|
TLG 0014 005 :: DEMOSTHENES :: De pace DEMOSTHENES Orat. Scholia: Cf. SCHOLIA IN DEMOSTHENEM (5017)
De pace Citation: Section — (line) | ||
Pax.1 | Ὁρῶ μέν, ὦ ἄνδρες Ἀθηναῖοι, τὰ παρόντα πράγματα πολλὴν δυσκολίαν ἔχοντα καὶ ταραχὴν οὐ μόνον τῷ πολλὰ προεῖσθαι καὶ μηδὲν εἶναι προὔργου περὶ αὐτῶν εὖ λέγειν, ἀλλὰ καὶ περὶ τῶν ὑπολοίπων κατὰ ταὐτὰ μηδὲ καθ’ ἓν τὸ | |
| 5 | συμφέρον πάντας ἡγεῖσθαι, ἀλλὰ τοῖς μὲν ὡδί, τοῖς δ’ ἑτέ‐ | |
|---|---|---|
Pax.2 | ρως δοκεῖν. δυσκόλου δ’ ὄντος φύσει καὶ χαλεποῦ τοῦ βουλεύεσθαι, ἔτι πολλῷ χαλεπώτερον ὑμεῖς αὐτὸ πεποιήκατ’, ὦ ἄνδρες Ἀθηναῖοι· οἱ μὲν γὰρ ἄλλοι πάντες ἄνθρωποι πρὸ τῶν πραγμάτων εἰώθασι χρῆσθαι τῷ βουλεύεσθαι, ὑμεῖς δὲ | |
| 5 | μετὰ τὰ πράγματα. ἐκ δὲ τούτου συμβαίνει παρὰ πάντα τὸν χρόνον ὃν οἶδ’ ἐγώ, τὸν μὲν οἷς ἂν ἁμάρτητ’ ἐπιτιμῶντα εὐδοκιμεῖν καὶ δοκεῖν εὖ λέγειν, τὰ δὲ πράγματα καὶ περὶ | |
Pax.3 | ὧν βουλεύεσθ’ ἐκφεύγειν ὑμᾶς. οὐ μὴν ἀλλὰ καίπερ τούτων οὕτως ἐχόντων οἴομαι καὶ πεπεικὼς ἐμαυτὸν ἀνέστηκα, ἂν ἐθελήσητε τοῦ θορυβεῖν καὶ φιλονικεῖν ἀποστάντες ἀκούειν, ὡς ὑπὲρ πόλεως βουλευομένοις καὶ τηλικούτων πραγμάτων | |
| 5 | προσήκει, ἕξειν καὶ λέγειν καὶ συμβουλεύειν δι’ ὧν καὶ τὰ παρόντ’ ἔσται βελτίω καὶ τὰ προειμένα σωθήσεται. | |
Pax.4 | Ἀκριβῶς δ’ εἰδώς, ὦ ἄνδρες Ἀθηναῖοι, τὸ λέγειν περὶ ὧν αὐτὸς εἶπέ τις καὶ περὶ αὑτοῦ παρ’ ὑμῖν ἀεὶ τῶν πάνυ λυσιτελούντων τοῖς τολμῶσιν ὄν, οὕτως ἡγοῦμαι φορτικὸν | |
| καὶ ἐπαχθὲς ὥστε ἀνάγκην οὖσαν ὁρῶν ὅμως ἀποκνῶ. νο‐ | 57 | |
| 5 | μίζω δ’ ἄμεινον ἂν ὑμᾶς περὶ ὧν νῦν ἐρῶ κρῖναι, μικρὰ τῶν | |
Pax.5 | πρότερόν ποτε ῥηθέντων ὑπ’ ἐμοῦ μνημονεύσαντες. ἐγὼ γάρ, ὦ ἄνδρες Ἀθηναῖοι, πρῶτον μέν, ἡνίκ’ ἔπειθόν τινες ὑμᾶς, τῶν ἐν Εὐβοίᾳ πραγμάτων ταραττομένων, βοηθεῖν Πλουτάρχῳ καὶ πόλεμον ἄδοξον καὶ δαπανηρὸν ἄρασθαι, | |
| 5 | πρῶτος καὶ μόνος παρελθὼν ἀντεῖπον, καὶ μόνον οὐ διε‐ σπάσθην ὑπὸ τῶν ἐπὶ μικροῖς λήμμασιν πολλὰ καὶ μεγάλ’ ὑμᾶς ἁμαρτάνειν πεισάντων· καὶ χρόνου βραχέος διελ‐ θόντος, μετὰ τοῦ προσοφλεῖν αἰσχύνην καὶ παθεῖν οἷα τῶν ὄντων ἀνθρώπων οὐδένες πώποτε πεπόνθας’ ὑπὸ τούτων οἷς | |
| 10 | ἐβοήθησαν, πάντες ὑμεῖς ἔγνωτε τήν τε τῶν τότε ταῦτα | |
Pax.6 | πεισάντων κακίαν καὶ τὰ βέλτιστ’ εἰρηκότ’ ἐμέ. πάλιν τοίνυν, ὦ ἄνδρες Ἀθηναῖοι, κατιδὼν Νεοπτόλεμον τὸν ὑπο‐ κριτὴν τῷ μὲν τῆς τέχνης προσχήματι τυγχάνοντ’ ἀδείας, κακὰ δ’ ἐργαζόμενον τὰ μέγιστα τὴν πόλιν καὶ τὰ παρ’ ὑμῶν | |
| 5 | διοικοῦντα Φιλίππῳ καὶ πρυτανεύοντα, παρελθὼν εἶπον εἰς ὑμᾶς, οὐδεμιᾶς ἰδίας οὔτ’ ἔχθρας οὔτε συκοφαντίας ἕνεκα, | |
Pax.7 | ὡς ἐκ τῶν μετὰ ταῦτ’ ἔργων γέγονεν δῆλον. καὶ οὐκέτ’ ἐν τούτοις αἰτιάσομαι τοὺς ὑπὲρ Νεοπτολέμου λέγοντας (οὐδὲ εἷς γὰρ ἦν), ἀλλ’ αὐτοὺς ὑμᾶς· εἰ γὰρ ἐν Διονύσου τραγῳ‐ δοὺς ἐθεᾶσθε, ἀλλὰ μὴ περὶ σωτηρίας καὶ κοινῶν πραγμάτων | |
| 5 | ἦν ὁ λόγος, οὐκ ἂν οὕτως οὔτ’ ἐκείνου πρὸς χάριν οὔτ’ | |
Pax.8 | ἐμοῦ πρὸς ἀπέχθειαν ἠκούσατε. καίτοι τοῦτό γ’ ὑμᾶς οἶμαι νῦν ἅπαντας ᾐσθῆσθαι, ὅτι τὴν τότ’ ἄφιξιν εἰς τοὺς πολε‐ μίους ποιησάμενος ὑπὲρ τοῦ τἀκεῖ χρήματ’ ὀφειλόμεν’, ὡς ἔφη, κομίσας δεῦρο λῃτουργεῖν, καὶ τούτῳ τῷ λόγῳ πλείστῳ | |
| 5 | χρησάμενος, ὡς δεινὸν εἴ τις ἐγκαλεῖ τοῖς ἐκεῖθεν ἐνθάδε | |
| τὰς εὐπορίας ἄγουσιν, ἐπειδὴ διὰ τὴν εἰρήνην ἀδείας ἔτυχεν, ἣν ἐνθάδ’ ἐκέκτητ’ οὐσίαν φανεράν, ταύτην ἐξαργυρίσας πρὸς | 58 | |
Pax.9 | ἐκεῖνον ἀπάγων οἴχεται. δύο μὲν δὴ ταῦθ’ ὧν προεῖπον ἐγὼ μαρτυρεῖ τοῖς γεγενημένοις λόγοις ὀρθῶς καὶ δικαίως, οἷά περ ἦν, ἀποφανθένθ’ ὑπ’ ἐμοῦ· τὸ τρίτον δ’, ὦ ἄνδρες Ἀθηναῖοι, (καὶ μόνον ἓν τοῦτ’ εἰπὼν ἔτι καὶ δὴ περὶ ὧν | |
| 5 | παρελήλυθ’ ἐρῶ,) ἡνίκα τοὺς ὅρκους τοὺς περὶ τῆς εἰρήνης | |
Pax.10 | ἀπειληφότες ἥκομεν οἱ πρέσβεις, τότε Θεσπιάς τινων καὶ Πλαταιὰς ὑπισχνουμένων οἰκισθήσεσθαι, καὶ τοὺς μὲν Φω‐ κέας τὸν Φίλιππον, ἂν γένηται κύριος, σώσειν, τὴν δὲ Θηβαίων πόλιν διοικιεῖν, καὶ τὸν Ὠρωπὸν ὑμῖν ὑπάρξειν, | |
| 5 | καὶ τὴν Εὔβοιαν ἀντ’ Ἀμφιπόλεως ἀποδοθήσεσθαι, καὶ τοιαύτας ἐλπίδας καὶ φενακισμούς, οἷς ὑπαχθέντες ὑμεῖς οὔτε συμφόρως οὔτ’ ἴσως καλῶς προεῖσθε Φωκέας, οὐδὲν τούτων οὔτ’ ἐξαπατήσας οὔτε σιγήσας ἐγὼ φανήσομαι, ἀλλὰ προειπὼν ὑμῖν, ὡς οἶδ’ ὅτι μνημονεύετε, ὅτι ταῦτ’ οὔτ’ οἶδα | |
| 10 | οὔτε προσδοκῶ, νομίζω δὲ τὸν λέγοντα ληρεῖν. | |
Pax.11 | Ταῦτα τοίνυν ἅπανθ’, ὅσα φαίνομαι βέλτιον τῶν ἄλλων προορῶν, οὐδ’ εἰς μίαν, ὦ ἄνδρες Ἀθηναῖοι, οὔτε δεινότητ’ οὔτ’ ἀλαζονείαν ἐπανοίσω, οὐδὲ προσποιήσομαι δι’ οὐδὲν ἄλλο γιγνώσκειν καὶ προαισθάνεσθαι πλὴν δι’ ἃν ὑμῖν εἴπω, | |
| 5 | δύο· ἓν μέν, ὦ ἄνδρες Ἀθηναῖοι, δι’ εὐτυχίαν, ἣν συμπάσης ἐγὼ τῆς ἐν ἀνθρώποις οὔσης δεινότητος καὶ σοφίας ὁρῶ | |
Pax.12 | κρατοῦσαν· ἕτερον δέ, προῖκα τὰ πράγματα κρίνω καὶ λογί‐ ζομαι, καὶ οὐδὲν λῆμμ’ ἂν οὐδεὶς ἔχοι πρὸς οἷς ἐγὼ πεπολί‐ τευμαι καὶ λέγω δεῖξαι προσηρτημένον. ὀρθὸν οὖν, ὅ τι ἄν ποτ’ ἀπ’ αὐτῶν ὑπάρχῃ τῶν πραγμάτων, τὸ συμφέρον | |
| 5 | φαίνεταί μοι. ὅταν δ’ ἐπὶ θάτερ’ ὥσπερ εἰς τρυτάνην ἀρ‐ | |
| γύριον προσενέγκῃς, οἴχεται φέρον καὶ καθείλκυκε τὸν λογισμὸν ἐφ’ αὑτό, καὶ οὐκ ἂν ἔτ’ ὀρθῶς οὐδ’ ὑγιῶς ὁ τοῦτο ποιήσας περὶ οὐδενὸς λογίσαιτο. | 59 | |
Pax.13 | Ἓν μὲν οὖν ἔγωγε πρῶτον ὑπάρχειν φημὶ δεῖν, ὅπως, εἴτε συμμάχους εἴτε σύνταξιν εἴτ’ ἄλλο τι βούλεταί τις κατασκευάζειν τῇ πόλει, τὴν ὑπάρχουσαν εἰρήνην μὴ λύων τοῦτο ποιήσει, οὐχ ὡς θαυμαστὴν οὐδ’ ὡς ἀξίαν οὖσαν | |
| 5 | ὑμῶν· ἀλλ’ ὁποία τίς ποτ’ ἐστὶν αὕτη, μὴ γενέσθαι μᾶλλον εἶχε τοῖς πράγμασι καιρὸν ἢ γεγενημένη νῦν δι’ ἡμᾶς λυθῆ‐ ναι· πολλὰ γὰρ προείμεθα, ὧν ὑπαρχόντων τότ’ ἂν ἢ νῦν | |
Pax.14 | ἀσφαλέστερος καὶ ῥᾴων ἦν ἡμῖν ὁ πόλεμος. δεύτερον δ’, ὁρᾶν ὅπως μὴ προαξόμεθ’, ὦ ἄνδρες Ἀθηναῖοι, τοὺς συνελη‐ λυθότας τούτους καὶ φάσκοντας Ἀμφικτύονας νῦν εἶναι εἰς ἀνάγκην καὶ πρόφασιν κοινοῦ πολέμου πρὸς ἡμᾶς. ἐγὼ | |
| 5 | γάρ, εἰ γένοιθ’ ἡμῖν πρὸς Φίλιππον πάλιν πόλεμος δι’ Ἀμφίπολιν ἤ τι τοιοῦτον ἔγκλημ’ ἴδιον, οὗ μὴ μετέχουσι Θετταλοὶ μηδ’ Ἀργεῖοι μηδὲ Θηβαῖοι, οὐκ ἂν ἡμῖν οἴομαι | |
Pax.15 | τούτων οὐδένας πολεμῆσαι, καὶ πάντων ἥκιστα (καί μοι μὴ θορυβήσῃ μηδεὶς πρὶν ἀκοῦσαι) Θηβαίους, οὐχ ὡς ἡδέως ἔχουσιν ἡμῖν, οὐδ’ ὡς οὐκ ἂν χαρίζοιντο Φιλίππῳ, ἀλλ’ ἴσασιν ἀκριβῶς, εἰ καὶ πάνυ φησί τις αὐτοὺς ἀναισθήτους | |
| 5 | εἶναι, ὅτι, εἰ γενήσεται πόλεμος πρὸς ὑμᾶς αὐτοῖς, τὰ μὲν κακὰ πάνθ’ ἕξουσιν αὐτοί, τοῖς δ’ ἀγαθοῖς ἐφεδρεύων ἕτερος καθεδεῖται. οὔκουν προοῖντ’ ἂν αὑτοὺς εἰς τοῦτο, μὴ κοινῆς | |
Pax.16 | τῆς ἀρχῆς καὶ τῆς αἰτίας οὔσης τοῦ πολέμου. οὐδέ γ’ εἰ πάλιν πρὸς τοὺς Θηβαίους πολεμήσαιμεν δι’ Ὠρωπὸν ἤ τι τῶν ἰδίων, οὐδὲν ἂν ἡμᾶς παθεῖν ἡγοῦμαι· καὶ γὰρ ἡμῖν | |
| κἀκείνοις τοὺς βοηθοῦντας ἂν οἶμαι, εἰς τὴν οἰκείαν εἴ τις | 60 | |
| 5 | ἐμβάλοι, βοηθεῖν, οὐ συνεπιστρατεύσειν οὐδετέροις. καὶ γὰρ αἱ συμμαχίαι τοῦτον ἔχουσι τὸν τρόπον, ὧν καὶ φρον‐ | |
Pax.17 | τίσειεν ἄν τις, καὶ τὸ πρᾶγμα φύσει τοιοῦτόν ἐστιν· οὐκ ἄχρι τῆς ἴσης ἕκαστός ἐστιν εὔνους οὔθ’ ἡμῖν οὔτε Θηβαίοις, σῶς τ’ εἶναι καὶ κρατεῖν τῶν ἄλλων, ἀλλὰ σῶς μὲν εἶναι πάντες ἂν βούλοινθ’ ἕνεχ’ αὑτῶν, κρατήσαντας δὲ τοὺς ἑτέ‐ | |
| 5 | ρους δεσπότας ὑπάρχειν αὑτῶν οὐδὲ εἷς. τί οὖν ἡγοῦμαι φοβερὸν καὶ τί φυλάξασθαι δεῖν ἡμᾶς; μὴ κοινὴν πρόφασιν καὶ κοινὸν ἔγκλημ’ ὁ μέλλων πόλεμος πρὸς ἅπαντας λάβῃ. | |
Pax.18 | εἰ γὰρ Ἀργεῖοι μὲν καὶ Μεσσήνιοι καὶ Μεγαλοπολῖται καί τινες τῶν λοιπῶν Πελοποννησίων, ὅσοι ταὐτὰ τούτοις φρο‐ νοῦσι, διὰ τὴν πρὸς Λακεδαιμονίους ἡμῖν ἐπικηρυκείαν ἐχθρῶς σχήσουσι καὶ τὸ δοκεῖν ἐκδέχεσθαί τι τῶν ἐκείνοις | |
| 5 | πεπραγμένων, Θηβαῖοι δ’ ἔχουσι μέν, ὡς λέγουσιν, ἀπεχθῶς, ἔτι δ’ ἐχθροτέρως σχήσουσιν, ὅτι τοὺς παρ’ ἐκείνων φεύ‐ γοντας σῴζομεν καὶ πάντα τρόπον τὴν δυσμένειαν ἐνδεικνύμεθ’ | |
Pax.19 | αὐτοῖς, Θετταλοὶ δ’, ὅτι τοὺς Φωκέων φυγάδας σῴζομεν, Φίλιππος δ’, ὅτι κωλύομεν αὐτὸν κοινωνεῖν τῆς ἀμφικτυο‐ νίας, φοβοῦμαι μὴ πάντες περὶ τῶν ἰδίων ἕκαστος ὀργιζό‐ μενος κοινὸν ἐφ’ ἡμᾶς ἀγάγωσι τὸν πόλεμον, τὰ τῶν Ἀμ‐ | |
| 5 | φικτυόνων δόγματα προστησάμενοι, εἶτ’ ἐπισπασθῶσιν ἕκαστοι πέρα τοῦ συμφέροντος ἑαυτοῖς [ἡμῖν πολεμῆσαι], | |
Pax.20 | ὥσπερ καὶ περὶ Φωκέας. ἴστε γὰρ δήπου τοῦθ’ ὅτι νῦν Θηβαῖοι καὶ Φίλιππος καὶ Θετταλοί, οὐχὶ ταὔθ’ ἕκαστοι μάλιστ’ ἐσπουδακότες, ταὐτὰ πάντες ἔπραξαν· οἷον Θηβαῖοι τὸν μὲν Φίλιππον παρελθεῖν καὶ λαβεῖν τὰς παρόδους οὐκ | |
| 5 | ἐδύναντο κωλῦσαι, οὐδέ γε τῶν αὑτοῖς πεπονημένων ὕστατον | |
Pax.21 | ἐλθόντα τὴν δόξαν ἔχειν· νυνὶ γὰρ Θηβαίοις πρὸς μὲν τὸ | |
| τὴν χώραν κεκομίσθαι πέπρακταί τι, πρὸς δὲ τιμὴν καὶ δόξαν αἴσχιστα· εἰ γὰρ μὴ παρῆλθε Φίλιππος, οὐδὲν ἂν αὐτοῖς κέρδος εἶναι. ταῦτα δ’ οὐκ ἐβούλοντο, ἀλλὰ τῷ | 61 | |
| 5 | τὸν Ὀρχομενὸν καὶ τὴν Κορώνειαν λαβεῖν ἐπιθυμεῖν, μὴ | |
Pax.22 | δύνασθαι δέ, πάντα ταῦθ’ ὑπέμειναν. Φίλιππον τοίνυν τινὲς μὲν δήπου τολμῶσι λέγειν ὡς οὐδ’ ἐβούλετο Θηβαίοις Ὀρχομενὸν καὶ Κορώνειαν παραδοῦναι, ἀλλ’ ἠναγκάσθη· ἐγὼ δὲ τούτοις μὲν ἐρρῶσθαι λέγω, ἐκεῖνο δ’ οἶδ’, ὅτι οὐ | |
| 5 | μᾶλλόν γε ταῦτ’ ἔμελ’ αὐτῷ ἢ τὰς παρόδους λαβεῖν ἐβού‐ λετο καὶ τὴν δόξαν τοῦ πολέμου τοῦ δοκεῖν δι’ αὑτὸν κρίσιν εἰληφέναι, καὶ τὰ Πύθια θεῖναι δι’ αὑτοῦ, καὶ ταῦτ’ ἦν ὧν | |
Pax.23 | μάλιστ’ ἐγλίχετο. Θετταλοὶ δέ γ’ οὐδέτερ’ ἐβούλοντο τού‐ των, οὔτε Θηβαίους οὔτε τὸν Φίλιππον μέγαν γίγνεσθαι (ταῦτα γὰρ πάντ’ ἐφ’ ἑαυτοὺς ἡγοῦντο), τῆς πυλαίας δ’ ἐπε‐ θύμουν καὶ τῶν ἐν Δελφοῖς, πλεονεκτημάτων δυοῖν, κύριοι | |
| 5 | γενέσθαι· τῷ δὲ τούτων γλίχεσθαι τάδε συγκατέπραξαν. τῶν τοίνυν ἰδίων ἕνεχ’ εὑρήσεθ’ ἕκαστον πολλὰ προηγμένον ὧν οὐδὲν ἐβούλετο πρᾶξαι. τοῦτο μέντοι, τοῦτ’ ἔστιν φυλακτέον ἡμῖν. | |
Pax.24 | Τὰ κελευόμεν’ ἡμᾶς ἄρα δεῖ ποιεῖν ταῦτα φοβουμένους; καὶ σὺ ταῦτα κελεύεις; πολλοῦ γε καὶ δέω. ἀλλ’ ὡς οὔτε πράξομεν οὐδὲν ἀνάξιον ἡμῶν αὐτῶν οὔτ’ ἔσται πόλεμος, νοῦν δὲ δόξομεν πᾶσιν ἔχειν καὶ τὰ δίκαια λέγειν, τοῦτ’ | |
| 5 | οἶμαι δεῖν ποιεῖν. πρὸς δὲ τοὺς θρασέως ὁτιοῦν οἰο‐ μένους ὑπομεῖναι δεῖν καὶ μὴ προορωμένους τὸν πόλεμον, ἐκεῖνα βούλομαι λογίσασθαι. ἡμεῖς Θηβαίους ἐῶμεν ἔχειν | |
| Ὠρωπόν· καὶ εἴ τις ἔροιθ’ ἡμᾶς, κελεύσας εἰπεῖν τἀληθῆ, | 62 | |
Pax.25 | διὰ τί; ἵνα μὴ πολεμῶμεν, φαῖμεν ἄν. καὶ Φιλίππῳ νυνὶ κατὰ τὰς συνθήκας Ἀμφιπόλεως παρακεχωρήκαμεν, καὶ Καρδιανοὺς ἐῶμεν ἔξω Χερρονησιτῶν τῶν ἄλλων τετάχθαι, καὶ τὸν Κᾶρα τὰς νήσους καταλαμβάνειν, Χίον καὶ Κῶν καὶ | |
| 5 | Ῥόδον, καὶ Βυζαντίους κατάγειν τὰ πλοῖα, δῆλον ὅτι τὴν ἀπὸ τῆς εἰρήνης ἡσυχίαν πλειόνων ἀγαθῶν αἰτίαν εἶναι νομίζοντες ἢ τὸ προσκρούειν καὶ φιλονικεῖν περὶ τούτων. οὐκοῦν εὔηθες καὶ κομιδῇ σχέτλιον, πρὸς ἑκάστους καθ’ ἕν’ οὕτω προσενηνεγμένους περὶ τῶν οἰκείων καὶ ἀναγκαιοτάτων, | |
| 10 | πρὸς πάντας περὶ τῆς ἐν Δελφοῖς σκιᾶς νυνὶ πολεμῆσαι. | 63 |