα καὶ τὴν ἡμέραν
5βρέχεται μέγεθος καὶ κάλλος οἷα γίγνεται, τὰ δ’ ἀντιτείνονθ’ οἱονεὶ δίψαν τινά ἢ ξηρασίαν σχόντ’ αὐτόπρεμν’ ἀπόλλυται.

IFF

11

Ἐξ Ἤλιδος μάγειρος, ἐξ Ἄργους λέβης, Φλιάσιος οἶνος, ἐκ Κορίνθου στρώματα,
ἰχθῦς Σικυῶνος, Αἰγίου δ’ αὐλητρίδες, τυρὸς Σικελικός,138
5μύρον ἐξ Ἀθηνῶν, ἐγχέλεις Βοιώτιαι.

IFF

12

Κρύψαι, Φειδία, ἅπαντα τἄλλα τις δύναιτ’ ἂν πλὴν δυοῖν, οἶνόν τε πίνων εἰς ἔρωτά τ’ ἐμπεσών. ἀμφότερα μηνύει γὰρ ἀπὸ τῶν βλεμμάτων
5καὶ τῶν λόγων ταῦθ’, ὥστε τοὺς ἀρνουμένους μάλιστα τούτους καταφανεῖς ποιεῖ.

IFF

13

Οἴνῳ * * τὸν οἶνον ἐξελαύνειν, σάλπιγγι τὴν σάλπιγγα, τῷ κήρυκι τὸν βοῶντα, κόπῳ κόπον, ψόφῳ ψόφον, τριωβόλῳ δὲ πόρνην, αὐθαδίαν αὐθαδίᾳ, Καλλίστρατον μαγείρῳ,
5στάσιν στάσει, μάχῃ μάχην, ὑπωπίοις δὲ πύκτην,
πόνῳ πόνον, δίκῃ δίκην, γυναικὶ τὴν γυναῖκα.139

IFF

14

Μεταλλάξαι διάφορα βρώματα ἔσθ’ ἡδύ, καὶ τῶν πολλάκις θρυλουμένων διάμεστον ὄντα τὸ παραγεύσασθαί τινος καινοῦ, παρέσχε διπλασίαν τὴν ἡδονήν.

IFF

15

Ἄλλοι δὲ καὶ δὴ βακχίου παλαιγενοῦς ἀφρῷ σκιασθὲν χρυσοκόλλητον δέπας μεστόν, κύκλῳ χορεῦον, ἕλκουσι γνάθοις ὁλκοῖς ἀπαύστοις, παντελῶς ἐστραμμένον
5τἄνω κάτω δεικνύντες.140

IFF

17-18

Ἐὰν μὲν ἄρα πέπερι φέρῃ τις πριάμενος, στρεβλοῦν γράφουσι τοῦτον ὡς κατάσκοπον.
2* * * * Νῦν δεῖ περιόντα πέπερι καὶ καρπὸν βλίτου
ζητεῖν.141

IFF

19

Οὑτοσὶ δέ σοι τοῦ λευκοτάτου πάντων ἐλαίου Σαμιακοῦ ἔστιν μετρητής.

IFF

20

Ἓν νόσημα τοῦτ’ ἔχει· ἀεὶ γὰρ ὀξύπεινός ἐστι. Β. Θετταλὸν λέγεις
κομιδῇ τὸν ἄνδρα.142

IFF

21

Νήττας, σχαδόνας, κάρυ’ ἐντραγεῖν, ᾤ’, ἐγκρίδας, ῥαφανῖδας ἀπλύτους, γογγυλίδας, χόνδρον, μέλι.

IFF

22

Ἀεὶ δὲ πρὸς Μούσαισι καὶ λόγοις πάρει, ὅπου τε σοφίας ἔργον ἐξετάζεται.

IFF

23-24

Βίος θεῶν γάρ ἐστιν ὅταν ἔχῃς ποθέν τἀλλότρια δειπνεῖν μὴ προσέχων λογίσμασιν.
2* * * * Μακάριος ὁ βίος· δεῖ μ’ ἀεὶ καινὸν πόρον
εὑρεῖν ὅπως μάσημα ταῖς γνάθοις ἔχω.143

IFF

25-26

Ἄριστον ἐν ὅσῳ * * ὁ μάγειρος ποιεῖ.
1
* * * Συνακρατίσασθαι πῶς ἔχεις μετ’ ἐμοῦ;

IFF

27

Οὐδ’ ἧψεν κρέα οὐδ’ ἐγκέφαλον· ὤπτα δὲ καὶ τὰς κοιλίας. οὕτω σφόδρ’ ἦν ἀρχαῖος.

IFF

28

Ἔστιν ὄψον χρηστόν, ἐπαγωγὸν πάνυ,
οἶνός τε Θάσιος καὶ μύρον καὶ στέμματα.144

IFF

29

Στεφάνους ἐνεγκεῖν δεῦρο τῶν χρηστῶν δύο, καὶ δᾷδα χρηστὴν ἡμμένην χρηστῷ πυρί.

IFF

30

Μέλι, πέρδικες, φάτται, νῆτται, χῆνες, ψᾶρες, κίττα, κολοιός, κόψιχος, ὄρτυξ,
ὄρνις θήλεια.145

IFF

31-32

Τὶ φῄς; * * * ἐνθάδ’ οἴσεις τι καταφαγεῖν ἐπὶ τὴν θύραν, εἶθ’ ὥσπερ οἱ πτωχοὶ χαμαί ἐνθάδ’ ἔδομαι * * * καί τις ὄψεται;
3* * * *
Εὐτρέπιζε
5ψυκτῆρα, λεκάνην, τριπόδιον, ποτήριον, χύτραν, θυΐαν, κάκκαβον, ζωμήρυσιν.

IFF

33

Συνεχῶς γὰρ ἐμπιπλάμενος ἀμελὴς γίγνεται
ἄνθρωπος, ὑποπίνων δὲ πάνυ φροντιστικός.146

IFF

34

Συναγαγών τρεῖς ὄντας εἰς τρίκλινον ὑμᾶς.

IFF

35

Δεῖ γὰρ φαγόντας δαψιλῶς βρέχειν.

IFF

36

Ἐπεὶ δ’ ὁ τρίπους ἤρθη, κατὰ χειρῶν ἐχέομεν.147

IFF

37

Ἀσπάραγος ἐπηγλαΐζετ’, ὦχρος ἐξήνθηκέ τις.

IFF

39

Ὁ μηδὲν ἀδικῶν οὐδενὸς δεῖται νόμου.

IFF

40

Τὰ πονηρὰ κέρδη τὰς μὲν ἡδονὰς ἔχει μικράς, ἔπειτα δ’ ὕστερον λύπας μακράς.

IFF

41

Ὡς δυστυχεῖς, ὅσοισι τοῦ κέρδους χάριν ἐπίπροσθε ταἰσχρὰ φαίνετ’ εἶναι τῶν καλῶν. ἐπισκοτεῖ γὰρ τῷ φρονεῖν τὸ λαμβάνειν.

IFF

42a

Εἰ θνητὸς εἶ βέλτιστε, θνητὰ καὶ φρόνει.148

IFF

42b

Τὸ μὴ συνειδέναι γὰρ αὑτοῦ τῷ βίῳ ἀδίκημα μηδὲν ἡδονὴν πολλὴν ἔχει.

IFF

43

Δέσποιν’, ὅταν τις ὀμνύοντος καταφρονῇ, ᾧ μὴ σύνοιδε πρότερον ἐπιωρκηκότι, οὗτος καταφρονεῖν τῶν θεῶν ἐμοὶ δοκεῖ καὶ πρότερον ὀμόσας αὐτὸς ἐπιωρκηκέναι.

IFF

44

Ὁ διδοὺς τὸν ὅρκον τῷ πονηρῷ μαίνεται· τοὐναντίον γὰρ νῦν ποιοῦσιν οἱ θεοί. ἐὰν ἐπιορκήσῃ τις, αὐτὸς εὐθέως ὁ διδοὺς τὸν ὅρκον, ἐγένετ’ ἐμβρόντητος, ὡς
5οἶμαι δικαίως, ὅτι πεπίστευκέν τινι.

IFF

45

Τῆς ἐπιμελείας δοῦλα πάντα γίγνεται.

IFF

46

Οὐκ ἔστιν οὐδὲν λεγόμενον μακρῶς, ὅτε
ὁ λέγων ὑποτάττει τοῖς λόγοις τὰ πράγματα.149

IFF

47

Τρόπος δίκαιος κτῆμα τιμιώτατον.

IFF

48

Ἐπεὶ γὰρ ἀποθνήσκειν ἀνάγκη γίγνεται, τὸ προῖκ’ ἀποθανεῖν ἔστι φανερὰ ζημία.

IFF

49

Τίς δ’ οὐχὶ θανάτου μισθοφόρος, ὦ φιλτάτη, ὃς ἕνεκα τοῦ ζῆν ἔρχετ’ ἀποθανούμενος.

IFF

50

Δούλῳ γὰρ οἶμαι πατρίδος ἐστερημένῳ χρηστὸς γενόμενός ἐστι δεσπότης πατρίς.

IFF

51

Εἴ τίς φησι τοὺς ἐρῶντας οὐχὶ νοῦν ἔχειν, ἦ πού τίς ἐστι τοὺς τρόπους ἀβέλτερος. εἰ γὰρ ἀφέλοι τις τοῦ βίου τὰς ἡδονάς,
καταλείπετ’ οὐδὲν ἕτερον ἢ τεθνηκέναι.150

IFF

52

Ὡς ἔστι τὸ γαμεῖν ἔσχατον τοῦ δυστυχεῖν.

IFF

53

Οὐκ ἔστιν οὐδὲν βαρύτερον τῶν φορτίων ὄντως γυναικὸς προῖκα πολλὴν φερομένης.

IFF

54

Ἐγὼ γυναικὶ δ’ ἕν τι πιστεύω μόνον, ἐπὰν ἀποθάνῃ μὴ βιώσεσθαι πάλιν, τὰ δ’ ἄλλ’ ἀπιστῶ πάνθ’ ἕως ἂν ἀποθάνῃ.

IFF

55

Ὀφθαλμιῶν ἄνθρωπος ἰσχυρῶς, κακά πάμπολλα πάσχων, ἓν ἀγαθὸν πάσχει μόνον, ὅτι οὐχ ὁρᾷ γυναῖκα τοῦτον τὸν χρόνον.

IFF

56

Μὴ χρώμασιν τὸ σῶμα λαμπρύνειν θέλε, ἔργοις δὲ καθαροῖς καὶ τρόποις τὴν καρδίαν.

IFF

57

Τί φῄς; λαθεῖν ζητῶν τι πρὸς γυναῖκ’ ἄρα ἐρεῖς τὸ πρᾶγμα; καὶ τί τοῦτο διαφέρει
ἢ πᾶσι τοῖς κήρυξιν ἐν ἀγορᾷ φράσαι;151

IFF

58abc

Ὅστις δ’ ἐρυθριᾷ τηλικοῦτος ὢν ἔτι πρὸς τοὺς ἑαυτοῦ γονέας, οὐκ ἔστιν κακός. Ὅστις γὰρ ὁμόλογόν τι μὴ ποιεῖ πατρί, πάντων ἂν οὗτος κατεφρόνησε τῶν θεῶν.
5Τοῦ γὰρ πατρὸς κρατεῖν μὲν αἰσχύνην φέρει, ἡσσημένῳ δὲ δόξα νικητήριος.

IFF

59

Υἱῷ γὰρ ἀγαπητῷ τι πράττων πρὸς χάριν ἔρανον ἐμαυτῷ τοῦτον οἴομαι φέρειν.

IFF

60

Ἆρ’ ἐστὶ λῆρος πάντα πρὸς τὸ χρυσίον· μόνου γὰρ αὐτοῦ διαμένειν εἴωθ’ ἀεί τὸ χρῶμα ταὐτό· τῶν φίλων δὲ τοὺς τρόπους
οὐδέποθ’ ὁμοίως ζωγραφοῦσιν αἱ τύχαι.152
5πλοῦτος δὲ βάσανός ἐστιν ἀνθρώπου τρόπων. ὅταν εὐπορῶν γὰρ αἰσχρὰ πράττῃ πράγματα, τί τοῦτον ἀπορήσαντ’ ἂν οὐκ οἴει ποιεῖν;

IFF

61ab

Οὐπώποτ’ ἐζήλωσα πλουτοῦντα σφόδρα ἄνθρωπον, ἀπολαύοντα μηδὲν ὧν ἔχει. Ὁ δὲ πλοῦτος ἡμᾶς, καθάπερ ἰατρὸς κακός,
πάντας βλέποντας παραλαβὼν τυφλοὺς ποιεῖ.153

IFF

62

Καλῶς πένεσθαι μᾶλλον ἢ πλουτεῖν κακῶς· τὸ μὲν γὰρ ἔλεον τὸ δ’ ἐπιτίμησιν φέρει.

IFF

63

Ψυχὴν ἔχειν δεῖ πλουσίαν· τὰ δὲ χρήματα ταῦτ’ ἔστιν ὄψις, παραπέτασμα τοῦ βίου.

IFF

64

Λύπη μανίας ὁμότοιχος εἶναί μοι δοκεῖ.

IFF

65

Οἴ μοι τάλας, ὡς ἄδικον ὅταν ἡ μὲν τύχη
λίπῃ τινὸς τὴν τάξιν, ὁ δὲ τρόπος μένῃ.154

IFF

66-67

Τὰ τύχης φέρειν δεῖ γνησίως τὸν εὐγενῆ. Τὸ μὲν ἀτυχῆσαι παντὸς εἶναί μοι δοκεῖ, ἀνδρὸς δ’ ἐνεγκεῖν ἀτυχίαν ὀρθῷ τρόπῳ.

IFF

68

Σφόδρ’ ἐστὶν ἡμῶν ὁ βίος οἴνῳ προσφερής· ὅταν ᾖ τὸ λαιπὸν μικρόν, ὄξος γίγνεται. πρὸς γὰρ τὸ γῆρας ὥσπερ ἐργαστήριον ἅπαντα τἀνθρώπεια προσφοιτᾷ κακά.

IFF

69

Τὸ γῆρας ὥσπερ βωμός ἐστι τῶν κακῶν· πάντ’ ἔστ’ ἰδεῖν εἰς τοῦτο καταπεφευγότα.

IFF

70

Ὦ γῆρας, ὡς ἅπασι τοῖς ζητοῦσί σε
ψέγειν ἀφορμὰς παραδίδως τοῦ πράγματος.155

IFF

71

Οὐδεὶς τὰ πατρῷά πω γέρων κατεδήδοκεν, ἀλλ’ οὐδὲ κατεμώρανεν, οὐδ’ ἐλύσατο πορνίδιον, οὐδὲ θυροκοπῶν ὦφλεν δίκην. οὕτω τὸ γῆρας σωφρονοῦν οὐκ εὐτυχεῖ.

IFF

72

Μάλιστα δ’ ἐκπλήττει με τῶν συνειδότων ὁ χρόνος, ὃν ἀεὶ λανθάνειν ἀμηχανῶ.

IFF

73

Τὸ γὰρ πεπαιδεῦσθαι, μόνον ἄν τις τοῦτ’ ἔχῃ, ἀληθές ἐστι καὶ τὸ τῶν ἀδικημάτων μὴ λαμβάνειν τὰς ἀξίας τιμωρίας, ἑλεῖν δὲ πάντως.

IFF

74

Ἐχθὲς μετὰ πέντ’ ἔπινον, ἡμέραν τρίτην μεθ’ ἑπτά.

IFF

75

Μὰ γῆν, μὰ κρήνας, μὰ ποταμούς, μὰ νάματα.156

IFF

76

Περίνησα καὶ περίλευκα καὶ πεντέκτενα.157