|
TLG 0007 125 :: PLUTARCHUS :: Aetia physica (911c–919e) PLUTARCHUS Biogr.
Phil. Aetia physica (911c–919e) Source: Hubert, C. (ed.), Plutarchi moralia, vol. 5.3, 2nd edn. Leipzig: Teubner, 1960: 1–26. = Quaestiones naturales Citation: Stephanus page — section — (line) | ||
t1 | ΑΙΤΙΑ ΦΥΣΙΚΑ | |
911C | Αʹ. Διὰ τί τὸ θαλάττιον ὕδωρ οὐ τρέφει τὰ δένδρα; | |
| 2 | Πότερον δι’ ἣν αἰτίαν οὐδὲ τῶν ζῴων τὰ χερσαῖα; ζῷον γὰρ ἔγγαιον τὸ φυτὸν εἶναι οἱ περὶ Πλάτωνα καὶ | |
|---|---|---|
911D | Ἀναξαγόραν (A 116. 117) καὶ Δημόκριτον οἴονται· οὐ γὰρ διότι τοῖς ἐναλίοις φυτοῖς τρόφιμόν ἐστι καὶ πότιμον ὥσπερ τοῖς ἰχθύσιν, ἤδη καὶ τὰ ἐν τῇ χέρσῳ φυτά τε καὶ δένδρα τρέφει· οὔτε γὰρ ἐνδύεται ταῖς ῥίζαις ὑπὸ πάχους | |
| 5 | οὔτ’ ἀναφέρεται ὑπὸ βάρους· ὅτι δ’ ἐμβριθές ἐστι καὶ γεῶδες, ἄλλοις τε πολλοῖς ἀποδείκνυται καὶ τῷ μᾶλλον ἀνέχειν καὶ ὑπερείδειν τὰ πλοῖα καὶ τοὺς κολυμβῶντας. | |
| ἢ μάλιστα μὲν βλάπτεται ξηρότητι τὰ δένδρα, ξη‐ ραντικὸν δὲ τὸ θαλάττιον; ὅθεν πρός γε τὰς σήψεις οἱ | 1 | |
| 10 | ἅλες βοηθοῦσι, καὶ τὰ σώματα τῶν λουσαμένων ἐν θα‐ λάττῃ ξηρὰν εὐθὺς ἴσχει καὶ τραχεῖαν τὴν ἐπιφάνειαν. | |
911E | ἢ τὸ μὲν ἔλαιον τοῖς φυτοῖς πολέμιον καὶ φθείρει τὰ προσαλειφόμενα, μετέχει δὲ πολλῆς ἡ θάλαττα λιπαρότη‐ τος· διὸ συνεξάπτει, καὶ παραινοῦμεν εἰς τὰς φλόγας μὴ ἐμβάλλειν θαλάττιον ὕδωρ. ἢ γέγονεν ἄποτον καὶ πι‐ | |
| 5 | κρὸν τὸ ὕδωρ, ὡς Ἀριστοτέλης φησίν (Meteor. II 358a 14), ἀναμίξει κατακεκαυμένης γῆς; καὶ γὰρ ἡ κονία γίνεται γλυ‐ κέος ὕδατος εἰς τέφραν ἐμπεσόντος, ἡ δὲ διάκαυσις ἐξί‐ στησι καὶ φθείρει τὸ χρηστὸν καὶ πότιμον, ὡς ἐν ἡμῖν οἱ πυρετοὶ τὸ ὑγρὸν εἰς χολὴν τρέπουσιν. ἃ δ’ ἱστοροῦσιν ἐν | |
| 10 | τῇ Ἐρυθρᾷ θαλάσσῃ βλαστάνειν ὑλήματα καὶ φυτά, καρ‐ πὸν μὲν οὐδένα φέρει τρέφεται δὲ τοῖς ποταμοῖς πολλὴν | |
911F | ἐμβάλλουσιν ἰλύν· ὅθεν οὐ πρόσω τῆς γῆς ἀλλὰ πλησίον ἔχει τὴν γένεσιν. | |
| 2 | Βʹ. Διὰ τί μᾶλλον ὑπὸ τῶν ὑετίων ἢ τῶν ἐπιρρύτων ὑδάτων | |
| 5 | τὰ δένδρα καὶ τὰ σπέρματα πέφυκε τρέφεσθαι; | |
| 5 | Πότερον, ὡς Λαῖτος ἔλεγε, τῇ πληγῇ τὰ ὄμβρια δι‐ | |
| ιστάντα τὴν γῆν πόρους ποιεῖ καὶ διαδύεται μᾶλλον εἰς τὴν ῥίζαν; ἢ τοῦτο μὲν οὐκ ἀληθές, ἀλλ’ ἔλαθε τὸν | 2 | |
912A | Λαῖτον | ὅτι καὶ τὰ λιμναῖα φυτά, τίφη καὶ φλέως καὶ θρύον, ἀναυξῆ καὶ ἀβλαστῆ μένει μὴ γενομένων ὄμβρων καθ’ ὥραν· τὸ δὲ τοῦ Ἀριστοτέλους (fr. 215 R.) ἀληθές, ὅτι πρόσφατόν ἐστι καὶ νέον ὕδωρ τὸ ὑόμενον ἕωλον δὲ καὶ | |
| 5 | παλαιὸν τὸ λιμναῖον; ἢ καὶ τοῦτο πιθανὸν μᾶλλον ἢ ἀληθές ἐστι; τὰ γὰρ πηγαῖα καὶ ποτάμια νάματα πρόσ‐ φατα μέν ἐστι καὶ νεογενῆ (‘ποταμοῖς γὰρ δὶς τοῖς αὐ‐ τοῖς οὐκ ἂν ἐμβαίησ‘ ὥς φησιν Ἡράκλειτος (fr. 91. 49a. 12), ἕτερα γὰρ ἐπιρρεῖ ὕδατα), τρέφει δὲ καὶ ταῦτα τῶν | |
| 10 | ὀμβρίων χεῖρον. ἆρ’ οὖν κοῦφόν ἐστι τὸ ἐκ Διὸς ὕδωρ καὶ ἀερῶδες, καὶ πνεύματι μεμιγμένον ὁδηγεῖται καὶ ἀνα‐ | |
912B | πέμπεται ταχέως εἰς τὸ φυτὸν ὑπὸ λεπτότητος, δι’ ὃ καὶ πομφόλυγας ποιεῖ τῇ ἀναμίξει τοῦ ἀέρος; ἢ τρέφει μὲν μάλιστα 〈τὸ μάλιστα〉 κρατούμενον ὑπὸ τοῦ τρεφο‐ μένου (τοῦτο γάρ ἐστι πέψις· ἀπεψία δὲ τοὐναντίον, ὅταν | |
| 5 | ἰσχυρότερα τοῦ παθεῖν ᾖ), καὶ μεταβάλλει τὰ λεπτὰ καὶ ἁπλᾶ καὶ ἄχυμα μᾶλλον, οἷόν ἐστι τὸ ὄμβριον ὕδωρ; γεν‐ | |
| νώμενον γὰρ ἐν ἀέρι καὶ πνεύματι καθαρὸν καὶ ἀμιγὲς κάτεισι· τὰ δὲ πηγαῖα καὶ τῇ γῇ καὶ τοῖς τόποις ὁμοιού‐ μενα, δι’ ὧν ἔξεισι, πολλῶν ἀναπίμπλαται ποιοτήτων, δι’ | 3 | |
| 10 | ἃς ἧττόν ἐστιν εὔτρεπτα καὶ βράδιον αὑτὰ παρέχει τῇ πέψει μεταβάλλειν εἰς τὸ τρεφόμενον. τῶν δ’ ὀμβρίων | |
912C | τὸ εὔτρεπτον αἱ σήψεις κατηγοροῦσιν· εὐσηπτότερα γάρ ἐστι τῶν ποταμίων καὶ φρεατιαίων, ἡ δὲ πέψις ἔοικεν εἶναι σῆψις, ὡς Ἐμπεδοκλῆς (fr. 81) μαρτυρεῖ λέγων | |
| 4 | ||
| 5 | ‘οἶνος ἀπὸ φλοιοῦ πέλεται σαπὲν ἐν ξύλῳ ὕδωρ‘. | |
| 5 | ἢ πάντων ἑτοιμότατόν ἐστι καὶ ῥᾷστον αἰτιάσασθαι τὸ γλυκὺ τῶν ὀμβρίων καὶ χρηστόν, ἐκπεμπόμενον εὐθὺς ὑπὸ τοῦ πνεύματος; διὸ καὶ τὰ θρέμματα τούτων ἀπο‐ λαύει προθυμότερον, καὶ οἱ βάτραχοι προσδοκῶντες ὄμ‐ | |
| 10 | βρον ἐπιλαμπρύνουσι τὴν φωνὴν ὑπὸ χαρᾶς, ὥσπερ ἥδυ‐ σμα τοῦ λιμναίου τὸ ὑέτιον προσδεχόμενοι καὶ σπέρμα τῆς ἐκείνων γλυκύτητος· ἓν γὰρ καὶ τοῦτο ποιεῖται | |
912D | σημεῖον ὑετοῦ μέλλοντος Ἄρατος εἰπών (Phaen. 946 sq.) | |
| 2 | ‘ἦ μάλα δείλαιαι γενεαί, ὕδροισιν ὄνειαρ, | |
| αὐτόθεν ἐκ λίμνης πατέρες βοόωσι γυρίνων.‘ | 4 | |
| 5 | Γʹ. Διὰ τί παραβάλλουσι τοῖς θρέμμασιν ἅλας οἱ νομεῖς; | |
| 6 | Πότερον, ὡς οἱ πολλοὶ νομίζουσι, πλήθους τροφῆς ἕνεκα καὶ τοῦ παχύνειν; τήν τε γὰρ ὄρεξιν ἡ δριμύτης ἐκκαλεῖται καὶ τοὺς πόρους ἀναστομοῦσα μᾶλλον ὁδοποιεῖ | |
| 10 | τῇ τροφῇ πρὸς τὴν ἀνάδοσιν· διὸ καὶ τοὺς ἰσχνοὺς καὶ τοὺς ἀτρόφους Ἀπολλώνιος ὁ Ἡροφίλειος ἐκέλευε μὴ γλυ‐ κεῖ μηδὲ χονδρῷ τρέφειν ἀλλὰ τοῖς ταριχευτοῖς καὶ ὑφαλ‐ | |
912E | μυρίζουσιν, ὧν ἡ λεπτότης, ὥσπερ ἐντρίχωμα γενομένη, τὰ σιτία τοῖς σώμασι διὰ τῶν πόρων προστίθησιν. ἢ μᾶλλον ὑγιείας ἕνεκα καὶ συγκοπῆς πλήθους τὸν ἅλα λεί‐ χειν ἐθίζουσι τὰ βοσκήματα; νοσεῖ γὰρ ἄγαν πιαινόμενα, | |
| 5 | τὴν δὲ πιμελὴν τήκουσιν οἱ ἅλες καὶ διαχέουσιν· ὅθεν εὐ‐ μαρῶς καὶ ῥᾳδίως ἀποδέρουσιν αὐτὰ σφάξαντες· ἡ γὰρ κολλῶσα καὶ συνδέουσα τὸ δέρμα πιμελὴ λεπτὴ καὶ ἀσθε‐ νὴς γέγονεν ὑπὸ τῆς δριμύτητος. λεπτύνεται δὲ καὶ τὸ αἷμα τῶν [τὸ] ἅλας λειχόντων οὐδὲ πήγνυται τὰ ἐντὸς | |
| 10 | ἁλῶν μιγέντων. σκόπει δέ, μὴ καὶ γονιμώτερα καὶ προθυμότερα πρὸς τὰς συνουσίας· καὶ γὰρ αἱ κύνες | |
912F | κύουσι ταχέως τάριχος ἐπεσθίουσαι, καὶ τὰ ἁληγὰ τῶν | |
| πλοίων πλείους τρέφει μῦς διὰ τὸ πολλάκις συμπλέκεσθαι. Δʹ. Διὰ τί τῶν ὀμβρίων ὑδάτων εὐαλδέστερα τοῖς | 5 | |
| 5 | σπέρμασι τὰ μετὰ βροντῶν καὶ ἀστραπῶν, ἃ δὴ καὶ ἀστραπαῖα καλοῦσι; | |
| 6 | Πότερον ὅτι πνευματώδη διὰ τὴν τοῦ ἀέρος ταραχὴν καὶ ἀνάμιξιν, τὸ δὲ πνεῦμα τὴν ὑγρότητα κινοῦν μᾶλλον ἀναπέμπει καὶ ἀναδίδωσιν; ἢ βροντὰς μὲν καὶ | | |
913A | ἀστραπὰς ποιεῖ τὸ θερμὸν ἐν τῷ ἀέρι πρὸς τὸ ψυχρὸν μα‐ χόμενον (διὸ χειμῶνος ἥκιστα βροντᾷ μάλιστα δ’ ἔαρος καὶ φθινοπώρου διὰ τὴν ἀνωμαλίαν τῆς κράσεως), ἡ δὲ θερμότης πέττουσα τὸ ὑγρὸν προσφιλὲς ποιεῖ τοῖς βλα‐ | |
| 5 | στάνουσι καὶ ὠφέλιμον; ἢ μάλιστα μὲν ἔαρος βροντᾷ καὶ ἀστράπτει διὰ τὴν εἰρημένην αἰτίαν, τὰ δ’ ἐαρινὰ τῶν ὑδάτων ἀναγκαιότερα τοῖς σπέρμασι πρὸ τοῦ θέρους, ὅθεν ἡ πλεῖστον ὑομένη τοῦ ἔαρος χώρα καθάπερ ἡ ἐν Σικελίᾳ πολλοὺς καὶ ἀγαθοὺς καρποὺς ἀναδίδωσιν; | |
| 9 | ||
| 10 | Εʹ. Διὰ τί τῶν χυμῶν, ὀκτὼ τῷ γένει ὄντων, ἕνα μόνον, τὸν | |
913B | ἁλμυρόν, ἀπ’ οὐδενὸς καρποῦ γεννώμενον ὁρῶμεν; καίτοι καὶ τὸν πικρὸν ἡ ἐλαία φέρει πρῶτον καὶ τὸν ὀξὺν ὁ βό‐ τρυς, εἶτα μεταβάλλων ὁ μὲν γίνεται λιπαρὸς ὁ δ’ οἰνώ‐ | |
| δης· μεταβάλλει δὲ καὶ ὁ στρυφνὸς ἐν ταῖς φοινικοβαλά‐ | 6 | |
| 5 | νοις καὶ ὁ αὐστηρὸς ἐν ταῖς ῥόαις εἰς τὸν γλυκύν· ἔνιαι δὲ ῥόαι καὶ μῆλα τὸν ὀξὺν ἁπλῶς φέρουσιν, ὁ δὲ δριμὺς ἐν ταῖς ῥίζαις καὶ σπέρμασι πολύς ἐστι. | |
| 7 | Πότερον οὖν οὐκ ἔστιν ἁλμυροῦ γένεσις ἀλλὰ φθορὰ τῶν ἄλλων τὸ ἁλμυρόν, διὸ καὶ πᾶσιν ἄτροφον τοῖς ἀπὸ | |
| 10 | φυτῶν καὶ σπερμάτων τρεφομένοις, ἥδυσμα δ’ ἐνίοις γί‐ νεται τῷ τὸ πλήσμιον ἀφαιρεῖν τῶν τρεφόντων; ἤ, | |
913C | καθάπερ τῆς θαλάττης ἕψοντες ἀφαιροῦσι τὸ ἁλυκὸν καὶ δηκτικόν, ἐν τοῖς θερμοῖς ὑπὸ θερμότητος ἐξαμαυροῦται τὸ ἁλμυρόν; ἢ χυμὸς μέν ἐστιν, ὡς Πλάτων (Tim. 59e) εἶπεν, ὕδωρ ἠθημένον διὰ φυτοῦ, διηθουμένη δὲ καὶ θά‐ | |
| 5 | λαττα τὸ ἁλμυρὸν ἀποβάλλει; γεῶδες γὰρ καὶ παχυμερές ἐστιν, ὅθεν ὀρύττοντες παρὰ τὸν αἰγιαλὸν ἐντυγχάνουσι ποτίμοις λιβαδίοις, πολλοὶ δὲ καὶ κηρίνοις ἀγγείοις ἀνα‐ λαμβάνουσιν ἐκ τῆς θαλάττης ὕδωρ γλυκὺ διηθούμενον, ἀποκρινομένου τοῦ ἁλυκοῦ καὶ γεώδους· ἡ δὲ δι’ ἀργίλου | |
| 10 | προδιαγωγὴ παντάπασι τὴν θάλατταν διηθουμένην πότι‐ | |
913D | μον ἀποδίδωσι τῷ κατέχειν ἐν ἑαυτῇ καὶ μὴ διιέναι τὸ γεῶδες. οὕτω δὲ τούτων ἐχόντων, εἰκός ἐστι τὰ φυτὰ μήτ’ ἔξωθεν ἀναλαμβάνειν ἁλμυρίδα μήτ’, ἂν ἐν αὐτοῖς λάβῃ γένεσιν, ἐκκρίνειν εἰς τὸν καρπόν· οἱ γὰρ πόροι διὰ λεπτό‐ | |
| 5 | τητα τὸ γεῶδες καὶ παχυμερὲς οὐ διηθοῦσιν. ἢ τῆς πικρότητος εἶδος τὴν ἁλμυρότητα θετέον, ὡς Ὅμηρος (ε 322) | 7 |
| 7 | ‘στόματος δ’ ἐξέπτυσεν ἅλμην πικρήν, ἥ οἱ πολλὴ ἀπὸ κρατὸς κελάρυζε‘, | |
| 9 | ||
| 10 | καὶ ὁ Πλάτων (tim. 65d e) φησὶν ἀμφοτέρους ῥύπτειν καὶ ἀποτήκειν τοὺς χυμούς, ἧττον δὲ ταῦτα ποιεῖν τὸν ἁλυκὸν καὶ οὐ τραχὺν εἶναι· δόξει δὲ τὸ πικρὸν τοῦ ἁλυ‐ | |
913E | κοῦ ξηρότητος ὑπερβολῇ διαφέρειν, ἐπεὶ ξηραντικόν τι καὶ τὸ ἁλυκόν. | |
| 2 | ϛʹ. Διὰ τί τοῖς συνεχῶς διὰ τῶν δεδροσισμένων δένδρων βαδί‐ | |
| 5 | ζουσι λέπραν ἴσχει τὰ ψαύοντα τῆς ὕλης μόρια τοῦ σώ‐ ματος; | |
| 6 | Πότερον, ὡς Λαῖτος ἔλεγε, τῇ λεπτότητι τὸ δροσῶδες ὑγρὸν ἀποξύει τοῦ χρωτός· ἤ, καθάπερ ἐρυσίβη [ἢ] τοῖς ὑγραινομένοις ἐγγίνεται σπέρμασιν, οὕτως ὑπὸ τῆς δρό‐ | |
| 10 | σου τῶν ἐπιπολῆς χλωρῶν καὶ ἁπαλῶν ἀναχαρασσομέ‐ νων καὶ ἀποτηκομένων ἄχνη τις ἀπιοῦσα τοῦ σίνοντος ἀναπίμπλησι, προσχεομένη τοῖς ἀναιμοτάτοις μέρεσι τῆς σαρκός, οἷα κνῆμαι καὶ πόδες, 〈καὶ〉 ἀμύσσει καὶ δάκνει | |
913F | τὴν ἐπιφάνειαν; ὅτι γὰρ φύσει τι δηκτικὸν ἔνεστι τῇ δρό‐ | |
| σῳ, μαρτυρεῖ τὸ τοὺς πίονας ἰσχνοτέρους ποιεῖν· αἱ γοῦν πίονες γυναῖκες ἱματίοις ἢ ἐρίοις ἁπαλοῖς ἀναλαμβάνου‐ σαι τῆς δρόσου δοκοῦσι συντήκειν τὴν πολυσαρκίαν. | 8 | |
| 4 | ||
| 5 | Ζʹ. Διὰ τί τὰ πλοῖα χειμῶνος ἐν τοῖς ποταμοῖς πλεῖ βράδιον, ἐν δὲ τῇ θαλάττῃ οὐ παραπλησίως; | |
| 7 | Πότερον ὁ ποτάμιος ἀήρ, ἀεὶ δυσκίνητος ὢν καὶ βαρὺς ἐν δὲ χειμῶνι μᾶλλον παχυνόμενος διὰ τὴν περίψυξιν, | |
| 10 | ἐμποδών ἐστι τοῖς πλέουσιν; ἢ τοῦτο μᾶλλον τοῦ | |
914A | ἀέρος πάσχουσιν οἱ ποταμοί; | 〈συν〉ελαύνουσα γὰρ ἡ ψυχρότης τὸ ὕδωρ ποιεῖ βαρὺ καὶ σωματῶδες, ὡς ἔστιν ἐν ταῖς κλεψύδραις καταμαθεῖν, βράδιον γὰρ ἕλκουσι χει‐ μῶνος ἢ θέρους· ἐν δὲ Θρᾴκῃ περὶ τὸ Πάγγαιον ἱστορεῖ | |
| 5 | Θεόφραστος (fr. 161 Wi.) εἶναι κρήνην, ἀφ’ ἧς ταὐτὸ γέ‐ μον 〈ἀγγεῖον〉 ὕδατος ἱστάμενον χειμῶνος ἕλκειν διπλά‐ σιον σταθμὸν ἢ θέρους. ὅτι δ’ ἡ πυκνότης τοῦ ὕδατος τὴν βραδυτῆτα ποιεῖ τοῦ πλοῦ, δῆλόν ἐστι τῷ πλείονα γόμον φέρειν τὰ ποτάμια πλοῖα τοῦ χειμῶνος· τὸ γὰρ ὕδωρ μᾶλ‐ | |
| 10 | λον ἀντερείδει πυκνότερον καὶ βαρύτερον γινόμενον, τὴν δὲ θάλατταν ἡ θερμότης κωλύει πυκνοῦσθαι, δι’ ἣν οὐδὲ | |
914B | πήγνυται, μάλκη γὰρ ἔοικεν εἶναι [ἡ] πύκνωσις. | |
| 1 | Ηʹ. Διὰ τί, τῶν ἄλλων ὑγρῶν ἐν τῷ κινεῖσθαι καὶ στρέφε‐ σθαι ψυχομένων, τὴν θάλατταν ὁρῶμεν ἐν τῷ κυματοῦ‐ | |
| 5 | σθαι θερμοτέραν γιγνομένην; | |
| 5 | Ἦ τῶν μὲν ἄλλων ὑγρῶν ἐπεισόδιον οὖσαν καὶ ἀλλο‐ | |
| τρίαν ἐξίστησιν ἡ κίνησις τὴν θερμότητα καὶ διαφορεῖ, τὴν δὲ τῆς θαλάττης σύμφυτον οὖσαν ἐκριπίζουσι μᾶλλον οἱ ἄνεμοι καὶ τρέφουσι; μαρτύρια δὲ τῆς θερμότητος ἡ | 9 | |
| 10 | διαύγεια καὶ τὸ μὴ πήγνυσθαι, καίπερ οὖσαν γεώδη καὶ βαρεῖαν. | |
| 11 | Θʹ. Διὰ τί τοῦ χειμῶνος ἧττον πικρὰ γίνεται γευομένοις ἡ θάλαττα; τοῦτο γάρ φασι καὶ Διονύσιον ἱστορεῖν τὸν | |
| 15 | ὑδραγωγόν. | |
| 15 | ||
914C | 〈Ἦ〉 ὅτι παντελῶς μὲν ἔρημος οὐκ ἔστι γλυκύτητος οὐδ’ ἄμοιρος ἡ πικρότης, ἅτε δὴ ποταμοὺς τοσούτους ὑποδεχομένης τῆς θαλάττης· τοῦ δ’ ἡλίου τὸ γλυκὺ καὶ πότιμον ἐξαιροῦντος ὑπὸ κουφότητος [τὸ] ἐπιπολάζον καὶ | |
| 5 | μᾶλλον ἐν τῷ θέρει τοῦτο ποιοῦντος, ἐν δὲ τῷ χειμῶνι μαλακώτερον ἁπτομένου δι’ ἀσθένειαν θερμότητος, ὑπο‐ λειπομένη μοῖρα πολλὴ γλυκύτητος ἀνίησι τὸ ἀκράτως πι‐ κρὸν καὶ φαρμακῶδες; τοῦτο δ’ ἡσυχῆ καὶ τοῖς ποτίμοις συμβέβηκε· θέρους γὰρ πονηρότερα γίνεται, τὸ κουφότα‐ | |
| 10 | τον καὶ γλυκύτατον τοῦ θερμοῦ διαφοροῦντος, ἐν δὲ χει‐ | |
914D | μῶνι νέον ἐπιρρεῖ καὶ πρόσφατον, οὗ μετέχειν ἀνάγκη καὶ τὴν θάλατταν, ὑομένην ἅμα καὶ τῶν ποταμῶν ἐπιδι‐ δόντων. | |
| 3 | Ιʹ. | |
| 5 | Διὰ τί τῷ οἴνῳ θάλασσαν παραχέουσι καὶ χρησμόν τινα | |
| λέγουσιν ἁλιεῖς κομισθῆναι προστάττοντα βαπτίζειν τὸν Διόνυσον πρὸς τὴν θάλατταν, οἱ δὲ πόρρω θαλάττης ἐμβάλλουσι γύψον Ζακυνθίαν ὀπτήσαντες; | 10 | |
| 8 | Πότερον ἡ θερμότης βοηθεῖ πρὸς τὴν περίψυξιν, ἢ αὐ‐ | |
| 10 | τὴ ἐξίστησι μάλιστα τὸν οἶνον ἀποσβεννύουσα καὶ φθεί‐ ρουσα τὴν δύναμιν; ἢ τὸ ὑδατῶδες καὶ πνευματῶδες τοῦ οἴνου πρὸς μεταβολὴν ἐπισφαλέστατ’ ἔχον ἵστησι τὰ γεώδη πεφυκότα στύφειν καὶ κατισχναίνειν, οἱ δ’ ἅλες μετὰ τῆς θαλάττης λεπτύνοντες καὶ ἀποτήκοντες τὸ ἀλ‐ | |
914E | λότριον καὶ περιττὸν οὐκ ἐῶσι δυσωδίαν οὐδὲ σῆψιν ἐγ‐ γίνεσθαι; πρὸς δὲ τούτοις, ὅσον ἐστὶ παχὺ καὶ γεῶδες, ἐμπλεκόμενον τοῖς βαρυτέροις καὶ συγκατασπώμενον ὑποστάθμην ποιεῖ καὶ τρύγα τὸν δ’ οἶνον ἀπολείπει | |
| 5 | καθαρόν; | |
| 5 | ΙΑʹ. Διὰ τί μᾶλλον ναυτιῶσι τὴν θάλατταν πλέοντες ἢ τοὺς ποταμούς, κἂν ἐν γαλήνῃ πλέωσι; | |
| 8 | 〈Ἦ ὅτι〉 μάλιστα ναυτίαν κινεῖ τῶν αἰσθήσεων ἡ | |
| 10 | ὄσφρησις, τῶν δὲ παθῶν ὁ φόβος; καὶ γὰρ τρέμουσι καὶ φρίττουσι καὶ κοιλίας ἐξυγραίνονται φαντασίαν κινδύνου λαβόντες. τούτων δ’ οὐδέτερον ἐνοχλεῖ τοῖς διὰ ποταμοῦ πλέουσιν· ἡ γὰρ ὄσφρησις παντὶ ποτίμῳ καὶ γλυκεῖ συν‐ ήθης ἐστὶν ὁ δὲ πλοῦς ἀκίνδυνος. ἐν δὲ τῇ θαλάττῃ τήν | |
914F | τ’ ὀσμὴν ἀηθείᾳ δυσχεραίνουσι καὶ φοβοῦνται, μὴ πι‐ στεύοντες τῷ παρόντι, περὶ τοῦ μέλλοντος· οὐδὲν οὖν ὄφελος τῆς ἔξω γαλήνης, ἀλλὰ [καὶ] ἡ ψυχὴ σάλον ἔχουσα καὶ θορυβουμένη συγκινεῖ καὶ ἀναπίμπλησι τὸ | |
| 5 | σῶμα τῆς ταραχῆς. ΙΒʹ. Διὰ τί τῆς θαλάττης ἐλαίῳ καταρραινομένης γίνεται καταφάνεια καὶ γαλήνη; | 11 |
| 8 | Πότερον, ὡς Ἀριστοτέλης φησί, τὸ πνεῦμα τῆς λειό‐ | |
| 10 | τητος ἀπολισθαῖνον οὐ ποιεῖ πληγὴν οὐδὲ σάλον; ἢ τοῦτο | |
915A | μὲν πιθανῶς εἴρηται πρὸς τὰ ἐκτός, | ἐπεὶ δέ φασι καὶ τοὺς κατακολυμβῶντας, ὅταν ἔλαιον εἰς τὸ στόμα λα‐ βόντες ἐκφυσήσωσιν, ἐν τῷ βυθῷ φέγγος ἴσχειν καὶ δίοψιν, οὐκ ἔστιν ἐκεῖ πνεύματος ὄλισθον αἰτιάσασθαι; σκόπει | |
| 5 | δὴ μὴ τὴν θάλατταν γεώδη καὶ ἀνώμαλον οὖσαν ἐξωθεῖ καὶ διαστέλλει τῇ πυκνότητι τὸ ἔλαιον, εἶτ’ ἀνατρεχούσης εἰς αὑτὴν καὶ συστελλομένης ἀπολείπονται πόροι μεταξὺ ταῖς ὄψεσι διαύγειαν καὶ καταφάνειαν διδόντες. ἢ φύ‐ σει μέν ἐστι φωτεινὸς ὑπὸ θερμότητος ὁ τῇ θαλάττῃ κατα‐ | |
| 10 | μεμιγμένος ἀήρ, γίνεται δὲ ταραχθεὶς ἀνώμαλος καὶ σκιώ‐ δης· ὅταν οὖν τὴν ἀνωμαλίαν ἐπιλεάνῃ πυκνότητι τὸ | |
915B | ἔλαιον, ἀπολαμβάνει τὴν ὁμαλότητα καὶ τὴν διαύγειαν; | |
| 1 | ΙΓʹ. διὰ τί χειμῶνος μᾶλλον ἢ θέρους τὰ τῶν ἁλιέων σήπεται δίκτυα, καίτοι τά γ’ ἄλλα μᾶλλον ἐν τῷ θέρει τοῦτο πάσχει; | |
| 4 | ||
| 5 | Πότερον, ὡς Θεόφραστος (fr. 163 Wi.) οἴεται, τῷ ψυ‐ χρῷ τὸ θερμὸν ὑποχωροῦν ἀντιπεριίσταται καὶ θερμότερα ποιεῖ τὰ ἐν βάθει τῆς θαλάττης, ὥσπερ τῆς γῆς; διὸ καὶ τὰ πηγαῖα τῶν ὑδάτων χλιαρώτερα τοῦ χειμῶνός ἐστι καὶ μᾶλλον ἀτμίζουσιν αἱ λίμναι καὶ οἱ ποταμοί· κατακλείε‐ | |
| 10 | ται γὰρ εἰς βάθος ἡ θερμότης ὑπὸ τοῦ ψυχροῦ κρατή‐ σαντος. ἢ σῆψις μὲν οὐκ ἔστι τῶν δικτύων, ὅταν δὲ φρίξῃ καὶ παγῇ διὰ τὸ ψῦχος ἀναξηραινόμενα καὶ θρυπτό‐ | 12 |
915C | μενα, μᾶλλον ὑπὸ τοῦ κλύδωνος σήψει τι[νὶ] καὶ μυδήσει πάσχει παραπλήσιον; καὶ γὰρ πονεῖ μᾶλλον ἐν κρύει, καθ‐ άπερ τὰ νεῦρα συντεινόμενα σπαράττεται, πλεονάκις ἐκτα‐ ραττομένης διὰ τὸν χειμῶνα τῆς θαλάττης· διὸ καὶ στύ‐ | |
| 5 | φουσιν αὐτὰ ταῖς βαφαῖς καὶ πυκνοῦσι, φοβούμενοι τὰς ἀναλύσεις· ἐπεὶ μὴ βαφέντα μηδὲ χρισθέντα μᾶλλον ἂν ἐλάνθανε τοὺς ἰχθῦς, ἐνάερον γὰρ τὸ τοῦ λίνου χρῶμα καὶ ἀπατηλὸν ἐν θαλάττῃ. | |
| 8 | ΙΔʹ. | |
| 10 | Διὰ τί Δωριεῖς εὔχονται κακὴν χόρτου συγκομιδήν; | |
| 10 | Ἦ κακῶς μὲν συγκομίζεται χόρτος ὑόμενος; κόπτε‐ ται γὰρ οὐ ξηρὸς ἀλλὰ χλωρός, ὥστε σήπεται ταχὺ διά‐ | |
915D | βροχος γενόμενος· ὑόμενος δὲ πρὸ τοῦ θέρους ὁ σῖτος βοηθεῖται πρὸς τὰ θερμὰ καὶ νότια πνεύματα· ταῦτα γὰρ οὐκ ἐᾷ πυκνωθῆναι συνιστάμενον ἐν τῷ στάχυι τὸν καρπόν, ἀλλ’ ἐξίστησι καὶ διαχεῖ τῇ θερμότητι τὴν πῆξιν, | |
| 5 | ἂν μὴ βεβρεγμένης τῆς γῆς ὑγρότης παραρρέῃ ψύχουσα καὶ νοτίζουσα τὸν στάχυν. | |
| 6 | ΙΕʹ. Διὰ τί πυροφόρος ἡ πίων καὶ βαθεῖα χώρα, κριθοφόρος δὲ μᾶλλον ἡ λεπτόγεως; | |
| 9 | ||
| 10 | Ἦ ὅτι τῶν σπερμάτων τὰ ἰσχυρὰ πλείονος τροφῆς δεῖ‐ ται τὰ δ’ ἀσθενῆ λεπτῆς καὶ ἐλαφρᾶς, ἀσθενέστερον δ’ ἡ | |
| κριθὴ καὶ μανότερον· ὅθεν οὐ φέρει τὴν πολλὴν τροφὴν καὶ βαρεῖαν; μαρτυρεῖ δὲ τῷ λόγῳ τούτῳ πυροῦ τὸν τρί‐ | 13 | |
915E | μηνον ἐν τοῖς ὑποξήροις φύεσθαι βέλτιον, ἀνο〈τι〉στό‐ τερον ὄντα καὶ τροφῆς ἐλάττονος δεόμενον· διὸ καὶ συν‐ τελεῖται τάχιον. | |
| 3 | Ιϛʹ. | |
| 5 | Διὰ τί λέγεται (Carm. pop. 16 II 6 p. 34 D.2) | |
| 5 | ‘σῖτον ἐν πηλῷ φύτευε, τὴν δὲ κριθὴν ἐν κόνει‘; | |
| 6 | Πότερον, ὡς εἰρήκαμεν, ὁ μὲν δύναται πλείονος τρο‐ φῆς κατακρατεῖν ἡ δ’ οὐ φέρει τὸ πολὺ καὶ κατακλύζον, ἢ πυκνὸς ὢν ὁ πυρὸς καὶ ξυλώδης φύεται βέλτιον ἐν | |
| 10 | ὑγρῷ μαλαττόμενος καὶ χυλούμενος, τῇ δὲ κριθῇ διὰ μα‐ νότητα σύμφορον ἐν ἀρχῇ τὸ ξηρότερον; ἢ διὰ θερμότητα σύμμετρος καὶ ἀβλαβὴς ἡ κρᾶσις ψυχρότερον δ’ ἡ κριθή; ἢ φοβοῦνται τὸν πυρὸν ἐν ξηρῷ τρίβειν διὰ τοὺς μύρμη‐ | |
915F | κας, εὐθὺς γὰρ ἐπιτίθενται· τὰς δὲ κριθὰς ἧττον φέ‐ ρονται, δυσβάστακτοι γάρ εἰσι καὶ δυσπαρακόμιστοι διὰ μέγεθος; | |
| 3 | ΙΖʹ. | |
| 5 | Διὰ τί τῶν ἀρρένων ἵππων μᾶλλον ἢ τῶν θηλειῶν τὰς τρίχας εἰς τὴν ὁρμιὰν λαμβάνουσι; | |
| 6 | Πότερον, ὡς τοῖς ἄλλοις τὸ ἄρρεν τοῦ θήλεος μέρεσι, | |
916A | καὶ ταῖς θριξὶν εὐτονώτερόν ἐστιν; ἢ μᾶλλον | διὰ τὸ οὖρον οἴονται τὰς τρίχας τῶν θηλειῶν βρεχομένας γίνε‐ | |
| σθαι χείρονας; ΙΗʹ. | 14 | |
| 5 | Διὰ τί τευθὶς φαινομένη σημεῖόν ἐστι μεγάλου χειμῶνος; | |
| 5 | Ἦ πάντα φύσει τὰ μαλάκια δύσριγα διὰ γυμνότητα τῆς σαρκὸς καὶ ψιλότητα, μήτ’ ὀστράκῳ μήτε δέρματι μήτε λεπίδι σκεπομένης ἀλλ’ ἐντὸς ἐχούσης τὸ σκληρὸν καὶ ὀστεῶδες, διὸ καὶ κέκληται μαλάκια; ταχὺ δὴ προ‐ | |
| 10 | αισθάνεται δι’ εὐπάθειαν τοῦ χειμῶνος· ὅθεν ὁ μὲν πο‐ λύπους εἰς γῆν ἀνατρέχει καὶ τῶν πετριδίων ἀντιλαμβα‐ νόμενος σημεῖόν ἐστι πνεύματος ὅσον οὔπω παρόντος, ἡ | |
916B | δὲ τευθὶς ἐξάλλεται, φεύγουσα τὸ ψῦχος καὶ τὴν ἐν βάθει ταραχὴν τῆς θαλάττης· καὶ γὰρ ἔχει μάλιστα τῶν μα‐ λακίων εὔθρυπτον καὶ ἁπαλὸν τὸ σαρκῶδες. | |
| 3 | ΙΘʹ. | |
| 5 | Διὰ τί τὴν χρόαν ὁ πολύπους ἐξαλλάττει; | |
| 5 | Πότερον, ὡς Θεόφραστος (fr. 188 Wi.) ᾤετο, δειλόν ἐστι φύσει ζῷον· ὅταν οὖν ταραχθῇ τρεπόμενον τῷ πνεύ‐ ματι, συμμεταβάλλει τὸ χρῶμα καθάπερ ἄνθρωπος· διὸ καὶ λέλεκται (Hom. Ν 279) | |
| 9 | ||
| 10 | ‘τοῦ μὲν γάρ τε κακοῦ τρέπεται χρώσ‘; | |
| 10 | ἢ τοῦτο πρὸς τὴν μεταβολὴν πιθανῶς λέλεκται πρὸς δὲ τὴν ἐξομοίωσιν οὐχ ἱκανῶς; μεταβάλλει γὰρ οὕτως, ὥστε τὴν χρόαν αἷς ἂν πλησιάζῃ πέτραις ὁμοιοῦν· πρὸς ὃ καὶ | |
| Πίνδαρος (fr. 43) ἐποίησε | 15 | |
| 15 | ‘ποντίου θηρὸς χρωτὶ μάλιστα νόον | |
916C | προσφέρων πάσαις πολίεσσιν ὁμίλει‘, | |
| 1 | καὶ Θέογνις (215 sq.) | |
| 2 | ‘πουλύποδος νόον ἴσχε πολυχρόου, ὃς ποτὶ πέτρῃ, τῇ προσομιλήσῃ, τοῖος ἰδεῖν ἐφάνη.‘ | |
| 4 | ||
| 5 | τοῦτο δὴ καὶ τοὺς πανουργίᾳ καὶ δεινότητι ὑπερφέροντας ἔχειν τὸ ἐπιτήδευμα λέγουσιν, ὡς ὑπὲρ τοῦ λαθεῖν καὶ διαφυγεῖν † τοὺς πλησίον ἑαυτοὺς ἀεὶ ἀπεικάζειν πολύποδι. ἢ καθάπερ ἐσθῆτι τῇ χρόᾳ νομίζουσι χρῆσθαι, ῥᾳδίως οὕτως ᾗ βούλεται μετενδυόμενον. ἆρ’ οὖν τὴν μὲν | |
| 10 | ἀρχὴν αὐτὸς ἐνδίδωσι τοῦ πάθους δείσας, τὰ δὲ κύρια τῆς αἰτίας ἐν ἄλλοις ἐστί; σκόπει δή, κατ’ Ἐμπεδοκλέα (fr. 89) | |
| 12 | ||
916D | ‘γνοὺς ὅτι πάντων εἰσὶν ἀπορροαὶ ὅσς’ ἐγένοντο·‘ | |
| 1 | οὐ γὰρ ζῴων μόνον οὐδὲ φυτῶν οὐδὲ γῆς καὶ θαλάττης, ἀλλὰ καὶ λίθων ἄπεισιν ἐνδελεχῶς πολλὰ ῥεύματα καὶ | |
| χαλκοῦ καὶ σιδήρου· καὶ γὰρ φθέγγεται πάντα καὶ ὄδωδε | 16 | |
| 5 | τῷ ῥεῖν ἀεί τι καὶ φθείρεσθαι συνεχῶς· καὶ γὰρ ἕλξεις ἢ ἐπιπηδήσεις ποιοῦσι ταῖς ἀπορροίαις, οἱ μὲν ἐμπλοκὰς αὐτῶν οἱ δὲ πληγὰς οἱ δ’ ὤσεις τινὰς καὶ περιελάσεις ὑποτιθέμενοι. μάλιστα δὲ τῶν παράλων πετρῶν ἐπιρραι‐ νομένων καὶ ψηχομένων ὑπὸ τῆς θαλάττης ἀπιέναι μέρη | |
| 10 | καὶ θραύσματα πολλὰ καὶ λεπτὰ 〈εἰκὸσ〉 συνεχῶς, ἃ τ〈οῖς χρώμασιν ἀλλήλων διαφέροντα τοῖς μὲν ἄλ〉λοις οὐ | |
916E | προσί〈σχεται〉 σώμα〈σιν〉 ἀλλὰ λανθάνει περιολισθά‐ νοντα τῶν πυκνοτέρους ἐχόντων πόρους ἢ διεκθέοντα τῶν μανοτέρους. ὁ δὲ πολύπους τήν τε σάρκα προσιδεῖν αὐ‐ τόθεν ἀνθρηνιώδης καὶ πολύπορος καὶ δεκτικὸς ἀπορ‐ | |
| 5 | ροιῶν ἐστιν, ὅταν τε δείσῃ, τῷ πνεύματι τρεπόμενος καὶ τρέπων οἷον ἔσφιγξε τὸ σῶμα καὶ συνήγαγεν, ὥστε προσ‐ δέχεσθαι καὶ στέγειν ἐπιπολῆς τὰς τῶν ἐγγὺς ἀπορροίας. καὶ γὰρ ἡ τραχύτης μετὰ τῆς μαλακότητος ἕλικας παρ‐ έχουσα τοῖς ἐπιφερομένοις μέρεσι, μὴ σκεδαννυμένοις ἀλλ’ | |
| 10 | ἀθροιζομένοις καὶ προσμένουσι, σύγχρου〈ν ἀπεργάζεται〉 | |
916F | τὴν ἐπιφάνειαν 〈τοῖς ἐγγύ〉τατα. τεκμήριον δὲ τῆς αἰ‐ | |
| τίας μέγα τὸ μήτε τοῦτον πᾶσιν ἐξομοιοῦσθαι τοῖς πλη‐ σίον μήτε τὸν χαμαιλέοντα τοῖς λευκοῖς χρώμασιν, ἀλλὰ μόνοις ἑκάτερον, ὧν ταῖς ἀπορροίαις πόρους συμμέτρους | 17 | |
| 5 | ἔχουσιν. | |
| 5 | Κʹ. Διὰ τίν’ αἰτίαν τὸ τῶν ἀγρίων συῶν δάκρυον ἡδὺ τὸ δὲ τῶν ἐλάφων ἁλμυρόν ἐστι καὶ φαῦλον; | |
| 8 | ||
917A | Αἰτία δὲ | θερμότης καὶ ψυχρότης τούτων, καὶ ψυ‐ χρὸν μὲν ὁ ἔλαφος περίθερμον δὲ καὶ πυρῶδες ὁ σῦς· ὅθεν τὸ μὲν φεύγει τὸ δ’ ἀμύνεται τοὺς ἐπιόντας, ὅτε καὶ μάλιστα διὰ τὸν θυμὸν ἐκβάλλει τὸ δάκρυον· πολλῆς | |
| 5 | γὰρ ἐπὶ τὰ ὄμματα θερμότητος φερομένης, ὡς εἴρηται (Hom. τ 446) | |
| 6 | ‘φρίξας εὖ λοφιήν, πῦρ ὀφθαλμοῖσι δεδορκώσ‘, | |
| 7 | γλυκὺ γίνεται τὸ ἀποτηκόμενον. ἔνιοι δέ φασιν, ὥσπερ γάλακτος ὀρρὸν τοῦ αἵματος ταραχθέντος ἐκκρούε‐ | |
| 10 | σθαι τὸ δάκρυον, ὡς Ἐμπεδοκλῆς (A 78). ἐπεὶ τοίνυν τραχὺ καὶ μέλαν τὸ τῶν κάπρων αἷμα διὰ θερμότητα λεπτὸν δὲ καὶ ὑδαρὲς τὸ τῶν ἐλάφων, εἰκότως καὶ τὸ | |
917B | ἀποκρινόμενον ἐν τοῖς θυμοῖς καὶ τοῖς φόβοις ἑκατέρου τοιοῦτον. | |
| 2 | ΚΑʹ. Διὰ τί τῶν ὑῶν αἱ μὲν ἥμεροι πλεονάκις τίκτουσι καὶ κατ’ | |
| 5 | ἄλλον ἄλλαι χρόνον, αἱ δ’ ἄγριαι καὶ ἅπαξ καὶ περὶ τὰς αὐτὰς ἅπασαι σχεδὸν ἡμέρας; αὗται δ’ εἰσὶν ἀρχομένου θέρους· διὸ καὶ λέλεκται | |
| 7 | ||
| ‘μηκέτι νυκτὸς ὕειν, ᾗ κεν τέκῃ ἀγροτέρη σῦς.‘ Ἦ διὰ πλῆθος τροφῆς, ὄντως ‘ἐν πλησμονῇ Κύπρισ‘ | 18 | |
| 10 | (Eur. fr. 895); ἀφθονία γὰρ τροφῆς τὸ γόνιμον περίττωμα ποιεῖ καὶ φυτοῖς καὶ ζῴοις· αἱ μὲν οὖν ἄγριαι δι’ αὑτῶν καὶ μετὰ φόβου τὴν τροφὴν ζητοῦσι, ταῖς δ’ ἡμέροις ὑπ‐ άρχει διὰ παντὸς ἡ μὲν αὐτοφυὴς ἡ δ’ ἐκ παρασκευῆς. | |
917C | ἢ τὸ τῆς σχολῆς καὶ ἀσχολίας ἅμα συμβαῖνον; αἱ μὲν γὰρ ἀργοῦσι, μὴ βουλόμεναι πόρρω πλανᾶσθαι τῶν συφορβῶν, αἱ δ’ ὀρειβατοῦσαι καὶ περιθέουσαι τὴν τρο‐ φὴν διαφοροῦσι καὶ καταναλίσκουσιν εἰς τὸ σῶμα πᾶσαν, | |
| 5 | ὥστε διὰ τὸ ἀεὶ συντείνειν μὴ γίνεσθαι περίττωμα. ἢ καὶ τὸ συντρέφεσθαι καὶ συναγελάζεσθαι τὰ θήλεα τοῖς ἄρρεσιν ἀνάμνησιν ποιεῖ τῶν ἀφροδισίων καὶ συνεκκαλεῖ‐ ται τὴν ὄρεξιν (ὡς ἐπ’ ἀνθρώπων Ἐμπεδοκλῆς ἐποίησε (fr. 64) | |
| 9 | ||
| 10 | ‘τῷ δ’ ἐπὶ καὶ πόθος εἶσι δι’ ὄψιος ἀμμιμνῄσκων‘), | |
| 10 | ἐν δὲ τοῖς ἀγρίοις, ἀποτρόφοις οὖσιν ἀλλήλων, τὸ ἄστοργον καὶ δυσεπίμικτον ἀμβλύνει καὶ ἀνασβέννυσι τὰς ὁρμάς; | |
917D | ἢ καὶ τὸ λεγόμενον ὑπ’ Ἀριστοτέλους (H. An. VI 578b 1) ἀληθές ἐστιν, ὅτι ‘χλούνην‘ Ὅμηρος (Ι 539) ὠνό‐ μασε σῦν τὸν μόνορχιν; τῶν γὰρ πλείστων φησὶ προσ‐ | |
| κνωμένων τοῖς στελέχεσι θρύπτεσθαι τοὺς ὄρχεις. | 19 | |
| 5 | ΚΒʹ. Διὰ τί τῆς ἄρκτου φασὶ τὴν χεῖρα γλυκυτάτην ἔχειν σάρκα καὶ φαγεῖν ἡδίστην; | |
| 7 | Ἦ ὅτι τὰ πέττοντα τὴν τροφὴν μάλιστα τοῦ σώμα‐ τος παρέχει τὸ κρέας ἥδιστον; πέττει δὲ κάλλιστα τὸ δια‐ | |
| 10 | πνέον, κινούμενον μάλιστα καὶ συγγυμναζόμενον, ὥσπερ ἡ ἄρκτος τῷ μέρει τούτῳ πλεῖστα κινεῖται· καὶ γὰρ ὡς ποσὶ τοῖς ἐμπροσθίοις βαδίζουσα χρῆται καὶ τρέχουσα καὶ ὡς χερσὶν ἀντιλαμβανομένη. | |
| 13 | ΚΓʹ. | |
917E | Διὰ τί δυστίβευτος ἡ τοῦ ἔαρος ὥρα; | |
| 1 | Πότερον αἱ κύνες, ὥς φησιν Ἐμπεδοκλῆς (fr. 101), ‘κέρματα θηρείων μελέων μυκτῆρσιν ἐρευνῶσαι‘ τὰς ἀπορροίας ἀναλαμβάνουσιν, ἃς ἐναπολείπει τὰ θηρία τῇ | |
| 5 | ὕλῃ, ταύτας δὲ τοῦ ἔαρος ἐξαμαυροῦσι καὶ συγχέουσιν αἱ πλεῖσται τῶν φυτῶν καὶ τῶν ὑλημάτων ὀσμαί, 〈αἳ〉 ὑπὲρ τὴν ἄνθησιν ὑπερχεόμεναι καὶ κεραννύμεναι † περι‐ ποτῶσι καὶ διαπλανῶσι τὰς κύνας τῆς τῶν θηρίων ὀσμῆς ἐπιλαβέσθαι; διὸ περὶ τὴν Αἴτνην ἐν Σικελίᾳ φασὶ | |
917F | μηδένα κυνηγεῖν· πολὺ γὰρ ἀναφύεσθαι καὶ τεθηλέναι δι’ ἔτους ἴον ὀρεινὸν ἐν τοῖς λειμῶσι, καὶ τὸν τόπον εὐω‐ δίαν ἀεὶ κατέχουσαν ἁρπάζειν τὰς τῶν θηρίων ἀναπνοάς. λέγεται δὲ μῦθος, ὡς τὴν Κόρην ἐκεῖθεν ἀνθολογοῦσαν | 20 |
| 5 | ὁ Πλούτων ἀφαρπάσειε, καὶ διὰ τοῦτο τιμῶντες καὶ σε‐ βόμενοι τὸ χωρίον ὡς ἄσυλον οὐκ ἐπιτίθενται τοῖς ἐκεῖ νεμομένοις. | |
| 7 | ΚΔʹ. Διὰ τί περὶ τὰς πανσελήνους ἥκιστα ταῖς ἰχνοσκοπίαις | |
| 10 | ἐπιτυγχάνουσιν; | |
| 10 | Ἦ διὰ τὴν εἰρημένην αἰτίαν; δροσοβόλοι γὰρ αἱ παν‐ | |
918A | σέληνοι· | διὸ καὶ τὴν δρόσον ὁ Ἀλκμὰν (fr. 43 II 2 p. 26 D.) Διὸς θυγατέρα καὶ Σελήνης προσεῖπε ποιήσας | |
| 2 | ‘Διὸς θυγάτηρ Ἔρσα τρέφει καὶ Σελάνας δίασ‘. | |
| 3 | ἡ γὰρ δρόσος ἀσθενής ἐστι καὶ ἀδρανὴς ὄμβρος, ἀσθε‐ | |
| 5 | νὲς δὲ καὶ τὸ τῆς σελήνης θερμόν· ὅθεν ἕλκει μὲν ἀπὸ γῆς ὥσπερ ὁ ἥλιος, ἄγειν δ’ εἰς ὕψος μὴ δυναμένη μηδ’ ἀναλαμβάνειν μεθίησιν. | |
| 7 | ΚΕʹ. Διὰ τί τὸ δρόσιμον γενόμενον διὰ τοῦ ψύχους δυστίβευτον; | |
| 9 | ||
| 10 | Πότερον ὅτι τὰ θηρία πόρρω τῶν κοιτῶν ὀκνοῦντα προϊέναι διὰ τὸ κρύος οὐ ποιεῖ πολλὰ σημεῖα; διὸ καί φασιν αὐτὰ φείδεσθαι τῶν πλησίον, ὅπως μὴ κακοπαθῇ πλανώμενα μακρὰν τοῦ χειμῶνος ἀλλ’ ἀεὶ ἐγγύθεν ἔχῃ | |
918B | νέμεσθαι. ἢ δεῖ μὴ μόνον ἔχειν ἴχνη τὸν στιβευόμενον | |
| τόπον ἀλλὰ κινεῖν τὴν ὄσφρησιν, κινεῖ δὲ λυόμενα καὶ χα‐ λώμενα μαλακῶς ὑπὸ θερμότητος, ἡ δ’ ἄγαν περίψυξις πηγνύουσα τὰς ὀσμὰς οὐκ ἐᾷ ῥεῖν οὐδὲ κινεῖν τὴν αἴσθη‐ | 21 | |
| 5 | σιν; ὅθεν καὶ τὰ μύρα καὶ τὸν οἶνον ἧττον ὄζειν ψύχους καὶ χειμῶνος λέγουσιν· ὁ γὰρ ἀὴρ πηγνύμενος ἵστησι τὰς ὀσμὰς ἐν αὑτῷ καὶ οὐκ ἐᾷ ἀναδίδοσθαι. | |
| 7 | Κϛʹ. Διὰ τί τὰ ζῷα τὰς βοηθούσας δυνάμεις, ὅταν ἐν πάθει | |
| 10 | γένηται, ζητεῖ καὶ διώκει καὶ χρώμενα πολλάκις ὠφελεῖ‐ ται; καθάπερ αἱ κύνες ἐσθίουσι πόαν, ἵνα τὴν χολὴν ἐξε‐ μῶσιν· αἱ δ’ ὕες ἐπὶ τοὺς ποταμίους καρκίνους φέρονται, | |
918C | βοηθοῦνται γὰρ ἐσθίουσαι πρὸς κεφαλαλγίαν· ἡ δὲ χελώνη φαγοῦσα τὴν σάρκα τοῦ ἔχεως ὀρίγανον ἐπεσθίει· τὴν δ’ ἄρκτον λέγουσιν ἀσωμένην τοὺς μύρμηκας ἀναλαμβά‐ νειν τῇ γλώττῃ καὶ καταπίνουσαν ἀπαλλάττεσθαι. τού‐ | |
| 5 | των δ’ οὔτε πεῖρα οὔτε περίπτωσις γέγονεν αὐτοῖς. | |
| 5 | Πότερον οὖν, ὥσπερ τὰ κηρία τὴν μέλιτταν τῇ ὀσμῇ καὶ τὰ κενέβρεια τὸν γῦπα κινεῖ καὶ προσάγεται πόρρω‐ θεν, οὕτως [οὖν] καὶ σῦς οἱ καρκίνοι καὶ τὴν χελώνην ἡ ὀρίγανος, αἱ δὲ μυρμηκιαὶ τὴν ἄρκτον ὀσμαῖς καὶ ῥεύμασι | |
| 10 | προσφερέσι καὶ οἰκείοις ἕλκουσιν, οὐ λογισμῷ τοῦ συμ‐ | |
918D | φέροντος ἀγούσης τῆς αἰσθήσεως; ἢ τὰς ὀρέξεις ἐπι‐ φέρουσι τοῖς ζῴοις αἱ τῶν σωμάτων κράσεις, 〈ἃσ〉 αἱ | |
| νόσοι ποιοῦσι, διαφόρους δριμύτητας ἢ γλυκύτητας ἤ τι‐ νας ἄλλας ἐντίκτουσαι ποιότητας ἀήθεις καὶ ἀτόπους, | 22 | |
| 5 | τῶν ὑγρῶν τρεπομένων; ὡς δῆλόν ἐστιν ἐπὶ τῶν γυναι‐ κῶν, ὅταν κύωσι, καὶ λίθους καὶ γῆν προσφερομένων· διὸ καὶ τῶν νοσούντων ταῖς ὀρέξεσιν οἱ χαρίεντες ἰατροὶ προΐσασι τοὺς ἀσώτως ἢ σωτηρίως ἔχοντας· ἱστορεῖ γοῦν Μνησίθεος ἰατρὸς ἐν ἀρχῇ πνευμονίας τὸν ἐπιθυμή‐ | |
| 10 | σαντα κρομμύων σῴζεσθαι τὸν δὲ σύκων ἀπόλλυσθαι, διὰ τὸ ταῖς κράσεσι τὰς ὀρέξεις τὰς δὲ κράσεις τοῖς πάθεσιν | |
918E | ἕπεσθαι. πιθανὸν οὖν ἐστι καὶ τῶν θηρίων τὰ μὴ παντε‐ λῶς ὀλεθρίοις μηδ’ ἀναιρετικοῖς περιπίπτοντα νοσή‐ μασι ταύτην τὴν διάθεσιν καὶ κρᾶσιν ἴσχειν, ὑφ’ ἧς ἐπὶ τὰ σῴζοντα φέρεται καὶ ἄγεται ταῖς ὀρέξεσιν | |
| 5 | ἕκαστον αὐτῶν. | |
| 5 | ΚΖʹ. Διὰ τί τὸ γλεῦκος, ἂν ὑπὸ ψύχους περιέχηται τὸ ἀγγεῖον, γλυκὺ διαμένει πολὺν χρόνον; | |
| 8 | Πότερον ὅτι πέψις ἐστὶ τοῦ γλεύκους ἡ εἰς τὸ οἰνῶδες | |
| 10 | μεταβολὴ κωλύει δὲ τὴν πέψιν ἡ ψυχρότης, ὑπὸ θερμοῦ γὰρ ἡ πέψις; ἢ τοὐναντίον, οἰκεῖός ἐστι τῆς σταφυ‐ λῆς χυμὸς ὁ γλυκύς, διὸ καὶ πεπαίνεσθαι λέγεται τὸ γλυκὺ κιρνώμενον· ἡ δὲ ψυχρότης οὐκ ἐῶσα διαπνεῖν, ἀλλὰ συν‐ | |
918F | έχουσα τὸ θερμὸν τὴν γλυκύτητα διατηρεῖ τοῦ γλεύκους. αὕτη δ’ ἐστὶν αἰτία καὶ τῶν τρυγωμένων ὄμβρῳ τὸ γλεῦ‐ κος ἧττον ἀναζεῖν· ἡ γὰρ ζέσις ὑπὸ θερμότητος, τὴν δὲ | |
| θερμότητα κατέχει καὶ συστέλλει τὸ ψυχρόν. | 23 | |
| 5 | ΚΗʹ. Διὰ τί τῶν θηρίων ἡ ἄρκτος ἥκιστα διεσθίει τὰ δίκτυα, καίτοι καὶ λύκοι καὶ ἀλώπεκες διεσθίουσι; | |
| 7 | Πότερον ἐνδοτάτω τοὺς ὀδόντας ἔχουσα τοῦ χάσματος ἥκιστα πρὸς τὰ λίνα ἐξικνεῖται, προεμπίπτει γὰρ τὰ χεί‐ | |
919A | λη διὰ πάχος καὶ μέγεθος; | ἢ μᾶλλον ἰσχύουσα ταῖς χερσὶ ῥήγνυσι καὶ διασπᾷ τὸν βρόχον; ἢ καὶ ταῖς χερσὶν ἅμα χρῆται καὶ τῷ στόματι, ταῖς μὲν διασπῶσα τὸ λίνον τῷ δ’ ἀμυνομένη τοὺς διώκοντας; οὐδενὸς | |
| 5 | δ’ ἧττον αὐτῇ βοηθοῦσιν αἱ περικαλινδήσεις· διὸ μᾶλλον ἢ διασπᾶν τὰ λίνα πραγματευομένη πολλάκις ἐκκυβιστᾷ καὶ σῴζεται, .... † ἀμὴ καὶ δέοι ἡ τῶν ὀδόντων. | |
| 7 | ΚΘʹ. Τίς ἡ αἰτία, δι’ ἣν τὰ ψυχρὰ τῶν ὑδάτων οὐ θαυμά‐ | |
| 10 | ζομεν ἀλλὰ τὰ θερμά; καίτοι δῆλον ὅτι θερμότης αἰτία τούτων ὡς ψυχρότης ἐκείνων. | |
| 11 | Οὐ γάρ, ὡς ἔνιοι νομίζουσιν, ἡ μὲν θερμότης δύναμίς | |
919B | ἐστιν ἡ δὲ ψυχρότης στέρησις θερμότητος, ἐπεὶ πλειό‐ νων 〈ἂν〉 αἴτιον ἐφαίνετο τὸ μὴ ὂν τοῦ ὄντος. ἀλλ’ ἔοικε τῷ σπανίῳ τὸ θαυμάσιον ἡ φύσις νέμουσα πῶς γίνεται ζητεῖν τὸ μὴ πολλάκις γινόμενον. | |
| 4 | ||
| 5 | ‘ὁρᾷς τὸν ὑψοῦ τόνδ’ ἄπειρον αἰθέρα | |
| καὶ γῆν πέριξ ἔχονθ’ ὑγραῖς ἐν ἀγκάλαισ‘ (Eur. fr. 941); ὅσα μὲν ἔρχεται φέρων θεάματα νυκτός, ὅσον δὲ μεθ’ ἡμέραν κάλλος ἀναδείκνυσιν; οἱ 〈δὲ〉 πολλοὶ τὴν τούτων φύσιν 〈οὐ θαυμάζουσιν〉, ἴριδες δὲ καὶ ποικίλματα νε‐ | 24 | |
| 10 | φῶν ἡμέρας καὶ σέλα ῥηγνύμενα πομφόλυγος δίκην καὶ κομῆται **** | |
| 11 | Λʹ. Διὰ τί τῶν ἀμπέλων τὰς ἀκάρπους, 〈τοῖς δ’ ἀκρέ〉μοσι 〈καὶ ἔρνεσι〉ν εὐτρο〈φούσ〉ας τραγᾶν 〈λέγο〉μεν; | |
| 14 | ||
919C | Ἦ ὅτι τῶν τράγων οἱ σφόδρα πίονες ἧττόν εἰσι γόνι‐ μοι καὶ μόλις ὑπὸ πιμελῆς ὀχεύουσι; τὸ γὰρ σπέρμα πε‐ ρίττωμα τῆς τροφῆς ἐστι [καὶ] τῆς τῷ σώματι προστι‐ θεμένης· ὅταν οὖν ἢ ζῷον ἢ δένδρον εὐεκτῇ καὶ παχύνη‐ | |
| 5 | ται, τοῦτο σημεῖόν ἐστι τοῦ τὴν τροφὴν ἐν ἑαυτῷ κατα‐ ναλισκομένην μηθὲν ἢ μικρόν τι καὶ ἀγεννὲς περίττωμα ποιεῖν. | |
| 7 | ΛΑʹ. Διὰ τί ἄμπελος οἴνῳ ῥαινομένη, μάλιστα τῷ ἐξ αὑτῆς, | |
| 10 | ἀναξηραίνεται; | |
| 10 | Πότερον, ὥσπερ ἐν τοῖς πολυπόταις γίνεται φαλάκρω‐ | |
| σις, ὑπὸ θερμότητος τοῦ οἴνου τὸ ὑγρὸν ἐξατμίζοντος; ἢ φύ...... τὸ οἰνῶδές ἐστιν, ὥς φησιν Ἐμπεδοκλῆς | 25 | |
919D | (fr. 81) ‘οἶνον ἀπὸ φλοιοῦ πέλεσθαι σαπὲν ἐν ξύλῳ ὕδωρ‘; ὅταν οὖν ἔξωθεν οἴνῳ βρέχηται, γίνεται πῦρ ἀμπέλῳ καὶ τοῦ τρέφοντος ..... δύναμιν ἐξίστησιν ἡ κρᾶσις· ἢ στυπτικὴν φύσιν ἔχων ὁ ἄκρατος ἐνδύεται ταῖς ῥίζαις, | |
| 5 | καὶ τοὺς πόρους συναγαγὼν καὶ πυκνώσας οὐ διίησι τὸ ὕδωρ εἰς τὸ φυτόν, 〈ᾧ〉 εὐθαλεῖν καὶ βλαστάνειν πέφυ‐ κεν; ἢ καὶ τοῦτο μᾶλλον εἶναι τῇ ἀμπέλῳ παρὰ φύ‐ σιν, τὸ ἐξ αὐτῆς ἀπιὸν εἰς αὐτὴν ἐπανιὸν πάλιν δέχεσθαι; τῆς γὰρ ἐν τοῖς φυτοῖς ὑγρότητος † ἤνθει καί τι τρέφειν | |
919E | μηδὲ προστίθεσθαι μηδὲ μέρος εἶναι τοῦ φυ..... | 26 |