LUCIANUS :: Cataplus :: TLG 0062 016

TLG 0062 016 :: LUCIANUS :: Cataplus LUCIANUS Soph. (Samosatenus: A.D. 2) Scholia: Cf. SCHOLIA IN LUCIANUM (5029) Cataplus Source: Harmon, A.M. (ed.), Lucian, vol. 2. Cambridge, Mass.: Harvard University Press, 1915 (repr. 1960): 2–56. Citation: Section — (line)

Cat . t	ΚΑΤΑΠΛΟΥΣ Η ΤΥΡΑΝΝΟΣ
Cat . 1	ΧΑΡΩΝ
1	Εἶεν, ὦ Κλωθοῖ, τὸ μὲν σκάφος τοῦτο ἡμῖν πάλαι εὐτρεπὲς καὶ πρὸς ἀναγωγὴν εὖ μάλα παρεσκευασμένον· ὅ τε γὰρ ἄντλος ἐκκέχυται καὶ ὁ ἱστὸς ὤρθωται καὶ ἡ ὀθόνη παρακέκρουσται καὶ
5	τῶν κωπῶν ἑκάστη τετρόπωται, κωλύει τε οὐδέν, ὅσον ἐπ’ ἐμοί, τὸ ἀγκύριον ἀνασπάσαντας ἀπο‐ πλεῖν. ὁ δὲ Ἑρμῆς βραδύνει, πάλαι παρεῖναι δέον· κενὸν γοῦν ἐπιβατῶν, ὡς ὁρᾷς, ἔστι τὸ πορθμεῖον τρὶς ἤδη τήμερον ἀναπεπλευκέναι δυ‐
10	νάμενον· καὶ σχεδὸν ἀμφὶ βουλυτόν ἐστιν, ἡμεῖς δὲ οὐδέπω οὐδὲ ὀβολὸν ἐμπεπολήκαμεν. εἶτα ὁ Πλούτων εὖ οἶδα ὅτι ἐμὲ ῥᾳθυμεῖν ἐν τούτοις ὑπολήψεται, καὶ ταῦτα παρ’ ἄλλῳ οὔσης τῆς αἰτίας. ὁ δὲ καλὸς ἡμῖν κἀγαθὸς νεκροπομπὸς
15	ὥσπερ τις ἄλλος καὶ αὐτὸς ἄνω τὸ τῆς Λήθης ὕδωρ πεπωκὼς ἀναστρέψαι πρὸς ἡμᾶς ἐπιλέλη‐ σται, καὶ ἤτοι παλαίει μετὰ τῶν ἐφήβων ἢ κιθα‐ ρίζει ἢ λόγους τινὰς διεξέρχεται ἐπιδεικνύμενος τὸν λῆρον τὸν αὑτοῦ, ἢ τάχα που καὶ κλωπεύει
20	ὁ γεννάδας παρελθών· μία γὰρ αὐτοῦ καὶ αὕτη τῶν τεχνῶν. ὁ δ’ οὖν ἐλευθεριάζει πρὸς ἡμᾶς, καὶ ταῦτα ἐξ ἡμισείας ἡμέτερος ὤν.	2
22	ΚΛΩΘΩ
Cat . 2	Τί δὲ οἶδας, ὦ Χάρων, εἴ τις ἀσχολία προσέ‐ πεσεν αὐτῷ, τοῦ Διὸς ἐπὶ πλέον δεηθέντος ἀπο‐ χρήσασθαι πρὸς τὰ ἄνω πράγματα; δεσπότης δὲ κἀκεῖνός ἐστιν.
4	ΧΑΡΩΝ
5	Ἀλλ’ οὐχ ὥστε, ὦ Κλωθοῖ, πέρα τοῦ μέτρου δεσπόζειν κοινοῦ κτήματος, ἐπεὶ οὐδὲ ἡμεῖς ποτε αὐτόν, ἀπιέναι δέον, κατεσχήκαμεν. ἀλλ’ ἐγὼ οἶδα τὴν αἰτίαν· παρ’ ἡμῖν μὲν γὰρ ἀσφόδελος μόνον καὶ χοαὶ καὶ πόπανα καὶ ἐναγίσματα, τὰ
10	δ’ ἄλλα ζόφος καὶ ὁμίχλη καὶ σκότος, ἐν δὲ τῷ οὐρανῷ φαιδρὰ πάντα καὶ ἥ τε ἀμβροσία πολλὴ καὶ τὸ νέκταρ ἄφθονον· ὥστε ἥδιον παρ’ ἐκείνοις βραδύνειν ἔοικε. καὶ παρ’ ἡμῶν μὲν ἀνίπταται καθάπερ ἐκ δεσμωτηρίου τινὸς ἀποδιδράσκων·
15	ἐπειδὰν δὲ καιρὸς κατιέναι, σχολῇ καὶ βάδην μόγις ποτὲ κατέρχεται.
16	ΚΛΩΘΩ
Cat . 3	Μηκέτι χαλέπαινε, ὦ Χάρων· πλησίον γὰρ αὐτὸς οὗτος, ὡς ὁρᾷς, πολλούς τινας ἡμῖν ἄγων, μᾶλλον δὲ ὥσπερ τι αἰπόλιον ἀθρόους αὐτοὺς τῇ ῥάβδῳ σοβῶν. ἀλλὰ τί τοῦτο; δεδεμένον τινὰ ἐν
5	αὐτοῖς καὶ ἄλλον γελῶντα ὁρῶ, ἕνα δέ τινα καὶ πήραν ἐξημμένον καὶ ξύλον ἐν τῇ χειρὶ ἔχοντα, δριμὺ ἐνορῶντα καὶ τοὺς ἄλλους ἐπισπεύδοντα. οὐχ ὁρᾷς δὲ καὶ τὸν Ἑρμῆν αὐτὸν ἱδρῶτι ῥεόμενον
5	καὶ τὼ πόδε κεκονιμένον καὶ πνευστιῶντα; μεστὸν	4
10	γοῦν ἄσθματος αὐτῷ τὸ στόμα. τί ταῦτα, ὦ Ἑρμῆ; τίς ἡ σπουδή; τεταραγμένῳ γὰρ ἡμῖν ἔοικας.
12	ΕΡΜΗΣ Τί δ’ ἄλλο, ὦ Κλωθοῖ, ἢ τουτονὶ τὸν ἀλιτήριον ἀποδράντα μεταδιώκων ὀλίγου δεῖν λιπόνεως ὑμῖν
15	τήμερον ἐγενόμην;
15	ΚΛΩΘΩ Τίς δ’ ἐστίν; ἢ τί βουλόμενος ἀπεδίδρασκε;
16	ΕΡΜΗΣ Τουτὶ μὲν πρόδηλον, ὅτι ζῆν μᾶλλον ἐβούλετο. ἔστι δὲ βασιλεύς τις ἢ τύραννος, ἀπὸ γοῦν τῶν ὀδυρμῶν καὶ ὧν ἀνακωκύει, πολλῆς τινος εὐδαι‐
20	μονίας ἐστερῆσθαι λέγων.
20	ΚΛΩΘΩ Εἶθ’ ὁ μάταιος ἀπεδίδρασκεν, ὡς ἐπιβιῶναι δυ‐ νάμενος, ἐπιλελοιπότος ἤδη τοῦ ἐπικεκλωσμένου αὐτῷ νήματος;
23	ΕΡΜΗΣ
Cat . 4	Ἀπεδίδρασκε, λέγεις; εἰ γὰρ μὴ ὁ γενναιότατος οὗτος, ὁ τὸ ξύλον, συνήργησέ μοι καὶ συλλα‐ βόντες αὐτὸν ἐδήσαμεν, κἂν ᾤχετο ἡμᾶς ἀποφυ‐ γών· ἀφ’ οὗ γάρ μοι παρέδωκεν αὐτὸν ἡ Ἄτροπος,
5	παρ’ ὅλην τὴν ὁδὸν ἀντέτεινε καὶ ἀντέσπα, καὶ τὼ πόδε ἀντερείδων πρὸς τὸ ἔδαφος οὐ παντελῶς εὐάγωγος ἦν· ἐνίοτε δὲ καὶ ἱκέτευε καὶ κατελι‐ πάρει, ἀφεθῆναι πρὸς ὀλίγον ἀξιῶν καὶ πολλὰ δώσειν ὑπισχνούμενος. ἐγὼ δέ, ὥσπερ εἰκός, οὐκ
10	ἀνίειν ὁρῶν ἀδυνάτων ἐφιέμενον. ἐπεὶ δὲ κατ’
10	αὐτὸ ἤδη τὸ στόμιον ἦμεν, ἐμοῦ τοὺς νεκρούς, ὡς ἔθος, ἀπαριθμοῦντος τῷ Αἰακῷ κἀκείνου λογιζο‐ μένου αὐτοὺς πρὸς τὸ παρὰ τῆς σῆς ἀδελφῆς πεμφθὲν αὐτῷ σύμβολον, λαθὼν οὐκ οἶδ’ ὅπως ὁ	6
15	τρισκατάρατος ἀπιὼν ᾤχετο. ἐνέδει οὖν νεκρὸς εἷς τῷ λογισμῷ, καὶ ὁ Αἰακὸς ἀνατείνας τὰς ὀφρῦς, “Μὴ ἐπὶ πάντων, ὦ Ἑρμῆ,” φησί, “χρῶ τῇ κλεπτικῇ, ἅλις σοι αἱ ἐν οὐρανῷ παιδιαί· τὰ νεκρῶν δὲ ἀκριβῆ καὶ οὐδαμῶς λαθεῖν δυνάμενα.
20	τέτταρας, ὡς ὁρᾷς, πρὸς τοῖς χιλίοις ἔχει τὸ σύμβολον ἐγκεχαραγμένους, σὺ δέ μοι παρ’ ἕνα ἥκεις ἄγων, εἰ μὴ τοῦτο φής, ὡς παραλελόγισταί σε ἡ Ἄτροπος.” ἐγὼ δὲ ἐρυθριάσας πρὸς τὸν λόγον ταχέως ὑπεμνήσθην τῶν κατὰ τὴν ὁδόν,
25	κἀπειδὴ περιβλέπων οὐδαμοῦ τοῦτον εἶδον, συνεὶς τὴν ἀπόδρασιν ἐδίωκον ὡς εἶχον τάχους κατὰ τὴν ἄγουσαν πρὸς τὸ φῶς· εἵπετο δὲ αὐθαίρετός μοι ὁ βέλτιστος οὗτος, καὶ ὥσπερ ἀπὸ ὕσπληγγος θέοντες καταλαμβάνομεν αὐτὸν ἤδη ἐν Ταινάρῳ·
30	παρὰ τοσοῦτον ἦλθε διαφυγεῖν.
30	ΚΛΩΘΩ
Cat . 5	Ἡμεῖς δέ, ὦ Χάρων, ὀλιγωρίαν ἤδη τοῦ Ἑρμοῦ κατεγινώσκομεν.
2	ΧΑΡΩΝ Τί οὖν ἔτι διαμέλλομεν ὡς οὐχ ἱκανῆς ἡμῖν γεγενημένης διατριβῆς;
4	ΚΛΩΘΩ
5	Εὖ λέγεις· ἐμβαινέτωσαν. ἐγὼ δὲ προχειρισα‐
5	μένη τὸ βιβλίον καὶ παρὰ τὴν ἀποβάθραν καθε‐ ζομένη, ὡς ἔθος, ἐπιβαίνοντα ἕκαστον αὐτῶν δια‐ γνώσομαι, τίς καὶ πόθεν καὶ ὅντινα τεθνεὼς τὸν τρόπον· σὺ δὲ παραλαμβάνων στοίβαζε καὶ	8
10	συντίθει· σὺ δέ, ὦ Ἑρμῆ, τὰ νεογνὰ ταυτὶ πρῶτα ἐμβαλοῦ· τί γὰρ ἂν καὶ ἀποκρίναιντό μοι;
11	ΕΡΜΗΣ Ἰδού σοι, ὦ πορθμεῦ, τὸν ἀριθμὸν οὗτοι τρια‐ κόσιοι μετὰ τῶν ἐκτιθεμένων.
13	ΧΑΡΩΝ Βαβαὶ τῆς εὐαγρίας. ὀμφακίας ἡμῖν νεκροὺς
15	ἥκεις ἄγων.
15	ΕΡΜΗΣ Βούλει, ὦ Κλωθοῖ, τοὺς ἀκλαύστους ἐπὶ τού‐ τοις ἐμβιβασώμεθα;
17	ΚΛΩΘΩ Τοὺς γέροντας λέγεις; οὕτω ποίει. τί γάρ με δεῖ πράγματα ἔχειν τὰ πρὸ Εὐκλείδου νῦν
20	ἐξετάζουσαν; οἱ ὑπὲρ ἑξήκοντα ὑμεῖς πάριτε ἤδη. τί τοῦτο; οὐκ ἐπακούουσί μου βεβυσμένοι τὰ ὦτα ὑπὸ τῶν ἐτῶν. δεήσει τάχα καὶ τούτους ἀράμενον παραγαγεῖν.
23	ΕΡΜΗΣ Ἰδοὺ πάλιν οὗτοι δυεῖν δέοντες τετρακόσιοι,
25	τακεροὶ πάντες καὶ πέπειροι καὶ καθ’ ὥραν τετρυ‐ γημένοι.
26	ΧΑΡΩΝ Νὴ Δί’, ἐπεὶ ἀσταφίδες γε πάντες ἤδη εἰσί.
27	ΚΛΩΘΩ
Cat . 6	Τοὺς τραυματίας ἐπὶ τούτοις, ὦ Ἑρμῆ, παρά‐
Cat . 6	γαγε· καὶ πρῶτόν μοι εἴπατε ὅπως ἀποθανόντες ἥκετε· μᾶλλον δὲ αὐτὴ πρὸς τὰ γεγραμμένα ὑμᾶς ἐπισκέψομαι. πολεμοῦντας ἀποθανεῖν ἔδει χθὲς	10
5	ἐν Μηδίᾳ τέτταρας ἐπὶ τοῖς ὀγδοήκοντα καὶ τὸν Ὀξυάρτου υἱὸν μετ’ αὐτῶν Γωβάρην.
6	ΕΡΜΗΣ Πάρεισι.
7	ΚΛΩΘΩ Δι’ ἔρωτα αὑτοὺς ἀπέσφαξαν ἑπτά, καὶ ὁ φιλόσοφος Θεαγένης διὰ τὴν ἑταίραν τὴν Μεγα‐
10	ρόθεν.
10	ΕΡΜΗΣ Οὑτοιὶ πλησίον.
11	ΚΛΩΘΩ Ποῦ δ’ οἱ περὶ τῆς βασιλείας ὑπ’ ἀλλήλων ἀποθανόντες;
13	ΕΡΜΗΣ Παρεστᾶσιν.
14	ΚΛΩΘΩ
15	Ὁ δ’ ὑπὸ τοῦ μοιχοῦ καὶ τῆς γυναικὸς φονευ‐ θείς;
16	ΕΡΜΗΣ Ἰδού σοι πλησίον.
17	ΚΛΩΘΩ Τοὺς ἐκ δικαστηρίων δῆτα παράγαγε, λέγω δὲ τοὺς ἐκ τυμπάνου καὶ τοὺς ἀνεσκολοπισμέ‐
20	νους. οἱ δ’ ὑπὸ λῃστῶν ἀποθανόντες ἑκκαίδεκα
20	ποῦ εἰσιν, ὦ Ἑρμῆ;	12
21	ΕΡΜΗΣ Πάρεισιν οἵδε οἱ τραυματίαι οὓς ὁρᾷς. τὰς δὲ γυναῖκας ἅμα βούλει παραγάγω;
23	ΚΛΩΘΩ Μάλιστα, καὶ τοὺς ἀπὸ ναυαγίων γε ἅμα· καὶ
25	γὰρ τεθνᾶσι τὸν ὅμοιον τρόπον. καὶ τοὺς ἀπὸ τοῦ πυρετοῦ δέ, καὶ τούτους ἅμα, καὶ τὸν ἰατρὸν
Cat . 7	μετ’ αὐτῶν Ἀγαθοκλέα. ποῦ δ’ ὁ φιλόσοφος Κυνίσκος, ὃν ἔδει τῆς Ἑκάτης τὸ δεῖπνον φαγόντα καὶ τὰ ἐκ τῶν καθαρσίων ᾠὰ καὶ πρὸς τούτοις γε σηπίαν ὠμὴν ἀποθανεῖν;
4	ΚΥΝΙΣΚΟΣ
5	Πάλαι σοι παρέστηκα, ὦ βελτίστη Κλωθοῖ. τί δέ με ἀδικήσαντα τοσοῦτον εἴας ἄνω τὸν χρόνον; σχεδὸν γὰρ ὅλον μοι τὸν ἄτρακτον ἐπέ‐ κλωσας. καίτοι πολλάκις ἐπειράθην τὸ νῆμα διακόψας ἐλθεῖν, ἀλλ’ οὐκ οἶδ’ ὅπως ἄρρηκτον
10	ἦν.
10	ΚΛΩΘΩ Ἔφορόν σε καὶ ἰατρὸν εἶναι τῶν ἀνθρωπίνων ἁμαρτημάτων ἀπελίμπανον. ἀλλὰ ἔμβαινε ἀγαθῇ τύχῃ.
13	ΚΥΝΙΣΚΟΣ Μὰ Δί’, ἢν μὴ πρότερόν γε τουτονὶ τὸν δεδε‐
15	μένον ἐμβιβασώμεθα· δέδια γὰρ μή σε παραπείσῃ
15	δεόμενος.	14
16	ΚΛΩΘΩ
Cat . 8	Φέρ’ ἴδω τίς ἐστι.
1	ΚΥΝΙΣΚΟΣ Μεγαπένθης ὁ Λακύδου, τύραννος.
2	ΚΛΩΘΩ Ἐπίβαινε σύ.
3	ΜΕΓΑΠΕΝΘΗΣ Μηδαμῶς, ὦ δέσποινα Κλωθοῖ, ἀλλά με πρὸς
5	ὀλίγον ἔασον ἀνελθεῖν. εἶτά σοι αὐτόματος ἥξω καλοῦντος μηδενός.
6	ΚΛΩΘΩ Τί δὲ ἔστιν οὗ χάριν ἀφικέσθαι θέλεις;
7	ΜΕΓΑΠΕΝΘΗΣ Τὴν οἰκίαν ἐκτελέσαι μοι πρότερον ἐπίτρεψον· ἡμιτελὴς γὰρ ὁ δόμος καταλέλειπται.
9	ΚΛΩΘΩ
10	Ληρεῖς· ἀλλὰ ἔμβαινε.
10	ΜΕΓΑΠΕΝΘΗΣ Οὐ πολὺν χρόνον, ὦ Μοῖρα, αἰτῶ· μίαν με ἔασον μεῖναι τήνδε ἡμέραν, ἄχρι ἄν τι ἐπισκήψω τῇ γυναικὶ περὶ τῶν χρημάτων, ἔνθα τὸν μέγαν εἶχον θησαυρὸν κατορωρυγμένον.
14	ΚΛΩΘΩ
15	Ἄραρεν· οὐκ ἂν τύχοις.
15	ΜΕΓΑΠΕΝΘΗΣ Ἀπολεῖται οὖν χρυσὸς τοσοῦτος;
16	ΚΛΩΘΩ Οὐκ ἀπολεῖται. θάρρει τούτου γε ἕνεκα· Με‐
16	γακλῆς γὰρ αὐτὸν ὁ σὸς ἀνεψιὸς παραλήψεται.	16
18	ΜΕΓΑΠΕΝΘΗΣ Ὢ τῆς ὕβρεως. ὁ ἐχθρός, ὃν ὑπὸ ῥᾳθυμίας
20	ἔγωγε οὐ προαπέκτεινα;
20	ΚΛΩΘΩ Ἐκεῖνος αὐτός· καὶ ἐπιβιώσεταί σοι ἔτη τετ‐ ταράκοντα καὶ μικρόν τι πρός, τὰς παλλακίδας καὶ τὴν ἐσθῆτα καὶ τὸν χρυσὸν ὅλον σου παρα‐ λαβών.
24	ΜΕΓΑΠΕΝΘΗΣ
25	Ἀδικεῖς, ὦ Κλωθοῖ, τἀμὰ τοῖς πολεμιωτάτοις διανέμουσα.
26	ΚΛΩΘΩ Σὺ γὰρ οὐχὶ Κυδιμάχου αὐτὰ ὄντα, ὦ γεν‐ ναιότατε, παρειλήφεις ἀποκτείνας τε αὐτὸν καὶ τὰ παιδία ἔτι ἐμπνέοντι ἐπισφάξας;
29	ΜΕΓΑΠΕΝΘΗΣ
30	Ἀλλὰ νῦν ἐμὰ ἦν.
30	ΚΛΩΘΩ Οὐκοῦν ἐξήκει σοι ὁ χρόνος ἤδη τῆς κτήσεως.
31	ΜΕΓΑΠΕΝΘΗΣ
Cat . 9	Ἄκουσον, ὦ Κλωθοῖ, ἅ σοι ἰδίᾳ μηδενὸς ἀκού‐ οντος εἰπεῖν βούλομαι· ὑμεῖς δὲ ἀπόστητε πρὸς ὀλίγον. ἄν με ἀφῇς ἀποδρᾶναι, χίλιά σοι τά‐ λαντα χρυσίου ἐπισήμου δώσειν ὑπισχνοῦμαι
5	τήμερον.
5	ΚΛΩΘΩ Ἔτι γὰρ χρυσόν, ὦ γελοῖε, καὶ τάλαντα διὰ μνήμης ἔχεις;
7	ΜΕΓΑΠΕΝΘΗΣ Καὶ τοὺς δύο δὲ κρατῆρας, εἰ βούλει, προσθήσω οὓς ἔλαβον ἀποκτείνας Κλεόκριτον, ἕλκοντας
10	ἑκάτερον χρυσοῦ ἀπέφθου τάλαντα ἑκατόν.	18
10	ΚΛΩΘΩ Ἕλκετε αὐτόν· ἔοικε γὰρ οὐκ ἐπεμβήσεσθαι ἡμῖν ἑκών.
12	ΜΕΓΑΠΕΝΘΗΣ Μαρτύρομαι ὑμᾶς, ἀτελὲς μένει τὸ τεῖχος καὶ τὰ νεώρια· ἐξετέλεσα γὰρ ἂν αὐτὰ ἐπιβιοὺς πέντε
15	μόνας ἡμέρας.
15	ΚΛΩΘΩ Ἀμέλησον· ἄλλος τειχιεῖ.
16	ΜΕΓΑΠΕΝΘΗΣ Καὶ μὴν τοῦτό γε πάντως εὔγνωμον αἰτῶ.
17	ΚΛΩΘΩ Τὸ ποῖον;
18	ΜΕΓΑΠΕΝΘΗΣ Εἰς τοσοῦτον ἐπιβιῶναι, μέχρι ἂν ὑπαγάγωμαι
20	Πισίδας καὶ Λυδοῖς ἐπιθῶ τοὺς φόρους καὶ μνῆμα ἑαυτῷ παμμέγεθες ἀναστήσας ἐπιγράψω ὁπόσα ἔπραξα μεγάλα καὶ στρατηγικὰ παρὰ τὸν βίον.
22	ΚΛΩΘΩ Οὗτος, οὐκέτι μίαν ἡμέραν ταύτην αἰτεῖς, ἀλλὰ σχεδὸν εἴκοσιν ἐτῶν διατριβήν.
24	ΜΕΓΑΠΕΝΘΗΣ
Cat . 10	Καὶ μὴν ἐγγυητὰς ὑμῖν ἕτοιμος παρασχέσθαι τοῦ τάχους καὶ τῆς ἐπανόδου. εἰ βούλεσθε δέ, καὶ ἄντανδρον ὑμῖν ἀντ’ ἐμαυτοῦ παραδώσω τὸν ἀγαπητόν.
4	ΚΛΩΘΩ
5	Ὦ μιαρέ, ὃν ηὔχου πολλάκις ὑπὲρ γῆς κατα‐ λιπεῖν;
6	ΜΕΓΑΠΕΝΘΗΣ
6	Πάλαι ταῦτα ηὐχόμην· νυνὶ δὲ ὁρῶ τὸ βέλτιον.	20
7	ΚΛΩΘΩ Ἥξει κἀκεῖνός σοι μετ’ ὀλίγον ὑπὸ τοῦ νεωστὶ βασιλεύοντος ἀνῃρημένος.
9	ΜΕΓΑΠΕΝΘΗΣ
Cat . 11	Οὐκοῦν ἀλλὰ τοῦτό γε μὴ ἀντείπῃς ὦ Μοῖρά μοι.
2	ΚΛΩΘΩ Τὸ ποῖον;
3	ΜΕΓΑΠΕΝΘΗΣ Εἰδέναι βούλομαι τὰ μετ’ ἐμὲ ὅντινα ἕξει τὸν
5	τρόπον.
5	ΚΛΩΘΩ Ἄκουε· μᾶλλον γὰρ ἀνιάσῃ μαθών. τὴν μὲν γυναῖκα Μίδας ὁ δοῦλος ἕξει, καὶ πάλαι δὲ αὐτὴν ἐμοίχευεν.
8	ΜΕΓΑΠΕΝΘΗΣ Ὁ κατάρατος, ὃν ἐγὼ πειθόμενος αὐτῇ ἀφῆκα
10	ἐλεύθερον;
10	ΚΛΩΘΩ Ἡ θυγάτηρ δέ σοι ταῖς παλλακίσι τοῦ νυνὶ τυραννοῦντος ἐγκαταλεγήσεται· αἱ εἰκόνες δὲ καὶ ἀνδριάντες οὓς ἡ πόλις ἀνέστησέ σοι πάλαι πάντες ἀνατετραμμένοι γέλωτα παρέξουσι τοῖς
15	θεωμένοις.
15	ΜΕΓΑΠΕΝΘΗΣ Εἰπέ μοι, τῶν φίλων δὲ οὐδεὶς ἀγανακτήσει τοῖς δρωμένοις;
17	ΚΛΩΘΩ Τίς γὰρ ἦν σοι φίλος; ἢ ἐκ τίνος αἰτίας γενό‐ μενος; ἀγνοεῖς ὅτι πάντες οἱ καὶ προσκυνοῦντες
20	καὶ τῶν λεγομένων καὶ πραττομένων ἕκαστα ἐπαι‐ νοῦντες ἢ φόβῳ ἢ ἐλπίσι ταῦτα ἔδρων, τῆς ἀρχῆς ὄντες φίλοι καὶ πρὸς τὸν καιρὸν ἀποβλέποντες;	22
22	ΜΕΓΑΠΕΝΘΗΣ Καὶ μὴν σπένδοντες ἐν τοῖς συμποσίοις μεγάλῃ τῇ φωνῇ ἐπηύχοντό μοι πολλὰ καὶ ἀγαθά, προ‐
25	αποθανεῖν ἕκαστος αὐτῶν ἕτοιμος, εἰ οἷόν τε εἶναι· καὶ ὅλως, ὅρκος αὐτοῖς ἦν ἐγώ.
26	ΚΛΩΘΩ Τοιγαροῦν παρ’ ἑνὶ αὐτῶν χθὲς δειπνήσας ἀπέ‐ θανες· τὸ γὰρ τελευταῖόν σοι πιεῖν ἐνεχθὲν ἐκεῖνο δευρὶ κατέπεμψέ σε.
29	ΜΕΓΑΠΕΝΘΗΣ
30	Τοῦτ’ ἄρα πικροῦ τινος ᾐσθόμην· τί βουλό‐ μενος δὲ ταῦτα ἔπραξε;
31	ΚΛΩΘΩ Πολλά με ἀνακρίνεις, ἐμβῆναι δέον.
32	ΜΕΓΑΠΕΝΘΗΣ
Cat . 12	Ἕν με πνίγει μάλιστα, ὦ Κλωθοῖ, δι’ ὅπερ ἐπόθουν κἂν πρὸς ὀλίγον ἐς τὸ φῶς ἀνακῦψαι πάλιν.
3	ΚΛΩΘΩ Τί δὲ τοῦτό ἐστιν; ἔοικε γάρ τι παμμέγεθες
5	εἶναι.
5	ΜΕΓΑΠΕΝΘΗΣ Καρίων ὁ ἐμὸς οἰκέτης ἐπεὶ τάχιστά με ἀπο‐ θανόντα εἶδε, περὶ δείλην ὀψίαν ἀνελθὼν εἰς τὸ οἴκημα ἔνθα ἐκείμην, σχολῆς οὔσης—οὐδεὶς γὰρ
5	οὐδὲ ἐφύλαττέ με—Γλυκέριον τὴν παλλάκιδα	24
10	μου—καὶ πάλαι δέ, οἶμαι, κεκοινωνήκεσαν— παραγαγὼν ἐπισπασάμενος τὴν θύραν ἐσπόδει καθάπερ οὐδενὸς ἔνδον παρόντος· εἶτ’ ἐπειδὴ ἅλις εἶχε τῆς ἐπιθυμίας, ἀποβλέψας εἰς ἐμέ, “Σὺ μέντοι,” φησίν, “ὦ μιαρὸν ἀνθρώπιον, πληγάς
15	μοι πολλάκις οὐδὲν ἀδικοῦντι ἐνέτεινας·” καὶ ταῦθ’ ἅμα λέγων παρέτιλλέ τέ με καὶ κατὰ κόρρης ἔπαιε, τέλος δὲ πλατὺ χρεμψάμενος καταπτύσας μου καί, “Εἰς τὸν Ἀσεβῶν χῶρον ἄπιθι,” ἐπειπὼν ᾤχετο· ἐγὼ δὲ ἐνεπιμπράμην μέν, οὐκ
20	εἶχον δὲ ὅμως ὅ τι καὶ δράσαιμι αὐτὸν αὖος ἤδη καὶ ψυχρὸς ὤν. καὶ ἡ μιαρὰ δὲ παιδίσκη ἐπεὶ ψόφου προσιόντων τινῶν ᾔσθετο, σιέλῳ χρίσασα τοὺς ὀφθαλμοὺς ὡς δακρύσασα ἐπ’ ἐμοί, κωκύ‐ ουσα καὶ τοὔνομα ἐπικαλουμένη ἀπηλλάττετο.
25	ὧν εἰ λαβοίμην—
25	ΚΛΩΘΩ
Cat . 13	Παῦσαι ἀπειλῶν, ἀλλὰ ἔμβηθι· καιρὸς ἤδη σε ἀπαντᾶν ἐπὶ τὸ δικαστήριον.
2	ΜΕΓΑΠΕΝΘΗΣ Καὶ τίς ἀξιώσει κατ’ ἀνδρὸς τυράννου ψῆφον λαβεῖν;
4	ΚΛΩΘΩ
5	Κατὰ τυράννου μὲν οὐδείς, κατὰ νεκροῦ δὲ ὁ Ῥαδάμανθυς, ὃν αὐτίκα ὄψει μάλα δίκαιον καὶ κατ’ ἀξίαν ἐπιτιθέντα ἑκάστῳ τὴν δίκην· τὸ δὲ νῦν ἔχον μὴ διάτριβε.
8	ΜΕΓΑΠΕΝΘΗΣ Κἂν ἰδιώτην με ποίησον, ὦ Μοῖρα, τῶν πε‐
10	νήτων ἕνα, κἂν δοῦλον ἀντὶ τοῦ πάλαι βασιλέως·
10	ἀναβιῶναί με ἔασον μόνον.	26
11	ΚΛΩΘΩ Ποῦ ’στιν ὁ τὸ ξύλον; καὶ σὺ δέ, ὦ Ἑρμῆ, σύρατ’ αὐτὸν εἴσω τοῦ ποδός· οὐ γὰρ ἂν ἐμβαίη ἑκών.
14	ΕΡΜΗΣ
15	Ἕπου νῦν, δραπέτα· δέχου τοῦτον σύ, πορθμεῦ, καὶ τὸ δεῖνα, ὅπως ἀσφαλῶς—
16	ΧΑΡΩΝ Ἀμέλει, πρὸς τὸν ἱστὸν δεδήσεται.
17	ΜΕΓΑΠΕΝΘΗΣ Καὶ μὴν ἐν τῇ προεδρίᾳ καθέζεσθαί με δεῖ.
18	ΚΛΩΘΩ Ὅτι τί;
19	ΜΕΓΑΠΕΝΘΗΣ
20	Ὅτι, νὴ Δία, τύραννος ἦν καὶ δορυφόρους εἶχον μυρίους.
21	ΚΥΝΙΣΚΟΣ Εἶτ’ οὐ δικαίως σε παρέτιλλεν ὁ Καρίων οὑτωσὶ σκαιὸν ὄντα; πικρὰν δ’ οὖν τὴν τυραννίδα ἕξεις γευσάμενος τοῦ ξύλου.
24	ΜΕΓΑΠΕΝΘΗΣ
25	Τολμήσει γὰρ Κυνίσκος ἐπανατείνασθαί μοι τὸ βάκτρον; οὐκ ἐγώ σε πρῴην, ὅτι ἐλεύθερος ἄγαν καὶ τραχὺς ἦσθα καὶ ἐπιτιμητικός, μικροῦ δεῖν προσεπαττάλευσα;
28	ΚΥΝΙΣΚΟΣ Τοιγαροῦν μενεῖς καὶ σὺ τῷ ἱστῷ προσπεπατ‐
30	ταλευμένος.
30	ΜΙΚΥΛΛΟΣ
Cat . 14	Εἰπέ μοι, ὦ Κλωθοῖ, ἐμοῦ δὲ οὐδεὶς ὑμῖν λόγος; ἢ διότι πένης εἰμί, διὰ τοῦτο καὶ τελευταῖον ἐμ‐
Cat . 14	βῆναί με δεῖ;	28
3	ΚΛΩΘΩ Σὺ δὲ τίς εἶ;
4	ΜΙΚΥΛΛΟΣ
5	Ὁ σκυτοτόμος Μίκυλλος.
5	ΚΛΩΘΩ Εἶτα ἄχθῃ βραδύνων; οὐχ ὁρᾷς ὁπόσα ὁ τύραν‐ νος ὑπισχνεῖται δώσειν ἀφεθεὶς πρὸς ὀλίγον; θαῦμα γοῦν ἔχει με, εἰ μὴ ἀγαπητὴ καὶ σοὶ ἡ διατριβή.
9	ΜΙΚΥΛΛΟΣ
10	Ἄκουσον, ὦ βελτίστη Μοιρῶν· οὐ πάνυ με ἡ τοῦ Κύκλωπος ἐκείνη εὐφραίνει δωρεά, ὑπισχνεῖσθαι ὅτι “πύματον ἐγὼ τὸν Οὖτιν κατέδομαι”· ἄν τε γοῦν πρῶτον, ἄν τε πύματον, οἱ αὐτοὶ ὀδόντες περι‐ μένουσιν. ἄλλως τε οὐδ’ ὅμοια τἀμὰ τοῖς τῶν πλου‐
15	σίων· ἐκ διαμέτρου γὰρ ἡμῶν οἱ βίοι, φασίν· ὁ μέν γε τύραννος εὐδαίμων εἶναι δοκῶν παρὰ τὸν βίον, φοβερὸς ἅπασι καὶ περίβλεπτος, ἀπολιπὼν χρυ‐ σὸν τοσοῦτον καὶ ἀργύριον καὶ ἐσθῆτα καὶ ἵππους καὶ δεῖπνα καὶ παῖδας ὡραίους καὶ γυναῖκας
20	εὐμόρφους εἰκότως ἠνιᾶτο καὶ ἀποσπώμενος αὐτῶν ἤχθετο· οὐ γὰρ οἶδ’ ὅπως καθάπερ ἰξῷ τινι προσ‐ έχεται τοῖς τοιούτοις ἡ ψυχὴ καὶ οὐκ ἐθέλει ἀπαλλάττεσθαι ῥᾳδίως ἅτε αὐτοῖς πάλαι προσ‐ τετηκυῖα· μᾶλλον δὲ ὥσπερ ἄρρηκτός τις οὗτος
25	ὁ δεσμός ἐστιν, ᾧ δεδέσθαι συμβέβηκεν αὐτούς. ἀμέλει κἂν ἀπάγῃ τις αὐτοὺς μετὰ βίας, ἀνακωκύ‐ ουσι καὶ ἱκετεύουσι, καὶ τὰ ἄλλα ὄντες θρασεῖς, δειλοὶ πρὸς ταύτην εὑρίσκονται τὴν ἐπὶ τὸν Ἅιδην
25	φέρουσαν ὁδόν· ἐπιστρέφονται γοῦν εἰς τοὐπίσω	30
30	καὶ ὥσπερ οἱ δυσέρωτες κἂν πόρρωθεν ἀποβλέπειν τὰ ἐν τῷ φωτὶ βούλονται, οἷα ὁ μάταιος ἐκεῖνος ἐποίει καὶ παρὰ τὴν ὁδὸν ἀποδιδράσκων κἀνταῦθά
Cat . 15	σε καταλιπαρῶν. ἐγὼ δὲ ἅτε μηδὲν ἔχων ἐνέχυ‐ ρον ἐν τῷ βίῳ, οὐκ ἀγρόν, οὐ συνοικίαν, οὐ χρυσόν, οὐ σκεῦος, οὐ δόξαν, οὐκ εἰκόνας, εἰκότως εὔζωνος ἦν, κἀπειδὴ μόνον ἡ Ἄτροπος ἔνευσέ μοι, ἄσμενος
5	ἀπορρίψας τὴν σμίλην καὶ τὸ κάττυμα—κρηπῖδα γάρ τινα ἐν ταῖν χεροῖν εἶχον—ἀναπηδήσας εὐθὺς ἀνυπόδητος οὐδὲ τὴν μελαντηρίαν ἀπονιψάμενος εἱπόμην, μᾶλλον δὲ ἡγούμην, ἐς τὸ πρόσω ὁρῶν· οὐ‐ δὲν γάρ με τῶν κατόπιν ἐπέστρεφε καὶ μετεκάλει.
10	καὶ νὴ Δί’ ἤδη καλὰ τὰ παρ’ ὑμῖν πάντα ὁρῶ· τό τε γὰρ ἰσοτιμίαν ἅπασιν εἶναι καὶ μηδένα τοῦ πλησίον διαφέρειν, ὑπερήδιστον ἐμοὶ γοῦν δοκεῖ. τεκμαίρο‐ μαι δὲ μηδ’ ἀπαιτεῖσθαι τὰ χρέα τοὺς ὀφείλοντας ἐνταῦθα μηδὲ φόρους ὑποτελεῖν, τὸ δὲ μέγιστον,
15	μηδὲ ῥιγοῦν τοῦ χειμῶνος μηδὲ νοσεῖν μηδ’ ὑπὸ τῶν δυνατωτέρων ῥαπίζεσθαι. εἰρήνη δὲ πᾶσι καὶ πράγματα ἐς τὸ ἔμπαλιν ἀνεστραμμένα· ἡμεῖς μὲν οἱ πένητες γελῶμεν, ἀνιῶνται δὲ καὶ οἰμώζουσιν οἱ πλούσιοι.
51	ΚΛΩΘΩ
Cat . 16	Πάλαι οὖν σε, ὦ Μίκυλλε, γελῶντα ἑώρων. τί δ’ ἦν ὅ σε μάλιστα ἐκίνει γελᾶν;
2	ΜΙΚΥΛΛΟΣ Ἄκουσον, ὦ τιμιωτάτη μοι θεῶν· παροικῶν ἄνω τῷ τυράννῳ πάνυ ἀκριβῶς ἑώρων τὰ γιγνόμενα
5	παρ’ αὐτῷ καί μοι ἐδόκει τότε ἰσόθεός τις εἶναι· τῆς τε γὰρ πορφύρας τὸ ἄνθος ὁρῶν ἐμακάριζον,
5	καὶ τῶν ἀκολουθούντων τὸ πλῆθος καὶ τὸν χρυσὸν καὶ τὰ λιθοκόλλητα ἐκπώματα καὶ τὰς κλίνας τὰς ἀργυρόποδας· ἔτι δὲ καὶ ἡ κνῖσα ἡ	32
10	τῶν σκευαζομένων εἰς τὸ δεῖπνον ἀπέκναιέ με, ὥστε ὑπεράνθρωπός τις ἀνὴρ καὶ τρισόλβιός μοι κατεφαίνετο καὶ μονονουχὶ πάντων καλλίων καὶ ὑψηλότερος ὅλῳ πήχει βασιλικῷ, ἐπαιρό‐ μενος τῇ τύχῃ καὶ σεμνῶς προβαίνων καὶ ἑαυτὸν
15	ἐξυπτιάζων καὶ τοὺς ἐντυγχάνοντας ἐκπλήττων. ἐπεὶ δὲ ἀπέθανεν, αὐτός τε παγγέλοιος ὤφθη μοι ἀποδυσάμενος τὴν τρυφήν, κἀμαυτοῦ ἔτι μᾶλλον κατεγέλων οἷον κάθαρμα ἐτεθήπειν, ἀπὸ τῆς κνίσης τεκμαιρόμενος αὐτοῦ τὴν εὐδαιμονίαν καὶ
20	μακαρίζων ἐπὶ τῷ αἵματι τῶν ἐν τῇ Λακωνικῇ
Cat . 17	θαλάττῃ κοχλίδων. οὐ μόνον δὲ τοῦτον, ἀλλὰ καὶ τὸν δανειστὴν Γνίφωνα ἰδὼν στένοντα καὶ μετα‐ γινώσκοντα ὅτι μὴ ἀπέλαυσε τῶν χρημάτων, ἀλλ’ ἄγευστος αὐτῶν ἀπέθανε τῷ ἀσώτῳ Ῥο‐
5	δοχάρει τὴν οὐσίαν ἀπολιπών, —οὗτος γὰρ ἄγχιστα ἦν αὐτῷ γένους καὶ πρῶτος ἐπὶ τὸν κλῆρον ἐκαλεῖτο κατὰ τὸν νόμον—οὐκ εἶχον ὅπως καταπαύσω τὸν γέλωτα, καὶ μάλιστα μεμνημένος ὡς ὠχρὸς ἀεὶ καὶ αὐχμηρὸς ἦν, φροντίδος τὸ
10	μέτωπον ἀνάπλεως καὶ μόνοις τοῖς δακτύλοις πλουτῶν, οἷς τάλαντα καὶ μυριάδας ἐλογίζετο, κατὰ μικρὸν συλλέγων τὰ μετ’ ὀλίγον ἐκχυθη‐ σόμενα πρὸς τοῦ μακαρίου Ῥοδοχάρους. ἀλλὰ τί οὐκ ἀπερχόμεθα ἤδη; καὶ μεταξὺ γὰρ πλέοντες τὰ
15	λοιπὰ γελασόμεθα οἰμώζοντας αὐτοὺς ὁρῶντες.	34
15	ΚΛΩΘΩ Ἔμβαινε, ἵνα καὶ ἀνιμήσηται ὁ πορθμεὺς τὸ ἀγκύριον.
17	ΧΑΡΩΝ
Cat . 18	Οὗτος, ποῖ φέρῃ; πλῆρες ἤδη τὸ σκάφος· αὐτοῦ περίμενε εἰς αὔριον· ἕωθέν σε διαπορθμεύσομεν.
2	ΜΙΚΥΛΛΟΣ Ἀδικεῖς, ὦ Χάρων, ἕωλον ἤδη νεκρὸν ἀπο‐ λιμπάνων· ἀμέλει γράψομαί σε παρανόμων ἐπὶ
5	τοῦ Ῥαδαμάνθυος. οἴμοι τῶν κακῶν· ἤδη πλέουσιν· ἐγὼ δὲ μόνος ἐνταῦθα περιλελείψομαι. καίτοι τί οὐ διανήχομαι κατ’ αὐτούς; οὐ γὰρ δέδια μὴ ἀπαγορεύσας ἀποπνιγῶ ἤδη τεθνεώς· ἄλλως τε οὐδὲ τὸν ὀβολὸν ἔχω τὰ πορθμεῖα καταβαλεῖν.
9	ΚΛΩΘΩ
10	Τί τοῦτο; περίμεινον, ὦ Μίκυλλε· οὐ θέμις οὕτω σε διελθεῖν.
11	ΜΙΚΥΛΛΟΣ Καὶ μὴν ἴσως ὑμῶν καὶ προκαταχθήσομαι.
12	ΚΛΩΘΩ Μηδαμῶς, ἀλλὰ προσελάσαντες ἀναλάβωμεν αὐτόν· καὶ σύ, ὦ Ἑρμῆ, συνανάσπασον.
14	ΧΑΡΩΝ
Cat . 19	Ποῦ νῦν καθεδεῖται; μεστὰ γὰρ πάντα, ὡς ὁρᾷς.
2	ΕΡΜΗΣ Ἐπὶ τοὺς ὤμους, εἰ δοκεῖ, τοῦ τυράννου.
3	ΚΛΩΘΩ
3	Καλῶς ὁ Ἑρμῆς ἐνενόησεν.	36
4	ΧΑΡΩΝ
5	Ἀνάβαινε οὖν καὶ τὸν τένοντα τοῦ ἀλιτηρίου καταπάτει· ἡμεῖς δὲ εὐπλοῶμεν.
6	ΚΥΝΙΣΚΟΣ Ὦ Χάρων, καλῶς ἔχει σοι τὰς ἀληθείας ἐντεῦθεν εἰπεῖν. ἐγὼ τὸν ὀβολὸν μὲν οὐκ ἂν ἔχοιμι δοῦναί σοι καταπλεύσας· πλέον γὰρ οὐδέν
10	ἐστι τῆς πήρας ἣν ὁρᾷς καὶ τουτουὶ τοῦ ξύλου· τἆλλα δὲ ἢ ἀντλεῖν, εἰ θέλεις, ἕτοιμος ἢ πρόσ‐ κωπος εἶναι· μέμψῃ δὲ οὐδέν, ἢν εὐῆρες καὶ καρτερόν μοι ἐρετμὸν δῷς μόνον.
13	ΧΑΡΩΝ Ἔρεττε· καὶ τουτὶ γὰρ ἱκανὸν παρὰ σοῦ
15	λαβεῖν.
15	ΚΥΝΙΣΚΟΣ Ἦ καὶ ὑποκελεῦσαι δεήσει;
16	ΧΑΡΩΝ Νὴ Δία, ἤνπερ εἰδῇς κέλευσμά τι τῶν ναυτι‐ κῶν.
18	ΚΥΝΙΣΚΟΣ Οἶδα καὶ πολλά, ὦ Χάρων. ἀλλ’, ὁρᾷς, ἀντ‐
20	επηχοῦσιν οὗτοι δακρύοντες· ὥστε ἡμῖν τὸ ᾆσμα ἐπιταραχθήσεται.
21	ΝΕΚΡΟΙ
Cat . 20	Οἴμοι τῶν κτημάτων. — Οἴμοι τῶν ἀγρῶν. — Ὀττοτοῖ, τὴν οἰκίαν οἵαν ἀπέλιπον. — Ὅσα τά‐ λαντα ὁ κληρονόμος σπαθήσει παραλαβών. — Αἰαῖ τῶν νεογνῶν μοι παιδίων. — Τίς ἄρα τὰς
5	ἀμπέλους τρυγήσει, ἃς πέρυσιν ἐφυτευσάμην;	38
5	ΕΡΜΗΣ Μίκυλλε, σὺ δ’ οὐδὲν οἰμώζεις; καὶ μὴν οὐ θέμις ἀδακρυτὶ διαπλεῦσαί τινα.
7	ΜΙΚΥΛΛΟΣ Ἄπαγε· οὐδέν ἐστιν ἐφ’ ὅτῳ ἂν οἰμώξαιμι εὐπλοῶν.
9	ΕΡΜΗΣ
10	Ὅμως κἂν μικρόν τι ἐς τὸ ἔθος ἐπιστέναξον.
10	ΜΙΚΥΛΛΟΣ Οἰμώξομαι τοίνυν, ἐπειδή, ὦ Ἑρμῆ, σοὶ δοκεῖ. οἴμοι τῶν καττυμάτων· οἴμοι τῶν κρηπίδων τῶν παλαιῶν· ὀττοτοῖ τῶν σαθρῶν ὑποδημάτων. οὐ‐ κέτι ὁ κακοδαίμων ἕωθεν εἰς ἑσπέραν ἄσιτος
15	διαμενῶ, οὐδὲ τοῦ χειμῶνος ἀνυπόδητός τε καὶ ἡμίγυμνος περινοστήσω τοὺς ὀδόντας ὑπὸ τοῦ κρύους συγκροτῶν. τίς ἄρα μου τὴν σμίλην ἕξει καὶ τὸ κεντητήριον;
18	ΕΡΜΗΣ Ἱκανῶς τεθρήνηται· σχεδὸν δὲ ἤδη καταπε‐
20	πλεύκαμεν.
20	ΧΑΡΩΝ
Cat . 21	Ἄγε δὴ τὰ πορθμεῖα πρῶτον ἡμῖν ἀπόδοτε· καὶ σὺ δός· παρὰ πάντων ἤδη ἔχω. δὸς καὶ σὺ τὸν ὀβολόν, ὦ Μίκυλλε.
3	ΜΙΚΥΛΛΟΣ Παίζεις, ὦ Χάρων, ἢ καθ’ ὕδατος, φασίν, γρά‐
5	φεις παρὰ Μικύλλου δή τινα ὀβολὸν προσδο‐ κῶν. ἀρχὴν δὲ οὐδὲ οἶδα εἰ τετράγωνόν ἐστιν ὁ ὀβολὸς ἢ στρογγύλον.
7	ΧΑΡΩΝ
7	Ὢ καλῆς ναυτιλίας καὶ ἐπικερδοῦς τήμερον. ἀποβαίνετε δ’ ὅμως· ἐγὼ δὲ ἵππους καὶ βοῦς καὶ	40
10	κύνας καὶ τὰ λοιπὰ ζῷα μέτειμι· διαπλεῦσαι γὰρ ἤδη κἀκεῖνα δεῖ.
11	ΚΛΩΘΩ Ἄπαγε αὐτούς, ὦ Ἑρμῆ, παραλαβών· ἐγὼ δὲ αὐτὴ ἐς τὸ ἀντιπέρας ἀναπλευσοῦμαι Ἰνδοπάτην καὶ Ἡραμίθρην τοὺς Σῆρας διάξουσα· τεθνᾶσι
15	γὰρ δὴ πρὸς ἀλλήλων περὶ γῆς ὅρων μαχόμενοι.
15	ΕΡΜΗΣ Προΐωμεν, ὦ οὗτοι· μᾶλλον δὲ πάντες ἑξῆς ἕπεσθέ μοι.
17	ΜΙΚΥΛΛΟΣ
Cat . 22	Ὦ Ἡράκλεις, τοῦ ζόφου. ποῦ νῦν ὁ καλὸς Μέγιλλος; ἢ τῷ διαγνῷ τις ἐνταῦθα εἰ καλλίων Φρύνης Σιμίχη; πάντα γὰρ ἴσα καὶ ὁμόχροα καὶ οὐδὲν οὔτε καλὸν οὔτε κάλλιον, ἀλλ’ ἤδη καὶ τὸ
5	τριβώνιον τέως ἄμορφον εἶναί μοι δοκοῦν ἰσότιμον γίγνεται τῇ πορφυρίδι τοῦ βασιλέως· ἀφανῆ γὰρ ἄμφω καὶ ὑπὸ τῷ αὐτῷ σκότῳ καταδεδυκότα. Κυνίσκε, σὺ δὲ ποῦ ποτε ἄρα ὢν τυγχάνεις;
8	ΚΥΝΙΣΚΟΣ Ἐνταῦθα λέγω σοι, Μίκυλλε· ἀλλ’ ἅμα, εἰ
10	δοκεῖ, βαδίζωμεν.
10	ΜΙΚΥΛΛΟΣ Εὖ λέγεις· ἔμβαλέ μοι τὴν δεξιάν. εἰπέ μοι, —ἐτελέσθης γάρ, ὦ Κυνίσκε, δῆλον ὅτι τὰ Ἐλευ‐ σίνια—οὐχ ὅμοια τοῖς ἐκεῖ τὰ ἐνθάδε σοι δοκεῖ;
13	ΚΥΝΙΣΚΟΣ
13	Εὖ λέγεις· ἰδοὺ γοῦν προσέρχεται δᾳδουχοῦσά	42
15	τις φοβερόν τι καὶ ἀπειλητικὸν προσβλέπουσα. ἦ ἄρα που Ἐρινύς ἐστιν;
16	ΜΙΚΥΛΛΟΣ Ἔοικεν ἀπό γε τοῦ σχήματος.
17	ΕΡΜΗΣ
Cat . 23	Παράλαβε τούτους, ὦ Τισιφόνη, τέτταρας ἐπὶ τοῖς χιλίοις.
2	ΤΙΣΙΦΟΝΗ Καὶ μὴν πάλαι γε ὁ Ῥαδάμανθυς οὗτος ὑμᾶς περιμένει.
4	ΡΑΔΑΜΑΝΘΥΣ
5	Πρόσαγε αὐτούς, ὦ Ἐρινύ. σὺ δέ, ὦ Ἑρμῆ, κήρυττε καὶ προσκάλει.
6	ΚΥΝΙΣΚΟΣ Ὦ Ῥαδάμανθυ, πρὸς τοῦ πατρὸς ἐμὲ πρῶτον ἐπίσκεψαι παραγαγών.
8	ΡΑΔΑΜΑΝΘΥΣ Τίνος ἕνεκα;
9	ΚΥΝΙΣΚΟΣ
10	Πάντως βούλομαι κατηγορῆσαι τυράννου τινὸς ἃ συνεπίσταμαι πονηρὰ δράσαντι αὐτῷ παρὰ τὸν βίον. οὐκ ἂν οὖν ἀξιόπιστος εἴην λέγων, μὴ οὐχὶ πρότερον αὐτὸς φανεὶς οἷός εἰμι καὶ οἷόν τινα ἐβίωσα τὸν τρόπον.
14	ΡΑΔΑΜΑΝΘΥΣ
15	Τίς δὲ σύ;
15	ΚΥΝΙΣΚΟΣ Κυνίσκος, ὦ ἄριστε, τὴν γνώμην φιλόσοφος.
16	ΡΑΔΑΜΑΝΘΥΣ Δεῦρ’ ἐλθὲ καὶ πρῶτος εἰς τὴν δίκην κατάστηθι.
16	σὺ δὲ προσκάλει τοὺς κατηγόρους.	44
18	ΕΡΜΗΣ
Cat . 24	Εἴ τις Κυνίσκου τουτουὶ κατηγορεῖ, δεῦρο προσίτω.
2	ΚΥΝΙΣΚΟΣ Οὐδεὶς προσέρχεται.
3	ΡΑΔΑΜΑΝΘΥΣ Ἀλλ’ οὐχ ἱκανὸν τοῦτο, ὦ Κυνίσκε· ἀπόδυθι
5	δέ, ὅπως ἐπισκοπήσω σε ἀπὸ τῶν στιγμάτων.
5	ΚΥΝΙΣΚΟΣ Ποῦ γὰρ ἐγὼ στιγματίας ἐγενόμην;
6	ΡΑΔΑΜΑΝΘΥΣ Ὁπόσα ἄν τις ὑμῶν πονηρὰ ἐργάσηται παρὰ τὸν βίον, καθ’ ἕκαστον αὐτῶν ἀφανῆ στίγματα ἐπὶ τῆς ψυχῆς περιφέρει.
9	ΚΥΝΙΣΚΟΣ
10	Ἰδού σοι γυμνὸς παρέστηκα· ὥστε ἀναζήτει ταῦτα ἅπερ σὺ φὴς τὰ στίγματα.
11	ΡΑΔΑΜΑΝΘΥΣ Καθαρὸς ὡς ἐπίπαν οὑτοσὶ πλὴν τούτων τριῶν ἢ τεττάρων ἀμαυρῶν πάνυ καὶ ἀσαφῶν στιγμάτων. καίτοι τί τοῦτο; ἴχνη μὲν καὶ σημεῖα πολλὰ
15	τῶν ἐγκαυμάτων, οὐκ οἶδα δὲ ὅπως ἐξαλήλιπται, μᾶλλον δὲ ἐκκέκοπται. πῶς ταῦτα, ὦ Κυνίσκε, ἢ πῶς καθαρὸς ἐξ ὑπαρχῆς ἀναπέφηνας;
17	ΚΥΝΙΣΚΟΣ Ἐγώ σοι φράσω· πάλαι πονηρὸς δι’ ἀπαιδευ‐ σίαν γενόμενος καὶ πολλὰ διὰ τοῦτο ἐμπολήσας
20	στίγματα, ἐπειδὴ τάχιστα φιλοσοφεῖν ἠρξάμην κατ’ ὀλίγον ἁπάσας τὰς κηλῖδας ἐκ τῆς ψυχῆς
20	ἀπελουσάμην.	46
22	ΡΑΔΑΜΑΝΘΥΣ Ἀγαθῷ γε οὗτος καὶ ἀνυσιμωτάτῳ χρησάμενος τῷ φαρμάκῳ. ἀλλ’ ἄπιθι ἐς τὰς Μακάρων
25	νήσους τοῖς ἀρίστοις συνεσόμενος, κατηγορήσας γε πρότερον οὗ φὴς τυράννου. ἄλλους προσκάλει.
26	ΜΙΚΥΛΛΟΣ
Cat . 25	Καὶ τοὐμόν, ὦ Ῥαδάμανθυ, μικρόν ἐστι καὶ βραχείας τινὸς ἐξετάσεως δεόμενον· πάλαι γοῦν σοι καὶ γυμνός εἰμι, ὥστε ἐπισκόπει.
3	ΡΑΔΑΜΑΝΘΥΣ Τίς δὲ ὢν τυγχάνεις;
4	ΜΙΚΥΛΛΟΣ
5	Ὁ σκυτοτόμος Μίκυλλος.
5	ΡΑΔΑΜΑΝΘΥΣ Εὖ γε, ὦ Μίκυλλε, καθαρὸς ἀκριβῶς καὶ ἀν‐ επίγραφος· ἄπιθι καὶ σὺ παρὰ Κυνίσκον τουτονί. τὸν τύραννον ἤδη προσκάλει.
8	ΕΡΜΗΣ Μεγαπένθης Λακύδου ἡκέτω. ποῖ στρέφῃ;
10	πρόσιθι. σὲ τὸν τύραννον προσκαλῶ. πρόβαλ’ αὐτόν, ὦ Τισιφόνη, ἐς τὸ μέσον ἐπὶ τράχηλον ὠθοῦσα.
12	ΡΑΔΑΜΑΝΘΥΣ Σὺ δέ, ὦ Κυνίσκε, κατηγόρει καὶ διέλεγχε ἤδη· πλησίον γὰρ ἁνὴρ οὑτοσί.
14	ΚΥΝΙΣΚΟΣ
Cat . 26	Τὸ μὲν ὅλον οὐδὲ λόγων ἔδει· γνώσῃ γὰρ αὐτὸν αὐτίκα μάλα οἷός ἐστιν ἀπὸ τῶν στιγμάτων. ὅμως δὲ καὐτὸς ἀποκαλύψω σοι τὸν ἄνδρα κἀκ τοῦ
Cat . 26	λόγου δείξω φανερώτερον. οὑτοσὶ γὰρ ὁ τρισκατά‐	48
5	ρατος ὁπόσα μὲν ἰδιώτης ὢν ἔπραξε, παραλείψειν μοι δοκῶ· ἐπεὶ δὲ τοὺς θρασυτάτους προσεται‐ ρισάμενος καὶ δορυφόρους συναγαγὼν ἐπαναστὰς τῇ πόλει τύραννος κατέστη, ἀκρίτους μὲν ἀπέ‐ κτεινε πλείονας ἢ μυρίους, τὰς δὲ οὐσίας ἑκάστων
10	ἀφαιρούμενος καὶ πλούτου πρὸς τὸ ἀκρότατον ἀφικόμενος οὐδεμίαν μὲν ἀκολασίας ἰδέαν παρα‐ λέλοιπεν, ἁπάσῃ δὲ ὠμότητι καὶ ὕβρει κατὰ τῶν ἀθλίων πολιτῶν ἐχρήσατο, παρθένους διαφθείρων καὶ ἐφήβους καταισχύνων καὶ πάντα τρόπον
15	τοῖς ὑπηκόοις ἐμπαροινῶν. καὶ ὑπεροψίας μέν γε καὶ τύφου καὶ τοῦ πρὸς τοὺς ἐντυγχάνοντας φρυ‐ άγματος οὐδὲ κατ’ ἀξίαν δύναιο ἂν παρ’ αὐτοῦ λαβεῖν τὴν δίκην· ῥᾷον γοῦν τὸν ἥλιον ἄν τις ἢ τοῦτον ἀσκαρδαμυκτὶ προσέβλεψεν. οὐ μὴν
20	ἀλλὰ καὶ τῶν κολάσεων τὸ πρὸς ὠμότητα και‐ νουργὸν αὐτοῦ τίς ἂν διηγήσασθαι δύναιτο, ὅς γε μηδὲ τῶν οἰκειοτάτων ἀπέσχετο; καὶ ταῦτα ὅτι μὴ ἄλλως κενή τίς ἐστι κατ’ αὐτοῦ διαβολή, αὐτίκα εἴσῃ προσκαλέσας τοὺς ὑπ’ αὐτοῦ πεφο‐
25	νευμένους· μᾶλλον δὲ ἄκλητοι, ὡς ὁρᾷς, πάρεισι καὶ περιστάντες ἄγχουσιν αὐτόν. οὗτοι πάντες, ὦ Ῥαδάμανθυ, πρὸς τοῦ ἀλιτηρίου τεθνᾶσιν, οἱ μὲν γυναικῶν ἕνεκα εὐμόρφων ἐπιβουλευθέντες, οἱ δὲ υἱέων ἀπαγομένων πρὸς ὕβριν ἀγανακτή‐
30	σαντες, οἱ δὲ ὅτι ἐπλούτουν, οἱ δὲ ὅτι ἦσαν δεξιοὶ καὶ σώφρονες καὶ οὐδαμοῦ ἠρέσκοντο τοῖς
30	δρωμένοις.	50
32	ΡΑΔΑΜΑΝΘΥΣ
Cat . 27	Τί πρὸς ταῦτα φής, ὦ μιαρὲ σύ;
1	ΜΕΓΑΠΕΝΘΗΣ Τοὺς μὲν φόνους εἴργασμαι οὓς λέγει, τὰ δ’ ἄλλα πάντα, τὰς μοιχείας καὶ τὰς τῶν ἐφήβων ὕβρεις καὶ τὰς διαφθορὰς τῶν παρθένων, ταῦτα
5	πάντα Κυνίσκος μου κατεψεύσατο.
5	ΚΥΝΙΣΚΟΣ Οὐκοῦν καὶ τούτων, ὦ Ῥαδάμανθυ, παρέξω σοι μάρτυρας.
7	ΡΑΔΑΜΑΝΘΥΣ Τίνας τούτους λέγεις;
8	ΚΥΝΙΣΚΟΣ Προσκάλει μοι, ὦ Ἑρμῆ, τὸν λύχνον αὐτοῦ καὶ
10	τὴν κλίνην· μαρτυρήσουσι γὰρ αὐτοὶ παρελθόν‐ τες, οἷα πράττοντι συνηπίσταντο αὐτῷ.
11	ΕΡΜΗΣ Ἡ Κλίνη καὶ ὁ Λύχνος ὁ Μεγαπένθους παρέσ‐ των. εὖ γε ἐποίησαν ὑπακούσαντες.
13	ΡΑΔΑΜΑΝΘΥΣ Εἴπατε οὖν ὑμεῖς ἃ σύνιστε Μεγαπένθει τούτῳ·
15	προτέρα δὲ σὺ ἡ Κλίνη λέγε.
15	ΚΛΙΝΗ Πάντα ἀληθῆ κατηγόρησε Κυνίσκος. ἐγὼ μέντοι ταῦτα εἰπεῖν, ὦ δέσποτα Ῥαδάμανθυ, αἰσχύνομαι· τοιαῦτα ἦν ἃ ἐπ’ ἐμοῦ διεπράττετο.
18	ΡΑΔΑΜΑΝΘΥΣ Σαφέστατα μὲν οὖν καταμαρτυρεῖς μηδὲ εἰ‐
20	πεῖν αὐτὰ ὑπομένουσα. καὶ σὺ δὲ ὁ Λύχνος ἤδη
20	μαρτύρει.	52
21	ΛΥΧΝΟΣ Ἐγὼ τὰ μεθ’ ἡμέραν μὲν οὐκ εἶδον· οὐ γὰρ παρῆν· ἃ δὲ τῶν νυκτῶν ἐποίει καὶ ἔπασχεν, ὀκνῶ λέγειν· πλὴν ἀλλὰ ἐθεασάμην γε πολλὰ
25	καὶ ἄρρητα καὶ πᾶσαν ὕβριν ὑπερπεπαικότα. καί‐ τοι πολλάκις ἑκὼν τοὔλαιον οὐκ ἔπινον ἀποσβῆναι θέλων· ὁ δὲ καὶ προσῆγέ με τοῖς δρωμένοις καὶ τὸ φῶς μου πάντα τρόπον κατεμίαινεν.
28	ΡΑΔΑΜΑΝΘΥΣ
Cat . 28	Ἅλις ἤδη τῶν μαρτύρων. ἀλλὰ καὶ ἀπόδυθι τὴν πορφυρίδα, ἵνα τὸν ἀριθμὸν ἴδωμεν τῶν στιγμάτων. παπαί, ὅλος οὗτος πελιδνὸς καὶ κατάγραφος, μᾶλ‐ λον δὲ κυάνεός ἐστιν ἀπὸ τῶν στιγμάτων. τίνα ἂν
5	οὖν κολασθείη τρόπον; ἆρ’ ἐς τὸν Πυριφλεγέθοντά ἐστιν ἐμβλητέος ἢ παραδοτέος τῷ Κερβέρῳ;
6	ΚΥΝΙΣΚΟΣ Μηδαμῶς· ἀλλ’ εἰ θέλεις, ἐγώ σοι καινήν τινα καὶ πρέπουσαν αὐτῷ τιμωρίαν ὑποθήσομαι.
8	ΡΑΔΑΜΑΝΘΥΣ Λέγε, ὡς ἐγώ σοι μεγίστην ἐπὶ τούτω χάριν
10	εἴσομαι.
10	ΚΥΝΙΣΚΟΣ Ἔθος ἐστίν, οἶμαι, τοῖς ἀποθνήσκουσι πᾶσι πίνειν τὸ Λήθης ὕδωρ.
12	ΡΑΔΑΜΑΝΘΥΣ Πάνυ μὲν οὖν.
13	ΚΥΝΙΣΚΟΣ Οὐκοῦν μόνος οὗτος ἐξ ἁπάντων ἄποτος ἔστω.
14	ΡΑΔΑΜΑΝΘΥΣ
Cat . 29	Διὰ τί δή;	54
1	ΚΥΝΙΣΚΟΣ Χαλεπὴν οὕτως ὑφέξει τὴν δίκην μεμνημένος οἷος ἦν καὶ ὅσον ἠδύνατο ἐν τοῖς ἄνω, καὶ ἀναπεμπαζό‐ μενος τὴν τρυφήν.
4	ΡΑΔΑΜΑΝΘΥΣ
5	Εὖ λέγεις· καὶ καταδεδικάσθω καὶ παρὰ τὸν Τάνταλον ἀπαχθεὶς οὑτοσὶ δεδέσθω, μεμνημένος
5	ὧν ἔπραξε παρὰ τὸν βίον.	56

Cat

t

Cat

1

Cat

2

Cat

3

Cat

4

Cat

5

Cat

6

Cat

7

Cat

8

Cat

9

Cat

10

Cat

11

Cat

12

Cat

13

Cat

14

Cat

15

Cat

16

Cat

17

Cat

18

Cat

19

Cat

20

Cat

21

Cat

22

Cat

23

Cat

24

Cat

25

Cat

26

Cat

27

Cat

28

Cat

29