|
TLG 0029 006 :: DINARCHUS :: In Philoclem DINARCHUS Orat. In Philoclem Source: Conomis, N.C. (ed.), Dinarchi orationes cum fragmentis. Leipzig: Teubner, 1975: 65–72. Citation: Section — (line) | ||
Philoc.t | ΚΑΤΑ ΦΙΛΟΚΛΕΟΥΣ | |
Philoc.1 | Τί χρὴ λέγειν πρὸς τῶν θεῶν περὶ τοιούτων ἀνθρώπων, ⸢ἢ⸣ πῶς χρήσεσθε τῇ τούτου πονηρίᾳ, ὃς οὐχ ἅπαξ ἀλλὰ τρὶς ἐξεληλεγμένος ὑπὸ τῆς ἐξ Ἀρείου πάγου βουλῆς, ὡς ὑμεῖς ἅπαντες ἴστε καὶ νῦν ἐν τῷ δήμῳ ἠκούετε, καὶ | |
| 5 | ἐψευσμένος ἁπάντων Ἀθηναίων ἐναντίον καὶ τῶν περι‐ εστηκότων, φάσκων κωλύσειν Ἅρπαλον εἰς τὸν Πειραιᾶ καταπλεῦσ⸢αι⸣, στρατηγὸς ὑφ’ ὑμῶν ἐπὶ τὴν Μουνιχίαν | |
|---|---|---|
Philoc.2 | καὶ τὰ νεώρια κεχειροτονημένος, καὶ δῶρα τολμήσας λαβεῖν κατὰ πάντων ὑμῶν καὶ τῆς χώρας καὶ παίδων καὶ γυναικῶν, καὶ ἐπιωρκηκὼς ὃν ὤμοσεν ὅρκον μεταξὺ τοῦ ἕδους καὶ τῆς τραπέζης, καὶ γράψας καθ’ ἑαυτοῦ ψή‐ | |
| 5 | φισμα καὶ θανάτου τιμησάμενος ἐὰν εἰλήφ⸢ῃ⸣ τι τῶν χρη‐ | |
Philoc.3 | μάτων ὧν Ἅρπαλος εἰς τὴν χώραν ἐκόμισεν, ὅμως ἐτόλμη‐ σεν εἰς τοὺς εἰδότας ὑμᾶς ἐξεληλεγμένον ἑαυτὸν ἅπασι τούτοις ἔνοχον γεγενημένον ἐλθεῖν καὶ δεῖξαι ἑαυτόν, οὐ τῷ δικαίῳ πιστεύων ὦ Ἀθηναῖοι—τί γὰρ τούτῳ δικαιο‐ | |
| 5 | σύνης μέτεστιν; —ἀλλὰ τῇ τόλμῃ καὶ τῇ ἀναιδείᾳ, ᾗ χρώ‐ μενος πρότερον μὲν ἠξίωσε καταφρονήσας ὑμῶν καὶ τῶν ἐν τῇ πόλει δικαίων τὰ χρήματα λαβεῖν, νυνὶ δ’ ἀπολο‐ γησόμενος ἥκει ὡς οὐδὲν τούτων διαπέπρακται· τοσοῦ‐ | 65 |
Philoc.4 | τον τῆς ὑμετέρας ῥᾳθυμίας καταπεφρόνηκε. καὶ ὁ μὲν κοινὸς τῆς πόλεως νόμος, ἐάν τις ⸢εἰς ἕνα τινὰ⸣ τῶν πολι‐ τῶν ὁμολογήσας τι παραβῇ, τοῦτον ἔνοχον εἶναι κελεύει τῷ ἀδικεῖν· ὁ δὲ πάντας Ἀθηναίους ἐξηπατηκώς, καὶ | |
| 5 | προδοὺς τὴν πίστιν ἣν παρ’ ὑμῶν οὐκ ἄξιος ὢν ἔλαβε, καὶ τὸ καθ’ αὑτὸν μέρος ἅπαντ’ ἀνατετρ⸢ο⸣φὼς τὰ ἐν τῇ πόλει, οὗτος ἐπὶ τὴν ἀπολογίαν ἥκειν φήσει τὴν ὑπὲρ τῆς | |
Philoc.5 | αἰτίας τῆς εἰς αὑτὸν γεγενημένης; ἐγὼ δ’ ὦ ἄνδρες, εἰ δεῖ τἀληθῆ λέγειν—δεῖ δέ—, οὐ{δὲ} τὰς ἀποφάσεις οἶμαι νῦν κρίνεσθαι, πότερον ἀληθεῖς εἰσιν ἢ ψευδεῖς αἱ κατὰ Φιλοκλέους γεγενημέναι, ἀλλὰ περὶ ⸢μόνησ⸣ τῆς τι‐ | |
| 5 | μωρίας ὑμᾶς δεῖν τῆς ἐν τῷ ψηφίσματι γεγραμμένης δι‐ κάσαι νῦν, πότερα δεῖ χρημάτων τιμῆσαι τῷ τηλικαῦτ’ ἠδικηκότι τὴν πόλιν, ἢ θανάτῳ ζημιώσαντας, ὥσπερ οὗτος ἔγραψεν ἐν τῷ ψηφίσματι καθ’ αὑτοῦ, {ἢ} δημεῦσαι τὴν οὐσίαν τὴν ἐκ τοιούτων λημμάτων συνειλεγμένην. | |
Philoc.6 | Οἴεσθε τοῦτον νῦν πρῶτον ἐπὶ τούτων τῶν χρημάτων πονηρὸν γεγενῆσθαι, ἢ νῦν πρῶτον καθ’ ὑμῶν δῶρ’ εἰλη‐ φέναι; οὐκ ἔστι ταῦτα, ἀλλὰ πάλαι τοιοῦτος ὢν ἐλάνθανεν | |
| ὑμᾶς, καὶ ⸢ηὐτυχήκαθ’ ὅτι⸣ οὐκ ἐν μείζοσι καιροῖς ἐπύ‐ | 66 | |
| 5 | θεσθε τὴν αἰσχροκέρδειαν αὐτοῦ· οὐ γάρ ἐστι χαλεπώτε‐ ρον ἀνθρώπου τὴν αὑτοῦ πονηρίαν ἀγνοουμένην ἔχοντος. | |
Philoc.7 | οὐκ ἀποκτενεῖτ’ ὦ Ἀθηναῖοι πάντες ὁμοθυμαδὸν τὸν εἰς τοσαύτην αἰσχύνην καὶ ἀδικίαν πολλοὺς τῶν πολιτῶν ἐμ‐ βεβληκότα, τὸν ἀρχηγὸν γενόμενον τοῦ διαδεδομένου χρυ‐ σίου καὶ εἰς αἰτίαν καθισ〈τ〉άντα πᾶσαν τὴν πόλιν; ἀλλ’ | |
| 5 | ὑπομενεῖτ’ ἀκούειν τοῦ τοσαῦτα διαπεπραγμένου καθ’ ὑμῶν, ὡς {ὅτι} 〈ἄρα〉 τὸ συνέδριον τὸ ἐν Ἀρείῳ πάγῳ ψευδεῖς πεποίηται τὰς ἀποφάσεις, καὶ ὡς αὐτὸς μὲν δί‐ καιος καὶ χρηστὸς καὶ ἀδωροδόκητός ἐστιν, ἡ δ’ ἐξ Ἀρείου πάγου βουλὴ ταῦτα πάντα προεῖται χάριτος ἢ λημμάτων | |
Philoc.8 | ἕνεκα; ἆρ’ ἴσθ’ ὅτι ἐπὶ μὲν τῶν ἄλλων ἀδικημάτων σκεψα‐ μένους ἀκριβῶς δεῖ μεθ’ ἡσυχίας καὶ τἀληθὲς ἐξετάσαν‐ τας, οὕτως ἐπιτιθέναι τοῖς ἠδικηκόσι τὴν τιμωρίαν, ἐπὶ δὲ ταῖς φανεραῖς καὶ παρὰ πάντων ὡμολογημέναις προ‐ | |
| 5 | δοσίαις πρώτ⸢ην⸣ τετάχθαι τὴν ὀργὴν καὶ τὴν μετ’ αὐ‐ | |
Philoc.9 | τῆ⸢σ⸣ γιγνομένην τιμωρίαν; τί γὰρ τοῦτον οὐκ ἂν οἴεσθ’ ἀποδόσθαι τῶν ἐν τῇ πόλει σπουδαιοτάτων, ὅταν ὑμεῖς ὡς πιστὸν αὐτὸν καὶ δίκαιον φύλακα καταστήσητε; ποίας οὐκ ἂν προδοῦναι τριήρεις τῶν ἐν τοῖς νεωρίοις; ἢ τίνος | |
| 5 | ἂν φροντίσαι φυλακῆς, λήσειν ἐλπίσαντα καὶ λήψεσθαι διπλάσιον οὗ νῦν εἴληφε χρυσίου; οὐδὲν ὅ τι οὐκ ἂν ὁ | |
Philoc.10 | τοιοῦτος ὦ ἄνδρες ποιήσειεν. ὅστις γὰρ ἀργύριον καὶ χρυσίον περὶ πλείονος τῆς πρὸς ὑμᾶς πίστεως ⸢ἡγ⸣εῖται, | |
| καὶ μήθ’ ὅρκου μήτ’ αἰσχύνης μήτε 〈τοῦ〉 δικαίου πλείω λόγον ἢ τοῦ λαμβάνειν ποιεῖται, οὗτος ἀποδώσεται τὸ | 67 | |
| 5 | καθ’ ἑαυτὸν τὴν Μουνιχίαν, ἂν ἔχῃ τὸν ὠνησόμενον, οὗτος ἐξαγγελεῖ τοῖς πολεμίοις σύνθημα φήνας καθ’ ὑμῶν, οὗτος προδώσει τὴν πεζὴν καὶ ναυτικὴν δύναμιν. | |
Philoc.11 | Μὴ οὖν ὦ Ἀθηναῖοι τὴν τίμησιν ὑπὲρ τῶν γεγενημένων μόνον ὑπὸ Φιλοκλέους ἀδικημάτων ἡγεῖσθε μέλλειν ποιεῖ‐ σθαι, ἀλλὰ καὶ ὑπὲρ τῶν ἄλλων ὧν ἂν ἔπραξεν οὗτος κύριος γενόμενος. καὶ τοῖς μὲν θεοῖς ἔχετε χάριν ὑπὲρ | |
| 5 | τοῦ μὴ παθεῖν τι μεῖζον ὑπὸ τούτου δεινόν, ἐγνωκότες τοῦτον οἷός ἐστιν, ἀξίως δ’ ὑμῶν αὐτῶν καὶ τῆς τοῦ κρινο‐ | |
Philoc.12 | μένου πονηρίας κολάσατ’ αὐτόν· ὃς ὦ Ἀθηναῖοι τρὶς μὲν ἢ τετράκις ἱππαρχηκὼς ἀνδρῶν καλῶν κἀγαθῶν, πλεονάκις δ’ ἢ δεκάκις στρατηγὸς ὑφ’ ὑμῶν κεχειροτονημένος οὐκ ἄξιος ὤν, τιμώμενος καὶ ζηλούμενος διὰ τὴν πρὸς ὑμᾶς | |
| 5 | πίστιν, ἀπέδοτο καὶ προέδωκε τὸ τῆς ⸢ὑ⸣μετέρας ἡγεμο‐ νίας ἀξίωμα, καὶ εἰς τὸ αὐτὸ κατέστησεν ἑαυτὸν Ἀριστο‐ γείτονι, καὶ μισθωτὸν καὶ προδότην ἀντὶ στρατηγοῦ | |
Philoc.13 | ἐποίησεν. ἔπειθ’ ὑποστείλασθαί τι δεῖ πρὸς τὸν τοιοῦτον ὑμ⸢ᾶσ⸣ καὶ αἰσχυνθῆναι, τοὺς ἠδικημένους, ὃς οὐκ ᾐσχύν‐ θη τοιαῦτα πράττων καθ’ ὑμῶν καὶ τῶν ἄλλων; οὐχ οἱ τοιοῦτοι τῶν ἀνθρώπων ἐλεοῖντ’ ἂν εἰκότως παρ’ ὑμῖν ὦ | |
| 5 | Ἀθηναῖοι· πολλοῦ γε καὶ δεῖ· ἀλλ’ οἱ προδοθέντες ἂν ὑπὸ Φιλοκλέους, εἴ τιν’ οὗτος παρέλαβε καιρόν· ἐν οἷς καὶ ἡ Ἀκτὴ καὶ οἱ λιμένες εἰσὶ καὶ τὰ νεώρια, ἃ οἱ πρόγονοι | |
Philoc.14 | χρημάτων πολλῶν ὑμῖν κατασκευάσαντες κατέλιπον. ὧν | |
| ἀναμιμνῃσκομένους ὑμᾶς ὦ Ἀθηναῖοι δεῖ μὴ παρέργως ἔχειν πρὸς τὰς ὑπὸ τῆς βουλῆς γεγενημένας ἀποφάσεις, ἀλλ’ ἀκολούθως ταῖς πρότερον κεκριμέναις 〈...〉· | 68 | |
| 5 | αἰσχρὸν γὰρ ἀπειπεῖν τιμωρουμένους ἐστὶ τοὺς προδότας τῆς πόλεως γεγενημένους, καὶ ὑπολείπεσθαί τινας τῶν ἀδίκων καὶ πονηρῶν ἀνθρώπων, ὅθ’ οἱ θεοὶ φανεροὺς ὑμῖν ποιήσαντες παρέδοσαν τιμωρήσασθαι, ἑορακότες τὸν δῆμον ἅπαντα κατήγορον τούτου γεγενημένον καὶ προ‐ | |
| 10 | κεχειρικότα πρῶτον τῶν ἄλλων ἐπὶ τὸ τὴν τιμωρίαν ἐν ὑμῖν δοῦναι. | |
Philoc.15 | Ἀλλ’ ἔγωγε νὴ τὸν Δία τὸν σωτῆρα αἰσχύνομαι, εἰ προ‐ τραπέντας ὑμᾶς δεῖ καὶ παροξυνθέντας ὑφ’ ἡμῶν ἐπὶ τὴν τοῦ νῦν ⸢εἰσεληλυθ⸣ότος τὴν κρίσιν τιμωρίαν ἐλθεῖν. {καὶ} οὐκ αὐτόπται ἐστὲ τῶν ὑπὸ τούτου γεγενημένων ἀδικη‐ | |
| 5 | μάτων; καὶ ὁ μὲν δῆμος ἅπας οὔτ’ ἀσφαλὲς οὔτε δίκαιον νομίζων εἶναι παρακαταθέσθαι τοὺς ἑαυτοῦ παῖδας, ἀπ‐ εχειροτόνησεν αὐτὸν ἀπὸ τῆς τῶν ἐφήβων ἐπιμελείας· | |
Philoc.16 | ὑμεῖς δ’ οἱ τῆς δημοκρατίας καὶ τῶν νόμων φύλακες, οὓς ἡ τύχη καὶ ὁ κλῆρος ὑπὲρ τοῦ δήμου δικάσοντας 〈...〉 ἐπέτρεψεν, φείσεσθε τοῦ τοιαῦτα διαπεπραγμένου, καὶ τὸ πέρας ἔχοντες ἁπάντων τῶν ἐν τῇ πόλει δικαίων, ἀτι‐ | |
| 5 | μώρητον ἀφήσετε τὸν δωροδόκον καὶ πάντων τῶν γεγενη‐ μένων κακῶν αἴτιον, ὅς, ὅπερ καὶ μικρῷ πρότερον εἶπον, μόνος τῶν πονηρῶν πάντων τρίς, οὐχ ἅπαξ, ἀποπέφανται, κ⸢ἂν⸣ τρὶς ἤδη δικαίως ἐζημιωμένος θανάτῳ κατὰ τὸ | 69 |
Philoc.17 | ἑαυτοῦ ψήφισμα. τί οὖν ἀναμενεῖτ’ ὦ Ἀθηναῖοι; καὶ ποῖ’ ἀδικήματα ζητεῖθ’ ἕτερα μείζω τῶν εἰρημένων ἀκοῦσαι; οὐχ ὑμεῖς ἐστε καὶ οἱ ὑμέτεροι πρόγονοι, οἱ Τιμοθέῳ Πελοπόννησον περιπλεύσαντι καὶ τὴν ἐν Κερκύρᾳ ναυμα‐ | |
| 5 | χίαν Λακεδαιμονίους νικήσαντι καὶ Κόνωνος υἱεῖ τοῦ τοὺς Ἕλληνας ἐλευθερώσαντος καὶ Σάμον λαβόντι καὶ Μεθώνην καὶ Πύδναν καὶ Ποτείδαιαν καὶ πρὸς ταύταις ἑτέρας εἴκοσι πόλεις, οὐδὲν τούτων ὑπόλογον ποιησάμενοι, οὐδὲ τῆς τότ’ ἐνεστώσης κρίσεως καὶ τῶν ὅρκων, οὓς | |
| 10 | ὀμωμοκότες φέρετε τὴν ψῆφον, ἀντικαταλλαξάμενοι τὰς τηλικαύτας εὐεργεσίας, ἀλλ’ ἑκατὸν ταλάντων τιμήσαν‐ τες, ὅτι χρήματ’ αὐτὸν Ἀριστοφῶν ἔφη〈νε〉 παρὰ Χίων | |
Philoc.18 | εἰληφέναι καὶ Ῥοδίων; τὸν δὲ μιαρὸν ἄνθρωπον καὶ προ‐ δότην, ὃν οὐχ εἷς ἀνὴρ ἀλλὰ πᾶς’ ἡ ἐξ Ἀρείου πάγου βουλὴ ζητήσας’ ἀποπέφαγκε χρήματ’ ἔχειν καθ’ ὑμῶν, ὃς οὐ‐ σίαν ἔχων πολλὴν καὶ παίδων ἀρρένων οὐκ ὄντων αὐτῷ, | |
| 5 | καὶ οὐδενὸς ἄλλου δεόμενος ὧν 〈ἂν〉 ἄνθρωπος μέτριος δεηθείη, οὐκ ἀπέσχετο χρημάτων διδομένων κατὰ τῆς πατρίδος, οὐδ’ ἀπεκρύψατο τὴν ἔμφυτον πονηρίαν, ἀλλ’ | |
| ἀνεῖλε πᾶσαν τὴν γεγενημένην αὑτῷ πρὸς ὑμᾶς πίστιν, καὶ οἷς πρότερον ἔφη διαφέρεσθαι, πρὸς τούτους ἔταξεν αὑτόν, | 70 | |
| 10 | καὶ ἐξήλεγξεν αὑτοῦ τὴν προσποίητον καλοκαγαθίαν ὅτι ψευδὴς ἦν. | |
Philoc.19 | Ἃ χρὴ λογισαμένους ὑμᾶς πάντας ὦ Ἀθηναῖοι, καὶ τῶν παρόντων καιρῶν ἀναμνησθέντας, οἳ πίστεως οὐ δωρο‐ δοκίας δέονται, μισεῖν τοὺς πονηρούς, ἀνελεῖν ἐκ τῆς πόλεως τὰ τοιαῦτα θηρία, καὶ δεῖξαι πᾶσιν ἀνθρώποις, | |
| 5 | ὅτι οὐ συνδιέφθαρται τὸ τοῦ δήμου πλῆθος τῶν ῥητόρων καὶ τῶν στρατηγῶν τισιν, οὐδὲ δουλεύει ταῖς δόξαις, εἰδότας ὅτι μετὰ μὲν δικαιοσύνης καὶ τῆς πρὸς ἀλλήλους ὁμονοίας ῥᾳδίως ἀμυνούμεθα, θεῶν ἵλεων ὄντων, ἐάν τινες ἡμῖν ἀδίκως ἐπιτίθωνται, μετὰ δὲ δωροδοκίας καὶ προ‐ | |
| 10 | δοσίας καὶ τῶν ὁμοίων τούτοις κακῶν, ἃ τοῖς τοιούτοις | |
Philoc.20 | ἀνθρώποις πρόσεστιν, οὐδεμί⸢’ ἂν⸣ πόλις σωθείη. μηδε‐ μίαν οὖν δέησιν ὦ Ἀθηναῖοι μηδ’ ἔλεον 〈...〉 εἰς ὑμᾶς λαμβάνοντες αὐτούς, μηδὲ τὴν ἐξ αὐτῶν τῶν ἔργων καὶ τῆς ἀληθείας ἀποδεδειγμένην ὑμῖν κατὰ τῶν κρινο‐ | |
| 5 | μένων ἀδικίαν 〈...〉 ἄκυρον ποιήσαντες, βοηθήσατε κοινῇ τῇ πατρίδι καὶ τοῖς νόμοις· ταῦτα γὰρ ἀμφότερα | |
Philoc.21 | διαδικάζεται νῦν πρὸς τὴν τούτων πονηρίαν. ὑπὲρ πάσης | |
| ὦ Ἀθηναῖοι τῆς χώρας νῦν μέλλετε φέρειν τὴν ψῆφον, καὶ τῶν ἐν ταύτῃ κατεσκευασμένων ἱερῶν καὶ τῶν ἀρχαίων νομίμων καὶ τῆς παραδεδομένης ὑπὸ τῶν προγόνων ὑμ⸢ῖ⸣ν | 71 | |
| 5 | πολιτείας, οὐχ ὑπὲρ Φιλοκλέους μόνον· οὗτος μὲν γὰρ αὑτοῦ πάλαι θάνατον κατέγνωκε. ταῦθ’ ὑμᾶς ἱκετεύων ἐγὼ δικαιοτέραν πολὺ δέησιν δέομαι τούτων τῶν τ〈οι〉αῦτα πεπραχότων, μὴ ἐγκαταλιπεῖν ὑπὲρ ὧν οἱ πρόγονοι πολ‐ λοὺς ὑπέμειναν κινδύνους, μηδ’ εἰς ἀδοξίαν αἰσχρὰν ἀγα‐ | |
| 10 | γεῖν τὸ τῆς πόλεως ἀξίωμα, μηδὲ 〈ἀντι〉καταλλάξασθαι τὴν πρὸς τούτους χάριν τῶν νόμων καὶ τῶν τοῦ δήμου | |
Philoc.22 | 〈ψηφισμάτων〉 καὶ τῶν τῆς βουλῆς ἀποφάσεων. ἀκριβῶς γὰρ ἴστ’ ὦ Ἀθηναῖοι ἀκριβῶς, ὅτι ὑμεῖς μὲν παρὰ πᾶσιν ἀνθρώποις ἐπαινεῖσθε ταῖς γεγενημέναις ζητήσεσιν ὑπὲρ τούτων τῶν χρημάτων, οἱ δ’ ἐξεληλεγμένοι κατὰ τῆς | |
| 5 | ἑαυτῶν πατρίδος δῶρ’ εἰληφότες πονηροὶ καὶ ἄδικοι καὶ μισόδημοι νομίζονται εἶναι, φιλεῖν ὑμᾶς φάσκοντες καὶ πράττειν ὑπὲρ τῶν τῆς πόλεως ἀγαθῶν, καὶ δι’ ὑμᾶς ἔν‐ | |
| δοξοι γεγενημένοι. | 72 | |