|
TLG 0014 038 :: DEMOSTHENES :: Contra Nausimachum et Xenopeithea DEMOSTHENES Orat. Scholia: Cf. SCHOLIA IN DEMOSTHENEM (5017)
Contra Nausimachum et Xenopeithea Citation: Section — (line) | ||
Or38.1 | Δεδωκότων, ὦ ἄνδρες δικασταί, τῶν νόμων παραγράψα‐ σθαι περὶ ὧν ἄν τις ἀφεὶς καὶ ἀπαλλάξας πάλιν δικάζηται, γεγενημένων ἀμφοτέρων τούτων τῷ πατρὶ πρὸς Ναυσίμαχον καὶ Ξενοπείθην τοὺς εἰληχότας ἡμῖν, παρεγραψάμεθα, ὥσπερ | |
Or38.2 | ἠκούσατ’ ἀρτίως, μὴ εἰσαγώγιμον εἶναι τὴν δίκην. δεήσομαι δὲ καὶ δίκαια καὶ μέτρι’ ὑμῶν ἁπάντων, πρῶτον μὲν εὐνοϊκῶς ἀκοῦσαί μου λέγοντος, εἶτ’, ἐὰν ἀδικεῖσθαι δοκῶ καὶ μὴ προσήκοντος ἐγκλήματος φεύγειν δίκην, βοηθῆσαί μοι τὰ | |
| 5 | δίκαια. ὃ μὲν γὰρ ὑμεῖς ἐπὶ τῇ δίκῃ τίμημ’ ἀκηκόατε, τριά‐ κοντα μναῖ εἰσιν, ὧν δὲ φεύγομεν χρημάτων, τέτταρα τά‐ | |
|---|---|---|
| λαντα. ὄντες γὰρ δύο τέτταρας εἰλήχασι δίκας ἡμῖν, τῶν αὐτῶν χρημάτων πάσας, τρισχιλίων ἑκάστην, βλάβης· καὶ νυνὶ πρὸς τριάκοντα μνῶν ἐπίγραμμα, ὑπὲρ τοσούτων χρημά‐ | 984 | |
Or38.3 | των εἰς ἀγῶνα καθέσταμεν. τὴν μὲν οὖν συκοφαντίαν τὴν τούτων, καὶ μεθ’ ὅσης ἐπιβουλῆς ἐληλύθασιν ἐφ’ ἡμᾶς, ἐξ αὐτῶν τῶν πεπραγμένων εἴσεσθε. ἀναγνώσεται δὲ πρῶτον ὑμῖν τὰς μαρτυρίας, ὡς ἀφεῖσαν τὸν πατέρ’ ἡμῶν ὧν ἐνεκά‐ | |
| 5 | λεσαν εἰς τὴν ἐπιτροπήν· κατὰ γὰρ τοῦτο καὶ παρεγραψά‐ μεθα μὴ εἰσαγώγιμον εἶναι τὴν δίκην. καί μοι λέγε ταυ‐ τασὶ τὰς μαρτυρίας. ΜΑΡΤΥΡΙΑΙ. | |
Or38.4 | Ὅτι μὲν τοίνυν, ὦ ἄνδρες δικασταί, καὶ δίκας ἔλαχον τῆς ἐπιτροπῆς καὶ ἀφεῖσαν ταύτας καὶ τὰ συγχωρηθέντα χρήματ’ ἔχουσιν, ἀκούετε τῶν μαρτυριῶν. ὅτι δ’ οὐκ ἐῶσιν οἱ νόμοι περὶ τῶν οὕτω πραχθέντων αὖθις δικάζεσθαι, νομίζω μὲν | |
| 5 | ἅπαντας ὑμᾶς εἰδέναι, κἂν μηδὲν εἴπω περὶ αὐτῶν ἐγώ, βού‐ λομαι δ’ ὅμως καὶ τὸν νόμον ὑμῖν αὐτὸν ἀναγνῶναι. λέγε τὸν νόμον. ΝΟΜΟΣ. | |
Or38.5 | Ἀκούετ’, ὦ ἄνδρες δικασταί, τοῦ νόμου σαφῶς λέγοντος ἕκαστα, ὧν μὴ εἶναι δίκας· ὧν ἕν ἐστιν, ὁμοίως τοῖς ἄλλοις κύριον, περὶ ὧν ἄν τις ἀφῇ καὶ ἀπαλλάξῃ, μὴ δικάζεσθαι. οὕτω τοίνυν καὶ μετὰ πολλῶν μαρτύρων τῆς ἀφέσεως γεγο‐ | |
| 5 | νυίας, καὶ φανερῶς ἀπολύοντος ἡμᾶς τοῦ νόμου, εἰς τοῦτ’ | |
Or38.6 | ἐληλύθασιν ἀναισχυντίας οὗτοι καὶ τόλμης, ὥστε τεττάρων μὲν καὶ δέκ’ ἐτῶν γεγενημένων ἀφ’ οὗ τὸν πατέρ’ ἡμῶν ἀφεῖσαν, εἴκοσι δὲ καὶ δυοῖν ἀφ’ οὗ τυγχάνουσιν ἐγγεγραμ‐ μένοι, τετελευτηκότος δὲ καὶ τοῦ πατρὸς τοῦ ἡμετέρου, πρὸς | |
| 5 | ὃν αὐτοῖς ἐγένονθ’ αἱ διαλλαγαί, καὶ τῶν ἐπιτρόπων, οἳ μετὰ τὸν ἐκείνου θάνατον τῶν ἡμετέρων ἐγένοντο κύριοι, καὶ τῆς ἑαυτῶν μητρός, ἥτις ἅπαντα ταῦτ’ ᾔδει, καὶ διαιτητῶν καὶ μαρτύρων καὶ πάντων [τῶν πλείστων] ὡς εἰπεῖν, τὴν ἡμε‐ τέραν ἀπειρίαν καὶ τὴν ἐξ ἀνάγκης ἄγνοιαν τῶν πεπραγ‐ | 985 |
| 10 | μένων ἕρμαιον νομίσαντες ἑαυτῶν, τὰς δίκας ἡμῖν ἔλαχον ταυτασί, καὶ λόγον οὔτε δίκαιον οὔτ’ ἐπιεικῆ τολμῶσι λέγειν. | |
Or38.7 | φασὶ γὰρ οὐκ ἀποδόσθαι τὰ πατρῷ’ ὧν ἐκομίζοντο χρημάτων, οὐδ’ ἀποστῆναι τῶν ὄντων, ἀλλ’ ὅς’ αὐτοῖς κατελείφθη χρέα καὶ σκεύη καὶ ὅλως χρήματα, ταῦθ’ ἑαυτῶν γίγνεσθαι. ἐγὼ δ’ οἶδ’ ἀκούων ὅτι τὴν οὐσίαν Ξενοπείθης καὶ Ναυσικράτης | |
| 5 | ἅπασαν χρέα κατέλιπον, καὶ φανερὰν ἐκέκτηντο μικράν τινα· εἰσπραχθέντων δὲ τῶν χρεῶν καί τινων σκευῶν πραθέντων, ἔτι δ’ ἀνδραπόδων, καὶ τὰ χωρία καὶ τὰς συνοικίας ἐπρίανθ’ | |
Or38.8 | οἱ ἐπίτροποι, ἃ παρέλαβον οὗτοι. εἰ μὲν οὖν μηδὲν ἠμφεσβη‐ τήθη περὶ τούτων πρότερον, μηδ’ ὡς οὐ καλῶς διῳκημένων εἰς δίκην ἦλθεν, ἄλλος ἂν ἦν λόγος· ἐπειδὴ δ’ ὅλην τὴν ἐπιτροπὴν ἐγκαλέσαντες οὗτοι καὶ δίκας λαχόντες χρήματ’ | |
| 5 | ἐπράξαντο, πάντα ταῦτ’ ἀφεῖται τότε. οὔτε γὰρ οὗτοι τοὐνό‐ ματος δήπου τοῦ τῆς ἐπιτροπῆς τὰς δίκας ἐδίωκον, ἀλλὰ τῶν χρημάτων, οὔτ’ ἐκεῖνοι τοὔνομα τοῦτ’ ἐωνοῦνθ’ ὧν ἀπέτεισαν χρημάτων, ἀλλὰ τὰ ἐγκλήματα. | |
Or38.9 | Ὅτι μὲν οὖν ὧν πρὸ τῶν ἀπαλλαγῶν εἰσέπραξεν χρεῶν ὁ πατὴρ ἢ ὅλως ἔλαβεν χρημάτων ἐκ τῆς ἐπιτροπῆς, οὐδενός εἰσιν δίκαι τούτοις καθ’ ἡμῶν ἀπηλλαγμένοις, ἐξ αὐτῶν τῶν νόμων καὶ τῆς ἀφέσεως ἱκανῶς πάντας ἡγοῦμαι ὑμᾶς μεμα‐ | |
| 5 | θηκέναι. ὅτι δ’ ὕστερον οὐκ ἔνι τὴν κομιδὴν γεγενῆσθαι τούτων τῶν χρημάτων (τοῦτο γὰρ πλάττουσιν οὗτοι καὶ παρά‐ | |
Or38.10 | γουσιν), τοῦτο βούλομαι δεῖξαι. τὸν μὲν γὰρ πατέρ’ οὐδ’ ἂν αἰτιάσαιντο λαβεῖν (τέτταρσι γὰρ ἢ τρισὶ μησὶν ὕστερον ἢ διελύσατο πρὸς τούτους ἐτελεύτησεν). ὡς δ’ οὐδὲ Δημάρε‐ τον τὸν καταλειφθένθ’ ἡμῶν ἐπίτροπον λαβεῖν οἷόν τε (καὶ | 986 |
| 5 | γὰρ τοῦτον ἔγραψαν εἰς τὸ ἔγκλημα), καὶ τοῦτ’ ἐπιδείξω. | |
Or38.11 | μέγιστοι μὲν οὖν ἡμῖν εἰσιν οὗτοι μάρτυρες (οὐδαμοῦ γὰρ φανήσονται δίκην εἰληχότες ζῶντι τῷ Δημαρέτῳ)· οὐ μὴν ἀλλὰ καὶ τὸ πρᾶγμ’ ἄν τις αὐτὸ σκοπῶν καὶ θεωρῶν ἴδοι οὐ μόνον οὐχὶ λαβόντα, ἀλλ’ οὐδ’ ἐνὸν αὐτῷ λαβεῖν. ἦν μὲν | |
| 5 | γὰρ τὸ χρέως ἐν Βοσπόρῳ, ἀφίκετο δ’ οὐδεπώποτ’ εἰς τὸν τόπον τοῦτον ὁ Δημάρετος· πῶς οὖν εἰσέπραξεν; ἔπεμψεν | |
Or38.12 | νὴ Δί’, εἴποι τις ἄν, τὸν κομιούμενον. σκοπεῖτε δὴ τοῦθ’ οὑτωσί. ὤφειλεν Ἑρμῶναξ στατῆρας ἑκατὸν παρὰ Ναυσι‐ κράτους λαβὼν τούτοις. τούτων Ἀρίσταιχμος ἐπίτροπος καὶ κηδεμὼν ἐγένεθ’ ἑκκαίδεκ’ ἔτη. οὐκοῦν ἅ γε τούτων ἀνδρῶν | |
| 5 | γεγονότων δι’ ἑαυτοῦ διέλυε χρήμαθ’ ὁ Ἑρμῶναξ, οὐκ ἀπέ‐ δωκεν ὅτ’ ἦσαν παῖδες· οὐ γὰρ δίς γε ταὐτὰ κατετίθει. ἔστιν οὖν οὕτω τις ἀνθρώπων ἄτοπος, ὥσθ’ ἃ τοὺς κυρίους διε‐ κρούσατο μὴ καταθεῖναι τοσοῦτον χρόνον, ταῦτα τῷ μὴ κυρίῳ πέμψαντι γράμμαθ’ ἑκὼν ἀποδοῦναι; ἐγὼ μὲν οὐκ οἶμαι. | |
Or38.13 | ἀλλὰ μὴν ὡς ἀληθῆ λέγω, καὶ ὁ μὲν πατὴρ ἐτελεύτησεν εὐθέως μετὰ τὰς διαλύσεις, τῷ Δημαρέτῳ δ’ οὐδεπώποθ’ οὗτοι τούτων τῶν χρημάτων δίκην ἔλαχον, οὐδ’ ὅλως ἐξέπλευ‐ σεν ἐκεῖνος οὐδ’ ἀπεδήμησεν ἐκεῖσε, λαβὲ τὰς μαρτυρίας. | |
| 5 | ΜΑΡΤΥΡΙΑΙ. | |
Or38.14 | Ὅτι μὲν τοίνυν οὔθ’ ὁ πατὴρ μετὰ τὴν ἄφεσιν τὰ χρήματ’ εἰσέπραξεν, οὔτ’ ἂν ἔδωκεν ἑκὼν οὐδείς, εἴ τιν’ ἔπεμψεν ὁ | |
| Δημάρετος, οὔτ’ ἀνέπλευσεν αὐτὸς οὐδ’ ἀφίκετ’ ἐκεῖσε, δῆλον ἐκ τῶν χρόνων καὶ τῶν μαρτυριῶν ὑμῖν γέγονεν. βούλομαι | 987 | |
| 5 | τοίνυν καὶ ὅλως ψευδομένους αὐτοὺς ὅλον τὸ πρᾶγμ’ ἐπι‐ δεῖξαι. οὗτοι γὰρ γεγράφασιν εἰς ὃ νῦν ἔγκλημα διώκουσιν, ὀφείλειν ἡμᾶς τὸ ἀργύριον κομισαμένου τοῦ πατρὸς καὶ παραδόντος αὐτοῖς τοῦτο τὸ χρέως ἐν τῷ λόγῳ τῆς ἐπιτροπῆς ὀφειλόμενον. καί μοι λέγ’ αὐτὸ τὸ ἔγκλημα λαβών. | |
| 10 | ΕΓΚΛΗΜΑ. | |
Or38.15 | Ἀκούετε γεγραμμένον ἐν τῷ ἐγκλήματι ‘παραδόντος ἐμοὶ τοῦ Ἀρισταίχμου τὸ χρέως ἐν τῷ λόγῳ τῆς ἐπιτροπῆσ‘. ὅτε τοίνυν ἐλάγχανον τῷ πατρὶ τῆς ἐπιτροπῆς, τἀναντί’ ἐγρά‐ ψαντο τούτων· ὡς γὰρ οὐκ ἀποδόντι λόγον τότ’ ἐγκαλοῦντες | |
| 5 | φαίνονται. λέγ’ αὐτὸ τὸ ἔγκλημα, ὃ τότ’ ἔλαχον τῷ πατρί. ΕΓΚΛΗΜΑ. | |
Or38.16 | Ἐν ποίῳ δὴ λόγῳ νῦν ἐγκαλεῖθ’ ὡς παρέδωκεν, ὦ Ξενο‐ πείθη καὶ Ναυσίμαχε; τότε μὲν γὰρ ὡς οὐκ ἀποδόντι δίκας ἐλαγχάνετε καὶ χρήματ’ ἐπράττεσθε. εἰ δ’ ἐπ’ ἀμφότερ’ ἔσται συκοφαντεῖν ὑμῖν, καὶ τοτὲ μὲν τοῦ μὴ παραδοῦναι | |
| 5 | χρήματ’ ἐπράξασθε, τοτὲ δ’ ὡς παραδόντος διώκετε, οὐδὲν κωλύει καὶ τρίτον τι σκοπεῖν μετὰ ταῦτα, ὅτου πάλιν δικά‐ σεσθε. οἱ νόμοι δ’ οὐ ταῦτα λέγουσιν, ἀλλ’ ἅπαξ περὶ τῶν αὐτῶν πρὸς τὸν αὐτὸν εἶναι τὰς δίκας. | |
Or38.17 | Ἵνα τοίνυν εἰδῆτ’, ὦ ἄνδρες δικασταί, ὅτι οὐ μόνον οὐκ ἀδικοῦνται νῦν, ἀλλὰ καὶ παρὰ πάντας ἡμῖν δικάζονται τοὺς νόμους, βούλομαι καὶ τοῦτον ὑμῖν τὸν νόμον εἰπεῖν, ὅστις | |
| διαρρήδην λέγει, ἐὰν πέντ’ ἔτη παρέλθῃ καὶ μὴ δικάσωνται, | 988 | |
| 5 | μηκέτ’ εἶναι τοῖς ὀρφανοῖς δίκην περὶ τῶν ἐκ τῆς ἐπιτροπῆς ἐγκλημάτων. καὶ ὑμῖν ἀναγνώσεται τὸν νόμον. ΝΟΜΟΣ. | |
Or38.18 | Ἀκούετ’, ὦ ἄνδρες δικασταί, τοῦ νόμου λέγοντος ἄντικρυς, ἐὰν μὴ πέντ’ ἐτῶν δικάσωνται, μηκέτ’ εἶναι δίκην. οὐκοῦν ἐλάχομεν, φαῖεν ἄν. καὶ διελύσασθέ γε, ὥστ’ οὐκ εἰσὶν αὖθις ὑμῖν δίκαι. ἢ δεινόν γ’ ἂν εἴη, εἰ τῶν μὲν ἐξ ἀρχῆς | |
| 5 | ἀδικημάτων οὐ δίδωσιν ἔξω πέντ’ ἐτῶν τὰς δίκας τοῖς ὀρφα‐ νοῖς ὁ νόμος κατὰ τῶν οὐκ ἀφειμένων ἐπιτρόπων, πρὸς δὲ τοὺς ἐξ ἐκείνων ἡμᾶς, περὶ ὧν αὐτοὺς ἀφήκατε, εἰκοστῷ νῦν ἔτει δίκην τελέσαισθ’ ὑμεῖς. | |
Or38.19 | Ἀκούω τοίνυν αὐτοὺς τὰ μὲν περὶ τῶν πραγμάτων αὐτῶν καὶ τῶν νόμων δίκαια φεύξεσθαι, παρεσκευάσθαι δὲ λέγειν ὡς πολλὰ χρήματ’ αὐτοῖς κατελείφθη καὶ ταῦτ’ ἀπεστερή‐ θησαν, καὶ τεκμηρίῳ χρήσεσθαι τούτου τῷ μεγέθει τῶν | |
| 5 | δικῶν ἃς ἐξ ἀρχῆς ἔλαχον, καὶ τὴν ὀρφανίαν ὀδυρεῖσθαι, καὶ τὸν τῆς ἐπιτροπῆς λόγον διεξιέναι· καὶ ταῦτ’ εἶναι καὶ τοιαῦθ’ οἷς πεπιστεύκασι καὶ δι’ ὧν ὑμᾶς ἐξαπατήσειν | |
Or38.20 | οἴονται. ἐγὼ δὲ τὸ μὲν τῶν δικῶν μέγεθος τῶν τότε ληχθεισῶν μεῖζον ἡγοῦμαι τεκμήριον ἡμῖν [εἶναι] ὡς ἐσυ‐ κοφαντεῖθ’ ὁ πατήρ, ἢ τούτοις ὡς πόλλ’ ἀπεστεροῦντο. ὀγδοήκοντα μὲν γὰρ τάλαντ’ ἔχων ἐξελέγχειν, οὐδὲ εἷς ἂν | |
| 5 | τρία λαβὼν ἀπηλλάγη· τοσούτων δὲ χρημάτων ἐπιτροπῆς φεύγων, οὐδεὶς ἔστιν ὅστις οὐκ ἂν ἔδωκεν τρία τάλαντα, τὸν κίνδυνον ὠνούμενος καὶ τὰ φύσει τότε τούτοις πλεονεκτήμαθ’ | |
| ὑπάρχοντα. καὶ γὰρ ὀρφανοὶ καὶ νέοι καὶ ὁποῖοί τινές εἰσιν ἀγνῶτες ἦσαν· ταῦτα δὲ πάντες φασὶν μεγάλων δικαίων | 989 | |
| 10 | ἰσχύειν πλέον παρ’ ὑμῖν. | |
Or38.21 | Ὅτι τοίνυν οὐδ’ ἀνάσχοισθ’ ἂν αὐτῶν εἰκότως οὐδὲν περὶ τῆς ἐπιτροπῆς, καὶ τοῦτ’ οἴομαι δείξειν. εἰ γὰρ ὡς οἷόν τε μέγιστ’ ἠδικῆσθαι δοίη τις αὐτοῖς καὶ ἐρεῖν ἅπαντ’ ἀληθῆ περὶ τούτων νυνί, ἐκεῖνό γ’ οἶμαι πάντας ἂν ὑμᾶς ὁμολογῆσαι, | |
| 5 | ὅτι πολλὰ συμβέβηκεν ἠδικῆσθαί τισιν ἤδη μείζω τῶν εἰς χρήματα γιγνομένων ἀδικημάτων· καὶ γὰρ ἀκούσιοι φόνοι καὶ ὕβρεις εἰς ἃ μὴ δεῖ καὶ πολλὰ τοιαῦτ’ ἀδικήματα γίγνεται. ἀλλ’ ὅμως τούτων ἁπάντων ὅρος καὶ λύσις τοῖς παθοῦσιν | |
Or38.22 | τέτακται τὸ πεισθέντας ἀφεῖναι. καὶ τοῦθ’ οὕτω τὸ δίκαιον ἐν πᾶσιν ἰσχύει, ὥστ’ ἐὰν ἑλών τις ἀκουσίου φόνου καὶ φανερῶς ἐπιδείξας μὴ καθαρόν, μετὰ ταῦτ’ αἰδέσηται καὶ ἀφῇ, οὐκέτ’ ἐκβαλεῖν κύριος τὸν αὐτόν ἐστιν. εἶθ’ ὑπὲρ | |
| 5 | μὲν ψυχῆς καὶ τῶν μεγίστων οὕτως ἰσχύει καὶ μένει τὸ ἀφεῖναι, ὑπὲρ δὲ χρημάτων καὶ ἐλαττόνων ἐγκλημάτων ἄκυρον ἔσται; μηδαμῶς. οὐ γὰρ εἰ μὴ τῶν δικαίων ἐγὼ παρ’ ὑμῖν τεύξομαι, τοῦτ’ ἔστι δεινότατον, ἀλλ’ εἰ πρᾶγμα δίκαιον ὡρισμένον ἐκ παντὸς τοῦ χρόνου νῦν καταλυθήσεται. | |
Or38.23 | Οὐκ ἐμίσθωσαν ἡμῶν τὸν οἶκον, ἴσως ἐροῦσιν. οὐ γὰρ ἐβούλεθ’ ὁ θεῖος ὑμῶν Ξενοπείθης, ἀλλὰ φήναντος Νικίδου τοὺς δικαστὰς ἔπεισεν ἐᾶσαι αὑτὸν διοικεῖν· καὶ ταῦτ’ ἴσασιν πάντες. πολλὰ διήρπασαν ἡμῶν ἐκεῖνοι. οὐκοῦν ἣν ἐπεί‐ | |
| 5 | σθητέ γε, τούτων δίκην παρ’ αὐτῶν ἔχετε, καὶ οὐ δήπουθεν | |
Or38.24 | πάλιν δεῖ λαβεῖν ὑμᾶς παρ’ ἐμοῦ. ἵνα δὲ μηδ’ οἴησθ’ εἶναί τι ταῦτα, ἔστι μὲν οὐκ ἴσον (πῶς γάρ;) πρὸς τοὺς πράξαντας | |
| διαλυσαμένους τῶν οὐκ εἰδότων κατηγορεῖν, ὅμως μέντοι, ὦ Ξενοπείθη καὶ Ναυσίμαχε, εἰ μεγάλ’ ὑμῖν καὶ θαυμάστ’ εἶναι | 990 | |
| 5 | τὰ δίκαια ταῦθ’ ὑπολαμβάνετε, ἀποδόντες τὰ τρία τάλαντα περαίνετε. ὧν δὲ τοῦ μὴ κατηγορῆσαι τοσαῦτα χρήματ’ ἐπράξασθε, πρὶν ἂν ταῦτ’ ἀποδῶτε, σιωπᾶν ἐστὲ δίκαιοι, καὶ μὴ κατηγορεῖν καὶ ἔχειν· ἔσχατον γὰρ ἤδη πραγμάτων τοῦτό γε. | |
Or38.25 | Τάχα τοίνυν ἴσως καὶ τριηραρχίας ἐροῦσι, καὶ τὰ ὄνθ’ ὡς ἀνηλώκασιν εἰς ὑμᾶς. ἐγὼ δ’ ὅτι μὲν ψεύσονται, καὶ πόλλ’ ἀπολωλεκότες τῶν ὄντων αὑτοῖς, μικρὰ τῆς πόλεως μετειληφυίας, οὐ δικαίαν οὐδὲ γιγνομένην χάριν ἀξιώσουσι | |
| 5 | κομίζεσθαι παρ’ ὑμῶν, ἐάσω. ἀξιῶ δὲ καὶ αὐτός, ὦ ἄνδρες δικασταί, εἶναι τοῖς λῃτουργοῦσιν ὑμῖν ἅπασιν χάριν τιν’ ὑπάρχουσαν παρ’ ὑμῶν. τίσιν δὲ μεγίστην; τοῖς ὃ μὲν χρήσιμον τῇ πόλει τοῦ πράγματός ἐστι ποιοῦσιν, ὃ δ’ αἰσχρὸν ἅπαντες ἂν εἶναι φήσαιεν καὶ ὄνειδος, μὴ κατασκευάζουσιν. | |
Or38.26 | οἱ μὲν τοίνυν μετὰ τοῦ λῃτουργεῖν τὰ σφέτερ’ αὐτῶν διε‐ φθαρκότες τὴν βλασφημίαν ἀντὶ τῆς χρείας τῇ πόλει κατα‐ λείπουσιν (οὐδεὶς γὰρ αὐτὸς αὑτοῦ κατηγόρησεν πώποτε, ἀλλ’ ὡς ἡ πόλις τὰ ὄντ’ ἀφῄρηται λέγει)· οἱ δ’ ὅσα μὲν | |
| 5 | προστάττεθ’ ὑμεῖς ποιοῦντες προθύμως, τῇ περὶ τἄλλα δὲ σωφροσύνῃ τὰ ὄντα σῴζοντες, οὐ μόνον κατὰ τοῦτ’ ἐκείνων πλεονεκτοῖεν ἂν εἰκότως, ὅτι καὶ γεγόνασιν χρήσιμοι καὶ ἔσονται, ἀλλ’ ὅτι καὶ χωρὶς ὀνείδους ταῦτα παρ’ αὐτῶν ὑμῖν γίγνεται. ἡμεῖς μὲν τοίνυν τοιοῦτοι εἰς ὑμᾶς ἅπαντες | |
| 10 | φανούμεθ’ ὄντες· τούτους δ’ ἐάσω, μή με φῶσιν κακῶς αὑτοὺς λέγειν. | |
Or38.27 | Οὐ τοίνυν θαυμάσαιμ’ ἄν, εἰ καὶ δακρύειν καὶ ἐλεινοὺς | |
| ἑαυτοὺς πειρῷντο ποιεῖν. ἐγὼ δ’ ἀξιῶ πρὸς ταῦθ’ ὑπολαμ‐ βάνειν ἅπαντας ὑμᾶς, ὅτι τῶν αἰσχρῶν ἐστι, μᾶλλον δ’ οὐδὲ δικαίων, τὰ μὲν ὄντα κατεσθίοντας καὶ παροινοῦντας μετ’ | 991 | |
| 5 | Ἀριστοκράτους καὶ Διογνήτου καὶ τοιούτων ἑτέρων αἰσχρῶς καὶ κακῶς ἀνηλωκέναι, τὰ δ’ ἀλλότρι’ ὥστε λαβεῖν, δακρύειν νυνὶ καὶ κλάειν. ἐπ’ ἐκείνοις ἐκλάετ’ ἄν, οἷς ἐποιεῖτε, δι‐ καίως. νῦν δ’ οὐ δεῖ δακρύειν, ἀλλ’ ὡς οὐκ ἀφήκατε δεικνύ‐ ναι, ἢ ὡς εἰσὶν ὧν ἀφήκατ’ αὖθις ὑμῖν δίκαι, ἢ ὡς εἰκοστῷ | |
| 10 | λαγχάνειν ἔτει δίκαιόν ἐστι, τοῦ νόμου πέντ’ ἔτη τὴν προ‐ θεσμίαν δεδωκότος· ταῦτα γάρ ἐστιν ὑπὲρ ὧν οὗτοι δικά‐ | |
Or38.28 | ζουσιν. ἐὰν δὲ μὴ δύνωνται ταῦτα δεικνύναι, ὡς οὐ δυνή‐ σονται, ἡμεῖς ὑμῶν ἁπάντων, ὦ ἄνδρες δικασταί, δεόμεθα μὴ ἡμᾶς προέσθαι τούτοις, μηδὲ τετάρτην οὐσίαν ἔτι δοῦναι τρεῖς ἑτέρας κακῶς διῳκηκόσιν, ἣν παρ’ ἑκόντων ἔλαβον τῶν ἐπι‐ | |
| 5 | τρόπων, ἣν ὑπὲρ τῶν δικῶν εἰσεπράξαντο, ἣν πρῴην ἀφεί‐ λοντ’ Αἰσίου δίκην ἑλόντες, ἀλλ’ ἡμᾶς τὰ ἡμέτερα, ὥσπερ ἐστὶν δίκαιον, ἐᾶν ἔχειν· ἃ καὶ ὑμῖν ἐστιν ἐν ὠφελείᾳ μείζονι παρ’ ἡμῖν ὄντ’ ἢ παρὰ τούτοις, καὶ δικαιότερον δήπου τὰ ἡμέτερα ἡμᾶς ἐστιν ἔχειν ἢ τούτους. | |
| 10 | Οὐκ οἶδ’ ὅ τι δεῖ πλείω λέγειν· οἶμαι γὰρ ὑμᾶς οὐδὲν | |
| ἀγνοεῖν τῶν εἰρημένων. ἐξέρα τὸ ὕδωρ. | 992 | |