ANAXANDRIDES :: Fragmenta

TLG 0405 002 :: ANAXANDRIDES :: Fragmenta ANAXANDRIDES Comic. (4 B.C.) Fragmenta Source: Meineke, A. (ed.), Fragmenta comicorum Graecorum, vol. 3. Berlin: Reimer, 1840 (repr. Berlin: De Gruyter, 1970): 161–177, 179–185, 190–202. Citation: Play — fragment — (line)

Agr tit	ΑΓΡΟΙΚΟ Ι .
Agr 1	Τίνα δὴ παρεσκευασμένοι πίνειν τρόπον νῦν ἐστε; λέγετε. Β. τίνα τρόπον; ἡμεῖς τοιοῦτον οἷον ἂν καὶ σοὶ δοκῇ. Α. βούλεσθε δήπου τὸν ἐπιδέξι’; Β. ὦ πάτερ,
5	λέγειν ἐπὶ τῷ πίνοντι τὸν ἐπιδέξια
5	λέγειν, Ἄπολλον, ὡσπερεὶ τεθνηκότι;	161
Agr 2	Μεγάλ’ ἴσως ποτήρια προπινόμενα καὶ μέστ’ ἀκράτου κυμβία ἐκάρωσεν ὑμᾶς. Β. ἀνακεχαίτικεν μὲν οὖν.
Agr 3	Ὡς δ’ ἐστεφανώθην, ἡ τράπεζ’ ἐπήγετο, τοσαῦτ’ ἔχουσα βρώμαθ’, ὅσα μὰ τοὺς θεούς καὶ τὰς θεὰς οὐδ’ ἔνδον ὄντ’ ᾔδειν ἐγώ, οὕτω παρέζων χρηστῶς οὐκ ἔζων τότε.
Agch tit	ΑΓΧΙΣΗ Σ .
Agch 1	Οὐκ ἔστι δούλων, ὦ ’γάθ’, οὐδαμοῦ πόλις,
Agch 1	τύχη δὲ πάντα μεταφέρει τὰ σώματα. πολλοὶ δὲ νῦν μέν εἰσιν οὐκ ἐλεύθεροι, εἰς ταὔριον δὲ Σουνιεῖς, εἶτ’ εἰς τρίτην	162
5	ἀγορᾷ κέχρηνται· τὸν γὰρ οἴακα στρέφει δαίμων ἑκάστῳ.
Ais tit	ΑΙΣΧΡ Α .
Ais 1	Ἀρτίως διηρτάμηκε καὶ τὰ μὲν διανεκῆ σώματος μέρη δαμάζετ’ ἐν πυρικτίτοισι γᾶς·
Ais 1	Τιμόθεος ἔφη ποτ’, ἄνδρες. τὴν χύτραν οἶμαι λέγων.	163
Ant tit	ΑΝΤΕΡΩ Ν .
Ant 1	Περιστέρια γὰρ εἰσάγων καὶ στρουθία.
Ach tit	ΑΧΙΛΛΕΥ Σ .
Ger tit	ΓΕΡΟΝΤΟΜΑΝΙ Α .
Ger 1	Τὴν ἐκ Κορίνθου Λαΐδ’ οἶσθα; Β. πῶς γὰρ οὔ; τὴν ἡμετέρειον. Α. ἦν ἐκείνῃ τις φίλη
Ger 1	Ἄντεια. Β. καὶ τοῦθ’ ἡμέτερον ἦν παίγνιον. Α. νὴ τὸν Δί’ ἤνθει τότε Λαγίσκιον, τότ’ ἦν	164
5	καὶ Θεολύτη μάλ’ εὐπρόσωπος καὶ καλή, ὑπέφαιν’ ἐσομένη δ’ Ὤκιμον λαμπρὸν πάνυ.
Ger 2	Καί τοι πολύ γε πονοῦμεν. τὸν ἀσύμβολον εὗρε γελοῖα λέγειν Ῥαδάμανθυς καὶ Πα‐
2	λαμήδης.	165
Did tit	ΔΙΔΥΜΟ Ι .	166
Hel tit	ΕΛΕΝ Η .
Hel 1	Α. Ἄγκυρα, λέμβος, σκεῦος ὅ τι βούλει λέγε. Β. ὦ Ἡράκλεις, ἀβελτερίου τεμενικοῦ. Α. ἀλλ’ οὐδ’ ἂν εἰπεῖν τὸ μέγεθος δύναιτό τις.
Eus tit	ΕΥΣΕΒΕΙ Σ .
Zog tit	ΖΩΓΡΑΦΟΙ Η ΓΕΩΓΡΑΦΟ Ι .
Zog 1	Πυξίον λαβὼν κάθου.	167
Her tit	ΗΡΑΚΛΗ Σ .
Her 1	Ὁ μὲν γὰρ εὐφυής τις εἶναι φαίνεται, ὡς δ’ εὐρύθμως λαβὼν τὸ μελετητήριον εἶτ’ ἐσχεδίασε δριμέως ἐν * * παπαῖ, μεστὸς γενόμενος πρὸς τὸν Ἀργᾶν βούλομαι
5	κωδωνίσας πέμψαι ς’ ἀγωνιούμενον,
5	ἵνα καὶ σὺ νικᾷς τοὺς σοφιστάς, ὦ φίλε.	168
Thet tit	ΘΕΤΤΑΛΟ Ι .
Thesau tit	ΘΗΣΑΥΡΟ Σ .
Thesau 1	Ὁ τὸ σκόλιον εὑρὼν ἐκεῖνος, ὅστις ἦν, τὸ μὲν ὑγιαίνειν πρῶτον ὡς ἄριστον ἦν, ὠνόμασεν ὀρθῶς, δεύτερον δ’ εἶναι καλόν· τρίτον δὲ πλουτεῖν, τοῦθ’, ὁρᾷς, ἐμαίνετο·
5	μετὰ τὴν ὑγίειαν γὰρ τὸ πλουτεῖν διαφέρει·
5	καλὸς δὲ πεινῶν ἐστιν αἰσχρὸν θηρίον.	169
Thesau 2	Ἀναλαβὼν μόναυλον ηὔλουν τὸν ὑμέναιον.
Theseu tit	ΘΗΣΕΥ Σ .
Theseu 1	Ὅτε τὰς μορίας ἔτρωγεν, ὡσπερεὶ Πλάτων.
Theseu 2	Παρθένοι παίζουσι πρὸς ἐλάφρ’ ἐξαλλάγματα.	170
Kan tit	ΚΑΝΗΦΟΡΟ Σ .
Kan 1	Ἅπαντές ἐσμεν πρὸς τὰ θεῖ’ ἀβέλτεροι κοὐκ ἴσμεν οὐδέν.
Ker tit	ΚΕΡΚΙΟ Σ .
Ker 1	Ἐρυθρότερον καρῖδος ὀπτῆς ς’ ἀποφανῶ.
Kith tit	ΚΙΘΑΡΙΣΤΡΙ Α .
Kyn tit	ΚΥΝΗΓΕΤΑ Ι .
Kyn 1	Υἱὸς γὰρ οἰκόσιτος ἡδὺ γίγνεται.
Kom tit	ΚΩΜΩΙΔΟΤΡΑΓΩΙΔΙ Α .	171
Lok tit	ΛΟΚΡΙΔΕ Σ .
Lyk tit	ΛΥΚΟΥΡΓΟ Σ .
Lyk 1	Καὶ συμπαίζει καριδαρίοις μετὰ περκιδίων καὶ θρᾳττιδίων, καὶ ψητταρίοις μετὰ κωθαρίων,
Lyk 1	καὶ σκινδαρίοις μετὰ κωβιδίων.	172
Mel tit	ΜΕΛΙΛΩΤΟ Σ .
Mel 1	Οὐ μανικόν ἐστ’ ἐν οἰκίᾳ τρέφειν ταὧς,
Mel 1	ἐξὸν τοσουτουὶ δύ’ ἀγάλματ’ ἀγοράσαι;	173
Nereu tit	ΝΗΡΕΥ Σ .
Nereu 1	Ὁ πρῶτος εὑρὼν πολυτελὲς τμητὸν μέγα γλαύκου πρόσωπον, τοῦ τ’ ἀμύμονος δέμας θύννου τά τ’ ἄλλα βρώματ’ ἐξ ὑγρᾶς ἁλός, Νηρεὺς κατοικεῖ τόνδε πάντα τὸν τόπον.
Nerei tit	ΝΗΡΗΙΔΕ Σ .
Nerei 1	Δὸς δὴ τὸν χόα αὐτῷ σύ, Κῶμε, καὶ τὸ κυμβίον φέρων.
Nerei 1	Β. Εὐριπίδης τις τήμερον γενήσεται.	174
Ody tit	ΟΔΥΣΣΕΥ Σ .
Ody 1	Τῶν ζωγράφων μὲν ἡ καλὴ χειρουργία ἐν τοῖς πίναξι κρεμαμένη θαυμάζεται. αὕτη δὲ σεμνῶς ἐκ λοπάδος ἁρπάζεται, ἀπὸ τοῦ ταγήνου τ’ εὐθέως ἀφανίζεται.
5	ἐπὶ τίνα δ’ ὧδ’ ἄλλην τέχνην, ὦ χρηστὲ σύ, τὰ στόματα τῶν νεωτέρων κατακάετ’, ἤ ὠθισμός ἐστι δακτύλων τοιουτοσί ἢ πνιγμός, ἂν μὴ ταχὺ δύνηται καταπιεῖν; ἀλλ’ οὐ μόνη γὰρ τὰς συνουσίας ποιεῖ
10	εὔοψος ἀγορά; τίς δὲ συνδειπνεῖ βροτῶν, φρυκτοὺς καταλαβὼν ἢ κορακίνους ὠνίους ἢ μαινίδ’; ὡραῖον δὲ μειρακύλλιον ποίαις ἐπῳδαῖς, ἢ λόγοις ἁλίσκεται τίσιν, φράσον γάρ, ἄν τις ἀφέλῃ τὴν τέχνην
15	τὴν τῶν ἁλιέων; ἥδε γὰρ δαμάζεται,
	ἑφθοῖς προσώποις ἰχθύων χειρουμένη, ἄγους’ ὑπ’ αὐτὰ τὰ σώματ’ ἀρίστου πύλας,	175
	ἀσύμβολον κλίνειν τ’ ἀναγκάζει φύσιν.	176
Ody 2	Ὑμεῖς γὰρ ἀλλήλους ἀεὶ χλευάζετ’, οἶδ’ ἀκριβῶς· ἂν μὲν γὰρ ᾖ τις εὐπρεπής, ἱερὸν γάμον καλεῖτε· ἐὰν δὲ μικρὸν παντελῶς ἀνθρώπιον, σταλαγμόν. λαμπρός τις ἐξελήλυθ’, * * ὄλολυς οὗτός ἐστι·
5	λιπαρὸς περιπατεῖ Δημοκλῆς, ζωμὸς κατωνόμασται. χαίρει τις αὐχμῶν ἢ ῥυπῶν, κονιορτὸς ἀναπέφηνεν. ὄπισθεν ἀκολουθεῖ κόλαξ τῳ, λέμβος ἐπικέκληται· τὰ πόλλ’ ἄδειπνος περιπατεῖ, κεστρῖνός ἐστι νῆστις. εἰς τοὺς καλοὺς δ’ ἄν τις βλέπῃ, καινὸς θεατροποιός·
10	ὑφείλετ’ ἄρνα ποιμένος παίζων, Ἀτρεὺς ἐκλήθη·
10	ἐὰν δὲ κριόν, Φρίξος· ἂν δὲ κωδάριον, Ἰάσων.	177
Hop tit	ΟΠΛΟΜΑΧΟ Σ .
Hop 1	Μάγαδιν λαλήσω μικρὸν ἅμα σοι καὶ μέγαν.
Pan tit	ΠΑΝΔΑΡΟ Σ .
Pan 1	Οὐκ ἐπικεκυφὼς ὀρθός, ὦ βέλτιστ’, ἔσει· αὕτη δὲ καριδοῖ τὸ σῶμα καμπύλη
Pan 1	ἄγκυρά τ’ ἐστὶν ἄντικρυς τοῦ σώματος.	179
Pol tit	ΠΟΛΕΙ Σ .
Pol 1	Οὐκ ἂν δυναίμην συμμαχεῖν ὑμῖν ἐγώ· οὔθ’ οἱ τρόποι γὰρ ὁμονοοῦς’ οὔθ’ οἱ νόμοι ἡμῶν, ἀπ’ ἀλλήλων δὲ διέχουσιν πολύ. βοῦν προσκυνεῖς, ἐγὼ δὲ θύω τοῖς θεοῖς·
5	τὴν ἔγχελυν μέγιστον ἡγεῖ δαίμονα, ἡμεῖς δὲ τῶν ὄψων μέγιστον παρὰ πολύ. οὐκ ἐσθίεις ὕει’, ἐγὼ δέ γ’ ἥδομαι μάλιστα τούτοις· κύνα σέβεις, τύπτω δ’ ἐγώ, τοὔψον κατεσθίουσαν ἡνίκ’ ἂν λάβω.
10	τοὺς ἱερέας ἐνθάδε μὲν ὁλοκλήρους νόμος εἶναι, παρ’ ὑμῖν δ’, ὡς ἔοικεν, ἀπηργμένους. τὸν αἰέλουρον κακὸν ἔχοντ’ ἐὰν ἴδῃς, κλάεις, ἐγὼ δ’ ἥδιστ’ ἀποκτείνας δέρω.
10	δύναται παρ’ ὑμῖν μυγαλῆ, παρ’ ἐμοὶ δέ γ’ οὔ.	180
Pro tit	ΠΡΩΤΕΣΙΛΑΟ Σ .
Pro 1	Κἂν ταῦτα ποιῇς ὥσπερ φράζω,
Pro 1	λαμπροῖς δείπνοις δεξόμεθ’ ὑμᾶς, οὐδὲν ὁμοίοις τοῖς Ἰφικράτους τοῖς ἐν Θρᾴκῃ· καί τοι φασίν	181
5	βυβακάλους αὐτὰ γενέσθαι. κατὰ τὴν ἀγορὰν μὲν ὑπεστρῶσθαι στρώμαθ’ ἁλουργῆ μέχρι τῆς ἄρκτου· δειπνεῖν δ’ ἄνδρας βουτυροφάγας, αὐχμηροκόμας μυριοπληθεῖς·
10	τοὺς δὲ λέβητας χαλκοῦς εἶναι μείζους λάκκων δωδεκακλίνων· αὐτὸν δὲ Κότυν περιεζῶσθαι ζωμόν τε φέρειν ἐν χοῒ χρυσῇ, καὶ γευόμενον τῶν κρατήρων
15	πρότερον μεθύειν τῶν πινόντων. αὐλεῖν δ’ αὐτοῖς Ἀντιγενίδαν, Ἀργᾶν δ’ ᾄδειν καὶ κιθαρίζειν Κηφισόδοτον τὸν Ἀχαρνῆθεν, μέλπειν δ’ ᾠδαῖς
20	τοτὲ μὲν Σπάρτην τὴν εὐρύχορον, τοτὲ δ’ αὖ Θήβας τὰς ἑπταπύλους τὰς ἁρμονίας μεταβάλλειν. φέρνας τε λαβεῖν δύο μὲν ξανθῶν ἵππων ἀγέλας, αἰγῶν τ’ ἀγέλην,
25	χρυσοῦν τε σάκος * * * φιάλην τε λεπαστήν, χιόνος τε πρόχουν, κέρχνων τε χύτραν, βολβῶν τε σιρὸν δωδεκάπηχυν, καὶ πουλυπόδων ἑκατόμβην.
30	ταῦτα μὲν οὕτως φασὶ ποιῆσαι Κότυν ἐν Θρᾴκῃ, γάμον Ἰφικράτει.
30	τούτων δ’ ἔσται πολὺ σεμνότερον καὶ λαμπρότερον παρὰ δεσποσύνοις τοῖς ἡμετέροις. τί γὰρ ἐκλείπει	182
35	δόμος ἡμέτερος ποίων ἀγαθῶν; οὐ σμύρνης καὶ Συρίας ὀδμαί λιβάνου τε πνοαί; τερενοχρῶτες μαζῶν ὄψεις, ἄρτων, ἀμύλων, πουλυποδείων, χολίκων, δημοῦ,
40	φυσκῶν, ζωμοῦ, τεύτλων, θρίων, λεκίθου, σκορόδων, ἀφύης, σκόμβρων, ἐνθρυμματίδων, πτισάνης, ἀθάρης, κυάμων, λαθύρων, ὤχρων, δολίχων, μέλιτος, τυροῦ, χορίων, πυρῶν,
45	καρύων, χόνδρου. κάραβοι ὀπτοί, τευθίδες ὀπταί, κεστρεὺς ἑφθός, σηπίαι ἑφθαί, μύραιν’ ἑφθή, κωβιοὶ ἑφθοί, θυννίδες ὀπταί, φυκίδες ἑφθαί, βάτραχοι, πέρκαι,
Pro 1 (50)	συνόδοντες, ὄνοι, βατίδες, ψῆτται, γαλεός, κόκκυξ, θρίσσαι, νάρκαι, ῥίνης τεμάχη, σχαδόνες, βότρυες, σῦκα, πλακοῦντες, μῆλα, κράνειαι, ῥόαι, ἕρπυλλος, μήκων, ἀχράδες,
55	κνῆκος, ἐλᾶαι, στέμφυλ’, ἄμητες, πράσα, γήτειον, κρόμμυα, φύστη, βολβοί, καυλοί, σίλφιον, ὄξος, μάραθ’, ᾠά, φακή, τέττιγες, ὀποί, κάρδαμα, σήσαμα, κήρυκες, ἅλες,
60	πίνναι, λεπάδες, μύες, ὄστρεια, κτένες, ὄρκυνες· καὶ πρὸς τούτοις
60	ὀρνιθαρίων ἀφάτων πλῆθος, νηττῶν, φαττῶν· χῆνες, στρουθοί, κίχλαι, κόρυδοι, κίτται, κύκνοι,	183
65	πελεκάν, κίγκλοι, γέρανος—τουδί τοῦ χάσκοντος διατειναμένη διὰ τοῦ πρωκτοῦ καὶ τῶν πλευρῶν διακόψειεν τὸ μέτωπον. οἶνοι δέ σοι λευκὸς * * *	183
70	γλυκὺς αὐθιγενὴς ἡδὺς καπνίας.	184
Pro 2	Μύρῳ δὲ παρὰ Πέρωνος, οὗπερ ἀπέδοτο ἐχθὲς Μελανώπῳ πολυτελοῦς Αἰγυπτίου,	184
Pro 2	ᾧ νῦν ἀλείφει τοὺς πόδας Καλλιστράτου.	185
Sam tit	ΣΑΜΙ Α .
Sam 1	Τὸ γὰρ κολακεύειν νῦν ἀρέσκειν ὄνομ’ ἔχει.
Sat tit	ΣΑΤΥΡΙΑ Σ .
Sos tit	ΣΩΣΙΠΠΟ Σ .
Ter tit	ΤΗΡΕΥ Σ .
Ter 1	Ὄρνις κεκλήσει. Β. διὰ τί, πρὸς τῆς Ἑστίας;
Ter 1	πότερον καταφαγὼν τὴν πατρῴαν οὐσίαν ὥσπερ Πολύευκτος ὁ καλός; Α. οὐ δῆτ’, ἀλλ’ ὅτι ἄρρην ὑπὸ θηλειῶν κατεκόπης.	190
Ter 2	Ὀχευομένους δὲ τοὺς κάπρους καὶ τὰς ἀλεκτρυόνας θεωροῦς’ ἄσμενοι.
Ter 3	Ἀλλ’ οἷα νύμφη βασιλὶς ὠνομασμένη
Ter 3	μύροις Μεγαλλίοισι σῶμ’ ἀλείφεται.	191
Hyb tit	ΥΒΡΙ Σ .
Hyb 1	Οὔκουν λαβὼν τὸν φανὸν ἅψεις μοι λύχνον;
Pha tit	ΦΑΡΜΑΚΟΜΑΝΤΙ Σ .
Pha 1	Ὅτι εἴμ’ ἀλαζών, τοῦτ’ ἐπιτιμᾷς; ἀλλὰ τί; νικᾷ γὰρ αὕτη τὰς τέχνας πάσας πολύ μετὰ τὴν κολακείαν. ἥδε μὲν γὰρ διαφέρει.
Pha 2	Ἀσφάραγον σχῖνόν τε τεμὼν καὶ ὀρίγανον, ὃς δή
Pha 2	σεμνύνει τὸ τάριχον ὁμοῦ μιχθεὶς κοριάννῳ.	192
Phi tit	ΦΙΑΛΗΦΟΡΟ Σ .
Phi 1	Τὸν ἐμὸν μόναυλον ποῖ τέτροφας; οὗτος Σύρε.
Phi 1	Β. ποῖον μόναυλον; Α. τὸν κάλαμον.	193
IFF tit	INCERTARUM FABULARUM FRAGMENTA.
IFF 1	Ὅστις γαμεῖν βουλεύετ’, οὐ βουλεύεται ὀρθῶς, διότι βουλεύεται χοὕτω γαμεῖ. πολλῶν κακῶν γάρ ἐστιν ἀρχὴ τῷ βίῳ. ἢ γὰρ πένης ὢν τὴν γυναῖκα χρήματα
5	λαβὼν ἔχει δέσποιναν, οὐ γυναῖκ’ ἔτι, ἧς ἐστι δοῦλος καὶ πένης. ἢν δ’ αὖ λάβῃ μηδὲν φερομένην, δοῦλος αὐτὸς γίγνεται· δεῖ γὰρ τὸ λοιπὸν ἀνθ’ ἑνὸς τρέφειν δύο. ἀλλ’ ἔλαβεν αἰσχράν· οὐ βιωτόν ἐστ’ ἔτι,
10	οὐδ’ εἴσοδος τὸ παράπαν εἰς τὴν οἰκίαν. ἀλλ’ ἔλαβεν ὡραίαν τις· οὐδὲν γίγνεται μᾶλλόν τι τοῦ γήμαντος ἢ τῶν γειτόνων· ὥστ’ οὐδαμῶς κακοῦ γ’ ἁμαρτεῖν γίγνεται.
IFF 2	Οὔτοι τὸ γῆράς ἐστιν, ὡς οἴει, πάτερ,
IFF 2	τῶν φορτίων μέγιστον, ἀλλ’ ὃς ἂν φέρῃ ἀγνωμόνως αὔθ’, οὗτός ἐστιν αἴτιος· ἂν δ’ εὐκόλως, ἐνίοτε κοιμίζειν ποιεῖ,	194
5	μεταλαμβάνων ἐπιδέξι’ αὐτοῦ τὸν τρόπον, λύπην τ’ ἀφαιρῶν ἡδονήν τε προστιθείς· λύπην δὲ ποιῶν, εἴτι δυσκόλως ἔχει.
IFF 3	Ἡδονὴν ἔχει, ὅταν τις εὕρῃ καινὸν ἐνθύμημά τι, δηλοῦν ἅπασιν· οἱ δ’ ἑαυτοῖσιν σοφοί πρῶτον μὲν οὐκ ἔχουσι τῆς τέχνης κριτήν,
5	εἶτα φθονοῦνται· χρὴ γὰρ εἰς ὄχλον φέρειν
5	ἅπανθ’ ὅς’ ἄν τις καινότητ’ ἔχειν δοκῇ.	195
IFF 4	Ὅστις λόγους παρακαταθήκην γὰρ λαβών ἐξεῖπεν, ἄδικός ἐστιν ἢ ἀκρατὴς ἄγαν· ὁ μὲν διὰ κέρδος, ἄδικος· ὁ δὲ τούτου δίχα, ἀκρατής· ἴσον δέ γ’ εἰσὶν ἀμφότεροι κακοί.
IFF 5	Χαλεπή, λέγω σοι, καὶ προσάντης, ὦ τέκνον, ὁδός ἐστιν, ὡς τὸν πατέρ’ ἀπελθεῖν οἴκαδε παρ’ ἀνδρός, ἥ τις ἐστὶ κοσμία γυνή. ὁ γὰρ δίαυλός ἐστιν αἰσχύνην ἔχων.
IFF 6	Ἐὰν λούσησθε νῦν ῥάφανόν τε πολλὴν ἐντράγητε, παύσετε τὸ βάρος, διασκεδᾶτε τὸ προσὸν νῦν νέφος
IFF 6	ἐπὶ τοῦ προσώπου.	196
IFF 7	Τὸ νέκταρ ἐσθίω πάνυ μάττων διαπίνω τ’ ἀμβροσίαν, καὶ τῷ Διί διακονῶ, καὶ σεμνός εἰμ’ ἑκάστοτε Ἥρᾳ λαλῶν καὶ Κύπριδι παρακαθήμενος.
IFF 8	Ὦ πονηρὰ καρδία, ἐπιχαιρέκακον ὡς εἶ μόνον τοῦ σώματος·
IFF 8	ὀρχεῖ γὰρ εὐθύς, ἂν ἴδῃς δεδοικότα.	197
IFF 9	Μηδέποτε δοῦλον ἡδονῆς σαυτὸν ποίει· λάγνης γυναικός ἐστιν οὐκ ἀνδρὸς τόδε.
IFF 10	Ἔρως σοφιστοῦ γίγνεται διδάσκαλος σκαιοῦ πολὺ κρείττων πρὸς τὸν ἀνθρώπων βίον.
IFF 11	Ὑπὲρ σεαυτοῦ πρᾶτθ’ ὁτιοῦν ἄν σοι δοκῇ, ἐγὼ δ’ ὑπὲρ ἐμοῦ.
IFF 12	Τὸ συνεχὲς ἔργου παντὸς εὑρίσκει τέλος.	198
IFF 13	Κόρης ἀπαλλαττόμεθα ταμιείου πικροῦ.
IFF 14	Ἀρκτῆ λεοντῆ παρδαλῆ μοσχῆ κυνῆ.
IFF 15	Οὐχὶ παρὰ πολλοῖς ἡ χάρις τίκτει χάριν.
IFF 16	Ἡ πόλις ἐβούλεθ’, ᾗ νόμων οὐδὲν μέλει.
IFF 17	Ὑπερήμεροί μοι τῶν γάμων αἱ παρθένοι.
IFF 18	Καλόν γ’ ἀποθανεῖν πρὶν θανάτου δρᾶν ἄξιον.	199
IFF 19	Τρίκλινον δ’ εὐθέως συνήγετο	199
IFF 19	καὶ συναυλίαι γέροντι.	200
IFF 26	Ὡς δὴ παχεῖαν τὴν περιζώστραν ἔχει.	201

Agr

tit

Agr

1

Agr

2

Agr

3

Agch

tit

Agch

1

Ais

tit

Ais

1

Ant

tit

Ant

1

Ach

tit

Ger

tit

Ger

1

Ger

2

Did

tit

Hel

tit

Hel

1

Eus

tit

Zog

tit

Zog

1

Her

tit

Her

1

Thet

tit

Thesau

tit

Thesau

1

Thesau

2

Theseu

tit

Theseu

1

Theseu

2

Kan

tit

Kan

1

Ker

tit

Ker

1

Kith

tit

Kyn

tit

Kyn

1

Kom

tit

Lok

tit

Lyk

tit

Lyk

1