ANAXANDRIDES :: Fragmenta

TLG 0405 001 :: ANAXANDRIDES :: Fragmenta ANAXANDRIDES Comic. (4 B.C.) Fragmenta Source: Kock, T. (ed.), Comicorum Atticorum fragmenta, vol. 2. Leipzig: Teubner, 1884: 135–153, 155–164. frr. 1–73, 75–81 + tituli Citation: Fragment — (line)

tit 1-3	ΑΓΡΟΙΚΟΙ
1	τίνα δὴ παρεσκευασμένοι πίνειν τρόπον νῦν ἐστε; λέγετε. τίνα τρόπον;
1	Β. ἡμεῖς τοιοῦτον οἷον ἂν καὶ σοὶ δοκῇ. Α. βούλεσθε δῆτα τὸν ἐπιδέξι’; Β. ὦ πάτερ,	135
5	λέγειν ἐπὶ τῷ πίνοντι τὸν ἐπιδέξια λέγειν, Ἄπολλον, ὡσπερεὶ τεθνηκότι;
2	ὡς δ’ ἐστεφανώθην, ἡ τράπεζ’ ἐσῄρετο, τοσαῦτ’ ἔχουσα βρώμαθ’, ὅσα μὰ τοὺς θεοὺς καὶ τὰς θεὰς οὐδ’ ἔνδον ὄντ’ ᾔδειν ἐγώ· οὕτως παρέζων χρηστῶς οὐκ ἔζων τότε.
3	μεγάλ’ ἴσως ποτήρια προπινόμενα καὶ μέστ’ ἀκράτου κυμβία
3	ἐκάρωσεν ὑμᾶς. Β. ἀνακεχαίτικεν μὲν οὖν.	136
tit 4-5	ΑΓΧΙΣΗΣ
4	οὐκ ἔστι δούλων, ὦγάθ’, οὐδαμοῦ πόλις, τύχη δὲ πάντα μεταφέρει τὰ σώματα. πολλοὶ δὲ νῦν μέν εἰσιν οὐκ ἐλεύθεροι, εἰς αὔριον δὲ Σουνιεῖς, εἶτ’ εἰς τρίτην
5	ἀγορᾷ κέχρηνται· τὸν γὰρ οἴακα στρέφει δαίμων ἑκάστῳ.
5	ἡμιχρύσους
tit 6	ΑΙΣΧΡΑ
6	ἀρτίως διηρτάμηκε καὶ τὰ μὲν διανεκῆ σώματος μέρη δαμάζετ’ ἐν πυρικτίτοισι γᾶς·
6	Τιμόθεος ἔφη ποτ’, ἄνδρες, τὴν χύτραν οἶμαι λέγων.	137
tit,ante 7	ΑΜΠΡΑΚΙΩΤΙΣ
tit 7	ΑΝΤΕΡΩΝ
7	περιστέρια γὰρ εἰσάγων καὶ στρουθία
tit 8	ΑΧΙΛΛΕΥΣ
8	κακομαθής
tit 9-10	ΓΕΡΟΝΤΟΜΑΝΙΑ
9	τὴν ἐκ Κορίνθου Λαΐδ’ οἶσθα; Β. πῶς γὰρ οὔ; τὴν ἡμετέρειον. Α. ἦν ἐκείνῃ τις φίλη Ἄντεια. Β. καὶ τοῦθ’ ἡμέτερον ἦν παίγνιον. Α. νὴ τὸν Δί’ ἤνθει τότε Λαγίσκιον, τότ’ ἦν
5	καὶ Θεολύτη μάλ’ εὐπρόσωπος καὶ καλή,
5	ὑπέφαιν’ ἐσομένη δ’ Ὤκιμον λαμπρὸν πάνυ.	138
10	καίτοι πολλοί γε πονοῦμεν. τὸν ἀσύμβολον εὗρε γέλοια λέγειν Ῥαδάμανθυς καὶ Παλαμήδης.
tit 11	ΔΙΔΥΜΟΙ
11	βρέτας
tit,ante 12	ΔΙΟΝΥΣΟΥ ΓΟΝΑΙ	139
tit 12	ΕΛΕΝΗ
12	Α. ἄγκυρα, λέμβος, σκεῦος ὅ τι βούλει λέγε. Β. ὦ Ἡράκλεις, ἀβελτερείου τεμενικοῦ. Α. ἀλλ’ οὐδ’ ἂν εἰπεῖν τὸ μέγεθος δύναιτό τις.
t,post 12	ΕΡΕΧΘΕΥΣ
tit,ante 13	ΕΥΣΕΒΕΙΣ
tit 13-14	ΖΩΓΡΑΦΟΙ
13	πυξίον λαβὼν κάθου.	140
14	κιννάβαρις
tit 15	ΗΡΑΚΛΗΣ
15	ὁ μὲν γὰρ εὐφυής τις εἶναι φαίνεται, ὡς δ’ εὐρύθμως λαβὼν τὸ μελετητήριον εἶτ’ ἐσχεδίασε δριμέως ἐν . . παπαῖ, μεστὸς γενόμενος πρὸς τὸν Ἀργᾶν βούλομαι
5	κωδωνίσας πέμψαι ς’ ἀγωνιούμενον, ἵνα καὶ σὺ νικᾷς τοὺς σοφιστάς, ὦ φίλε.
tit 16	ΘΕΤΤΑΛΟΙ
16	λιθάζειν	141
tit 17-18	ΘΗΣΑΥΡΟΣ
17	ὁ τὸ σκόλιον εὑρὼν ἐκεῖνος, ὅστις ἦν, τὸ μὲν ὑγιαίνειν πρῶτον ὡς ἄριστον ὂν ὠνόμασεν ὀρθῶς, δεύτερον δ’ εἶναι καλόν, τρίτον δὲ πλουτεῖν, τοῦθ’, ὁρᾷς, ἐμαίνετο·
5	μετὰ τὴν ὑγίειαν γὰρ τὸ πλουτεῖν διαφέρει· καλὸς δὲ πεινῶν ἐστιν αἰσχρὸν θηρίον.
18	ἀναλαβὼν μόναυλον ηὔλουν τὸν ὑμέναιον.
tit 19-20	ΘΗΣΕΥΣ
19	ὅτε τὰς μορίας ἔτρωγεν, ὥσπερ καὶ Πλάτων.	142
20	παρθένοι παίζουσι πρὸς ἐλάφρ’ ἐξαλλάγματα.
tit,ante 21	ΙΩ
tit 21	ΚΑΝΗΦΟΡΟΣ
21	ἅπαντές ἐσμεν πρὸς τὰ θεῖ’ ἀβέλτεροι, κοὐκ ἴσμεν οὐδέν.
tit 22	ΚΕΡΚΙΟΣ
22	ἐρυθρότερον καρῖδος ὀπτῆς ς’ ἀποφανῶ.
tit 23	ΚΙΘΑΡΙΣΤΡΙΑ
23	βύστρα	143
tit 24	ΚΥΝΗΓΕΤΑΙ
24	υἱὸς γὰρ οἰκόσιτος ἡδὺ γίνεται.
tit 25	ΚΩΜΩΙΔΟΤΡΑΓΩΙΔΙΑ
25	γελασίνην
tit 26	ΛΟΚΡΙΔΕΣ
26	λῆμμα καὶ ἀνάλωμα
tit 27	ΛΥΚΟΥΡΓΟΣ
27	καὶ συμπαίζει καριδαρίοις μετὰ περκιδίων καὶ θρᾳττιδίων, καὶ ψητταρίοις μετὰ κωθαρίων,
27	καὶ σκινδαρίοις μετὰ κωβιδίων.	144
tit,ante 28	ΜΑΙ[ΝΟΜΕΝΟΣ]
tit 28-29	ΜΕΛΙΛΩΤΟΣ(Ν)
28	οὐ μανικόν ἐστ’ ἐν οἰκίᾳ τρέφειν ταὧς, ἐξὸν τοσουτουὶ δύ’ ἀγάλματ’ ἀγοράσαι;
29	τὸ κυλικεῖον
tit 30-31	ΝΗΡΕΥΣ
30	ὁ πρῶτος εὑρὼν πολυτελὲς τμητὸν μέγα
30	γλαύκου πρόσωπον, τοῦ τ’ ἀμύμονος δέμας θύννου τά τ’ ἄλλα βρώματ’ ἐξ ὑγρᾶς ἁλός, Νηρεὺς κατοικεῖ τόνδε πάντα τὸν τόπον.	145
31	γογγυσμός
tit 32	ΝΗΡΗΙΔΕΣ
32	δὸς δὴ τὸν χόα αὐτῷ σύ, Κῶμε, καὶ τὸ κυμβίον φέρων. Εὐριπίδης τις τήμερον γενήσεται.
tit 33-34	ΟΔΥΣΣΕΥΣ
33	τῶν ζωγράφων μὲν ἡ καλὴ χειρουργία ἐν τοῖς πίναξι κρεμαμένη θαυμάζεται, αὕτη δὲ σεμνῶς ἐκ λοπάδος ἁρπάζεται ἀπὸ τοῦ ταγήνου τ’ εὐθέως ἀφανίζεται.
5	ἐπὶ τίνα δ’ ὧδ’ ἄλλην τέχνην, ὦ χρηστὲ σύ, τὰ στόματα τῶν νεωτέρων κατακάετ’, ἢ
5	ὠθισμός ἐστι δακτύλων τοιουτοσὶ ἢ πνιγμός, ἂν μὴ ταχὺ δύνηται καταπιεῖν; ἀλλ’ οὐ μόνη γὰρ τὰς συνουσίας ποιεῖ	146
10	εὔοψος ἀγορά; τίς δὲ συνδειπνεῖ βροτῶν φρυκτοὺς καταλαβὼν ἢ κορακίνους ὠνίους ἢ μαινίδ’; ὡραῖον δὲ μειρακύλλιον ποίαις ἐπῳδαῖς ἢ λόγοις ἁλίσκεται τίσιν, φράσον γάρ, ἄν τις ἀφέλῃ τὴν τέχνην
15	τὴν τῶν ἁλιέων; ἥδε γὰρ δαμάζεται, ἑφθοῖς προσώποις ἰχθύων χειρουμένη, ἄγους’ ὑπ’ αὐτὰ σώματ’ ἀρίστου πύλας
15	ἀσύμβολον κλίνειν τ’ ἀναγκάζει φύσιν.	147
34	ὑμεῖς γὰρ ἀλλήλους ἀεὶ χλευάζετ’, οἶδ’ ἀκριβῶς· ἂν μὲν γὰρ ᾖ τις εὐπρεπής, ἱερὸν γάμον καλεῖτε· ἐὰν δὲ μικρὸν παντελῶς ἀνθρώπιον, σταλαγμόν. λαμπρός τις ἐξελήλυθ’, . . ὄλολυς οὗτός ἐστι·
5	λιπαρὸς περιπατεῖ Δημοκλῆς, ζωμὸς κατωνόμασται· χαίρει τις αὐχμῶν ἢ ῥυπῶν, κονιορτὸς ἀναπέφηνεν· ὄπισθεν ἀκολουθεῖ κόλαξ τῳ, λέμβος ἐπικέκληται· τὰ πόλλ’ ἄδειπνος περιπατεῖ, κεστρῖνός ἐστι νῆστις. εἰς τοὺς καλοὺς δ’ ἄν τις βλέπῃ, καινὸς θεατροποιός·
10	ὑφείλετ’ ἄρνα ποιμένος παίζων, Ἀτρεὺς ἐκλήθη·
10	ἐὰν δὲ κριόν, Φρίξος· ἂν δὲ κωδάριον, Ἰάσων.	148
tit 35-36	ΟΠΛΟΜΑΧΟΣ
35	μάγαδιν λαλήσω μικρὸν ἅμα σοι καὶ μέγαν.
36	λεπτοτέρως
tit 37-38	ΠΑΝΔΑΡΟΣ
37	οὐκ ἐπικεκυφὼς ὀρθός, ὦ βέλτιστ’, ἔσει· αὕτη δὲ καριδοῖ τὸ σῶμα καμπύλη,
37	ἄγκυρά τ’ ἐστὶν ἄντικρυς τοῦ σώματος.	149
38	Ἄρεος παιδίον
tit 39	ΠΟΛΕΙΣ
39	οὐκ ἂν δυναίμην συμμαχεῖν ὑμῖν ἐγώ· οὔθ’ οἱ τρόποι γὰρ ὁμονοοῦς’ οὔθ’ οἱ νόμοι ἡμῶν, ἀπ’ ἀλλήλων δὲ διέχουσιν πολύ. βοῦν προσκυνεῖς, ἐγὼ δὲ θύω τοῖς θεοῖς·
5	τὴν ἔγχελυν μέγιστον ἡγεῖ δαίμονα, ἡμεῖς δὲ τῶν ὄψων μέγιστον παρὰ πολύ. οὐκ ἐσθίεις ὕει’, ἐγὼ δέ γ’ ἥδομαι μάλιστα τούτοις· κύνα σέβεις, τύπτω δ’ ἐγώ, τοὔψον κατεσθίουσαν ἡνίκ’ ἂν λάβω.
10	τοὺς ἱερέας ἐνθάδε μὲν ὁλοκλήρους νόμος εἶναι, παρ’ ὑμῖν δ’, ὡς ἔοικ’, ἀπηργμένους. τὸν αἰέλουρον κακὸν ἔχοντ’ ἐὰν ἴδῃς, κλάεις, ἐγὼ δ’ ἥδιστ’ ἀποκτείνας δέρω. δύναται παρ’ ὑμῖν μυγαλῆ, παρ’ ἐμοὶ δέ γ’ οὔ.
tit 40-41	ΠΡΩΤΕΣΙΛΑΟΣ	150
40	μύρῳ δὲ παρὰ Πέρωνος, οὗπερ ἀπέδοτο ἐχθὲς Μελανώπῳ πολυτελοῦς Αἰγυπτίου, ᾧ νῦν ἀλείφει τοὺς πόδας Καλλιστράτου.
41	κἂν ταῦτα ποιῆθ’ ὥσπερ φράζω, λαμπροῖς δείπνοις δεξόμεθ’ ὑμᾶς, οὐδὲν ὁμοίοις τοῖς Ἰφικράτους τοῖς ἐν Θρᾴκῃ· καίτοι φασὶν
5	βουβαυκαλόσαυλα γενέσθαι. κατὰ τὴν ἀγορὰν μὲν ὑπεστρῶσθαι στρώμαθ’ ἁλουργῆ μέχρι τῆς ἄρκτου· δειπνεῖν δ’ ἄνδρας βουτυροφάγας, αὐχμηροκόμας μυριοπληθεῖς·
10	τοὺς δὲ λέβητας χαλκοῦς εἶναι, μείζους λάκκων δωδεκακλίνων·
10	αὐτὸν δὲ Κότυν περιεζῶσθαι ζωμόν τε φέρειν ἐν χοῒ χρυσῇ, καὶ γευόμενον τῶν κρατήρων	151
15	πρότερον μεθύειν τῶν πινόντων. αὐλεῖν δ’ αὐτοῖς Ἀντιγενείδαν, Ἀργᾶν δ’ ᾄδειν καὶ κιθαρίζειν Κηφισόδοτον τὸν Ἀχαρνῆθεν, μέλπειν δ’ ᾠδαῖς
20	τοτὲ μὲν Σπάρτην τὴν εὐρύχορον, τοτὲ δ’ αὖ Θήβας τὰς ἑπταπύλους τὰς ἁρμονίας μεταβάλλειν. φερνάς τε λαβεῖν δύο μὲν ξανθῶν ἵππων ἀγέλας, αἰγῶν τ’ ἀγέλην,
25	χρυσοῦν τε σάκος . . . φιάλην τε λεπαστήν, Χίου τε πρόχουν, κέρχνων τε χύτραν, βολβῶν τε σιρὸν δωδεκάπηχυν καὶ πουλυπόδων ἑκατόμβην.
30	ταῦτα μὲν οὕτως φασὶ ποιῆσαι Κότυν ἐν Θρᾴκῃ, γάμον Ἰφικράτει. τούτων δ’ ἔσται πολὺ σεμνότερον καὶ λαμπρότερον παρὰ δεσποσύνοις τοῖς ἡμετέροις. τί γὰρ ἐκλείπει
35	δόμος ἡμέτερος ποίων ἀγαθῶν; οὐ σμύρνης καὶ Συρίας ὀδμαὶ λιβάνου τε πνοαί; τερενοχρῶτες μαζῶν ὄψεις, ἄρτων, ἀμύλων, πουλυποδείων, χολίκων, δημοῦ,
40	φυσκῶν, ζωμοῦ, τεύτλων, θρίων, λεκίθου, σκορόδων, ἀφύης, σκόμβρων, ἐνθρυμματίδων, πτισάνης, ἀθάρης, κυάμων, λαθύρων, ὤχρων, δολίχων, μέλιτος, τυροῦ, χορίων, πυρῶν,
45	καρύων, χόνδρου. κάραβοι ὀπτοί, τευθίδες ὀπταί, κεστρεὺς ἑφθός, σηπίαι ἑφθαί, μύραιν’ ἑφθή, κωβιοὶ ἑφθοί, θυννίδες ὀπταί, φυκίδες ἑφθαί,
41 (50)	βάτραχοι, πέρκαι, συνόδοντες, ὄνοι, βατίδες, ψῆτται, γαλεός, κόκκυξ, θρίτται, νάρκαι, ῥίνης τεμάχη, σχαδόνες, βότρυες, σῦκα, πλακοῦντες, μῆλα, κράνειαι,	152
55	ῥόαι, ἕρπυλλος, μήκων, ἀχράδες, κνῆκος, ἐλᾶαι, στέμφυλ’, ἄμητες, πράσα, γήτειον, κρόμμυα, φυστή, βολβοί, καυλοί, σίλφιον, ὄξος, μάραθ’, ᾠά, φακή, τέττιγες, ὀποί,
60	κάρδαμα, σήσαμα, κήρυκες, ἅλες, πίνναι, λεπάδες, μύες, ὄστρεια, κτένες, ὄρκυνες· καὶ πρὸς τούτοις ὀρνιθαρίων ἀφάτων πλῆθος, νηττῶν, φαττῶν· χῆνες, στρουθοί,
65	κίχλαι, κόρυδοι, κίτται, κύκνοι, πελεκάν, κίγκλοι, γέρανος— Β. τουδὶ τοῦ χάσκοντος διατειναμένη διὰ τοῦ πρωκτοῦ καὶ τῶν πλευρῶν διακόψειεν τὸ μέτωπον.
70	οἶνοι δέ σοι λευκὸς . . .
70	γλυκὺς αὐθιγενὴς ἡδὺς καπνίας.	153
tit 42	ΣΑΜΙΑ
42	τὸ γὰρ κολακεύειν νῦν ἀρέσκειν ὄνομ’ ἔχει.
tit 43	ΣΑΤΥΡΙΑΣ
43	ὠτάρια
tit 44	ΣΩΣΙΠΠΟΣ
44	πτόλιν	155
tit 45-47	ΤΗΡΕΥΣ
45	ὄρνις κεκλήσει. Β. διὰ τί, πρὸς τῆς Ἑστίας; πότερον καταφαγὼν τὴν πατρῴαν οὐσίαν ὥσπερ Πολύευκτος ὁ καλός; Α. οὐ δῆτ’, ἀλλ’ ὅτι ἄρρην ὑπὸ θηλειῶν κατεκόπης.
46	ἀλλ’ οἷα νύμφη βασιλὶς ὠνομασμένη μύροις Μεγαλλείοισι σῶμ’ ἀλείφεται.
47	ὀχευομένους δὲ τοὺς κάπρους
47	καὶ τὰς ἀλεκτρυόνας θεωροῦς’ ἄσμενοι.	156
tit 48	ΥΒΡΙΣ
48	οὔκουν λαβὼν τὸν φανὸν ἅψεις μοι λύχνον;
tit 49-50	ΦΑΡΜΑΚΟΜΑΝΤΙΣ
49	ὅτι εἴμ’ ἀλαζών, τοῦτ’ ἐπιτιμᾷς; ἀλλὰ τί; νικᾷ γὰρ αὕτη τὰς τέχνας πάσας πολὺ μετὰ τὴν κολακείαν. ἥδε μὲν γὰρ διαφέρει.
50	ἀσφάραγον σχῖνόν τε τεμὼν καὶ ὀρίγανον, ὃς δὴ σεμνύνει τὸ τάριχον ὁμοῦ μιχθεὶς κοριάννῳ.
tit 51	ΦΙΑΛΗΦΟΡΟΣ	157
51	τὸν μόναυλον ποῖ τέτροφας; οὗτος Σύρε. Β. ποῖον μόναυλον; Α. τὸν κάλαμον.
tit 52-77	ΑΔΗΛΩΝ ΔΡΑΜΑΤΩΝ
52	ὅστις γαμεῖν βουλεύετ’, οὐ βουλεύεται ὀρθῶς, διότι βουλεύεται χοὔτω γαμεῖ. πολλῶν κακῶν γάρ ἐστιν ἀρχὴ τῷ βίῳ. ἢ γὰρ πένης ὢν τὴν γυναῖκα χρήματα
5	λαβὼν ἔχει δέσποιναν, οὐ γυναῖκ’ ἔτι, ἧς ἐστι δοῦλος καὶ πένης. ἢν δ’ αὖ λάβῃ μηδὲν φερομένην, δοῦλος αὐτὸς γίνεται· δεῖ γὰρ τὸ λοιπὸν ἀνθ’ ἑνὸς τρέφειν δύο. ἀλλ’ ἔλαβεν αἰσχράν· οὐ βιωτόν ἐστ’ ἔτι,
10	οὐδ’ εἴσοδος τὸ παράπαν εἰς τὴν οἰκίαν. ἀλλ’ ἔλαβεν ὡραίαν τις· οὐδὲν γίνεται μᾶλλόν τι τοῦ γήμαντος ἢ τῶν γειτόνων·
10	ὥστ’ οὐδαμῶς κακοῦ γ’ ἁμαρτεῖν γίνεται.	158
53	οὔτοι τὸ γῆράς ἐστιν, ὡς οἴει, πάτερ, τῶν φορτίων μέγιστον, ἀλλ’ ὃς ἂν φέρῃ ἀγνωμόνως αὔθ’, οὗτός ἐστιν αἴτιος· οὐδ’ εὐκόλως, ἐνίοτε κοιμίζειν ποιεῖ
5	μεταλαμβάνων ἐπιδέξι’ αὐτοῦ τὸν τρόπον λύπην τ’ ἀφαιρῶν ἡδονήν τε προστιθείς, λύπην δὲ ποιῶν, εἴτι δυσκόλως ἔχει.
54	ἡδονὴν ἔχει, ὅταν τις εὕρῃ καινὸν ἐνθύμημά τι, δηλοῦν ἅπασιν· οἱ δ’ ἑαυτοῖσιν σοφοὶ πρῶτον μὲν οὐκ ἔχουσι τῆς τέχνης κριτήν,
5	εἶτα φθονοῦνται· χρὴ γὰρ εἰς ὄχλον φέρειν ἅπανθ’ ὅς’ ἄν τις καινότητ’ ἔχειν δοκῇ.
55	ὅστις λόγους παρακαταθήκην γὰρ λαβὼν ἐξεῖπεν, ἄδικός ἐστιν ἢ ἀκρατὴς ἄγαν· ὁ μὲν διὰ κέρδος, ἄδικος· ὁ δὲ τούτου δίχα, ἀκρατής· ἴσως δέ γ’ εἰσὶν ἀμφότεροι κακοί.
56	χαλεπή, λέγω σοι, καὶ προσάντης, ὦ τέκνον,
56	ὁδός ἐστιν, ὡς τὸν πατέρ’ ἀπελθεῖν οἴκαδε παρὰ τἀνδρός, ἥτις ἐστὶ κοσμία γυνή. ὁ γὰρ δίαυλός ἐστιν αἰσχύνην ἔχων.	159
57	τὸ νέκταρ ἐσθίω πάνυ μάττων διαπίνω τ’ ἀμβροσίαν, καὶ τῷ Διὶ διακονῶ, καὶ σεμνός εἰμ’ ἑκάστοτε Ἥρᾳ λαλῶν καὶ Κύπριδι παρακαθήμενος.
58	ἐὰν λούσησθε νῦν ῥάφανόν τε πολλὴν ἐντράγητε, παύσεται τὸ βάρος, διασκεδᾷ τε τὸ προσὸν νῦν νέφος ἐπὶ τοῦ προσώπου.
59	ὦ πονηρὰ καρδία, ἐπιχαιρέκακον ὡς εἶ μόνον τοῦ σώματος·
59	ὀρχεῖ γὰρ εὐθύς, ἂν ἴδῃς δεδοικότα.	160
60	μηδέποτε δοῦλον ἡδονῆς σαυτὸν ποίει· λάγνης γυναικός ἐστιν, οὐκ ἀνδρὸς τόδε.
61	Ἔρως σοφιστοῦ γίνεται διδάσκαλος σκαιοῦ πολὺ κρείττων πρὸς τὸν ἀνθρώπων βίον.
62	ὑπὲρ σεαυτοῦ πρᾶτθ’ ὁτιοῦν, ἄν σοι δοκῇ, ἐγὼ δ’ ὑπὲρ ἐμοῦ.
63	τὸ συνεχὲς ἔργου παντὸς εὑρίσκει τέλος.
64	καλόν γ’ ἀποθανεῖν πρὶν θανάτου δρᾶν ἄξιον.	161
65	ἀρκτῆ, λεοντῆ, παρδαλῆ, μοσχῆ, κυνῆ.
66	οὐχὶ παρὰ πολλοῖς ἡ χάρις τίκτει χάριν.
67	ἡ πόλις ἐβούλεθ’, ᾗ νόμων οὐδὲν μέλει.
68	ὑπερήμεροί μοι τῶν γάμων αἱ παρθένοι.
69	ὡς δὴ παχεῖαν τὴν περιζώστραν ἔχει.
70	τρίκλινον δ’ εὐθέως συνήγετο
70	καὶ συναυλίαι γέροντι.	162
71	χοῦς κεκραμένος \| ψιθίου
72	πληγὴν ἔχων
73	ἀκολαστάσματα
75	τάχα
76	χορτασμόν
77	ᾠάρια
tit 78-81	ΑΜΦΙΣΒΗΤΗΣΙΜΑ
78	κόρης ἀπαλλαττόμεθα ταμιείου πικροῦ.	163
79	τὴν ἀξίαν γὰρ δεῖ γαμεῖν τὸν ἄξιον.
80	φιάλας Ἄρεος
81	ὀρίγανον	164

tit 1-3

1

2

3

tit 4-5

4

5

tit 6

6

tit,ante 7

tit 7

7

tit 8

8

tit 9-10

9

10

tit 11

11

tit,ante 12

tit 12

12

t,post 12

tit,ante 13

tit 13-14

13

14

tit 15

15

tit 16

16

tit 17-18

17

18

tit 19-20

19

20

tit,ante 21

tit 21

21

tit 22

22

tit 23

23

tit 24

24

tit 25

25

tit 26

26

tit 27

27

tit,ante 28

tit 28-29

28

29

tit 30-31

30

31

tit 32

32

tit 33-34

33

34

tit 35-36

35

36

tit 37-38

37

38

tit 39

39

tit 40-41

40

41

41

(50)

tit 42

42

tit 43