ANAXILAS :: Fragmenta :: TLG 0406 001

TLG 0406 001 :: ANAXILAS :: Fragmenta ANAXILAS Comic. (4 B.C.) Fragmenta Source: Kock, T. (ed.), Comicorum Atticorum fragmenta, vol. 2. Leipzig: Teubner, 1884: 264–275. frr. 1–5, 7–13, 15–25, 27–44 + titulus Citation: Fragment — (line)

tit 1	ΑΓΡΟΙΚΟΣ
1	ἐπιτριτῶσαι
tit 2	ΑΝΤΙΔΟ...
2	κροταλίζειν
tit 3-4	ΑΥΛΗΤΗΣ
3-4	ὕδατός τε λακκαίου. Β. παρ’ ἐμοῦ τουτί γέ σοι νόμιζ’ ὑπάρχειν.
2	. . . . . . . . . . . . .
2	ἴσως τὸ λακκαῖόν γ’ ὕδωρ ἀπόλωλεν.	264
tit 5-7	ΒΟΤΡΥΛΙΩΝ
5	οὐκ ἄν γ’ ἐμοὶ τουτὶ γένηται κεράμινον.
7	συνήλικα
tit 8	ΓΛΑΥΚΟΣ
8	δεκατῶναι
tit 9	ΕΥΑΝΔΡΙΑ
9	καὶ τὰς παλαίστρας σοι μὰ τὴν γῆν μὴ σύ γε
9	δῷς, ἀλλ’ ἀπόδος. Β. καὶ δὴ φέρους’ ἐξέρχομαι.	265
tit,ante 10	ΙΩ
tit 10-11	ΚΑΛΥΨΩ
10	παραγεύσεταί σοι πρῶτον ἡ γραῦς τοῦ ποτοῦ.
11	ῥύγχος φορῶν ὕειον ᾐσθόμην τότε.
tit 12-14	ΚΙΡΚΗ
12	τοὺς μὲν ὀρειονόμους ὑμῶν ποιήσει δέλφακας ἠλιβάτους, τοὺς δὲ πάνθηρας, ἄλλους ἀγρώστας λύκους,
12	λέοντας.	266
13	δεινὸν μὲν γὰρ ἔχονθ’ ὑὸς ῥύγχος, ὦ φίλε Κινησία.
tit 15-18	ΛΥΡΟΠΟΙΟΣ
15	ἐγὼ δὲ βαρβίτους, τριχόρδους, πηκτίδας, κιθάρας, λύρας, σκινδαψὸν ἐξηρτυόμαν.
16	πῶς ἔχεις; ὡς ἰσχνὸς εἶ.
16	Β. ἀπόλλυμαι. τρέφω γὰρ ἐν ἀγρῷ χωρίον.	267
17	ἐν τοῖς βαλανείοις οὐ τίθεται λουτήρια.
18	ξανθοῖς τε μύροις χρῶτα λιπαίνων, χλανίδας θ’ ἕλκων, βλαύτας σύρων, βολβοὺς τρώγων, τυροὺς κάπτων, ᾠὰ κολάπτων, κήρυκας ἔχων,
5	Χῖον πίνων, καὶ πρὸς τούτοις ἐν σκυταρίοις ῥαπτοῖσι φορῶν
5	Ἐφεσήια γράμματα καλά.	268
tit 19	ΜΑΓΕΙΡΟΙ
19	τῶν Αἰσχύλου πολὺ μᾶλλον εἶναί μοι δοκεῖ ἰχθύδι’ ὀπτᾶν. Β. τί σὺ λέγεις; ἰχθύδια; συσσίτιον μέλλεις νοσηλεύειν; ὅσον ἀκροκώλι’ ἕψειν . . . ῥύγχη, πόδας.
tit 20	ΜΟΝΟΤΡΟΠΟΣ
20	τοῦ κεστρέως κατεδήδοκεν τὸ κρανίον ἀναρπάσας Μάτων, ἐγὼ δ’ ἀπόλλυμαι.
tit 21-22	ΝΕΟΤΤΙΣ
21	ἐὰν δέ τις μέτρια λέγουσα . . . τοῖς δεομένοις τινῶν ὑπουργῇ πρὸς χάριν, ἐκ τῆς ἑταιρίας ἑταίρα τοὔνομα προσηγορεύθη· καὶ σὺ νῦν οὐχ ὡς λέγεις
5	πόρνης, ἑταίρας δ’ εἰς ἔρωτα τυγχάνεις ἐληλυθώς· ἆρ’ ὡς ἀληθῶς ἐστι γοῦν
5	ἁπλῆ τις; Β. ἀστεία μὲν οὖν, νὴ τὸν Δία.	269
22	ὅστις ἀνθρώπων ἑταίραν ἠγάπησε πώποτε, οὗ γένος τίς ἂν δύναιτο παρανομώτερον φράσαι; τίς γὰρ ἢ δράκαιν’ ἄμικτος, ἢ Χίμαιρα πύρπνοος, ἢ Χάρυβδις, ἢ τρίκρανος Σκύλλα, ποντία κύων,
5	Σφίγξ, ὕδρα, λέαιν’, ἔχιδνα, πτηνά θ’ Ἁρπυιῶν γένη, εἰς ὑπερβολὴν ἀφῖκται τοῦ καταπτύστου γένους; οὐκ ἔνεσθ’, αὗται δ’ ἁπάντων ὑπερέχουσι τῶν κακῶν. ἔστι δὲ σκοπεῖν ἀπ’ ἀρχῆς πρῶτα μὲν τὴν Πλαγγόνα, ἥτις ὥσπερ ἡ Χίμαιρα πυρπολεῖ τοὺς βαρβάρους.
10	εἷς μόνος δ’ ἱππεύς τις αὐτῆς τὸν βίον παρείλετο· πάντα τὰ σκεύη γὰρ ἕλκων ᾤχετ’ ἐκ τῆς οἰκίας. οἱ Σινώπῃ δ’ αὖ συνόντες οὐχ ὕδρᾳ σύνεισι νῦν; γραῦς μὲν αὕτη, παραπέφυκε δ’ ἡ Γνάθαινα πλησίον· ὥστ’ ἀπαλλαγεῖσιν αὐτῆς ἔστι διπλάσιον κακόν.
15	ἡ δὲ Νάννιον τί νυνὶ διαφέρειν Σκύλλης δοκεῖ; οὐ δύ’ ἀποπνίξας’ ἑταίρους τὸν τρίτον θηρεύεται ἔτι λαβεῖν; ἀλλ’ ἐξέπεσε πορθμὶς ἐλατίνῳ πλάτῃ. ἡ δὲ Φρύνη τὴν Χάρυβδιν οὐχὶ πόρρω που ποιεῖ, τόν τε ναύκληρον λαβοῦσα καταπέπωκ’ αὐτῷ σκάφει;
20	ἡ Θεανὼ δ’ οὐχὶ Σειρήν ἐστιν ἀποτετιλμένη; βλέμμα καὶ φωνὴ γυναικός, τὰ σκέλη δὲ κοψίχου. Σφίγγα Θηβαίαν δὲ πάσας ἔστι τὰς πόρνας καλεῖν, αἳ λαλοῦς’ ἁπλῶς μὲν οὐδέν, ἀλλ’ ἐν αἰνιγμοῖς τισιν, ὡς ἐρῶσι καὶ φιλοῦσι καὶ σύνεισιν ἡδέως.
25	εἶτα τετράπους μοι γένοιτο, φησί, τήνπρος ἢ θρόνος· εἶτα δὴ τρίπους τις, εἶτα, φησί, παιδίσκη δίπους. εἶθ’ ὁ μὲν γνοὺς ταῦτ’ ἀπῆλθεν εὐθὺς ὥσπερ Οἰδίπους, οὐδ’ ἰδεῖν δόξας ἐκείνην, σῴζεται δ’ ἄκων μόνος. οἱ δ’ ἐρᾶσθαι προσδοκῶντες εὐθύς εἰσιν ἠρμένοι,
30	καὶ φέρονθ’ ὑψοῦ πρὸς αἴθραν. συντεμόντι δ’ οὐδὲ ἕν
30	ἐσθ’ ἑταίρας ὅσα περ ἔστι θηρί’ ἐξωλέστερον.	270
tit 23	ΝΗΡΕΥΣ
23	καί τοι πολύ γ’ ἔσθ’ ἥδιον· οὐ γὰρ ἄν ποτε
23	ἔπινον ἂν τρὶς ὕδατος, οἴνου δ’ ἓν μόνον.	271
tit 24	ΟΡΝΙΘΟΚΟΜΟΙ
24	καὶ πρὸς ἐπὶ τούτοις τιθασὸς οἰμώζων ταὧς
tit 25-26	ΠΛΟΥΣΙΟΙ
25	διαρραγήτω χἄτερος δειπνῶν τις εὖ, μὴ Κτησίας μόνος. Β. τί γὰρ σὲ κωλύει; Α. δείπνου γὰρ οὗτος, ὡς λέγουσιν οἱ σοφοί, ἀρχήν, τελευτὴν δ’ ἔμαθεν οὐδεπώποτε.
tit 27-29	ΥΑΚΙΝΘΟΣ ΠΟΡΝΟΒΟΣΚΟΣ
27	ἡ μουσικὴ δ’ ὥσπερ Λιβύη πρὸς τῶν θεῶν ἀεί τι καινὸν κατ’ ἐνιαυτὸν θηρίον
27	τίκτει.	272
28-29	ἐγὼ δ’ ἰὼν ὀψάριον ὑμῖν ἀγοράσω.
1	. . . . . . . . . . σκεύαζε, παῖ, τοὐψάριον ἡμῖν.
tit 30	ΧΑΡΙΤΕΣ
30	οὐκ ἐτὸς ἐρωτῶσίν με προσιόντες τινές· ὄντως ὁ Κραναὸς Κτησίου κατεσθίει ἔλαττον, ἢ δειπνοῦσιν ἀμφότεροι συχνά;
tit 31	ΧΡΥΣΟΧΟΟΣ
31	ἤδη σχεδόν τι πάντα σοι, πλὴν Κτησίου· δείπνου γὰρ οὗτος, ὡς λέγουσιν οἱ σοφοί, ἀρχήν, τελευτὴν δ’ οὐκ ἐπίσταται μόνος.
tit 32	ΩΡΑΙ
32	μᾶλλον μᾶλλον	273
tit 33-44	ΑΔΗΛΩΝ ΔΡΑΜΑΤΩΝ
33	οἱ κόλακές εἰσι τῶν ἐχόντων οὐσίας σκώληκες. εἰς οὖν ἄκακον ἀνθρώπου τρόπον εἰσδὺς ἕκαστος ἐσθίει καθήμενος, ἕως ἂν ὥσπερ πυρὸν ἀποδείξῃ κενόν.
5	ἔπειθ’ ὁ μὲν λέμμ’ ἐστίν, ὁ δ’ ἕτερον δάκνει.
34	ἀπιστότερος εἶ τῶν κοχλιῶν πολλῷ πάνυ, οἳ περιφέρους’ ὑπ’ ἀπιστίας τὰς οἰκίας.
35	καὶ πῶς γυνή, ὥσπερ θάλαττα, νῆσον ἀμφιέννυται;
36	τὰ δὲ σφύρ’ ᾤδει μᾶλλον ἢ σικυὸς πέπων.
37	φέρ’ αὔτ’ ἀνύσας. Β. ἀλλ’ ἔστι πενθηρὸν πάνυ.	274
38	τὴν Ἑκτόρειον, τὴν ἐφίμερον κόμην
39	ἡμεῖς δέ γ’ ἐκτενίζομεν Τελέσιππον οἰκόσιτον.
40	καὶ πίνειν ἐξ ἀργυρίδων χρυσῶν
41	ἀντίκρισις
42	ἐβοστρύχιζον
43	φιλοδεσποτεύομαι
44	ψηλαφίζει	275

tit 1

1

tit 2

2

tit 3-4

3-4

tit 5-7

5

7

tit 8

8

tit 9

9

tit,ante 10

tit 10-11

10

11

tit 12-14

12

13

tit 15-18

15

16

17

18

tit 19

19

tit 20

20

tit 21-22

21

22

tit 23

23

tit 24

24

tit 25-26

25

tit 27-29

27

28-29

tit 30

30

tit 31

31

tit 32

32

tit 33-44

33

34

35

36

37

38

39

40

41

42

43

44