LUCIANUS :: Dearum judicium

TLG 0062 032 :: LUCIANUS :: Dearum judicium LUCIANUS Soph. (Samosatenus: A.D. 2) Scholia: Cf. SCHOLIA IN LUCIANUM (5029) Dearum judicium Source: Harmon, A.M. (ed.), Lucian, vol. 3. Cambridge, Mass.: Harvard University Press, 1921 (repr. 1969): 384–408. Citation: Section — (line)

Dear Iud . t	ΘΕΩΝ ΚΡΙΣΙΣ
Dear Iud . 1	ΖΕΥΣ
1	Ἑρμῆ, λαβὼν τουτὶ τὸ μῆλον ἄπιθι εἰς τὴν Φρυγίαν παρὰ τὸν Πριάμου παῖδα τὸν βουκόλον —νέμει δὲ τῆς Ἴδης ἐν τῷ Γαργάρῳ—καὶ λέγε πρὸς αὐτόν, ὅτι “Σέ, ὦ Πάρι, κελεύει ὁ Ζεύς,
5	ἐπειδὴ καλός τε αὐτὸς εἶ καὶ σοφὸς τὰ ἐρωτικά, δικάσαι ταῖς θεαῖς, ἥτις αὐτῶν ἡ καλλίστη ἐστίν· τοῦ δὲ ἀγῶνος τὸ ἆθλον ἡ νικῶσα λαβέτω τὸ μῆλον.” ὥρα δὲ ἤδη καὶ ὑμῖν αὐταῖς ἀπιέναι παρὰ τὸν δικαστήν· ἐγὼ γὰρ ἀπωθοῦμαι τὴν
10	δίαιταν ἐπ’ ἴσης τε ὑμᾶς ἀγαπῶν, καὶ εἴ γε οἷόν τε ἦν, ἡδέως ἂν ἁπάσας νενικηκυίας ἰδών. ἄλλως τε καὶ ἀνάγκη, μιᾷ τὸ καλλιστεῖον ἀποδόντα πάντως ἀπεχθάνεσθαι ταῖς πλείοσιν. διὰ ταῦτα αὐτὸς μὲν οὐκ ἐπιτήδειος ὑμῖν δικαστής, ὁ δὲ
15	νεανίας οὗτος ὁ Φρὺξ ἐφ’ ὃν ἄπιτε βασιλικὸς μέν ἐστι καὶ Γανυμήδους τουτουὶ συγγενής, τὰ ἄλλα δὲ ἀφελὴς καὶ ὄρειος, κοὐκ ἄν τις αὐτὸν ἀπαξιώσειε τοιαύτης θέας.
18	ΑΦΡΟΔΙΤΗ
Dear Iud . 2	Ἐγὼ μέν, ὦ Ζεῦ, εἰ καὶ τὸν Μῶμον αὐτὸν ἐπιστήσειας ἡμῖν δικαστήν, θαρροῦσα βαδιοῦμαι πρὸς τὴν ἐπίδειξιν· τί γὰρ ἂν καὶ μωμήσαιτό
Dear Iud . 2	μου; χρὴ δὲ καὶ ταύταις ἀρέσκειν τὸν ἄνθρωπον.	384
4	ΗΡΑ
5	Οὐδ’ ἡμεῖς, ὦ Ἀφροδίτη, δέδιμεν, οὐδ’ ἂν ὁ Ἄρης ὁ σὸς ἐπιτραπῇ τὴν δίαιταν· ἀλλὰ δεχό‐ μεθα καὶ τοῦτον, ὅστις ἂν ᾖ, τὸν Πάριν.
7	ΖΕΥΣ Ἦ καὶ σοὶ ταῦτα, ὦ θύγατερ, συνδοκεῖ; τί φής; ἀποστρέφῃ καὶ ἐρυθριᾷς; ἔστι μὲν ἴδιον τὸ αἰδεῖ‐
10	σθαι τὰ τοιαῦτα ὑμῶν τῶν παρθένων· ἐπινεύεις δ’ ὅμως. ἄπιτε οὖν καὶ μὴ χαλεπήνητε τῷ δικαστῇ αἱ νενικημέναι μηδὲ κακὸν ἐντρίψησθε τῷ νεανί‐ σκῳ· οὐ γὰρ οἷόν τε ἐπ’ ἴσης πάσας εἶναι καλάς.
13	ΕΡΜΗΣ
Dear Iud . 3	Προΐωμεν εὐθὺ τῆς Φρυγίας, ἐγὼ μὲν ἡγούμενος, ὑμεῖς δὲ μὴ βραδέως ἀκολουθεῖτέ μοι καὶ θαρρεῖτε. οἶδα ἐγὼ τὸν Πάριν. νεανίας ἐστὶ καλὸς καὶ τἄλλα ἐρωτικὸς καὶ τὰ τοιαῦτα κρίνειν ἱκανώ‐
5	τατος. οὐκ ἂν ἐκεῖνος δικάσειεν κακῶς.
5	ΑΦΡΟΔΙΤΗ Τοῦτο μὲν ἅπαν ἀγαθὸν καὶ πρὸς ἐμοῦ λέγεις, τὸ δίκαιον ἡμῖν εἶναι τὸν δικαστήν· πότερα δὲ ἄγαμός ἐστιν οὗτος ἢ καὶ γυνή τις αὐτῷ σύνεστιν;
8	ΕΡΜΗΣ Οὐ παντελῶς ἄγαμος, ὦ Ἀφροδίτη.
9	ΑΦΡΟΔΙΤΗ
10	Πῶς λέγεις;
10	ΕΡΜΗΣ Δοκεῖ τις αὐτῷ συνοικεῖν Ἰδαία γυνή, ἱκανὴ μέν, ἀγροῖκος δὲ καὶ δεινῶς ὄρειος, ἀλλ’ οὐ σφόδρα προσέχειν αὐτῇ ἔοικε. τίνος δ’ οὖν ἕνεκα ταῦτα
10	ἐρωτᾷς;	386
14	ΑΦΡΟΔΙΤΗ
15	Ἄλλως ἠρόμην.
15	ΑΘΗΝΑ
Dear Iud . 4	Παραπρεσβεύεις, ὦ οὗτος, ἰδίᾳ πάλαι ταύτῃ κοινολογούμενος.
2	ΕΡΜΗΣ Οὐδέν, ὦ Ἀθηνᾶ, δεινὸν οὐδὲ καθ’ ὑμῶν, ἀλλ’ ἤρετό με εἰ ἄγαμος ὁ Πάρις ἐστίν.
4	ΑΘΗΝΑ
5	Ὡς δὴ τί τοῦτο πολυπραγμονοῦσα;
5	ΕΡΜΗΣ Οὐκ οἶδα· φησὶ δ’ οὖν ὅτι ἄλλως ἐπελθόν, οὐκ ἐξεπίτηδες ἤρετο.
7	ΑΘΗΝΑ Τί οὖν; ἄγαμός ἐστιν;
8	ΕΡΜΗΣ Οὐ δοκεῖ.
9	ΑΘΗΝΑ
10	Τί δέ; τῶν πολεμικῶν ἐστιν αὐτῷ ἐπιθυμία καὶ φιλόδοξός τις, ἢ τὸ πᾶν βουκόλος;
11	ΕΡΜΗΣ Τὸ μὲν ἀληθὲς οὐκ ἔχω εἰπεῖν, εἰκάζειν δὲ χρὴ νέον ὄντα καὶ τούτων ὀρέγεσθαι τυχεῖν καὶ βούλε‐ σθαι ἂν πρῶτον αὐτὸν εἶναι κατὰ τὰς μάχας.
14	ΑΦΡΟΔΙΤΗ
15	Ὁρᾷς, οὐδὲν ἐγὼ μέμφομαι οὐδὲ ἐγκαλῶ σοι τὸ πρὸς ταύτην ἰδίᾳ λαλεῖν· μεμψιμοίρων γὰρ καὶ
15	οὐκ Ἀφροδίτης τὰ τοιαῦτα.	388
17	ΕΡΜΗΣ Καὶ αὕτη σχεδὸν τὰ αὐτά με ἤρετο· διὸ μὴ χαλεπῶς ἔχε μηδ’ οἴου μειονεκτεῖν, εἴ τι καὶ
Dear Iud . 5	ταύτῃ κατὰ τὸ ἁπλοῦν ἀπεκρινάμην. ἀλλὰ μεταξὺ λόγων ἤδη πολὺ προϊόντες ἀπεσπάσαμεν τῶν ἀστέρων καὶ σχεδόν γε κατὰ τὴν Φρυγίαν ἐσμέν. ἐγὼ δὲ καὶ τὴν Ἴδην ὁρῶ καὶ τὸ Γάργαρον ὅλον
5	ἀκριβῶς, εἰ δὲ μὴ ἐξαπατῶμαι, καὶ αὐτὸν ὑμῶν τὸν δικαστὴν τὸν Πάριν.
6	ΗΡΑ Ποῦ δέ ἐστιν; οὐ γὰρ κἀμοὶ φαίνεται.
7	ΕΡΜΗΣ Ταύτῃ, ὦ Ἥρα, πρὸς τὰ λαιὰ περισκόπει, μὴ πρὸς ἄκρῳ τῷ ὄρει, παρὰ δὲ τὴν πλευράν, οὗ τὸ
10	ἄντρον, ἔνθα καὶ τὴν ἀγέλην ὁρᾷς.
10	ΗΡΑ Ἀλλ’ οὐχ ὁρῶ τὴν ἀγέλην.
11	ΕΡΜΗΣ Πῶς φής; οὐχ ὁρᾷς βοίδια κατὰ τὸν ἐμὸν οὑτωσὶ δάκτυλον ἐκ μέσων τῶν πετρῶν προερ‐ χόμενα καί τινα ἐκ τοῦ σκοπέλου καταθέοντα
15	καλαύροπα ἔχοντα καὶ ἀνείργοντα μὴ πρόσω διασκίδνασθαι τὴν ἀγέλην;
16	ΗΡΑ Ὁρῶ νῦν, εἴ γε ἐκεῖνός ἐστιν.
17	ΕΡΜΗΣ Ἀλλὰ ἐκεῖνος. ἐπειδὴ δὲ πλησίον ἤδη ἐσμέν, ἐπὶ τῆς γῆς, εἰ δοκεῖ, καταστάντες βαδίζωμεν, ἵνα
20	μὴ διαταράξωμεν αὐτὸν ἄνωθεν ἐξ ἀφανοῦς καθι‐
20	πτάμενοι.	390
21	ΗΡΑ Εὖ λέγεις, καὶ οὕτω ποιῶμεν. ἐπεὶ δὲ κατα‐ βεβήκαμεν, ὥρα σοι, ὦ Ἀφροδίτη, προϊέναι καὶ ἡγεῖσθαι ἡμῖν τῆς ὁδοῦ· σὺ γὰρ ὡς τὸ εἰκὸς
25	ἔμπειρος εἶ τοῦ χωρίου πολλάκις, ὡς λόγος, κατελθοῦσα πρὸς Ἀγχίσην.
26	ΑΦΡΟΔΙΤΗ Οὐ σφόδρα, ὦ Ἥρα, τούτοις ἄχθομαι τοῖς σκώμμασιν.
28	ΕΡΜΗΣ
Dear Iud . 6	Ἀλλ’ οὖν ἐγὼ ὑμῖν ἡγήσομαι· καὶ γὰρ αὐτὸς ἐνδιέτριψα τῇ Ἴδῃ, ὁπότε δὴ ὁ Ζεὺς ἤρα τοῦ μειρακίου τοῦ Φρυγός, καὶ πολλάκις δεῦρο ἦλθον ὑπ’ ἐκείνου καταπεμφθεὶς εἰς ἐπισκοπὴν τοῦ παι‐
5	δός. καὶ ὁπότε γε ἤδη ἐν τῷ ἀετῷ ἦν, συμπαρι‐ πτάμην αὐτῷ καὶ συνεκούφιζον τὸν καλόν, καὶ εἴ γε μέμνημαι, ἀπὸ ταυτησὶ τῆς πέτρας αὐτὸν ἀνήρπασεν. ὁ μὲν γὰρ ἔτυχε τότε συρίζων πρὸς τὸ ποίμνιον, καταπτάμενος δὲ ὄπισθεν αὐτοῦ ὁ
10	Ζεὺς κούφως μάλα τοῖς ὄνυξι περιβαλὼν καὶ τῷ στόματι τὴν ἐπὶ τῇ κεφαλῇ τιάραν ἔχων ἀνέφερε τὸν παῖδα τεταραγμένον καὶ τῷ τραχήλῳ ἀπε‐ στραμμένῳ εἰς αὐτὸν ἀποβλέποντα. τότε οὖν ἐγὼ τὴν σύριγγα λαβών, ἀποβεβλήκει γὰρ αὐτὴν
15	ὑπὸ τοῦ δέους—ἀλλὰ γὰρ ὁ διαιτητὴς οὑτοσὶ
Dear Iud . 7	πλησίον, ὥστε προσείπωμεν αὐτόν. Χαῖρε, ὦ βουκόλε.
2	ΠΑΡΙΣ Νὴ καὶ σύ γε, ὦ νεανίσκε. τίς δὲ ὢν δεῦρο ἀφῖξαι πρὸς ἡμᾶς; ἢ τίνας ταύτας ἄγεις τὰς
5	γυναῖκας; οὐ γὰρ ἐπιτήδειαι ὀρεοπολεῖν, οὕτως
5	γε οὖσαι καλαί.	392
6	ΕΡΜΗΣ Ἀλλ’ οὐ γυναῖκές εἰσιν, Ἥραν δέ, ὦ Πάρι, καὶ Ἀθηνᾶν καὶ Ἀφροδίτην ὁρᾷς· κἀμὲ τὸν Ἑρμῆν ἀπέστειλεν ὁ Ζεύς—ἀλλὰ τί τρέμεις καὶ ὠχριᾷς;
10	μὴ δέδιθι· χαλεπὸν γὰρ οὐδέν. κελεύει δέ σε δικαστὴν γενέσθαι τοῦ κάλλους αὐτῶν· “Ἐπεὶ γάρ,” φησί, “καλός τε αὐτὸς εἶ καὶ σοφὸς τὰ ἐρωτικά, σοὶ τὴν γνῶσιν ἐπιτρέπω.” τοῦ δὲ ἀγῶ‐ νος τὸ ἆθλον εἴσῃ ἀναγνοὺς τὸ μῆλον.
14	ΠΑΡΙΣ
15	Φέρ’ ἴδω τί καὶ βούλεται. “Ἡ καλή,” φησίν, λαβέτω.” πῶς ἂν οὖν, ὦ δέσποτα Ἑρμῆ, δυνη‐ θείην ἐγὼ θνητὸς αὐτὸς καὶ ἀγροῖκος ὢν δικαστὴς γενέσθαι παραδόξου θέας καὶ μείζονος ἢ κατὰ βουκόλον; τὰ γὰρ τοιαῦτα κρίνειν τῶν ἁβρῶν
20	μᾶλλον καὶ ἀστικῶν· τὸ δὲ ἐμόν, αἶγα μὲν αἰγὸς ὁποτέρα ἡ καλλίων καὶ δάμαλιν ἄλλης δαμά‐
Dear Iud . 8	λεως, τάχ’ ἂν δικάσαιμι κατὰ τὴν τέχνην· αὗται δὲ πᾶσαί τε ὁμοίως καλαὶ καὶ οὐκ οἶδ’ ὅπως ἄν τις ἀπὸ τῆς ἑτέρας ἐπὶ τὴν ἑτέραν μεταγάγοι τὴν ὄψιν ἀποσπάσας· οὐ γὰρ ἐθέλει ἀφίστασθαι
5	ῥᾳδίως, ἀλλ’ ἔνθα ἂν ἀπερείσῃ τὸ πρῶτον, τούτου ἔχεται καὶ τὸ παρὸν ἐπαινεῖ· κἂν ἐπ’ ἄλλο μεταβῇ, κἀκεῖνο καλὸν ὁρᾷ καὶ παραμένει, καὶ ὑπὸ τῶν πλησίον παραλαμβάνεται. καὶ ὅλως περικέχυταί μοι τὸ κάλλος αὐτῶν καὶ ὅλον περιείληφέ με καὶ
10	ἄχθομαι, ὅτι μὴ καὶ αὐτὸς ὥσπερ ὁ Ἄργος ὅλῳ βλέπειν δύναμαι τῷ σώματι. δοκῶ δ’ ἄν μοι καλῶς δικάσαι πάσαις ἀποδοὺς τὸ μῆλον. καὶ
10	γὰρ αὖ καὶ τόδε, ταύτην μὲν εἶναι συμβέβηκεν τοῦ Διὸς ἀδελφὴν καὶ γυναῖκα, ταύτας δὲ θυγα‐	394
15	τέρας· πῶς οὖν οὐ χαλεπὴ καὶ οὕτως ἡ κρίσις;
15	ΕΡΜΗΣ Οὐκ οἶδα· πλὴν οὐχ οἷόν τε ἀναδῦναι πρὸς τοῦ Διὸς κεκελευσμένον.
17	ΠΑΡΙΣ
Dear Iud . 9	Ἓν τοῦτο, ὦ Ἑρμῆ, πεῖσον αὐτάς, μὴ χαλεπῶς ἔχειν μοι τὰς δύο τὰς νενικημένας, ἀλλὰ μόνων τῶν ὀφθαλμῶν ἡγεῖσθαι τὴν διαμαρτίαν.
3	ΕΡΜΗΣ Οὕτω φασὶ ποιήσειν· ὥρα δέ σοι ἤδη περαίνειν
5	τὴν κρίσιν.
5	ΠΑΡΙΣ Πειρασόμεθα· τί γὰρ ἂν καὶ πάθοι τις; ἐκεῖνο δὲ πρότερον εἰδέναι βούλομαι, πότερ’ ἐξαρκέσει σκοπεῖν αὐτὰς ὡς ἔχουσιν, ἢ καὶ ἀποδῦσαι δεήσει πρὸς τὸ ἀκριβὲς τῆς ἐξετάσεως;
9	ΕΡΜΗΣ
10	Τοῦτο μὲν σὸν ἂν εἴη τοῦ δικαστοῦ, καὶ πρόσ‐ ταττε ὅπη καὶ θέλεις.
11	ΠΑΡΙΣ Ὅπη καὶ θέλω; γυμνὰς ἰδεῖν βούλομαι.
12	ΕΡΜΗΣ Ἀπόδυτε, ὦ αὗται· σὺ δ’ ἐπισκόπει· ἐγὼ δὲ ἀπεστράφην.
14	ΑΦΡΟΔΙΤΗ
Dear Iud . 10	Καλῶς, ὦ Πάρι· καὶ πρώτη γε ἀποδύσομαι,
Dear Iud . 10	ὅπως μάθῃς ὅτι μὴ μόνας ἔχω τὰς ὠλένας λευκὰς μηδὲ τῷ βοῶπις εἶναι μέγα φρονῶ, ἐπ’ ἴσης δέ εἰμι πᾶσα καὶ ὁμοίως καλή.	396
4	ΑΘΗΝΑ
5	Μὴ πρότερον ἀποδύσῃς αὐτήν, ὦ Πάρι, πρὶν ἂν τὸν κεστὸν ἀπόθηται—φαρμακὶς γάρ ἐστιν— μή σε καταγοητεύσῃ δι’ αὐτοῦ. καίτοι γε ἐχρῆν μηδὲ οὕτω κεκαλλωπισμένην παρεῖναι μηδὲ τοσαῦ‐ τα ἐντετριμμένην χρώματα καθάπερ ὡς ἀληθῶς
10	ἑταίραν τινά, ἀλλὰ γυμνὸν τὸ κάλλος ἐπιδεικνύειν.
10	ΠΑΡΙΣ Εὖ λέγουσι τὸ περὶ τοῦ κεστοῦ, καὶ ἀπόθου.
11	ΑΦΡΟΔΙΤΗ Τί οὖν οὐχὶ καὶ σύ, ὦ Ἀθηνᾶ, τὴν κόρυν ἀφε‐ λοῦσα ψιλὴν τὴν κεφαλὴν ἐπιδεικνύεις, ἀλλ’ ἐπισείεις τὸν λόφον καὶ τὸν δικαστὴν φοβεῖς;
15	ἢ δέδιας μή σοι ἐλέγχηται τὸ γλαυκὸν τῶν ὀμ‐ μάτων ἄνευ τοῦ φοβεροῦ βλεπόμενον;
16	ΑΘΗΝΑ Ἰδού σοι ἡ κόρυς αὕτη ἀφῄρηται.
17	ΑΦΡΟΔΙΤΗ
17	Ἰδοὺ καί σοι ὁ κεστός.	398
18	ΗΡΑ Ἀλλὰ ἀποδυσώμεθα.
19	ΠΑΡΙΣ
Dear Iud . 11	Ὦ Ζεῦ τεράστιε τῆς θέας, τοῦ κάλλους, τῆς ἡδονῆς. οἵα μὲν ἡ παρθένος, ὡς δὲ βασιλικὸν αὕτη καὶ σεμνὸν ἀπολάμπει καὶ ἀληθῶς ἄξιον τοῦ Διός, ἥδε δὲ ὁρᾷ ἡδύ τι καὶ γλαφυρόν, καὶ
5	προσαγωγὸν ἐμειδίασεν—ἀλλ’ ἤδη μὲν ἅλις ἔχω τῆς εὐδαιμονίας· εἰ δοκεῖ δέ, καὶ ἰδίᾳ καθ’ ἑκά‐ στην ἐπιδεῖν βούλομαι, ὡς νῦν γε ἀμφίβολός εἰμι καὶ οὐκ οἶδα πρὸς ὅ τι ἀποβλέψω, πάντῃ τὰς ὄψεις περισπώμενος.
9	ΑΦΡΟΔΙΤΗ
10	Οὕτω ποιῶμεν.
10	ΠΑΡΙΣ Ἄπιτε οὖν αἱ δύο· σὺ δέ, ὦ Ἥρα, περίμενε.
11	ΗΡΑ Περιμενῶ, κἀπειδάν με ἀκριβῶς ἴδῃς, ὥρα σοι καὶ τἄλλα ἤδη σκοπεῖν εἰ καλά σοι, τὰ δῶρα τῆς ψήφου τῆς ἐμῆς. ἢν γάρ με, ὦ Πάρι, δικάσῃς
15	εἶναι καλήν, ἁπάσης ἔσῃ τῆς Ἀσίας δεσπότης.
15	ΠΑΡΙΣ Οὐκ ἐπὶ δώροις μὲν τὰ ἡμέτερα. πλὴν ἄπιθι·
Dear Iud . 12	πεπράξεται γὰρ ἅπερ ἂν δοκῇ. σὺ δὲ πρόσιθι ἡ Ἀθηνᾶ.
2	ΑΘΗΝΑ Παρέστηκά σοι, καὶ ἤν με, ὦ Πάρι, δικάσῃς
2	καλήν, οὔποτε ἥττων ἄπει ἐκ μάχης, ἀλλ’ ἀεὶ	400
5	κρατῶν· πολεμιστὴν γάρ σε καὶ νικηφόρον ἀπεργάσομαι.
6	ΠΑΡΙΣ Οὐδέν, ὦ Ἀθηνᾶ, δεῖ μοι πολέμου καὶ μάχης· εἰρήνη γάρ, ὡς ὁρᾷς, τὰ νῦν ἐπέχει τὴν Φρυγίαν τε καὶ Λυδίαν καὶ ἀπολέμητος ἡμῖν ἡ τοῦ πατρὸς
10	ἀρχή. θάρρει δέ· οὐ μειονεκτήσεις γάρ, κἂν μὴ ἐπὶ δώροις δικάζωμεν. ἀλλ’ ἔνδυθι ἤδη καὶ ἐπίθου τὴν κόρυν· ἱκανῶς γὰρ εἶδον. τὴν Ἀφρο‐ δίτην παρεῖναι καιρός.
13	ΑΦΡΟΔΙΤΗ
Dear Iud . 13	Αὕτη σοι ἐγὼ πλησίον, καὶ σκόπει καθ’ ἓν ἀκριβῶς μηδὲν παρατρέχων, ἀλλ’ ἐνδιατρίβων ἑκάστῳ τῶν μερῶν. εἰ δ’ ἐθέλεις, ὦ καλέ, καὶ τάδε μου ἄκουσον. ἐγὼ γὰρ πάλαι ὁρῶσά σε
5	νέον ὄντα καὶ καλὸν ὁποῖον οὐκ οἶδα εἴ τινα ἕτερον ἡ Φρυγία τρέφει, μακαρίζω μὲν τοῦ κάλ‐ λους, αἰτιῶμαι δὲ τὸ μὴ ἀπολιπόντα τοὺς σκοπέ‐ λους καὶ ταυτασὶ τὰς πέτρας κατ’ ἄστυ ζῆν, ἀλλὰ διαφθείρειν τὸ κάλλος ἐν ἐρημίᾳ. τί μὲν
10	γὰρ ἂν σὺ ἀπολαύσειας τῶν ὀρῶν; τί δ’ ἂν ἀπό‐ ναιντο τοῦ σοῦ κάλλους αἱ βόες; ἔπρεπεν δὲ ἤδη σοι καὶ γεγαμηκέναι, μὴ μέντοι ἀγροῖκόν τινα καὶ χωρῖτιν, οἷαι κατὰ τὴν Ἴδην αἱ γυναῖκες, ἀλλά τινα ἐκ τῆς Ἑλλάδος, ἢ Ἀργόθεν ἢ ἐκ Κορίνθου
15	ἢ Λάκαιναν οἵαπερ ἡ Ἑλένη ἐστίν, νέα τε καὶ καλὴ καὶ κατ’ οὐδὲν ἐλάττων ἐμοῦ, καὶ τὸ δὴ μέγιστον, ἐρωτική. ἐκείνη γὰρ εἰ καὶ μόνον θεά‐ σαιτό σε, εὖ οἶδα ἐγὼ ὡς ἅπαντα ἀπολιποῦσα καὶ παρασχοῦσα ἑαυτὴν ἔκδοτον ἕψεται καὶ
20	συνοικήσει. πάντως δὲ καὶ σὺ ἀκήκοάς τι περὶ
20	αὐτῆς.	402
21	ΠΑΡΙΣ Οὐδέν, ὦ Ἀφροδίτη· νῦν δὲ ἡδέως ἂν ἀκού‐ σαιμί σου τὰ πάντα διηγουμένης.
23	ΑΦΡΟΔΙΤΗ
Dear Iud . 14	Αὕτη θυγάτηρ μέν ἐστι Λήδας ἐκείνης τῆς καλῆς ἐφ’ ἣν ὁ Ζεὺς κατέπτη κύκνος γενόμενος.
2	ΠΑΡΙΣ Ποία δὲ τὴν ὄψιν ἐστί;
3	ΑΦΡΟΔΙΤΗ Λευκὴ μέν, οἵαν εἰκὸς ἐκ κύκνου γεγενημένην,
5	ἁπαλὴ δέ, ὡς ἐν ᾠῷ τραφεῖσα, γυμνὰς τὰ πολλὰ καὶ παλαιστική, καὶ οὕτω δή τι περισπούδαστος ὥστε καὶ πόλεμον ἀμφ’ αὐτῇ γενέσθαι, τοῦ Θησέως ἄωρον ἔτι ἁρπάσαντος. οὐ μὴν ἀλλ’ ἐπειδήπερ εἰς ἀκμὴν κατέστη, πάντες οἱ ἄριστοι
10	τῶν Ἀχαιῶν ἐπὶ τὴν μνηστείαν ἀπήντησαν, προ‐ εκρίθη δὲ Μενέλεως τοῦ Πελοπιδῶν γένους. εἰ δὴ θέλοις, ἐγώ σοι καταπράξομαι τὸν γάμον.
12	ΠΑΡΙΣ Πῶς φής; τὸν τῆς γεγαμημένης;
13	ΑΦΡΟΔΙΤΗ Νέος εἶ σὺ καὶ ἀγροῖκος, ἐγὼ δὲ οἶδα ὡς χρὴ
15	τὰ τοιαῦτα δρᾶν.
15	ΠΑΡΙΣ Πῶς; ἐθέλω γὰρ καὶ αὐτὸς εἰδέναι.
16	ΑΦΡΟΔΙΤΗ
Dear Iud . 15	Σὺ μὲν ἀποδημήσεις ὡς ἐπὶ θέαν τῆς Ἑλλάδος, κἀπειδὰν ἀφίκῃ εἰς τὴν Λακεδαίμονα, ὄψεταί σε ἡ Ἑλένη. τοὐντεῦθεν δὲ ἐμὸν ἂν εἴη τὸ ἔργον,
Dear Iud . 15	ὅπως ἐρασθήσεταί σου καὶ ἀκολουθήσει.	404
4	ΠΑΡΙΣ
5	Τοῦτο αὐτὸ καὶ ἄπιστον εἶναί μοι δοκεῖ, τὸ ἀπολιποῦσαν τὸν ἄνδρα ἐθελῆσαι βαρβάρῳ καὶ ξένῳ συνεκπλεῦσαι.
7	ΑΦΡΟΔΙΤΗ Θάρρει τούτου γε ἕνεκα. παῖδε γάρ μοι ἐστὸν δύο καλώ, Ἵμερος καὶ Ἔρως, τούτω σοι παρα‐
10	δώσω ἡγεμόνε τῆς ὁδοῦ γενησομένω· καὶ ὁ μὲν Ἔρως ὅλος παρελθὼν εἰς αὐτὴν ἀναγκάσει τὴν γυναῖκα ἐρᾶν, ὁ δ’ Ἵμερος αὐτῷ σοι περιχυθεὶς τοῦθ’ ὅπερ ἐστίν, ἱμερτόν τε θήσει καὶ ἐράσμιον. καὶ αὐτὴ δὲ συμπαροῦσα δεήσομαι καὶ τῶν
15	Χαρίτων ἀκολουθεῖν· καὶ οὕτως ἅπαντες αὐτὴν ἀναπείσομεν.
16	ΠΑΡΙΣ Ὅπως μὲν ταῦτα χωρήσει, ἄδηλον, ὦ Ἀφρο‐ δίτη· πλὴν ἐρῶ γε ἤδη τῆς Ἑλένης καὶ οὐκ οἶδ’ ὅπως καὶ ὁρᾶν αὐτὴν οἴομαι καὶ πλέω εὐθὺ τῆς
20	Ἑλλάδος καὶ τῇ Σπάρτῃ ἐπιδημῶ καὶ ἐπάνειμι ἔχων τὴν γυναῖκα—καὶ ἄχθομαι ὅτι μὴ ταῦτα ἤδη πάντα ποιῶ.
22	ΑΦΡΟΔΙΤΗ
Dear Iud . 16	Μὴ πρότερον ἐρασθῇς, ὦ Πάρι, πρὶν ἐμὲ τὴν προμνήστριαν καὶ νυμφαγωγὸν ἀμείψασθαι τῇ κρίσει· πρέποι γὰρ ἂν κἀμὲ νικηφόρον ὑμῖν συμ‐ παρεῖναι καὶ ἑορτάζειν ἅμα καὶ τοὺς γάμους καὶ
5	τὰ ἐπινίκια. πάντα γὰρ ἔνεστί σοι—τὸν ἔρωτα, τὸ κάλλος, τὸν γάμον—τουτουὶ τοῦ μήλου πρί‐ ασθαι.
7	ΠΑΡΙΣ
7	Δέδοικα μή μου ἀμελήσῃς μετὰ τὴν κρίσιν.	406
8	ΑΦΡΟΔΙΤΗ Βούλει οὖν ἐπομόσομαι;
9	ΠΑΡΙΣ
10	Μηδαμῶς, ἀλλ’ ὑπόσχου πάλιν.
10	ΑΦΡΟΔΙΤΗ Ὑπισχνοῦμαι δή σοι τὴν Ἑλένην παραδώσειν γυναῖκα, καὶ ἀκολουθήσειν γέ σοι αὐτὴν καὶ ἀφίξεσθαι παρ’ ὑμᾶς εἰς τὴν Ἴλιον· καὶ αὐτὴ παρέσομαι καὶ συμπράξω τὰ πάντα.
14	ΠΑΡΙΣ
15	Καὶ τὸν Ἔρωτα καὶ τὸν Ἵμερον καὶ τὰς Χά‐ ριτας ἄξεις;
16	ΑΦΡΟΔΙΤΗ Θάρρει, καὶ τὸν Πόθον καὶ τὸν Ὑμέναιον ἔτι πρὸς τούτοις παραλήψομαι.
18	ΠΑΡΙΣ Οὐκοῦν ἐπὶ τούτοις δίδωμι τὸ μῆλον· ἐπὶ τού‐
20	τοις λάμβανε.	408

Dear Iud

t

Dear Iud

1

Dear Iud

2

Dear Iud

3

Dear Iud

4

Dear Iud

5

Dear Iud

6

Dear Iud

7

Dear Iud

8

Dear Iud

9

Dear Iud

10

Dear Iud

11

Dear Iud

12

Dear Iud

13

Dear Iud

14

Dear Iud

15

Dear Iud

16