|
TLG 0218 002 :: NICAENETUS :: Epigrammata NICAENETUS Epic. Epigrammata Dup. partim 0218 001 (frr. 3–5, 7) Citation: Book — epigram — (line) | ||
6.225(p1) | ΝΙΚΑΙΝΕΤΟΥ | |
| 1 | Ἡρῷσσαι, Λιβύων ὄρος ἄκριτον αἵτε νέμεσθε αἰγίδι καὶ στρεπτοῖς ζωσάμεναι θυσάνοις, τέκνα θεῶν, δέξασθε Φιλήτιδος ἱερὰ ταῦτα δράγματα καὶ χλωροὺς ἐκ καλάμης στεφάνους, | |
|---|---|---|
| 5 | ἅσς’ ἀπὸ λικμητοῦ δεκατεύεται· ἀλλὰ καὶ οὕτως, ἡρῷσσαι, Λιβύων χαίρετε δεσπότιδες. | |
7.502(p1) | ΝΙΚΑΙΝΕΤΟΥ | |
| 1 | Ἠρίον εἰμὶ Βίτωνος, ὁδοιπόρε· εἰ δὲ Τορώνην λείπων εἰς αὐτὴν ἔρχεαι Ἀμφίπολιν, εἰπεῖν Νικαγόρᾳ, παίδων ὅτι τὸν μόνον αὐτῷ Στρυμονίης Ἐρίφων ὤλεσε πανδυσίῃ. | |
13.29(p1) | ΝΙΚΑΙΝΕΤΟΥ | |
| 1 | „Οἶνός τοι χαρίεντι πέλει ταχὺς ἵππος ἀοιδῷ· ὕδωρ δὲ πίνων οὐδὲν ἂν τέκοις σοφόν.“ τοῦτ’ ἔλεγεν, Διόνυσε, καὶ ἔπνεεν οὐχ ἑνὸς ἀσκοῦ Κρατῖνος, ἀλλὰ παντὸς ὠδώδει πίθου. | |
| 5 | τοιγὰρ ὑπὸ στεφάνοις μέγας ἔβρυεν, εἶχε δὲ κισσῷ | |
| μέτωπον ὥσπερ καὶ σὺ κεκροκωμένον. | ||
16.191(p1) | ΝΙΚΑΙΝΕΤΟΥ | |
| 1 | Αὐτόθεν ὀστράκινόν με καὶ ἐν ποσὶ γήινον Ἑρμῆν ἔπλασεν ἁψῖδος κύκλος ἑλισσόμενος. πηλὸς ἐφυράθην, οὐ ψεύσομαι. ἀλλ’ ἐφίλησα, | |
| ὦ ξεῖν’, ὀστρακέων δύσμορον ἐργασίην. | ||