PLUTARCHUS :: Septem sapientium convivium (146b–164d)

TLG 0007 079 :: PLUTARCHUS :: Septem sapientium convivium (146b–164d) PLUTARCHUS Biogr. Phil. (Chaeronensis: A.D. 1–2) Septem sapientium convivium (146b–164d) Source: Babbitt, F.C. (ed.), Plutarch’s moralia, vol. 2. Cambridge, Mass.: Harvard University Press, 1928 (repr. 1962): 348–448. Citation: Stephanus page — section — (line)

t 1	ΤΩΝ ΕΠΤΑ ΣΟΦΩΝ ΣΥΜΠΟΣΙΟΝ
146 B	Ἦ που προϊὼν ὁ χρόνος, ὦ Νίκαρχε, πολὺ σκότος ἐπάξει τοῖς πράγμασι καὶ πᾶσαν ἀσάφειαν, εἰ νῦν ἐπὶ προσφάτοις οὕτω καὶ νεαροῖς λόγοι ψευ‐ δεῖς συντεθέντες ἔχουσι πίστιν. οὔτε γὰρ μόνων,
146 C	ὡς ὑμεῖς ἀκηκόατε, τῶν ἑπτὰ γέγονε τὸ συμπόσιον, ἀλλὰ πλειόνων ἢ δὶς τοσούτων (ἐν οἷς καὶ αὐτὸς ἤμην, συνήθης μὲν ὢν Περιάνδρῳ διὰ τὴν τέχνην, ξένος δὲ Θάλεω· παρ’ ἐμοὶ γὰρ κατέλυσεν ὁ ἀνὴρ
5	Περιάνδρου κελεύσαντος), οὔτε τοὺς λόγους ὀρθῶς ἀπεμνημόνευσεν ὅστις ἦν ὑμῖν ὁ διηγούμενος· ἦν δ’ ὡς ἔοικεν οὐδεὶς τῶν παραγεγονότων. ἀλλ’ ἐπεὶ σχολή τε πάρεστι πολλὴ καὶ τὸ γῆρας οὐκ ἀξιόπιστον ἐγγυήσασθαι τὴν ἀναβολὴν τοῦ λόγου,
10	προθυμουμένοις ὑμῖν ἀπ’ ἀρχῆς ἅπαντα διηγήσομαι.
146 D	Παρεσκευάκει μὲν γὰρ οὐκ ἐν τῇ πόλει τὴν ὑποδοχὴν ὁ Περίανδρος, ἀλλ’ ἐν τῷ περὶ τὸ Λέχαιον ἑστιατορίῳ παρὰ τὸ τῆς Ἀφροδίτης ἱερόν,
146 D	ἧς ἦν καὶ ἡ θυσία. μετὰ γὰρ τὸν ἔρωτα τῆς μητρὸς	348
5	αὐτοῦ προεμένης τὸν βίον ἑκουσίως οὐ τεθυκὼς τῇ Ἀφροδίτῃ, τότε πρῶτον ἔκ τινων ἐνυπνίων τῆς Μελίσσης ὥρμησε τιμᾶν καὶ θεραπεύειν τὴν θεόν. Τῶν δὲ κεκλημένων ἑκάστῳ συνωρὶς ἱκανῶς κεκοσμημένη προσήχθη· καὶ γὰρ ὥρα θέρους ἦν,
10	καὶ τὴν ὁδὸν ἅπασαν ὑπὸ πλήθους ἁμαξῶν καὶ ἀνθρώπων ἄχρι θαλάττης κονιορτὸς καὶ θόρυβος κατεῖχεν. ὁ μέντοι Θαλῆς τὸ ζεῦγος ἐπὶ ταῖς
146 E	θύραις ἰδὼν καὶ μειδιάσας ἀφῆκεν. ἐβαδίζομεν οὖν ἐκτραπόμενοι διὰ τῶν χωρίων, καθ’ ἡσυχίαν, καὶ μεθ’ ἡμῶν τρίτος ὁ Ναυκρατίτης Νειλόξενος, ἀνὴρ ἐπιεικὴς καὶ τοῖς περὶ Σόλωνα καὶ Θαλῆν
5	γεγονὼς ἐν Αἰγύπτῳ συνήθης. ἐτύγχανε δὲ πρὸς Βίαντα πάλιν ἀπεσταλμένος· ὧν δὲ χάριν οὐδ’ αὐτὸς ᾔδει, πλὴν ὑπενόει πρόβλημα δεύτερον αὐτῷ κομίζειν ἐν βιβλίῳ κατασεσημασμένον· εἴρητο γάρ, εἰ Βίας ἀπαγορεύσειεν, ἐπιδεῖξαι τοῖς σοφωτάτοις
10	Ἑλλήνων τὸ βιβλίον. “Ἕρμαιον” ὁ Νειλόξενος ἔφη “μοι γέγονεν
146 F	ἐνταῦθα λαβεῖν ἅπαντας ὑμᾶς, καὶ κομίζω τὸ βιβλίον ὡς ὁρᾷς ἐπὶ τὸ δεῖπνον.” ἅμα δ’ ἡμῖν ἐπεδείκνυε. Καὶ ὁ Θαλῆς γελάσας “εἴ τι κακόν,” εἶπεν,
5	“αὖθις εἰς Πριήνην· διαλύσει γὰρ ὁ Βίας, ὡς διέλυσεν αὐτὸς τὸ πρῶτον.” “Τί δ’ ἦν,” ἔφην ἐγώ, “τὸ πρῶτον;”
5	“Ἱερεῖον,” εἶπεν, “ἔπεμψεν αὐτῷ, κελεύσας τὸ πονηρότατον ἐξελόντα καὶ χρηστότατον ἀποπέμψαι	350
10	κρέας. ὁ δ’ ἡμέτερος εὖ καὶ καλῶς τὴν γλῶτταν ἐξελὼν ἔπεμψεν· ὅθεν εὐδοκιμῶν δῆλός ἐστι καὶ θαυμαζόμενος.”
147 A	“Οὐ διὰ ταῦτ’” ἔφη “μόνον” ὁ Νειλόξενος, “ἀλλ’ οὐ φεύγει τὸ φίλος εἶναι καὶ λέγεσθαι βασιλέων καθάπερ ὑμεῖς, ἐπεὶ σοῦ γε καὶ τἄλλα θαυμάζει, καὶ τῆς πυραμίδος τὴν μέτρησιν ὑπερ‐
5	φυῶς ἠγάπησεν, ὅτι πάσης ἄνευ πραγματείας καὶ μηδενὸς ὀργάνου δεηθεὶς ἀλλὰ τὴν βακτηρίαν στήσας ἐπὶ τῷ πέρατι τῆς σκιᾶς ἣν ἡ πυραμὶς ἐποίει, γενομένων τῇ ἐπαφῇ τῆς ἀκτῖνος δυεῖν τριγώνων, ἔδειξας ὃν ἡ σκιὰ πρὸς τὴν σκιὰν λόγον
10	εἶχε τὴν πυραμίδα πρὸς τὴν βακτηρίαν ἔχουσαν. ἀλλ’, ὅπερ ἔφην, διεβλήθης μισοβασιλεὺς εἶναι,
147 B	καί τινες ὑβριστικαί σου περὶ τυράννων ἀποφάσεις ἀνεφέροντο πρὸς αὐτόν, ὡς ἐρωτηθεὶς ὑπὸ Μολπ‐ αγόρου τοῦ Ἴωνος τί παραδοξότατον εἴης ἑωρακώς, ἀποκρίναιο ‘τύραννον γέροντα,‘ καὶ πάλιν ἔν τινι
5	πότῳ, περὶ τῶν θηρίων λόγου γενομένου, φαίης κάκιστον εἶναι τῶν μὲν ἀγρίων θηρίων τὸν τύραν‐ νον, τῶν δ’ ἡμέρων τὸν κόλακα· ταῦτα γάρ, εἰ καὶ πάνυ προσποιοῦνται διαφέρειν οἱ βασιλεῖς τῶν τυράννων, οὐκ εὐμενῶς ἀκούουσιν.”
10	“Ἀλλὰ τοῦτο μέν,” εἶπεν ὁ Θαλῆς, “Πιττακοῦ
10	ἐστιν, εἰρημένον ἐν παιδιᾷ ποτε πρὸς Μυρσίλον·	352
147 C	ἐγὼ δὲ θαυμάσαιμ’ ἄν,” ἔφη, “οὐ τύραννον ἀλλὰ κυβερνήτην γέροντα θεασάμενος. πρὸς δὲ τὴν μετάθεσιν τὸ τοῦ νεανίσκου πέπονθα τοῦ βαλόντος μὲν ἐπὶ τὴν κύνα πατάξαντος δὲ τὴν μητρυιὰν καὶ
5	εἰπόντος ‘οὐδ’ οὕτω κακῶς.‘ διὸ καὶ Σόλωνα σοφώτατον ἡγησάμην οὐ δεξάμενον τυραννεῖν. καὶ Πιττακὸς οὗτος εἰ μοναρχίᾳ μὴ προσῆλθεν, οὐκ ἂν εἶπεν ὡς ‘χαλεπὸν ἐσθλὸν ἔμμεναι.‘ Περίανδρος δ’ ἔοικεν ὥσπερ ἐν νοσήματι πατρῴῳ
10	τῇ τυραννίδι κατειλημμένος οὐ φαύλως ἐξανα‐ φέρειν, χρώμενος ὁμιλίαις ὑγιειναῖς ἄχρι γε νῦν καὶ συνουσίας ἀνδρῶν νοῦν ἐχόντων ἐπαγόμενος,
147 D	ἃς δὲ Θρασύβουλος αὐτῷ κολούσεις τῶν ἄκρων οὑμὸς πολίτης ὑφηγεῖται μὴ προσιέμενος. γεωρ‐ γοῦ γὰρ αἴρας καὶ ὀνώνιδας ἀντὶ πυρῶν καὶ κριθῶν συγκομίζειν ἐθέλοντος οὐδὲν διαφέρει τύραννος
5	ἀνδραπόδων μᾶλλον ἄρχειν ἢ ἀνδρῶν βουλόμενος· ἓν γὰρ ἀντὶ πολλῶν κακῶν ἀγαθὸν αἱ δυναστεῖαι τὴν τιμὴν ἔχουσι καὶ τὴν δόξαν, ἄνπερ ἀγαθῶν ὡς κρείττονες ἄρχωσι καὶ μεγάλων μείζονες εἶναι δοκῶσι· τὴν δ’ ἀσφάλειαν ἀγαπῶντας ἄνευ τοῦ
10	καλοῦ προβάτων ἔδει πολλῶν καὶ ἵππων καὶ βοῶν ἄρχειν, μὴ ἀνθρώπων. ἀλλὰ γὰρ εἰς οὐδὲν προσ‐
147 E	ήκοντας ἐμβέβληκεν ἡμᾶς,” ἔφη, “ὁ ξένος οὑτοσὶ λόγους, ἀμελήσας λέγειν τε καὶ ζητεῖν ἃ ἁρμόττει ἐπὶ δεῖπνον βαδίζουσιν. ἦ γὰρ οὐκ οἴει, καθάπερ ἑστιάσοντος ἔστι τις παρασκευή, καὶ δειπνήσοντος	354
5	εἶναι; Συβαρῖται μὲν γὰρ ὡς ἔοικε πρὸ ἐνιαυτοῦ τὰς κλήσεις ποιοῦνται τῶν γυναικῶν, ὅπως ἐκ‐ γένοιτο κατὰ σχολὴν παρασκευασαμέναις ἐσθῆτι καὶ χρυσῷ φοιτᾶν ἐπὶ τὸ δεῖπνον· ἐγὼ δὲ πλείονος οἶμαι χρόνου δεῖσθαι τὴν ἀληθινὴν τοῦ δειπνήσον‐
10	τος ὀρθῶς παρασκευήν, ὅσῳ χαλεπώτερόν ἐστιν ἤθει τὸν πρέποντα κόσμον ἢ σώματι τὸν περιττὸν
147 F	ἐξευρεῖν καὶ ἄχρηστον. οὐ γὰρ ὡς ἀγγεῖον ἥκει κομίζων ἑαυτὸν ἐμπλῆσαι πρὸς τὸ δεῖπνον ὁ νοῦν ἔχων, ἀλλὰ καὶ σπουδάσαι τι καὶ παῖξαι καὶ ἀκοῦσαι καὶ εἰπεῖν ὡς ὁ καιρὸς παρακαλεῖ τοὺς
5	συνόντας, εἰ μέλλουσι μετ’ ἀλλήλων ἡδέως ἔσεσθαι. καὶ γὰρ καὶ ὄψον πονηρὸν ἔστι παρώσασθαι, κἂν οἶνος ᾖ φαῦλος, ἐπὶ τὰς νύμφας καταφυγεῖν· σύνδειπνος δὲ κεφαλαλγὴς καὶ βαρὺς καὶ ἀνάγωγος παντὸς μὲν οἴνου καὶ ὄψου πάσης δὲ μουσουργοῦ
10	χάριν ἀπόλλυσι καὶ λυμαίνεται, καὶ οὐδ’ ἀπεμέσαι
148 A	τὴν τοιαύτην ἀηδίαν ἕτοιμόν ἐστιν, ἀλλ’ ἐνίοις εἰς ἅπαντα τὸν βίον ἐμμένει τὸ πρὸς ἀλλήλους δυσάρεστον, ὥσπερ ἑωλοκρασία τις ὕβρεως ἢ ὀργῆς ἐν οἴνῳ γενομένης. ὅθεν ἄριστα Χίλων,
5	καλούμενος ἐχθές, οὐ πρότερον ὡμολόγησεν ἢ πυθέσθαι τῶν κεκλημένων ἕκαστον. ἔφη γὰρ ὅτι σύμπλουν ἀγνώμονα δεῖ φέρειν καὶ σύσκηνον οἷς πλεῖν ἀνάγκη καὶ στρατεύεσθαι· τὸ δὲ συμπόταις ἑαυτὸν ὡς ἔτυχε καταμιγνύειν οὐ νοῦν ἔχοντος	356
10	ἀνδρός ἐστιν. ὁ δ’ Αἰγύπτιος σκελετός, ὃν ἐπιεικῶς εἰσφέροντες εἰς τὰ συμπόσια προτίθενται καὶ παρα‐
148 B	καλοῦσι μεμνῆσθαι τάχα δὴ τοιούτους ἐσομένους, καίπερ ἄχαρις καὶ ἄωρος ἐπίκωμος ἥκων, ὅμως ἔχει τινὰ καιρόν, καὶ εἰ μὴ πρὸς τὸ πίνειν καὶ ἡδυπαθεῖν ἀλλὰ πρὸς φιλίαν καὶ ἀγάπησιν ἀλλήλων
5	προτρέπεται, καὶ παρακαλεῖ τὸν βίον μὴ τῷ χρόνῳ βραχὺν ὄντα πράγμασι κακοῖς μακρὸν ποιεῖν.” Ἐν τοιούτοις λόγοις γενόμενοι κατὰ τὴν ὁδὸν ἀφικόμεθα πρὸς τὴν οἰκίαν, καὶ λούσασθαι μὲν ὁ Θαλῆς οὐκ ἠθέλησεν, ἀληλιμμένοι γὰρ ἦμεν· ἐπιὼν
10	δὲ τούς τε δρόμους ἐθεᾶτο καὶ τὰς παλαίστρας καὶ τὸ ἄλσος τὸ παρὰ τὴν θάλατταν ἱκανῶς διακεκο‐ σμημένον, ὑπ’ οὐδενὸς ἐκπληττόμενος τῶν τοιού‐
148 C	των, ἀλλ’ ὅπως μὴ καταφρονεῖν δοκοίη μηδ’ ὑπερορᾶν τοῦ Περιάνδρου τῆς φιλοτιμίας. τῶν δ’ ἄλλων τὸν ἀλειψάμενον ἢ λουσάμενον οἱ θεράποντες εἰσῆγον εἰς τὸν ἀνδρῶνα διὰ τῆς στοᾶς.
5	Ὁ δ’ Ἀνάχαρσις ἐν τῇ στοᾷ καθῆστο, καὶ παιδίσκη προειστήκει τὴν κόμην ταῖς χερσὶ διακρί‐ νουσα. ταύτην ὁ Θαλῆς ἐλευθεριώτατά πως αὐτῷ
5	προσδραμοῦσαν ἐφίλησε καὶ γελάσας “οὕτως,” ἔφη, “ποίει καλὸν τὸν ξένον, ὅπως ἡμερώτατος	358
10	ὢν μὴ φοβερὸς ᾖ τὴν ὄψιν ἡμῖν μηδ’ ἄγριος.” Ἐμοῦ δ’ ἐρομένου περὶ τῆς παιδὸς ἥτις εἴη,
148 D	“τὴν σοφήν,” ἔφη, “καὶ περιβόητον ἀγνοεῖς Εὔμητιν; οὕτω γὰρ ταύτην ὁ πατὴρ αὐτός, οἱ δὲ πολλοὶ πατρόθεν ὀνομάζουσι Κλεοβουλίνην.” Καὶ ὁ Νειλόξενος εἶπεν “ἦ που τὴν περὶ τὰ
5	αἰνίγματα δεινότητα καὶ σοφίαν,” ἔφη, “τῆς κόρης ἐπαινεῖς· καὶ γὰρ εἰς Αἴγυπτον ἔνια τῶν προβαλλο‐ μένων ὑπ’ αὐτῆς διῖκται.” “Οὐκ ἔγωγ’,” εἶπεν ὁ Θαλῆς· “τούτοις γὰρ ὥσπερ ἀστραγάλοις, ὅταν τύχῃ, παίζουσα χρῆται
10	καὶ διαβάλλεται πρὸς τοὺς ἐντυχόντας. ἀλλὰ καὶ φρόνημα θαυμαστὸν καὶ νοῦς ἔνεστι πολιτικὸς καὶ φιλάνθρωπον ἦθος, καὶ τὸν πατέρα τοῖς πολίταις
148 E	πραότερον ἄρχοντα παρέχει καὶ δημοτικώτερον.” “Εἶεν,” ὁ Νειλόξενος ἔφη, “καὶ φαίνεται βλέποντι πρὸς τὴν λιτότητα καὶ ἀφέλειαν αὐτῆς· Ἀνάχαρσιν δὲ πόθεν οὕτω τημελεῖ φιλοστόργως;”
5	“Ὅτι,” ἔφη, “σώφρων ἀνήρ ἐστι καὶ πολυ‐ μαθής, καὶ τὴν δίαιταν αὐτῇ καὶ τὸν καθαρμόν, ᾧ χρῶνται Σκύθαι περὶ τοὺς κάμνοντας, ἀφθόνως καὶ προθύμως παραδέδωκε. καὶ νῦν οἶμαι περι‐ έπειν αὐτὴν τὸν ἄνδρα καὶ φιλοφρονεῖσθαι, μανθά‐
10	νουσάν τι καὶ προσδιαλεγομένην.”
10	Ἤδη δὲ πλησίον οὖσιν ἡμῖν τοῦ ἀνδρῶνος ἀπήν‐ τησεν Ἀλεξίδημος ὁ Μιλήσιος (ἦν δὲ Θρασυ‐ βούλου τοῦ τυράννου νόθος) καὶ ἐξῄει τεταραγ‐	360
148 F	μένος καὶ σὺν ὀργῇ τινι πρὸς αὑτὸν οὐδὲν ἡμῖν γε σαφὲς διαλεγόμενος. ὡς δὲ τὸν Θαλῆν εἶδε, μικρὸν ἀνενεγκὼν καὶ καταστάς “οἵαν ὕβριν,” εἶπεν, “εἰς ἡμᾶς Περίανδρος ὕβρικεν, ἐκπλεῦσαι
5	μὲν οὐκ ἐάσας ὡρμημένον ἀλλὰ προσμεῖναι δεηθεὶς τὸ δεῖπνον, ἐλθόντι δὲ νέμων κλισίαν ἄτιμον, Αἰολεῖς δὲ καὶ νησιώτας (καὶ τίνας γὰρ οὐχί;) Θρασυβούλου προτιμῶν· Θρασύβουλον γὰρ ἐν ἐμοὶ τὸν πέμψαντα προπηλακίσαι βουλόμενος καὶ κατα‐
10	βαλεῖν ὡς δὴ περιορῶν δῆλός ἐστιν.”
149 A	“Εἶτ’,” ἔφη, “σὺ δέδιας μὴ καθάπερ Αἰγύπτιοι τοὺς ἀστέρας ὑψώματα καὶ ταπεινώματα λαμ‐ βάνοντας ἐν τοῖς τόποις οὓς διεξίασι γίγνεσθαι βελτίονας ἢ χείρονας ἑαυτῶν λέγουσιν, οὕτως ἡ
5	περὶ σὲ διὰ τὸν τόπον ἀμαύρωσις ἢ ταπείνωσις γένηται; καὶ τοῦ Λάκωνος ἔσῃ φαυλότερος, ὃς ἐν χορῷ τινι κατασταθεὶς εἰς τὴν ἐσχάτην χώραν ὑπὸ τοῦ ἄρχοντος ‘εὖ γ’,‘ εἶπεν, ‘ἐξεῦρες, ὡς καὶ αὕτα ἔντιμος γένηται.‘ οὐ καταλαβόντας,” ἔφη,
10	“τόπον μετὰ τίνας κατακείμεθα δεῖ ζητεῖν, μᾶλλον δ’ ὅπως εὐάρμοστοι τοῖς συγκατακειμένοις ὦμεν, ἀρχὴν καὶ λαβὴν φιλίας εὐθὺς ἐν αὐτοῖς ζητοῦντες,
149 B	μᾶλλον δ’ ἔχοντες τὸ μὴ δυσκολαίνειν ἀλλ’ ἐπαινεῖν
149 B	ὅτι τοιούτοις συγκατεκλίθημεν· ὡς ὅ γε τόπῳ κλισίας δυσχεραίνων δυσχεραίνει τῷ συγκλίτῃ μᾶλλον ἢ τῷ κεκληκότι, καὶ πρὸς ἀμφοτέρους	362
5	ἀπεχθάνεται.” “Λόγος,” ἔφη, “ταῦτ’ ἄλλως ἐστίν” ὁ Ἀλεξί‐ δημος, “ἔργῳ δὲ καὶ τοὺς σοφοὺς ὑμᾶς ὁρῶ τὸ τιμᾶσθαι διώκοντας,” καὶ ἅμα παραμειψάμενος ἡμᾶς ἀπῆλθε.
10	Καὶ ὁ Θαλῆς πρὸς ἡμᾶς τὴν ἀτοπίαν τοῦ ἀνθρώ‐ που θαυμάζοντας, “ἔμπληκτος,” ἔφη, “καὶ ἀλλό‐ κοτος φύσει, ἐπεὶ καὶ μειράκιον ὢν ἔτι, μύρου σπουδαίου Θρασυβούλῳ κομισθέντος, εἰς ψυκτῆρα
149 C	κατεράσας μέγαν καὶ προσεγχέας ἄκρατον ἐξ‐ έπιεν, ἔχθραν ἀντὶ φιλίας Θρασυβούλῳ διαπεπραγ‐ μένος.” Ἐκ τούτου περιελθὼν ὑπηρέτης “κελεύει σε
5	Περίανδρος,” ἔφη, “καὶ Θαλῆν παραλαβόντα τοῦτον ἐπισκέψασθαι τὸ κεκομισμένον ἀρτίως αὐτῷ πότερον ἄλλως γέγονεν ἤ τι σημεῖόν ἐστι καὶ τέρας· αὐτὸς μὲν γὰρ ἔοικε τεταράχθαι σφόδρα, μίασμα καὶ κηλῖδα τῆς θυσίας ἡγούμενος.” ἅμα
10	δ’ ἀπῆγεν ἡμᾶς εἴς τι οἴκημα τῶν περὶ τὸν κῆπον. ἐνταῦθα νεανίσκος ὡς ἐφαίνετο νομευτικός, οὔπω γενειῶν ἄλλως τε τὸ εἶδος οὐκ ἀγεννής, ἀναπτύξας τινὰ διφθέραν ἔδειξεν ἡμῖν βρέφος ὡς ἔφη γεγονὸς ἐξ ἵππου, τὰ μὲν ἄνω μέχρι τοῦ τραχήλου καὶ τῶν
149 D	χειρῶν ἀνθρωπόμορφον, τὰ λοιπὰ δ’ ἔχον ἵππου, τῇ δὲ φωνῇ καθάπερ τὰ νεογνὰ παιδάρια κλαυθ‐
149 D	μυριζόμενον. ὁ μὲν οὖν Νειλόξενος, “Ἀλεξίκακε” εἰπών, ἀπεστράφη τὴν ὄψιν, ὁ δὲ Θαλῆς προσ‐	364
5	έβλεπε τῷ νεανίσκῳ πολὺν χρόνον, εἶτα μειδιάσας (εἰώθει δ’ ἀεὶ παίζειν πρὸς ἐμὲ περὶ τῆς τέχνης) “ἦ που τὸν καθαρμόν, ὦ Διόκλεις,” ἔφη, “κινεῖν διανοῇ καὶ παρέχειν πράγματα τοῖς ἀποτροπαίοις, ὥς τινος δεινοῦ καὶ μεγάλου συμβάντος;”
10	“Τί δ’,” εἶπον, “οὐ μέλλω; στάσεως γάρ, ὦ Θαλῆ, καὶ διαφορᾶς τὸ σημεῖόν ἐστι, καὶ δέδια μὴ μέχρι γάμου καὶ γενεᾶς ἐξίκηται, πρὶν ἢ τὸ πρῶτον ἐξιλάσασθαι μήνιμα, τῆς θεοῦ δεύτερον ὡς ὁρᾷς προφαινούσης.”
149 E	Πρὸς τοῦτο μηδὲν ἀποκρινάμενος ὁ Θαλῆς ἀλλὰ γελῶν ἀπηλλάττετο. καὶ τοῦ Περιάνδρου πρὸς τὰς θύρας ἀπαντήσαντος ἡμῖν καὶ διαπυθομένου περὶ ὧν εἴδομεν, ἀφεὶς ὁ Θαλῆς με καὶ λαβόμενος
5	τῆς ἐκείνου χειρὸς ἔφη, “ἃ μὲν Διοκλῆς κελεύει δράσεις καθ’ ἡσυχίαν· ἐγὼ δέ σοι παραινῶ νέοις οὕτω μὴ χρῆσθαι νομεῦσιν ἵππων, ἢ διδόναι γυναῖκας αὐτοῖς.” Ἔδοξε μὲν οὖν μοι τῶν λόγων ἀκούσας ὁ Περίαν‐
10	δρος ἡσθῆναι σφόδρα· καὶ γὰρ ἐξεγέλασε καὶ τὸν Θαλῆν περιβαλὼν κατησπάσατο. κἀκεῖνος “οἶμαι δ’,” εἶπεν, “ὦ Διόκλεις, καὶ πέρας ἔσχε τὸ
149 F	σημεῖον· ὁρᾷς γὰρ ἡλίκον κακὸν γέγονεν ἡμῖν, Ἀλεξιδήμου συνδειπνεῖν μὴ θελήσαντος.” Ἐπεὶ δ’ εἰσήλθομεν, ἤδη μεῖζον ὁ Θαλῆς φθεγξάμενος “ποῦ δ’” εἶπεν “ὁ ἀνὴρ κατακλινά‐
5	μενος ἐδυσχέρανεν;” ἀποδειχθείσης δὲ τῆς χώρας
5	περιελθὼν ἐκεῖ κατέκλινεν ἑαυτὸν καὶ ἡμᾶς “ἀλλὰ κἂν ἐπριάμην” εἰπών “Ἀρδάλῳ κοινωνεῖν μιᾶς τραπέζης.” ἦν δὲ Τροιζήνιος ὁ Ἄρδαλος, αὐλῳδὸς	366
150 A	καὶ ἱερεὺς τῶν Ἀρδαλείων Μουσῶν, ἃς ὁ παλαιὸς Ἄρδαλος ἱδρύσατο ὁ Τροιζήνιος. Ὁ δ’ Αἴσωπος (ἐτύγχανε γὰρ ὑπὸ Κροίσου νεωστὶ πρός τε Περίανδρον ἅμα καὶ πρὸς τὸν θεὸν
5	εἰς Δελφοὺς ἀπεσταλμένος, καὶ παρῆν ἐπὶ δίφρου τινὸς χαμαιζήλου παρὰ τὸν Σόλωνα καθήμενος ἄνω κατακείμενον) “ἡμίονος δ’,” ἔφη, “Λυδὸς ἐν ποταμῷ τῆς ὄψεως ἑαυτοῦ κατιδὼν εἰκόνα καὶ θαυμάσας τὸ κάλλος καὶ τὸ μέγεθος τοῦ σώματος
10	ὥρμησε θεῖν ὥσπερ ἵππος ἀναχαιτίσας. εἶτα μέντοι συμφρονήσας ὡς ὄνου υἱὸς εἴη, κατέπαυσε
150 B	ταχὺ τὸν δρόμον καὶ ἀφῆκε τὸ φρύαγμα καὶ τὸν θυμόν.” Ὁ δὲ Χίλων λακωνίσας τῇ φωνῇ, “καὶ τύνη,” ἔφη, “βραδὺς καὶ τρέχεις τὸν ἡμίονον.”
5	Ἐκ τούτου παρῆλθε μὲν ἡ Μέλισσα καὶ κατ‐ εκλίθη παρὰ τὸν Περίανδρον, ἡ δ’ Εὔμητις ἐκάθισε παρὰ τὸ δεῖπνον. καὶ ὁ Θαλῆς ἐμὲ προσαγορεύσας ἐπάνω τοῦ Βίαντος κατακείμενον “τί οὐκ ἔφρασας,” εἶπεν, “ὦ Διόκλεις, Βίαντι τὸν Ναυκρατίτην ξένον
10	ἥκοντα μετὰ προβλημάτων βασιλικῶν αὖθις ἐπ’ αὐτόν, ὅπως νήφων καὶ προσέχων ἑαυτῷ τὸν λόγον δέχηται;” Καὶ ὁ Βίας “ἀλλ’ οὗτος μέν,” ἔφη, “πάλαι
150 C	δεδίττεται ταῦτα παρακελευόμενος, ἐγὼ δὲ τὸν Διόνυσον οἶδα τά τ’ ἄλλα δεινὸν ὄντα καὶ Λύσιον
150 C	ἀπὸ σοφίας προσαγορευόμενον, ὥστ’ οὐ δέδια τοῦ θεοῦ μεστὸς γενόμενος μὴ ἀθαρσέστερον ἀγωνί‐	368
5	σωμαι.” Τοιαῦτα μὲν ἐκεῖνοι πρὸς ἀλλήλους ἅμα δει‐ πνοῦντες ἔπαιζον· ἐμοὶ δὲ τὸ δεῖπνον εὐτελέστερον ὁρῶντι τοῦ συνήθους ἐννοεῖν ἐπῄει πρὸς ἐμαυτὸν ὡς σοφῶν κἀγαθῶν ἀνδρῶν ὑποδοχὴ καὶ κλῆσις
10	οὐδεμίαν προστίθησι δαπάνην ἀλλὰ συστέλλει μᾶλ‐ λον, ἀφαιροῦσα περιεργίας ὄψων καὶ μύρα ξενικὰ καὶ πέμματα καὶ πολυτελῶν οἴνων διαχύσεις, οἷς
150 D	καθ’ ἡμέραν χρώμενος ἐπιεικῶς ὁ Περίανδρος ἐν τυραννίδι καὶ πλούτῳ καὶ πράγμασι, τότε πρὸς τοὺς ἄνδρας ἐκαλλωπίζετο λιτότητι καὶ σωφροσύνῃ δαπάνης. οὐ γὰρ μόνον τῶν ἄλλων ἀλλὰ καὶ τῆς
5	γυναικὸς ἀφελὼν καὶ ἀποκρύψας τὸν συνήθη κόσμον ἐπεδείκνυε σὺν εὐτελείᾳ καὶ μετριότητι κεκοσμημένην. Ἐπεὶ δ’ ἐπήρθησαν αἱ τράπεζαι καὶ στεφάνων παρὰ τῆς Μελίσσης διαδοθέντων ἡμεῖς μὲν ἐσπείσα‐
10	μεν ἡ δ’ αὐλητρὶς ἐπιφθεγξαμένη μικρὰ ταῖς σπον‐ δαῖς ἐκ μέσου μετέστη, προσαγορεύσας τὸν Ἀνάχαρσιν ὁ Ἄρδαλος ἠρώτησεν εἰ παρὰ Σκύθαις αὐλητρίδες εἰσίν.
150 E	Ὁ δ’ ἐκ τοῦ προστυχόντος “οὐδ’ ἄμπελοι” εἶπε. Τοῦ δ’ Ἀρδάλου πάλιν εἰπόντος “ἀλλὰ θεοί γε Σκύθαις εἰσί,” “πάνυ μὲν οὖν,” ἔφη, “γλώσσης
5	ἀνθρωπίνης συνιέντες, οὐχ ὥσπερ δ’ οἱ Ἕλληνες οἰόμενοι Σκυθῶν διαλέγεσθαι βέλτιον ὅμως τοὺς θεοὺς ὀστέων καὶ ξύλων ἥδιον ἀκροᾶσθαι νομίζου‐ σιν.”
5	Ὁ δ’ Αἴσωπος, “εἴ γ’,” εἶπεν, “εἰδείης, ὦ	370
10	ξένε, τοὺς νῦν αὐλοποιοὺς ὡς προέμενοι τὰ νεβρεῖα, χρώμενοι τοῖς ὀνείοις, βέλτιον ἠχεῖν λέγουσιν. διὸ καὶ Κλεοβουλίνη πρὸς τὸν Φρύγιον αὐλὸν ᾐνίξατο.
13
150 F	κνήμῃ νεκρὸς ὄνος με κερασφόρῳ οὖας ἔκρουσεν,
1	ὥστε θαυμάζειν τὸν ὄνον εἰ παχύτατος καὶ ἀμου‐ σότατος ὢν τἄλλα λεπτότατον καὶ μουσικώτατον ὀστέον παρέχεται.”
5	Καὶ ὁ Νειλόξενος “ἀμέλει ταῦτ’,” ἔφη, “καὶ ἡμῖν τοῖς Ναυκρατίταις ἐγκαλοῦσι Βουσιρῖται· χρώμεθα γὰρ ἤδη τοῖς ὀνείοις εἰς τὸν αὐλόν. ἐκείνοις δὲ καὶ σάλπιγγος ἀκούειν ἀθέμιτον, ὡς ὄνῳ φθεγγομένης ὅμοιον. ὄνον δ’ ὑπ’ Αἰγυπτίων
10	ἴστε δήπου διὰ Τυφῶνα προπηλακιζόμενον.” Γενομένης δὲ σιωπῆς ὁ Περίανδρος ὁρῶν βουλόμενον μὲν ὀκνοῦντα δ’ ἄρξασθαι τοῦ λόγου
151 A	τὸν Νειλόξενον, “ἐγώ τοι,” εἶπεν, “ὦ ἄνδρες ἐπαινῶ καὶ πόλεις καὶ ἄρχοντας, ὅσοι ξένοις πρῶτον εἶτα πολίταις χρηματίζουσι· καὶ νῦν δοκεῖ μοι τοὺς μὲν ἡμετέρους λόγους οἷον ἐπι‐
5	χωρίους καὶ συνήθεις βραχὺν χρόνον ἐπισχεῖν, πρόσοδον δ’ ὥσπερ ἐν ἐκκλησίᾳ δοῦναι τοῖς
5	Αἰγυπτίοις ἐκείνοις καὶ βασιλικοῖς, οὓς ὁ βέλτιστος ἥκει κομίζων Νειλόξενος Βίαντι, Βίας δὲ βούλεται κοινῇ σκέψασθαι μεθ’ ἡμῶν.”	372
10	Καὶ ὁ Βίας, “ποῦ γὰρ ἢ μετὰ τίνων,” ἔφη, “προθυμότερον ἄν τις ἀποκινδυνεύσειεν, εἰ δεῖ, πρὸς τοιαύτας ἀποκρίσεις, ἄλλως τε τοῦ βασιλέως
151 B	κελεύσαντος ἄρξασθαι μὲν ἀπ’ ἐμοῦ, περιελθεῖν δ’ εἰς ἅπαντας ὑμᾶς τὸν λόγον;” Οὕτω δὴ παρεδίδου μὲν αὐτῷ τὸ γραμματεῖον ὁ Νειλόξενος, ὁ δ’ αὐτὸν ἐκέλευσε λύσαντα παντά‐
5	πασιν ἐς μέσον ἀναγνῶναι. διάνοιαν δὲ τοιαύτην εἶχε τὰ γεγραμμένα. “Βασιλεὺς Αἰγυπτίων Ἄμασις λέγει Βίαντι σοφωτάτῳ Ἑλλήνων. “Βασιλεὺς Αἰθιόπων ἔχει πρὸς ἐμὲ σοφίας
10	ἅμιλλαν. ἡττώμενος δὲ τοῖς ἄλλοις ἐπὶ πᾶσι συντέθεικεν ἄτοπον ἐπίταγμα καὶ δεινόν, ἐκπιεῖν με κελεύων τὴν θάλατταν. ἔστι δὲ λύσαντι μὲν ἔχειν κώμας τε πολλὰς καὶ πόλεις τῶν ἐκείνου,
151 C	μὴ λύσαντι δ’ ἄστεων τῶν περὶ Ἐλεφαντίνην ἀποστῆναι. σκεψάμενος οὖν εὐθὺς ἀπόπεμπε Νειλόξενον. ἃ δὲ δεῖ φίλοις σοῖς ἢ πολίταις γενέσθαι παρ’ ἡμῶν οὐ τἀμὰ κωλύσει.”
5	Τούτων ἀναγνωσθέντων οὐ πολὺν χρόνον ἐπι‐ σχὼν ὁ Βίας, ἀλλὰ μικρὰ μὲν αὐτὸς πρὸς αὑτῷ γενόμενος μικρὰ δὲ τῷ Κλεοβούλῳ προσομι‐ λήσας ἐγγὺς κατακειμένῳ “τί λέγεις,” εἶπεν, “ὦ Ναυκρατῖτα; βασιλεύων ἀνθρώπων τοσούτων
10	Ἄμασις, κεκτημένος δὲ χώραν ἀρίστην τοσαύτην ἐθελήσει ἐπὶ κώμαις ἀδόξοις καὶ λυπραῖς ἐκπιεῖν
10	θάλατταν;” Καὶ ὁ Νειλόξενος γελάσας “ὡς θελήσαντος,” εἶπεν, “ὦ Βία, σκόπει τὸ δυνατόν.”	374
151 D	“Φραζέτω τοίνυν,” ἔφη, “τῷ Αἰθίοπι τοὺς ἐμβάλλοντας εἰς τὰ πελάγη ποταμοὺς ἐπισχεῖν, ἕως αὐτὸς ἐκπίνει τὴν νῦν οὖσαν θάλατταν· περὶ ταύτης γὰρ τὸ ἐπίταγμα γέγονεν, οὐ τῆς ὕστερον
5	ἐσομένης.” Ὡς δὲ ταῦτ’ εἶπεν ὁ Βίας, ὁ μὲν Νειλόξενος ὑφ’ ἡδονῆς ὥρμησε περιβαλεῖν τὸν Βίαντα καὶ φιλῆσαι· τῶν δ’ ἄλλων ἐπαινεσάντων καὶ ἀπο‐ δεξαμένων γελάσας ὁ Χίλων, “ὦ Ναυκρατῖτα,”
10	ἔφη, “ξένε, πρὶν ἀπολέσθαι τὴν θάλατταν ἐκ‐ ποθεῖσαν ἀπάγγελλε πλεύσας Ἀμάσιδι μὴ ζητεῖν ὅπως ἅλμην ἀναλώσει τοσαύτην, ἀλλὰ μᾶλλον ὅπως πότιμον καὶ γλυκεῖαν τοῖς ὑπηκόοις τὴν
151 E	βασιλείαν παρέξει· περὶ ταῦτα γὰρ δεινότατος Βίας καὶ διδάσκαλος τούτων ἄριστος, ἃ μαθὼν Ἄμασις οὐδὲν ἔτι τοῦ χρυσοῦ δεήσεται ποδα‐ νιπτῆρος ἐπὶ τοὺς Αἰγυπτίους, ἀλλὰ θεραπεύσουσι
5	πάντες αὐτὸν καὶ ἀγαπήσουσι χρηστὸν ὄντα, κἂν μυριάκις ἢ νῦν ἀναφανῇ δυσγενέστερος.” “Καὶ μήν,” ἔφη ὁ Περίανδρος, “ἄξιόν γε τοιαύτας ἀπαρχὰς τῷ βασιλεῖ συνεισενεγκεῖν ἅπαντας ‘ἀνδρακάς,‘ ὥσπερ ἔφησεν Ὅμηρος·
10	ἐκείνῳ τε γὰρ ἂν γένοιτο πλείονος ἀξία τῆς ἐμπορίας ἡ παρενθήκη, καὶ ἡμῖν ἀντὶ πάντων ὠφέλιμος.”
10	Εἰπόντος οὖν τοῦ Χίλωνος ὡς Σόλων κατ‐	376
151 F	άρχεσθαι τοῦ λόγου δίκαιός ἐστιν, οὐ μόνον ὅτι πάντων προήκει καθ’ ἡλικίαν καὶ τυγχάνει κατα‐ κείμενος πρῶτος, ἀλλ’ ὅτι τὴν μεγίστην καὶ τελειοτάτην ἀρχὴν ἄρχει νόμους Ἀθηναίοις
5	θέμενος, ὁ οὖν Νειλόξενος ἡσυχῇ πρὸς ἐμέ “πολλά γ’,” εἶπεν, “ὦ Διόκλεις, πιστεύεται ψευδῶς, καὶ χαίρουσιν οἱ πολλοὶ λόγους ἀνεπιτηδείους περὶ σοφῶν ἀνδρῶν αὐτοί τε πλάττοντες καὶ δεχόμενοι παρ’ ἑτέρων ἑτοίμως, οἷα καὶ πρὸς
10	ἡμᾶς εἰς Αἴγυπτον ἀπηγγέλη περὶ Χίλωνος, ὡς ἄρα διαλύσαιτο τὴν πρὸς Σόλωνα φιλίαν καὶ
152 A	ξενίαν, ὅτι τοὺς νόμους ὁ Σόλων ἔφη μετακινητοὺς εἶναι.” Καὶ ἐγώ “γελοῖος,” ἔφην, “ὁ λόγος· οὕτω γὰρ δεῖ πρῶτον ἀποποιεῖσθαι τὸν Λυκοῦργον
5	αὐτοῖς νόμοις ὅλην μετακινήσαντα τὴν Λακεδαι‐ μονίων πολιτείαν.” Μικρὸν οὖν ἐπισχὼν ὁ Σόλων “ἐμοὶ μέν,” ἔφη, “δοκεῖ μάλιστ’ ἂν ἔνδοξος γενέσθαι καὶ βασιλεὺς καὶ τύραννος, εἰ δημοκρατίαν ἐκ μον‐
10	αρχίας κατασκευάσειε τοῖς πολίταις.” Δεύτερος δ’ ὁ Βίας εἶπεν, “εἰ πρῶτος χρῷτο τοῖς νόμοις τῆς πατρίδος.” Ἐπὶ τούτῳ δ’ ὁ Θαλῆς ἔφησεν, εὐδαιμονίαν ἄρχοντος νομίζειν, εἰ τελευτήσειε γηράσας κατὰ
15	φύσιν. Τέταρτος Ἀνάχαρσις, “εἰ μόνον εἴη φρόνιμος.” Πέμπτος δ’ ὁ Κλεόβουλος, “εἰ μηδενὶ πιστεύοι τῶν συνόντων.”	378
152 B	Ἕκτος δ’ ὁ Πιττακός, “εἰ τοὺς ὑπηκόους ὁ ἄρχων παρασκευάσειε φοβεῖσθαι μὴ αὐτὸν ἀλλ’ ὑπὲρ αὐτοῦ.” Μετὰ τοῦτον ὁ Χίλων ἔφη τὸν ἄρχοντα χρῆναι
5	μηδὲν φρονεῖν θνητόν, ἀλλὰ πάντ’ ἀθάνατα. Ῥηθέντων δὲ τούτων ἠξιοῦμεν ἡμεῖς καὶ αὐτὸν εἰπεῖν τι τὸν Περίανδρον. ὁ δ’ οὐ μάλα φαιδρὸς ἀλλὰ συστήσας τὸ πρόσωπον “ἐγὼ τοίνυν,” ἔφη, “προσαποφαίνομαι τὰς εἰρημένας
10	γνώμας ἁπάσας σχεδὸν ἀφιστάναι τοῦ ἄρχειν τὸν νοῦν ἔχοντα.” Καὶ ὁ Αἴσωπος οἷον ἐλεγκτικῶς “ἔδει τοίνυν,” ἔφη, “τοῦτο καθ’ ἑαυτοὺς περαίνειν καὶ μή,
152 C	συμβούλους φάσκοντας εἶναι καὶ φίλους, κατηγόρους γίγνεσθαι τῶν ἀρχόντων.” Ἁψάμενος οὖν αὐτοῦ τῆς κεφαλῆς ὁ Σόλων καὶ διαμειδιάσας εἶπεν, “οὐκ ἂν δοκεῖ σοι μετριώ‐
5	τερον ἄρχοντα ποιεῖν καὶ τύραννον ἐπιεικέστερον ὁ πείθων ὡς ἄμεινον εἴη τὸ μὴ ἄρχειν ἢ τὸ ἄρχειν;” “Τίς δ’ ἂν,” ἔφη, “σοὶ τοῦτο πεισθείη μᾶλλον
5	ἢ τῷ θεῷ φράσαντι κατὰ τὸν πρὸς σὲ χρησμόν,	380
10	εὔδαιμον πτολίεθρον ἑνὸς κήρυκος ἀκοῦον;”
10	Καὶ ὁ Σόλων “ἀλλὰ μήν,” ἔφη, “καὶ νῦν ἑνὸς
152 D	Ἀθηναῖοι κήρυκος ἀκροῶνται καὶ ἄρχοντος τοῦ νόμου, δημοκρατίαν ἔχοντες. σὺ δὲ δεινὸς εἶ κοράκων ἐπαΐειν καὶ κολοιῶν, τῆς δ’ ἴσου φωνῆς οὐκ ἀκριβῶς ἐξακούεις, ἀλλὰ πόλιν μὲν οἴει κατὰ
5	τὸν θεὸν ἄριστα πράττειν τὴν ἑνὸς ἀκούουσαν, συμποσίου δ’ ἀρετὴν νομίζεις τὸ πάντας δια‐ λέγεσθαι καὶ περὶ πάντων.” “Σὺ γάρ,” ἔφη ὁ Αἴσωπος, “οὔπω γέγραφας ὅ τι ὅμοιον ἦν, οἰκέτας μὴ μεθύειν, ὡς ἔγραψας
10	Ἀθήνησιν οἰκέτας μὴ ἐρᾶν μηδὲ ξηραλοιφεῖν.” Γελάσαντος οὖν τοῦ Σόλωνος Κλεόδωρος ὁ ἰατρός “ἀλλ’ ὅμοιον,” ἔφη, “τὸ ξηραλοιφεῖν τῷ λαλεῖν ἐν οἴνῳ βρεχόμενον· ἥδιστον γάρ ἐστι.”
152 E	Καὶ ὁ Χίλων ὑπολαβὼν ἔφη “διὰ τοῦτό τοι μᾶλλον ἀφεκτέον αὐτοῦ.” Πάλιν δ’ ὁ Αἴσωπος, “καὶ μήν,” ἔφη, “Θαλῆς ἔδοξεν εἰπεῖν ὅτι τάχιστα γηράσαι.”
5	Γελάσας οὖν ὁ Περίανδρος, “ἔχομεν,” εἶπεν, “Αἴσωπε, τὴν δίκην προσηκόντως ἅτε, πρὶν ἢ τοὺς Ἀμάσιδος οὓς προειλόμεθα πάντας εἰσαγαγεῖν
5	λόγους, εἰς ἑτέρους ἐμπεσόντες. ὅρα δή, Νειλόξενε, τὰ λοιπὰ τῆς ἐπιστολῆς, καὶ χρῶ παροῦσιν ἐν	382
10	ταὐτῷ τοῖς ἀνδράσιν.” “Ἀλλὰ μήν,” ὁ Νειλόξενος ἔφη, “τὴν μὲν τοῦ Αἰθίοπος ἐπίταξιν οὐδὲν ἄν τις ἄλλο πλὴν ‘ἀχνυμένην σκυτάλην‘ προσείποι κατ’ Ἀρχί‐
152 F	λοχον, ὁ δὲ σὸς ξένος Ἄμασις ἡμερώτερος ἐν τοῖς τοιούτοις προβλήμασι καὶ μουσικώτερος γέγονεν· ἐκέλευσε γὰρ αὐτὸν εἰπεῖν τὸ πρεσβύτατον καὶ τὸ κάλλιστον καὶ τὸ μέγιστον καὶ τὸ σοφώτατον
5	καὶ τὸ κοινότατον, καὶ ναὶ μὰ Δία πρὸς τούτοις τὸ ὠφελιμώτατον, καὶ τὸ βλαβερώτατον καὶ τὸ ἰσχυρότατον καὶ τὸ ῥᾷστον εἰπεῖν.” “Ἆρ’ οὖν ἀπεκρίνατο καὶ διέλυσε τούτων ἕκαστον;”
10	“Οὕτως,” ὁ Νειλόξενος ἔφη· “κρίνετε δ’ ὑμεῖς ἀκούσαντες. περὶ πολλοῦ γὰρ ὁ βασιλεὺς
153 A	ποιεῖται μήτε συκοφαντῶν ἁλῶναι τὰς ἀποκρίσεις, εἴ τέ τι σφάλλεται κατὰ ταύτας ὁ ἀποκρινάμενος, τοῦτο μὴ διαφυγεῖν ἀνεξέλεγκτον. ἀναγνώσομαι δ’ ὑμῖν ὥσπερ ἀπεκρίνατο·
5	‘Τί πρεσβύτατον;‘ ‘χρόνος.‘ ‘Τί μέγιστον;‘ ‘κόσμος.‘ ‘Τί σοφώτατον;‘ ‘ἀλήθεια.‘ ‘Τί κάλλιστον;‘ ‘φῶς.‘ ‘Τί κοινότατον;‘ ‘θάνατος.‘
10	‘Τί ὠφελιμώτατον;‘ ‘θεός.‘
10	‘Τί βλαβερώτατον;‘ ‘δαίμων.‘ ‘Τί ῥωμαλεώτατον;‘ ‘τύχη.‘ ‘Τί ῥᾷστον;‘ ‘ἡδύ.‘” Τούτων πάλιν ἀναγνωσθέντων, ὦ Νίκαρχε,	384
15	γενομένης σιωπῆς Θαλῆς ἠρώτησε τὸν Νειλόξενον εἰ προσήκατο τὰς λύσεις ὁ Ἄμασις. ἐκείνου δ’ εἰπόντος ὅτι τὰς μὲν ἀπεδέξατο ταῖς δ’ ἐδυσκόλαινε,
153 B	“καὶ μὴν οὐδέν,” εἶπεν ὁ Θαλῆς, “ἀνεπίληπτόν ἐστιν, ἀλλ’ ἔχει πάντα διαμαρτίας μεγάλας καὶ ἀγνοίας. οἷον εὐθὺς ὁ χρόνος πῶς ἂν εἴη πρεσβύ‐ τατον, εἰ τὸ μὲν αὐτοῦ γεγονὸς τὸ δ’ ἐνεστώς
5	ἐστι τὸ δὲ μέλλον; ὁ γὰρ μεθ’ ἡμᾶς ἐσόμενος χρόνος καὶ πραγμάτων τῶν νῦν καὶ ἀνθρώπων νεώτερος ἂν φανείη. τὸ δὲ τὴν ἀλήθειαν ἡγεῖσθαι σοφίαν οὐδὲν ἐμοὶ δοκεῖ διαφέρειν τοῦ τὸ φῶς ὀφθαλμὸν ἀποφαίνειν. εἰ δὲ τὸ φῶς καλόν,
10	ὥσπερ ἐστὶν, ἐνόμιζε, πῶς τὸν ἥλιον αὐτὸν παρεῖδε; τῶν δ’ ἄλλων ἡ μὲν περὶ θεῶν καὶ δαιμόνων ἀπόκρισις θράσος ἔχει καὶ κίνδυνον,
153 C	ἀλογίαν δὲ καὶ πολλὴν ἡ περὶ τῆς τύχης· οὐ γὰρ ἂν μετέπιπτε ῥᾳδίως οὕτως, ἰσχυρότατον οὖσα τῶν ὄντων καὶ ῥωμαλεώτατον. οὐ μὴν οὐδ’ ὁ θάνατος κοινότατόν ἐστιν· οὐ γάρ ἐστι πρὸς τοὺς
5	ζῶντας. ἀλλ’ ἵνα μὴ δοκῶμεν εὐθύνειν τὰς τῶν ἑτέρων ἀποφάσεις, ἰδίας ταῖς ἐκείνου παρα‐ βάλωμεν· ἐμαυτὸν δὲ παρέχω πρῶτον, εἰ βούλεται
5	Νειλόξενος, ἐρωτᾶν καθ’ ἕκαστον. ὡς οὖν ἐγέ‐ νοντο τότε, κἀγὼ νῦν διηγήσομαι τὰς ἐρωτήσεις	386
10	καὶ τὰς ἀποκρίσεις· ‘Τί πρεσβύτατον;‘ ‘θεός,‘” ἔφη Θαλῆς· ”‘ἀγέν‐ νητον γάρ ἐστι.‘ ‘Τί μέγιστον;‘ ‘τόπος· τἄλλα μὲν γὰρ ὁ
153 D	κόσμος, τὸν δὲ κόσμον οὗτος περιέχει.‘ ‘Τί κάλλιστον;‘ ‘κόσμος· πᾶν γὰρ τὸ κατὰ τάξιν τούτου μέρος ἐστί.‘ ‘Τί σοφώτατον;‘ ‘χρόνος· τὰ μὲν γὰρ εὕρη‐
5	κεν οὗτος ἤδη, τὰ δ’ εὑρήσει.‘ ‘Τί κοινότατον;‘ ‘ἐλπίς· καὶ γὰρ οἷς ἄλλο μηδέν, αὕτη πάρεστι.‘ ‘Τί ὠφελιμώτατον;‘ ‘ἀρετή· καὶ γὰρ τἄλλα τῷ χρῆσθαι καλῶς ὠφέλιμα ποιεῖ.‘
10	‘Τί βλαβερώτατον;‘ ‘κακία· καὶ γὰρ τὰ πλεῖστα βλάπτει παραγενομένη.‘ ‘Τί ἰσχυρότατον;‘ ‘ἀνάγκη· μόνον γὰρ ἀ‐ νίκητον.‘ ‘Τί ῥᾷστον;‘ ‘τὸ κατὰ φύσιν, ἐπεὶ πρὸς
15	ἡδονάς γε πολλάκις ἀπαγορεύουσιν.‘”
153 E	Ἀποδεξαμένων δὲ πάντων τὸν Θαλῆν, ὁ Κλεόδωρος εἶπε, “τοιαῦτ’ ἐρωτᾶν καὶ ἀποκρίνεσθαι βασιλεῦσιν, ὦ Νειλόξενε, προσῆκόν ἐστιν· ὁ δὲ προ‐ πίνων τὴν θάλατταν Ἀμάσιδι βάρβαρος ἐδεῖτο τῆς
5	Πιττακοῦ βραχυλογίας, ᾗ πρὸς Ἀλυάττην ἐχρή‐
5	σατο προστάττοντά τι καὶ γράφοντα Λεσβίοις ὑπερήφανον, ἀποκρινάμενος οὐδὲν ἀλλ’ ἢ μόνον κελεύσας κρόμμυα καὶ θερμὸν ἄρτον ἐσθίειν.” Ὑπολαβὼν οὖν ὁ Περίανδρος “ἀλλὰ μήν,” ἔφη,	388
10	“καὶ τοῖς παλαιοῖς Ἕλλησιν ἔθος ἦν, ὦ Κλεόδωρε,
153 F	τοιαύτας ἀλλήλοις ἀπορίας προβάλλειν. ἀκούομεν γὰρ ὅτι καὶ πρὸς τὰς Ἀμφιδάμαντος ταφὰς εἰς Χαλκίδα τῶν τότε σοφῶν οἱ δοκιμώτατοι ποιηταὶ συνῆλθον· ἦν δ’ ὁ Ἀμφιδάμας ἀνὴρ πολεμικός, καὶ
5	πολλὰ πράγματα παρασχὼν Ἐρετριεῦσιν ἐν ταῖς περὶ Ληλάντου μάχαις ἔπεσεν. ἐπεὶ δὲ τὰ παρ‐ εσκευασμένα τοῖς ποιηταῖς ἔπη χαλεπὴν καὶ δύσ‐ κολον ἐποίει τὴν κρίσιν διὰ τὸ ἐφάμιλλον, ἥ τε δόξα τῶν ἀγωνιστῶν, Ὁμήρου καὶ Ἡσιόδου, πολλὴν
154 A	ἀπορίαν μετ’ αἰδοῦς τοῖς κρίνουσι παρεῖχεν, ἐτρά‐ ποντο πρὸς τοιαύτας ἐρωτήσεις, καὶ προέβαλ’ ὁ μέν, ὥς φησι Λέσχης,
3	Μοῦσά μοι ἔννεπε κεῖνα, τὰ μήτ’ ἐγένοντο πάροιθε
5	μήτ’ ἔσται μετόπισθεν,
5	ἀπεκρίνατο δ’ Ἡσίοδος ἐκ τοῦ παρατυχόντος
6	ἀλλ’ ὅταν ἀμφὶ Διὸς τύμβῳ καναχήποδες ἵπποι ἅρματα συντρίψωσιν ἐπειγόμενοι περὶ νίκης.
8	καὶ διὰ τοῦτο λέγεται μάλιστα θαυμασθεὶς τοῦ
10	τρίποδος τυχεῖν.” “Τί δὲ ταῦθ’,” ὁ Κλεόδωρος εἶπε, “διαφέρει
154 B	τῶν Εὐμήτιδος αἰνιγμάτων; ἃ ταύτην μὲν ἴσως οὐκ ἀπρεπές ἐστι παίζουσαν καὶ διαπλέκουσαν ὥσπερ ἕτεραι ζωνία καὶ κεκρυφάλους προβάλλειν ταῖς γυναιξίν, ἄνδρας δὲ νοῦν ἔχοντας ἔν τινι	390
5	σπουδῇ τίθεσθαι γελοῖον.” Ἡ μὲν οὖν Εὔμητις ἡδέως ἂν εἰποῦσά τι πρὸς αὐτόν, ὡς ἐφαίνετο, κατέσχεν ἑαυτὴν ὑπ’ αἰδοῦς, καὶ ἀνεπλήσθη τὸ πρόσωπον ἐρυθήματος· ὁ δ’ Αἴσωπος οἷον ἀμυνόμενος ὑπὲρ αὐτῆς “οὐ γελοιό‐
10	τερον οὖν,” εἶπε, “τὸ μὴ δύνασθαι ταῦτα διαλύειν, οἷόν ἐστιν ὃ μικρὸν ἔμπροσθεν ἡμῖν τοῦ δείπνου προέβαλεν,
12	ἄνδρ’ εἶδον πυρὶ χαλκὸν ἐπ’ ἀνέρι κολλήσαντα;
13	τί τοῦτ’ ἐστὶν ἔχοις ἂν εἰπεῖν;”
154 C	“Ἀλλ’ οὐδὲ μαθεῖν δέομαι,” ἔφη ὁ Κλεόδωρος. “Καὶ μὴν οὐδείς,” ἔφη, “σοῦ τοῦτο μᾶλλον οἶδεν οὐδὲ ποιεῖ βέλτιον· εἰ δ’ ἀρνῇ, μάρτυρας ἔχω σικύας.”
5	Ὁ μὲν οὖν Κλεόδωρος ἐγέλασε· καὶ γὰρ ἐχρῆτο μάλιστα ταῖς σικύαις τῶν καθ’ αὑτὸν ἰατρῶν, καὶ δόξαν οὐχ ἥκιστα τὸ βοήθημα τοῦτο δι’ ἐκεῖνον ἔσχηκε. Μνησίφιλος δ’ ὁ Ἀθηναῖος, ἑταῖρος ὢν καὶ
10	ζηλωτὴς Σόλωνος, “ἐγώ τοι,” εἶπεν, “ὦ Περί‐ ανδρε, τὸν λόγον ἀξιῶ καθάπερ τὸν οἶνον μὴ πλου‐
154 D	τίνδην μηδ’ ἀριστίνδην ἀλλ’ ἐξ ἴσου πᾶσιν ὥσπερ
154 D	ἐν δημοκρατίᾳ νέμεσθαι καὶ κοινὸν εἶναι· τῶν δ’ ἄρτι περὶ ἀρχῆς καὶ βασιλείας εἰρημένων οὐδὲν ἡμῖν τοῖς δημοτικοῖς μέτεστιν. ὅθεν οἰόμεθα δεῖν	392
5	πάλιν ἕκαστον ὑμῶν περὶ πολιτείας ἰσονόμου γνώ‐ μην τινὰ συμβαλέσθαι, ἀρξαμένους αὖθις ἀπὸ Σόλωνος.” Ἐδόκει δὴ ταῦτα ποιεῖν. καὶ πρῶτος ὁ Σόλων “ἀλλ’ ἀκήκοας μέν,” εἶπεν, “ὦ Μνησίφιλε, μετὰ
10	πάντων Ἀθηναίων ἣν ἔχω γνώμην περὶ πολιτείας· εἰ δὲ βούλει καὶ νῦν ἀκούειν, δοκεῖ μοι πόλις ἄριστα πράττειν καὶ μάλιστα σῴζειν δημοκρατίαν,
154 E	ἐν ᾗ τὸν ἀδικήσαντα τοῦ ἀδικηθέντος οὐδὲν ἧττον οἱ μὴ ἀδικηθέντες προβάλλονται καὶ κολάζουσι.” Δεύτερος δ’ ὁ Βίας ἔφησε κρατίστην εἶναι δημοκρατίαν ἐν ᾗ πάντες ὡς τύραννον φοβοῦνται
5	τὸν νόμον. Ἐπὶ τούτῳ Θαλῆς τὴν μήτε πλουσίους ἄγαν μήτε πένητας ἔχουσαν πολίτας. Μετὰ δὲ τοῦτον ὁ Ἀνάχαρσις ἐν ᾗ τῶν ἄλλων ἴσων νομιζομένων ἀρετῇ τὸ βέλτιον ὁρίζεται, καὶ
10	κακίᾳ τὸ χεῖρον. Πέμπτος δ’ ὁ Κλεόβουλος ἔφη μάλιστα σωφρο‐ νεῖν δῆμον ὅπου τὸν ψόγον μᾶλλον οἱ πολιτευό‐ μενοι δεδοίκασιν ἢ τὸν νόμον. Ἕκτος δ’ ὁ Πιττακός, ὅπου τοῖς πονηροῖς οὐκ
15	ἔξεστιν ἄρχειν καὶ τοῖς ἀγαθοῖς οὐκ ἔξεστι μὴ ἄρχειν.
154 F	Μεταστραφεὶς δ’ ὁ Χίλων ἀπεφήνατο τὴν μάλιστα νόμων ἥκιστα δὲ ῥητόρων ἀκούουσαν πολιτείαν ἀρίστην εἶναι. Τελευταῖος δὲ πάλιν ὁ Περίανδρος ἐπικρίνων	394
5	ἔφη δοκεῖν αὐτῷ πάντας ἐπαινεῖν δημοκρατίαν τὴν ὁμοιοτάτην ἀριστοκρατίᾳ. Τέλος δὲ καὶ τούτου τοῦ λόγου λαβόντος ἠξίουν ἐγὼ καὶ περὶ οἴκου ᾗ χρηστέον εἰπεῖν τοὺς ἄνδρας ἡμῖν· “βασιλείας μὲν γὰρ καὶ πόλεις
10	ὀλίγοι κυβερνῶσιν, ἑστίας δὲ πᾶσιν ἡμῖν καὶ οἴκου μέτεστι.” Γελάσας οὖν ὁ Αἴσωπος, “οὔκ, εἴγε τῶν πάν‐
155 A	των,” ἔφη, “καὶ Ἀνάχαρσιν ἀριθμεῖς· τούτῳ γὰρ οἶκος οὐκ ἔστιν, ἀλλὰ καὶ σεμνύνεται τῷ ἄοικος εἶναι, χρῆσθαι δ’ ἁμάξῃ, καθάπερ τὸν ἥλιον ἐν ἅρματι λέγουσι περιπολεῖν, ἄλλοτ’ ἄλλην ἐπι‐
5	νεμόμενον τοῦ οὐρανοῦ χώραν.” Καὶ ὁ Ἀνάχαρσις, “διὰ τοῦτό τοι,” εἶπεν, “ἢ μόνος ἢ μάλιστα τῶν θεῶν ἐλεύθερός ἐστι καὶ αὐτόνομος, καὶ κρατεῖ πάντων, κρατεῖται δ’ ὑπ’ οὐδενός, ἀλλὰ βασιλεύει καὶ ἡνιοχεῖ. πλὴν σέ γε
10	τὸ ἅρμα λέληθεν αὐτοῦ, ὡς ὑπερφυὲς κάλλει καὶ
155 B	μεγέθει θαυμάσιόν ἐστιν· οὐ γὰρ ἂν παίζων ἐπὶ γέλωτι παρέβαλες ἐκεῖνο τοῖς ἡμετέροις. οἶκον δέ μοι δοκεῖς, ὦ Αἴσωπε, ταυτὶ τὰ πήλινα καὶ ξύλινα καὶ κεραμεᾶ στεγάσματα νομίζειν, ὥσπερ εἰ κο‐
5	χλίαν ἡγοῖο τὸ κέλυφος, ἀλλὰ μὴ τὸ ζῷον. εἰκότως οὖν σοι γέλωτα παρέσχεν ὁ Σόλων, ὅτι τοῦ
5	Κροίσου τὴν οἰκίαν κεκοσμημένην πολυτελῶς θεα‐ σάμενος οὐκ εὐθὺς ἀπεφήνατο τὸν κεκτημένον εὐδαιμόνως οἰκεῖν καὶ μακαρίως, ἅτε δὴ τῶν ἐν	396
10	αὐτῷ μᾶλλον ἀγαθῶν ἢ τῶν παρ’ αὐτῷ βουλό‐ μενος γενέσθαι θεατής· σὺ δ’ ἔοικας οὐδὲ τῆς σεαυτοῦ μνημονεύειν ἀλώπεκος. ἐκείνη μὲν γὰρ εἰς ἀγῶνα ποικιλίας καταστᾶσα πρὸς τὴν πάρδαλιν ἠξίου τὰ ἐντὸς αὐτῆς καταμαθεῖν τὸν δικαστήν,
155 C	ποικιλωτέρα γὰρ ἐκεῖθεν φανεῖσθαι· σὺ δὲ τὰ τεκτόνων καὶ λιθοξόων ἔργα περινοστεῖς, οἶκον ἡγούμενος, οὐ τὰ ἐντὸς ἑκάστου καὶ οἰκεῖα, παῖδας καὶ γάμον καὶ φίλους καὶ θεράποντας, οἷς κἂν ἐν
5	μυρμηκιᾷ τις ἢ νεοττιᾷ νοῦν ἔχουσι καὶ σωφρο‐ νοῦσι κοινωνῇ τῶν ὑπαρχόντων, χρηστὸν οἶκον οἰκεῖ καὶ μακάριον. ἐγὼ μὲν οὖν,” ἔφη, “ταῦτα καὶ πρὸς Αἴσωπον ἀποκρίνομαι καὶ Διοκλεῖ συμ‐ βάλλομαι· τῶν δ’ ἄλλων ἕκαστος ἀποφαίνεσθαι
10	δίκαιός ἐστι τὴν ἑαυτοῦ γνώμην.” Τοῦτον οὖν ἄριστον ὁ Σόλων εἶπεν αὑτῷ δοκεῖν οἶκον, ὅπου τὰ χρήματα μήτε κτωμένοις ἀδικία
155 D	μήτε φυλάττουσιν ἀπιστία μήτε δαπανῶσι μετά‐ νοια πρόσεστιν. Ὁ δὲ Βίας ἐν ᾧ τοιοῦτός ἐστιν ὁ δεσπότης δι’ αὑτὸν οἷος ἔξω διὰ τὸν νόμον.
5	Ὁ δὲ Θαλῆς ἐν ᾧ πλείστην ἄγειν τῷ δεσπότῃ
5	σχολὴν ἔξεστιν. Ὁ δὲ Κλεόβουλος εἰ πλείονας ἔχοι τῶν φοβου‐ μένων αὐτὸν τοὺς φιλοῦντας ὁ δεσπότης. Ὁ δὲ Πιττακὸς εἶπεν ὡς ἄριστος οἶκός ἐστιν ὁ	398
10	τῶν περιττῶν μηδενὸς δεόμενος καὶ τῶν ἀναγ‐ καίων μηδενὸς ἐνδεόμενος. Ὁ δὲ Χίλων ἔφη δεῖν μάλιστα βασιλευομένῃ πόλει προσεοικέναι τὸν οἶκον. εἶτα προσεπεῖπεν ὅτι καὶ Λυκοῦργος πρὸς τὸν κελεύοντα δημο‐
155 E	κρατίαν ἐν τῇ πόλει καταστῆσαι, “πρῶτος,” ἔφη, “ποίησον ἐν τῇ οἰκίᾳ σου δημοκρατίαν.” Ἐπεὶ δὲ καὶ οὗτος ἔσχεν ὁ λόγος τέλος, ἡ μὲν Εὔμητις ἐξῆλθε μετὰ τῆς Μελίσσης, τοῦ δὲ
5	Περιάνδρου τῷ Χίλωνι προπιόντος εὐμεγέθη κύλικα, τῷ δὲ Βίαντι τοῦ Χίλωνος, Ἄρδαλος ἐπ‐ αναστὰς καὶ προσαγορεύσας τὸν Αἴσωπον, “σὺ δ’ οὐκ ἄν,” ἔφη, “διαπέμψαιο δεῦρο τὸ ποτήριον πρὸς ἡμᾶς, ὁρῶν τούτους ὥσπερ τὴν Βαθυκλέους
10	κύλικα διαπεμπομένους ἀλλήλοις, ἑτέρῳ δὲ μὴ μεταδιδόντας;”
155 F	Καὶ ὁ Αἴσωπος, “ἀλλ’ οὐδὲ τοῦτ’,” ἔφη, “τὸ ποτήριον δημοτικόν ἐστι· Σόλωνι γὰρ ἔκπαλαι παράκειται μόνῳ.” Τὸν οὖν Μνησίφιλον προσαγορεύσας ὁ Πιττακὸς
5	ἠρώτησε τί οὐ πίνει Σόλων ἀλλὰ καταμαρτυρεῖ τῶν
5	ποιημάτων ἐν οἷς γέγραφεν, ἔργα δὲ Κυπρογενοῦς νῦν μοι φίλα καὶ Διονύσου καὶ Μουσέων, ἃ τίθης’ ἀνδράσιν εὐφροσύνας.	400
8	Ὑποφθάσας δ’ Ἀνάχαρσις “σὲ γάρ, ὦ Πιττακέ,
10	καὶ τὸν σὸν ἐκεῖνον τὸν χαλεπὸν φοβεῖται νόμον, ἐν ᾧ γέγραφας Ἐάν τις ὁτιοῦν μεθύων ἁμάρτῃ, διπλασίαν ἢ τῷ νήφοντι τὴν ζημίαν εἶναι.” Καὶ ὁ Πιττακός, “σὺ δέ γ’,” εἶπεν, “οὕτως ἐξύβρισας εἰς τὸν νόμον, ὥστε πέρυσι παρ’
15	Ἀλκαίου ἀδελφῷ μεθυσθεὶς ἆθλον αἰτεῖν καὶ στέφανον.”
156 A	“Τί δ’ οὐκ ἔμελλον,” ἔφη ὁ Ἀνάχαρσις, “τῷ πλεῖστον πιόντι προκειμένων ἄθλων πρῶτος με‐ θυσθεὶς ἀπαιτεῖν τὸ νικητήριον; ἢ διδάξατέ μ’ ὑμεῖς, τί τέλος ἐστὶ τοῦ πολὺν πιεῖν ἄκρατον ἢ
5	τὸ μεθυσθῆναι.” Τοῦ δὲ Πιττακοῦ γελάσαντος ὁ Αἴσωπος λόγον εἶπε τοιοῦτον· “λύκος ἰδὼν ποιμένας ἐσθίοντας ἐν σκηνῇ πρόβατον ἐγγὺς προσελθών, ‘ἡλίκος ἂν ἦν,‘ ἔφη, ‘θόρυβος ὑμῖν, εἰ ἐγὼ τοῦτ’ ἐποίουν.‘”
10	Καὶ ὁ Χίλων “ὀρθῶς,” ἔφη, “Αἴσωπος ἠμύνατο, μικρὸν ἔμπροσθεν ἐπιστομισθεὶς ὑφ’ ἡμῶν, εἶτα νῦν ὁρῶν ἑτέρους τὸν Μνησιφίλου λόγον ὑφηρπακότας· Μνησίφιλος γὰρ ᾐτήθη τὴν ὑπὲρ Σόλωνος ἀπόκρισιν.”
156 B	“Καὶ λέγω,” ὁ Μνησίφιλος εἶπεν, “εἰδὼς ὅτι Σόλωνι δοκεῖ πάσης τέχνης καὶ δυνάμεως ἀνθρω‐ πίνης τε καὶ θείας ἔργον εἶναι τὸ γιγνόμενον μᾶλλον ἢ δι’ οὗ γίγνεται, καὶ τὸ τέλος ἢ τὰ πρὸς	402
5	τὸ τέλος. ὑφάντης τε γὰρ ἂν οἶμαι χλαμύδα ποιήσαιτο μᾶλλον ἔργον αὑτοῦ καὶ ἱμάτιον ἢ κανόνων διάθεσιν καὶ ἀνάρτησιν ἀγνύθων, χαλκεύς τε κόλλησιν σιδήρου καὶ στόμωσιν πελέκεως μᾶλλον ἤ τι τῶν ἕνεκα τούτου γιγνομένων ἀναγ‐
10	καίων, οἷον ἀνθράκων ἐκζωπύρησιν ἢ λατύπης παρασκευήν. ἔτι δὲ μᾶλλον ἀρχιτέκτων μέμψαιτ’ ἂν ἡμᾶς ἔργον αὐτοῦ μὴ ναὸν μηδ’ οἰκίαν ἀπο‐
156 C	φαίνοντας, ἀλλὰ τρυπῆσαι ξύλα καὶ φυρᾶσαι πηλόν· αἱ δὲ Μοῦσαι καὶ παντάπασιν, εἰ νομίζοιμεν αὐτῶν ἔργον εἶναι κιθάραν καὶ αὐλούς, ἀλλὰ μὴ τὸ παιδεύειν τὰ ἤθη καὶ παρηγορεῖν τὰ πάθη
5	τῶν χρωμένων μέλεσι καὶ ἁρμονίαις. οὐκοῦν οὐδὲ τῆς Ἀφροδίτης ἔργον ἐστὶ συνουσία καὶ μεῖξις, οὐδὲ τοῦ Διονύσου μέθη καὶ οἶνος, ἀλλ’ ἣν ἐμ‐ ποιοῦσι διὰ τούτων φιλοφροσύνην καὶ πόθον καὶ ὁμιλίαν ἡμῖν καὶ συνήθειαν πρὸς ἀλλήλους· ταῦτα
10	γὰρ ἔργα θεῖα καλεῖ Σόλων, καὶ ταῦτά φησιν ἀγαπᾶν καὶ διώκειν μάλιστα πρεσβύτης γενόμενος. ἔστι δὲ τῆς μὲν πρὸς γυναῖκας ἀνδρῶν ὁμοφροσύνης
156 D	καὶ φιλίας δημιουργὸς ἡ Ἀφροδίτη, τοῖς σώμασιν ὑφ’ ἡδονῆς ἅμα συμμιγνύουσα καὶ συντήκουσα τὰς ψυχάς· τοῖς δὲ πολλοῖς καὶ μὴ πάνυ συνήθεσι μηδ’ ἄγαν γνωρίμοις ὁ Διόνυσος ὥσπερ ἐν πυρὶ
5	τῷ οἴνῳ μαλάττων τὰ ἤθη καὶ ἀνυγραίνων ἀρ‐ χήν τινα συγκράσεως πρὸς ἀλλήλους καὶ φιλίας ἐνδίδωσιν. ὅταν δὲ τοιοῦτοι συνέλθωσιν ἄνδρες, οἵους ὁ Περίανδρος ὑμᾶς παρακέκληκεν, οὐδὲν ἔργον ἐστὶν οἶμαι κύλικος οὐδ’ οἰνοχόης, ἀλλ’ αἱ	404
10	Μοῦσαι καθάπερ κρατῆρα νηφάλιον ἐν μέσῳ προθέμεναι τὸν λόγον, ᾧ πλεῖστον ἡδονῆς ἅμα καὶ παιδιᾶς καὶ σπουδῆς ἔνεστιν, ἐγείρουσι τούτῳ καὶ κατάρδουσι καὶ διαχέουσι τὴν φιλοφροσύνην,
156 E	ἐῶσαι τὰ πολλὰ τὴν ‘οἰνοχόην‘ ἀτρέμα κεῖσθαι ‘κρητῆρος ὕπερθεν,‘ ὅπερ ἀπηγόρευσεν Ἡσίοδος ἐν τοῖς πίνειν μᾶλλον ἢ διαλέγεσθαι δυναμένοις. ἐπεὶ τάς γε προπόσεις αὐτάς,” ἔφη, “πυνθάνομαι
5	λείπειν τοῖς παλαιοῖς, ἓν ‘δαιτρόν,‘ ὡς Ὅμηρος ἔφη, καὶ μετρητὸν ἑκάστου πίνοντος, εἶθ’ ὥσπερ Αἴας μερίδος μεταδιδόντος τῷ πλησίον.” Εἰπόντος δὲ ταῦτα τοῦ Μνησιφίλου Χερσίας ὁ
156 F	ποιητής (ἀφεῖτο γὰρ ἤδη τῆς αἰτίας καὶ διήλλακτο τῷ Περιάνδρῳ νεωστί, Χίλωνος δεηθέντος) “ἆρ’ οὖν,” ἔφη, “καὶ τοῖς θεοῖς ὁ Ζεύς, ὥσπερ τοῖς ἀριστεῦσιν ὁ Ἀγαμέμνων, μετρητὸν ἐνέχει τὸ
5	ποτόν, ὅτε προέπινον ἀλλήλοις ἑστιώμενοι παρ’ αὐτῷ;” Καὶ ὁ Κλεόδωρος, “σὺ δ’, ὦ Χερσία,” εἶπεν, “εἰ τὴν ἀμβροσίαν τῷ Διὶ πελειάδες τινὲς κομί‐
5	ζουσιν, ὡς ὑμεῖς λέγετε, τὰς Πλαγκτὰς ὑπερ‐	406
10	πετόμεναι χαλεπῶς καὶ μόλις, οὐ νομίζεις καὶ τὸ νέκταρ αὐτῷ δυσπόριστον εἶναι καὶ σπάνιον,
157 A	ὥστε φείδεσθαι καὶ παρέχειν ἑκάστῳ τεταμιευ‐ μένον;” “Ἴσως,” εἶπεν ὁ Χερσίας· “ἀλλ’ ἐπεὶ πάλιν οἰκονομίας λόγος γέγονε, τίς ἂν ὑμῶν
5	φράσειεν ἡμῖν τὸ ἀπολειπόμενον; ἀπολείπεται δ’ οἶμαι κτήσεώς τι λαβεῖν μέτρον αὐτάρκους καὶ ἱκανῆς ἐσομένης.” Καὶ ὁ Κλεόβουλος, “ἀλλὰ τοῖς μὲν σοφοῖς,” ἔφη, “μέτρον ὁ νόμος δέδωκε, πρὸς δὲ τοὺς
10	φαύλους ἐρῶ λόγον τῆς ἐμῆς θυγατρὸς ὃν πρὸς τὸν ἀδελφὸν εἶπεν. ἔφη γὰρ τὴν Σελήνην δεῖσθαι τῆς ἑαυτῆς μητρὸς ὅπως αὐτῇ χιτώνιον ὑφήνῃ
157 B	σύμμετρον· τὴν δ’ εἰπεῖν ‘καὶ πῶς σύμμετρον ὑφήνω; νῦν μὲν γὰρ ὁρῶ σε πανσέληνον, αὖθις δὲ μηνοειδῆ, τοτὲ δ’ ἀμφίκυρτον.‘ οὕτω δή, ὦ φίλε Χερσία, καὶ πρὸς ἄνθρωπον ἀνόητον καὶ
5	φαῦλον οὐδέν ἐστι μέτρον οὐσίας· ἄλλοτε γὰρ ἄλλος ἐστὶ ταῖς χρείαις διὰ τὰς ἐπιθυμίας καὶ τὰς τύχας, ὥσπερ ὁ Αἰσώπου κύων, ὃν οὑτοσί φησιν ἐν τῷ χειμῶνι συστρεφόμενον καὶ συσπειρώμενον διὰ τὸ ῥιγοῦν οἰκίαν ποιεῖν διανοεῖσθαι, θέρους
10	δ’ αὖ πάλιν ἐκτεταμένον καθεύδοντα φαίνεσθαι μέγαν ἑαυτῷ καὶ μήτ’ ἀναγκαῖον ἡγεῖσθαι μήτε μικρὸν ἔργον οἰκίαν περιβαλέσθαι τοσαύτην. ἦ γὰρ οὐχ ὁρᾷς,” εἶπεν, “ὦ Χερσία, καὶ τοὺς
157 C	μιαροὺς νῦν μὲν εἰς μικρὰ κομιδῇ συστέλλοντας ἑαυτοὺς ὡς στρογγύλως καὶ Λακωνικῶς βιωσο‐ μένους, νῦν δέ, εἰ μὴ τὰ πάντων ἔχουσιν ἰδιωτῶν ἅμα καὶ βασιλέων, ὑπ’ ἐνδείας ἀπολεῖσθαι νομί‐	408
5	ζοντας;” Ὡς οὖν ὁ Χερσίας ἀπεσιώπησεν, ὑπολαβὼν ὁ Κλεόδωρος, “ἀλλὰ καὶ τοὺς σοφούς,” εἶπεν, “ὑμᾶς ὁρῶμεν ἀνίσοις μέτροις τὰς κτήσεις νενεμημένας πρὸς ἀλλήλους ἔχοντας.”
10	Καὶ ὁ Κλεόβουλος, “ὁ γάρ τοι νόμος,” εἶπεν, “ὦ βέλτιστε ἀνδρῶν, ὡς ὑφάντης ἑκάστῳ τὸ πρέπον ἡμῶν καὶ τὸ μέτριον καὶ τὸ ἁρμόττον
157 D	ἀποδίδωσι. καὶ σὺ καθάπερ τῷ νόμῳ τῷ λόγῳ τρέφων καὶ διαιτῶν καὶ φαρμακεύων τοὺς κάμ‐ νοντας οὐκ ἴσον ἑκάστῳ, τὸ δὲ προσῆκον ἀπο‐ νέμεις ἅπασιν.”
5	Ὑπολαβὼν δ’ ὁ Ἄρδαλος, “ἆρ’ οὖν,” ἔφη, “καὶ τὸν ἑταῖρον ὑμῶν Σόλωνος δὲ ξένον Ἐπι‐ μενίδην νόμος τις ἀπέχεσθαι τῶν ἄλλων σιτίων κελεύει, τῆς δ’ ἀλίμου δυνάμεως ἣν αὐτὸς συντίθησι μικρὸν εἰς τὸ στόμα λαμβάνοντα διημερεύειν
10	ἀνάριστον καὶ ἄδειπνον;” Ἐπιστήσαντος δὲ τοῦ λόγου τὸ συμπόσιον ὁ μὲν Θαλῆς ἐπισκώπτων εὖ φρονεῖν ἔφη τὸν Ἐπιμενίδην ὅτι μὴ βούλεται πράγματα ἔχειν ἀλῶν τὰ σιτία καὶ πέττων ἑαυτῷ, καθάπερ
157 E	Πιττακός. “ἐγὼ γάρ,” εἶπε, “τῆς ξένης ἤκουον ᾀδούσης πρὸς τὴν μύλην, ἐν Ἐρέσῳ γενόμενος,
2	ἄλει, μύλα, ἄλει· καὶ γὰρ Πιττακὸς ἄλει
5	μεγάλας Μυτιλάνας βασιλεύων.” Ὁ δὲ Σόλων ἔφη θαυμάζειν τὸν Ἄρδαλον εἰ τὸν νόμον οὐκ ἀνέγνωκε τῆς διαίτης τοῦ ἀνδρὸς ἐν τοῖς ἔπεσι τοῖς Ἡσιόδου γεγραμμένον· ἐκεῖνος γάρ ἐστιν ὁ πρῶτος Ἐπιμενίδῃ σπέρματα τῆς	410
10	τροφῆς ταύτης παρασχὼν καὶ ζητεῖν ὁ διδάξας
10
157 F	ὅσον ἐν μαλάχῃ τε καὶ ἀσφοδέλῳ μέγ’ ὄνειαρ.
1	“Οἴει γάρ,” ὁ Περίανδρος εἶπε, “τὸν Ἡσίοδον ἐννοῆσαί τι τοιοῦτον; οὐκ ἐπαινέτην ὄντα φειδοῦς ἀεί, καὶ πρὸς τὰ λιτότατα τῶν ὄψων ὡς ἥδιστα
5	παρακαλεῖν ἡμᾶς; ἀγαθὴ μὲν γὰρ ἡ μαλάχη βρωθῆναι, γλυκὺς δ’ ὁ ἀνθέρικος· τὰ δ’ ἄλιμα ταῦτα καὶ ἄδιψα φάρμακα μᾶλλον ἢ σιτία πυνθάνο‐ μαι καὶ μέλι καὶ τυρόν τινα βαρβαρικὸν δέχεσθαι καὶ σπέρματα πάμπολλα τῶν οὐκ εὐπορίστων.
10	πῶς οὖν ἐῶμεν Ἡσιόδῳ τὸ
10	πηδάλιον μὲν ὑπὲρ καπνοῦ
11	κείμενον
12	ἔργα βοῶν δ’ ἀπόλοιτο καὶ ἡμιόνων ταλαεργῶν,
13	εἰ τοσαύτης δεήσει παρασκευῆς; θαυμάζω δέ
158 A	σου τὸν ξένον, ὦ Σόλων, εἰ Δηλίοις ἔναγχος ποιησάμενος τὸν μέγαν καθαρμὸν οὐχ ἱστόρησε παρ’ αὐτοῖς εἰς τὸ ἱερὸν κομιζόμενα τῆς πρώτης
158 A	ὑπομνήματα τροφῆς καὶ δείγματα μετ’ ἄλλων	412
5	εὐτελῶν καὶ αὐτοφυῶν μαλάχην καὶ ἀνθέρικον, ὧν εἰκός ἐστι καὶ τὸν Ἡσίοδον προξενεῖν ἡμῖν τὴν λιτότητα καὶ τὴν ἀφέλειαν.” “Οὐ ταῦτ’,” ἔφη, “μόνον,” ὁ Ἀνάχαρσις, “ἀλλὰ καὶ πρὸς ὑγίειαν ἐν τοῖς μάλιστα τῶν
10	λαχάνων ἑκάτερον ἐπαινεῖται.” Καὶ ὁ Κλεόδωρος “ὀρθῶς,” ἔφη, “λέγεις. ἰατρικὸς γὰρ Ἡσίοδος, ὡς δῆλός ἐστιν οὐκ
158 B	ἀμελῶς οὐδ’ ἀπείρως περὶ διαίτης καὶ κράσεως οἴνου καὶ ἀρετῆς ὕδατος καὶ λουτροῦ καὶ γυναικῶν διαλεγόμενος καὶ συνουσίας καιροῦ καὶ βρεφῶν καθίσεως. ἀλλ’ Ἡσιόδου μὲν ἐμοὶ δοκεῖ δι‐
5	καιότερον Αἴσωπος αὑτὸν ἀποφαίνειν μαθητὴν ἢ Ἐπιμενίδης· τούτῳ γὰρ ἀρχὴν τῆς καλῆς ταύτης καὶ ποικίλης καὶ πολυγλώσσου σοφίας ὁ πρὸς τὴν ἀηδόνα λόγος τοῦ ἱέρακος παρέσχηκεν. ἐγὼ δ’ ἂν ἡδέως ἀκούσαιμι Σόλωνος· εἰκὸς γὰρ αὐτὸν
10	πεπύσθαι, πολὺν χρόνον Ἀθήνησιν Ἐπιμενίδῃ συγγενόμενον, ὅ τι δὴ παθὼν ἢ σοφιζόμενος ἐπὶ τοιαύτην ἦλθε δίαιταν.” Καὶ ὁ Σόλων ἔφη “τί δὲ τοῦτ’ ἐκεῖνον
158 C	ἐρωτᾶν ἔδει; δῆλον γὰρ ἦν ὅτι τοῦ μεγίστου τῶν ἀγαθῶν καὶ κρατίστου δεύτερόν ἐστι τὸ δεῖσθαι τροφῆς βραχυτάτης. ἢ τὸ μέγιστον οὐ δοκεῖ τὸ μηδ’ ὅλως τροφῆς δεῖσθαι;”
5	“Οὐδαμῶς,” ὁ Κλεόδωρος, “ἔμοιγ’,” εἶπεν,
5	“εἰ δεῖ τὸ φαινόμενον εἰπεῖν, καὶ μάλιστα παρα‐ κειμένης τραπέζης, ἣν ἀναιροῦσιν αἰρομένης τρο‐ φῆς φιλίων θεῶν βωμὸν οὖσαν καὶ ξενίων. ὡς δὲ Θαλῆς λέγει τῆς γῆς ἀναιρεθείσης σύγχυσιν τὸν	414
10	ὅλον ἕξειν κόσμον, οὕτως οἴκου διάλυσις ἐστι· συναναιρεῖται γὰρ αὐτῇ πῦρ ἑστιοῦχον ἑστία κρατῆρες ὑποδοχαὶ ξενισμοί, φιλανθρωπότατα καὶ πρῶτα κοινωνήματα πρὸς ἀλλήλους, μᾶλλον δὲ
158 D	σύμπας ὁ βίος, εἴ γε διαγωγή τίς ἐστιν ἀνθρώπου πράξεων ἔχουσα διέξοδον, ὧν ἡ τῆς τροφῆς χρεία καὶ παρασκευὴ τὰς πλείστας παρακαλεῖ. δεινὸν μὲν οὖν, ὦ ἑταῖρε, καὶ τὸ γεωργίας αὐτῆς· δι‐
5	ολλυμένη γὰρ αὖθις ἀπολείπει γῆν ἡμῖν ἄμορφον καὶ ἀκάθαρτον, ὕλης ἀκάρπου καὶ ῥευμάτων πλημ‐ μελῶς φερομένων ὑπ’ ἀργίας ἀνάπλεων. συναπόλ‐ λυσι δὲ καὶ τέχνας πάσας καὶ ἐργασίας, ὧν ἔξαρχός ἐστι καὶ παρέχει βάσιν πάσαις καὶ ὕλην, καὶ τὸ
158 E	μηδέν εἰσι, ταύτης ἐκποδὼν γενομένης. κατα‐ λύονται δὲ καὶ τιμαὶ θεῶν, Ἡλίῳ μὲν μικράν, ἔτι δ’ ἐλάττω Σελήνῃ χάριν αὐγῆς μόνον καὶ ἀλέας ἀνθρώπων ἐχόντων. ὀμβρίῳ δὲ Διὶ καὶ προηροσίᾳ
5	Δήμητρι καὶ φυταλμίῳ Ποσειδῶνι ποῦ βωμός ἐστι, ποῦ δὲ θυσία; πῶς δὲ χαριδότης ὁ Διόνυσος, εἰ δεησόμεθα μηδενὸς ὧν δίδωσι; τί δὲ θύσομεν
5	ἢ σπείσομεν; τίνος δ’ ἀπαρξόμεθα; πάντα γὰρ ταῦτα τῶν μεγίστων ἀνατροπὴν καὶ σύγχυσιν ἔχει	416
10	πραγμάτων. ἡδονῆς δὲ πάσης μὲν περιέχεσθαι καὶ πάντως ἀλόγιστόν ἐστι, πᾶσαν δὲ φεύγειν καὶ πάντως ἀναίσθητον. τὴν μὲν οὖν ψυχὴν ἑτέραις
158 F	τισὶν ἡδοναῖς χρῆσθαι κρείττοσιν ὑπαρχέτω, τῷ δὲ σώματι λαβεῖν ἡδονὴν τῆς ἀπὸ τοῦ τρέφεσθαι δικαιοτέραν οὐκ ἔστιν εὑρεῖν, ὅπερ οὐδένα λέληθεν ἀνθρώπων· ταύτην γὰρ ἐν μέσῳ θέμενοι κοινω‐
5	νοῦσιν ἀλλήλοις δείπνων καὶ τραπέζης, ἀφρο‐ δισίων δὲ νύκτα καὶ πολὺ προβάλλονται σκότος, ἡγούμενοι ταύτης τὸ κοινωνεῖν ἀναίσχυντον εἶναι καὶ θηριῶδες, ὡς τὸ μὴ κοινωνεῖν ἐκείνης.” Ὑπολαβὼν οὖν ἐγὼ τοῦ Κλεοδώρου διαλιπόντος,
10	“ἐκεῖνο δ’ οὐ λέγεις,” εἶπον, “ὅτι καὶ τὸν ὕπνον ἅμα τῇ τροφῇ συνεκβάλλομεν· ὕπνου δὲ μὴ ὄντος
159 A	οὐδ’ ὄνειρός ἐστιν, ἀλλ’ οἴχεται τὸ πρεσβύτατον ἡμῖν μαντεῖον. ἔσται δὲ μονοειδὴς ὁ βίος καὶ τρόπον τινὰ μάτην τὸ σῶμα περικείσεται τῇ ψυχῇ· τὰ πλεῖστα γὰρ αὐτοῦ καὶ κυριώτατα τῶν μερῶν
5	ἐπὶ τὴν τροφὴν ὄργανα παρεσκεύασται, γλῶττα καὶ ὀδόντες καὶ στόμαχος καὶ ἧπαρ. ἀργὸν γὰρ οὐδέν ἐστιν οὐδὲ πρὸς ἄλλην συντεταγμένον χρείαν· ὥσθ’ ὁ μὴ δεόμενος τροφῆς οὐδὲ σώματος δεῖται. τοῦτο δ’ ἦν αὖ τὸ αὑτοῦ μὴ δεῖσθαι· σὺν σώματι
10	γὰρ ἡμῶν ἕκαστος. ἡμεῖς μὲν οὖν,” ἔφην ἐγώ, “ταύτας τῇ γαστρὶ συμβολὰς εἰσφέρομεν· εἰ δὲ
10	Σόλων ἤ τις ἄλλος τι κατηγορεῖ, ἀκουσόμεθα.”	418
159 B	“Πάνυ μὲν οὖν,” ἔφη ὁ Σόλων, “μὴ καὶ τῶν Αἰγυπτίων ἀκριτώτεροι φανῶμεν, οἳ τὸν νεκρὸν ἀνατέμνοντες ἔδειξαν τῷ ἡλίῳ, εἶτ’ αὖ τὰ μὲν εἰς τὸν ποταμὸν κατέβαλον, τοῦ δ’ ἄλλου
5	σώματος ὡς ἤδη καθαροῦ γεγονότος ἐπιμέλονται. τῷ γὰρ ὄντι τοῦτ’ ἐστὶ τὸ μίασμα τῆς σαρκὸς ἡμῶν καὶ ὁ τάρταρος ὡς ἐν Ἅιδου, δεινῶν τινων ῥευμάτων καὶ πνεύματος ὁμοῦ καὶ πυρὸς συμ‐ πεφυρμένου καὶ νεκρῶν περίπλεως. ζῶν γὰρ
10	οὐδεὶς ἀπ’ οὐδενὸς τρέφεται ζῶντος, ἀλλὰ θανα‐ τοῦντες τὰ ἔμψυχα, καὶ τὰ φυόμενα, τῷ τρέφεσθαι καὶ αὔξεσθαι μετέχοντα τοῦ ζῆν, ἀπολλύντες ἀδι‐
159 C	κοῦμεν. ἀπόλλυται γὰρ ἐξ οὗ πέφυκε τὸ μετα‐ βάλλον εἰς ἄλλο, καὶ πᾶσαν φθείρεται φθοράν, ὅπως ἂν θατέρου τροφὴ γένοιτο. τὸ δ’ ἀπέχε‐ σθαι σαρκῶν ἐδωδῆς, ὥσπερ Ὀρφέα τὸν παλαιὸν
5	ἱστοροῦσι, σόφισμα μᾶλλον ἢ φυγὴ τῶν περὶ τὴν τροφὴν ἀδικημάτων ἐστί. φυγὴ δὲ μία καὶ καθαρ‐ μὸς εἰς δικαιοσύνην τέλειος αὐτάρκη καὶ ἀπροσδεᾶ γενέσθαι. ᾧ δ’ ἄνευ κακώσεως ἑτέρου τὴν αὑτοῦ σωτηρίαν ἀμήχανον ὁ θεὸς πεποίηκε, τούτῳ τὴν
10	φύσιν ἀρχὴν ἀδικίας προστέθεικεν. ἆρ’ οὖν οὐκ ἄξιον, ὦ φίλε, συνεκτεμεῖν ἀδικίᾳ κοιλίαν καὶ στό‐ μαχον καὶ ἧπαρ, ἃ καλοῦ μὲν οὐδενὸς αἴσθησιν
159 D	ἡμῖν οὐδ’ ὄρεξιν ἐνδίδωσι, σκεύεσι δὲ μαγειρικοῖς, οἷα κοπίδες καὶ λέβητες, τὰ δὲ μυλωθρικοῖς καὶ καμίνοις καὶ φυραμούχοις καὶ μακτηρίοις ἔοικεν; ἀτεχνῶς δὲ τῶν πολλῶν ἴδοι τις ἂν ὥσπερ ἐν μυ‐	420
5	λῶνι τῷ σώματι τὴν ψυχὴν ἐγκεκαλυμμένην ἀεὶ περὶ τὴν τῆς τροφῆς χρείαν κυκλοῦσαν, ὥσπερ ἀμέλει καὶ ἡμεῖς ἄρτι μὲν οὔθ’ ἑωρῶμεν ἀλλήλους οὔτ’ ἠκούομεν, ἀλλ’ ἕκαστος ἐγκεκυφὼς ἐδούλευε τῇ περὶ τὴν τροφὴν χρείᾳ. νυνὶ δ’ ἐπαρθεισῶν τῶν
10	τραπεζῶν ἐλεύθεροι γεγονότες ὡς ὁρᾷς, ἐστεφανω‐ μένοι περὶ λόγους διατρίβομεν καὶ ἀλλήλοις σύν‐
159 E	εσμεν καὶ σχολὴν ἄγομεν, εἰς τὸ μὴ δεῖσθαι τροφῆς ἐληλυθότες. ἆρ’ οὖν, ἄνπερ ἡ νῦν οὖσα περὶ ἡμᾶς ἕξις ἄπαυστος διαμένῃ παρὰ πάντα τὸν βίον, οὐκ ἀεὶ σχολὴν ἕξομεν ἀλλήλοις συνεῖναι, μὴ δεδιότες
5	πενίαν μηδ’ εἰδότες πλοῦτον; ὁ γὰρ τῶν περιττῶν ζῆλος εὐθὺς ἀκολουθεῖ καὶ συνοικίζεται τῇ χρείᾳ τῶν ἀναγκαίων. “Ἀλλ’ οἴεται δεῖν τροφὴν εἶναι Κλεόδωρος, ὅπως τράπεζαι καὶ κρατῆρες ὦσι καὶ Δήμητρι καὶ
10	Κόρῃ θυσίαι. ἕτερος δέ τις ἀξιούτω μάχας εἶναι καὶ πόλεμον, ἵνα καὶ τείχη καὶ νεωσοίκους καὶ
159 F	ὁπλοθήκας ἔχωμεν καὶ θύωμεν ἑκατομφόνια, καθ‐
159 F	άπερ φασὶ νόμον εἶναι Μεσσηνίοις. ἄλλον δὲ πρὸς τὴν ὑγίειαν οἶμαι χαλεπαίνειν· δεινὸν γὰρ εἰ μηδε‐ νὸς νοσοῦντος οὐ στρωμνῆς ἔτι μαλακῆς ὄφελος οὐ	422
5	κλίνης, οὐκ Ἀσκληπιῷ θύσομεν οὐκ ἀποτροπαίοις, ἰατρικὴ δὲ μετ’ ὀργάνων καὶ φαρμάκων ἀποκείσε‐ ται τοσούτων ἀκλεὴς καὶ ἀπόθεστος. ἢ τί ταῦτ’ ἐκείνων διαφέρει; καὶ γὰρ ἡ τροφὴ λιμοῦ φάρμακον προσάγεται, καὶ θεραπεύειν ἑαυτοὺς λέγονται
160 A	πάντες οἱ τρεφόμενοι δίαιταν, οὐχ ὡς ἡδύ τι καὶ κεχαρισμένον ἀλλ’ ὡς ἀναγκαῖον τοῦτο τῇ φύσει πράττοντες. ἐπεὶ λύπας γε πλείονας ἔστιν ἀπὸ τῆς τροφῆς τῶν ἡδονῶν γιγνομένας κατ‐
5	αριθμῆσαι, μᾶλλον δ’ ἡ μὲν ἡδονὴ καὶ τόπον ἔχει βραχὺν ἐν τῷ σώματι καὶ χρόνον οὐ πολύν· ἡ δὲ περὶ τὴν διοίκησιν αὐτῆς ἀσχολία καὶ δυσχέρεια τί δεῖ λέγειν ὅσων αἰσχρῶν καὶ ὀδυνηρῶν ἡμᾶς ἐμπίπλησιν; οἶμαι γὰρ εἰς τοσαῦτα βλέψαντα τὸν
10	Ὅμηρον ἀποδείξει κεχρῆσθαι περὶ θεῶν τοῦ μὴ ἀποθνῄσκειν τῷ μὴ τρέφεσθαι
11	οὐ γὰρ σῖτον ἔδους’, οὐ πίνους’ αἴθοπα οἶνον· τοὔνεκ’ ἀναίμονές εἰσι καὶ ἀθάνατοι καλέονται,
13
160 B	ὡς μὴ μόνον τοῦ ζῆν ἀλλὰ καὶ τοῦ ἀποθνῄσκειν τὴν τροφὴν ἐφόδιον οὖσαν. ἐκ ταύτης γὰρ αἱ νόσοι, συντρεφόμεναι τοῖς σώμασιν οὐκ ἔλαττον ἐνδείας κακὸν ἔχουσι τὴν πλήρωσιν· πολλάκις δὲ καὶ
5	μεῖζόν ἐστιν ἔργον τοῦ πορίσαι τροφὴν καὶ συν‐ αγαγεῖν τὸ καταναλῶσαι καὶ διαφορῆσαι πάλιν εἰς τὸ σῶμα παραγενομένην. ἀλλ’ ὥσπερ ἂν δι‐ αποροῖεν αἱ Δαναΐδες τίνα βίον βιώσονται καὶ τί πράξουσιν ἀπαλλαγεῖσαι τῆς περὶ τὸν πίθον	424
10	λατρείας καὶ πληρώσεως, οὕτω διαποροῦμεν ἡμεῖς,
160 C	εἰ γένοιτο παύσασθαι φοροῦντας εἰς τὴν σάρκα τὴν ἄτρυτον ἐκ γῆς ἅμα καὶ θαλάττης τοσαῦτα, τί πράξομεν ἀπειρίᾳ τῶν καλῶν τὸν ἐπὶ τοῖς ἀναγ‐ καίοις στέργοντες βίον. ὥσπερ οὖν οἱ δουλεύ‐
5	σαντες, ὅταν ἐλευθερωθῶσιν, ἃ πάλαι τοῖς δεσπό‐ ταις ἔπραττον ὑπηρετοῦντες, ταῦτα πράττουσιν αὑτοῖς καὶ δι’ αὑτούς, οὕτως ἡ ψυχὴ νῦν μὲν τρέφει τὸ σῶμα πολλοῖς πόνοις καὶ ἀσχολίαις, εἰ δ’ ἀπαλλαγείη τῆς λατρείας, αὑτὴν δήπουθεν
10	ἐλευθέραν γενομένην θρέψει καὶ βιώσεται, εἰς αὑτὴν ὁρῶσα καὶ τὴν ἀλήθειαν, οὐδενὸς περι‐ σπῶντος οὐδ’ ἀπάγοντος.” Τὰ μὲν οὖν ῥηθέντα περὶ τροφῆς, ὦ Νίκαρχε, ταῦτ’ ἦν.
15	Ἔτι δὲ τοῦ Σόλωνος λέγοντος εἰσῆλθε Γόργος ὁ Περιάνδρου ἀδελφός· ἐτύγχανε γὰρ εἰς
160 D	Ταίναρον ἀπεσταλμένος ἔκ τινων χρησμῶν, τῷ Ποσειδῶνι θυσίαν καὶ θεωρίαν ἀπάγων. ἀσπασα‐ μένων δ’ αὐτὸν ἡμῶν καὶ τοῦ Περιάνδρου προσαγα‐ γομένου καὶ φιλήσαντος καθίσας παρ’ αὐτὸν ἐπὶ
5	τῆς κλίνης ἀπήγγειλεν ἅττα δὴ πρὸς μόνον ἐκεῖνον, ὁ δ’ ἠκροᾶτο, πολλὰ πάσχοντι πρὸς τὸν λόγον ὅμοιος ὤν. τὰ μὲν γὰρ ἀχθόμενος τὰ δ’ ἀγανακ‐
5	τῶν ἐφαίνετο, πολλάκις δ’ ἀπιστῶν, εἶτα θαυμάζων· τέλος δὲ γελάσας πρὸς ἡμᾶς “βούλομαι μέν,”	426
10	ἔφη, “πρὸς τὸ παρὸν φράσαι τὸ προσηγγελμένον·
160 E	ὀκνῶ δ’ ἀκούσας Θαλέω ποτ’ εἰπόντος ὅτι δεῖ τὰ μὲν εἰκότα λέγειν, τὰ δ’ ἀμήχανα σιωπᾶν.” Ὑπολαβὼν οὖν ὁ Βίας “ἀλλὰ καὶ τοῦτ’,” ἔφη, “Θαλέω τὸ σοφόν ἐστιν, ὅτι δεῖ τοῖς μὲν ἐχθροῖς
5	καὶ περὶ τῶν πιστῶν ἀπιστεῖν, τοῖς δὲ φίλοις καὶ τὰ ἄπιστα πιστεύειν, ἐχθροὺς μέν, ἔγωγ’ ἡγοῦμαι, τοὺς πονηροὺς καὶ ἀνοήτους, φίλους δὲ τοὺς χρηστοὺς καὶ φρονίμους αὐτοῦ καλοῦντος. οὐκοῦν,” ἔφη, “λεκτέον εἰς ἅπαντας, ὦ Γόργε, μᾶλλον δ’
10	ἀκτέον ἐπὶ τοὺς νέους τούτους διθυράμβους ὑπερ‐ φθεγγόμενον ὃν ἥκεις λόγον ἡμῖν κομίζων.” Ἔφη τοίνυν Γόργος ὅτι, τῆς θυσίας ἐφ’ ἡμέρας τρεῖς συντελεσθείσης ὑπ’ αὐτοῦ καὶ τῇ
160 F	τελευταίᾳ παννυχίδος οὔσης καὶ χορείας τινὸς καὶ παιδιᾶς παρὰ τὸν αἰγιαλόν, ἡ μὲν σελήνη κατέλαμ‐ πεν εἰς τὴν θάλατταν, οὐκ ὄντος δὲ πνεύματος ἀλλὰ νηνεμίας καὶ γαλήνης, πόρρωθεν ἀφεωρᾶτο φρίκη
5	κατιοῦσα παρὰ τὴν ἄκραν, ἀφρόν τινα καὶ ψόφον ἄγουσα τῷ ῥοθίῳ περὶ αὐτὴν πολύν, ὥστε πάντας ἐπὶ τὸν τόπον οἷ προσώκελλε καταδραμεῖν θαυ‐ μάσαντας. πρὶν δ’ εἰκάσαι τὸ προσφερόμενον ὑπὸ τάχους, δελφῖνες ὤφθησαν, οἱ μὲν ἀθρόοι πέριξ
10	κυκλοῦντες, οἱ δ’ ὑφηγούμενοι τοῦ αἰγιαλοῦ πρὸς
10	τὸ λειότατον, ἄλλοι δ’ ἐξόπισθεν, οἷον περιέποντες.	428
161 A	ἐν μέσῳ δ’ ἀνεῖχεν ὑπὲρ τῆς θαλάττης ὄγκος ἀ‐ σαφὴς καὶ ἄσημος ὀχουμένου σώματος, μέχρι οὗ συναγαγόντες εἰς ταὐτὸ καὶ συνεποκείλαντες ἐξ‐ έθηκαν ἐπὶ γῆν ἄνθρωπον ἔμπνουν καὶ κινούμενον,
5	αὐτοὶ δὲ πάλιν πρὸς τὴν ἄκραν ἀναφερόμενοι μᾶλ‐ λον ἢ πρότερον ἐξήλλοντο, παίζοντες ὑφ’ ἡδονῆς τινος ὡς ἔοικε καὶ σκιρτῶντες. “ἡμῶν δ’,” ὁ Γόργος ἔφη, “πολλοὶ μὲν διαταραχθέντες ἔφυγον ἀπὸ τῆς θαλάττης, ὀλίγοι δὲ μετ’ ἐμοῦ θαρρήσαντες
10	προσελθεῖν ἐγνώρισαν Ἀρίονα τὸν κιθαρῳδόν,
161 B	αὐτὸν τοὔνομα φθεγγόμενον ἑαυτοῦ, καὶ τῇ στολῇ καταφανῆ γενόμενον· τὸν γὰρ ἐναγώνιον ἐτύγχανεν ἀμπεχόμενος κόσμον, ᾧ κιθαρῳδῶν ἐχρήσατο. “Κομίσαντες οὖν ἐπὶ σκηνὴν αὐτόν, ὡς οὐδὲν εἶχε
5	κακὸν ἀλλ’ ἢ διὰ τάχος καὶ ῥοῖζον ἐφαίνετο τῆς φορᾶς ἐκλελυμένος καὶ κεκμηκώς, ἠκούσαμεν λόγον ἄπιστον ἅπασι πλὴν ἡμῶν τῶν θεασαμένων τὸ τέλος. ἔλεγε γὰρ Ἀρίων ὡς πάλαι μὲν ἐγνωκὼς ἐκ τῆς Ἰταλίας ἀπαίρειν, Περιάνδρου δὲ γράψαντος
10	αὐτῷ προθυμότερος γενόμενος ὁλκάδος Κορινθίας παραφανείσης εὐθὺς ἐπιβὰς ἀναχθείη, μετρίῳ δὲ πνεύματι χρωμένων ἡμέρας τρεῖς αἴσθοιτο τοὺς
161 C	ναύτας ἐπιβουλεύοντας ἀνελεῖν αὐτόν, εἶτα καὶ παρὰ τοῦ κυβερνήτου πύθοιτο κρύφα μηνύσαντος ὡς τῇ νυκτὶ τοῦτο δρᾶν αὐτοῖς εἴη δεδογμένον. ἔρημος οὖν ὢν βοηθείας καὶ ἀπορῶν ὁρμῇ τινι
5	χρήσαιτο δαιμονίῳ τὸ μὲν σῶμα κοσμῆσαι καὶ λαβεῖν ἐντάφιον αὑτῷ τὸν ἐναγώνιον ἔτι ζῶν κόσμον, ἐπᾷσαι δὲ τῷ βίῳ τελευτῶν καὶ μὴ γενέσθαι κατὰ τοῦτο τῶν κύκνων ἀγεννέστερος. ἐσκευασμένος οὖν καὶ προειπὼν ὅτι προθυμία τις	430
10	αὐτὸν ἔχοι τῶν νόμων διελθεῖν τὸν Πυθικὸν ὑπὲρ σωτηρίας αὑτοῦ καὶ τῆς νεὼς καὶ τῶν ἐμπλεόντων,
161 D	καταστὰς παρὰ τὸν τοῖχον ἐν πρύμνῃ καί τινα θεῶν πελαγίων ἀνάκλησιν προανακρουσάμενος ᾄδοι τὸν νόμον. καὶ ὅσον οὔπω μεσοῦντος αὐτοῦ κατα‐ δύοιτο μὲν ὁ ἥλιος εἰς τὴν θάλατταν, ἀναφαίνοιτο
5	δ’ ἡ Πελοπόννησος. οὐκέτ’ οὖν τῶν ναυτῶν τὴν νύκτα περιμενόντων ἀλλὰ χωρούντων ἐπὶ τὸν φόνον, ἰδὼν ξίφη γεγυμνωμένα καὶ παρακαλυπτό‐ μενον ἤδη τὸν κυβερνήτην, ἀναδραμὼν ῥίψειεν ἑαυτὸν ὡς δυνατὸν ἦν μάλιστα πόρρω τῆς ὁλκάδος.
10	πρὶν δ’ ὅλον καταδῦναι τὸ σῶμα δελφίνων ὑποδρα‐ μόντων ἀναφέροιτο, μεστὸς ὢν ἀπορίας καὶ ἀγνοίας καὶ ταραχῆς τὸ πρῶτον· ἐπεὶ δὲ ῥᾳστώνη τῆς ὀχήσεως ἦν, καὶ πολλοὺς ἑώρα ἀθροιζομένους
161 E	περὶ αὐτὸν εὐμενῶς καὶ διαδεχομένους ὡς ἀναγ‐ καῖον ἐν μέρει λειτούργημα καὶ προσῆκον πᾶσιν, ἡ δ’ ὁλκὰς ἀπολειφθεῖσα πόρρω τοῦ τάχους αἴ‐ σθησιν παρεῖχε, μήτε τοσοῦτον ἔφη δέους πρὸς
5	θάνατον αὐτῷ μήτ’ ἐπιθυμίας τοῦ ζῆν ὅσον φιλο‐ τιμίας ἐγγενέσθαι πρὸς τὴν σωτηρίαν, ὡς θεοφιλὴς ἀνὴρ φανείη καὶ λάβοι περὶ θεῶν δόξαν βέβαιον. ἅμα δὲ καθορῶν τὸν οὐρανὸν ἀστέρων περίπλεων
5	καὶ τὴν σελήνην ἀνίσχουσαν εὐφεγγῆ καὶ καθαράν,	432
161 F	ἑστώσης δὲ πάντῃ τῆς θαλάττης ἀκύμονος ὥσπερ τρίβον ἀνασχιζόμενον τῷ δρόμῳ, διανοεῖσθαι πρὸς αὑτὸν ὡς οὐκ ἔστιν εἷς ὁ τῆς Δίκης ὀφθαλμός, ἀλλὰ πᾶσι τούτοις ἐπισκοπεῖ κύκλῳ ὁ θεὸς τὰ πραττό‐
5	μενα περὶ γῆν τε καὶ θάλατταν. τούτοις δὲ δὴ τοῖς λογισμοῖς ἔφη τὸ κάμνον αὐτῷ καὶ βαρυνό‐ μενον ἤδη τοῦ σώματος ἀναφέρεσθαι, καὶ τέλος ἐπεὶ τῆς ἄκρας ἀπαντώσης ἀποτόμου καὶ ὑψηλῆς εὖ πως φυλαξάμενοι καὶ κάμψαντες ἐν χρῷ παρενή‐
10	χοντο τῆς γῆς ὥσπερ εἰς λιμένα σκάφος ἀσφαλῶς
162 A	κατάγοντες, παντάπασιν αἰσθέσθαι θεοῦ κυβερνήσει γεγονέναι τὴν κομιδήν. “Ταῦθ’,” ὁ Γόργος ἔφη, “τοῦ Ἀρίονος εἰπόν‐ τος, ἠρόμην αὐτὸν ὅποι τὴν ναῦν οἴεται κατασχή‐
5	σειν. ὁ δὲ πάντως μὲν εἰς Κόρινθον, πολὺ μέντοι καθυστερεῖν· αὐτὸν γὰρ ἑσπέρας ἐκπεσόντα πεντα‐ κοσίων οὐ μεῖον οἴεσθαι σταδίων δρόμον κομισθῆ‐ ναι, καὶ γαλήνην εὐθὺς κατασχεῖν.” οὐ μὴν ἀλλ’ ἑαυτὸν ὁ Γόργος ἔφη πυθόμενον τοῦ τε ναυκλήρου
10	τοὔνομα καὶ τοῦ κυβερνήτου καὶ τῆς νεὼς τὸ παρά‐ σημον ἐκπέμψαι πλοῖα καὶ στρατιώτας ἐπὶ τὰς κα‐
162 B	τάρσεις παραφυλάξοντας· τὸν δ’ Ἀρίονα μετ’ αὐτοῦ κομίζειν ἀποκεκρυμμένον, ὅπως μὴ προαισθόμενοι τὴν σωτηρίαν διαφύγοιεν· ὄντως οὖν ἐοικέναι θείᾳ τύχῃ τὸ πρᾶγμα· παρεῖναι γὰρ αὐτοὺς ἅμα δεῦρο
5	καὶ πυνθάνεσθαι τῆς νεὼς κεκρατημένης ὑπὸ τῶν
5	στρατιωτῶν συνειλῆφθαι τοὺς ἐμπόρους καὶ ναύτας. Ὁ μὲν οὖν Περίανδρος ἐκέλευσεν εὐθὺς ἐξ‐ αναστάντα τὸν Γόργον εἰς φυλακὴν ἀποθέσθαι τοὺς ἄνδρας οὗ μηδεὶς αὐτοῖς πρόσεισι μηδὲ φράσει τὸν	434
10	Ἀρίονα σεσωσμένον. Ὁ δ’ Αἴσωπος “ἀλλ’ ὑμεῖς,” ἔφη, “τοὺς ἐμοὺς χλευάζετε κολοιοὺς καὶ κόρακας εἰ διαλέγονται· δελφῖνες δὲ τοιαῦτα νεανιεύονται;” Κἀγὼ πρὸς αὐτόν, “ἄλλο τι λέγωμεν,” ἔφην,
162 C	“ὦ Αἴσωπε· τούτῳ δὲ τῷ λόγῳ πιστευομένῳ καὶ γραφομένῳ παρ’ ἡμῖν πλέον ἢ χίλι’ ἔτη διαγέγονεν καὶ ἀπὸ τῶν Ἰνοῦς καὶ Ἀθάμαντος χρόνων.” Ὁ δὲ Σόλων ὑπολαβών “ἀλλὰ ταῦτα μέν, ὦ
5	Διόκλεις, ἐγγὺς θεῶν ἔστω καὶ ὑπὲρ ἡμᾶς· ἀνθρώπινον δὲ καὶ πρὸς ἡμᾶς τὸ τοῦ Ἡσιόδου πάθος· ἀκήκοας γὰρ ἴσως τὸν λόγον.” “Οὐκ ἔγωγ’,” εἶπον. “Ἀλλὰ μὴν ἄξιον πυθέσθαι. Μιλησίου γάρ,
10	ὡς ἔοικεν, ἀνδρός, ᾧ ξενίας ἐκοινώνει ὁ Ἡσίοδος
162 D	καὶ διαίτης ἐν Λοκροῖς, τῇ τοῦ ξένου θυγατρὶ κρύφα συγγενομένου καὶ φωραθέντος ὑποψίαν ἔσχεν ὡς γνοὺς ἀπ’ ἀρχῆς καὶ συνεπικρύψας τὸ ἀδίκημα, μηδενὸς ὢν αἴτιος, ὀργῆς δὲ καιρῷ καὶ
5	διαβολῆς περιπεσὼν ἀδίκως. ἀπέκτειναν γὰρ αὐτὸν οἱ τῆς παιδίσκης ἀδελφοὶ περὶ τὸ Λοκρικὸν Νέμειον ἐνεδρεύσαντες, καὶ μετ’ αὐτοῦ τὸν ἀκόλουθον, ᾧ
5	Τρωίλος ἦν ὄνομα. τῶν δὲ σωμάτων εἰς τὴν θάλατταν ὠσθέντων τὸ μὲν τοῦ Τρωίλου, εἰς τὸν	436
10	Δάφνον ποταμὸν ἔξω φορούμενον, ἐπεσχέθη περι‐ κλύστῳ χοιράδι μικρὸν ὑπὲρ τὴν θάλατταν ἀν‐ εχούσῃ· καὶ μέχρι νῦν Τρωίλος ἡ χοιρὰς καλεῖται·
162 E	τοῦ δ’ Ἡσιόδου τὸν νεκρὸν εὐθὺς ἀπὸ γῆς ὑπο‐ λαβοῦσα δελφίνων ἀγέλη πρὸς τὸ Ῥίον κατὰ τὴν Μολύκρειαν ἐκόμιζε. ἐτύγχανε δὲ Λοκροῖς ἡ τῶν Ῥίων καθεστῶσα θυσία καὶ πανήγυρις, ἣν ἄγουσιν
5	ἔτι νῦν ἐπιφανῶς περὶ τὸν τόπον ἐκεῖνον. ὡς δ’ ὤφθη προσφερόμενον τὸ σῶμα, θαυμάσαντες ὡς εἰκὸς ἐπὶ τὴν ἀκτὴν κατέδραμον, καὶ γνωρίσαντες ἔτι πρόσφατον τὸν νεκρὸν ἅπαντα δεύτερα τοῦ ζητεῖν τὸν φόνον ἐποιοῦντο διὰ τὴν δόξαν τοῦ
10	Ἡσιόδου. καὶ τοῦτο μὲν ταχέως ἔπραξαν, εὑρόντες τοὺς φονεῖς· αὐτούς τε γὰρ κατεπόντισαν ζῶντας καὶ τὴν οἰκίαν κατέσκαψαν. ἐτάφη δ’ ὁ Ἡσίοδος πρὸς τῷ Νεμείῳ· τὸν δὲ τάφον οἱ πολλοὶ τῶν ξένων οὐκ ἴσασιν, ἀλλ’ ἀποκέκρυπται ζητούμενος ὑπ’
162 F	Ὀρχομενίων, ὥς φασι, βουλομένων κατὰ χρησμὸν ἀνελέσθαι τὰ λείψανα καὶ θάψαι παρ’ αὑτοῖς. εἴπερ οὖν οὕτως ἔχουσιν οἰκείως καὶ φιλανθρώπως πρὸς τοὺς ἀποθανόντας, ἔτι μᾶλλον εἰκός ἐστι
5	τοῖς ζῶσι βοηθεῖν, καὶ μάλιστα κηληθέντας αὐλοῖς ἤ τισι μέλεσι. τουτὶ γὰρ ἤδη πάντες ἴσμεν, ὅτι μουσικῇ τὰ ζῷα ταῦτα χαίρει καὶ διώκει, καὶ παρανήχεται τοῖς ἐλαυνομένοις πρὸς ᾠδὴν καὶ
5	αὐλὸν ἐν εὐδίᾳ πορείαις τερπόμενα. χαίρει δὲ	438
163 A	καὶ νήξεσι παίδων καὶ κολύμβοις ἁμιλλᾶται. διὸ καὶ νόμος ἀδείας ἄγραφός ἐστιν αὐτοῖς· θηρᾷ γὰρ οὐδεὶς οὔδε λυμαίνεται, πλὴν ὅταν ἐν δικτύοις γενόμενοι κακουργῶσι περὶ τὴν ἄγραν, πληγαῖς
5	κολάζονται καθάπερ παῖδες ἁμαρτάνοντες. μέμνη‐ μαι δὲ καὶ παρὰ Λεσβίων ἀνδρῶν ἀκούσας σωτη‐ ρίαν τινὰ κόρης ὑπὸ δελφῖνος ἐκ θαλάττης γενέσθαι· ἀλλ’ ἐγὼ μὲν οὐκ ἀκριβῶ τἄλλα, ὁ δὲ Πιττακὸς ἐπεὶ γιγνώσκει, δίκαιός ἐστι περὶ τούτων διελθεῖν.”
10	Ἔφη τοίνυν ὁ Πιττακὸς ἔνδοξον εἶναι καὶ μνημονευόμενον ὑπὸ πολλῶν τὸν λόγον. χρησμοῦ γὰρ γενομένου τοῖς οἰκίζουσι Λέσβον, ὅταν ἕρματι
163 B	πλέοντες προστύχωσιν ὃ καλεῖται Μεσόγειον, τότ’ ἐνταῦθα Ποσειδῶνι μὲν ταῦρον Ἀμφιτρίτῃ δὲ καὶ Νηρηίσι ζῶσαν καθεῖναι παρθένον· ὄντων οὖν ἀρχηγετῶν ἑπτὰ καὶ βασιλέων, ὀγδόου δὲ
5	τοῦ Ἐχελάου πυθοχρήστου τῆς ἀποικίας ἡγεμόνος, οὗτος μὲν ἠίθεος ἦν ἔτι, τῶν δ’ ἑπτὰ κληρουμένων, ὅσοις ἄγαμοι παῖδες ἦσαν, καταλαμβάνει θυγατέρα Σμινθέως ὁ κλῆρος. ἣν ἐσθῆτι καὶ χρυσῷ κο‐ σμήσαντες ὡς ἐγένοντο κατὰ τὸν τόπον, ἔμελλον
10	εὐξάμενοι καθήσειν. ἔτυχε δέ τις ἐρῶν αὐτῆς τῶν συμπλεόντων, οὐκ ἀγεννὴς ὡς ἔοικε νεανίας,
163 C	οὗ καὶ τοὔνομα διαμνημονεύουσιν Ἔναλον. οὗτος ἀμήχανόν τινα τοῦ βοηθεῖν τῇ παρθένῳ προθυμίαν ἐν τῷ τότε πάθει λαβὼν παρὰ τὸν καιρὸν ὥρμησε καὶ περιπλακεὶς ὁμοῦ συγκαθῆκεν ἑαυτὸν εἰς τὴν	440
5	θάλατταν. εὐθὺς μὲν οὖν φήμη τις οὐκ ἔχουσα τὸ βέβαιον, ἄλλως δὲ πείθουσα πολλοὺς ἐν τῷ στρατοπέδῳ διηνέχθη περὶ σωτηρίας αὐτῶν καὶ κομιδῆς. ὑστέρῳ δὲ χρόνῳ τὸν Ἔναλόν φασιν ἐν Λέσβῳ φανῆναι καὶ λέγειν ὡς ὑπὸ δελφίνων
10	φορητοὶ διὰ θαλάττης ἐκπέσοιεν ἀβλαβεῖς εἰς τὴν ἤπειρον, ἔτι δ’ ἄλλα θειότερα τούτων ἐκπλήτ‐ τοντα καὶ κηλοῦντα τοὺς πολλοὺς διηγεῖσθαι,
163 D	πάντων δὲ πίστιν ἔργῳ παρασχεῖν. κύματος γὰρ ἠλιβάτου περὶ τὴν νῆσον αἰρομένου καὶ τῶν ἀνθρώπων δεδιότων, ἀπαντῆσαι μόνον τῇ θαλάττῃ, καὶ ἕπεσθαι πολύποδας αὐτῷ πρὸς τὸ ἱερὸν τοῦ
5	Ποσειδῶνος· ὧν τοῦ μεγίστου λίθον κομίζοντος λαβεῖν τὸν Ἔναλον καὶ ἀναθεῖναι, καὶ τοῦτον Ἔναλον καλοῦμεν. “Καθόλου δ’,” εἶπεν, “εἴ τις εἰδείη διαφορὰν ἀδυνάτου καὶ ἀσυνήθους καὶ παραλόγου καὶ παραδόξου, μάλιστ’ ἄν, ὦ
10	Χίλων, καὶ μήτε πιστεύων ὡς ἔτυχε μήτ’ ἀπιστῶν, τὸ ‘μηδὲν ἄγαν‘ ὡς σὺ προσέταξας διαφυλάττοι.” Μετὰ δὲ τοῦτον ὁ Ἀνάχαρσις εἶπεν ὅτι τοῦ Θαλέω καλῶς ὑπολαμβάνοντος ἐν πᾶσιν εἶναι
163 E	τοῖς κυριωτάτοις μέρεσι τοῦ κόσμου καὶ μεγίστοις
163 E	ψυχήν, οὐκ ἄξιόν ἐστι θαυμάζειν εἰ τὰ κάλλιστα περαίνεται θεοῦ γνώμῃ. “ψυχῆς γὰρ ὄργανον τὸ σῶμα, θεοῦ δ’ ἡ ψυχή· καὶ καθάπερ σῶμα	442
5	πολλὰς μὲν ἐξ αὑτοῦ κινήσεις ἔχει, τὰς δὲ πλείστας καὶ καλλίστας ὑπὸ ψυχῆς, οὕτως αὖ πάλιν ἡ ψυχὴ τὰ μὲν ὑφ’ ἑαυτῆς κινουμένη πράττει, τὰ δὲ τῷ θεῷ παρέχει χρωμένῳ κατευθύνειν καὶ τρέπειν ἑαυτὴν ᾗ βούλοιτο, πάντων ὀργάνων εὐτρεπέστατον
10	οὖσα. δεινὸν γάρ,” εἶπεν, “εἰ πῦρ μὲν ὄργανόν ἐστι θεοῦ καὶ πνεῦμα καὶ ὕδωρ καὶ νέφη καὶ
163 F	ὄμβροι, δι’ ὧν πολλὰ μὲν σῴζει τε καὶ τρέφει, πολλὰ δ’ ἀπόλλυσι καὶ ἀναιρεῖ, ζῴοις δὲ χρῆται πρὸς οὐδὲν ἁπλῶς οὐδέπω τῶν ὑπ’ αὐτοῦ γιγνο‐ μένων. ἀλλὰ μᾶλλον εἰκὸς ἐξηρτημένα τῆς τοῦ
5	θεοῦ δυνάμεως ὑπουργεῖν, καὶ συμπαθεῖν ταῖς τοῦ θεοῦ κινήσεσιν ἢ Σκύθαις τόξα λύραι δ’ Ἕλλησι καὶ αὐλοὶ συμπαθοῦσιν.” Ἐπὶ δὲ τούτοις ὁ ποιητὴς Χερσίας ἄλλων τε σωθέντων ἀνελπίστως ἐμέμνητο καὶ Κυψέλου
10	τοῦ Περιάνδρου πατρός, ὃν οἱ πεμφθέντες ἀνελεῖν νεογνὸν ὄντα προσμειδιάσαντ’ αὐτοῖς ἀπετράποντο· καὶ πάλιν μετανοήσαντες ἐζήτουν καὶ οὐχ εὗρον
164 A	εἰς κυψέλην ὑπὸ τῆς μητρὸς ἀποτεθέντα. διὸ καὶ τὸν οἶκον ἐν Δελφοῖς κατεσκεύασεν ὁ Κύψελος, ὥσπερ θεοῦ τότε τὸν κλαυθμυρισμὸν ἐπισχόντος, ὅπως διαλάθοι τοὺς ζητοῦντας.
5	Καὶ ὁ Πιττακὸς προσαγορεύσας τὸν Περίανδρον “εὖ γ’,” ἔφη, “Περίανδρε, Χερσίας ἐποίησε μνησθεὶς τοῦ οἴκου· πολλάκις γὰρ ἐβουλόμην ἐρέσθαι σε τῶν βατράχων τὴν αἰτίαν ἐκείνων, τί βούλονται περὶ τὸν πυθμένα τοῦ φοίνικος ἐν‐	444
10	τετορευμένοι τοσοῦτοι, καὶ τίνα πρὸς τὸν θεὸν ἢ τὸν ἀναθέντα λόγον ἔχουσι.” Τοῦ δὲ Περιάνδρου τὸν Χερσίαν ἐρωτᾶν κελεύ‐ σαντος, εἰδέναι γὰρ ἐκεῖνον καὶ παρεῖναι τῷ
164 B	Κυψέλῳ καθιεροῦντι τὸν οἶκον, ὁ Χερσίας μειδιάσας “ἀλλ’ οὐκ ἄν,” ἔφη, “φράσαιμι πρότερον ἢ πυθέ‐ σθαι παρὰ τούτων ὅ τι βούλεται τὸ ‘μηδὲν ἄγαν‘ αὐτοῖς καὶ τὸ ‘γνῶθι σαυτόν,‘ καὶ τοῦτο δὴ τὸ
5	πολλοὺς μὲν ἀγάμους πολλοὺς δ’ ἀπίστους ἐνίους δὲ καὶ ἀφώνους πεποιηκὸς ‘ἐγγύα πάρα δ’ ἄτα.‘” “Τί δ’,” εἶπεν ὁ Πιττακός, “ἡμῶν δέῃ ταῦτα φραζόντων; πάλαι γὰρ Αἰσώπου λόγον εἰς ἕκα‐ στον ὡς ἔοικε τούτων συντεθεικότος ἐπαινεῖς.”
10	Καὶ ὁ Αἴσωπος, “ὅταν γε παίζῃ πρὸς ἐμὲ Χερσίας,” εἶπε· “σπουδάζων δὲ τούτων Ὅμηρον εὑρετὴν ἀποδείκνυσι καί φησι τὸν μὲν Ἕκτορα
164 C	γιγνώσκειν ἑαυτόν· τοῖς γὰρ ἄλλοις ἐπιτιθέμενος
1	Αἴαντος ἀλέεινε μάχην Τελαμωνιάδαο·
2	τὸν δ’ Ὀδυσσέα τοῦ ‘μηδὲν ἄγαν‘ ἐπαινέτην τῷ
2	Διομήδει παρακελεύεσθαι	446
5	Τυδείδη, μήτ’ ἄρ’ με μάλ’ αἴνεε μήτε τι νείκει.
5	τὴν δ’ ἐγγύην οἱ μὲν ἄλλοι λοιδορεῖν αὐτὸν ὡς πρᾶγμα δείλαιον καὶ μάταιον οἴονται λέγοντα
7	δειλαί τοι δειλῶν γε καὶ ἐγγύαι ἐγγυάασθαι,
8	Χερσίας δ’ οὑτοσί φησι τὴν Ἄτην ὑπὸ τοῦ Διὸς
10	ῥιφῆναι τῇ ἐγγύῃ παραγιγνομένην ἣν ἐγγυησά‐
164 D	μενος ὁ Ζεὺς ἐσφάλη περὶ τῆς τοῦ Ἡρακλέους γενέσεως.” Ὑπολαβὼν δ’ ὁ Σόλων “οὐκοῦν,” ἔφη, “καὶ τῷ σοφωτάτῳ πιστευτέον Ὁμήρῳ
4
5	νὺξ δ’ ἤδη τελέθει· ἀγαθὸν καὶ νυκτὶ πιθέσθαι.
5	σπείσαντες οὖν Μούσαις καὶ Ποσειδῶνι καὶ Ἀμφιτρίτῃ διαλύωμεν εἰ δοκεῖ τὸ συμπόσιον.”
5	Τοῦτ’ ἔσχεν, ὦ Νίκαρχε, πέρας ἡ τότε συνουσία.	448

t

1

146

B

146

C

146

D

146

E

146

F

147

A

147

B

147

C

147

D

147

E

147

F

148

A

148

B

148

C

148

D

148

E

148

F

149

A

149

B

149

C

149

D

149

E

149

F

150

A

150

B

150

C

150

D

150

E

150

F

151

A

151

B

151

C

151

D

151

E

151

F

152

A

152

B

152

C

152

D