|
TLG 0007 035 :: PLUTARCHUS :: Cimon PLUTARCHUS Biogr.
Phil. Cimon Citation: Chapter — section — (line) | ||
Cim.t1 | ΚΙΜΩΝ ΚΑΙ ΛΕΥΚΟΛΛΟΣ | |
Cim.1.1 | Περιπόλτας ὁ μάντις ἐκ Θεσσαλίας εἰς Βοιωτίαν Ὀφέλταν τὸν βασιλέα καὶ τοὺς ὑπ’ αὐτῷ λαοὺς καταγα‐ γών, γένος εὐδοκιμῆσαν ἐπὶ πολλοὺς χρόνους κατέλιπεν, οὗ τὸ πλεῖστον ἐν Χαιρωνείᾳ κατῴκησεν, ἣν πρώτην πό‐ | |
Cim.1.2 | λιν ἔσχον ἐξελάσαντες τοὺς βαρβάρους. οἱ μὲν οὖν πλεῖ‐ στοι τῶν ἀπὸ τοῦ γένους, φύσει μάχιμοι καὶ ἀνδρώδεις γενόμενοι, καταναλώθησαν ἐν ταῖς Μηδικαῖς ἐπιδρομαῖς καὶ τοῖς Γαλατικοῖς ἀγῶσιν, ἀφειδήσαντες αὑτῶν· λεί‐ | |
| 5 | πεται δὲ παῖς ὀρφανὸς γονέων ὄνομα Δάμων, παρωνύ‐ μιον δὲ Περιπόλτας, πολὺ δή τι καὶ σώματος κάλλει καὶ ψυχῆς φρονήματι τοὺς καθ’ αὑτὸν ὑπεραίρων νέους, ἄλλως | |
|---|---|---|
Cim.1.3 | δ’ ἀπαίδευτος καὶ σκληρὸς τὸ ἦθος. τούτου Ῥωμαῖος ἡγεμὼν σπείρας τινὸς ἐν Χαιρωνείᾳ διαχειμαζούσης ἐρα‐ σθείς, ἄρτι τὴν παιδικὴν ἡλικίαν παρηλλαχότος, ὡς οὐκ ἔπειθε πειρῶν καὶ διδούς, δῆλος ἦν οὐκ ἀφεξόμενος | |
| 5 | βίας, ἅτε δὴ καὶ τῆς πατρίδος ἡμῶν τότε λυπρὰ πρατ‐ τούσης καὶ διὰ μικρότητα καὶ πενίαν παρορωμένης. | |
Cim.1.4 | τοῦτο δὴ δεδιὼς ὁ Δάμων καὶ τὴν πεῖραν αὐτὴν δι’ ὀρ‐ γῆς πεποιημένος, ἐπεβούλευε τῷ ἀνδρὶ καὶ συνίστη τῶν ἡλικιωτῶν τινας ἐπ’ αὐτόν, οὐ πολλοὺς ἕνεκα τοῦ λα‐ θεῖν, ἀλλ’ οἱ σύμπαντες ἑκκαίδεκα γενόμενοι χρίονται | |
| 5 | μὲν αἰθάλῳ τὰ πρόσωπα νυκτός, ἐμπιόντες δ’ ἄκρατον ἅμ’ ἡμέρᾳ προσπίπτουσι τῷ Ῥωμαίῳ κατ’ ἀγορὰν θύ‐ οντι, καὶ καταβαλόντες αὐτόν τε καὶ τῶν περὶ αὐτὸν | |
Cim.1.5 | ὀλίγους, ἐκ τῆς πόλεως μετέστησαν. γενομένης δὲ ταρα‐ χῆς, ἡ τῶν Χαιρωνέων βουλὴ συνελθοῦσα θάνατον αὐ‐ τῶν κατέγνω· καὶ τοῦτ’ ἦν ὑπὲρ τῆς πόλεως ἀπολό‐ γημα πρὸς τοὺς Ῥωμαίους. ἑσπέρας δὲ τῶν ἀρχόντων | 332 |
| 5 | ὥσπερ ἔθος ἐστὶ κοινῇ δειπνούντων, οἱ περὶ τὸν Δά‐ μωνα παρεισπεσόντες εἰς τὸ ἀρχεῖον ἀπέσφαξαν αὐτούς, καὶ πάλιν ᾤχοντο φεύγοντες ἐκ τῆς πόλεως. | |
Cim.1.6 | Ἔτυχε δὲ περὶ τὰς ἡμέρας ἐκείνας Λεύκιος Λεύκολλος ἐπί τινα πρᾶξιν μετὰ δυνάμεως παρερχόμενος. ἐπιστή‐ σας δὲ τὴν πορείαν καὶ τῶν γεγονότων προσφάτων ὄν‐ των ἐξέτασιν ποιησάμενος, εὗρε τὴν πόλιν οὐδενὸς αἰ‐ | |
| 5 | τίαν, ἀλλὰ μᾶλλον συνηδικημένην, καὶ τοὺς στρατιώτας | |
Cim.1.7 | ἀναλαβὼν ἀπήγαγε μεθ’ ἑαυτοῦ. τὸν δὲ Δάμωνα λῃστεί‐ αις καὶ καταδρομαῖς πορθοῦντα τὴν χώραν καὶ τῇ πόλει προσκείμενον ὑπηγάγοντο πρεσβείαις καὶ ψηφίσμασι φι‐ λανθρώποις οἱ πολῖται, κατελθόντα δὲ γυμνασίαρχον | |
| 5 | κατέστησαν· εἶτ’ ἀλειφόμενον ἐν τῷ πυριατηρίῳ διέ‐ | |
Cim.1.8 | φθειραν. ἐπὶ πολὺν δὲ χρόνον εἰδώλων τινῶν ἐν τῷ τόπῳ προφαινομένων καὶ στεναγμῶν ἐξακουομένων, ὡς οἱ πατέρες ἡμῶν λέγουσι, τὰς θύρας ἀπῳκοδόμησαν τοῦ πυριατηρίου, καὶ μέχρι νῦν οἱ τῷ τόπῳ γειτνιῶντες | |
| 5 | οἴονταί τινας ὄψεις καὶ φωνὰς ταραχώδεις φέρεσθαι. | |
Cim.1.9 | τοὺς δ’ ἀπὸ τοῦ γένους αὐτοῦ—διασῴζονται γὰρ ἔνιοι, μάλιστα τῆς Φωκίδος περὶ Στεῖριν—αἰολίζοντες Ἀσβο‐ λωμένους καλοῦσι διὰ τὸ τὸν Δάμωνα πρὸς τὸν φόνον ἀσβόλῳ χρισάμενον ἐξελθεῖν. | |
Cim.2.1 | Ἐπεὶ δ’ ἀστυγείτονες ὄντες Ὀρχομένιοι καὶ διά‐ φοροι τοῖς Χαιρωνεῦσιν ἐμισθώσαντο Ῥωμαϊκὸν συκο‐ φάντην, ὁ δ’ ὥσπερ ἑνὸς ἀνθρώπου τὸ τῆς πόλεως ὄνομα κατενεγκὼν ἐδίωκε φόνου τῶν ὑπὸ τοῦ Δάμωνος ἀνῃρη‐ | |
| 5 | μένων, ἡ δὲ κρίσις ἦν ἐπὶ τοῦ στρατηγοῦ τῆς Μακεδο‐ | |
| νίας—οὔπω γὰρ εἰς τὴν Ἑλλάδα Ῥωμαῖοι στρατηγοὺς διεπέμποντο—, οἱ δὲ λέγοντες ὑπὲρ τῆς πόλεως ἐπεκα‐ λοῦντο τὴν Λευκόλλου μαρτυρίαν, γράψαντος δὲ τοῦ στρα‐ τηγοῦ πρὸς Λεύκολλον, ἐκεῖνος ἐμαρτύρησε τἀληθῆ, καὶ | 333 | |
| 10 | τὴν δίκην οὕτως ἀπέφυγεν ἡ πόλις κινδυνεύουσα περὶ τῶν μεγίστων. | |
Cim.2.2 | Ἐκεῖνοι μὲν οὖν οἱ τότε σωθέντες εἰκόνα τοῦ Λευ‐ κόλλου λιθίνην ἐν ἀγορᾷ παρὰ τὸν Διόνυσον ἀνέστησαν· ἡμεῖς δ’ εἰ καὶ πολλαῖς ἡλικίαις λειπόμεθα, τὴν μὲν χάριν οἰόμεθα διατείνειν καὶ πρὸς ἡμᾶς τοὺς νῦν ὄντας, | |
| 5 | εἰκόνα δὲ πολὺ καλλίονα νομίζοντες εἶναι τῆς τὸ σῶμα καὶ τὸ πρόσωπον ἀπομιμουμένης τὴν τὸ ἦθος καὶ τὸν τρόπον ἐμφανίζουσαν, ἀναληψόμεθα τῇ γραφῇ τῶν παρ‐ αλλήλων βίων τὰς πράξεις τοῦ ἀνδρός, τἀληθῆ διεξιόν‐ | |
Cim.2.3 | τες. ἀρκεῖ γὰρ ἡ τῆς μνήμης χάρις· ἀληθοῦς δὲ μαρτυ‐ ρίας οὐδ’ ἂν αὐτὸς ἐκεῖνος ἠξίωσε μισθὸν λαβεῖν ψευδῆ καὶ πεπλασμένην ὑπὲρ αὐτοῦ διήγησιν. ὥσπερ γὰρ τοὺς τὰ καλὰ καὶ πολλὴν ἔχοντα χάριν εἴδη ζῳγραφοῦντας, | |
| 5 | ἂν προσῇ τι μικρὸν αὐτοῖς δυσχερές, ἀξιοῦμεν μήτε | |
Cim.2.4 | παραλιπεῖν τοῦτο τελέως μήτ’ ἐξακριβοῦν· τὸ μὲν γὰρ αἰσχράν, τὸ δ’ ἀνομοίαν παρέχεται τὴν ὄψιν· οὕτως ἐπεὶ χαλεπόν ἐστι, μᾶλλον δ’ ἴσως ἀμήχανον, ἀμεμφῆ καὶ καθαρὸν ἀνδρὸς ἐπιδεῖξαι βίον, ἐν τοῖς καλοῖς ἀνα‐ | |
Cim.2.5 | πληρωτέον ὥσπερ ὁμοιότητα τὴν ἀλήθειαν. τὰς δ’ ἐκ πάθους τινὸς ἢ πολιτικῆς ἀνάγκης ἐπιτρεχούσας ταῖς πράξεσιν ἁμαρτίας καὶ κῆρας ἐλλείμματα μᾶλλον ἀρετῆς τινος ἢ κακίας πονηρεύματα νομίζοντας οὐ δεῖ πάνυ προ‐ | |
| 5 | θύμως ἐναποσημαίνειν τῇ ἱστορίᾳ καὶ περιττῶς, ἀλλ’ ὥσπερ αἰδουμένους ὑπὲρ τῆς ἀνθρωπίνης φύσεως, εἰ καλὸν οὐδὲν εἰλικρινὲς οὐδ’ ἀναμφισβήτητον εἰς ἀρετὴν ἦθος γεγονὸς ἀποδίδωσιν. | |
Cim.3.1 | Ὁ δ’ οὖν Λεύκολλος ἐδόκει σκοποῦσιν ἡμῖν τῷ | |
| Κίμωνι παραβλητέος εἶναι. πολεμικοὶ γὰρ ἀμφότεροι καὶ πρὸς τοὺς βαρβάρους λαμπροί, πρᾷοι δὲ τὰ πολιτικὰ καὶ μάλιστα τῶν ἐμφυλίων στάσεων ἀναπνοὴν ταῖς πα‐ | 334 | |
| 5 | τρίσι παρασχόντες, ἐκτὸς δὲ τῆς αὑτῶν στήσαντες τρό‐ | |
Cim.3.2 | παια καὶ νίκας ἀνελόμενοι περιβοήτους. οὔτε γὰρ Ἑλ‐ λήνων Κίμωνος οὔτε Ῥωμαίων Λευκόλλου πρότερος οὐ‐ δεὶς οὕτω μακρὰν πολεμῶν προῆλθεν, ἔξω λόγου τιθε‐ μένων τῶν καθ’ Ἡρακλέα καὶ Διόνυσον, εἴ τέ τι Περ‐ | |
| 5 | σέως πρὸς Αἰθίοπας ἢ 〈πρὸσ〉 Μήδους καὶ Ἀρμενίους [ἢ] Ἰάσονος ἔργον ἀξιόπιστον ἐκ τῶν τότε χρόνων | |
Cim.3.3 | μνήμῃ φερόμενον εἰς τοὺς νῦν ἀφῖκται. κοινὸν δέ πως αὐτῶν καὶ τὸ ἀτελὲς γέγονε τῆς στρατηγίας, ἑκατέρου μὲν συντρίψαντος, οὐδετέρου δὲ καταλύσαντος τὸν ἀντα‐ γωνιστήν. μάλιστα δ’ ἡ περὶ τὰς ὑποδοχὰς καὶ τὰς φιλ‐ | |
| 5 | ανθρωπίας [ταύτας] ὑγρότης καὶ δαψίλεια καὶ τὸ νεα‐ ρὸν καὶ ἀνειμένον ἐν τῇ διαίτῃ παραπλήσιον ἐπ’ ἀμφο‐ τέρων ἰδεῖν ὑπάρχει. παραλείπομεν δ’ ἴσως καὶ ἄλλας τινὰς ὁμοιότητας, ἃς οὐ χαλεπὸν ἐκ τῆς διηγήσεως αὐ‐ τῆς συναγαγεῖν. | |
Cim.4.1 | Κίμων ὁ Μιλτιάδου μητρὸς ἦν Ἡγησιπύλης, γένος Θρᾴττης, θυγατρὸς Ὀλόρου τοῦ βασιλέως, ὡς ἐν τοῖς Ἀρχελάου (PLG II 259 B4) καὶ Μελανθίου (PLG II 258 B4) ποιήμασιν εἰς αὐτὸν Κίμωνα γεγραμμένοις ἱστό‐ | |
Cim.4.2 | ρηται. διὸ καὶ Θουκυδίδης ὁ ἱστορικός, τοῖς περὶ Κίμωνα κατὰ γένος προσήκων, Ὀλόρου τε πατρὸς ἦν, εἰς τὸν πρόγονον ἀναφέροντος τὴν ὁμωνυμίαν, καὶ τὰ χρυσεῖα | |
Cim.4.3 | περὶ τὴν Θρᾴκην ἐκέκτητο, καὶ τελευτῆσαι μὲν ἐν τῇ Σκαπτῇ ὕλῃ—τοῦτο δ’ ἔστι τῆς Θρᾴκης χωρίον—λέ‐ γεται φονευθεὶς ἐκεῖ, μνῆμα δ’ αὐτοῦ τῶν λειψάνων εἰς τὴν Ἀττικὴν κομισθέντων ἐν τοῖς Κιμωνείοις δείκνυται | |
Cim.4.4 | παρὰ τὸν Ἐλπινίκης τῆς Κίμωνος ἀδελφῆς τάφον. ἀλλὰ Θουκυδίδης μὲν Ἁλιμούσιος γέγονε τῶν δήμων, οἱ δὲ περὶ τὸν Μιλτιάδην Λακιάδαι. Μιλτιάδης μὲν οὖν πεντήκοντα ταλάντων ὀφλὼν δίκην | 335 |
| 5 | καὶ πρὸς τὴν ἔκτισιν εἱρχθείς, ἐτελεύτησεν ἐν τῷ δεσμω‐ τηρίῳ, Κίμων δὲ μειράκιον παντάπασιν ἀπολειφθεὶς μετὰ τῆς ἀδελφῆς ἔτι κόρης οὔσης καὶ ἀγάμου, τὸν πρῶτον ἠδόξει χρόνον ἐν τῇ πόλει καὶ κακῶς ἤκουεν ὡς ἄτακτος καὶ πολυπότης καὶ τῷ πάππῳ Κίμωνι προσεοικὼς τὴν | |
| 10 | φύσιν, ὃν δι’ εὐήθειάν φασι Κοάλεμον προσαγορευθῆναι. | |
Cim.4.5 | Στησίμβροτος δ’ ὁ Θάσιος (FGrH 107 F 4), περὶ τὸν αὐτὸν ὁμοῦ τι χρόνον τῷ Κίμωνι γεγονώς, φησὶν αὐτὸν οὔτε μουσικὴν οὔτ’ ἄλλο τι μάθημα τῶν ἐλευθερίων καὶ τοῖς Ἕλλησιν ἐπιχωριαζόντων ἐκδιδαχθῆναι, δεινότητός | |
| 5 | τε καὶ στωμυλίας Ἀττικῆς ὅλως ἀπηλλάχθαι, καὶ τῷ τρόπῳ πολὺ τὸ γενναῖον καὶ ἀληθὲς ἐνυπάρχειν, καὶ μᾶλλον εἶναι Πελοποννήσιον τὸ σχῆμα τῆς ψυχῆς τοῦ ἀνδρός, | |
| 8 | φαῦλον, ἄκομψον, τὰ μέγιστ’ ἀγαθόν, | |
| 9 | ||
| 10 | κατὰ τὸν Εὐριπίδειον Ἡρακλέα (fr. 473 N2)· ταῦτα γὰρ ἔστι τοῖς ὑπὸ τοῦ Στησιμβρότου γεγραμμένοις ἐπειπεῖν. | |
Cim.4.6 | Ἔτι δὲ νέος ὢν αἰτίαν ἔσχε πλησιάζειν τῇ ἀδελφῇ· καὶ γὰρ οὐδ’ ἄλλως τὴν Ἐλπινίκην εὔτακτόν τινα γεγονέναι λέγουσιν, ἀλλὰ καὶ πρὸς Πολύγνωτον ἐξαμαρτεῖν τὸν ζῳγράφον, καὶ διὰ τοῦτό φασιν ἐν τῇ Πεισιανακτείῳ | |
| 5 | τότε καλουμένῃ (Ποικίλῃ δὲ νῦν) στοᾷ γράφοντα τὰς Τρῳάδας τὸ τῆς Λαοδίκης ποιῆσαι πρόσωπον ἐν εἰκόνι | |
Cim.4.7 | τῆς Ἐλπινίκης. ὁ δὲ Πολύγνωτος οὐκ ἦν τῶν βαναύσων, | |
| οὐδ’ ἀπ’ ἐργολαβίας ἔγραφε τὴν στοάν, ἀλλὰ προῖκα, φιλοτιμούμενος πρὸς τὴν πόλιν, ὡς οἵ τε συγγραφεῖς ἱστοροῦσι καὶ Μελάνθιος ὁ ποιητὴς (fg. 1 D.) λέγει τὸν | 336 | |
| 5 | τρόπον τοῦτον· | |
| 5 | αὑτοῦ γὰρ δαπάναισι θεῶν ναοὺς ἀγοράν τε Κεκροπίαν κόσμης’ ἡμιθέων ἀρεταῖς. | |
| 7 | ||
Cim.4.8 | εἰσὶ δ’ οἳ τὴν Ἐλπινίκην οὐ κρύφα τῷ Κίμωνι, φανερῶς δὲ γημαμένην συνοικῆσαι λέγουσιν, ἀξίου τῆς εὐγενείας νυμφίου διὰ τὴν πενίαν ἀποροῦσαν· ἐπεὶ δὲ Καλλίας τῶν εὐπόρων τις Ἀθήνησιν ἐρασθεὶς προσῆλθε, τὴν | |
| 5 | ὑπὲρ τοῦ πατρὸς καταδίκην ἐκτίνειν ἕτοιμος ὢν πρὸς τὸ δημόσιον, αὐτήν τε πεισθῆναι, καὶ τὸν Κίμωνα τῷ Καλ‐ | |
Cim.4.9 | λίᾳ συνοικίσαι τὴν Ἐλπινίκην. οὐ μὴν ἀλλὰ καὶ ὅλως φαίνεται τοῖς περὶ τὰς γυναῖκας ἐρωτικοῖς ὁ Κίμων ἔνοχος γενέσθαι. καὶ γὰρ Ἀστερίας τῷ γένει Σαλαμι‐ νίας καὶ πάλιν Μνήστρας τινὸς ὁ ποιητὴς Μελάνθιος | |
| 5 | (PLG II 258 B4) μνημονεύει πρὸς τὸν Κίμωνα παίζων | |
Cim.4.10 | δι’ ἐλεγείας ὡς σπουδαζομένων ὑπ’ αὐτοῦ. δῆλος δ’ ἐστὶ καὶ πρὸς Ἰσοδίκην, τὴν Εὐρυπτολέμου μὲν θυγατέρα τοῦ Μεγακλέους, κατὰ νόμους δ’ αὐτῷ συμβιώσασαν, ὁ Κίμων ἐμπαθέστερον διατεθεὶς καὶ δυσφορήσας ἀπο‐ | |
| 5 | θανούσης, εἴ τι δεῖ τεκμαίρεσθαι ταῖς γεγραμμέναις ἐπὶ παρηγορίᾳ τοῦ πένθους ἐλεγείαις πρὸς αὐτόν, ὧν Πα‐ ναίτιος ὁ φιλόσοφος (fr. 125 v. Str.) οἴεται ποιητὴν γε‐ γονέναι τὸν φυσικὸν Ἀρχέλαον (PLG II 259 B4), οὐκ ἀπὸ τρόπου τοῖς χρόνοις εἰκάζων. | |
Cim.5.1 | Τὰ δ’ ἄλλα πάντα τοῦ ἤθους ἀγαστὰ καὶ γενναῖα τοῦ Κίμωνος. οὔτε γὰρ τόλμῃ Μιλτιάδου λειπόμενος, οὔτε συνέσει Θεμιστοκλέους, δικαιότερος ἀμφοῖν ὁμολο‐ | |
| γεῖται γενέσθαι, καὶ ταῖς πολεμικαῖς οὐδὲ μικρὸν ἀπο‐ | 337 | |
| 5 | δέων ἀρεταῖς ἐκείνων, ἀμήχανον ὅσον ἐν ταῖς πολιτικαῖς | |
Cim.5.2 | ὑπερβαλέσθαι νέος ὢν ἔτι καὶ πολέμων ἄπειρος. ὅτε γὰρ τὸν δῆμον ἐπιόντων Μήδων Θεμιστοκλῆς ἔπειθε προ‐ έμενον τὴν πόλιν καὶ τὴν χώραν ἐκλιπόντα πρὸ τῆς Σα‐ λαμῖνος ἐν ταῖς ναυσὶ τὰ ὅπλα θέσθαι καὶ διαγωνίσα‐ | |
| 5 | σθαι κατὰ θάλατταν, ἐκπεπληγμένων τῶν πολλῶν τὸ τόλμημα, πρῶτος Κίμων ὤφθη διὰ τοῦ Κεραμεικοῦ φαι‐ δρὸς ἀνιὼν εἰς τὴν ἀκρόπολιν μετὰ τῶν ἑταίρων, ἵππου τινὰ χαλινὸν ἀναθεῖναι τῇ θεῷ διὰ χειρῶν κομίζων, ὡς οὐδὲν ἱππικῆς ἀλκῆς, ἀλλὰ ναυμάχων ἀνδρῶν ἐν τῷ | |
Cim.5.3 | παρόντι τῆς πόλεως δεομένης. ἀναθεὶς δὲ τὸν χαλινὸν καὶ λαβὼν ἐκ τῶν περὶ τὸν ναὸν κρεμαμένων ἀσπίδα καὶ προσευξάμενος τῇ θεῷ, κατέβαινεν ἐπὶ θάλασσαν, οὐκ ὀλίγοις ἀρχὴ τοῦ θαρρεῖν γενόμενος. ἦν δὲ καὶ τὴν | |
| 5 | ἰδέαν οὐ μεμπτός, ὡς Ἴων ὁ ποιητής (FGrH 392 F 12) φησιν, ἀλλὰ μέγας, οὔλῃ καὶ πολλῇ τριχὶ κομῶν τὴν | |
Cim.5.4 | κεφαλήν. φανεὶς δὲ καὶ κατ’ αὐτὸν τὸν ἀγῶνα λαμπρὸς καὶ ἀνδρώδης, ταχὺ δόξαν ἐν τῇ πόλει μετ’ εὐνοίας ἔσχεν, ἀθροιζομένων πολλῶν πρὸς αὐτὸν καὶ παρακα‐ λούντων ἄξια τοῦ Μαραθῶνος ἤδη διανοεῖσθαι καὶ πράσ‐ | |
Cim.5.5 | σειν. ὁρμήσαντα δ’ αὐτὸν ἐπὶ τὴν πολιτείαν ἄσμενος ὁ δῆμος ἐδέξατο, καὶ μεστὸς ὢν τοῦ Θεμιστοκλέους ἀνῆγεν 〈εἰσ〉 τὰς μεγίστας ἐν τῇ πόλει τιμὰς καὶ ἀρχάς, εὐάρ‐ μοστον ὄντα καὶ προσφιλῆ τοῖς πολλοῖς διὰ πρᾳότητα | |
Cim.5.6 | καὶ ἀφέλειαν. οὐχ ἥκιστα δ’ αὐτὸν ηὔξησεν Ἀριστείδης ὁ Λυσιμάχου, τὴν εὐφυΐαν ἐνορῶν τῷ ἤθει καὶ ποιού‐ μενος οἷον ἀντίπαλον πρὸς τὴν Θεμιστοκλέους δεινότητα καὶ τόλμαν. | |
Cim.6.1 | Ἐπεὶ δὲ Μήδων φυγόντων ἐκ τῆς Ἑλλάδος ἐπέμ‐ φθη στρατηγός, κατὰ θάλατταν οὔπω τὴν ἀρχὴν Ἀθη‐ | |
| ναίων ἐχόντων, ἔτι δὲ Παυσανίᾳ τε καὶ Λακεδαιμονίοις ἑπομένων, πρῶτον μὲν ἐν ταῖς στρατείαις ἀεὶ παρεῖχε | 338 | |
| 5 | τοὺς πολίτας κόσμῳ τε θαυμαστοὺς καὶ προθυμίᾳ πολὺ | |
Cim.6.2 | πάντων διαφέροντας· ἔπειτα Παυσανίου τοῖς μὲν βαρ‐ βάροις διαλεγομένου περὶ προδοσίας καὶ βασιλεῖ γρά‐ φοντος ἐπιστολάς, τοῖς δὲ συμμάχοις τραχέως καὶ αὐ‐ θαδῶς προσφερομένου καὶ πολλὰ δι’ ἐξουσίαν καὶ ὄγκον | |
| 5 | ἀνόητον ὑβρίζοντος, ὑπολαμβάνων πρᾴως τοὺς ἀδικου‐ μένους καὶ φιλανθρώπως ἐξομιλῶν, ἔλαθεν οὐ δι’ ὅπλων τὴν τῆς Ἑλλάδος ἡγεμονίαν, ἀλλὰ λόγῳ καὶ ἤθει παρελό‐ | |
Cim.6.3 | μενος. προσετίθεντο γὰρ οἱ πλεῖστοι τῶν συμμάχων ἐκείνῳ τε καὶ Ἀριστείδῃ, τὴν χαλεπότητα καὶ ὑπεροψίαν τοῦ Παυσανίου μὴ φέροντες. οἱ δὲ καὶ τούτους ἅμα προσήγοντο, καὶ τοῖς ἐφόροις πέμποντες ἔφραζον, ὡς | |
| 5 | ἀδοξούσης τῆς Σπάρτης καὶ ταραττομένης τῆς Ἑλλάδος | |
Cim.6.4 | ἀνακαλεῖν τὸν Παυσανίαν. λέγεται δέ, παρθένον τινὰ Βυζαντίαν ἐπιφανῶν γονέων ὄνομα Κλεονίκην ἐπ’ αἰ‐ σχύνῃ τοῦ Παυσανίου μεταπεμπομένου, τοὺς μὲν γονεῖς ὑπ’ ἀνάγκης καὶ φόβου προέσθαι τὴν παῖδα, τὴν δὲ τῶν | |
| 5 | πρὸ τοῦ δωματίου δεηθεῖσαν ἀνελέσθαι τὸ φῶς, διὰ σκό‐ τους καὶ σιωπῆς τῇ κλίνῃ προσιοῦσαν ἤδη τοῦ Παυσα‐ νίου καθεύδοντος ἐμπεσεῖν καὶ ἀνατρέψαι τὸ λυχνίον ἄκου‐ | |
Cim.6.5 | σαν· τὸν δ’ ὑπὸ τοῦ ψόφου ταραχθέντα καὶ σπασάμε‐ νον τὸ παρακείμενον ἐγχειρίδιον, ὥς τινος ἐπ’ αὐτὸν ἐχ‐ θροῦ βαδίζοντος, πατάξαι καὶ καταβαλεῖν τὴν παρθέ‐ νον, ἐκ δὲ τῆς πληγῆς ἀποθανοῦσαν αὐτὴν οὐκ ἐᾶν τὸν | |
| 5 | Παυσανίαν ἡσυχάζειν, ἀλλὰ νύκτωρ εἴδωλον αὐτῷ φοι‐ τῶσαν εἰς τὸν ὕπνον ὀργῇ λέγειν τόδε τὸ ἡρῷον· στεῖχε δίκης ἆσσον· μάλα τοι κακὸν ἀνδράσιν ὕβρις. | |
Cim.6.6 | ἐφ’ ᾧ καὶ μάλιστα χαλεπῶς ἐνεγκόντες οἱ σύμμαχοι μετὰ τοῦ Κίμωνος ἐξεπολιόρκησαν αὐτόν. ὁ δ’ ἐκπεσὼν τοῦ Βυζαντίου, καὶ τῷ φάσματι ταραττόμενος ὡς λέγε‐ | |
| ται, κατέφυγε πρὸς τὸ νεκυομαντεῖον εἰς Ἡράκλειαν, | 339 | |
| 5 | καὶ τὴν ψυχὴν ἀνακαλούμενος τῆς Κλεονίκης παρῃτεῖτο | |
Cim.6.7 | τὴν ὀργήν. ἡ δ’ εἰς ὄψιν ἐλθοῦσα ταχέως ἔφη παύσεσθαι τῶν κακῶν αὐτὸν ἐν Σπάρτῃ γενόμενον, αἰνιττομένη τὴν μέλλουσαν ὡς ἔοικεν αὐτῷ τελευτήν. ταῦτα μὲν οὖν ὑπὸ πολλῶν ἱστόρηται. | |
Cim.7.1 | Κίμων δὲ τῶν συμμάχων ἤδη προσκεχωρηκότων αὐτῷ στρατηγὸς εἰς Θρᾴκην ἔπλευσε, πυνθανόμενος Περ‐ σῶν ἄνδρας ἐνδόξους καὶ συγγενεῖς βασιλέως Ἠϊόνα πό‐ λιν παρὰ τῷ Στρυμόνι κειμένην ποταμῷ κατέχοντας ἐνο‐ | |
Cim.7.2 | χλεῖν τοῖς περὶ τὸν τόπον ἐκεῖνον Ἕλλησι. πρῶτον μὲν οὖν αὐτοὺς μάχῃ τοὺς Πέρσας ἐνίκησε καὶ κατέκλεισεν εἰς τὴν πόλιν· ἔπειτα τοὺς ὑπὲρ Στρυμόνα Θρᾷκας, ὅθεν αὐτοῖς ἐφοίτα σῖτος, ἀναστάτους ποιῶν καὶ τὴν χώραν | |
| 5 | παραφυλάττων ἅπασαν, εἰς τοσαύτην ἀπορίαν τοὺς πο‐ λιορκουμένους κατέστησεν, ὥστε Βόγην τὸν βασιλέως στρατηγὸν ἀπογνόντα τὰ πράγματα τῇ πόλει πῦρ ἐνεῖ‐ ναι καὶ συνδιαφθεῖραι μετὰ τῶν φίλων καὶ τῶν χρη‐ | |
Cim.7.3 | μάτων ἑαυτόν. οὕτω δὲ λαβὼν τὴν πόλιν ἄλλο μὲν οὐδὲν ἀξιόλογον ὠφελήθη, τῶν πλείστων τοῖς βαρβάροις συγκα‐ τακαέντων, τὴν δὲ χώραν εὐφυεστάτην οὖσαν καὶ καλ‐ | |
Cim.7.4 | λίστην οἰκῆσαι παρέδωκε τοῖς Ἀθηναίοις, καὶ τοὺς Ἑρ‐ μᾶς αὐτῷ τοὺς λιθίνους ὁ δῆμος ἀναθεῖναι συνεχώρη‐ σεν, ὧν ἐπιγέγραπται τῷ μὲν πρώτῳ (153 Preger)· | |
| 3 | ἦν ἄρα κἀκεῖνοι ταλακάρδιοι, οἵ ποτε Μήδων | |
| 5 | παισὶν ἐπ’ Ἠϊόνι, Στρυμόνος ἀμφὶ ῥοάς, λιμόν τ’ αἴθωνα κρυερόν τ’ ἐπάγοντες Ἄρηα πρῶτοι δυσμενέων εὗρον ἀμηχανίην. | 340 |
| 7 | ||
Cim.7.5 | τῷ δὲ δευτέρῳ· | |
| 1 | ἡγεμόνεσσι δὲ μισθὸν Ἀθηναῖοι τάδ’ ἔδωκαν ἀντ’ εὐεργεσίης καὶ μεγάλων ἀγαθῶν. μᾶλλόν τις τάδ’ ἰδὼν καὶ ἐπεσσομένων ἐθελήσει | |
| 5 | ἀμφὶ περὶ ξυνοῖς πράγμασι δῆριν ἔχειν. | |
| 5 | ||
Cim.7.6 | τῷ δὲ τρίτῳ· | |
| 1 | ἔκ ποτε τῆσδε πόληος ἅμ’ Ἀτρείδῃσι Μενεσθεὺς ἡγεῖτο ζάθεον Τρωικὸν ἐς πεδίον· ὅν ποθ’ Ὅμηρος ἔφη Δαναῶν πύκα θωρηκτάων | |
| 5 | κοσμητῆρα μάχης ἔξοχον ὄντα μολεῖν. οὕτως οὐδὲν ἀεικὲς Ἀθηναίοισι καλεῖσθαι κοσμηταῖς πολέμου τ’ ἀμφὶ καὶ ἠνορέης. | |
| 7 | ||
Cim.8.1 | Ταῦτα καίπερ οὐδαμοῦ τὸ Κίμωνος ὄνομα δηλοῦντα τιμῆς ὑπερβολὴν ἔχειν ἐδόκει τοῖς τότ’ ἀνθρώποις. οὔτε γὰρ Θεμιστοκλῆς τοιούτου τινὸς οὔτε Μιλτιάδης ἔτυ‐ χεν, ἀλλὰ τούτῳ γε θαλλοῦ στέφανον αἰτοῦντι Σωφάνης | |
| 5 | ὁ Δεκελεὺς ἐκ μέσου τῆς ἐκκλησίας ἀναστὰς ἀντεῖπεν, οὐκ εὐγνώμονα μέν, ἀρέσασαν δὲ τῷ δήμῳ τότε φωνὴν ἀφείς· ‘ὅταν γάρ‘ ἔφη ‘μόνος ἀγωνισάμενος ὦ Μιλ‐ τιάδη νικήσῃς τοὺς βαρβάρους, τότε καὶ τιμᾶσθαι μόνος | |
Cim.8.2 | ἀξίου.‘ διὰ τί τοίνυν τὸ Κίμωνος ὑπερηγάπησαν ἔργον; ἢ ὅτι τῶν μὲν ἄλλων στρατηγούντων ὑπὲρ τοῦ μὴ παθεῖν ἠμύνοντο τοὺς πολεμίους, τούτου δὲ καὶ ποιῆσαι κακῶς ἠδυνήθησαν, ἐπὶ τὴν ἐκείνων αὐτοὶ στρατεύσαντες, καὶ | |
| 5 | προσεκτήσαντο χώρας, αὐτήν τε τὴν Ἠϊόνα καὶ τὴν Ἀμ‐ | |
| φίπολιν οἰκίσαντες; | 341 | |
Cim.8.3 | Ὤικισαν δὲ καὶ Σκῦρον, ἑλόντος Κίμωνος ἐξ αἰτίας τοιαύτης. Δόλοπες ᾤκουν τὴν νῆσον, ἐργάται κακοὶ γῆς, ληιζόμενοι δὲ τὴν θάλασσαν ἐκ παλαιοῦ, τελευτῶντες οὐδὲ τῶν εἰσπλεόντων παρ’ αὐτοὺς καὶ χρωμένων ἀπεί‐ | |
| 5 | χοντο ξένων, ἀλλὰ Θετταλούς τινας ἐμπόρους περὶ τὸ | |
Cim.8.4 | Κτήσιον ὁρμισαμένους συλήσαντες εἷρξαν. ἐπεὶ δὲ δια‐ δράντες ἐκ τῶν δεσμῶν οἱ ἄνθρωποι δίκην κατεδικά‐ σαντο τῆς πόλεως Ἀμφικτυονικήν, οὐ βουλομένων τὰ χρήματα τῶν πολλῶν συνεκτίνειν, ἀλλὰ τοὺς ἔχοντας | |
| 5 | καὶ διηρπακότας ἀποδοῦναι κελευόντων, δείσαντες ἐκεῖ‐ νοι πέμπουσι γράμματα πρὸς Κίμωνα, κελεύοντες ἥκειν μετὰ τῶν νεῶν ληψόμενον τὴν πόλιν ὑπ’ αὐτῶν ἐνδιδο‐ | |
Cim.8.5 | μένην. παραλαβὼν δ’ οὕτω τὴν νῆσον ὁ Κίμων, τοὺς μὲν Δόλοπας ἐξήλασε καὶ τὸν Αἰγαῖον ἠλευθέρωσε, πυν‐ θανόμενος δὲ τὸν παλαιὸν Θησέα τὸν Αἰγέως φυγόντα μὲν ἐξ Ἀθηνῶν εἰς Σκῦρον, αὐτοῦ δ’ ἀποθανόντα δόλῳ | |
| 5 | διὰ φόβον ὑπὸ Λυκομήδους τοῦ βασιλέως, ἐσπούδασε | |
Cim.8.6 | τὸν τάφον ἀνευρεῖν. καὶ γὰρ ἦν χρησμὸς Ἀθηναίοις, τὰ Θησέως λείψανα κελεύων ἀνακομίζειν εἰς ἄστυ καὶ τι‐ μᾶν ὡς ἥρωα πρεπόντως, ἀλλ’ ἠγνόουν ὅπου κεῖται, | |
Cim.8.7 | Σκυρίων οὐχ ὁμολογούντων οὐδ’ ἐώντων ἀναζητεῖν. τότε δὴ πολλῇ φιλοτιμίᾳ τοῦ σηκοῦ μόγις ἐξευρεθέντος, ἐνθέ‐ μενος ὁ Κίμων εἰς τὴν αὑτοῦ τριήρη τὰ ὀστᾶ καὶ τἆλλα κοσμήσας μεγαλοπρεπῶς, κατήγαγεν εἰς τὸ ἄστυ δι’ | |
| 5 | ἐτῶν σχεδὸν τετρακοσίων. ἐφ’ ᾧ καὶ μάλιστα πρὸς αὐ‐ τὸν ἡδέως ὁ δῆμος ἔσχεν. ἔθεντο δ’ εἰς μνήμην αὐτοῦ | |
Cim.8.8 | καὶ τὴν τῶν τραγῳδῶν κρίσιν ὀνομαστὴν γενομένην. πρώ‐ την γὰρ διδασκαλίαν τοῦ Σοφοκλέους ἔτι νέου καθέν‐ | |
| τος, Ἀψεφίων ὁ ἄρχων, φιλονικίας οὔσης καὶ παρατά‐ ξεως τῶν θεατῶν, κριτὰς μὲν οὐκ ἐκλήρωσε τοῦ ἀγῶ‐ | 342 | |
| 5 | νος, ὡς δὲ Κίμων μετὰ τῶν συστρατήγων παρελθὼν εἰς τὸ θέατρον ἐποιήσατο τῷ θεῷ τὰς νενομισμένας σπον‐ δάς, οὐκ ἐφῆκεν αὐτοὺς ἀπελθεῖν, ἀλλ’ ὁρκώσας ἠνάγ‐ κασε καθίσαι καὶ κρῖναι δέκα ὄντας, ἀπὸ φυλῆς μιᾶς | |
Cim.8.9 | ἕκαστον. ὁ μὲν οὖν ἀγὼν καὶ διὰ τὸ τῶν κριτῶν ἀξίωμα τὴν φιλοτιμίαν ὑπερέβαλε. νικήσαντος δὲ τοῦ Σοφοκλέ‐ ους λέγεται τὸν Αἰσχύλον περιπαθῆ γενόμενον καὶ βα‐ ρέως ἐνεγκόντα χρόνον οὐ πολὺν Ἀθήνησι διαγαγεῖν, | |
| 5 | εἶτ’ οἴχεσθαι δι’ ὀργὴν εἰς Σικελίαν, ὅπου καὶ τελευτή‐ σας περὶ Γέλαν τέθαπται. | |
Cim.9.1 | Συνδειπνῆσαι δὲ τῷ Κίμωνί φησιν ὁ Ἴων (FGrH 392 F 13) παντάπασι μειράκιον ἥκων εἰς Ἀθήνας ἐκ Χίου παρὰ Λαομέδοντι, καὶ τῶν σπονδῶν γενομένων πα‐ ρακληθέντος ᾆσαι καὶ ᾄσαντος οὐκ ἀηδῶς, ἐπαινεῖν τοὺς | |
| 5 | παρόντας ὡς δεξιώτερον Θεμιστοκλέους· ἐκεῖνον γὰρ ᾄδειν μὲν οὐ φάναι μαθεῖν οὐδὲ κιθαρίζειν, πόλιν δὲ ποιῆ‐ | |
Cim.9.2 | σαι μεγάλην καὶ πλουσίαν ἐπίστασθαι· τοὐντεῦθεν οἷον εἰκὸς ἐν πότῳ τοῦ λόγου ῥυέντος ἐπὶ τὰς πράξεις τοῦ Κίμωνος καὶ μνημονευομένων τῶν μεγίστων, αὐτὸν ἐκεῖ‐ νον ἓν διελθεῖν στρατήγημα τῶν ἰδίων ὡς σοφώτατον. | |
Cim.9.3 | ἐπεὶ γὰρ ἐκ Σηστοῦ καὶ Βυζαντίου πολλοὺς τῶν βαρβά‐ ρων αἰχμαλώτους λαβόντες οἱ σύμμαχοι τῷ Κίμωνι δια‐ νεῖμαι προσέταξαν, ὁ δὲ χωρὶς μὲν αὐτούς, χωρὶς δὲ τὸν περὶ τοῖς σώμασι κόσμον αὐτῶν ἔθηκεν, ᾐτιῶντο τὴν | |
Cim.9.4 | διανομὴν ὡς ἄνισον. ὁ δὲ τῶν μερίδων ἐκέλευσεν αὐτοὺς ἑλέσθαι τὴν ἑτέραν· ἣν δ’ ἂν ἐκεῖνοι καταλίπωσιν, ἀγα‐ πήσειν Ἀθηναίους. Ἡροφύτου δὲ τοῦ Σαμίου συμβου‐ λεύσαντος αἱρεῖσθαι τὰ Περσῶν μᾶλλον ἢ Πέρσας, τὸν | |
| 5 | μὲν κόσμον αὑτοῖς ἔλαβον, Ἀθηναίοις δὲ τοὺς αἰχμαλώ‐ | |
Cim.9.5 | τους ἀπέλιπον. καὶ τότε μὲν ὁ Κίμων ἀπῄει γελοῖος εἶ‐ ναι δοκῶν διανομεύς, τῶν μὲν συμμάχων ψέλια χρυσᾶ καὶ μανιάκας καὶ στρεπτοὺς καὶ κάνδυας καὶ πορφύραν φερομένων, τῶν δ’ Ἀθηναίων γυμνὰ σώματα κακῶς | 343 |
Cim.9.6 | ἠσκημένα πρὸς ἐργασίαν παραλαβόντων. μικρὸν δ’ ὕστε‐ ρον οἱ τῶν ἑαλωκότων φίλοι καὶ οἰκεῖοι καταβαίνοντες ἐκ Φρυγίας καὶ Λυδίας ἐλυτροῦντο μεγάλων χρημάτων ἕκαστον, ὥστε τῷ Κίμωνι τεσσάρων μηνῶν τροφὰς εἰς | |
| 5 | τὰς ναῦς ὑπάρξαι καὶ προσέτι τῇ πόλει χρυσίον οὐκ ὀλί‐ γον ἐκ τῶν λύτρων περιγενέσθαι. | |
Cim.10.1 | Ἤδη δ’ εὐπορῶν ὁ Κίμων εὐροίᾳ τῆς στρατείας, ἃ καλῶς ἀπὸ τῶν πολεμίων ἔδοξεν ὠφελῆσθαι, κάλλιον ἀνήλισκεν εἰς τοὺς πολίτας. τῶν τε γὰρ ἀγρῶν τοὺς φραγμοὺς ἀφεῖλεν, ἵνα καὶ τοῖς ξένοις καὶ τῶν πολιτῶν | |
| 5 | τοῖς δεομένοις ἀδεῶς ὑπάρχῃ λαμβάνειν τῆς ὀπώρας, καὶ δεῖπνον οἴκοι παρ’ αὐτῷ λιτὸν μὲν, ἀρκοῦν δὲ πολλοῖς ἐποιεῖτο καθ’ ἡμέραν, ἐφ’ ὃ τῶν πενήτων ὁ βουλόμενος εἰσῄει καὶ διατροφὴν εἶχεν ἀπράγμονα, μόνοις τοῖς δη‐ | |
Cim.10.2 | μοσίοις σχολάζων. ὡς δ’ Ἀριστοτέλης (Ἀθπ. 27, 3) φησίν, οὐχ ἁπάντων Ἀθηναίων, ἀλλὰ τῶν δημοτῶν αὐτοῦ Λα‐ κιαδῶν παρεσκευάζετο τῷ βουλομένῳ τὸ δεῖπνον. αὐτῷ δὲ νεανίσκοι παρείποντο συνήθεις ἀμπεχόμενοι καλῶς, | |
| 5 | ὧν ἕκαστος, εἴ τις συντύχοι τῷ Κίμωνι τῶν ἀστῶν πρε‐ σβύτερος ἠμφιεσμένος ἐνδεῶς, διημείβετο πρὸς αὐτὸν τὰ | |
Cim.10.3 | ἱμάτια· καὶ τὸ γινόμενον ἐφαίνετο σεμνόν. οἱ δ’ αὐτοὶ καὶ νόμισμα κομίζοντες ἄφθονον, παριστάμενοι τοῖς κομ‐ ψοῖς τῶν πενήτων ἐν ἀγορᾷ σιωπῇ τῶν κερματίων ἐνέ‐ | |
Cim.10.4 | βαλλον εἰς τὰς χεῖρας. ὧν δὴ καὶ Κρατῖνος ὁ κωμικὸς | |
| ἐν Ἀρχιλόχοις (fr. 1 K.) ἔοικε μεμνῆσθαι διὰ τούτων· κἀγὼ γὰρ ηὔχουν Μητρόβιος ὁ γραμματεὺς σὺν ἀνδρὶ θείῳ καὶ φιλοξενωτάτῳ | 344 | |
| 5 | καὶ πάντ’ ἀρίστῳ τῶν Πανελλήνων πρόμῳ Κίμωνι λιπαρὸν γῆρας εὐωχούμενος αἰῶνα πάντα συνδιατρίψειν. ὁ δὲ λιπὼν βέβηκε πρότερος. | |
| 8 | ||
Cim.10.5 | ἔτι τοίνυν Γοργίας μὲν ὁ Λεοντῖνός (VS 82 B 20) φησι τὸν Κίμωνα τὰ χρήματα κτᾶσθαι μὲν ὡς χρῷτο, χρᾶ‐ σθαι δ’ ὡς τιμῷτο, Κριτίας δ’ 〈ὁ〉 τῶν τριάκοντα γενό‐ μενος ἐν ταῖς ἐλεγείαις (fr. 6 D.) εὔχεται | |
| 4 | ||
| 5 | πλοῦτον μὲν Σκοπαδῶν, μεγαλοφροσύνην δὲ Κίμω‐ νος, νίκας δ’ Ἀρκεσίλα τοῦ Λακεδαιμονίου. | |
| 7 | ||
Cim.10.6 | καίτοι Λίχαν γε τὸν Σπαρτιάτην ἀπ’ οὐδενὸς ἄλλου γι‐ νώσκομεν ἐν τοῖς Ἕλλησιν ὀνομαστὸν γενόμενον ἢ ὅτι τοὺς ξένους ἐν ταῖς γυμνοπαιδίαις ἐδείπνιζεν· ἡ δὲ Κί‐ μωνος ἀφθονία καὶ τὴν παλαιὰν τῶν Ἀθηναίων φιλοξε‐ | |
Cim.10.7 | νίαν καὶ φιλανθρωπίαν ὑπερέβαλεν. οἱ μὲν γάρ, ἐφ’ οἷς ἡ πόλις μέγα φρονεῖ δικαίως, τό τε σπέρμα τῆς τροφῆς εἰς τοὺς Ἕλληνας ἐξέδωκαν, ὑδάτων τε πηγαίων 〈ὀχε‐ τείαν〉 καὶ πυρὸς ἔναυσιν χρῄζουσιν ἀνθρώποις ἔδειξαν, | |
| 5 | ὁ δὲ τὴν μὲν οἰκίαν τοῖς πολίταις πρυτανεῖον ἀποδείξας κοινόν, ἐν δὲ τῇ χώρᾳ καρπῶν ἑτοίμων ἀπαρχὰς καὶ ὅσα ὧραι καλὰ φέρουσι χρῆσθαι καὶ λαμβάνειν ἅπαντα τοῖς ξένοις παρέχων, τρόπον τινὰ τὴν ἐπὶ Κρόνου μυθο‐ | |
Cim.10.8 | λογουμένην κοινωνίαν εἰς τὸν βίον αὖθις κατῆγεν. οἱ δὲ ταῦτα κολακείαν ὄχλου καὶ δημαγωγίαν εἶναι διαβάλ‐ λοντες ὑπὸ τῆς ἄλλης ἐξηλέγχοντο τοῦ ἀνδρὸς προαιρέ‐ | |
| σεως, ἀριστοκρατικῆς καὶ Λακωνικῆς οὔσης, ὅς γε καὶ | 345 | |
| 5 | Θεμιστοκλεῖ πέρα τοῦ δέοντος ἐπαίροντι τὴν δημοκρα‐ τίαν ἀντέβαινε μετ’ Ἀριστείδου, καὶ πρὸς Ἐφιάλτην ὕστε‐ ρον χάριτι τοῦ δήμου καταλύοντα τὴν ἐξ Ἀρείου πάγου βουλὴν διηνέχθη, λημμάτων δὲ δημοσίων τοὺς ἄλλους πλὴν Ἀριστείδου καὶ Ἐφιάλτου πάντας ἀναπιμπλαμένους | |
| 10 | ὁρῶν, αὑτὸν ἀδέκαστον καὶ ἄθικτον ἐν τῇ πολιτείᾳ δω‐ ροδοκίας καὶ πάντα προῖκα καὶ καθαρῶς πράττοντα καὶ | |
Cim.10.9 | λέγοντα διὰ τέλους παρέσχε. λέγεταί γέ τοι Ῥοισάκην τινὰ βάρβαρον ἀποστάτην βασιλέως ἐλθεῖν μετὰ χρη‐ μάτων πολλῶν εἰς Ἀθήνας, καὶ σπαραττόμενον ὑπὸ τῶν συκοφαντῶν καταφυγεῖν πρὸς Κίμωνα, καὶ θεῖναι παρὰ | |
| 5 | τὴν αὔλειον αὐτοῦ φιάλας δύο, τὴν μὲν ἀργυρῶν ἐμπλη‐ σάμενον δαρεικῶν, τὴν δὲ χρυσῶν· ἰδόντα δὲ τὸν Κί‐ μωνα καὶ μειδιάσαντα πυθέσθαι τοῦ ἀνθρώπου, πότερον αἱρεῖται Κίμωνα μισθωτὸν ἢ φίλον ἔχειν· τοῦ δὲ φή‐ σαντος φίλον, ‘οὐκοῦν‘ φάναι ‘ταῦτ’ ἄπιθι μετὰ σεαυτοῦ | |
| 10 | κομίζων· χρήσομαι γὰρ αὐτοῖς ὅταν δέωμαι φίλος γενό‐ μενος.‘ | |
Cim.11.1 | Ἐπεὶ δ’ οἱ σύμμαχοι τοὺς φόρους μὲν ἐτέλουν, ἄνδρας δὲ καὶ ναῦς ὡς ἐτάχθησαν οὐ παρεῖχον, ἀλλ’ ἀπ‐ αγορεύοντες ἤδη πρὸς τὰς στρατείας, καὶ πολέμου μὲν οὐδὲν δεόμενοι, γεωργεῖν δὲ καὶ ζῆν καθ’ ἡσυχίαν ἐπιθυ‐ | |
| 5 | μοῦντες, ἀπηλλαγμένων τῶν βαρβάρων καὶ μὴ διοχλούν‐ των, οὔτε τὰς ναῦς ἐπλήρουν οὔτ’ ἄνδρας ἀπέστελλον, οἱ μὲν ἄλλοι στρατηγοὶ τῶν Ἀθηναίων προσηνάγκαζον αὐτοὺς ταῦτα ποιεῖν, καὶ τοὺς ἐλλείποντας ὑπάγοντες δίκαις καὶ κολάζοντες, ἐπαχθῆ τὴν ἀρχὴν καὶ λυπηρὰν | |
Cim.11.2 | ἐποίουν· Κίμων δὲ τὴν ἐναντίαν ὁδὸν ἐν τῇ στρατηγίᾳ πορευόμενος, βίαν μὲν οὐδενὶ τῶν Ἑλλήνων προσῆγε, χρήματα δὲ λαμβάνων παρὰ τῶν οὐ βουλομένων στρα‐ | |
| τεύεσθαι καὶ ναῦς κενάς, ἐκείνους εἴα δελεαζομένους τῇ | 346 | |
| 5 | σχολῇ περὶ τὰ οἰκεῖα διατρίβειν, γεωργοὺς καὶ χρημα‐ τιστὰς ἀπολέμους ἐκ πολεμικῶν ὑπὸ τρυφῆς καὶ ἀνοίας γινομένους, τῶν δ’ Ἀθηναίων ἀνὰ μέρος πολλοὺς ἐμβι‐ βάζων καὶ διαπονῶν ταῖς στρατείαις, ἐν ὀλίγῳ χρόνῳ τοῖς παρὰ τῶν συμμάχων μισθοῖς καὶ χρήμασι δεσπότας | |
Cim.11.3 | αὐτῶν τῶν διδόντων ἐποίησε. πλέοντας γὰρ αὐτοὺς συνε‐ χῶς καὶ διὰ χειρὸς ἔχοντας ἀεὶ τὰ ὅπλα καὶ τρεφομένους καὶ ἀσκοῦντας ἐκ τῆς αὐτῶν 〈ἀ〉στρατείας ἐθισθέντες φοβεῖσθαι καὶ κολακεύειν, ἔλαθον ἀντὶ συμμάχων ὑπο‐ | |
| 5 | τελεῖς καὶ δοῦλοι γεγονότες. | |
Cim.12.1 | Καὶ μὴν αὐτοῦ γε τοῦ μεγάλου βασιλέως οὐδεὶς ἐταπείνωσε καὶ συνέστειλε τὸ φρόνημα μᾶλλον ἢ Κίμων. οὐ γὰρ ἀνῆκεν ἐκ τῆς Ἑλλάδος ἀπηλλαγμένον, ἀλλ’ ὥσπερ ἐκ ποδὸς διώκων, πρὶν διαπνεῦσαι καὶ στῆναι | |
| 5 | τοὺς βαρβάρους, τὰ μὲν ἐπόρθει καὶ κατεστρέφετο, τὰ δ’ ἀφίστη καὶ προσήγετο τοῖς Ἕλλησιν, ὥστε τὴν ἀπ’ Ἰω‐ νίας Ἀσίαν ἄχρι Παμφυλίας παντάπασι Περσικῶν ὅπλων | |
Cim.12.2 | ἐρημῶσαι. πυθόμενος δὲ τοὺς βασιλέως στρατηγοὺς με‐ γάλῳ στρατῷ καὶ ναυσὶ πολλαῖς ἐφεδρεύειν περὶ Παμφυ‐ λίαν, καὶ βουλόμενος αὐτοῖς ἄπλουν καὶ ἀνέμβατον ὅλως ὑπὸ φόβου τὴν ἐντὸς Χελιδονίων ποιήσασθαι θάλατταν, | |
| 5 | ὥρμησεν ἄρας ἀπὸ Κνίδου καὶ Τριοπίου τριακοσίαις τριή‐ ρεσι, πρὸς μὲν τάχος ἀπ’ ἀρχῆς καὶ περιαγωγὴν ὑπὸ Θεμιστοκλέους ἄριστα κατεσκευασμέναις, ἐκεῖνος δὲ τότε καὶ πλατυτέρας ἐποίησεν αὐτάς, καὶ διάβασιν τοῖς κατα‐ στρώμασιν ἔδωκεν, ὡς ἂν ὑπὸ πολλῶν ὁπλιτῶν μαχιμώ‐ | |
Cim.12.3 | τεραι προσφέροιντο τοῖς πολεμίοις. ἐπιπλεύσας δὲ τῇ πόλει τῶν Φασηλιτῶν, Ἑλλήνων μὲν ὄντων, οὐ δεχομέ‐ νων δὲ τὸν στόλον οὐδὲ βουλομένων ἀφίστασθαι βασι‐ | |
| λέως, τήν τε χώραν κακῶς ἐποίει καὶ προσέβαλλε τοῖς | 347 | |
Cim.12.4 | τείχεσιν. οἱ δὲ Χῖοι συμπλέοντες αὐτῷ, πρὸς δὲ τοὺς Φασηλίτας ἐκ παλαιοῦ φιλικῶς ἔχοντες, ἅμα μὲν τὸν Κίμωνα κατεπράυνον, ἅμα δὲ τοξεύοντες ὑπὲρ τὰ τείχη βιβλίδια προσκείμενα τοῖς ὀιστοῖς ἐξήγγελλον τοῖς Φα‐ | |
| 5 | σηλίταις. τέλος δὲ διήλλαξαν αὐτούς, ὅπως δέκα τάλαντα δόντες ἀκολουθῶσι καὶ συστρατεύωσιν ἐπὶ τοὺς βαρβά‐ | |
Cim.12.5 | ρους. Ἔφορος (FGrH 70 F 192) μὲν οὖν Τιθραύστην φησὶ τῶν βασιλικῶν νεῶν ἄρχειν καὶ τοῦ πεζοῦ Φερενδάτην, Καλλισθένης (FGrH 124 F 15) δ’ Ἀριομάνδην τὸν Γω‐ βρύου, κυριώτατον ὄντα τῆς δυνάμεως, παρὰ τὸν Εὐρυ‐ | |
| 5 | μέδοντα ταῖς ναυσὶ παρορμεῖν, οὐκ ὄντα μάχεσθαι τοῖς Ἕλλησι πρόθυμον, ἀλλὰ προσδεχόμενον ὀγδοήκοντα ναῦς | |
Cim.12.6 | Φοινίσσας, ἀπὸ Κύπρου προσπλεούσας. ταύτας φθῆναι βουλόμενος ὁ Κίμων ἀνήχθη, βιάζεσθαι παρεσκευασμέ‐ νος, ἂν ἑκόντες μὴ ναυμαχῶσιν. οἱ δὲ πρῶτον μέν, ὡς μὴ βιασθεῖεν, εἰς τὸν ποταμὸν εἰσωρμίσαντο, προσφερο‐ | |
| 5 | μένων δὲ τῶν Ἀθηναίων ἀντεξέπλευσαν, ὡς ἱστορεῖ Φα‐ νόδημος (FGrH 325 F 22) ἑξακοσίαις ναυσίν, ὡς δ’ Ἔφο‐ | |
Cim.12.7 | ρος (FGrH 70 F 192) πεντήκοντα καὶ τριακοσίαις. ἔργον δὲ κατὰ γοῦν τὴν θάλατταν οὐδὲν ὑπ’ αὐτῶν ἐπράχθη τῆς δυνάμεως ἄξιον, ἀλλ’ εὐθὺς εἰς τὴν γῆν ἀποστρέ‐ φοντες ἐξέπιπτον οἱ πρῶτοι καὶ κατέφευγον εἰς τὸ πεζὸν | |
| 5 | ἐγγὺς παρατεταγμένον, οἱ δὲ καταλαμβανόμενοι διεφθεί‐ | |
Cim.12.8 | ροντο μετὰ τῶν νεῶν. ᾧ καὶ δῆλόν ἐστιν, ὅτι πάμπολλαί τινες αἱ πεπληρωμέναι τοῖς βαρβάροις νῆες ἦσαν, ὅτε πολλῶν μὲν ὡς εἰκὸς ἐκφυγουσῶν, πολλῶν δὲ συντρι‐ βεισῶν, ὅμως αἰχμαλώτους διακοσίας ἔλαβον οἱ Ἀθη‐ | |
| 5 | ναῖοι. | |
Cim.13.1 | Τῶν δὲ πεζῶν ἐπικαταβάντων πρὸς τὴν θάλασ‐ σαν, μέγα μὲν ἔργον ἐφαίνετο τῷ Κίμωνι τὸ βιάζεσθαι | |
| τὴν ἀπόβασιν καὶ κεκμηκότας ἀκμῆσι καὶ πολλαπλασίοις ἐπάγειν τοὺς Ἕλληνας, ὅμως δὲ ῥώμῃ καὶ φρονήματι | 348 | |
| 5 | τοῦ κρατεῖν ὁρῶν ἐπηρμένους καὶ προθύμους ὁμόσε χω‐ ρεῖν τοῖς βαρβάροις, ἀπεβίβαζε τοὺς ὁπλίτας, ἔτι θερ‐ μοὺς τῷ κατὰ τὴν ναυμαχίαν ἀγῶνι μετὰ κραυγῆς καὶ | |
Cim.13.2 | δρόμου προσφερομένους. ὑποστάντων δὲ τῶν Περσῶν καὶ δεξαμένων οὐκ ἀγεννῶς, κρατερὰ μάχη συνέστη, καὶ τῶν Ἀθηναίων ἄνδρες ἀγαθοὶ καὶ τοῖς ἀξιώμασι πρῶτοι καὶ διαπρεπεῖς ἔπεσον. πολλῷ δ’ ἀγῶνι τρεψάμενοι τοὺς | |
| 5 | βαρβάρους ἔκτεινον, εἶθ’ ᾕρουν αὐτούς τε καὶ σκηνὰς | |
Cim.13.3 | παντοδαπῶν χρημάτων γεμούσας. Κίμων δ’ ὥσπερ ἀ‐ θλητὴς δεινὸς ἡμέρᾳ μιᾷ δύο καθῃρηκὼς ἀγωνίσματα, καὶ τὸ μὲν ἐν Σαλαμῖνι πεζομαχίᾳ, τὸ δ’ ἐν Πλαταιαῖς ναυμαχίᾳ παρεληλυθὼς τρόπαιον, ἐπηγωνίσατο ταῖς νί‐ | |
| 5 | καις, καὶ τὰς ὀγδοήκοντα Φοινίσσας τριήρεις, αἳ τῆς μάχης ἀπελείφθησαν, Ὕδρῳ προσβεβληκέναι πυθόμε‐ νος, διὰ τάχους ἔπλευσεν, οὐδὲν εἰδότων βέβαιον οὔπω περὶ τῆς μείζονος δυνάμεως τῶν στρατηγῶν, ἀλλὰ δυσ‐ πίστως ἔτι καὶ μετεώρως ἐχόντων· ᾗ καὶ μᾶλλον ἐκ‐ | |
| 10 | πλαγέντες ἀπώλεσαν τὰς ναῦς ἁπάσας. καὶ τῶν ἀνδρῶν οἱ πλεῖστοι συνδιεφθάρησαν. | |
Cim.13.4 | Τοῦτο τὸ ἔργον οὕτως ἐταπείνωσε τὴν γνώμην τοῦ βασιλέως, ὥστε συνθέσθαι τὴν περιβόητον εἰρήνην ἐκεί‐ νην, ἵππου μὲν δρόμον ἀεὶ τῆς Ἑλληνικῆς ἀπέχειν θα‐ λάσσης, ἔνδον δὲ Κυανέων καὶ Χελιδονίων μακρᾷ νηὶ | |
| 5 | καὶ χαλκεμβόλῳ μὴ πλέειν. καίτοι Καλλισθένης (FGrH 124 F 16) οὔ φησι ταῦτα συνθέσθαι τὸν βάρβαρον, ἔργῳ δὲ ποιεῖν διὰ φόβον τῆς ἥττης ἐκείνης, καὶ μα‐ κρὰν οὕτως ἀποστῆναι τῆς Ἑλλάδος, ὥστε πεντή‐ κοντα ναυσὶ Περικλέα καὶ τριάκοντα μόναις Ἐφιάλτην | |
| 10 | ἐπέκεινα πλεῦσαι Χελιδονίων καὶ μηδὲν αὐτοῖς ναυτικὸν | |
Cim.13.5 | ἀπαντῆσαι παρὰ τῶν βαρβάρων. ἐν δὲ τοῖς ψηφίσμασιν ἃ συνήγαγε Κρατερὸς (FGrH 342 F 13) ἀντίγραφα συν‐ θηκῶν ὡς γενομένων κατατέτακται. φασὶ δὲ καὶ βωμὸν Εἰρήνης διὰ ταῦτα τοὺς Ἀθηναίους ἱδρύσασθαι, καὶ Καλ‐ | 349 |
| 5 | λίαν τὸν πρεσβεύσαντα τιμῆσαι διαφερόντως. Πραθέντων δὲ τῶν αἰχμαλώτων λαφύρων, εἴς τε τὰ ἄλλα χρήμασιν ὁ δῆμος ἐρρώσθη, καὶ τῇ ἀκροπόλει τὸ νότιον τεῖχος κατεσκεύασεν, ἀπ’ ἐκείνης εὐπορήσας τῆς | |
Cim.13.6 | στρατείας. λέγεται δὲ καὶ τῶν μακρῶν τειχῶν, ἃ σκέλη καλοῦσι, συντελεσθῆναι μὲν ὕστερον τὴν οἰκοδομίαν, τὴν δὲ πρώτην θεμελίωσιν, εἰς τόπους ἑλώδεις καὶ διαβρό‐ χους τῶν ἔργων ἐμπεσόντων, ἐρεισθῆναι διὰ Κίμωνος | |
| 5 | ἀσφαλῶς, χάλικι πολλῇ καὶ λίθοις βαρέσι τῶν ἑλῶν πιεσθέντων, ἐκείνου χρήματα πορίζοντος καὶ διδόντος. | |
Cim.13.7 | πρῶτος δὲ ταῖς λεγομέναις ἐλευθερίοις καὶ γλαφυραῖς διατριβαῖς, αἳ μικρὸν ὕστερον ὑπερφυῶς ἠγαπήθησαν, ἐκαλλώπισε τὸ ἄστυ, τὴν μὲν ἀγορὰν πλατάνοις κατα‐ φυτεύσας, τὴν δ’ Ἀκαδήμειαν ἐξ ἀνύδρου καὶ αὐχμηρᾶς | |
| 5 | κατάρρυτον ἀποδείξας ἄλσος, ἠσκημένον ὑπ’ αὐτοῦ δρό‐ μοις καθαροῖς καὶ συσκίοις περιπάτοις. | |
Cim.14.1 | Ἐπεὶ δὲ τῶν Περσῶν τινες οὐκ ἐβούλοντο τὴν Χερρόνησον ἐκλιπεῖν, ἀλλὰ καὶ τοὺς Θρᾷκας ἄνωθεν ἐπεκαλοῦντο, καταφρονοῦντες τοῦ Κίμωνος, μετ’ ὀλίγων παντάπασι τριήρων Ἀθήνηθεν ἐκπεπλευκότος, ὁρμήσας | |
| 5 | ἐπ’ αὐτοὺς τέτταρσι μὲν ναυσὶ τρισκαίδεκα τὰς ἐκείνων ἔλαβεν, ἐξελάσας δὲ τοὺς Πέρσας καὶ κρατήσας τῶν Θρᾳκῶν πᾶσαν ᾠκειώσατο τῇ πόλει τὴν Χερρόνησον. | |
Cim.14.2 | ἐκ δὲ τούτου Θασίους μὲν ἀποστάντας Ἀθηναίων κατα‐ ναυμαχήσας, τρεῖς καὶ τριάκοντα ναῦς ἔλαβε καὶ τὴν πόλιν ἐξεπολιόρκησε, καὶ τὰ χρυσεῖα τὰ πέραν Ἀθη‐ | |
| ναίοις προσεκτήσατο, καὶ χώραν ἧς ἐπῆρχον Θάσιοι παρ‐ | 350 | |
Cim.14.3 | έλαβεν. ἐκεῖθεν δὲ ῥᾳδίως ἐπιβῆναι Μακεδονίας καὶ πολ‐ λὴν ἀποτεμέσθαι παρασχὸν ὡς ἐδόκει, μὴ θελήσας αἰ‐ τίαν ἔσχε δώροις ὑπὸ τοῦ βασιλέως Ἀλεξάνδρου συμ‐ πεπεῖσθαι, καὶ δίκην ἔφυγε τῶν ἐχθρῶν συστάντων | |
Cim.14.4 | ἐπ’ αὐτόν. ἀπολογούμενος δὲ πρὸς τοὺς δικαστάς, οὐκ Ἰώνων ἔφη προξενεῖν οὐδὲ Θεσσαλῶν πλουσίων ὄντων ὥσπερ ἑτέρους, ἵνα θεραπεύωνται καὶ λαμβάνωσιν, ἀλλὰ Λακεδαιμονίων, μιμούμενος καὶ ἀγαπῶν τὴν παρ’ αὐ‐ | |
| 5 | τοῖς εὐτέλειαν καὶ σωφροσύνην, ἧς οὐδένα προτιμᾶν πλοῦτον, ἀλλὰ πλουτίζων ἀπὸ τῶν πολεμίων τὴν πόλιν | |
Cim.14.5 | ἀγάλλεσθαι. μνησθεὶς δὲ τῆς κρίσεως ἐκείνης ὁ Στη‐ σίμβροτός (FGrH 107 F 5) φησι τὴν Ἐλπινίκην ὑπὲρ τοῦ Κίμωνος δεομένην ἐλθεῖν ἐπὶ τὰς θύρας τοῦ Περι‐ κλέους—οὗτος γὰρ ἦν τῶν κατηγόρων ὁ σφοδρότατος—, | |
| 5 | τὸν δὲ μειδιάσαντα ‘γραῦς εἶ‘ φάναι ‘γραῦς ὦ Ἐλπινίκη, ὡς τηλικαῦτα διαπράττεσθαι πράγματα·‘ πλὴν ἔν γε τῇ δίκῃ πρᾳότατον γενέσθαι τῷ Κίμωνι καὶ πρὸς τὴν κατ‐ ηγορίαν ἅπαξ ἀναστῆναι μόνον ὥσπερ ἀφοσιούμενον. | |
Cim.15.1 | Ἐκείνην μὲν οὖν ἀπέφυγε τὴν δίκην· ἐν δὲ τῇ λοιπῇ πολιτείᾳ παρὼν μὲν ἐκράτει καὶ συνέστελλε τὸν δῆμον, ἐπιβαίνοντα τοῖς ἀρίστοις καὶ περισπῶντα τὴν | |
Cim.15.2 | πᾶσαν εἰς ἑαυτὸν ἀρχὴν καὶ δύναμιν· ὡς δὲ πάλιν ἐπὶ στρατείαν ἐξέπλευσε, τελέως ἀνεθέντες οἱ πολλοὶ καὶ συγχέαντες τὸν καθεστῶτα τῆς πολιτείας κόσμον τά 〈τε〉 πάτρια νόμιμα οἷς ἐχρῶντο πρότερον, Ἐφιάλτου | |
| 5 | προεστῶτος ἀφείλοντο τῆς ἐξ Ἀρείου πάγου βουλῆς τὰς κρίσεις πλὴν ὀλίγων ἁπάσας, καὶ τῶν δικαστηρίων κυ‐ ρίους ἑαυτοὺς ποιήσαντες, εἰς ἄκρατον δημοκρατίαν ἐνέ‐ | |
| βαλον τὴν πόλιν, ἤδη καὶ Περικλέους δυναμένου καὶ τὰ | 351 | |
Cim.15.3 | τῶν πολλῶν φρονοῦντος. διὸ καὶ τοῦ Κίμωνος ὡς ἐπαν‐ ῆλθεν ἀγανακτοῦντος ἐπὶ τῷ προπηλακίζεσθαι τὸ ἀξίω‐ μα τοῦ συνεδρίου, καὶ πειρωμένου πάλιν ἄνω τὰς δίκας ἀνακαλεῖσθαι καὶ τὴν ἐπὶ Κλεισθένους ἐγείρειν ἀριστο‐ | |
| 5 | κρατίαν, κατεβόων συνιστάμενοι καὶ τὸν δῆμον ἐξηρέ‐ θιζον, ἐκεῖνά τε τὰ πρὸς τὴν ἀδελφὴν ἀνανεούμενοι καὶ | |
Cim.15.4 | Λακωνισμὸν ἐπικαλοῦντες. εἰς ἃ καὶ τὰ Εὐπόλιδος (fr. 208 K.) διατεθρύληται περὶ Κίμωνος, ὅτι | |
| 2 | κακὸς μὲν οὐκ ἦν, φιλοπότης δὲ κἀμελής κἀνίοτ’ 〈ἂν〉 ἀπεκοιμᾶτ’ ἂν ἐν Λακεδαίμονι | |
| 5 | κἂν Ἐλπινίκην τῇδε καταλιπὼν μόνην. | |
| 5 | ||
Cim.15.5 | εἰ δ’ ἀμελῶν καὶ μεθυσκόμενος τοσαύτας πόλεις εἷλε καὶ τοσαύτας νίκας ἐνίκησε, δῆλον ὅτι νήφοντος αὐτοῦ καὶ προσέχοντος οὐδεὶς ἂν οὔτε τῶν πρότερον οὔτε τῶν ὕστε‐ ρον Ἑλλήνων παρῆλθε τὰς πράξεις. | |
Cim.16.1 | Ἦν μὲν οὖν ἀπ’ ἀρχῆς φιλολάκων, καὶ τῶν γε παίδων τῶν διδύμων τὸν ἕτερον Λακεδαιμόνιον ὠνόμασε, τὸν δ’ ἕτερον Ἠλεῖον, ἐκ γυναικὸς αὐτῷ Κλειτορίας γενομένους, ὡς Στησίμβροτος (FGrH 107 F 6) ἱστορεῖ· | |
| 5 | διὸ πολλάκις Περικλέα τὸ μητρῷον αὐτοῖς γένος ὀνειδί‐ ζειν. Διόδωρος δ’ ὁ περιηγητὴς (FGrH 372 F 37) καὶ τού‐ τους φησὶ καὶ τὸν τρίτον τῶν Κίμωνος υἱῶν Θεσσαλὸν ἐξ Ἰσοδίκης γεγονέναι τῆς Εὐρυπτολέμου τοῦ Μεγακλέ‐ | |
Cim.16.2 | ους. ηὐξήθη δ’ ὑπὸ τῶν Λακεδαιμονίων, ἤδη τῷ Θεμι‐ στοκλεῖ προσπολεμούντων καὶ τοῦτον ὄντα νέον ἐν Ἀθή‐ ναις μᾶλλον ἰσχύειν καὶ κρατεῖν βουλομένων. οἱ δ’ Ἀθη‐ | |
| ναῖοι τὸ πρῶτον ἡδέως ἑώρων, οὐ μικρὰ τῆς πρὸς ἐκεῖνον | 352 | |
| 5 | εὐνοίας τῶν Σπαρτιατῶν ἀπολαύοντες· αὐξανομένοις γὰρ αὐτοῖς κατ’ ἀρχὰς καὶ τὰ συμμαχικὰ πολυπραγμονοῦσιν | |
Cim.16.3 | οὐκ ἤχθοντο τιμῇ καὶ χάριτι τοῦ Κίμωνος. τὰ γὰρ πλεῖστα δι’ ἐκείνου τῶν Ἑλληνικῶν διεπράττετο, πρᾴως μὲν τοῖς συμμάχοις, κεχαρισμένως δὲ τοῖς Λακεδαιμο‐ νίοις ὁμιλοῦντος. ἔπειτα δυνατώτεροι γενόμενοι καὶ τὸν | |
| 5 | Κίμωνα τοῖς Σπαρτιάταις οὐκ ἠρέμα προσκείμενον ὁρῶντες ἤχθοντο. καὶ γὰρ αὐτὸς ἐπὶ παντὶ μεγαλύνων τὴν Λακεδαίμονα πρὸς Ἀθηναίους, καὶ μάλιστα ὅτε τύ‐ χοι μεμφόμενος αὐτοῖς ἢ παροξύνων, ὥς φησι Στησίμ‐ βροτος (FGrH 107 F 7), εἰώθει λέγειν· ‘ἀλλ’ οὐ Λακε‐ | |
| 10 | δαιμόνιοί γε τοιοῦτοι.‘ ὅθεν φθόνον ἑαυτῷ συνῆγε καὶ δυσμένειάν τινα παρὰ τῶν πολιτῶν. | |
Cim.16.4 | Ἡ δ’ οὖν ἰσχύσασα μάλιστα κατ’ αὐτοῦ τῶν διαβο‐ λῶν αἰτίαν ἔσχε τοιαύτην. Ἀρχιδάμου τοῦ Ζευξιδάμου τέταρτον ἔτος ἐν Σπάρτῃ βασιλεύοντος, ὑπὸ σεισμοῦ μεγίστου δὴ τῶν μνημονευομένων πρότερον ἥ τε χώρα | |
| 5 | τῶν Λακεδαιμονίων χάσμασιν ἐνώλισθε πολλοῖς, καὶ τῶν Ταϋγέτων τιναχθέντων κορυφαί τινες ἀπερράγησαν, αὐ‐ τὴ δ’ ἡ πόλις ὅλη συνεχύθη πλὴν οἰκιῶν πέντε, τὰς | |
Cim.16.5 | δ’ ἄλλας ἤρειψεν ὁ σεισμός. ἐν δὲ μέσῃ τῇ στοᾷ, γυμνα‐ ζομένων ὁμοῦ τῶν ἐφήβων καὶ τῶν νεανίσκων, λέγεται μικρὸν πρὸ τοῦ σεισμοῦ λαγὼν παραφανῆναι, καὶ τοὺς μὲν νεανίσκους ὥσπερ ἦσαν ἀληλιμμένοι μετὰ παιδιᾶς | |
| 5 | ἐκδραμεῖν καὶ διώκειν, τοῖς δ’ ἐφήβοις ὑπολειφθεῖσιν ἐπιπεσεῖν τὸ γυμνάσιον, καὶ πάντας ὁμοῦ τελευτῆσαι. τὸν δὲ τάφον αὐτῶν ἔτι νῦν Σεισματίαν προσαγορεύουσι. | |
Cim.16.6 | ταχὺ δὴ συνιδὼν ἀπὸ τοῦ παρόντος τὸν μέλλοντα κίν‐ δυνον ὁ Ἀρχίδαμος, καὶ τοὺς πολίτας ὁρῶν ἐκ τῶν οἰ‐ | |
| κιῶν τὰ τιμιώτατα πειρωμένους σῴζειν, ἐκέλευσε τῇ σάλπιγγι σημαίνειν ὡς πολεμίων ἐπιόντων, ὅπως ὅτι | 353 | |
| 5 | τάχιστα μετὰ τῶν ὅπλων ἀθροίζωνται πρὸς αὐτόν. ὃ δὴ | |
Cim.16.7 | καὶ μόνον ἐν τῷ τότε καιρῷ τὴν Σπάρτην διέσωσεν. οἱ γὰρ εἵλωτες ἐκ τῶν ἀγρῶν συνέδραμον πανταχόθεν ὡς ἀναρπασόμενοι τοὺς σεσωσμένους τῶν Σπαρτιατῶν, ὡπλισμένους δὲ καὶ συντεταγμένους εὑρόντες, ἀνεχώρη‐ | |
| 5 | σαν ἐπὶ τὰς πόλεις καὶ φανερῶς ἐπολέμουν, τῶν τε περιοίκων ἀναπείσαντες οὐκ ὀλίγους, καὶ Μεσσηνίων ἅμα τοῖς Σπαρτιάταις συνεπιθεμένων. | |
Cim.16.8 | Πέμπουσιν οὖν οἱ Λακεδαιμόνιοι Περικλείδαν εἰς Ἀθή‐ νας δεόμενοι βοηθεῖν, ὅν φησι κωμῳδῶν Ἀριστοφάνης (Lysistr. 1138) καθεζόμενον | |
| 3 | ἐπὶ τοῖσι βωμοῖς ὠχρὸν ἐν φοινικίδι | |
| 5 | στρατιὰν ἐπαιτεῖν. | |
| 5 | ||
Cim.16.9 | Ἐφιάλτου δὲ κωλύοντος καὶ διαμαρτυρομένου μὴ βοη‐ θεῖν μηδ’ ἀνιστάναι πόλιν ἀντίπαλον ἐπὶ τὰς Ἀθήνας, ἀλλ’ ἐᾶν κεῖσθαι καὶ πατηθῆναι τὸ φρόνημα τῆς Σπάρ‐ της, Κίμωνά φησι Κριτίας (FHG II 70) τὴν τῆς πατρί‐ | |
| 5 | δος αὔξησιν ἐν ὑστέρῳ θέμενον τοῦ Λακεδαιμονίων συμ‐ φέροντος ἀναπείσαντα τὸν δῆμον ἐξελθεῖν βοηθοῦντα | |
Cim.16.10 | μετὰ πολλῶν ὁπλιτῶν. ὁ δ’ Ἴων (FGrH 392 F 14) ἀπο‐ μνημονεύει καὶ τὸν λόγον, ᾧ μάλιστα τοὺς Ἀθηναίους ἐκίνησε, παρακαλῶν μήτε τὴν Ἑλλάδα χωλὴν μήτε τὴν πόλιν ἑτερόζυγα περιιδεῖν γεγενημένην. | |
Cim.17.1 | Ἐπεὶ δὲ βοηθήσας τοῖς Λακεδαιμονίοις ἀπῄει διὰ Κορίνθου τὴν στρατιὰν ἄγων, ἐνεκάλει Λάχαρτος αὐτῷ, πρὶν ἐντυχεῖν τοῖς πολίταις εἰσαγαγόντι τὸ στράτευμα· καὶ γὰρ θύραν κόψαντας ἀλλοτρίαν οὐκ εἰσιέναι πρό‐ | |
Cim.17.2 | τερον ἢ τὸν κύριον κελεῦσαι. καὶ ὁ Κίμων ‘ἀλλ’ οὐχ ὑμεῖσ‘ εἶπεν ‘ὦ Λάχαρτε τὰς Κλεωναίων καὶ Μεγαρέων πύλας κόψαντες, ἀλλὰ κατασχίσαντες εἰσεβιάσασθε μετὰ τῶν ὅπλων, ἀξιοῦντες ἀνεῳγέναι πάντα τοῖς μεῖζον δυ‐ | 354 |
| 5 | ναμένοισ‘. οὕτω μὲν ἐθρασύνατο πρὸς τὸν Κορίνθιον ἐν δέοντι, καὶ μετὰ τῆς στρατιᾶς διεξῆλθεν. | |
Cim.17.3 | Οἱ δὲ Λακεδαιμόνιοι τοὺς Ἀθηναίους αὖθις ἐκάλουν ἐπὶ τοὺς ἐν Ἰθώμῃ Μεσσηνίους καὶ εἵλωτας, ἐλθόντων δὲ τὴν τόλμαν καὶ τὴν λαμπρότητα δείσαντες, ἀπεπέμ‐ ψαντο μόνους τῶν συμμάχων ὡς νεωτεριστάς. οἱ δὲ | |
| 5 | πρὸς ὀργὴν ἀπελθόντες, ἤδη τοῖς λακωνίζουσι φανερῶς ἐχαλέπαινον, καὶ τὸν Κίμωνα μικρᾶς ἐπιλαβόμενοι προ‐ φάσεως ἐξωστράκισαν εἰς ἔτη δέκα· τοσοῦτον γὰρ ἦν χρόνου τεταγμένον ἅπασι τοῖς ἐξοστρακιζομένοις. | |
Cim.17.4 | Ἐν δὲ τούτῳ τῶν Λακεδαιμονίων, ὡς ἐπανήρχοντο Δελφοὺς ἀπὸ Φωκέων ἐλευθερώσαντες, ἐν Τανάγρᾳ κα‐ ταστρατοπεδευσάντων, Ἀθηναῖοι μὲν ἀπήντων διαμαχού‐ μενοι, Κίμων δὲ μετὰ τῶν ὅπλων ἧκεν εἰς τὴν αὑτοῦ | |
| 5 | φυλὴν τὴν Οἰνηίδα, πρόθυμος ὢν ἀμύνεσθαι τοὺς Λακε‐ | |
Cim.17.5 | δαιμονίους μετὰ τῶν πολιτῶν. ἡ δὲ βουλὴ τῶν πεντα‐ κοσίων πυθομένη καὶ φοβηθεῖσα, τῶν ἐχθρῶν αὐτοῦ καταβοώντων ὡς συνταράξαι τὴν φάλαγγα βουλομένου καὶ τῇ πόλει Λακεδαιμονίους ἐπαγαγεῖν, ἀπηγόρευσε | |
Cim.17.6 | τοῖς στρατηγοῖς μὴ δέχεσθαι τὸν ἄνδρα. κἀκεῖνος μὲν ᾤχετο, δεηθεὶς Εὐθίππου τοῦ Ἀναφλυστίου καὶ τῶν ἄλλων ἑταίρων, ὅσοι μάλιστα τὴν τοῦ λακωνίζειν αἰτίαν ἔσχον, ἐρρωμένως ἀγωνίσασθαι πρὸς τοὺς πολεμίους καὶ | |
| 5 | δι’ ἔργων ἀπολύσασθαι τὴν αἰτίαν πρὸς τοὺς πολίτας. | |
Cim.17.7 | οἱ δὲ λαβόντες αὐτοῦ τὴν πανοπλίαν εἰς τὸν λόχον ἔθεντο, καὶ μετ’ ἀλλήλων συστάντες ἐκθύμως ἑκατὸν ὄντες ἔπεσον, πολὺν αὑτῶν πόθον καὶ μεταμέλειαν ἐφ’ οἷς | |
Cim.17.8 | ᾐτιάθησαν ἀδίκως ἀπολιπόντες τοῖς Ἀθηναίοις. ὅθεν οὐδὲ τῷ πρὸς Κίμωνα θυμῷ πολὺν χρόνον ἐνέμειναν, τὰ μὲν ὡς εἰκὸς ὧν ἔπαθον εὖ μεμνημένοι, τὰ δὲ τοῦ καιροῦ συλλαμβανομένου. νενικημένοι γὰρ ἐν Τανάγρᾳ | 355 |
| 5 | μάχῃ μεγάλῃ καὶ προσδοκῶντες εἰς ὥραν ἔτους στρατιὰν Πελοποννησίων ἐπ’ αὐτούς, ἐκάλουν ἐκ τῆς φυγῆς τὸν Κίμωνα, καὶ κατῆλθε, τὸ ψήφισμα γράψαντος αὐτοῦ | |
Cim.17.9 | Περικλέους. οὕτω τότε πολιτικαὶ μὲν ἦσαν αἱ διαφο‐ ραί, μέτριοι δ’ οἱ θυμοὶ καὶ πρὸς τὸ κοινὸν εὐανάκλητοι συμφέρον, ἡ δὲ φιλοτιμία πάντων ἐπικρατοῦσα τῶν πα‐ θῶν τοῖς τῆς πατρίδος ὑπεχώρει καιροῖς. | |
Cim.18.1 | Εὐθὺς μὲν οὖν ὁ Κίμων κατελθὼν ἔλυσε τὸν πόλε‐ μον καὶ διήλλαξε τὰς πόλεις· γενομένης δ’ εἰρήνης, ὁρῶν τοὺς Ἀθηναίους ἡσυχίαν ἄγειν μὴ δυναμένους, ἀλλὰ κινεῖσθαι καὶ αὐξάνεσθαι ταῖς στρατείαις βουλομένους, | |
| 5 | ἵνα μὴ τοῖς Ἕλλησι διοχλῶσι μηδὲ περὶ τὰς νήσους ἢ Πελοπόννησον ἀναστρεφόμενοι ναυσὶ πολλαῖς αἰτίας ἐμφυ‐ λίων πολέμων καὶ συμμαχικῶν ἐγκλημάτων ἀρχὰς ἐπι‐ σπάσωνται κατὰ τῆς πόλεως, ἐπλήρου τριακοσίας τριή‐ ρεις, ὡς ἐπ’ Αἴγυπτον καὶ Κύπρον αὖθις ἐκστρατευσό‐ | |
| 10 | μενος, ἅμα μὲν ἐμμελετᾶν τοῖς πρὸς τοὺς βαρβάρους ἀγῶσι βουλόμενος τοὺς Ἀθηναίους, ἅμα δ’ ὠφελεῖσθαι δικαίως, τὰς ἀπὸ τῶν φύσει πολεμίων εὐπορίας εἰς τὴν | |
Cim.18.2 | Ἑλλάδα κομίζοντας. ἤδη δὲ παρεσκευασμένων ἁπάντων καὶ τοῦ στρατοῦ παρὰ ταῖς ναυσὶν ὄντος, ὄναρ εἶδεν ὁ Κίμων· ἐδόκει κύνα θυμουμένην ὑλακτεῖν πρὸς αὐτόν, ἐκ δὲ τῆς ὑλακῆς μεμειγμένον ἀφεῖσαν ἀνθρώπου φθόγ‐ | |
| 5 | γον εἰπεῖν· | |
Cim.18.3 | στεῖχε· φίλος γὰρ ἔσῃ καὶ ἐμοὶ καὶ ἐμοῖς σκυλάκεσσιν. | |
| οὕτω δὲ δυσκρίτου τῆς ὄψεως οὔσης, Ἀστύφιλος ὁ Πο‐ σειδωνιάτης, μαντικὸς ἀνὴρ καὶ συνήθης τῷ Κίμωνι, φράζει θάνατον αὐτῷ προσημαίνειν τὴν ὄψιν, οὕτω διαι‐ | 356 | |
| 5 | ρῶν· κύων ἀνθρώπῳ πρὸς ὃν ὑλακτεῖ πολέμιος· πολε‐ μίῳ δ’ οὐκ ἄν τις μᾶλλον ἢ τελευτήσας φίλος γένοιτο· τὸ δὲ μεῖγμα τῆς φωνῆς Μῆδον ἀποδηλοῖ τὸν ἐχθρόν· ὁ γὰρ Μήδων στρατὸς Ἕλλησιν ὁμοῦ καὶ βαρβάροις μέ‐ | |
Cim.18.4 | μεικται. μετὰ δὲ ταύτην τὴν ὄψιν αὐτοῦ τῷ Διονύσῳ θύσαντος, ὁ μὲν μάντις ἀνέτεμε τὸ ἱερεῖον, τοῦ δ’ αἵμα‐ τος τὸ πηγνύμενον ἤδη μύρμηκες πολλοὶ λαμβάνοντες κατὰ μικρὸν ἔφερον πρὸς τὸν Κίμωνα, καὶ τοῦ ποδὸς περὶ | |
| 5 | τὸν μέγαν δάκτυλον περιέπλαττον, ἐπὶ πολὺν χρόνον λαν‐ | |
Cim.18.5 | θάνοντες. ἅμα δέ πως ὅ τε Κίμων τῷ γιγνομένῳ προσ‐ έσχε, καὶ παρῆν ὁ θύτης ἐπιδεικνύμενος αὐτῷ τὸν λο‐ βὸν οὐκ ἔχοντα κεφαλήν. ἀλλ’—οὐ γὰρ ἦν ἀνάδυσις τῆς στρατείας—ἐξέπλευσε, καὶ τῶν νεῶν ἑξήκοντα μὲν | |
| 5 | ἀπέστειλεν εἰς Αἴγυπτον, ταῖς δ’ ἄλλαις † πάλιν ἔπλει, | |
Cim.18.6 | καὶ καταναυμαχήσας Φοινισσῶν νεῶν καὶ Κιλισσῶν βασιλικὸν στόλον, ἀνεκτᾶτό τε τὰς ἐν κύκλῳ πόλεις καὶ τοῖς περὶ Αἴγυπτον ἐφήδρευεν, οὐδὲν μικρόν, ἀλλ’ ὅλης ἐπινοῶν τῆς βασιλέως ἡγεμονίας κατάλυσιν, καὶ μάλιστα | |
| 5 | ὅτι τοῦ Θεμιστοκλέους ἐπυνθάνετο δόξαν εἶναι καὶ δύνα‐ μιν ἐν τοῖς βαρβάροις μεγάλην, ὑποδεδεγμένου βασιλεῖ | |
Cim.18.7 | κινοῦντι τὸν Ἑλληνικὸν πόλεμον στρατηγήσειν. Θεμιστο‐ κλῆς μὲν οὖν οὐχ ἥκιστα λέγεται τὰς Ἑλληνικὰς πράξεις ἀπογνούς, ὡς οὐκ ἂν ὑπερβαλόμενος τὴν Κίμωνος εὐτυ‐ χίαν καὶ ἀρετήν, ἑκὼν τελευτῆσαι, Κίμων δὲ μεγάλων | |
| 5 | ἐπαιρόμενος ἀρχὰς ἀγώνων καὶ περὶ Κύπρον συνέχων | |
| τὸ ναυτικόν, ἔπεμψεν εἰς Ἄμμωνος ἄνδρας ἀπόρρητόν τινα μαντείαν ποιησομένους παρὰ τῷ θεῷ· γιγνώσκει γὰρ οὐδεὶς ὑπὲρ ὧν ἐπέμφθησαν, οὐδὲ χρησμὸν αὐτοῖς ὁ θεὸς ἐξήνεγκεν, ἀλλ’ ἅμα τῷ προσελθεῖν ἐκέλευσεν | 357 | |
| 10 | ἀπιέναι τοὺς θεοπρόπους· αὐτὸν γὰρ ἤδη τὸν Κίμωνα | |
Cim.18.8 | παρ’ ἑαυτῷ τυγχάνειν ὄντα. ταῦτ’ ἀκούσαντες οἱ θεο‐ πρόποι κατέβαινον ἐπὶ θάλασσαν· γενόμενοι δ’ ἐν τῷ στρατοπέδῳ τῶν Ἑλλήνων, ὃ τότε περὶ Αἴγυπτον ἦν, ἐπύθοντο τεθνάναι τὸν Κίμωνα, καὶ τὰς ἡμέρας πρὸς τὸ | |
| 5 | μαντεῖον ἀνάγοντες, ἔγνωσαν ᾐνιγμένην τὴν τελευτὴν τοῦ ἀνδρὸς ὡς ἤδη παρὰ θεοῖς ὄντος. | |
Cim.19.1 | Ἀπέθανε δὲ πολιορκῶν Κίτιον, ὡς οἱ πλεῖστοι λέ‐ γουσι νοσήσας· ἔνιοι δέ φασιν ἐκ τραύματος, ὃ πρὸς | |
Cim.19.2 | τοὺς βαρβάρους ἀγωνιζόμενος ἔσχε. τελευτῶν δὲ τοὺς περὶ αὐτὸν ἐκέλευσεν εὐθὺς ἀποπλεῖν, ἀποκρυψαμένους τὸν θάνατον αὐτοῦ, καὶ συνέβη μήτε τῶν πολεμίων μήτε τῶν συμμάχων αἰσθομένων ἀσφαλῶς αὐτοὺς ἀνακομι‐ | |
| 5 | σθῆναι, στρατηγουμένους ὑπὸ Κίμωνος, ὥς φησι Φανό‐ δημος (FGrH 325 F 23), τεθνηκότος ἐφ’ ἡμέρας τρι‐ άκοντα. | |
Cim.19.3 | Μετὰ δὲ τὴν ἐκείνου τελευτὴν πρὸς μὲν τοὺς βαρβά‐ ρους οὐδὲν ἔτι λαμπρὸν ὑπ’ οὐδενὸς ἐπράχθη στρατηγοῦ τῶν Ἑλλήνων, ἀλλὰ τραπέντες ὑπὸ δημαγωγῶν καὶ πολε‐ μοποιῶν ἐπ’ ἀλλήλους, οὐδενὸς τὰς χεῖρας ἐν μέσῳ δια‐ | |
| 5 | σχόντος, συνερράγησαν εἰς τὸν πόλεμον, ἀναπνοὴν μὲν τοῖς βασιλέως πράγμασι γενόμενον, φθόρον δ’ ἀμύθητον | |
Cim.19.4 | τῆς Ἑλληνικῆς δυνάμεως ἀπεργασάμενον. ὀψὲ δ’ οἱ περὶ τὸν Ἀγησίλαον εἰς τὴν Ἀσίαν ἐξενεγκάμενοι τὰ ὅπλα, βραχέος ἥψαντο πολέμου πρὸς τοὺς ἐπὶ θαλάσσῃ βασι‐ λέως στρατηγούς, καὶ λαμπρὸν οὐδὲν οὐδὲ μέγα δρά‐ | |
| 5 | σαντες, αὖθις δὲ ταῖς Ἑλληνικαῖς στάσεσι καὶ ταραχαῖς ἀφ’ ἑτέρας ἀρχῆς ὑπενεχθέντες, ᾤχοντο, τοὺς Περσῶν φορολόγους ἐν μέσαις ταῖς συμμάχοις καὶ φίλαις πόλε‐ σιν ἀπολιπόντες, ὧν οὐδὲ γραμματοφόρος κατέβαινεν οὐδ’ ἵππος πρὸς θαλάσσῃ τετρακοσίων σταδίων ἐντὸς | 358 |
| 10 | ὤφθη στρατηγοῦντος Κίμωνος. | |
Cim.19.5 | Ὅτι μὲν οὖν εἰς τὴν Ἀττικὴν ἀπεκομίσθη τὰ λείψανα αὐτοῦ, μαρτυρεῖ τῶν μνημάτων τὰ μέχρι νῦν Κιμώνεια προσαγορευόμενα· τιμῶσι δὲ καὶ Κιτιεῖς τάφον τινὰ Κί‐ μωνος, ὡς Ναυσικράτης ὁ ῥήτωρ φησίν, ἐν λοιμῷ καὶ | |
| 5 | γῆς ἀφορίᾳ τοῦ θεοῦ προστάξαντος αὐτοῖς μὴ ἀμελεῖν Κίμωνος, ἀλλ’ ὡς κρείττονα σέβεσθαι καὶ γεραίρειν. τοι‐ | |
| οῦτος μὲν ὁ Ἑλληνικὸς ἡγεμών. | 359 | |