|
TLG 0014 036 :: DEMOSTHENES :: Pro Phormione DEMOSTHENES Orat. Scholia: Cf. SCHOLIA IN DEMOSTHENEM (5017)
Pro Phormione Citation: Section — (line) | ||
Or36.1 | Τὴν μὲν ἀπειρίαν τοῦ λέγειν, καὶ ὡς ἀδυνάτως ἔχει Φορ‐ | |
| μίων, αὐτοὶ πάντες ὁρᾶτ’, ὦ ἄνδρες Ἀθηναῖοι· ἀνάγκη δ’ ἐστὶν τοῖς ἐπιτηδείοις ἡμῖν, ἃ σύνισμεν πολλάκις τούτου διεξιόντος ἀκηκοότες, λέγειν καὶ διδάσκειν ὑμᾶς, ἵν’ εἰδότες | 944 | |
| 5 | καὶ μεμαθηκότες ὀρθῶς τὰ δίκαια παρ’ ἡμῶν, ἃν ᾖ δίκαια | |
|---|---|---|
Or36.2 | καὶ εὔορκα, ταῦτα ψηφίσησθε. τὴν μὲν οὖν παραγραφὴν ἐποιησάμεθα τῆς δίκης, οὐχ ἵν’ ἐκκρούοντες χρόνους ἐμ‐ ποιῶμεν, ἀλλ’ ἵνα τῶν πραγμάτων, ἐὰν ἐπιδείξῃ μηδ’ ὁτιοῦν ἀδικοῦνθ’ ἑαυτὸν οὑτοσί, ἀπαλλαγή τις αὐτῷ γένηται παρ’ | |
| 5 | ὑμῖν κυρία. ὅσα γὰρ παρὰ τοῖς ἄλλοις ἐστὶν ἀνθρώποις ἰσχυρὰ καὶ βέβαια ἄνευ τοῦ παρ’ ὑμῖν ἀγωνίσασθαι, ταῦτα πάντα πεποιηκὼς Φορμίων οὑτοσί, καὶ πολλὰ μὲν εὖ πε‐ | |
Or36.3 | ποιηκὼς Ἀπολλόδωρον τουτονί, πάντα δ’, ὅσων κύριος τῶν τούτου κατελείφθη, διαλύσας καὶ παραδοὺς δικαίως, καὶ πάντων ἀφεθεὶς μετὰ ταῦτα τῶν ἐγκλημάτων, ὅμως, ὡς ὁρᾶτε, ἐπειδὴ φέρειν τοῦτον οὐχ οἷός τ’ ἐστίν, δίκην ταλάν‐ | |
| 5 | των εἴκοσι λαχὼν αὐτῷ ταύτην συκοφαντεῖ. ἐξ ἀρχῆς οὖν ἅπαντα τὰ πραχθέντα τούτῳ πρὸς Πασίωνα καὶ Ἀπολλό‐ δωρον ὡς ἂν δύνωμαι διὰ βραχυτάτων εἰπεῖν πειράσομαι, ἐξ ὧν εὖ οἶδ’ ὅτι ἥ τε τούτου συκοφαντία φανερὰ γενή‐ σεται, καὶ ὡς οὐκ εἰσαγώγιμος ἡ δίκη γνώσεσθ’ ἅμα ταῦτ’ | |
| 10 | ἀκούσαντες. | |
Or36.4 | Πρῶτον μὲν οὖν ὑμῖν ἀναγνώσεται τὰς συνθήκας, καθ’ ἃς ἐμίσθωσε Πασίων τὴν τράπεζαν τούτῳ καὶ τὸ ἀσπιδοπηγεῖον. καί μοι λαβὲ τὰς συνθήκας καὶ τὴν πρόκλησιν καὶ τὰς μαρτυρίας ταυτασί. | |
| 5 | ΣΥΝΘΗΚΑΙ. ΠΡΟΚΛΗΣΙΣ. ΜΑΡΤΥΡΙΑΙ. Αἱ μὲν οὖν συνθῆκαι, καθ’ ἃς ἐμίσθωσεν ὁ Πασίων | |
| τούτῳ τὴν τράπεζαν καὶ τὸ ἀσπιδοπηγεῖον ἤδη καθ’ ἑαυτὸν ὄντι, αὗταί εἰσιν, ὦ ἄνδρες Ἀθηναῖοι· δεῖ δ’ ὑμᾶς ἀκοῦσαι καὶ μαθεῖν ἐκ τίνος τρόπου προσώφειλεν τὰ ἕνδεκα τάλανθ’ | 945 | |
Or36.5 | ὁ Πασίων ἐπὶ τὴν τράπεζαν. οὐ γὰρ δι’ ἀπορίαν ταῦτ’ ὤφειλεν, ἀλλὰ διὰ φιλεργίαν. ἡ μὲν γὰρ ἔγγειος ἦν οὐσία Πασίωνι μάλιστα ταλάντων εἴκοσιν, ἀργύριον δὲ πρὸς ταύτῃ δεδανεισμένον [ἴδιον] πλέον ἢ πεντήκοντα τάλαντα. ἐν [οὖν] | |
| 5 | τοῖς πεντήκοντα ταλάντοις τούτοις ἀπὸ τῶν παρακαταθηκῶν | |
Or36.6 | τῶν τῆς τραπέζης ἕνδεκα τάλαντ’ ἐνεργὰ ἦν. μισθούμενος οὖν ὅδε τὴν ἐργασίαν αὐτὴν τῆς τραπέζης καὶ τὰς παρακατα‐ θήκας [λαμβάνων], ὁρῶν ὅτι, μήπω τῆς πολιτείας αὐτῷ παρ’ ὑμῖν οὔσης, οὐχ οἷός τ’ ἔσοιτ’ εἰσπράττειν ὅσα Πασίων ἐπὶ | |
| 5 | γῇ καὶ συνοικίαις δεδανεικὼς ἦν, εἵλετο μᾶλλον αὐτὸν τὸν Πασίωνα χρήστην ἔχειν τούτων τῶν χρημάτων ἢ τοὺς ἄλλους χρήστας, οἷς προειμένος ἦν. καὶ οὕτω διὰ ταῦτ’ ἐγράφη εἰς τὴν μίσθωσιν προσοφείλων ὁ Πασίων ἕνδεκα τάλαντα, ὥσπερ καὶ μεμαρτύρηται ὑμῖν. | |
Or36.7 | Ὃν μὲν τοίνυν τρόπον ἡ μίσθωσις ἐγένετο, μεμαρτύρηται ὑμῖν ὑπ’ αὐτοῦ τοῦ ἐπικαθημένου· ἐπιγενομένης δ’ ἀρρωστίας τῷ Πασίωνι μετὰ ταῦτα, σκέψασθ’ ἃ διέθετο. λαβὲ τῆς διαθήκης τὸ ἀντίγραφον καὶ τὴν πρόκλησιν ταυτηνὶ καὶ τὰς | |
| 5 | μαρτυρίας ταυτασί[, παρ’ οἷς αἱ διαθῆκαι κεῖνται]. ΔΙΑΘΗΚΗ. ΠΡΟΚΛΗΣΙΣ. ΜΑΡΤΥΡΙΑΙ. | |
Or36.8 | Ἐπειδὴ τοίνυν ὁ Πασίων ἐτετελευτήκει ταῦτα διαθέμενος, Φορμίων οὑτοσὶ τὴν μὲν γυναῖκα λαμβάνει κατὰ τὴν δια‐ θήκην, τὸν δὲ παῖδ’ ἐπετρόπευεν. ἁρπάζοντος δὲ τούτου καὶ | |
| πόλλ’ ἀπὸ κοινῶν ὄντων τῶν χρημάτων ἀναλίσκειν οἰομένου | 946 | |
| 5 | δεῖν, λογιζόμενοι πρὸς ἑαυτοὺς οἱ ἐπίτροποι, ὅτι, εἰ δεήσει κατὰ τὰς διαθήκας, ὅς’ ἂν οὗτος ἐκ κοινῶν τῶν χρημάτων ἀναλώσῃ, τούτοις ἐξελόντας ἀντιμοιρεὶ τὰ λοιπὰ νέμειν, οὐδ’ ὁτιοῦν ἔσται περιόν, νείμασθαι τὰ ὄνθ’ ὑπὲρ τοῦ παιδὸς | |
Or36.9 | ἔγνωσαν. καὶ νέμονται τὴν ἄλλην οὐσίαν πλὴν ὧν ἐμε‐ μίσθωθ’ οὑτοσί· τούτων δὲ τῆς προσόδου τὴν ἡμίσειαν τούτῳ ἀπεδίδοσαν. ἄχρι μὲν οὖν τούτου τοῦ χρόνου πῶς ἔνεστ’ ἐγκαλεῖν αὐτῷ μισθώσεως; οὐ γὰρ νῦν, ἀλλὰ τότ’ | |
| 5 | εὐθὺς ἔδει χαλεπαίνοντα φαίνεσθαι. καὶ μὴν οὐδὲ τὰς ἐπι‐ γιγνομένας μισθώσεις ὡς οὐκ ἀπείληφεν ἔστ’ εἰπεῖν αὐτῷ. | |
Or36.10 | οὐ γὰρ ἄν ποτ’, ἐπειδὴ δοκιμασθέντος Πασικλέους ἀπηλλάτ‐ τετο τῆς μισθώσεως ὅδε, ἀφήκατ’ ἂν αὐτὸν ἁπάντων τῶν ἐγκλημάτων, ἀλλὰ τότ’ ἂν παραχρῆμ’ ἀπῃτεῖτ’, εἴ τι προσώ‐ φειλεν ὑμῖν. ὡς τοίνυν ταῦτ’ ἀληθῆ λέγω, καὶ ἐνείμαθ’ | |
| 5 | οὗτος πρὸς τὸν ἀδελφὸν παῖδ’ ὄντα, καὶ ἀφῆκαν τῆς μισθώ‐ σεως καὶ τῶν ἄλλων ἁπάντων ἐγκλημάτων, λαβὲ ταυτηνὶ τὴν μαρτυρίαν. ΜΑΡΤΥΡΙΑ. | |
Or36.11 | Εὐθὺς τοίνυν, ὦ ἄνδρες Ἀθηναῖοι, ὡς ἀφεῖσαν τουτονὶ τῆς μισθώσεως, νέμονται τὴν τράπεζαν καὶ τὸ ἀσπιδοπη‐ γεῖον, καὶ λαβὼν αἵρεσιν Ἀπολλόδωρος αἱρεῖται τὸ ἀσπι‐ δοπηγεῖον ἀντὶ τῆς τραπέζης. καίτοι εἰ ἦν ἰδία τις | |
| 5 | ἀφορμὴ τούτῳ πρὸς τῇ τραπέζῃ, τί δή ποτ’ ἂν εἵλετο τοῦτο μᾶλλον ἢ ’κείνην; οὔτε γὰρ ἡ πρόσοδος ἦν πλείων, ἀλλ’ ἐλάττων (τὸ μὲν γὰρ τάλαντον, ἡ δ’ ἑκατὸν μνᾶς ἔφερεν), οὔτε τὸ κτῆμ’ ἥδιον, εἰ προσῆν χρήματα τῇ τρα‐ πέζῃ ἴδια. ἀλλ’ οὐ προσῆν. διόπερ σωφρονῶν εἵλετο τὸ | |
| 10 | ἀσπιδοπηγεῖον οὗτος· τὸ μὲν γὰρ κτῆμ’ ἀκίνδυνόν ἐστιν, ἡ δ’ ἐργασία προσόδους ἔχους’ ἐπικινδύνους ἀπὸ χρημάτων ἀλλοτρίων. | 947 |
Or36.12 | Πολλὰ δ’ ἄν τις ἔχοι λέγειν καὶ ἐπιδεικνύναι σημεῖα τοῦ τοῦτον συκοφαντεῖν ἐγκαλοῦντ’ ἀφορμήν. ἀλλ’ οἶμαι μέγι‐ στον μέν ἐστιν ἁπάντων τεκμήριον τοῦ μηδεμίαν λαβεῖν ἀφορμὴν εἰς ταῦτα τουτονὶ τὸ ἐν τῇ μισθώσει γεγράφθαι | |
| 5 | προσοφείλοντα τὸν Πασίων’ ἐπὶ τὴν τράπεζαν, οὐ δεδωκότ’ ἀφορμὴν τούτῳ, δεύτερον δὲ τὸ τοῦτον ἐν τῇ νομῇ μηδὲν ἐγκαλοῦντα φαίνεσθαι, τρίτον δ’, ὅτι μισθῶν ἑτέροις ὕστερον ταὐτὰ ταῦτα τοῦ ἴσου ἀργυρίου οὐ φανήσεται προσμεμισθωκὼς | |
Or36.13 | ἰδίαν ἀφορμήν. καίτοι εἰ, ἣν ὁ πατὴρ παρέσχεν, ὑπὸ τοῦδ’ ἀπεστερεῖτο, αὐτὸν νῦν προσῆκεν ἐκείνοις ἄλλοθεν πορίσαντα δεδωκέναι. ὡς τοίνυν ταῦτ’ ἀληθῆ λέγω, καὶ ἐμίσθωσεν ὕστερον Ξένωνι καὶ Εὐφραίῳ καὶ Εὔφρονι καὶ Καλλιστράτῳ, | |
| 5 | καὶ οὐδὲ τούτοις παρέδωκεν ἰδίαν ἀφορμήν, ἀλλὰ τὰς παρα‐ καταθήκας καὶ τὴν ἀπὸ τούτων ἐργασίαν αὐτὴν ἐμισθώσαντο, λαβέ μοι τὴν τούτων μαρτυρίαν, καὶ ὡς τὸ ἀσπιδοπηγεῖον εἵλετο. ΜΑΡΤΥΡΙΑ. | |
Or36.14 | Μεμαρτύρηται μὲν τοίνυν ὑμῖν, ὦ ἄνδρες Ἀθηναῖοι, ὅτι καὶ τούτοις ἐμίσθωσαν καὶ οὐ παρέδωκαν ἰδίαν ἀφορμὴν οὐδεμίαν, καὶ ἐλευθέρους ἀφεῖσαν ὡς μεγάλ’ εὖ πεπονθότες, καὶ οὐκ ἐδικάζοντ’ οὔτ’ ἐκείνοις τότ’ οὔτε τούτῳ. ὃν μὲν | |
| 5 | τοίνυν χρόνον ἡ μήτηρ ἔζη, ἡ πάντ’ ἀκριβῶς ταῦτ’ εἰδυῖα, οὐδὲν ἔγκλημα πώποτ’ ἐποιήσατο πρὸς τουτονὶ Φορμίων’ | |
| Ἀπολλόδωρος· ὡς δ’ ἐτελεύτησεν ἐκείνη, τρισχιλίας ἐγκα‐ λέσας ἀργυρίου δραχμὰς πρὸς αἷς ἔδωκεν ἐκείνη δισχιλίαις τοῖς τούτου παιδίοις, καὶ χιτωνίσκον τινὰ καὶ θεράπαιναν, | 948 | |
Or36.15 | ἐσυκοφάντει. καὶ οὐδ’ ἐνταῦθα τούτων οὐδὲν ὧν νῦν ἐγκα‐ λεῖ λέγων φανήσεται. ἐπιτρέψας δὲ τῷ τε τῆς ἑαυτοῦ γυναικὸς πατρὶ καὶ τῷ συγκηδεστῇ τῷ αὑτοῦ καὶ Λυσίνῳ καὶ Ἀνδρομένει, πεισάντων τούτων Φορμίωνα τουτονὶ δοῦναι | |
| 5 | δωρεὰν τὰς τρισχιλίας καὶ τὸ προσόν, καὶ φίλον μᾶλλον ἔχειν τοῦτον ἢ διὰ ταῦτ’ ἐχθρὸν αὐτὸν εἶναι, λαβὼν τὸ σύμπαν πεντακισχιλίας, καὶ πάντων ἀφεὶς τῶν ἐγκλημάτων | |
Or36.16 | τὸ δεύτερον εἰς τὸ ἱερὸν τῆς Ἀθηνᾶς ἐλθών, πάλιν, ὡς ὁρᾶτε, δικάζεται, πάσας αἰτίας συμπλάσας καὶ ἐγκλήματ’ ἐκ παντὸς τοῦ χρόνου τοῦ πρὸ τούτου (τοῦτο γάρ ἐστιν μέγιστον ἁπάντων), ἃ οὐδεπώποτ’ ᾐτιάσατο. ὡς τοίνυν | |
| 5 | ταῦτ’ ἀληθῆ λέγω, λαβέ μοι τὴν γνῶσιν τὴν γενομένην ἐν ἀκροπόλει, καὶ τὴν μαρτυρίαν τῶν παραγενομένων, ὅτ’ ἀφίει τῶν ἐγκλημάτων ἁπάντων Ἀπολλόδωρος, λαμβάνων τοῦτο τὸ ἀργύριον. ΓΝΩΣΙΣ. ΜΑΡΤΥΡΙΑ. | |
Or36.17 | Ἀκούετε τῆς γνώσεως, ἄνδρες δικασταί, ἣν ἔγνω Δεινίας, οὗ τὴν θυγατέρ’ οὗτος ἔχει, καὶ Νικίας ὁ τὴν ἀδελφὴν τῆς τούτου γυναικὸς ἔχων. ταῦτα τοίνυν λαβὼν καὶ ἀφεὶς ἁπάντων τῶν ἐγκλημάτων, ὥσπερ ἢ πάντων τεθνεώτων τού‐ | |
| 5 | των ἢ τῆς ἀληθείας οὐ γενησομένης φανερᾶς, δίκην τοσού‐ των ταλάντων λαχὼν τολμᾷ δικάζεσθαι. | |
Or36.18 | Τὰ μὲν οὖν πεπραγμένα καὶ γεγενημένα Φορμίωνι πρὸς Ἀπολλόδωρον ἐξ ἀρχῆς ἅπαντ’ ἀκηκόατ’, ὦ ἄνδρες Ἀθηναῖοι. οἶμαι δ’ Ἀπολλόδωρον τουτονί, οὐδὲν ἔχοντα δίκαιον εἰπεῖν περὶ ὧν ἐγκαλεῖ, ἅπερ παρὰ τῷ διαιτητῇ | |
| 5 | λέγειν ἐτόλμα, ταῦτ’ ἐρεῖν, ὡς τὰ γράμμαθ’ ἡ μήτηρ ἠφάνικε πεισθεῖς’ ὑπὸ τούτου, καὶ τούτων ἀπολωλότων οὐκ ἔχει τίνα | 949 |
Or36.19 | χρὴ τρόπον ταῦτ’ ἐξελέγχειν ἀκριβῶς. περὶ δὴ τούτων καὶ ταύτης τῆς αἰτίας σκέψασθ’ ἡλίκ’ ἄν τις ἔχοι τεκμήρι’ εἰπεῖν ὅτι ψεύδεται. πρῶτον μὲν γάρ, ὦ ἄνδρες Ἀθηναῖοι, τίς ἂν ἐνείματο τὰ πατρῷα μὴ λαβὼν γράμματα, ἐξ ὧν ἔμελλεν | |
| 5 | εἴσεσθαι τὴν καταλειφθεῖσαν οὐσίαν; οὐδὲ εἷς δήπου. καίτοι δυοῖν δέοντ’ εἴκοσιν ἔτη ἐστὶν ἐξ ὅτου ἐνείμω, καὶ οὐκ ἂν ἔχοις ἐπιδεῖξαι, ὡς ἐνεκάλεσας πώποθ’ ὑπὲρ τῶν γραμμάτων. | |
Or36.20 | δεύτερον δέ, τίς οὐκ ἄν, ἡνίχ’ ὁ Πασικλῆς ἀνὴρ γεγονὼς ἐκομίζετο τὸν λόγον τῆς ἐπιτροπῆς, εἰ δι’ αὑτοῦ τὰ γράμματ’ ὤκνει τὴν μητέρ’ αἰτιᾶσθαι διεφθαρκέναι, τούτῳ ταῦτ’ ἐδή‐ λωσεν, ὅπως διὰ τούτου ταῦτ’ ἠλέγχθη; τρίτον δ’, ἐκ ποίων | |
| 5 | γραμμάτων τὰς δίκας ἐλάγχανες; οὗτος γὰρ πολλοῖς τῶν πολιτῶν δίκας λαγχάνων πολλὰ χρήματ’ εἰσπέπρακται, γράφων εἰς τὰ ἐγκλήματα ‘ἔβλαψέ με ὁ δεῖνα οὐκ ἀποδιδοὺς ἐμοὶ τὸ ἀργύριον, ὃ κατέλιπεν ὁ πατὴρ ὀφείλοντα αὐτὸν ἐν | |
Or36.21 | τοῖς γράμμασιν‘. καίτοι εἰ ἠφάνιστο τὰ γράμματα, ἐκ ποίων γραμμάτων τὰς δίκας ἐλάγχανεν; ἀλλὰ μὴν ὅτι ταῦτ’ ἀληθῆ λέγω, τὴν μὲν νομὴν ἀκηκόαθ’ ἣν ἐνείματο, καὶ μεμαρτύρηται ὑμῖν· τῶν δὲ λήξεων τούτων ἀναγνώσεται ὑμῖν τὰς μαρτυρίας. | |
| 5 | λαβὲ τὰς μαρτυρίας μοι. ΜΑΡΤΥΡΙΑΙ. Οὐκοῦν ἐν ταύταις ταῖς λήξεσιν ὡμολόγηκεν ἀπειληφέναι τὰ τοῦ πατρὸς γράμματα· οὐ γὰρ δὴ συκοφαντεῖν γε, οὐδ’ ὧν οὐκ ὤφειλον οὗτοι δικάζεσθαι φήσειεν ἄν. | |
Or36.22 | Νομίζω τοίνυν, ὦ ἄνδρες Ἀθηναῖοι, μεγάλων καὶ πολλῶν ὄντων ἐξ ὧν ἔστιν ἰδεῖν οὐκ ἀδικοῦντα Φορμίωνα τουτονί, μέγιστον ἁπάντων εἶναι, ὅτι Πασικλῆς, ἀδελφὸς ὢν Ἀπολ‐ | |
| λοδώρου τουτουί, οὔτε δίκην εἴληχεν οὔτ’ ἄλλ’ οὐδὲν ὧν | 950 | |
| 5 | οὗτος ἐγκαλεῖ. καίτοι οὐ δήπου τὸν μὲν παῖδ’ ὑπὸ τοῦ πατρὸς καταλειφθέντα, καὶ οὗ τῶν ὄντων κύριος ἦν, ἐπίτρο‐ πος καταλελειμμένος, οὐκ ἂν ἠδίκει, σὲ δέ, ὃς ἀνὴρ κατε‐ λείφθης τέτταρα καὶ εἴκοσιν ἔτη γεγονώς, καὶ ὑπὲρ σαυτοῦ ῥᾳδίως ἂν τὰ δίκαι’ ἐλάμβανες εὐθύς, εἴ τι ἠδικοῦ. οὐκ ἔστι | |
| 10 | ταῦτα. ὡς τοίνυν ταῦτ’ ἀληθῆ λέγω καὶ ὁ Πασικλῆς οὐδὲν ἐγκαλεῖ, λαβέ μοι τὴν τούτου μαρτυρίαν. ΜΑΡΤΥΡΙΑ. | |
Or36.23 | Ἃ τοίνυν ἤδη περὶ αὐτοῦ τοῦ μὴ εἰσαγώγιμον εἶναι τὴν δίκην δεῖ σκοπεῖν ὑμᾶς, ταῦτ’ ἀναμνήσθητ’ ἐκ τῶν εἰρημένων. ἡμεῖς γάρ, ὦ ἄνδρες Ἀθηναῖοι, γεγενημένου μὲν διαλογισμοῦ καὶ ἀφέσεως τῆς τραπέζης καὶ τοῦ ἀσπιδοπηγείου τῆς μισθώ‐ | |
| 5 | σεως, γεγενημένης δὲ διαίτης καὶ πάλιν πάντων ἀφέσεως, οὐκ ἐώντων τῶν νόμων δίκας ὧν ἂν ἀφῇ τις ἅπαξ λαγχάνειν, | |
Or36.24 | συκοφαντοῦντος τούτου καὶ παρὰ τοὺς νόμους δικαζομένου παρεγραψάμεθ’ ἐκ τῶν νόμων μὴ εἶναι τὴν δίκην εἰσαγώγιμον. ἵν’ οὖν εἰδῆθ’ ὑπὲρ οὗ τὴν ψῆφον οἴσετε, τόν τε νόμον ὑμῖν τοῦτον ἀναγνώσεται καὶ τὰς μαρτυρίας ἐφεξῆς τῶν παρόν‐ | |
| 5 | των, ὅτ’ ἀφίει τῆς μισθώσεως καὶ τῶν ἄλλων ἁπάντων ἐγκλημάτων Ἀπολλόδωρος. λαβέ μοι τὰς μαρτυρίας ταυ‐ τασὶ καὶ τὸν νόμον. ΜΑΡΤΥΡΙΑΙ. ΝΟΜΟΣ. | |
Or36.25 | Ἀκούετε τοῦ νόμου λέγοντος, ὦ ἄνδρες Ἀθηναῖοι, τά τ’ ἄλλ’ ὧν μὴ εἶναι δίκας, καὶ ὅσα τις ἀφῆκεν ἢ ἀπήλλαξεν. εἰκότως· εἰ γάρ ἐστι δίκαιον, ὧν ἂν ἅπαξ γένηται δίκη, μηκέτ’ ἐξεῖναι δικάζεσθαι, πολὺ τῶν ἀφεθέντων δικαιότερον | |
| 5 | μὴ εἶναι δίκας. ὁ μὲν γὰρ ἐν ὑμῖν ἡττηθεὶς τάχ’ ἂν εἴποι τοῦθ’ ὡς ἐξηπατήθηθ’ ὑμεῖς· ὁ δ’ αὑτοῦ φανερῶς καταγνοὺς καὶ ἀφεὶς καὶ ἀπαλλάξας, τίν’ ἂν ἑαυτὸν αἰτίαν αἰτιασάμενος τῶν αὐτῶν πάλιν εἰκότως δικάζοιτο; οὐδεμίαν δήπου. διόπερ τοῦτο πρῶτον ἔγραψεν ὁ τὸν νόμον θεὶς ὧν μὴ εἶναι δίκας, | 951 |
| 10 | ὅσα τις ἀφῆκεν ἢ ἀπήλλαξεν. ἃ τῷδε γέγονεν ἀμφότερα· καὶ γὰρ ἀφῆκεν καὶ ἀπήλλαξεν. ὡς δ’ ἀληθῆ λέγω, μεμαρ‐ τύρηται ὑμῖν, ὦ ἄνδρες Ἀθηναῖοι. Λαβὲ δή μοι καὶ τὸν τῆς προθεσμίας νόμον. ΝΟΜΟΣ. | |
Or36.26 | Ὁ μὲν τοίνυν νόμος, ὦ ἄνδρες Ἀθηναῖοι, σαφῶς οὑτωσὶ τὸν χρόνον ὥρισεν· Ἀπολλόδωρος δ’ οὑτοσὶ παρεληλυθότων ἐτῶν πλέον ἢ εἴκοσιν τὴν ἑαυτοῦ συκοφαντίαν ἀξιοῖ περὶ πλείονος ὑμᾶς ποιήσασθαι τῶν νόμων, καθ’ οὓς ὀμωμοκότες | |
| 5 | δικάζετε. καίτοι πᾶσι μὲν τοῖς νόμοις προσέχειν εἰκός ἐσθ’ | |
Or36.27 | ὑμᾶς, οὐχ ἥκιστα δὲ τούτῳ, ὦ ἄνδρες Ἀθηναῖοι. δοκεῖ γάρ μοι καὶ ὁ Σόλων οὐδενὸς ἄλλου ἕνεκα θεῖναι αὐτὸν ἢ τοῦ μὴ συκοφαντεῖσθαι ὑμᾶς. τοῖς μὲν γὰρ ἀδικουμένοις τὰ πέντ’ ἔτη ἱκανὸν ἡγήσατ’ εἶναι εἰσπράξασθαι· κατὰ δὲ τῶν ψευ‐ | |
| 5 | δομένων τὸν χρόνον ἐνόμισεν σαφέστατον ἔλεγχον ἔσεσθαι. καὶ ἅμ’ ἐπειδὴ ἀδύνατον ἔγνω ὂν τούς τε συμβάλλοντας καὶ τοὺς μάρτυρας ἀεὶ ζῆν, τὸν νόμον ἀντὶ τούτων ἔθηκεν, ὅπως μάρτυς εἴη τοῦ δικαίου τοῖς ἐρήμοις. | |
Or36.28 | Θαυμάζω τοίνυν ἔγωγ’, ὦ ἄνδρες δικασταί, τί ποτ’ ἐστὶν ἃ πρὸς ταῦτ’ ἐπιχειρήσει λέγειν Ἀπολλόδωρος οὑτοσί. οὐ γὰρ ἐκεῖνό γ’ ὑπείληφεν, ὡς ὑμεῖς, μηδὲν ὁρῶντες εἰς χρήματα | |
| τοῦτον ἠδικημένον, ὀργιεῖσθ’ ὅτι τὴν μητέρ’ ἔγημεν αὐτοῦ | 952 | |
| 5 | Φορμίων. οὐ γὰρ ἀγνοεῖ τοῦτο, οὐδ’ αὐτὸν λέληθεν, οὐδ’ ὑμῶν πολλούς, ὅτι Σωκράτης ὁ τραπεζίτης ἐκεῖνος, παρὰ τῶν κυρίων ἀπαλλαγεὶς ὥσπερ ὁ τούτου πατήρ, ἔδωκε Σατύρῳ | |
Or36.29 | τὴν ἑαυτοῦ γυναῖκα, ἑαυτοῦ ποτὲ γενομένῳ. ἕτερος Σωκλῆς τραπεζιτεύσας ἔδωκε τὴν ἑαυτοῦ γυναῖκα Τιμοδήμῳ τῷ νῦν ἔτ’ ὄντι καὶ ζῶντι, γενομένῳ ποθ’ αὑτοῦ. καὶ οὐ μόνον ἐνθάδε ταῦτα ποιοῦσιν οἱ περὶ τὰς ἐργασίας ὄντες ταύτας, | |
| 5 | ὦ ἄνδρες Ἀθηναῖοι, ἀλλ’ ἐν Αἰγίνῃ ἔδωκεν Στρυμόδωρος Ἑρμαίῳ τῷ ἑαυτοῦ οἰκέτῃ τὴν γυναῖκα, καὶ τελευτησάσης ἐκείνης ἔδωκε πάλιν τὴν θυγατέρα τὴν ἑαυτοῦ. καὶ πολλοὺς | |
Or36.30 | ἂν ἔχοι τις εἰπεῖν τοιούτους. εἰκότως· ὑμῖν μὲν γάρ, ὦ ἄνδρες Ἀθηναῖοι, τοῖς γένει πολίταις, οὐδὲ ἓν πλῆθος χρη‐ μάτων ἀντὶ τοῦ γένους καλόν ἐστιν ἑλέσθαι· τοῖς δὲ τοῦτο μὲν δωρεὰν ἢ παρ’ ὑμῶν ἢ παρ’ ἄλλων τινῶν λαβοῦσιν, τῇ | |
| 5 | τύχῃ δ’ ἐξ ἀρχῆς ἀπὸ τοῦ χρηματίσασθαι καὶ ἑτέρων πλείω κτήσασθαι καὶ αὐτῶν τούτων ἀξιωθεῖσιν, ταῦτ’ ἐστὶν φυ‐ λακτέα. διόπερ Πασίων ὁ πατὴρ ὁ σὸς οὐ πρῶτος οὐδὲ μόνος, οὐδ’ αὑτὸν ὑβρίζων οὐδ’ ὑμᾶς τοὺς υἱεῖς, ἀλλὰ μόνην ὁρῶν σωτηρίαν τοῖς ἑαυτοῦ πράγμασιν, εἰ τοῦτον ἀνάγκῃ | |
| 10 | ποιήσειεν οἰκεῖον ὑμῖν, ἔδωκε τὴν ἑαυτοῦ γυναῖκα, μητέρα | |
Or36.31 | δ’ ὑμετέραν τούτῳ. πρὸς μὲν οὖν τὰ συμφέροντ’ ἐὰν ἐξετάζῃς, καλῶς βεβουλευμένον αὐτὸν εὑρήσεις· εἰ δὲ πρὸς γένους δόξαν ἀναίνει Φορμίωνα κηδεστήν, ὅρα μὴ γελοῖον ᾖ σὲ ταῦτα λέγειν. εἰ γάρ τις ἔροιτό σε, ποῖόν τιν’ ἡγεῖ τὸν | |
| 5 | πατέρα τὸν σεαυτοῦ εἶναι, χρηστὸν εὖ οἶδ’ ὅτι φήσειας ἄν. πότερον οὖν οἴει μᾶλλον ἐοικέναι τὸν τρόπον καὶ πάντα τὸν | |
| βίον Πασίωνι σαυτὸν ἢ τουτονί; ἐγὼ μὲν εὖ οἶδ’ ὅτι τοῦτον. εἶθ’ ὅς ἐστιν ὁμοιότερος σοῦ τῷ σῷ πατρί, τοῦτον, εἰ τὴν | 953 | |
Or36.32 | μητέρα τὴν σὴν ἔγημεν, ἀναίνει; ἀλλὰ μὴν ὅτι γε δόντος καὶ ἐπισκήψαντος τοῦ σοῦ πατρὸς ταῦτ’ ἐπράχθη, οὐ μόνον ἐκ τῆς διαθήκης ἔστιν ἰδεῖν, ὦ ἄνδρες Ἀθηναῖοι, ἀλλὰ καὶ σὺ μάρτυς αὐτὸς γέγονας. ὅτε γὰρ τὰ μητρῷα πρὸς μέρος | |
| 5 | ἠξίους νέμεσθαι, ὄντων παίδων ἐκ τῆς γυναικὸς Φορμίωνι τουτῳί, τόθ’ ὡμολόγεις κυρίως δόντος τοῦ πατρὸς τοῦ σοῦ κατὰ τοὺς νόμους αὐτὴν γεγαμῆσθαι. εἰ γὰρ αὐτὴν εἶχε λαβὼν ἀδίκως ὅδε μηδενὸς δόντος, οὐκ ἦσαν οἱ παῖδες κλη‐ ρονόμοι, τοῖς δὲ μὴ κληρονόμοις οὐκ ἦν μετουσία τῶν | |
| 10 | ὄντων. ἀλλὰ μὴν ὅτι ταῦτ’ ἀληθῆ λέγω, μεμαρτύρηται τὸ τέταρτον μέρος λαβεῖν καὶ ἀφεῖναι τῶν ἐγκλημάτων ἁπάντων. | |
Or36.33 | Κατ’ οὐδὲν τοίνυν, ὦ ἄνδρες Ἀθηναῖοι, δίκαιον οὐδὲν ἔχων εἰπεῖν, ἀναιδεστάτους λόγους ἐτόλμα λέγειν πρὸς τῷ διαιτητῇ, περὶ ὧν προακηκοέναι βέλτιόν ἐσθ’ ὑμᾶς, ἕνα μὲν τὸ παράπαν μὴ γενέσθαι διαθήκην, ἀλλ’ εἶναι τοῦτο πλάσμα | |
| 5 | καὶ σκευώρημ’ ὅλον, ἕτερον δ’ ἕνεκα τούτου πάντα ταῦτα συγχωρεῖν τὸν πρὸ τοῦ χρόνον καὶ οὐχὶ δικάζεσθαι, ὅτι μίσθωσιν ἤθελεν αὐτῷ φέρειν Φορμίων πολλὴν καὶ ὑπι‐ σχνεῖτ’ οἴσειν· ἐπειδὴ δ’ οὐ ποιεῖ ταῦτα, τηνικαῦτα, φησίν, | |
Or36.34 | δικάζομαι. ὅτι δὲ ταῦτ’ ἀμφότερ’, ἐὰν λέγῃ, ψεύσεται καὶ τοῖς ὑφ’ ἑαυτοῦ πεπραγμένοις ἐναντί’ ἐρεῖ, σκοπεῖτ’ ἐκ τωνδί. ὅταν μὲν τοίνυν τὴν διαθήκην ἀρνῆται, ἐκ τίνος τρόπου πρεσβεῖα λαβὼν τὴν συνοικίαν κατὰ τὴν διαθήκην ἔχει, | |
| 5 | τοῦτ’ ἐρωτᾶτ’ αὐτόν. οὐ γὰρ ἐκεῖνό γ’ ἐρεῖ, ὡς ἃ μὲν πλεονεκτεῖν τόνδ’ ἔγραψεν ὁ πατήρ, κύρι’ ἐστὶν τῆς διαθή‐ | |
Or36.35 | κης, τὰ δ’ ἄλλ’ ἄκυρα. ὅταν δ’ ὑπὸ τῶν τοῦδ’ ὑποσχέσεων | |
| ὑπάγεσθαι φῇ, μέμνησθ’ ὅτι μάρτυρας ὑμῖν παρεσχήμεθα, οἳ χρόνον πολὺν τοῦδ’ ἀπηλλαγμένου μισθωταὶ τούτοις ἐγίγνοντο τῆς τραπέζης καὶ τοῦ ἀσπιδοπηγείου. καίτοι τόθ’, | 954 | |
| 5 | ὁπηνίκ’ ἐμίσθωσεν ἐκείνοις, τῷδ’ ἐγκαλεῖν παραχρῆμ’ ἐχρῆν, εἴπερ ἀληθῆ ἦν ὑπὲρ ὧν τότ’ ἀφεὶς νῦν τούτῳ δικάζεται. ὡς τοίνυν ἀληθῆ λέγω, καὶ πρεσβεῖά τε τὴν συνοικίαν ἔλα‐ βεν κατὰ τὴν διαθήκην, καὶ τῷδ’ οὐχ ὅπως ἐγκαλεῖν ᾤετο δεῖν, ἀλλ’ ἐπῄνει, λαβὲ τὴν μαρτυρίαν. | |
| 10 | ΜΑΡΤΥΡΙΑ. | |
Or36.36 | Ἵνα τοίνυν εἰδῆτ’, ὦ ἄνδρες Ἀθηναῖοι, ὅσα χρήματ’ ἔχων ἐκ τῶν μισθώσεων καὶ ἐκ τῶν χρεῶν ὡς ἀπορῶν καὶ πάντ’ ἀπολωλεκὼς ὀδυρεῖται, βραχέ’ ἡμῶν ἀκούσατε. οὗτος γὰρ ἐκ μὲν τῶν χρεῶν ὁμοῦ τάλαντ’ εἴκοσιν εἰσπέπρακται ἐκ | |
| 5 | τῶν γραμμάτων ὧν ὁ πατὴρ κατέλιπεν, καὶ τούτων ἔχει πλέον ἢ τὰ ἡμίσεα (πολλῶν γὰρ τὰ μέρη τὸν ἀδελφὸν ἀπο‐ | |
Or36.37 | στερεῖ)· ἐκ δὲ τῶν μισθώσεων, ὀκτὼ μὲν ἐτῶν ἃ Φορμίων εἶχε τὴν τράπεζαν, ὀγδοήκοντα μνᾶς τοῦ ἐνιαυτοῦ ἑκάστου, τὸ ἥμισυ τῆς ὅλης μισθώσεως· καὶ ταῦτ’ ἐστὶ δέκα τάλαντα καὶ τετταράκοντα μναῖ· δέκα δὲ τῶν μετὰ ταῦτα, ὧν ἐμί‐ | |
| 5 | σθωσαν ὕστερον Ξένωνι καὶ Εὐφραίῳ καὶ Εὔφρονι καὶ | |
Or36.38 | Καλλιστράτῳ, τάλαντον τοῦ ἐνιαυτοῦ ἑκάστου. χωρὶς δὲ τούτων, ἐτῶν ἴσως εἴκοσι τῆς ἐξ ἀρχῆς νεμηθείσης οὐσίας, ἧς αὐτὸς ἐπεμελεῖτο, τὰς προσόδους, πλέον ἢ μνᾶς τριάκοντα. ἐὰν δ’ ἅπαντα συνθῆτε, ὅς’ ἐνείματο, ὅς’ εἰσεπράξατο, ὅς’ | |
| 5 | εἴληφε μίσθωσιν, πλέον ἢ τετταράκοντα τάλαντ’ εἰληφὼς φανήσεται, χωρὶς ὧν οὗτος εὖ πεποίηκεν, καὶ τῶν μητρῴων, | |
| καὶ ὧν ἀπὸ τῆς τραπέζης ἔχων οὐκ ἀποδίδωσι πένθ’ ἡμιτα‐ | 955 | |
Or36.39 | λάντων καὶ ἑξακοσίων δραχμῶν. ἀλλὰ νὴ Δία ταῦθ’ ἡ πόλις εἴληφεν, καὶ δεινὰ πέπονθας πολλὰ καταλελῃτουργη‐ κώς. ἀλλ’ ἃ μὲν ἐκ κοινῶν ἐλῃτούργεις τῶν χρημάτων, σὺ καὶ ἁδελφὸς ἀνηλώσατε· ἃ δ’ ὕστερον, οὐκ ἔστιν ἄξια | |
| 5 | μὴ ὅτι δυοῖν ταλάντοιν προσόδου, ἀλλ’ οὐδ’ εἴκοσι μνῶν. μηδὲν οὖν τὴν πόλιν αἰτιῶ, μηδ’ ἃ σὺ τῶν ὄντων αἰσχρῶς | |
Or36.40 | καὶ κακῶς ἀνήλωκας, ὡς ἡ πόλις εἴληφεν, λέγε. ἵνα δ’ εἰδῆτ’, ὦ ἄνδρες Ἀθηναῖοι, τό τε πλῆθος τῶν χρημάτων ὧν εἴληφε, καὶ τὰς λῃτουργίας ἃς λελῃτούργηκεν, ἀναγνώσεται ὑμῖν καθ’ ἓν ἕκαστον. λαβέ μοι τὸ βιβλίον τουτὶ καὶ τὴν πρό‐ | |
| 5 | κλησιν ταυτηνὶ καὶ τὰς μαρτυρίας ταυτασί. 〈ΒΙΒΛΙΟΝ.〉 ΠΡΟΚΛΗΣΙΣ. ΜΑΡΤΥΡΙΑΙ. | |
Or36.41 | Τοσαῦτα μὲν τοίνυν χρήματ’ εἰληφὼς καὶ χρέα πολλῶν ταλάντων ἔχων, ὧν τὰ μὲν παρ’ ἑκόντων, τὰ δ’ ἐκ τῶν δικῶν εἰσπράττει, ἃ τῆς μισθώσεως ἔξω τῆς τραπέζης καὶ τῆς ἄλλης οὐσίας, ἣν κατέλιπεν Πασίων, ὠφείλετ’ ἐκείνῳ | |
| 5 | καὶ νῦν παρειλήφασιν οὗτοι, καὶ τοσαῦτ’ ἀνηλωκὼς ὅς’ ὑμεῖς ἠκούσατε, οὐδὲ πολλοστὸν μέρος τῶν προσόδων, μὴ ὅτι τῶν ἀρχαίων, εἰς τὰς λῃτουργίας, ὅμως ἀλαζονεύσεται καὶ τριηραρ‐ | |
Or36.42 | χίας ἐρεῖ καὶ χορηγίας. ἐγὼ δ’, ὡς μὲν οὐκ ἀληθῆ ταῦτ’ ἐρεῖ, ἐπέδειξα, οἶμαι μέντοι, κἂν εἰ ταῦτα πάντ’ ἀληθῆ λέγοι, κάλλιον εἶναι καὶ δικαιότερον τόνδ’ ἀπὸ τῶν αὑτοῦ λῃτουργεῖν ὑμῖν ἢ τούτῳ δόντας τὰ τούτου, μικρὰ τῶν πάν‐ | |
| 5 | των αὐτοὺς μετασχόντας, τόνδε μὲν ἐν ταῖς ἐσχάταις ἐνδείαις ὁρᾶν, τοῦτον δ’ ὑβρίζοντα καὶ εἰς ἅπερ εἴωθεν | |
Or36.43 | ἀναλίσκοντα. ἀλλὰ μὴν περί γε τῆς εὐπορίας, ὡς ἐκ τῶν | |
| τοῦ πατρὸς τοῦ σοῦ κέκτηται, καὶ ὧν ἐρωτήσειν ἔφησθα, πόθεν τὰ ὄντα κέκτηται Φορμίων, μόνῳ τῶν ὄντων ἀνθρώ‐ πων σοὶ τοῦτον οὐκ ἔνεστ’ εἰπεῖν τὸν λόγον. οὐδὲ γὰρ | 956 | |
| 5 | Πασίων ὁ σὸς πατὴρ ἐκτήσαθ’ εὑρὼν οὐδὲ τοῦ πατρὸς αὐτῷ παραδόντος, ἀλλὰ παρὰ τοῖς αὑτοῦ κυρίοις Ἀντισθένει καὶ Ἀρχεστράτῳ τραπεζιτεύουσι πεῖραν δοὺς ὅτι χρηστός ἐστι | |
Or36.44 | καὶ δίκαιος, ἐπιστεύθη. ἔστι δ’ ἐν ἐμπορίῳ καὶ χρήμασιν ἐργαζομένοις ἀνθρώποις φιλεργὸν δόξαι καὶ χρηστὸν εἶναι τὸν αὐτὸν θαυμαστὸν ἡλίκον. οὔτ’ οὖν ἐκείνῳ τοῦθ’ οἱ κύριοι παρέδωκαν, ἀλλ’ αὐτὸς ἔφυ χρηστός, οὔτε τῷδ’ ὁ σὸς | |
| 5 | πατήρ· σὲ γὰρ ἂν πρότερον τοῦδε χρηστὸν ἐποίησεν, εἰ ἦν ἐπ’ ἐκείνῳ. εἰ δὲ τοῦτ’ ἀγνοεῖς, ὅτι πίστις ἀφορμὴ πασῶν ἐστι μεγίστη πρὸς χρηματισμόν, πᾶν ἂν ἀγνοήσειας. χωρὶς δὲ τούτων πολλὰ καὶ τῷ σῷ πατρὶ καὶ σοὶ καὶ ὅλως τοῖς ὑμετέροις πράγμασι Φορμίων γέγονε χρήσιμος. ἀλλ’ οἶμαι | |
| 10 | τῆς σῆς ἀπληστίας καὶ τοῦ σοῦ τρόπου τίς ἂν δύναιτ’ ἐφι‐ | |
Or36.45 | κέσθαι; καὶ δῆτα θαυμάζω πῶς οὐ λογίζει πρὸς σεαυτόν, ὅτι ἔστιν Ἀρχεστράτῳ τῷ ποτὲ τὸν σὸν πατέρα κτησαμένῳ υἱὸς ἐνθάδε, Ἀντίμαχος, πράττων οὐ κατ’ ἀξίαν, ὃς οὐ δικάζεταί σοι, οὐδὲ δεινά φησι πάσχειν, εἰ σὺ μὲν χλανίδα | |
| 5 | φορεῖς, καὶ τὴν μὲν λέλυσαι, τὴν δ’ ἐκδέδωκας ἑταίραν, καὶ ταῦτα γυναῖκ’ ἔχων ποιεῖς, καὶ τρεῖς παῖδας ἀκολούθους περιάγει, καὶ ζῇς ἀσελγῶς ὥστε καὶ τοὺς ἀπαντῶντας αἰσθά‐ | |
Or36.46 | νεσθαι, αὐτὸς δ’ ἐκεῖνος πολλῶν ἐνδεής ἐστιν. οὐδὲ τὸν Φορμίων’ ἐκεῖνος οὐχ ὁρᾷ. καίτοι εἰ κατὰ τοῦτ’ οἴει σοι προσήκειν τῶν τούτου, ὅτι τοῦ πατρός ποτ’ ἐγένετο τοῦ σοῦ, ἐκείνῳ προσήκει μᾶλλον ἢ σοί· ὁ γὰρ αὖ σὸς πατὴρ ἐκεί‐ | |
| 5 | νων ἐγένετο, ὥστε καὶ σὺ καὶ οὗτος ἐκείνου γίγνεσθ’ ἐκ | |
| τούτου τοῦ λόγου. σὺ δ’ εἰς τοῦθ’ ἥκεις ἀγνωμοσύνης ὥσθ’ ἃ προσήκει σοι τοὺς λέγοντας ἐχθροὺς νομίζειν, ταῦτ’ αὐτὸς | 957 | |
Or36.47 | ποιεῖς ἀνάγκην εἶναι λέγειν, καὶ ὑβρίζεις μὲν σαυτὸν καὶ τοὺς γονέας τεθνεῶτας, προπηλακίζεις δὲ τὴν πόλιν, καὶ ἃ τῆς τουτωνὶ φιλανθρωπίας ἀπολαύσας ηὕρεθ’ ὁ σὸς πατὴρ καὶ μετὰ ταῦτα Φορμίων οὑτοσί, ταῦτ’ ἀντὶ τοῦ κοσμεῖν καὶ | |
| 5 | περιστέλλειν, ἵνα καὶ τοῖς δοῦσιν ὡς εὐσχημονέστατ’ ἐφαί‐ νετο καὶ τοῖς λαβοῦσιν ὑμῖν, ἄγεις εἰς μέσον, δεικνύεις, ἐλέγχεις, μόνον οὐκ ὀνειδίζεις οἷον ὄντα ς’ ἐποιήσαντ’ | |
Or36.48 | Ἀθηναῖον. εἶτ’ εἰς τοῦθ’ ἥκεις μανίας (τί γὰρ ἂν ἄλλο τις εἴποι;) ὥστ’ οὐκ αἰσθάνει ὅτι καὶ νῦν ἡμεῖς μὲν ἀξιοῦντες, ἐπειδήπερ ἀπηλλάγη Φορμίων, μηδὲν ὑπόλογον εἶναι εἴ ποτε τοῦ σοῦ πατρὸς ἐγένετο, ὑπὲρ σοῦ λέγομεν, σὺ δὲ μηδέποτ’ | |
| 5 | ἐξ ἴσου σοι γενέσθαι τοῦτον ἀξιῶν κατὰ σαυτοῦ λέγεις· ἃ γὰρ ἂν σὺ δίκαια σαυτῷ κατὰ τούτου τάξῃς, ταὐτὰ ταῦθ’ ἥξει κατὰ σοῦ παρὰ τῶν τὸν σὸν πατέρ’ ἐξ ἀρχῆς κτησα‐ μένων. ἀλλὰ μὴν ὅτι κἀκεῖνος ἦν τινῶν, εἶτ’ ἀπηλλάγη τὸν αὐτὸν τρόπον ὅνπερ οὗτος ἀφ’ ὑμῶν, λαβέ μοι ταυτασὶ | |
| 10 | τὰς μαρτυρίας, ὡς ἐγένετο Πασίων Ἀρχεστράτου. ΜΑΡΤΥΡΙΑΙ. | |
Or36.49 | Εἶτα τὸν σῴσαντα μὲν ἐξ ἀρχῆς τὰ πράγματα καὶ πολλὰ χρήσιμον αὑτὸν παρασχόντα τῷ πατρὶ τῷ τούτου, τοσαῦτα δ’ αὐτὸν τοῦτον ἀγάθ’ εἰργασμένον, ὅς’ ὑμεῖς ἀκηκόατε, τοῦτον οἴεται δεῖν ἑλὼν τηλικαύτην δίκην ἀδίκως ἐκβαλεῖν. | |
| 5 | οὐ γὰρ ἄλλο γ’ ἔχοις οὐδὲν ἂν ποιῆσαι. εἰς μὲν γὰρ τὰ ὄντ’ εἰ βλέπεις ἀκριβῶς, ταῦθ’ εὑρήσεις ὧν ἔστιν, ἐάν, ὃ μὴ | |
Or36.50 | γένοιτο, ἐξαπατηθῶσιν οὗτοι. ὁρᾷς τὸν Ἀριστόλοχον τὸν Χαριδήμου· ποτ’ εἶχεν ἀγρόν, εἶτά γε νῦν πολλοί· πολλοῖς γὰρ ἐκεῖνος ὀφείλων αὐτὸν ἐκτήσατο. καὶ τὸν Σωσίνομον καὶ τὸν Τιμόδημον καὶ τοὺς ἄλλους τραπεζίτας, οἵ, ἐπειδὴ | 958 |
| 5 | διαλύειν ἐδέησεν οἷς ὤφειλον, ἐξέστησαν ἅπαντες τῶν ὄντων. σὺ δ’ οὐδὲν οἴει δεῖν σκοπεῖν οὐδ’ ὧν ὁ πατὴρ σοῦ πολλῷ βελτίων ὢν καὶ ἄμεινον φρονῶν πρὸς ἅπαντ’ ἐβουλεύσατο· | |
Or36.51 | ὅς, ὦ Ζεῦ καὶ θεοί, τοσούτῳ τοῦτον ἡγεῖτο σοῦ πλείονος ἄξιον εἶναι καὶ σοὶ καὶ ἑαυτῷ καὶ τοῖς ὑμετέροις πράγμασιν ὥστ’ ἀνδρὸς ὄντος σοῦ τοῦτον, οὐ σὲ τῶν ἡμίσεων κατέλιπεν ἐπίτροπον καὶ τὴν γυναῖκ’ ἔδωκεν καὶ ζῶν αὐτὸν ἐτίμα, | |
| 5 | δικαίως, ὦ ἄνδρες Ἀθηναῖοι· οἱ μὲν γὰρ ἄλλοι τραπεζῖται μίσθωσιν οὐ φέροντες, ἀλλ’ αὐτοὶ ἑαυτοῖς ἐργαζόμενοι, πάν‐ τες ἀπώλοντο, οὗτος δὲ μίσθωσιν φέρων δύο τάλαντα καὶ | |
Or36.52 | τετταράκοντα μνᾶς ὑμῖν ἔσῳσε τὴν τράπεζαν. ὧν ἐκεῖνος μὲν χάριν εἶχεν, σὺ δ’ οὐδένα ποιεῖ λόγον, ἀλλ’ ἐναντία τῇ διαθήκῃ καὶ ταῖς ἀπ’ ἐκείνης ἀραῖς, γραφείσαις ὑπὸ τοῦ σοῦ πατρός, ἐλαύνεις συκοφαντεῖς διώκεις. ὦ βέλτιστ’, εἰ οἷόν | |
| 5 | τε σὲ τοῦτ’ εἰπεῖν, οὐ παύσει, καὶ γνώσει τοῦθ’, ὅτι πολλῶν χρημάτων τὸ χρηστὸν εἶναι λυσιτελέστερόν ἐστιν; σοὶ γοῦν, εἴπερ ἀληθῆ λέγεις, χρήματα μὲν τοσαῦτ’ εἰληφότι πάντ’ ἀπόλωλεν, ὡς φής· εἰ δ’ ἦσθ’ ἐπιεικής, οὐκ ἄν ποτ’ αὔτ’ ἀνήλωσας. | |
Or36.53 | Ἀλλ’ ἔγωγε μὰ τὸν Δία καὶ θεοὺς πανταχῇ σκοπῶν οὐδὲν ὁρῶ, δι’ ὅ τι ἂν σοὶ πεισθέντες τουδὶ καταψηφίσαιντο. τί γάρ; ὅτι πλησίον ὄντων τῶν ἀδικημάτων ἐγκαλεῖς; ἀλλ’ | |
| ἔτεσι καὶ χρόνοις ὕστερον αἰτιᾷ. ἀλλ’ ὅτι τοῦτον ἀπράγμων | 959 | |
| 5 | ἦσθα τὸν χρόνον; καὶ τίς οὐκ οἶδεν ὅσα πράγματα πράττων οὐ πέπαυσαι, οὐ μόνον δίκας ἰδίας διώκων οὐκ ἐλάττους ταυτησί, ἀλλὰ δημοσίᾳ συκοφαντῶν καὶ κρίνων τίνας οὔ; οὐχὶ Τιμομάχου κατηγόρεις; οὐχὶ Καλλίππου τοῦ νῦν ὄντος ἐν Σικελίᾳ; οὐ πάλιν Μένωνος; οὐκ Αὐτοκλέους; οὐ Τι‐ | |
Or36.54 | μοθέου; οὐκ ἄλλων πολλῶν; καίτοι πῶς ἔχει λόγον σέ, Ἀπολλόδωρον ὄντα, πρότερον τῶν κοινῶν, ὧν μέρος ἠδικοῦ, δίκην ἀξιοῦν λαμβάνειν, ἢ τῶν ἰδίων ὧν νῦν ἐγκαλεῖς, ἄλλως τε καὶ τηλικούτων ὄντων, ὡς σὺ φής; τί ποτ’ οὖν | |
| 5 | ἐκείνων κατηγορῶν τόνδ’ εἴας; οὐκ ἠδικοῦ, ἀλλ’ οἶμαι συκοφαντεῖς νῦν. ἡγοῦμαι τοίνυν, ὦ ἄνδρες Ἀθηναῖοι, πάντων μάλιστ’ εἰς τὸ πρᾶγμ’ εἶναι τούτων μάρτυρας παρα‐ σχέσθαι· τὸν γὰρ συκοφαντοῦντ’ ἀεὶ τί χρὴ νομίζειν νῦν | |
Or36.55 | ποιεῖν; καὶ νὴ Δί’ ἔγωγ’, ὦ ἄνδρες Ἀθηναῖοι, νομίζω πάνθ’ ὅσα τοῦ τρόπου τοῦ Φορμίωνός ἐστι σημεῖα καὶ τῆς τούτου δικαιοσύνης καὶ φιλανθρωπίας, καὶ ταῦτ’ εἰς τὸ πρᾶγμ’ εἶναι πρὸς ὑμᾶς εἰπεῖν. ὁ μὲν γὰρ περὶ πάντ’ ἄδικος τάχ’ ἄν, εἰ | |
| 5 | τύχοι, καὶ τοῦτον ἠδίκει· ὁ δὲ μηδένα μηδὲν ἠδικηκώς, πολλοὺς δ’ εὖ πεποιηκὼς ἑκών, ἐκ τίνος εἰκότως ἂν τρόπου τοῦτον μόνον ἠδίκει τῶν πάντων; τούτων τοίνυν τῶν μαρτυριῶν ἀκούσαντες γνώσεσθε τὸν ἑκατέρου τρόπον. ΜΑΡΤΥΡΙΑΙ. | |
Or36.56 | Ἴθι δὴ καὶ τὰς κατ’ Ἀπολλοδώρου τῆς πονηρίας. ΜΑΡΤΥΡΙΑΙ. | |
| Ἆρ’ οὖν ὅμοιος οὑτοσί; σκοπεῖτε. λέγε. ΜΑΡΤΥΡΙΑΙ. | 960 | |
| 5 | Ἀνάγνωθι δὴ καὶ ὅσα δημοσίᾳ χρήσιμος τῇ πόλει γέγονεν οὑτοσί. ΜΑΡΤΥΡΙΑΙ. | |
Or36.57 | Τοσαῦτα τοίνυν, ὦ ἄνδρες Ἀθηναῖοι, Φορμίων χρήσιμος γεγονὼς καὶ τῇ πόλει καὶ πολλοῖς ὑμῶν, καὶ οὐδέν’ οὔτ’ ἰδίᾳ οὔτε δημοσίᾳ κακὸν οὐδὲν εἰργασμένος, οὐδ’ ἀδικῶν Ἀπολ‐ λόδωρον τουτονί, δεῖται καὶ ἱκετεύει καὶ ἀξιοῖ σωθῆναι, καὶ | |
| 5 | ἡμεῖς συνδεόμεθ’ οἱ ἐπιτήδειοι ταῦθ’ ὑμῶν. ἐκεῖνο δ’ ὑμᾶς ἀκοῦσαι δεῖ. τοσαῦτα γάρ, ὦ ἄνδρες Ἀθηναῖοι, χρήμαθ’ ὑμῖν ἀνεγνώσθη προσηυπορηκώς, ὅς’ οὔθ’ οὗτος οὔτ’ ἄλλος οὐδεὶς κέκτηται. πίστις μέντοι Φορμίωνι παρὰ τοῖς εἰδόσι καὶ τοσούτων καὶ πολλῷ πλειόνων χρημάτων, δι’ ἧς καὶ αὐτὸς | |
Or36.58 | αὑτῷ καὶ ὑμῖν χρήσιμός ἐστιν. ἃ μὴ προῆσθε, μηδ’ ἐπι‐ τρέψητ’ ἀνατρέψαι τῷ μιαρῷ τούτῳ ἀνθρώπῳ, μηδὲ ποιήσητ’ αἰσχρὸν παράδειγμα, ὡς τὰ τῶν ἐργαζομένων καὶ μετρίως ἐθελόντων ζῆν τοῖς βδελυροῖς καὶ συκοφάνταις ὑπάρχει παρ’ | |
| 5 | ὑμῶν λαβεῖν· πολὺ γὰρ χρησιμώτερ’ ὑμῖν παρὰ τῷδ’ ὄνθ’ ὑπάρχει. ὁρᾶτε γὰρ αὐτοὶ καὶ ἀκούετε τῶν μαρτύρων, οἷον | |
Or36.59 | ἑαυτὸν τοῖς δεηθεῖσι παρέχει. καὶ τούτων οὐδὲν εἵνεκα τοῦ λυσιτελοῦντος εἰς χρήματα πεποίηκεν, ἀλλὰ φιλανθρωπίᾳ καὶ τρόπου ἐπιεικείᾳ. οὔκουν ἄξιον, ὦ ἄνδρες Ἀθηναῖοι, τὸν τοιοῦτον ἄνδρα προέσθαι τούτῳ, οὐδὲ τηνικαῦτ’ ἐλεεῖν | |
| 5 | ὅτ’ οὐδὲν ἔσται τούτῳ πλέον, ἀλλὰ νῦν ὅτε κύριοι καθέστατε σῷσαι· οὐ γὰρ ἔγωγ’ ὁρῶ καιρὸν ἐν τίνι ἂν μᾶλλον βοηθή‐ | |
Or36.60 | σειέ τις αὐτῷ. τὰ μὲν οὖν πόλλ’ ὧν Ἀπολλόδωρος ἐρεῖ, | |
| νομίζετ’ εἶναι λόγον καὶ συκοφαντίας, κελεύετε δ’ αὐτὸν ἐπιδεῖξαι, ἢ ὡς οὐ διέθετο ταῦθ’ ὁ πατήρ, ἢ ὡς ἔστιν τις ἄλλη μίσθωσις πλὴν ἧς ἡμεῖς δείκνυμεν, ἢ ὡς οὐκ ἀφῆκεν | 961 | |
| 5 | αὐτὸν διαλογισάμενος τῶν ἐγκλημάτων ἁπάντων, ἃ ἔγνω 〈θ’〉 ὁ κηδεστὴς ὁ τούτου καὶ οὗτος αὐτὸς συνεχώρησεν, ἢ ὡς διδόασιν οἱ νόμοι δικάζεσθαι τῶν οὕτω πραχθέντων, ἢ τῶν | |
Or36.61 | τοιούτων τι δεικνύναι. ἐὰν δ’ ἀπορῶν αἰτίας καὶ βλασφη‐ μίας λέγῃ καὶ κακολογῇ, μὴ προσέχετε τὸν νοῦν, μηδ’ ὑμᾶς ἡ τούτου κραυγὴ καὶ ἀναίδει’ ἐξαπατήσῃ, ἀλλὰ φυλάττετε καὶ μέμνησθ’ ὅς’ ἡμῶν ἀκηκόατε. κἂν ταῦτα ποιῆτε, αὐτοί | |
| 5 | τ’ εὐορκήσετε καὶ τοῦτον δικαίως σώσετε, ἄξιον ὄντα νὴ τὸν Δία καὶ θεοὺς ἅπαντας. | |
Or36.62 | Ἀνάγνωθι λαβὼν αὐτοῖς τὸν νόμον καὶ τὰς μαρτυρίας τασδί. ΝΟΜΟΣ. ΜΑΡΤΥΡΙΑΙ. Οὐκ οἶδ’ ὅ τι δεῖ πλείω λέγειν. οἶμαι γὰρ ὑμᾶς οὐδὲν | |
| 5 | ἀγνοεῖν τῶν εἰρημένων. ἐξέρα τὸ ὕδωρ. | 962 |